عدم أمان

عايز اتكلم عن مشكله عندي عايزين تقولوو مجنون عادي عايزين تقوولو اني عاقل جدا ععادي الي انتو عايزينه انا حياتي دي عايشها بحرص شديد مثلا لو عملت اي حاجه بدور علي السلبيات قبل الحجات الحلوه شخص بيجلد زاته لدرجت انه مش بينام أليل قلا ميكون خلاص عقله بقا فنش بحاول انام مش بعرف انام بغمض عيني وبضحك علي نفسي بنوم او بصتنع النوم ولكن فعلن صاحي بعد بي الساعات صاحي وعامل نفسي نايم مشاكلتي اني نفس انج ومش لاقي فرصه تعبت من حياتي من كتر مشاكلها وسعات بتصنع البرود ولكن بردك تعبان من جويا حاسس اني الدنيا دي وحشه اوي غصب عني من الي شوفته شوفت حجات صعبه كتير بس مفيش حد جنبي واقف ساند نفسي عندي خوف من الي حوليا لدرجت انا وصل بي لفل اني عنت بعرف اني الي قدام مني عايز مني ايه وعنت بعرف الي بغدر والي عامل نفسه بيحبني

أوقات بحس إني تايه وسط أفكاري، يوم أبقى قوي ومفيش حاجة تهزني، ويوم تاني أبقى مستنزف من الزعل والندم والتفكير. بزعل على غلطاتي القديمة، وعلى ناس حبيتها وماحبتنيش بنفس الطريقة، وعلى محاولات ضاعت بدون تقدير. بقى عدم الأمان والعصبية جزء من يومي، والأسوأ إني معنديش حد أحكي له كل اللي جوايا بصدق. الغريب إن من برّه حياتي شكلها كويس، لكن من جوا… حاسس بفراغ كبير محدش شايفه غيري. المفروض اعمل ايه دلوقتي

نفسيتي مرهقه جدا حاسه ان ف بيئة غير مريحه معرفش هخرج منها امتي انا بقالي ٢٥ سنه ف الدنيا منهم ١٥ سنه كنت في بيت جميل لكن يفتقر للنظام والترتيب وت طول مكركب مهما اروق فيه واهتم يكركب لان الام والاب والاخوات معندهمش نظام لذلك طول الوقت كنا عايشين ف كركبه واصبحت اتاذي نفسيا من الكركبه جدا كمان دايما كان مفروض عليا اظهر قدام الناس بنفس الشكل دا كان مليش حق ابان بالشكل اللي بحبه الشكل المهندم وبعدها انتقلنا لبيت اكبر لكنه ابسط وغير متطور لا يوجد سخان دايما ف مشكله ف الميه بالخشب والطوب شكله مش حلو فوق كل دا مكركب جدااا اصبح عندي تروما من هذا الوضع اصبح كل حلمي وهدفي يكون عندي بيت جميل وكل ما اجي اعبر عن احتياجي للتجديد ف البيت لا اخد اي فرصه ف التعبير كان كل ما احاول اتكلم يسكتوني اما بالزعيق او بالتقليل من رغباتي حاسه ان فاقده للامان وعندي جروح كتير مش عارفه اضمد ايه ولا ايه معنديش حتى غرفه منفصله حتي كان عندي غرفه وادوها لاخويا ولما طلبت اخدها تاني اتقابلت بزعيق شديد وتقليل قدام اخواتي الصغيرين كانهم كسرو نفسي انا منهاره لان مضغوطه جدا ف شغلي وداخل البيت معنديش اي مساحه ولا خصوصيه وكمان كله طاقه سلبيه وشايفين ان هتجوز يعني مليش حقوق ف البيت تعبت من الوضع دا مشعارفه هخرج منه امتي ومش عارفه اتعامل معاه ازاي حاس تني مستهلكه جدا مفيش رفاهين اني افصل او استجم او اريح اعصابي

حاسه ان انا عمري ما حسيت بالامان سواء في عيلة او صحاب او شخص طول عمري مش مطمنة طول عمري حاسه ان في حاجه هتحصل مفيش حد جنبي يطمني ولو في حواليا ناس فهم مش بيفهموني فمش بيعرفو يطمنوني بحس ديما اني بهرب ديما من حياتي طيب بهرب من اي لا مش عارفه بهرب وخلاص بحاول الهي نفسي علي قد ما اقدر علشان مفكرش في اي حاجه من الماضي

بجد نفسيا مش احسن حاجه الحمد لله على نعمته بس انا بجد بقيت حاسه اني مفيش امان في حياتي بلجأ لربنا بس انا نفسيا بقيت حاسه اني مش في أمان نهائي وكمان بتحصلي وقعات كتير احنا مربيين قطط حرفيا كل شويه انا مش ملاحقه على تعبهم عمليات تعب نزلات معويه للامانه مش انا الي براعيهم بس جو تعبهم ده بيبقى كأن إنسان عندك تعبان هما مصدر تنفيسي عن تعبي طول اليوم فلما بلاقيهم تعبانين بزعل اوي عليهم ليا ٤ قطط ماتوا و كلهم اتعلقت بيهم و كانوا موتهم بيزود قلقي و احساسي بعدم الأمان اكتر واكتر و كمان في ناس معينه لما القطط بتظهر قدامهم مش بيجوا قدام ابدا و بيظهروا قدامهم بالصدفه مش بقصد نبينهم ابدا والله مشكلتي اني بقيت حاسه ان اى حد يقولي الله حلو ده الله جميل الي انتي لابساه ده او حد يبدي إعجابه بحاجه فيا حتى لو طبعي برجع الاقي حد من القطط تعبان فجأة و تعب شديد يتتطلب عمليات طبعا بحس أن ده جهل مني بس هل مثلا نظرة الاعجاب الغبط اعتقد بتتسمى تأثر على الاليف بتاعي من باب أنهم بيفدوني ولا مفيش الكلام ده و في نفس الوقت انا مش عارفه ابطل احس بعدم الأمان لدرجة أن قلبي بقى بيوجعني

ايه اللى اقدر اقوله او اعمله بحيث اخلي مشاعري تجاه اى حاجة تهدا و ماتبقاش مرعوبة من اى جديد زي ماهي مرعوبة حالياً كدة ازاي ابطل كل ما احس بربع مشاعر كويسة كوييييسة مش حلوة حتى و الله لا كويسة عادي جدا يحصل ايه بقا تقلب فى مخي كل اللى فات و تفرشه كدة قدام عيني و كأنها بتقولي بصي كدة و شوفي بعينك و قارنى .. هتلاقي زمان كنتى مبسوط اكتر ازاى هاه و بعد فرحتك دي اتدشملتي ازاي ؟! و رجعتي بخيبة امل و اتخذلتي خذلان معلم فيكي لحد اللحظة دي 🙂💔 و دلوقتى هتبدأي اهوه تبتسمي ابتسامة بداية 🙂لحاجة او حاجات غلط تبسطك و نهايتها هلاك بقا المرة دي مش كسر بس تؤتؤتؤ لا هلاك خالص بقا 🫩 ده غير ان انتي اصلا عارفة كويس ان الحاجات اللى مبسوطة بيها دي حتى انبساط خفيف عبيط زيك هى فى الآخر ماتنفعش 🙂🤷🏻‍♀️ و مافيش اى نسبة امل و لو بسيطة انها تنفع تكون ليكي ف ليه من الاول اصلا تفرحي بحاجة غلط مابنتعلمش بقا ولا ايه 🙂 ف عاوزة تفرحي ليه شوية عشان ترجعى تنتكسي تانى و المرة دى بقا بموتة صح مش بمجرد كسر كام سنة 🤦🏻‍♀️💔

احوش حاجه أن شخص مقرب منك بس مش حاسس مع ب الامان علي طول حاسس معاه ب لغدر وان الاوحش انو يحسسك انك مش فارق معاه بعت مبعتش مش فارقه ون محدش مهتم بيا لدرجه لما بشوف حد بيحبني بقل هو انا فعلا اتحب

رأي أي حد مهما كان مختصر هيفرق معايا الموضوع تاعبني انا وشخص صحاب من سنه وحبينا بعض رغم رفضي للحب واقتناعي التام اني مليش نصيب فيه وأنه بيطفيني مهما كانت العلاقه كويسه من شهر تقريباً وقولنا لبعض وهو من قبل ما ده يحصل حنين اوي عليا وجميل معايا والمرات اللي زعلني فيها يتعدو وفي كل صفات الرجوله سواء من جواه أو سطحي وكويس جدا من جواه وغلبان لدرجه انه دايما بحس أنه بيصعب عليا ومش عايزه حد يقول جنبه حرف يضايقه بيصد اي واحده تكلمه بدليل وغير رقمه من غير ما اقول بيراضيني حتى لو هيولع في الدنيا وأهله عرفو وهيجو نقرأ فاتحه قريب بخاف اتكلم عليه مع حد من صحابي علاقتنا تتحسد حقيقي من كتر ما هو كويس بالصدفة واحنا بنتكلم افتكرت الفتره اللي اول ما عرفته فيها والشات بتاعنا معايا من ساعتها واكتشفت أن انا في الاول الشخص ده كان مستحيل اتخيله جوزي وان تفكيره كان وحش جدا ودماغه شمال علي طول حتى في الكلام العادي لأعلى درجه بطريقه رهيبه بجد وأنه بيهزر مع البنات والدنيا معاه هلس بس انا مكنتش شايفه لأن وقتها كان زي اخويا ومش فارقلي اللي بيعمله كنت ساعات بغيير بس مش غيره حب وبقوله ونشد مع بعض رغم أنه كان بيقولي أنه مش بيتضايق وانا مش بعرف اسيطر علي نفسي وتاني يوم اعرف أن هو هزر مع واحده جديده اخر ما زهقت قطعت علاقتي بكل حاجه ممكن توصلي موضوع أن هو هزر مع بنت او اتكلم معاها حتى صحابنا المشتركين لأن الموضوع بدأ يكبر معايا ودمي يتحرق واعيط من غيرتي عليه وقتها وريحت دماغي وقولت علي الاقل معرفش فا ابقا مرتاحه والدنيا مشيت كويسه جدا بعدها لدرجه اني نسيت خالص أن ده كان بيحصل في يوم اصلا كان شخص غير امين عليا نهائي لأنه كان حتى ألفاظه ودنيته مش مناسبه معايا من ساعتها وانا مقريفه وخايفه انا حتى معرفش هو ممكن يكون بطل ده امتى وبطل ولا لا بس هو قدامي بيحصل أن بنات من اللي كان عارفهم يبعتولي أو يبعتو لصحابه عشان ياخدو رقمه بيصد اي واحده مهما كانت مين بالطريقه اللي ترضيني وشايلني في كل حاجه بس تخيلت كل ده يطلع تمثيل عليا وشخصيته الحقيقه اللي عرفته بيها انا عندي استعداد اسيبه لواحده غيري بس متصدمش فيه قدام انا متعلقه بيه جدا ومش فارق معايا علاقتنا قد ما خايفه اكتشف أن هو شخص تاني هو ممكن حد يمثل فتره كبيره كدا؟وهل ممكن يكون اتغير فعلا انا بتعب جامد في الموضوع ده مش هستحمل اتصدم في ده بالذات أو يتغير عليا ويرجع كدا بعد ما يضمني ممكن وقتها اعمل حاجه في نفسي للأسف اتعلقت بيه بشكل مش طبيعي رغم أنها فتره قصيره انا عايزه الحق الدنيا قبل ما الموضوع يكبر انا حاسه ان هما شخصين مختلفين تماماً انا نسيت الشخص اللي كنت عارفاه بيه والله لما افتكرت قعدت استوعب

أنا نفسي أجرب شعور الحب من غير خوف إنك تحب وأنت مطمن القلق والخوف بيفسدوا كل المشاعر الجميلة وأنت مبسوط بتسأل نفسك " يا ترى الشعور دا هيستمر " لما تسمع كلام حلو بتسأل نفسك " يا ترى الكلام دا هيستمر ولا هيتحول لـ كلام مؤذي مع الوقت " كل وعد حد بيوعدك بيه بتسأل نفسك " يا ترى هيصدق في وعده "صوت القلق والخوف مزعجين جدًا جوايا بيفسدوا كل اللحظات الحلوة لأن محدش بيتبسط وهو قلقان وخايف 🥲.

مش حاسس بي امان حاسس اني مشتت و تاية و محدش شبهي و مش بعرف اكلم بحرق سجاير كتير اوي مش عارف احس ان ليا صحاب شبهى موضوع وجعنى انى على مدار حاجةو20سنة انا وحيد مش لاقي حد شبهى الموضوع بيوجع جامد

من تجربة شخصية الاهل ممكن يأثروا علي مويلك و سلوكك بس هما عندهم و ده تقريبا عند 90 في المئة من الآباء و الأمهات ايمان إن كل كلامهم منطقي او ان منطقهم غلط علشان هو مش منطق موضوعي اكيد اتوسخ بتفضيلات و تحيزات و افكار شخصية عادي جدا تكون خاطئة او ممكن تكون ناتجة عن مرض نفسي ( الشخص مش سوي) يعني مثلا ابويا دايما شايف نفسه صح علي الكل يعني اينشتاين قال لا هو يقول الي هو غلط و يصحح من إن كل معلوماته من الريلز او من خياله علشان يعني صح و برفض اي دليل يغلطه دون نقاش حتي لو ممكن يضربك لو شاف الكفة بتميل ليك فا انا عرفت اني مش هينفع ابقي ادام شخص زي ده و الحمدلله من و انا صغير من طريقته و غلطته بقي عندي وعي من و انا ٤/٥ سنين و فاهم ايه الدنيا و بقيت بلعبها سياسة يعني اعامله و كاني دمج (قليل العقل ) في المدرسة انا الدحيح و حتي الآن يعني حوالي 12 سنة علي النظام ده و لسة بيعيق مشاريع كتير ليا بس اداني مميزات زي اني اقدر اقيم الموقف و اعرف هخسر ايه و اكسب ايه من اي نقاش ، ازاي استخدم المسايسة ابل الايد ، ازاي اعرف ابين ايه مني لمين و مين فعلا لازم يعرف ايه بس علي الايد التانية خسرت حاجات كتير منها اني دايما حاسس ان اقرب الناس ليا تهديد عليا بقيت دايما شايل حمل اي حاجة عايزها يعني مثلا عايز اتعلم مهارة لو قلتله هيحطلي ميت سد و سد فا لا م ادير الدينا من وراه و اتعلم و اطبق من غير مساعدته ولا معرفته حتي و بقيت دايما مش حاسس بالامان في البيت دايما تخت ضغط و اكتئاب و حزن

لو أنا بكره نفسي جداً جداً وشايفة نفسي اوحش حد في الدنيا وبقعد طول اليوم احاول أن مودي يكون كويس نوعاً ما بس مش بعرف، ومش عارفة ايه سبب أن مودي مش كويس ومش بقدر انجز حاجة ولا اذاكر و دايماً عندي احساس دائم بعدم الأمان هل محتاجة ثيرابيست؟ لأن ايه الاسباب اللي مخلياني كده انا مش عارفاها او لو فيه سبب بيبقى تافه مش كبير أوي ف هل محتاجة ثيرابيست ولا الموضوع مش مستاهل؟

عندنا اسره من الجن المسلم عايشه معانا في البيت وديما كانو بيحركوا حجات في الشقه لحد ما فيوم اتفقنا اننا هنسمي على العظم عشان ترجع تتكسي لحم و يكلوها قصاد انهم يبطلوا رخامه وحصل فعلا بس لحد دلوقت لسه المرجيحه اللي في الصاله بتتحرك لوحدها بليل اكن حد قاعد عليها

انا حاسه بالوحده وبعدم الامان والخوف من اي حاجه ممكن تحصل وده بسبب اني حاسه ان مليش ضهر بقيت طول الوقت حزينه وكئييه وده بسبب معامله بابا وماما ليا طول الوقت بيحسسوني امي قليله واني بنت وحشه وان مينفعش اعبر عن مشاعري بقيت بكتم مشاعري وده اثر عليا دلوقتي لما كبرت بقيت بنهار جوايا ومحدش حاسس بيا

دماغى بقت عامله زى المكتبه إلى هبت فيها عاصفه لغبطت كل الورق والرسومات ف بعض وفى إلى ضاع والى اتبل والى اتقطع كله دخل ف بعضه صور من غير صوت وصوت عالى من غير صوره واضحه ابتسامات معرفش هى لمين مشاعر مش فاكره كان مين سببها حاسه بالانتماء لشىء مجهول معرفلوش اصل بس ف نفس الوقت المكان مش مكانى ولا عمرى حسيت بالأمان مع انى المفروض ف وطنى

عاوزه اسال عن شعور عدم الأمان والاستقرار في الاسره أن هل لمجرد أن بيصؤف الأساسيات بتاعت البيت الي اقل كمان بيكون كده اب هل الاب الي يطرد عياله ويفرج الناس عليهم ويجيب في سيرتهم مع القريب والغيب هل ده اب هل الاب بيتعمد يبقي تافه وهايم قدام الناس ويتعمد يفضحك بطرقتو وأسلوبه هل ده اب لما كل حاجه تبقي بالخناق والمشاكل لما اب يسلط الاخوات علي بعضها ويكرهنا في بعض هل ده اب هل الاب الي تكون بتموت واخل عمليات ومتاح فلوس ويرفض يديك أو حتي يستلفلك هل ده اب هل الاب الي بيقول أن أولادكم وبناتكم فتنه فحذرهم هل ده اب انا حرفيا بقيت مكسوره من جويا وخايفه جوايا مشاعر كتير متلخبطه😓