منذ 23 ساعاتيشعر بـ مُرهق
أنا متعقدة من طفولتي لحد دلوقتي، وتأثيرها عليا بيكبر بدل ما يقل. الموضوع أثر على صحتي بشكل كبير بجد وكل مره بتعب اسوء من قبل ونفسيتي، وبقيت مبثقش في حد، وبخاف من الناس كلهم حرفيًا. حتى لما حد يحاول يكلمني، بتوتر وبتهته ومبعرفش أتكلم طبيعي بقيت أبعد عن أهلي لدرجه انهم اتعصبو من الموضوع لدرجه قالولي اني اتغيرت للاسوء وان زمان كنت احسن بس عمرهم ماحسو بتعبي ووجعي بحس ان بجد فكره ان اهلي اخر حد احكيلهم حاجه بتوجعني لان عارفة محدش فيهم هيفهمني بعدت عنهم لان حسيت انهم احسن من غيري بس بجد مش بأيدي نفسيتي زفت وبقيت ابعد عن الناس، وكل فترة بدخل في حالة اكتئاب بسبب اللي جوايا. نفسي أوصل لمرحلة أعيش فيها براحة، وأبطل أحس بالخوف وعدم الأمان طول الوقت، لأني بجد تعبت، ومبقتش عارفة أتعامل مع تأثير طفولتي على حياتي بجد عاوزة حل
طب الاول ايه اسباب كل دا
طريقتك للسرد جميلة وعرفتي تعبري عن نفسك كويس ، مفيش حد هيقدملك حل بشكل سريع وكمان مش ده اللي انتي محتاجاه انتي عايزة تاخدي رحلة تعيشي فيها جوا نفسك تفهميها وتعرفي حقيقة مشاعرك وتعوضي الطفل ده عن اللي حصله في الماضي وتلبّي احتياجه سواء كان تعرض لاساءة او فقد او شعور بالخزي وما شابه *لازم تعيشي رحلة تفهمي فيها نفسك ومشاعرك*