لوم الذات

ليه دايما بينتهي بيا المطاف لوحدي؟ حاسس اني ببوظ أي حاجة بلمسها مع اني مش وحش ولله دايما بتمني الخير للكل حتى على حساب مصلحتي ، ساعات ببص في المرايا واسأل نفسي انا ليه كدا وهل عيب فيا ولا في ايه بالظبط تعبت جامد

امـتـي هبــطـل تــأنـيـب ضـمـيـر انــي كـنــت الـسـبــب في كـل حـاجــه وحـشـه حـصـلتلي امـتي التفكير دا هيقف عن دماغي عديت ب اللي كان اصعب من كدا بكتـيييير ليه التفكير دا لسه موجود

لما أمي تقف تعمل لي الاكل اللي انا بحبه وتهتم بكل العناصر الغذائية اللي فيه وفي الآخر مقدرش أقوم اكل تبقى ايه؟ تبقى نطع لما الشيخ بتاعك يقعد يحفظك ويبذل معاك مجهود جبار عشان هو شايف انك تعبان ومرهق ومش قادر تحفظ لوحدك وفي الآخر متعرفش تعمل حاجة ولا تحفظ ولا تتنيل تبقى ايه؟ تبقى نطع لما ابوك يبقى نفسه يشوفك فرحان وبتضحك ونفسه يشوفك بتندمج معاهم وانت مش مخليه يحس الإحساس دة ومش مخليه يحس انه عنده ابن تبقى ايه؟ تبقى نطع الحجج الفاضية المعفنة بتاعتك دي متسميهاش أسباب دي وساخة فكرية، كل الناس مفشوخة نفسياً مش مضغوطة بس ومش بيحسسوا اللي حواليهم بحاجة إلا انت كل حاجة مأثرة على كل حاجة في حياتك وهل انت عايز تتعالج؟ انت بتتعالج غلط حتى انت مش عارف تتعالج صح انت بتعمل نفس الحاجة بنفس الطريقة مليون مرة ومنتظر ان النتيجة تتغير دة عند أمك انت عارف انك بتعمل كل حاجة بطريقة غلط وانت عارف انك مش هتسلك كدة وانت عارف ان اخرة دي ان مستقبلك رايح منك وانت لسة زي ما انت عشان نطع، مهزق ومش شخص يستحق الحاجات دي بجد انا اوسخ بكتير اوووي من الحاجات اللي بتحصلي دي مستحقش كل دة حسبنا الله ونعم الوكيل فيا

تقريبا ان الإنسان يتمنى حاجه لنفسه ده بيكون نوع من انواع الأنانيه، اتمنيت حاجه لنفسي بس انا مستحقهاش. عمتا اتمنى حاليا لأي إنسان اخر غيرى انو ميحس بالي انا حاسه بي، ميحس بالوحده او يكره نفسه و يلوم ذاته.

ستظل تلوم نفسك على كل شيء حدث خطأ. في كل قصة انتهت ولم تعرف أبدا السبب. ستظل تلوم نفسك على أشياء لم تنجح وعلى أشياء فشلت. ستظل تلوم نفسك على حب الناس أكثر مما حبوك. ستظل تلوم نفسك على أشياء كثيرة طوال الطريق. حتى يوم واحد. يومًا ما ستفهم فقط أن هذا كل ما كنت تعرفه في ذلك الوقت. هذا كل ما يمكنك فعله في ذلك الوقت وهذا بالضبط ما علمك أن تكون شخصًا أفضل الآن

الشيى الوحيد الذي يجعلني اكره نفسي هو لحظات ضعفي التي تظهر للاخرين ، حين لا استطيع الرد بعد اهانتي ، حين يعجز لساني عن نطق حرف امام من اهانوني ،بل اكتفي بالابتسام ،وفي تلك اللحظة اعلم انني ساعاتب نفسي طوال الليل على ضعفي.

السلام عليكم والله كنت بتكلم مع واحدة صحبتي من شويه و بحكيلها ان عمي مات و كدا و حاولت اعيط عليه و معرفتش 🤷🏻‍♀️ و كذالك جدتي اتوفت و عيط بصراحة عليها بس مش كتير و تعايشت مع الموضوع عاديي و شويه مواقف تاني و كدا زي ان بحس نفسي بكره عيلتي اللي هما عماتي و خالاتي و الحاجات دي مع انهم معملوش معايا حاجة وحشه هي بقا قعدت تقولي اني عندي عقدة نقص و اني المفروض اتعالج و اني مش طبيعية و الكلام الحلو دا فـ انا حقيقي مش عارفه بصراحة هل انا كدا فعلاً وحشه و سيئه كدا ولا دا عادي؟؟

الإنسان اللى بيسيب نفسه لشهوته ضعيف الإنسان اللى معندوش تحكم فى نفسه جبان الإنسان اللى بيفقد سيطرته على افكاره ومشاعره ملوش لازمة تقولوا اية للشخص الضعيف والجبان واللى ملوش لازمة ده ؟

5203 ازاي الواحد ممكن يتغلب علي شعوره دايما بالوحده و لما حد يقرب ويبعد بيلوم نفسه طول الوقت علي بعده و لو حصل معاه اي مشكله برضو بيجيب اللوم عليه هل حد بيحصل معاه كدا ولا انا لوحدي ولو حد بيحصل معاه بتتغلبو علي الموضوع دا ازاي

ما تلومش حد غيرك في المرات اللي كنت فيها لوحدك ماترميش اللوم علي حد انه سابك ماترميش اللوم علي حد ان هو باعك ارمي اللوم عليك بجد اقعد مع نفسك كده وقولها انا اسفف انا اسف علي ان انا خليتك تتعرفي علي ناس مش شبهك انا اسف ان انا جيب عليكي انا اسف اني وجعتك اقعد مع نفسك واعتذرلها هي الحق ان هي بجد تستاهل الاعتذار مش الناس مش اللي سابك ومش اللي باعك ومش اللي فكر في نفسه نفسك تستاهل تستاهل بجد تحميها من كل الناس اللي حواليك تستاهل انك تبعدها عن ناس ما قدروهاش نفسك تستاهل ونفسك ليها عليك حق اوعي تنسي مهما عملو فيك اوعي تنسي ان انت اولا ثم الجميع اوعي تنسي

اهذا انت ؟ اهذا ما كنت ؟ اهذا ما اردت ؟ هحححخ ٧ ايام على اول ماده وفيض من التراكمات كالعاده يمر علي طيف الثانويه العامه واني كنت زي دلوقتي من السنه زي الخرا ومراااااكم وخدت اكتر مما استحق ٧٦.٠٩ هحححح عارف لما تبقا بتسعى في حاجه مكنتش عايزها ؟ وستيل مش عايزها برضو ما هي كلها ربا وحرام ف حرام وحاجه خرا (تجاره) عارف انك هتقول نظره سطحيه والكلام دا وفي مجالات كتير فيها والكلام الحلو دا بس اهو بقا فوق بقا وبطل اوهامك دي داخل على ١٩ سنه ومش حافظ جزء عم كامل انت عبيط يعم انت اهبل ضيعت عمرك ف ايه هتفضل تسوف كل حاجه لحد امتا يابا هتتعدل امتا هتتنيل تفوق امتا فوق بقا وبطل هبل وتضييع وقت ف قرف عشان وراك بلاوي سوداء ولو شايف ان اكبر كسره كانت الثانويه تبقا اهبل لسه في اقلام اكبر الشاطر مش اللي ياخد قلم واحد الشاطر اللي ياخد القلم ويفوق عشان اللي بعده (مقوله من ابويا ) (النص التاني دا تدخل اضطراري من شخصي التاني بس هو غشيم شوية) طب ما تديها واحده والله ما هتم ٢٠ سنه الا لما احقق حاجه وزي ما تيجي بقا يا انا يا الدنيا "اتجننت"

نكرة عديم القيمة بتخاف وبتهرب من اي حاجة مابتشيلش مسؤولية اكتر ناس بتأذيهم هم اللي بتحبهم معادش عندك اي طاقة لحاجة مابتعملش حاجة صح بتضيع وقتك بدون اي هدف لا تصلح لشئ مالكش كلمة ماتستهاش حد يبصلك مافيش فيك اي شئ مميز متقلب ما بتثبتش على حاجة بتشحت اهتمام علشان تحس ببعض الرضا اللي ماتستهلهوش جبان ضعيف غبي بتتخيل حاجات مستحيلة مستقبلك مالهوش ملامح مفيش فايدة مفيش امل تبا ليك تبا للكوكب تبا للبيئة المحيطة بيا تبا للبيئة اللي نفسي ابقى فيها انت ولا حاجة وبتعشم نفسك انك هاتبقا حاجة عالفاضي شخص ضعيف زيرو ثقة بالنفس شخص ممل الكلام معاك مش ممتع حقير مفيش فايدة منك لنفسك ولا اللي حواليك فقير بتحاول توهم نفسك عكس كدة مش انت اللي جايب لباسك حتى عبئ على اللي حواليك نام يلة

صحبتي عملتلي ghosting و بتتحجج ان واتساب كان في مشكله مع ان سهل تبعت اي ابلكيشن تاني .. مش عارفه انسي الحوار الهو عماله افكر في تصرفاتي معاها الفتره الاخيره وافكر اسألها زعلتها فأيه و هعاتبها ولا لا عموما حاسه بخزلان ومكنتش عايزه صداقنتا تبوظ بعد السنييين دي

جماعه انا لسه صاحي وبجد. مخنوق جدا حاسس اني عندي. اكتئاب المفروض اذاكر بس مش قادر رغم اني والله شاطر بس مش عارف ليه مش بذاكر كتير بحس ربنا مش كاتبلي اني اكون اشطر من كده دايما بأنب في نفسي ونفسيتي اتدمرت للاسف

كان كلما فقد شيئا، وضع اللوم على نفسه، دوماً كان هناك حرب بينه وبين نفسه، بالرغم من أنه كثيراً ما كان يستحق المواساة، ولكن لازمه شعور أنه العلة في كل شيء! أبكي علي نفسي وعلي ما فعلته الدنيا بي وبقلبي فلا أنا أنا ولا قلبي قلبي كأني تجردت مني تماما وأصبحت إنسانا لا أعرفه

ازيكم يا جماعه انا ربنا مديني نعم كتير اوي وعلى مشارف اني اتقبل في كام حاجه كنت بجهزلها وبتعب عشانها بقالي كتير ده غير الي اتقبلت فيه اصلا كل شيء زي الفل ومع ذلك انا شايفه اني مستاهلش كل ده انا شايفة اني شخص مقرف كل الي بفكر فيه مجرد تفاهات وحتى مش بايدي ابطل سايبه كل حاجه مع ان ربنا منحني امكانيات عظيمة عماله اهدر في ذكائي وكل الانجازات الي ممكن اعملها ومعرفش بهبب ايه محتاجه حد يفوقني ويضربني عشان افهم انا مش عايزة الحياة تعلمني والاقي مستقبلي بيضيع انا عايزة افوق اسرع لاني حتى لو فشلت دنيويا فاناومش هستحمل فشلي في الاخرة

مؤخرا بقيت بفكر اقنع نفسي ان اكيد المشكلة فيا واني الشخص السئ ديما (الشخص السئ في روايتهم جميعا ) من كتر المشاكل والمواقف اللي بقيت بتحط فيها ديما وبقول بيني وبين نفسي اكيد المشكلة فيا لان اكيد مش كل ده هيحصلي وانا شخص كويس عشان اقدر اهون علي نفسي

الحقيقه هو انا انا اول شخص هيتلام لا اهلى اللى غلطونى ولا لوموا عليا اول مغلطت فى اى حاجه فى حياتى ولا حتى الناس اللى كان وقتها مؤقت فى حياتى انا اللى هلوم نفسى انا اللى واقفه مكانى عشان مستسلمه وعارفه ومتاكده محدش هيطلعلنى من اللى انا فيه غير نفسى وبرده واقفه مكانى ومش بتحرك انا هبله وبضحك على نفسى وعارفه انى بضحك على نفسى