ماما

نفسي اوصل للمرحلة الي تخليني اعرف امسك نفسي وقت ما اضايق من ماما او بابا و بالاخص ماما انا طريقتي معاه كويسة و بحترمها جدا بس اما بتحصل مشاكل ماما بتقول كلام يزعل و في حقي بالاخص لانها شايفاني واقفة في صف بابا ما علينا بكون وقتها مقهورة من كلامها و قالتلي كلمة مش هنساها و مكنتش اتوقعها قالتلي ذنبك انك بنته و شايفة الغلط و ساكته نفسي اتعامل عادي بس قلبي فيه وجع و هى مش مقدرة احساسي و تزنيقها عليا

سهرانة من الزعل ماما لسا قايلالي كلمة من ساعتين مش قادرة اخرجها من دماغي ودمرت نفسيتي انا بروح جيم ٣ مرات في الاسبوع المرة بتمرن ٣ ساعات متواصلين حديد وايروبكس وزمبا وكارديو ومحافظة في الأكل قدر المستطاع ومبخسش وبعمل تمارين بطن كتير وم وبركز على عضلات البطن وانا بتمرنها وبرضه الكرش مش راضي يروح بشتغل في البيت كتير وبعرق وبفرش شقة اختي الي هتتجوز وحالتي كرب في الآخر ماما تقولي انتي بتتخني انتي لسا بنت خسي عشان تتجوزي كرهتني في الجواز وفي حياتي انا كرهت نفسي بسبب الي انا فيه دا انا نفسي اخس بس حرفيا بعمل كل حاجة مفيش نتيجة انا تعبت وكرهت نفسي وجسمي وفي ناس بتفتكرني متجوزة ونا حتى مش مخطوبة الموضوع دا حلرق دمي اوييييييييي ومروحة ونا دموعي نازلة في المواصلات مقدرتش امسكها

انا اتخنقت بجد يخربيت التخرج من ساعة متخرجت وماما مترجتة تجوزني باسرع وقت انا بتيجي عليا اوقات بريح في البيت مبطلعش خالص وساعات بقدم على شغل واتقبل اشتغل شوية في حضانة واسيبها وانزل تدريب في مدارس مثلا عشان اجهز اني ادي دروس وابقى مدرسة شاطرة المهم ماما مستلماني انتي الناس مبتشوفكيش انتي محدش عارفك يابنتي اطلعي خلي الناس تشوفك دا انتي بقيتي عروسة انتي وانتي وانتي ويالهوي لو حد عزمني على مناسبة ومروحتش لاي سبب بتفتح عليا الاسطوانة الي ملهاش آخر وربنا انا اتخنقت واصلا بتخنق من حوار المناسبات دا عشان مبطقش نظرات الستات المستفزة بالنسبالي اصل انا مش سلعة استفزاز وكل مرة استعيذ بالله من الشيطان عشان متخانقش مع ماما الموضوع نفسيا مرهق ومقرف كل شوية تقولي خسي عشان تتجوزي اخرجي عشان الناس تشوفك انتي جميلة انتي مش عارفة اي انا مبقولش كدا عشان ابين قد اي انا واو وفظيعة ومفيش مني اتنين بس انا فعليا اتخنقت وجبت آخري ولسا متخانقين على نفس القصة الا اروح مع اختي لشبكة صاحبتها ونا مش مجهزة حاجة اروح بيها ومعرفاني من قبلها بساعة دا اسمه اي بقا وفي الآخر اطلع كخة 🫩

بجد وحشة أوي الواحد يفضل محمل بذكريات كتير أوي كدة وعارف انها مش هتتكرر تاني حلوة أو وحشة ومش عارفة أنا عاوزة انساها ولا لا بجد .. وكل حاجة عيشتها مع بابا وماما الله يرحمهم بتعدي عليا في يومي كتير ولما تحصل مواقف مشابهة وهما مش موجودين قلبي بيتقطع بجد ولما بتخيل الحاجات اللي ممكن تحصل وهما مش معايا بحس بالقهر بحس اني مش عاوزة اكمل بحس اني مش عاوزة حاجة تحصل اصلا عشان ماحسش احساس الحرمان ده أنا بقيت بتجنب حاجات وأحداث كتير عشان بجد ماحسش الاحساس ده أنا مش عارفة اتخطى ومش عارفة أسلم انه خلاص ده العادي ودي الحياة هتكمل كدة .. هو ليه الدنيا تقيلة اوي كدة أنا تعبت

تعبانه اوي جسديا و نفسيا و كل حاجة نفسي اغمض عين و افتح الاقي الفتره دي عدت بكل اللي فيها من غير خساير كل حاجة ضاغطه علي اعصابي و ع نفسيتي مشاكل بره البيت و مشاكل جوا البيت و ضغط شغل و تعب ماما كمان مبقتش عارفه احل حاجة خلاص ولا اسيطر ع حاجه حياتي حاليا عك ف عك بس لازم اصمد و استحمل ونا يعلم ربنا بيا

انهارده عرفنا ان ماما تعبانه شويه ربنا يقومها بالسلامه هو الوضع يقلق بالاخص لما عرفت انه مش سهل و لكن مش مستحيل الحمدلله بس برضو خايفه عليها اوي و عاوزه اعيط ف حضنها و اقولها خفي ابوس ايدك انا مليش غيرك بعد ربنا بس بحاول قدر المستطاع اتماسك قدامها و مخوفهاش مش عاوزه اسيبها و اروح ف حته بس غصب عني والله عندي شغل ادعولها كتير بالشفا.....

اعتقد ان ماما هي سبب معاناتي في الحياة على طول مش طايقة نفسها وبتستفزني على طول انا بستحملها كتير بس بييجي وقت بجيب اخري وبيبقى فاضل تكة واغلط فيها بس طبعا بمسك نفسي امبارح نسيت اخد دوا الاكتئاب ودوا التوتر ورايحة جاية مع اخواتي لدكاترتهم فوق دا كله جاية عليا انا تعبت منها وربنا ساعات بحسها مريضة نفسيا

هو مين فينا مبيغلطش و ربنا بيسترها معاه دايما بحس اني غلط و انا بعمل حاجه غلط في حياتي لمجرد اني انجذبت لحد مثلا و بحس دايما ان البنت الي مش محترمة و الي مش مقبوله من المجتمع الي انا تعجب بخد تروح تحكي لصحبتها و تدخل على الاكونت بتاعه او تدور عليه مثلا ليه بحس كده و ان البنت الي مش كويسة الي تقعد تنزل في صورها استوري او حتى بوست حتى او معندهاش ولاد ليه ماما شايفة ان ده غلط و عيب بجد ليه ماما بتعيب فالبنت الي بتعمل كده انا مش بعمل كده بس بحس انه ايه ده يعني بجد يا مانا على جيلك مكنش بيحصل كده مثلا بعيدا عن الموبايلات بس معقول ماما مكنتش بتنجذب لولد مثلا او حاجههو بجد يعني للدرجة مفيش بنت بيوصل بيها الحال انها تحب ولد مع نفسها انا ليه لما قولت اما على موقف حصل معايا مع صحبتي بسبب ولد انا كنت معجبة بيه و الفت حوار عنه و انا من ساعتها مضايقة منها بسببه و اما روحت حكيت ليها قالتلي كلام بعد ما الحوار خلص انه ميكونش حب تعلق و انه يهمني في ايه امره و حصل و لا محصلش مليش دعوة امال ليه يا ماما معلش انا انجذبت ليه بقى مش عشان شوفت فيه انه مختلف ما اكيد هنحذب لولد يعني هحبه هتعلق بيه مع نفسي هتعذب بكده اه بس اهون من اني اروح اكلمه ليه ماما حتى شايفة انه عيب احب ولد جوايا و ليه شايفة ان الانجذاب بس بلبسة بشكلة ليه حاطه حدود كده ليه لو قولتلها اني بحب ولد هتتخنق طب و ايه يعني مدام انا مش هكلمه طيب مدام انا في وجوده زي عدمه مش بتقصد اني اعمل حاجه الفت نظره ليه

اد ايه بكره قلة التقدير بجد حاجه وحشة جدعان انا بقضي معظم اجازتي في البيت حرفيا بعمل اكل وبروق وبعمل كل حاجه بحاول اخفف عن ماما في الفترة دي بتعب بسرعة جدا رجلي وجسمي بيفضلوا يوجعوني طول الوقت اللي ببقى بعمل في اي حاجه في البيت في الاول كنت بقعد اصيح بس دلوقتي حتى لو تعبانة باجي على نفسي جدا عشان اخلص اللي بعمله واروح ارتاح شوية ومش بقول اني تعبانة عشان بتقعد تقولي خلاص مش عايزة منك حاجة وكده مش بلاقي تقدير خالص بجد بل بالعكس لو قصرت في حاجه ابقى كده وحشة وبيتنسي كل حاجه انا بعملها عمري ما بعرف ارضيها ابدأ وادي اخرها حرفيا رجلي مش قادرة اقف عليها دلوقتي عشان كنت بعمل حاجات في الشقة وبعمل لوحدي حرفيا محدش معايا منتظرة الكثير من الكومنتات السلبية اللي هتيجي على الحاجات اللي معملتهاش مع اني علطول بجد ببقى شايفة انها بتتعب وبقعد اقولها كتر خيرك والله وتسلم ايدك تعابينك معانا وكده ليه مش بيتعمل معايا كده انا مش منتظرة شكر والله بس مش عايزة يتقال انتي معملتيش كذا ليه انتي مش بتعملي الحاجة بضمير ليه وكتير من الكلام ده

السلام عليكم ورحمة الله وبركاته عاملين ايه بيحصل حاجة باخد بالي منها علطول ان لو حصل مني اي حاجه يعني ماما لازم تعاتبني ادام اي حد يعني معندهاش اوبشن انه بيني وبينها وكده فاهمين وبحس ان احنا دايما بنبقى محتوى اي قاعدة بكره الموضوع ده بجد يعني مثلا دي مش بتعمل دي علطول قاعدة على الفون ده فيها وفيها مش بحب الطريقة دي وحرفيا الفكرة انها كده مثلا مع مراتات اعمامي حرفيا ممكن اكون بيشوفهم كل يوم في اوقات الموضوع بيبقى بالنسبالي محرج علطول باخد الموضوع بهزار وبتاع بجد بس انا بجد ببقى مضايقه المفروض تكبرنا ادام الناس فاهمني بجد الفكرة انها مش بتاخد بالها من كده الموضوع بيعصب جدا بجد

ليه الغربه والبعد عن الأهل بيغيرنا بيخلينا مفيش مشاعر المفروض بحب ماما و مش بحب ازعلها و لما بزعلها لاني بتنرفز بسرعه أو بسبب اني مش بنزل اجازه انا بكره المواصلات و الطريق طويل فمش بنزل كتير ، بقالي تلات اسابيع بمتحن و قعدت اسبوع زياده فلقيت اختي بعتالي مسدج طويله بتهزقني و التانيه متجنبه الكلام معايشان منزلتش واني مش حاسه بماما وأنها بتتعب عشاني وانا مفيش مقابل ومكلماتي محدوده مش بتعدي خمس دقائق ، انا مش بيبقي عندي كلام مش اكتر يومي كله بذاكر و ماسكه الفون بشوف فديو أو بشات حد فمفيش حاجه اقولها بس وهي مش بتقولي حاجه ف اعمل اي انا فعلا بقيت وحشه ومعنديش مشاعر وانانيه فمش هقدر ارد علي المسدج بتاعتها انا اصلا لسه مكلمه ماما ساعه بس وكانت كويسه ومش زعلانه بس حاسه بالذنب من ناحيتها كل مدي انا ببقي وحشه معاهم اكتر وأخلاقي بتبوظ اكتر و انانيه اكتر ومفيش فايده فيا جرب اكون كويسه بس برجع تاني ، انا مش حنينه عليها زيها بس بحبها ومش بحب اشوفها تعبانه المشكله فيا انا

هاي يجماعه مش عارفه ارتب كلامي بس فضفضه اخر الليل مش اكتر انا زعلانه بجد ع نفسي انا بحاول بكل جهدي اني احافظ ع مباديء في مجتمع بايظ وصعب واني احط حدود واتعامل بالصح مع انه مش الاختيار الالذ ولا الاسهل بس عارفه الصح من الغلط في الشغل حاطه حدود مع الشباب عشان مقتنعه ان الاختلاط غلط وحرام والمفروض يبقي بحدود الشيطان بيوسوسلي كتير اهزر واخد ع الجو والكل بيتعامل ك عيله بس بنسبالي لا في صح وفي غلط ولو واحد من اللي في الشغل دول يقبل انه يبقي قاعد وشايف اخته بتهزر مع ولد غريب معاها في الشغل وعادى زمايل شغل يبقي اكيد مش راجل ولو ميبقلش ف اخته اكيد مش احسن مني انا بعافر كتير ف الموضوع ومقفله ع نفسي بعد كل دا ماما بتشك فيا ومش مدياني اي ثقه بتزود صعوبه الموضوع اكتر عليا ان بعد كل اللي بعمله هي مش واثقه فيا ولما انسي واخد راحتي ف الكلام معاها تمسكلي في كل كلمه وتحسسني اني قصدي حاجه غلط واخلاقي بدات تبوظ هي متعرفش الدنيا بره عامله ازاي ولا انا بجاهد نفسي والناس وبجاهد ف علاقتي بيها هي شخصيا ازاي هي ربتني ع الخوف منها وبس جوايا مشاكل نفسية كتير بسببها بحاول ابقي اصلح من نفسي بس كل الوجع اللي كان جوايا منها اتحول لغضب كبير مش عارفه اتحكم فيه علاقتنا بتبوظ اكتر مع الوقت عندها تسلط وجبروت بحس انها عايزه تكسرني عشان تحس انها مربياني كويس انا شبعت خوف وشده في المعامله نفسي تفهم اني محتاجه احتواء منها مش اكتر واني فعلا كويسه مش وحشه زي ما هي اوقات بتشوفني وتحسسني بكده كل الناس شايفني كويسه ما عدا هي وانا مش عارفه اقتنع غير بنظرتها هي

شجعوني اساعد ماما فتجهيزات العيد انا عامله مشغوله ديما او نايمه علشان معملش حاجه مليش نفس لاني متضايقه واخده علخطري بجد بسبب كذا موقف و غير كمان التعامل و الكلام الظلم و مؤذي البقصد انها تضايقني و الاسلوب البخليني عايزه اعاند وبجد بدون مبالغه بيوصلني اني بتمني موت و اكره نفسي و حياتي .. للعلم انا مش فمرحله سن مراهقه وكدا