منذ 2 ساعاتيشعر بـ مكسور القلب
بجد وحشة أوي الواحد يفضل محمل بذكريات كتير أوي كدة وعارف انها مش هتتكرر تاني حلوة أو وحشة ومش عارفة أنا عاوزة انساها ولا لا بجد .. وكل حاجة عيشتها مع بابا وماما الله يرحمهم بتعدي عليا في يومي كتير ولما تحصل مواقف مشابهة وهما مش موجودين قلبي بيتقطع بجد ولما بتخيل الحاجات اللي ممكن تحصل وهما مش معايا بحس بالقهر بحس اني مش عاوزة اكمل بحس اني مش عاوزة حاجة تحصل اصلا عشان ماحسش احساس الحرمان ده أنا بقيت بتجنب حاجات وأحداث كتير عشان بجد ماحسش الاحساس ده أنا مش عارفة اتخطى ومش عارفة أسلم انه خلاص ده العادي ودي الحياة هتكمل كدة .. هو ليه الدنيا تقيلة اوي كدة أنا تعبت
حقيقي الشعور صعب ، ربنا يهون عليكي وعلينا
الله يرحمهم ويغفر لهم ويسكنهم فسيح جناته، معلش الموضوع صعب ومش هقولك اتخطي لاني عديت بنفس الموضوع ولسة لدلوقتي مش مصدق او مستوعب، بس يعني من تجربتي عايز اقولك ان الدنيا مش بتقف وبتمشي ومع الوقت هتعيشي وتتعودي غصب عنك، ممكن متتخطيش لاخر يوم في عمرك بس مش هيبقى بنفس التأثير عليكي، حاولي لما تفتكريهم تفتكري انهم في مكان احسن ان شاءالله وانهم ارتاحو من الدنيا وهمومها وتدعي ان ربنا بعد عمر طويل يجمعك بيهم فالجنة وحاولي تبقي كويسة عشانهم وعشان هما حاسين بيكي وعايزينك دايما احسن