مشكلة عائلية

مشكلتي مع ماما أن هي ساعات تربينا اوي و ساعات تسيب الدنيا فاهمني يعني مثلا الخروج النهارده لحد ١٠ بس النهارده هي متعصبه مفيش نزول يعني انا بقولها دي حدود وانا بسمعها بس مش ههتتحكم في حياتي علي حسب هي رايقه ولا متعصبه

يا جماعة عندي مشكلة تافها فشخ يعني بس محتاج اشهد حد من برة عليها واشوف هل ده طبيعي ولا لا دلوقتي يا جماعة انا ولد واتعرفت على زميل ليا في المدرسة وهو يا جماعة مسلي فشخ وبيضحك وكده فبقينا في ايام قليلة زي الاخوات مش ديه مشكلتنا المشكلة اني كنت خلصت كل إللي ورايا وقعد اتكلمنا انا وهو بس كتير شوية فترة كده بتاع ٣ ساعات ونص عارف كتير بس متحسش انت بيهم من كتر الضحك والهزار وكده فأمي اتعصبت جامد واتضايقت عشان كلمته كتير يعني المهم يعني انا متعود اني احكي لامي الحاجات إللي بتضحكني في المكالمة وكده واعلق ونهزر بس بقت متضايقة عشان كلمته وقعدت تقولي انت بتكلمه اكتر ما بتكلمني انا وانا في العادي امي مش بتحب اقعد احكيلها وكده عشان بتزهق وانا ممل شوية في الحكيايات بصراحة بس مفهماش متضايقة ليه للعم انا لفترة طويلة مكنش عندي صحاب فهو اول واحد من فترة يعني يقعد يكلمني ونهزر وكده انا بس بحس ان امي واخواتي البنات بيغيروا جدا اي حد اتعرف عليه يبقى يا بيغيرني من ناحيتهم يا بعدني عنهم وكده بصراحة حسيت انه ابتدا يبقى حب تملك منهم بس انتوا اشهدوا مين الغلطان

دلوقتي انا عايزه حل بسرعه جدا أنا كنت بتكلم مع اختي الصغيره و بحكي عن كلام سري جدا زي اني مع اي واحده أنها تدافع عن حبها و تكلم الشخص اللي سبها لحد ما توصل لحل و ترتاح وكلام كتير و اني مع البنت أنها تكلم والولد و الكلام ده و بعدين حكيت عن قصه حب قديمه ليا كنت بحب شاب و ان هوه محبنبش و كده بس اكتشفنا أن بابا كان بيتصنت علينا و بيسمع كل كلامنا و دخل قال أنا سمعت كل حاجه و انتو بنات قذره وكلام اخر قرف و تف علينا و مشي و بعدين اختي الصغيره راحت و قالتله انت فاهم غلط و أن أنا كنت بحكي عن حاجه قديمه و هوه مش فاهم اصلا و فاكر أن الموضوع جديد و بعدين قال لأختي ما انت ضائعه اصلا و بتكلمي ولاد و شوفناهم و قعد يبهدلها(قفشو اختي الصغيره بتكلم ولد علي الموبايل)بس حرفيا طريقتهم صعبه و مش بيتعاملو معانا أننا بنأدمين أنا دلوقتيي اعمل ايه معاه هما محافظين اوي بس مش عارفه فكرت في فكره اقولها ( فكرت اني هبرر كلامي بأنه أول موضوع ده كان بوست علي الفيس و اني كنت بقولها الكومنتات اللي البنات بتقولها و أن هما مش معترضين عشان اشوف رد فعلها و تاني موضوع اني أنا كنت بحكي قصه شم.حقيقيه اصلا بس كنت بقولها عشان اخليها تخاف و تعرف أن العلاقات ديه غلط و هتأذيها و اني شوفت الطريقه ديه في فيديو و بيقول انك توصل المعلومه بطريقه غير مباشره عشان تخاف علي نفسها)

انتم ازاي بتتعملوا مع اخوكم الصغير عندي مشكله مع اخويا الصغير و معرفش ايه الي وصله لي كدا اخويا صغير قليل آلادب شويه جوه البيت بيقول اسؤ ألفاظ ( مش اسؤ اوي الصراحه بس بيقول الفاظ مينفعش تتقال في بيت ) في وجود انا أو اخويا الكبير أو امي اجي اتكلم مع يتخانق و يقل أدبه اجي اشتكي لي امي تقولي كبر دماغك منه هو قليل ادب اعمل ايه اكلم اخويا الكبير يقولي اعملك ايه اضربه يعني مشكله أنه أسلوبه معايا انا بذات اوحش وأحد بمعني ديما مش طايقني مع اني مش بكره بس ديما في كره مبالغ في نحيتي انا بس اجي اهزر معاه يضايق و ديما حاسه بعيد عني عكس اخويا الكبير الي انا و هو قريبين من بعض و مشكله أنه اوقات كبيره بيقل أدبه عليه علشان بهزر معاه يشتم و يقولي هضربك و بتاع و انا المفروض اخوه الكبير انا مش عارف بحكي ليه تفاصيل كتير بس انا مدايق و مخنوق قولت افك هنا شويه

اختي بتغير مني ودينا بتقلل مني في كل حاجه لما كنت في ٣ث كانت ديما تقلل مني مره قولتها لو دخلت طب نفسي اجرب اتخصص جراحه راحت قالتلي انتييي تدخلي جراحه؟ انتي اخرك تحيبي خاجه و ٦٠ في الميه وابوكي يلف بيكي علي الجامعات الخاصه وتدخلي معهد عالي معايا في الاخر ولو لابسه مثلا وخارجه وباخد رأيها في حاجه تقولي شكلك وحش واي القرف ده اكلمها مش بتبصلي حتي مش بتسمع لو كلمتها تفضل باصه في الفون او تشغل الفيديوا عادي ونا بتكلم تهمشني وتكلمني بعجرفه تشتم وبيوصل انها تمد ايديها وبتتكبر عليا وبتستقوي عليا واهلي كلهم عارفين انها مش سالكه وقالولي بطلي تربطي نفسك بيها وتعمليلها قيمه لان كل ما بتعملي كدا هتفضل تقلل منك ودي حقيقه للأسف بس انا مليش اي صحاب ولا حد غيرها وفعلا بحبها ومش بعرف اعاملها بنفس طريقتها بس فعلا خايفه اكبر علي كدا وتتعود ديما اني محتاجلها مش عارفه ازاي اتعامل معاه ياريت اللي عارف يقولي

بتعملو اي مع الاب اللي بيحب اهله اكتر من اولاده وبيبديهم ف كل حاجه عن اولاده لدرجه انهم مش لاقيين ياكلو ويلبسو كويس بس اهله عندهم كل حاجه ومش بيستكفو وسايبلهم ماله بالملايين من سنين كان معانا حاجات كتير وكلها اتباعت وخلصت لما اتزنقنا وقولنا عادي بس خلاص مبقاش ف حيل نسكت اكتر المفروض نعمل اي

هو لو أنا شفت ابويا بيخون امي ققول ولا مقولش أنا مش عارف اعمل ايه مع العلم أن عندي حاجة وعشرين سنة😞 فا أنا عايز حد يقولي اعمل ايه لاني حاسس ان في مشاكل في السكة مش هعرف اعمل اي حاجه خالص وانا اكبر اخواتي

عندى مشكلة ان اخويا الغالى بيقف فى اوقات مينفعش يقف معايا فيها ومن اقل حاجة ومش اى وقفة بيقف على اخره وبيبقا باين اوى قبل كدا كنت فى الشغل وعندى فى المكتب اتنين بنات شغالين معايا ساعتها مره افتكرت حاجة خلته مش عايز يهدا خالص والبنت واحده منهم لاحظتنى

جماعه بنت خالي متحفظه عليا انا واختي لما بنلعب مع قطتها مع العلم ان لعبنا مش عنيف خالص هيا تضايق اوي لو لقط القط علي رجلي او جنب اختي يعني مره كان علي رجلي كانت بتوقعه بالطريقه عشان انا مخدش بالي

كان عندي اصحاب بنات ع السوشيال ميديا وبحبهم جداا بس اهلي مكنوش هيتقبلوا الفكره فمعرفتهمش المشكله ان من قريب بدأوا يشكوا فيا وكل شويه يفتشوا الموبايل وبقيت حاسه اني متراقبه مع اني مش بعمل حاجة غلط تفتكروا اتصرف ازاي؟

عندي مشكلة ومش عارفه اعمل ايه حقيقي انا ايام الجامعه بابا كان بيثق فيا جدا وانا دلوقتي ٢٧ سنة ومبشتغلش اتغير فجأة بقي كل أما يخرج هو وماما لازم يخلي اخويا الكبير ياخد إجازة من شغله عشان يقعد معايا و يفضل مراقبني طول ما احنا ف الشارع أو الاوبر من المراية اللي قدام بينتله اني واخدة بالي ومفيش فايدة و مصلت اخويا وامي يراقبوني برضه و لو اي راجل بصلي ف الشارع يبصولي انا طب انا مالي !!! الموضوع ده بقي محسسني بالإهانة والخنقة حرفيا و بقيت اكره أخرج معاهم للسبب ده ف ايه الحل ارجوكم تعبت

ماصليتش العيد ولا تجهزت حتى فليلة لعيد لا عملت شعري ولا ماسكات ولا اي حاجة عشان زعلانة بسبب اختي دلوقت زعلانة بجدد مع اني بحب العيد جدا وكان مستحيل افوت الصلاة

عندي وحدة من عائلتي واقفة على الطلاق مع زوجها،السبب انو بعد 5 اطفال قررت تعمل هو محبش وهي تخون فيه و معاطياتهش حقوقه و ممربياش ولادها مع العلم دراهمو كامل عندها يعني مامخصصها من حتى شي يقدر عليه طلب منها فقط تبقى في الدار و تربي اطفالها و لكن هي فضلت العمل و الشارع على عائلتها و الان تريد الطلاق منه مع العلم هو حاب يصلح زواجه ولكن دار خطأ كي ضربها و الان اشتكت بيه المشكل انها تعمل عمل براتب بسيييط جدا لا تستطيع ان تعيش به و اولادها 5 كما انها دارت مشاكل كبار مع عائلتها و دابزت مع اخوها و اختها الوحيدين و باقي افراد العائلة فقط لانهم قالولها خمي قبل ما تطلقي و عطيه فرصة كما انها قررت ان تسمح في اولادها فقط للعمل و كاين تاني موقف كنت نحكي مع ابنتها عمرها 12 سنة فقط! و عندها حبيبها عندو 22 سنة و قاتلي "ماما علابالها و هي كانت تقولي متقوليش لجداك و ماتبيعيش" و كي هدرت معها اختها قالت لها صغيرة و حابة تعيش حياتها. كما قالت انو لوكان يقرب ليا (على زوجها)نقت..ل روحي و اطفالي و العديد من المواقف و الان اخاطبكم ما العمل معها مع العلم جربنا الصلح و جاو افراد من عائلته و عائلتها و مازالت في قرارها