منذ 2 ساعاتيشعر بـ غاضب
انتم ازاي بتتعملوا مع اخوكم الصغير عندي مشكله مع اخويا الصغير و معرفش ايه الي وصله لي كدا اخويا صغير قليل آلادب شويه جوه البيت بيقول اسؤ ألفاظ ( مش اسؤ اوي الصراحه بس بيقول الفاظ مينفعش تتقال في بيت ) في وجود انا أو اخويا الكبير أو امي اجي اتكلم مع يتخانق و يقل أدبه اجي اشتكي لي امي تقولي كبر دماغك منه هو قليل ادب اعمل ايه اكلم اخويا الكبير يقولي اعملك ايه اضربه يعني مشكله أنه أسلوبه معايا انا بذات اوحش وأحد بمعني ديما مش طايقني مع اني مش بكره بس ديما في كره مبالغ في نحيتي انا بس اجي اهزر معاه يضايق و ديما حاسه بعيد عني عكس اخويا الكبير الي انا و هو قريبين من بعض و مشكله أنه اوقات كبيره بيقل أدبه عليه علشان بهزر معاه يشتم و يقولي هضربك و بتاع و انا المفروض اخوه الكبير انا مش عارف بحكي ليه تفاصيل كتير بس انا مدايق و مخنوق قولت افك هنا شويه
انا معرفش هو عنده كام سنه بس انت ك اخ كبير ليك واجب انت تعرفه الصح من الغلط هو بيشتم و معندهوش مشكله في ده علشان محدش بيقوله لا و العيال الصغيره بتتمادى براحتها طالما مفيش حد يقوله ده غلط وللمعلومه مفيش حاجه اسمها هو قليل ادب انت جرب الاول تقرب منه و هيسمع كلامك
ممكن المشكله في كده انك انت وأخوه الكبير قريبين من بعض حاولي تفهميه يعني تمنعي الهزار الاول نقرب منه نسمعله بس وبعد كده نحاول نفهمه لما نحس أنه اطمن لينا نبدأ ننصحه ونحاول في أول فتره من العلاج نخده علي قد عقله بمعني سايسه هيلاقي نفسه مافيش سبب لقله الادب انا شايف أن سبب المشكله مجرد غيره بين اخوات ماتخافيش