عندي مشكلة انا بحب بابا ، بس احنا مش قريبين من بعض أبدا و مش هي دي المشكلة هو طيب و ميرضاش يزعلني انا او اخواتي بس لما بيتخانق مع ماما ، بتبقا خناقة للسما بيجيب فيها القديم و الجديد ، و يقعد يقول كلام وحش وحش جدا لماما و طبيعي انا بزعل و بتأثر ، لسه متخانقين امبارح جامد و قررنا نسافر انا و ماما لاخواتي ، و بابا هيقعد هنا لوحده، حجزنا تذاكر و لسه يومين على السفر ، انا حاسة اني جالي شبه تبلد من كثر المواقف الي حصلت، فجأة اعيط و فجأه أسكت و افتح فيلم عادي و لا كإن حاجة حصلت انا بس عايزه حد يعرفني خلال اليومين دول اتعامل ازاي مع بابا ، صعبان علي جدا عشان هيقعد لوحده ، و في نفس الوقت مش قادرة اتخطى ابدا ابدا كمية الكلام السيء الي بيقوله لماما و قدامي ، و كلمته قبل كدا حاولت اقنعه انه حتى لو اتخانقوا ميقولش كلام وحش كدا و قدامي كمان لان الكلام دا بيأثر في جامد ، و امبارح قال كل حاجة وحشة زي كل مرة كإني متكلمتش معاه اصلا يعني جوايا شعورين كره و شفقه انه هيقعد لوحده و هو عنده السكر كمان يا ريت تساعدوني