نظرة الناس

لا خالص أعتقد ولا كنت هكون نفس الشخص ولا نفس الشخصية ولا مع نفس الناس ولا حتى ف نفس المكان برغم إن كلام الناس أوقات بيعرفنا حاجاتك احنا منعرفهاش عن نفسنا بس حقيقي احكامهم ونظرتهم لينا طول الوقت بتخلينا ناس تانية غيرنا اصلا

كفاش تعرفو انسان عنده رهاب اجتماعي بليز قولولي انا انسانة معنديش. تخوف من العباد بصح نحششششسم فوقت صح نجيب حقي عادي مي انا مكترثة بزاف ف كيفاش يشوفوني لعباد، ليجاست تاعي كيفاش، منحبش ناكل ولا ندير عفسة وانا فمجمع، هكا يعني

هل البنت ليها سن معين لجواز ؟ يعني اللي عندهم ٣٠ سنه دول عنسوا؟ طيب اللي عندهم ٢٥ سنه نظامهم ايه؟ والمجتمع والناس بيبصوا ازاي في حد اتجوز علشان خاطر سنه كبر ف خلاص لازم يتجوز ؟ بتقنعوا اهلكم ازاي ان موضوع نصيب وان السن مش مقياس

عندي مشكله انا بخاف جدا من نظره الناس ومن كلام الناس وديما باخد راى ال حوليا ف اى حاجه عمري م اعتمدت على نفسي وبقعد ارجع كل المواقف مهما كانت تافه ولما بغلط بقعد بجلد ذاتى كتير على مواقف من زمان ومواقف عاديه جدا والله انا ممكن يحصلى موقف واتوتر فى بقعد يمكن تلت او اربع ايام مش عارفه اذاكر او اعمل اى حاجه بسب الموقف ال بكون متاكده ان الناس نسيتو من زمان بس معرفش ليه بيحصل كده عايزه اوصل لسلام النفسي وانى احاول تركيزى على نفسي مش عارفه ازى

بحس حاجة دايما.. او مش بحس، هي تُعتبر وجهة نظر.. اللي قدامك بيشوفك بمرايته.. لو هو حد قلبه ابيض وطيب، هيشوفك كده، هيدخلك بيته، يأتمنك على اسراره، وغيره كتير.. لو حد عنده حقد وكره وغضب مكبوت، هيشوفك دايما بني ادم وحش مهما تعمله ومهما تبذل في العلاقة من جهد.. اقرب مثال على ده، بنلاقي "الذكور" المتجوزين بس بيخونوا مراتاتهم، دايما شاكين فيهم، وبيعنفوهم ويبهدلوهم، رغم ان هو اللي خاين؛ هو شايفها بمرايته.. مفكر كل الناس زيه.. لو بنت قالتلك ك بنت مثلا ان انتي شكلك وحش، او ذمت حاجة فيكي حتى لو خِلقة ربنا وملكيش فيها ايد -بغرض التسفيه طبعا مش النصيحة، وشتان ما بين الاثنين عظيم-، ف هي بتحاول تغطي نقص عندها.. بتعمل اسقاط لعيوبها عليكي انتي؛ عشان بس تحسس نفسها انا فل وتمام وكيوت وان اهو فيه ناس اوحش منها، رغم ان ده ممكن ميكونش صح اصلا.. الناس دي مش طول الوقت بتبقى وحشة فعلا، بس البيئة اللي حواليهم خلتهم كده للأسف.. لو نقدر نغيرهم ف نحاول، اما لو هي طبيعي شخصية، ف ببساطة، "اعتزل ما يؤذيك". لو هنتعلم من الكلام ده كله درس واحد بس، ف هو انك تكون طول الوقت قلبك ابيض، مش ساذج، بس قلبك ابيض.. ولو حد عمل فيك حاجة، ف هي مش غلط منك.. لو حد عابك، ده صدقني يعيبه هو مش انت، ركز على نفسك، وشوف نفسك بمراية اللي بيحبوك، هتلاقي نفسك احسن كتيييرر والله.. فكرني الحوار ده وانا صغيرة لما كنت اقول لأختي انها غبية، بضحك وهزار يعني، ف تقولي اللي بيقول على حد انه غبي وبيقول على نفسه ذكي بيبقى هو الغبي فعلا، وانا كنت اتخانق معاها ومقتنعش.. بس لما كبرت عرفت فعلا انها كانت بتقيس بمقياس اكبر بكتير مما كنت متخيلة.

اكتر علاقات سامة هي اللي في الجواز مبتقاش تهرب من الهم و الضغط النفسي ولا تكمل عشان الطلاق وحش و نظره الناس وحشة 😭😭😭 لية الناس طبعها وحشة و دماغها صعبة بجددد التفااهمم راااح فييين ربنا ياخد الرجالة الوحشة

انا شخص اللي بحس بيه بيظهر عليا ، ف تعبير وشي وشكلي وحتى في مشيتي وطريقه كلامي مع اي حد او لو حتى ببتسم عشان اداري مشاعر حزن او ديقه جوايا ، بس المشكله اني لما اجي امشي مثلا بين الناس وانا متدايق او فحاجه مزعلاني الاقي نفسي ماشي ماشيه فيها لا مبالاه تعبير وشي هاديه وبسيطه مش متدايق عشان بحاول ما ابينش بس بيظهر عليا احساس الارهاق ، مرهق مالحياه ومشاكلها ، ف بيبقا قدامي طريقتين ، يا اما اتصرف على طبيعي ، بس محدش هيحب السلبيه اللي انا بقيت معظم الوقت فيها ، او اني اتصنع ، اتصنع اني مبسوط بقا متحمس اي حاجه ، بس الطريقه ده بكرهها ، ف اول السنه قررت اني اغير من نفسي وتعبير وشي عشان محدش يفتكر اني مكشر ولما يعوز يبدأ كلام معايا ميحسش اني هصده ف يمشي ، قولت اني هبقا مبتسم ابسامه خفيفه كدا تطمن اللي قدامي سواء هو جه فنح معايا كلام او انا رايح اكلمه ف حاجه ، بس كل دا مره واحده اختفى ، مع اني قعدت شهرين مطبقه كويس ، بس برده رجعت تاني للشكل اللي حكيت عنه فالاول ، المشكله ان الناس حواليا بيقولولي انت غلبان ، والكلمه ده مش بطيقها ، عشان ليها دلالات كتير زي مثلا انت طيب اوي وممكن حد يجي عليك ، او انت مش معاك فلوس ، او انت شخصيتك ضعيفه ، دلالات كتير وكلهم مش عندي غير اني بكره ان افكار زي ده تتقال عني ، ف حد بيحس بكدا برده

هو ليه سن ال 30 للبنت عامل زي المصيبة ازاي 30 سنة ومتجوزتيش ازاي 30 سنة وتفسخي خطوبتك انتي خلاص فرصتك قلت وازاي وازاي ليه الناس تعليقها ع ال 30 كأنهم بيدفنوك بالحياة بجد ومجرد رفض اشخاص الواحد مش حاسسهم ومش مرتاحلهم يبقي هو بيطبتر علي النعمة وشايف نفسه ليه الواحد يفضل قلبه واجعه من نظرة الناس واهله لمجرد العمر ليه بجد؟؟

كنت شخصيه مشاغبه. زرعوا الخوف ف قلبي من الناس و انى مخادش حقي و لو خدته دي اسمها قلة ادب ، و لازم احترم الكبير حتى لو هو ال غلطان بس ده الكبير و عادي يجي عليا لحد ما بقيتع بخاف اتكلم أو اخد حقي و اخاف من نظرة الناس ليا