بجد وصفت الموضوع صح أوي الناس فاكره إنها لما تقولي إني شكلي غلبانه وطيبه أوي كدا هفرح وكدا كدا بيتعاملوا معايا على أساس إني ساذجه ومبفهمش الموضوع مستفز أوي

ايه المشكله لما حد يقولك شكلك طيب او غلبان او علي نياتك او ايا كان!! ما الي يقول يقول هو مش بيشتمك، وانت لو واثق في نفسك وعارف انت علي ايه مش هاتزعل ولا الكلمه هاتأثر فيك، انا لما حد بيقولي كدا بقوله شكرا وخلاص، مابحاولش اثبت العكس!

الموضوع دا مستفز جدا واستفزني كدا لما حد اتعرفت عليه قالي كدا ، بحس ان انت غلبان ، ساعتها اتدايقت وقولتله ازاي مش فاهم ، قالي باين من شكلك ، مش فاهم دا يعيبني ف اي ، بس فالاخر الشخص دا انسحب مالعلاقه كدا من غير اي حاجه ، وهو هو نفس الشخص كان قاعد مع صحابه ف عرض عليا اجي اقعد معاهم صحابه صدوني مع انهم عارفني وقالوله لا خلينا احنا كدا مع بعضينا ، ف للدرجادي الموضوع مؤثر بالسلب على العلاقات مع اللي حواليا

مش دايما كل حاحة الناس بتشوفها ميزة تكون ميزة فعلا ممكن تكون بتعاني منها ربنا يقويك يارب المهم تبقي بس فاهم اللي قدامك بيعمل ايه و قصده ايه

بتتكلم عني بحب مضايقش حد ولا افكر بسوء ظن فيه و بسامح بس مش بنسي و لو حد ضايقني مش بسكت ، هنا بتيجي الشخصيه واني مش سهله هو يبان عليا كده اني طيبه وغلبانه وفاقده الشغف لما بزعل أو من غير زعل بيكون باين علي وشي ده لان ملامحي محايده شويه ، الابتسامه و التصنع اللي قررت تعمله فالاول مش لمصلحته وفعلا بيدي اندكيشن أن الشخص ده طيب وغلبان لاني جربت اعمل كده و سمعت كمان فديو بيقول كده مش كل الناس تستاهل طبيعتنا لو كانت حلوه او مجنونه وهكذا ، بس كمان الناس متعرفناش عشان تستحمل سلبيتنا والله حتي لو واحد صاحبك مره ورا مره هيزهق منك ويقول بيشتكي كتير عارف لما هتنجح وتطور من نفسك هتلاقي هما اللي عايزين يصاحبوك ويقربوا منك لو شفت فديو لياسر الحزيمي هتلاقيه بيقول فيما معناه ، أن كل ما هتنجح و تتطور الناس اللي هتختاجك و انت هتكون مكتفي بنفسك و العكس صحيح لما انت تكون شخص عادي هتحتاج للناس وحياتك تكون واقفه عليهم بس للاسف يعني ده الواقع دور كده علي اوئل الدفعه عندك هتلاقيه كل واحد عنده شله صحاب كبيره اوي ، هل كلهم بيحبوه كصاحب؟ اكيد لا الأغلب عايز منه مصلحه اللي هي الملخصات ، بس كده فكر فنفسك بس