28 Apr 2026يشعر بـ آسف
كفاش تعرفو انسان عنده رهاب اجتماعي بليز قولولي انا انسانة معنديش. تخوف من العباد بصح نحششششسم فوقت صح نجيب حقي عادي مي انا مكترثة بزاف ف كيفاش يشوفوني لعباد، ليجاست تاعي كيفاش، منحبش ناكل ولا ندير عفسة وانا فمجمع، هكا يعني
كفاش تعرفو انسان عنده رهاب اجتماعي بليز قولولي انا انسانة معنديش. تخوف من العباد بصح نحششششسم فوقت صح نجيب حقي عادي مي انا مكترثة بزاف ف كيفاش يشوفوني لعباد، ليجاست تاعي كيفاش، منحبش ناكل ولا ندير عفسة وانا فمجمع، هكا يعني
بالنسبة للحشمة هاذي ميزة فيك قليلة في وقتنا حافظي عليها اما حكاية الرهاب الاجتماعي فهي من امور لي تختلف في معنى من شخص لشخص فإذا كان التخوف اساسه الحياء فهذا لا يسمى الرهاب اجتماعيا واريد ان انوه اذا كان الحياء بدرجة معقولة غير ذللك فهو وسواس واتمنى ان لا يكون الثاني
حوسي في اليوتيوب على :"Julian himself " و تفرجي رح يفيدك بزاف .
الحشمة و الحياء افضل الصفاة اللي تتميز بيها المرأء المتأصلة و متخليش اي واحد ولا وحدة تبينلك هذي العفسة على انها غريبة ولا انتي موسوسة لا بل العكس هذي الصفة لي فيك هي لي تخليك دايمن حدرة و تخمي في والديك قبل روحك
هذي صفة مليحة متوسييش منها عادي
هذا ماشي رهاب اجتماعي أختي الرهاب يحبسلك حياتك كلها لدرجة ابسط الاشياء الاجتماعية ماتقدريش دريهم مع اعراض جسدية مقلقة و يكون يرافقك قلق حاد فتجمعات لي راكي تحكي عليه حشمة زايدة و صورة سلبية على الذات هذا ماشي مرض و انما هو تركيز زايد على نظرة الناس و نقص الثقة بالنفس و يقدر يرجع حتى لتربية .... ماشي حاجة كبيرة تقدري تتجاوزيها لازم تخدمي على أفكارك أكثر شيء
هدي عادية بيسك راكي انثى وهذي لحاجة تميزك بالعفة وللا تخليك انسانة محتشمة ولكن الجواب على كيفاه الانسان يعرف بلي عنده رهاب اجتماعي كي يكون يدير في بروجي قدام الناس ويعرق يتأتأ فالهدرة ميقدرش يكونصونطري يحس ضبابة في عيناه عنده بزاف تفكير سلبي والموقف كي يصراله يقعد يطلع ويهبط ديما يلوم على روحو ويشوف روحو هو الغالط يبغي ديما يقعد وحده كي يصرالو بروبلام وللا يتظلم ميقدش يهدر يسكت مالغري عنده حاجة حاب يهدرها وحاب يدافع على روحه