التجارب

Avocado_77684 🇪🇬

منذ يومين

شعور آسف

كُل التجارب بتأكّد حقيقة واحدة وهي إنّك ما تتعشمش في حد؛ لا في أهل، ولا صُحاب، ولا في أي مخلوق على وجه الأرض، عشمك في ربنا وبس .. ربنا سُبحانه وتعالى هو الملجأ الوحيد الذي لا خذلان منه ولا ألم، عشمك في رب الرحمة نتيجته رحمة ولا ياتي من الرحيم سوى الرأفة والرحمة. فاللهم بقدر عشمنا إرزقنا جبرًا يليق

Croissant_52708 🇪🇬

منذ 3 أيام

شعور منزعج

فيه مثل بسيط دايمًا بييجي في بالي: تخيل إنك عملت سفرة كبيرة، مليانة كل حاجة — ديك رومي، لحمة مشوية، كفتة، ريش، كباب، جلاش باللحمة المفرومة، سلطات بكل أنواعها، فراخ مشوية، بامية، وصنية بطاطس باللحمة... تعبت، وجهزت، وعزمت ناس كتير عشان يشاركونك اللي عملته بحب، وفجأة تكتشف إن محدش جه. كل اللي عملته راح

عبّر عن شعورك بشكل مجهول

فيه مثل بسيط دايمًا بييجي في بالي:
تخيل إنك عملت سفرة كبيرة، مليانة كل حاجة —
ديك رومي، لحمة مشوية، كفتة، ريش، كباب، جلاش باللحمة المفرومة، سلطات بكل أنواعها، فراخ مشوية، بامية، وصنية بطاطس باللحمة...
تعبت، وجهزت، وعزمت ناس كتير عشان يشاركونك اللي عملته بحب،
وفجأة تكتشف إن محدش جه.
كل اللي عملته راح، والمجهود والفلوس والطاقة اتحولوا لهدر.

الموقف ده علّمني إن الحياة أوقات بتعمل فينا نفس الحاجة.
تتعب على نفسك،
تاخد كورسات، تشتغل زيادة، تتحمل شغلك وتضغط على نفسك،
تحاول تكون أحسن وأقوى،
وفي الآخر تسمع كلمة زي:

> "إنت مش مضطر تعمل كل ده عشاني."

وقتها بتفهم إن مش الكل هيشوف تعبك بنفس الزاوية اللي أنت شايفها،
وإن أحيانًا بتكون "كتير" على ناس مش مستعدة تشوف اللي جواك.

بس الدرس الحقيقي كان إنك تشتغل على نفسك مش عشان حد،
لكن لأنك مؤمن إن اللي بتعمله "الصح".
اللي فهمك غلط ممكن في يوم يفهمك صح،
وإنت كفاية إنك تكون صادق مع نفسك.

أنا بني آدم، عندي عيوبي زي أي حد،
بس التجربة دي علمتني أوازن بين الطيبة والوعي،
وإن مش كل الناس تستاهل تعبك أو زعلك،
وفي بنت تانية خالص ممكن تشوفك كفاية،
وفي شغل تاني فعلًا يستحق جهدك.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Croissant_52708 🇪🇬

منذ أسبوع واحد

شعور مرهق

مكنتش متخيل إن اليوم هييجي وأقول إنّي مبقتش عايز أتعب علشانها. كنت فاكر إن حبّي ليها كفاية يخليني أكمّل، أتحمّل، وأحارب الدنيا كلها عشانها. بس بعد عشرين مقابلة شغل، وعشرين خيبة أمل، اكتشفت إنّي كنت بحارب في الاتجاه الغلط. كنت فاكر إن سعادتي مرتبطة بيها، وإن كل خطوة في حياتي لازم تكون ليها علاقة بيه

Strawberry_80896 🇪🇬

منذ أسبوعين

شعور مكسور القلب

من كتر اللى مريت به و صعوبته و البرود اللى وصلت له بعد ما اتعلمت من الماضي و عرفت اتخطى بقيت حاسة ان بقي عندى جانب من القسوة مش هيخليني اعرف احب تاني مش عارفة هتعامل معاه ازاى مش عارفة هل ده رد فعل طبيعي و مش ب ايدي ولا ده بقي خوف عندى يخليني ابقي كده و يخليني أحب اني أبقي كده لأن شايفه ان ده أمان ل

Kiwi_79580 🇪🇬

منذ أسبوعين

شعور قلق

انهارده اخدت خطوة عشوائية جداً في رحلت بحثي عن كرير الاقي نفسي فيه ممكن حاسة بشوية اضطراب ممكن خايفة اكون بضيع وقت واندم عليه في المستقبل بس حاسة ان خطوة عشوائية افضل من اني اكون ثابتة في مكاني ، اكيد هتعلم منها حاجة صح

Toast_77746 🇪🇬 انا خبطت فى برا الكارير بتاعى وفى الكارير بتاعى تقريبا ٥ سنين من قبل ما اتخرج لحد بعد ما اتخرجت حاليا أى انترفيو بروحه بيتصدمو من كميه التجارب اللى خضتها واتعلمتها بدرى وانا لسا سنى صغير بقيت حاطه رجل على رجل وبتكلم بكل ثقة مع حد خبره ٢٠ سنه فى المجال بتاعى ولما حبيت احصر انا اشتغلت فى اى لقيتنى اشتغلت فى ١٠ مجالات فى تخصصي بس غير اللى كان برا كاريرى فدوسي ومش هتندمى أبدا

عرض الكل 1 نصيحة

Mango_83439 🇪🇬

منذ 3 أسابيع

شعور متوتر

انا دائما خايف من كل حاجه بمعنى اني مش بعرف اجرب حاجه جديده مش بعرف اغير اي حاجه انا متعود عليها لازم كل حاجه تكون محسوبه ومش بعرف اخد Risk في اي حاجه ولو اتحطيت في اي حاجه فجأه منغير مكون مخطط بنهار ومش بعرف اتصرف حتى بتأتا في الكلام من التوتر اي حاجه بتكون فجأه دي بالنسبالي اصعب حاجه في الحياه

Blueberry_79752 🇪🇬 انا زيك والحل لازم تاخد ريسك وتكسر الحاجز في حاجة مخاطرها قليلة وبعدها تتدرج وبعد كل ريسك ادى نفسك وقت تسم نفسك لاننا بناخد كل حاجة ع اعصابنا بس لازم تعمل كل حاجة تنجح الريسك هتحس بشعور حلو بعدها يدفعك لقدام

عرض الكل 7 نصيحة

Banana_72325 🇪🇬

منذ شهر واحد

شعور وحيد

ازاي اقدر اعمل صحاب وانا اصلا مسافره بره مصر بقالي ٤ سنين وصحابي نسيتني وكل واحد بقا له حياته واسلوبه وكل حد اتغير بناءا علي التجارب اللي شافها خايفه اجي اتجوز او اتخطبت ملاقيش حد باجي وقت عيد ميلادي مبلاقيش حد

Marshmallow_77677 🇪🇬

منذ شهر واحد

شعور مرهق

زهقت من احساسي بالخوف من كل حاجه زهقت من ان قلبي يوجعني كل ما ابدأ تجربه جديده او حاجه هحتاج اتصرف فيها لوحدي تعبت من تفكيري ف كل حاجه و كل التفاصيل و كل احتمال و الي حصل و الي هيحصل زهقت من خوفي من اني ممكن اغلط و مش بخاف بس لا انا بترعب من احتمال اني اغلط ف حاجه و ان حد يشوف غلطي و ان الناس تعرف ع

Coffee_75283 🇪🇬

منذ شهر واحد

شعور مستنزف

بطّل مُحاولات في الحاجات اللي مش نافعة، بطّل تمشي في طُرق مسدودة وتكون مستني نهاية لطيفة ومَخرج.. فيه حاجات فشلها باين من قبل ما تخوض التجربة فيها؛ فحاول تنهيها وأنت خفيف خفيف كده. وقّف تشرب البحر كُله؛ عشان تتأكد إنه مالح.

Marshmallow_61979 🇪🇬

منذ شهر واحد

شعور مرهق

جماعه هو ممكن الحسد الشديد يكون سبب انو يوقف حجات كتير أو يأجل حجات كتير في حياتي ؟ حاسه انى حياتي بدأت تبوظ أو تتعطلي حجات كتير بدون سبب بحاول التزم بالازكار ممكن حد عنده تجربه يقولي هو انا مش بآمن اوى بالحجات دى وسيبها علي ربنا

Potato_75118 🇪🇬

منذ شهرين

شعور محبط

موضوع:

اكتر خوف مأثر عليك في حياتك

بخاف افضل واقف مكاني و متحركش،بخاف من الفقد المفاجئ لحاجه اتعودت عليها ،بخاف اجرب حاجه جديده، بخاف افضل لوحدي و كل اللي حواليا يختفوا مره واحده، بخاف حد يشوفني فاشل. و رغم كل دا بحاول بس بيتصد في وشي الف باب و باب و بفضل في مكاني برضو عايز حل؟

Strawberry_73091 🇪🇬

منذ شهرين

شعور مهتم

انا بخاف ديما اخش اى تجارب جديده اذا كان حب او صحاب انا معنديش صحاب خالص قريبين منى وانى اثق فيهم واحكيلهم حاجه كان عندى صحاب بس عملولى مشاكل كتير واتكلمو عليا وحش وانا كنت كويسه جدا معاهم وكنت بحبهم جدا ومبعرفش اتعامل مع حد مش واخده عليه وعرفاه اوى وبحس انى لوحدى كد وانى مش محبوبه اعمل اى

Chilli_48447 🇪🇬 انتى محتاجه للى يكون جنبك ومعاكى ويتابع معاكى يومك ويسمعك عشان تخرجى كل الدوشه والزحمه إلى فى دماغك إلى مخلياكى تايهه ومش عارفه تخدى قرار

عرض الكل 8 نصيحة

Popcorn_67987 🇪🇬

منذ 3 أشهر

شعور آسف

عبّر عن شعورك بشكل مجهول

فعلا لما تحب نفسك الناس هتحبك مش لما تعمل للناس الناس هتحبك ، كتجربه من واحد 24 سنه عنده بيت واخ وخاطب وليه صحاب وشغل ودنيا بردو حاسس انه لوحده مش بشوف الحب او الود من اقرب الناس ليا بالعكس انا بخسرهم حاولت اعمل عشانهم وجيت ع نفسي وع كرامتي ومداش اجابي ، لما يأست وفكرت ف اعمل حاجه ف نفسي عشان استوعبت ان كل ده كنت بحفر لنفسي حفره وفضلت تغوط اكتر واكتر واكتر ومش عارف اطلع منها ازاي قبل تنفيذ قراري ده انا قولت كده كده انت مش فارقلهم انا لو كنت عملت لنفسي كل ده كان زماني ف حته تاني ، اها انا بردو نفسي اتقطع وتعبت ومتأخر اوي بس بدأت احب نفسي واشوف نفسي واقرب من ربنا لقيتهم هما اللي بيجوا وبقيت انا اللي كارف ، انا مبحبش اعمل كده كان نفسي اشوف حب وود من اللي قدامي اتحارمت منه من اهلي وقريابي وصحابي حتي خاطبتي احتمال افركش معاها بس انا اخدت قرار اللي مش هيشوغني صح انا هصححله ، لو عملت كده هتبدأ تتحرك ف الدنيا براحتك كده كده نفسك عليك وهما عليك شد حيلك عشان تبقي انت اللي عليهم هش مش صعبه عشان ربنا معاك ، متزعلش من فراق حد متزعلش من خساره حاجه غير دينك ونفسك محدش هينفعك ف الدنيا ولا حد هيتحاسب مكانك ف الاخره .

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_61021 🇪🇬

منذ 4 أشهر

شعور محبط

الفاشل هو اللي ميركزش مع دروس الحياة لانها بتكرر كل يوم. وأهم درس اتعلمته هو أنك متطلبش حاجه من حد أي كان مين و أيا كان عندك احتمال انه يوافق لان كسرة الرفض خصوصا لو بتقدمله حاجات كتير هتبقا اكبر بكتير من فرحة او من الحاجه اللي انت كنت بتطلبها. ف الدرس متتلبطش حاجه من حد اي حاجه عاوزها يبقا من ربنا.

French Fries_26228 🇪🇬 بيعدي مركب من جنبو ف بيرفض يركب ويقول أنا مستني ربنا يساعدني ، وكل شويه يجب مركب تاني وهو يقول نفس الحاجة لغايه ما غرق ، وصلك المفهوم يا قهوه؟

عرض الكل 4 نصيحة

Carrot_41739 🇪🇬

منذ 9 أشهر

شعور عاطفي

بحب اوي اقعد مع الناس الكبيره و اسمعهم و أتعلم منهم كل واحد بيبقى عنده قصه حلوه و ذكريات و مشاعر عاشها و هم بيحبو أنهم يحكو واحنا نسمعهم لو حد مر بموقف مع حد كبير و استفاد او خد نصيحه و فرقت معاه يفيدني

Kiwi_34583 🇪🇬 مره كنت ماشي غي الشارع لقيت راجل كبير عجوز و قفني قالي ينفع تقعد معايا قعدت فعلا و فضل يحكيلي و قالي انه كان ملاكم و وراني مناخيره المكسوره و ودانه منفوخه و كان زي العسل قعد يوريني حركات هو اتعلمها كان موقف لطيف اوي 💕

عرض الكل 4 نصيحة

Chocolate_64253 🇪🇬

عايزة أكون أحسن علشان متحسش إني قليلة لما أتخطب

انا لو شايفه نفسي مش حلوه اي الصفات اللي مفروض تكون فيا علشان فالمستقبل لما اتخطب محسش اني قليله طبعا الاخلاق رقم واحد ، غير كده ايه الصفات اللي الشباب بتحبها فالبنت غير شكلها ، انا بتكلم علشان يبقي عندي خلفيه فالمستقبل ... ...عرض المزيد

1 الدعم

26 نصيحة

Sugar_87672 🇪🇬

مش بعرف أكون صداقات حقيقية.. حد عنده نصايح؟

حاسة إني مش بعرف أكون صداقات أو علاقات اجتماعية حقيقية. بحاول أفتح نفسي للناس، لكن غالبًا بحس بالمسافة أو البرود، ومش عارفة إزاي أكوّن روابط تستمر. أغلب الصحاب اللي بعرفهم، علاقاتهم بتنتهي بعد فترة الدراسة أو الشغل، وبعدين كل واحد بيكمل حياته ومش بيكون موجود. ساعات بحس إني لو حاولت أتعرف على حد، هيتكرر نفس النمط، وده بيخليني أرجع أتمسّك بعزلتي. حد عنده نصائح أو مرة بتجارب زى كدة ...عرض المزيد

1 الدعم

19 نصيحة

Biscuit_87034 🇪🇬

مش عارفة اتخطى حب مراهقتي وبقيت حياتي واقفه

انا كنت بحب حد والحد ده سابني بقاله سنتين وعشر شهور انا مش عارفه اتخطاه خالص مش عارفه حاولت كتير اوي الموضوع تاعبني نفسيا اوي نفسي أنساه بجد بس مش عارفه المفروض أن ده كان حب مراهقه كنت صغيره اوي 17 سنه ولحد هذا الان بقيت 20 ومش عارفه يمكن عشان الوقت الي حبيته فيه كان في مشاكل كبيره اوي انا متربيه من صغري علي المشاكل والخوف بسبب ابويا لدرجه أن الي كنت بحبه ده كان حنين عليا فوق الوصف فعتبرته ساعتها بدل ابويا يعني كان هو مصدر امان بالنسبالي ومن بعد ما سابني وانا كل مشكله بتحصل معايا بفتكره هو اول واحد هو اول واحد بيجي في بالي بفتكر حنيته عليا تعبت من كتر التفكير فيه يوميا لازم افكر فيه قبل ما انام يوميا لو زعلانه بفتكره تلقائي كده بقيت حاسه أنه شاغل تفكيري كله هتقولولي اشغلي نفسك اقسم بالله بروح كليتي وارجع علي الشغل بخلص 10 بليل واول ما بحط دماغي علي المخده بفتكره بردو وبقعد أخلق مواقف حلوه وهميه بيني وبينه والحاجات دي مش موجوده اصلا بس مش عارفه الي بيحصل ساعات بقول ياريته كان معايا دلوقتي وساعات ببقي مش طايقه ابص في وشه كل ما اقول خلاص نسيته برجع افتكره تاني برغم أن مش بشوفه اصلا وعملاله بلوك من كل حته وكمان هو اصلا مش عايزني ولا انا عايزاه هو ارتبط ب 2 بعدي وعاش حياته انا حاسه حياتي واقفه عليه نفسيتي تعبانه اوي ...عرض المزيد

0 الدعم

18 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع