لو فضلتي تخافي من كلام الناس هتفضلي واقفة مكانك فكري كده اي حد ناجح وشوفي بدايته كانت عامله ازاي مفيش حد فيهم كان مقتنع باللي بيعمله ولا حد كان مؤمن بيه بس كل اللي نجح في الأول كان عنده ثقة في انه هينجح الملخص أن خلي عندك ثقة في اتفه الحاجات اللي بتعمليها وده هيفرق معاكي جداً ومتفكريش في كلام حد فكري في نفسك وبس

بصي هو لازم فعلاً فيه حاجات كتير تاخدي رأي الناس فيها وتفكري فيها كويس بس لما يبقى الموضوع له علاقة باللبس أو حاجه هي في نظرك تافهه انا رأيي انك ترمي نفسك وتجربي حتى لو مش مقتنعه ما يمكن تكتشفي ان فيه لفة طرحة احلى عليكي بكتير من اللي كنتي بتعمليها في الأول مش هتكوني مقتنعه بس مع اول حد يقولك كلمة حلوة على اللفة الجديدة صدقيني مش هتعملي غيرها وقيسي على ده باقي مشاكلك بقى لازم ترمي نفسك في حاجات كتير مش كلها طبعاً بس لازم يبقى عندك حب التجربة + بنطالب كلنا برجوع شكل اللمونه😂