عارفه بعد ما عملت العمليه والم طبعا وكده بقيت اقول لنفسي يعني انتي مبسوطه كده بكل ده انتي الحمدلله ربنا كتبلك عمر جديد ليه اضيعه ع حد مش مهتم وبعد ما بدأت اتعافى وافوق رجعلي بوظ حياتي تاني ومشي انا ندمانه حدا اني دخلته حياتي مرتين بنفس الغباء بجد

عايزه اقولك حاجه كمان لازم نتعلم ان ربنا بيقولنا لما نحب اي حاجه في الحياه زياده عن اللزوم بتضيع من ايدينا ليه عشان ربنا بيقولنا ارجعولي ملكمش غيري لانه بيحبنا وبينادينا

يمكن انتي قلبك طيب وربنا نجاكي منه عشان يديكي واحد احسن منه يحبك من قلبه ويعوضك عن كل ألم

تاني حاجه اوعك تبعتيلها مش عشانه عشان نفسك وكرامتك مين هي الي تنزلي نفسك لمستواها خليه يشبع فيها هي هتعلمه الادب متقلقيش ومتكلميهاش لان هو هيقف معاها وانتي هتتقهري جامد عشان واحد ميستاهلش

ما انا بقولك من الواقع الي حصل وبيحصل معايا يعني انا الحمد لله جرحي الجسدي احسن شويه لكنه موجود لكن هفضل طول حياتي اعاني منه وجرحي النفسي كمان موجود لاني كنت بحبه اكتر واحد في الحياه وكنت مأمناله جدا وبثق فيه جدا وكمان انا اقدر ابوظ علاقته برساله بس الفكره اني احسن منه وحبيته بجد عشان كده مش عايزه ابوظ باقي حياته لان اول حياته بردو كان صعب بصي هو ده كمان انا اتخطيته مره بعد كده رجع وانا زي الغبيه بس هتخطاه مره تاني عادي بس جوايا عارفه اني ممكن مقدرش احب غيره بس ما دام هو مش سائل فيا ولا في قلبي خلاص اعمله ايه انا وقفت جمبه وحاولت اساعده بكل الطرق هو بقا نسي ونكر كل ده لنفسه اقولك ع المشكله الاكبر هو عارف اني مرضت بسببه واني مريضه بسببه وعادي مهموش فخلاص يعني فكري فيها من نحيتك هو عايش عادي ومبسوط وبياكل وبيشرب وممكن تكوني مش بتيجي في باله اصلا

و السؤال هنا ننسي ازاي ؟

نعم طبعا أنشاء الله تقومي بصحة و سلامة و تلاقي واحد أحسن منو

بصى هو انتى بيبقا فى طرق كتير ربنا بيختارلك احسن طريق ليكى وبيمشيكى فيه يعنى ممكن لو كانت عمليه نجحت تماما ونزلتى من بيتك بدرى يوم كنتى لاقدر الله عربيه خبطتك عملتى حادثه عملتى حاجه كبير وممكن لو كنتى هو معشمك جالك كان هيحصل حاجات انتى متعرفهاش بعد جواز فهو لو قولنا كان ممكن لو ولو وكلام ده كله هتقعدى نقول كد كتير فاحنا هو ربنا شافلك الطرق الى هو اخف طريق ليكى وحطهولك واطمنى ربنا شافه ميستاهلكيش بعده عنك وكد كد هتقدرى تقومى أحسن من الاول

يا الله قلبي معاكي والله وانا كمان بمر بنفس الحاجه عملت عمليه كبيره بردو في امعائي وكنت بحب واحد بقالي سبع سنين وخطب لسه قريب بس نصيحتي ليكي بجد كل الناس وحشه هو الي مأزم معاكي دلوقتي اكتر الم العمليه يعني شوفي صحتك والباقي بيجي بعدين بعدين هو الي خسران غبي بيضيع واحده بتحبه من ايده وهتشوفي هيرجعلك ندمان والله وفكري كده يعني لو كنتي عشتي معاه تخيلي كان ضربك واهانك ولو انتي بتحبيه فعلا كمان اعملي زيي قولي مش انا بحبه اه يبقى اسيبه يفرح يعني لو بتحبيه قوي لو مش كده استنى الايام وهتوريكي المهم دلوقتي تخلي بالك من صحتك عشان محدش هياخد ابر غيرك ولا هيروح المستشفى غيرك حتى أهلك شويه وهيتعبو وتحسي انك عبئ عليهم

هاذا قضاء الله و قدره بينلك أنو يلي تحبيه مارح يوقف معك فمراحل ضعفك و كان معك طمع فأشي فيكي