أنا طالبة ف تالتة ثانوي المفروض زي مابيقولو إنها سنة مهمة جدا هيا فعلا سنة مهمة بس أنا مش لاقية أي حد يفهمني من البيت خالص كلهم يعني دايما عادي دي سنة عادية مافيهاش أي حاجة مش شايفين كمية الضغط اللي بمر بيه كمية الرعب اللي أنا حاسة بيه دايما بيفضلو يجلدو ف ذاتي بالكلام الوحش والسلبي ومافيش أي ثقة خالص فيا دايما بيحصلي حاجات كتير وحشة ف حياتي ومش بيتأثرزا خالص بحس اللي هو انتو ليه بتعاملوني كده بشوف معاملتهم مع اخواتي ومعاملتهم معايا بجد بستغرب طب ليه هما بتعاملوهم كده وأنا بتعاملوني وحش طب أنا عملتهم إيه علشان يعملولي كده بكون سهرانة طول الليل بذاكر ويدوب تيجي فترة نومي الاقيهم بيصحوني يلا قومي شوفي اللي وراكي قومي اعملي كذا وكذا طب أنا لسه منمتش لأ مالناش دعوة حد قالك ماتناميش وتفضلي طول الليل بتذاكري طيب ده مستقبلي أعمل إيه بقيت أحس ف الفترة الأخيرة بفقدان الشغف لابقيت أذاكر ولا بقيت أعمل أي حاجة أهملت دروسي ومذاكرتي وكل حاجه مش عارفه أرجع طبيعية خالص بطلع برا البيت مش بكون عايزة أروح وسط استغراب اصحابي كلهم من ليه أنا بكره فكرة البيت ومش بحب أروح مش عارفه أعمل إيه عايزة أرجع أذاكر تاني امتحاناتي خلاص باقي عليها أقل من تلت شهور مش عارفه دايما يفضلو يوصفوني بإني فاشلة بكون متكرمة ف الدروس المفروض يكونوا فرحانين لأ بيقولولي وإحنا ايه يخلينا نصدق إن المستر اللي مديكي دي مش إنتي اللي جيباها
نصيحه لله محدش هيقولهالك طبطبى على نفسك وخلى بالك من مستقبلك ومزاكرتك علشان توصلى لحلمك واوعى تكرهى البيت علشان العالم الخارجي بقى زباله من الاخر كده
تجاهلي كل السلبيات دي وخليكي واثقة من نفسك أكثر. نجاحك وتفوقك هما اللي هيرفعوكي في المجتمع. واعرفي كل واحد بيتعامل معاكي ازاي واتعامل معاه بنفس المعاملة. هترتاحي كثيرر
ان شاء الله اكيد طالما انتي بتساعدي اهلك ونيتك خير هتكوني في الحياه اللي بتتمنيها بأذن الله
عايزك تعرفي ان ربنا شايفك وشايف تعبك وهيعوضك اضعاف لو مش في المذاكره فوالله هيعوضك احسن بكتير حد يحبك وجوازه كويسه ومريحه وعيال يحبوكي ويعوضوكي بشغل كويس بكليه تلاقي فيها نفسك كل ده اهم من مجموع
هما مش سلبيين هما مش عايشين معاناتك ومش حاسين اللى انتى حاساه لو معاكى اخت قربى منها وخليها صحبتك