النهارده وانا بصلي سنة الفجر اتلخبطت وقولت بعد الركوع الله اكبر بدل سمع الله لمن حمده وصححت وكملت صلاه وبعد التشهد سجدت سجدتين للسهو وبعدهم سلمت وفي راجل بصلي باستغراب كدا ف لاني معرفتش اقوله ولا هعرف يعني ف هقول هنا لو نسيت حاجه في الصلاه ركن اساسي اول ما تفتكره ارجعله واعمله (ركوع ، سجود) واسجد للسهو طيب لو شاكك ومش متاكد يبقا اسجد للسهو سجد السهو بيبقا قبل ما تسلم ومش بنقول بعده تشهد تاني اول ما تطلع سلم وممكن يبقا بعد التسليم في حالتين الاولى انك تسلم وبعدين تفتكر انك ناسي حاجه والتانيه انك تكون شاكك انك ناسي ومش متاكد (وهنا اقصد ناسي ركن مش ركعه ) لو شاكك انك ناسي ركعه خد بالاقل وصلي تاني وبعدين اسجد للسهو ( قبل التسليم) والاغلب يعني ان السجود بيبقا قبل التسليم وبتقول في السجود دا نفس السجود العادي ( سبحان ربي الاعلى تلاته ) وفي دعاء عن النبي (اللهم اغفر ذنبي كله دقه وجله اوله واخره وعلانيته وسره ) وبين السجدتين ( اللهم اغفرلي واهدني وارحمني وارزقني وعافني واعفو عني واجبرني ) وبس كدا هعمل فطار واشرب شاي واكمل مذاكره دمتم في امان الله واعوذ بالله ان اذكركم به وانساه