طموح

انا حاسه بالذنب تجاه نفسي واني كنت اخدت فرصتي وأجلت ثانوية مع اني انا اختارت مأجلش وقولت بلساني ايا كان اللي هيحصل ونتيجة اهون لو اجلت عشان امي ... وظروف اخويا وكده انا في نظرهم متعبتش وقصرت وخذلتهم وضيعت نفسي ودخلت كلية تربية ومكنتش عايزة ادخلها .. مجال مش حباه بدفع تمن حاجة حاجة بتاكل في اعصابي الف مرة وهغير المجال بإذن الله .. لكن انا بحس بالذنب تجاه نفسي واني مستاهلش اللي حصل مقابل دا اخويا اللي حصله دروب ثانوية ومكملش امتحانات وبقاله سنين في الكلية وهو دلوقتي في الاواخر وانا فرحانه ليه جدا لكن انا زعلانه علي نفسي يعني بحس هو فرحان وهو في مكان بيحبه رغم انه جابلنا الكلام وامي بتاخدني بذنبه دلوقتي الاهتمام كله عليه والفرحة كلها ليه والله فرحانه بس انا زعلانه علي نفسي لان بتحطم كل يوم انا كنت علمي علوم .. وحزينة وحاسه اني مكسورة وهما طول الوقت ضيعتي نفسك في الاول وهتضيعي نفسك في الاخر ، انتي ضيعتي خلاص ، انا خلاص رميت طوبتك ، انا كنت عارفه اصلا انك مش هتجيبي مجموع وكنت عارفه انك كذا وكذا .. وكلام كدا بيتعبني والله .. هما بيحاولوا يخلوني احب التدريس عافيه وعارفه كل الكلام اللي بيتقال ومش عايزة اسمعه لان كفاية اوفر انا مش حابه المجال . نقطه بلاش كلام كتير وحاولت ادي نفسي فرصه وكانت اسوأ فرصة عدت عليا حرق اعصاب وبنزين علي الفاضي كتب ب كل ترم 12 مادة بنسبالي حرق اعصاب وتضييع سنين في الفاضي وهتخرج وحزينة يارتني فرحانه احساس التوهه واني مش لاقيه نفسي ، واحساس التقليل من البعض واكن الواحدة عشان ليها طموح بيدفنه الواحد ومتزعليش بكره تتجوزي طب ما ربنا يكرمني عادي بس اي علاقته باني زعلانه واني عندي طموح واحلام وزيادة عليه جواز .. وشخصية تحب تشتغل الواحدة عشان عندها طموح زيادة او مش بتستسلم او ما الي ذلك يبقي الوضع ليه سخرية وليه تقليل من طموح انسان .. يعني انا بحسد الناس اللي مكملتش تعليم اللي زاهدة الدنيا والعالم يعني حاولت افكر في تفكير صحابي معايا في الكلية واريح دماغي والكلام اللي بنهزر منه دا بس الواحد يعمل اي في طموحه واحلامه واصراره علي انه يوصل رغم اني تايهه في المجالات وبحاول الاقي نفسي بعد ما كل حاجة خططتها اتسحبت مني ولا لما يتقالي كل الاحلام دي هتروح لو جالك حد المشكلة الموضوع بيزيد ياريته بيقل يعني بيكون عندي اصرار للشغل وحاجات كتير الواحد بجد نفسه يوصل لمرحلة آمنة فوق كل دا الواحد بيقول الدنيا دي فانية مش مستاهله بس بجد انا طول الوقت في صراعات بجد وبحاول ابقي اقوي ولكن الموضوع صعب ، وندمانه اني اتنازلت وندمانه اني فكرت في اهلي والناس ومفكرتش في نفسي بقول لو اتعاد بيا كنت هفكر في نفسي وهرأف بنفسي وحالتي ومسمحش لحد يتحكم في قراراتي مع اني حاولت دا ميحصلش بس كنت بحاول وبعافر لاخر لحظة حتي وانا كنت تعبانه ... بس محدش كان شايف ولا حد قدر ولا هيقدر غير ربنا ، حقيقي بجد ندمانه ندم مشوفتوش حياة الكلية اصعب بكتير من اي حياة والله انا مش قادرة بجد تعبت وعايزة اموت

انا عندي 17 سنه حلمي اكون رحل اعمال ناجح و معايا فلوس مش عارف هوصل ل دا ازاي و انا يومي كلها بيروح في عادات مبتفدنيش ف اي حاجه يعني لا بذاكر ولا بشتغل ولا بسعي ف حاجه كل دا طبعا وراه سبب اني في فترة امتحانات خايف افضل ااجل لحد م الوقت يسرقني يومي كلو عباره عن موبيل مش عارف ابدا امتا او ابدا ازاي و خايف من الفشل و خايف العمر يسرقني و الاقي نفسي بقيت 30 سنه ولا حاجه و محققتش اي حاجه بجد حياتي كلها متلغبطه

خليني اتكلم شويه بتمنى كلكم تبقو كويسين وتكونو احسن دايما في البداية انا بشوف نفسي شخص طموح جدا بس المشكلة اني بأجل كل حاجه يعني انا بتعلم حاجات كتير كلها في نفس الوقت مش قاعد بس مش مدي اهتمام لحاجه معينه وده مخليني متاخر شويه فاهم قصدي حاسس اني محتاج افوق بأمانه لاني خلاص داخل ع الفاينل ومراكم كل المواد تقريبا بسبب انشغالي طول الترم ب 100 حاجه بس دي النقطه التانيه انا مش عارف اذاكر انا بدات من كام يوم بستخدم طرق مختلفه عشان اعرف الم اي حاجه بس مش عارف الموضوع بياخد وقت ومجهود بلاقي نفسي في الاخر مذاكرتش غير كميه قليله الفكره الواحد تايه مش عارف هيعمل ايه بعد كده دماغي مش سايباني في حالي المهم انه إن شاء الله خير اكيد

و بعدين كل ما اخد خطوه ارجع اتنين العمر بيجري سابق السنين انا شاب لاكن من جوه عجوز عندي احلام بس محبوس مجروح بنزف طموح بدمي بكتب كلامي وابوح بسرح بتخيل بروح بغني ترد فيا الروح انا نجم في السمااااا

الدنيا بقت صعبه على الواحد من جميع النواحي حرفيا ومبقتش عارف ايه المطلوب يتعمل عشان نواجه كل ده والابتلاءات في حياتنا ونرضى ...كل حاجه حوالينا تحس انها مش مساعده الطاقة نفسها تحس انك فاقد الامل والشغف و الطموح رغم صغر سنك

​"يا جماعة بجد أنا في أزمة وجودية ومحتاج تدخل سريع من أصحاب العقول الرايقة! أنا مواليد 2005، يعني المفروض إني في عز شبابي وطاقتي، بس اكتشفت إني بقيت بمر بـ 'أزمة منتصف العمر' بدري شوية. قررت أبدأ أهتم بمستقبلي وأتعلم مهارة جديدة عشان أبقى 'Self-made' وأعمل فلوس، فبدأت كورس 'Design' و 'Freelancing'. النتيجة كانت إني بقضي 10 ساعات قدام الشاشة وبقيت بكلم نفسي بالـ 'English' وبنسى أكل. والمشكلة الأكبر إني لما بقرر أخرج أفك عن نفسي، بكتشف إن كل صحابي بقوا بيتكلموا في البورصة والـ 'Crypto' وأنا كل اللي شاغل بالي هو إني ألاقي مكان هادي بيعمل قهوة مظبوطة ومشغل أغاني 'Indie' رايقة. هل أنا كدة بقيت شخص ممل ولا دي ضريبة الطموح؟ محتاج بنت بتبحث عن التوازن في حياتها تقولي إزاي بتعرف تفصل بين المذاكرة والشغل وبين إنها تعيش سنها وتتبسط؟ هل في 'System' سحري للموضوع ده ولا أتقبل إني هعجز وأنا عندي 21 سنة؟ بجد محتاج نصيحة تخرجني من دوامة الـ Overthinking دي قبل ما أعتزل العالم وأسكن في دهب!"

زمان كنت مليانة شغف وكنت بقع كتير وأقوم وعملت مشروعي ف سن صغير وعشان أكبره تعبت كتير ووقعت كتير بس كان دائماً جوايا عزيمة علي الاستمرار وكنت فاكرة أن لما اوصل للوقت دا هكون فخورة بنفسي اني محققة احلام كتيره بس الحياة كان ليها رأي تاني ... 💔 اصبحت اقل مجهود بيتعبني واحتاج وقت كتير عشان اقوم بجد نفسي ارجع تاني لنفسي القديمة

حاسس بالوحدة انا 29 سنة حاسس ان انا كبرت حاولت اخطب كذا مرة بس الموضوع كان بيبوظ في فترة التعارف قبل حتى م نلبس دبل مبحسش بانجذاب اوي غير لبنات معينة و دة مصعب الموضوع وخايف اخد بنت اظلمها معايا .. القبول مهم ف مش عايز اخد بنت مبقاش عارف اعبر عن مشاعري ليها او ابقى بقول اي كلام من غير م اكون حاسه للأسف بحاول اشتغل على قد م اقدر عشان طموحي عالي شوية ف مش لاحق اتعرف على بنت والصالونات اغلب البنات اللي اهلي اقترحوهم معجبونيش شكلا ف مبكملش هل في حد زي كدة ؟!! ولا انا لواحدي

افرح عالحاجه اللي كان نفسي فيها وعملتها ولا ازعل من ان دوام الحال من المحال ، اعيش حياتي واكون مبسوط وراضي باللي انا فيه ولا ازعل من ان اي حاجه فالدنيا ممكن تضيع عادي ف وقت اقصر بكتير من الوقت اللي انت خدته عشان تبني الحاجه ده ، اركز علي نفسي وحياتي ومبصش لغيري ، ولا اشوف غيري بيعمل اي ومخليه ناجح ومبسوط ف حياته اكتر مني ، احلم واطمح لحاجات افضل ولا معملش كدا عشان لو معرفتش احقق حاجه من احلامي ، اهرب علي فين…

سلام عليكم اقسم بالله انا منزل البوست بنيه خير انا عندي 20 سنه مجتهد جداً طموحي الحمدلله ملوش سقف واثق باذن الله في ربنا اني هنجح نجاح كبير جدا وده مش بس بالنيه لا بالسعي المشكله اني مش عارف الاقي الشخص المناسب اللي تناسبني انا مدخلتش في السكه دي الحمدلله فعشان كده لما قررت ادخلها ادخلها صح انا اتعلمت كتير جدا من الحياه والمواقف وربنا يشهد بس مكلمين في السعي والله المستعان

حاسس اني تعبان او مرهق كل ما احاول ابدأ في حاجه متنفعش متكملش عارفين احساس انا نفسي اجيب حته من سما بس مش عارف اي مانعني تحس كده انك متكتف ضعيف مع انك بردو عندك طموح عالي و عايز تجري و تحقق كل جواك نفسي اعرف ابدأ اي حاجه ازاي و اكملها للاخر شكرا لحضراتكم

عندي هوس بالمزيكا من وانا عندي ١٠ سنين جبت جيتار وانا عندي ١٤ سنه واتعلمت ومن حوالي سنتين دخلت في سكه ال music production نفسي اوصل فني للعالم مش عايز شهره مش عايز فلوس نفسي اعمل حاجه مختلفه في المزيكا نفسي اغير حاجات كتير اوي واتعلم حاجات كتير اوي

أنا ثانوية عامة ( علمى علوم) وهل طبيعي ابقى لغاية دلوقتى معنديش هدف معين او طموحى كلية معينه او حتى مجال معين عايزه ادرسه وشعور التوهان الى علطول حساه ده برده طبيعى ؟ حقيقى فتره صعبه مش عايزه تعدى

انا بحاول اتعلم المانى كنت بذاكر انجليزى كويس فى مكان معتمد الحمدالله وبقيت ماشى كويس واشتركت فى ينفع لو ينفع بيتعلم نجشع بعض وكده انا لسه مبتدأ بس عاوز اكمل ان شاء الله واستمر لغاية ما ابقى كويس

أنا في صراع بين "طموحي" و"خوفي من الفشل" ​أنا طالبة مقبلة على البكالوريا، أعيش حالة من Emotional Exhaustion لا توصف. وضعت لنفسي هدفاً عالياً (كلية الطب)، لكنني أجد نفسي عالقة في دوامة من التعب الجسدي والنفسي. ​أنا لا أعاني من نقص الذكاء، فقد حققت نتائج ممتازة في المواد العلمية، لكن "عقلي" قرر أن يدخل في حالة Avoidance مستمرة؛ أهرب من المذاكرة بالنوم أو التردد، وكلما حاولت النهوض، يقتلني الخوف من خيبة الأمل. ​الضغط الخارجي لا يرحم؛ المقارنات المستمرة مع الأقارب، وكلام والدي القاسي الذي يصفني بالفاشلة، جعلني أفقد ثقتي في نفسي تماماً. أصبحت أتساءل: هل أنا حقاً "غير قادرة"؟ أم أنني فقط ضحية Burnout شديد؟ ​الآن، وصلت لمرحلة الانهيار وأفكر بجدية في الانسحاب وتأجيل كل شيء لعام 2027، ليس لأنني لا أريد النجاح، بل لأنني أصبحت Terrified من المواجهة. ​أحتاج إلى نصيحة: كيف أستعيد Mental Clarity في هذا الوقت الضيق؟ وهل الانسحاب خيانة لنفسي، أم هو الحل الوحيد للنجاح لاحقاً؟ ​أنا متمسكة بخيط رفيع من الأمل، فهل من سبيل؟

انا شخص طموح جدا عندي احلام كتير وبحب اقرا و اتعلم حاجات كتير بس المشكله اني الشغف ده بيروح اول مابدا الحاجه او بعني اصح مش بيروح بس مش بقدر استمر مع اني بكون بنفس الاهتمام للحاجه دي وبفضل اقول لازم اكملها و بسوف فيها كتير و نفسي ابدا حاجه اكملها ابدا كتاب اكملو ابدا كورس اكملو بس مش عارفه مش قادره اكمل حاجه للاخر حتي لو قرات روايه مش بقدر اكملها مع ان في رويات حماسيه وببقي نفسي اعرف ايه اللي هيحصل بس مش قادره اشوف اخر فصل عشان انجز بحس نفسي عايزه حاجه سريعه ولو الحاجه هتاخد وقت معرفش اعملها ودي حاجه معصباني اوي نفسي انجز حاجه في حياتي يعتبر كشخص في سني معملتش ايه حاجه تفيدني في المستقبل

لما حسات ان انا مش في مكاني مش دي البيئه اللي عايز اعيش وسطها الفقر القرف ده احساس أن الواحد محروم ده وحش اوي وكمان ديما مشاكلي ثلاث اربع حلها فلوس ف خت وعد علي نفسي أن ايا يكن انا لزما انجح عايز ابقي مليونير حرفيا زي الناس اللي علي النت ، جواز يتأخر اهم حاجه شغلي حتي ديما وانا في السن ده مش بابص لاي بنت ومستعد لأي ضغوط التضحيات عشان الحلم ده عارف ان انا طالب كتير و الدنيا مش بتدي كل حاجه وزي ما انا هاخد كتير هدي كتير جدا في الاول بدون مقابل ولزما اصبر

بعد ما فشكلت خطوبتي مع البنت الي حبته 4 سنين من عمري من سعتها ونا مش انا مش نفس الشخص الي كان بيسعي واله بيعمل اي حاجه حسيت اني حتي مني مبقتش موجوده والسبب كانت امي عشان كده انا متعذب بي فكرت اني مش عايز اواجه امي عشان مكسرهش وفي نفس الوقت كاتم جوايه تعب مش قادر اتخلص منو بس من ساعات اليوم ده وانا مش موجود انا جسد ماشي علي الارض من غير روح واتحولت من صاحب طموح لي مجرد انسان كل همو اليوم يعدي عشان يهرب من دنيا بي النوم ومش فارق معاه اي شئ

محتاجة اتكلم في حاجة محدش يرد عليا غير اخواتي الثانوية العامة او الدفاعات القريبة اللي من اول 23 مثلا المهم انا ثانوية عامة علمي علوم يعني طموحة شوية فعاوزه كلية طب اهلي مش شايفني غير فيها ده اولا يعني اللي خلاني اكتب بوست اصلا ان ماما قالتلي لازم تذاكري وتجيبي مجموع عشان برستيجك 🥲🥲🥲 طيب ندخل في المهم واللي هو انا فين من المنهج اولا انا رجعت عربي علي مدارس الادب كلها رجعت شرح بدون ما احل حل زيادة علي اللي سبق وحليته النحو رجعت تقريبا علي 4 واحدت من اصل 8 وبحل تقريبا فيما يعادل الكتابين و اكتر اصلا بس خلينا نقول كتابين الكيماء بقا رجعت كهربية شرح وحل و حاليا في العضوية وبحل كتابين كيمياء ثابت الفيزياء مش مراكمة بس باخد مع عبدالمعبود وبحل كتابه بس والمفروض انه بيراجع كهربية مع الحديثة فانا رجعت علي اول بابين كهربية الاول شرح وحل والتاني شرح وبدات احل عليه احياء بقا رجعت علي الدعامة والحركة شرح وحل ومفروض اني هراجع علي الRNA عشان خلصنا المنهج شرح وحل وبحل كتابين و اكتر بش خلينا نقول كتابين الانجليش بقا كتاب واحد و pdf مجمع كتير بس مفروض اني هبدا اراجع الاسبوع ده انجليش فهل كده انا هدخل طب ولا هتخزوق لاني رغم اللي بعمله شايفة مستوايا ضعيف وبغلط كتير و بسبب كتر الغلطات نفسيتي تعبت وبدات احس ان اللي بعمله كل علي الارض ومفيش مادة علي الاقل مش بغلط فيها هو اه مع المراجعة غلطاتي قلت في اجزاء بس انه مش مطمئن خالص الغلط المستمر ده غير بعد ما كنت بذاكر من 7:8 ساعات غير الدروس بقيت بذاكر 5 ساعات بالميت و نو طاقة خالص بقا ومفروض اني اشد في الفترة دي بس الجنزير وقع وقع خالص بقا

هو أنا عندي 15 سنه بس طموحه يمكن زيادة عن اللزوم، ممكن تدوني نصايح او حاجات اتعلمها تفيدني في المستقبل، وحاجات انتم عملتوها ومش عايزيني اغلط فيها و كده، ولو مثلا رجعتو لسنين ورا وقت سني حاجات كنتم هتعملوها

لا اهلي مكنوش سهلين فطفولتي ربولي توتر دائم والكورتيزول عندي فاعلي القمم عندي اضطراب فرط القلق والتوتر بلاص الحديه غير مشاكل تاني كتير اكتر حاخه يتمناها أن متجوزش حد زي بابا انا م بكرهوا بس م بحبه اهم حاجه هو وشخصيته ونفسه احنا لا عايز يجوزني لمجرد أنه يخلص مني فالبيت مع اني م بعمله حاجه بيضرب امي دايما وجاي عليها بطريقه بشعه امي غلبانه م بتتكلم بس ظلمتنا لما جبلتنا اب زي د بقا كل املي أن ابعد. عن البيت نسيت فوسط كل د ان عندي طموح في حاجات بحبها جالي ارت بلوك بقية حزينه دبلانه مكتئبه وكل اللي يدعي بيه ربنا ميبتلنيش فالشخص اللي هتجوزه ويكون حنين لاني مشوفتش حنيه وميكونش زي ابويا لان بيتنا هو اكتر حاجه هدتني وخلتني دبلانه

انا تخطيت العلاقة وانا لسه فى العلاقة امتى عرفت انها مؤذية مؤذية؟ لما لقيته الوحيد اللى مش فرحان بنجاحى بيتريق على طموحى بخيل عاطفيا وماديا بيشوف حقوقة بعيون صقر وحقوقى مش معترف بيها لما لقيته مش ناوى يتغير مش ناوى يحطنى أولوية شايف نفسه بس

تعبتتت عندي مذاكرة ونايمة من امبارح وانا فتالتة وعايزة أطلع م اوائل الجمهورية ومراكنة شوية فيزيا محترمين وجيولوجيا وأحياء وخايفة أرجع افتح الفيزيا أحييه احييه احيه حد كبير يساعدني بليز اكبر بشوية صغيرين

السلام عليكم يا جماعه بحس ان في المجتمع في اي دوله الاخلاق الحلوه بقت بتخلي صاحبها الناس الي في سنه مش عارفه تتعامل معاه و مش لاقي حد عنده اخلاق ولا طموح حلو مش لاقي صديق يحتويني يسال عليا

في حجات كتير عايزه اعملها في حياتي وعندي طموح ليها بس مش قادره انفذ اي حاجه مش عارفه ده كسل ولا خوف من الفشل ولا ايه بجد دي حاجه مديقني جدا

مطلغبطه شوي عارفه أن الجواز سنه الحياه وان لازم الإنسان يستقر وكل ده جميل بس انا عندي مشكله مع العيشه نفسها مش قاصدي مدينا قصدي في الحياه يعني الكل عايش ذي بعض ذي ما يقال اليوم بيومه مفيش طموح لحاجه ينجح فيها ويطور فيها عايشن بس موظف ثم معاش وخلاص بس انا مش عايزه اعيش كده هتقولوا هيجيلك شخص كويس وفي ناس طموحه بس هو هيقبل اني اشتغل هيقبل اني اعمل حاجه نفسي وانجح فيها ولا اول ما اخلف هقعد بقه واكررث حياتي ليهم هي اه ده شئ كويس بس كده في انانيه الان الست الظغط عليها بيبقي اكبر من الراجل بكتير وبرضه وهي بتشتغل الظغط عليها كتير بس اي ده لا انا مش هكرث حياتي ليهم واعمل كل حاجه وهو يبقي دوره اي تي ام بس