مذاكرة

المذاكره صعبه، والشغل صعب، والتعامل مع الناس صعب وان الواحد ينزل شغله كل يوم صعب بس سيدنا عمر بن عبد العزيز قال "لو أن الناس كلما استصعبوا أمرًا تركوه ،ما قام للناسِ دنيا ولا دين." مينفعش تبطل تعمل حاجه أو تبطل تحاول عشان الحاجه دي صعبه توكلوا على الله وان شاء الله يومكم يكون كويس 🤍

الواحد حاسس بملل شديد من الاجازه مع ان ايام الدراسه تلاقيك بتعمل الف و الف حاجه عشان تلهينفسم عن المذاكرة تيجي دلوقتي ولا اكن في حاجه و فراااغ بتعملو اي عشان تقتلو الفراغ ده و الكلام طبعا مش لبتوع 3 ثانوي خش ذاكر يا بابا

انا كمان شهر و هدخل تالته ثانوي المشكلة في اني مهمله يعني مش بذاكر كله بمزاجي و اهلي سايبني و مش مهتمين بالحته دي خالص و عادي لو ذاكرت مذكرتش طز يعني مش مهتمين السؤال ازي اتحكم في نفسي و اذاكر؟ لاني بجد خايفه و لو استمريت على كدا انا حرفيا(لقدر الله) مش هجيب حاجة بجد!!

السلام عليكم انا ف تالته ثانوي وانا ف شهر ٤ كان المدرسين قربو يخلصو المناهج ويشهد ربنا ان انا من اول السنه بحاول مقصرش وبعمل ال اقدر عليه وتعب وسهر وشفت سنه مايعلم بيها الا الله وكله متاكد اني هبقا دكتورة ان شاءالله المهم انا طلع قدامي ناس بتعمل سيشن تنظيم مذاكرة ومنزلين اسكرينات لناس بتشكر فيهم واد ايه هما شالو من عليهم الضغط وساعدوهم وبقو بيذاكرو احسن ومستواهم اتحسن وكدا المهم لما المدرسين خلصو المنهج انا بطلت انزل دروس وقلت هراجع ف البيت وهشرك مع الناس دول وفعلا اشتركت وكانو كويسين وكل حاجه وقولتهم ان انا ازهر وامتحاناتي هتكون بدري وقدامي شهر بالظبط اراجع فيه واحل الكتب ال عندي قالولي هتراجعي وتحلي شوامل كتير جدا المهم بعدها بشوية حسيت انهم بيحطولي تاسك صغير اوي ف سالتهم انا هخلص امتا قالولي يوم 25/5 ف قلت كويس يعني مش مضغوطه وهخلص بدري بعدين لحد يوم 19/5 لاقيت ان انا لسا مخلصتش مراجعه اكتر من نص المنهج وقولتلهم قالولي مش لازم تخلصي بدري المهم تحلي كتير قولت ماشي ولحد ما خلاص شهر 5 بيخلص ولاحظت انهم مش عاملين جدول اصلا وبيحطو تاسك ف منتهى العشوائية حرفيا وحتى مش فاكرين انا راجعت ايه وايه لا وانا ال كنت بقولهم وقالولي هنظبطلك دلوقتى المواد الاولى ونكمل ف ليالي الامتحانات ف قلت ماشي وبعدين بدأت امتحانات والامتحانات تقيله وانا قلقانه من المواد ال متراجعتش ولما برجع من الامتحان بيقولولي عملتي ايه بس وواحدة منهم نزلت على الجروب احنا وقفنا شغل ازهر! يعني ايه بجد وانا كمان دفعت فلوس شهر وكمان شهر الامتحانات عشان يسالو عليها بعد الامتحان؟؟؟ اعمل ايه بجد انا حاليا بحاول مضيعش مجهود شهور بسبب ناس بتتعامل من غير ضمير انا طلعت من كل الجروبات وبعت للادمن بقول على كل ال عملوه مردش حتى

جماعة امتحانى بكره و مش عارفة اذاكر قاعدة بعيط بس جربت لقيت نفسي بعيط ونا بكتب برضو مش عارفة اعمل اى و حاسة انى مخنوقة اوى و مش حابة كده مش عارفة حتى افصل او اضغط على نفسي لحد ما امتحن بكره مش عارفة بجد 💔

بيج مشكله استاذ في زنق نفسي بعد المرور بمرحله سيئه استمرت لكذا يوم وبالتالي معرفتش اذاكر اي حاجه ف الامتحان الصبح وفاضلي تلت اقسام وذاكرت قسم واحد المؤشرات بتقول هلحق ان شاء الله ذاكرت الاداره وفاضل الاقتصاد والمحاسبه والاحصاء المحاسبه والاحصاء عملي بحث ف سهله جدا تتلم المعضله في الاقتصاد والاداره ف يتم البصمجه وفي خطوه اكتر من رائعه جايه في رحلة التغيير بخصوص خطوة الاخ الحنين اختى خلصت امتحانات (اعداديه) ارجو تدعولها بجبران الخاطر (بنات بس اللي تدعي) وادعوا لاخواتي التوأم داخلين ثانويه عامه وطايشين ربنا يهديهم يارب وادعولي بالهدايه والصلاح هرجع بعد الفجر ان شاء الله مخلص خالص

بما إن المتابعة مع حد دي مش نافعة معايا ف خليني اتابع هنا يمكن ربنا يكرمني وانجز بقا رفع شيت حفظ الورد المراجعة قراءة 30 صفحة انهاء 3 ايام ت عمل الخطة مذاكرة 4 صفحات باطنة مذاكرة 5 صفحات معدية

السلام عليكم 🌸. دلوقتي انا داخلة تالتة السنة الجاية، ف الطبيعي ان ماما اصلا بتبدأ معانا بايو من قبل الدروس ف نص او اواخر سبعة كده مثلا، عشان كده كده هي طبيبة وفي نفس الوقت نبدأ مذاكرة بالتدريج، بس انا عشان اول دفعة للـ integrated science ف انا يعتبر مأخدتش بايو ولا مرة غير شوية سمك كده ف اولى ومش عارفين هيتغير ولا لا. ف اضطرينا نكنسل الموضوع ده لحد ما يطلع قرار بخصوص البايو، وبما ان انا زهقانة ومعنديش حاجة اعملها بجد ف قررت اذاكر فيزيكس. انا شاطرة اوي فيها وبحبها وبحب اذاكرها واقرأ فيها بعيدا عن المذاكرة، ف هي بالنسبالي سهلة وكل حاجة، بس انا مش عارفة هل ده هيأثر عليا في آخر السنة؟ انا لما قلت لماما قالتلي انها فكرة حلوة طالما انا فاضية عادي، بدل ما ابدأ الدراسة بضغط واراكم وكده خصوصا ان انا بتشتت بطريقة مستفزة، ف قالتلي ابدأي على خفيف اقرأي بس الكتاب شوفي محتوياته ومحتاجة فيه ايه او ايه مش فاهماه صعب ولا سهل وكده، وبس. ف انا قرأته قراءة سريعة وهو باين عليه مستوى متوسط بالنسبالي لان فيه حاجات انا معرفهاش اوي، خصوصا ان اول شابتر اصلا كله electricity وانا آخر معلوماتي فيها من تالتة اعدادي. ذاكرت جزء من اول درس وحاسة الحوار ممتع اوي وماشي معايا، بس زي ما قلت مش عارفة هل ده هيفصلني في الآخر ولا لأ.

ازاى بتوقفوا محاولات وبتتقبلو الفراق والخسارة عادى ومش بتهلكوا نفسكم وأعصابكم وحالتكم حالة .. تانى حاجة لو متراكم عليكم مذاكرة رهيبة ومحاضرات بالاربع ساعات بتعملو ايه لو انتو بتشتغلو .. متراكم عليا كورس

موضوع انك تبقي لوحدك لدماغك ولوحدك عموما ده متعب جدا اي الي وصلنا لكدا يترا كان هيحصل اي لو محصلش الي حصل هل كنت هبقي نفس الشخص؟ عايز اقوم اذاكر بس مكسل وتعبت عندي رسم حر بكرا واظن كدا اضمن شيلت الماده ادعولي

هو ايه الحل في مشكله الإلتزام ان الواحد يركز علا مزاكرته وهدفه بظون سرحان او تضييع وقت خالص عشان مش لاقي حل هو ايه الحل في مشكله الإلتزام ان الواحد يركز علا مزاكرته وهدفه بظون سرحان او تضييع وقت خالص عشان مش لاقي حل

رسميا انا بيقت عارفه أن مش هقدر اجيب 80 % في ثانوي انا علمي علوم انا ضايعه ضايعه حرفيا في كل المواد هل انا اقدر الم المنهج كامل في 9 ايام؟؟. انا نفسيا بيقت زفت عارفه أن مقصره تاني مره تحصل في حياتي أن مش قادره اقوم اذاكر مش قادره مش قادره فعلا مش اوفر انا حاسه ان محبوسه مش عارفه اقوم اعمل اي شي غير المذاكره الفتره دي حصلت و انا في تالته اعدادي و جبت مجموع زفت و دلوقتي انا تالته ثانوي و نفس الفتره بتتعاد تاني انا مش عارفه اعمل اي خايفه اذاكر و اتعب دلوقتي في الاخر كاني مش ذاكرت اصل انا هذاكر اي ولا اي انا في أبواب مش عارفه فيه كلمه انا بجد مش عوزه اي حاجه من السنه دي غير اجيب 95 % بس انا بجد تعبت

انا شاب في اولي كليه قربت اخلص اول سنه ونا في ثانويه عامه كنت ملتزم ودنيتي تمام حصلتلي انتكاسه بعد النتيجه ولحد الان مش عارف ارجع حاسس بخنقه كبيره اوي اوي انا بمر باوحش فتره في حياتي مش عارف ارجع ازاي كل لما ارجع نش قادر مش عارف كل حاجه حوليا بتوقفني عندي امتحانات نفسيتي في الارض حرفيا وفي امتحان حليت فيه وحش وخايف منه مش عارف اعمل اي لا بقيت بصلي ولا عارف ازاكر ولا عارف اعيش ومش عارف اعمل اي لو حد مر بنفس التجربه وخرج منها ياريت يفيدني

كل حاجه بتبوظ مذاكرتى وشغفى وطاقتى كل حاجه مش موجوده والمذاكره باظت فعلا وخلاص مبقاش فى وقت والماده دى مينفعش تتذاكر ليله الامتحان انا عمرى ما كنت كدا عمرى ما كنت بالفشل دا وفقدان الطاقه دا حاسه مش قادره اتنفس والصداع مش راضى يروح

محتاجه انام 24h حرفيا 🥲 مطبقه يومين عشان امتحان و كان محتاج قبله ايام كتير مش يوم واحد بس بحاول ملومش نفسي انا عملت اللي عليا ، بس هيبقي في امتحانين بعد بكره كمان 💔 مش لاحقه انام ولا اراجع 😂 دعواتكم

انا كنت ثانويه عامه السنه اللي فاتت حصل عندي مشاكل مكنتش بذاكر شايله ٥ موات انجليزي فرنساوي احصاء وتاريخ جغرافيا مرعوبه بجد المفروض اول امتحان يوم ٢٣ وانا برضو معرفش اي حاجه في المنهج في المواد وضايعه فيهم خالص حد يعرف طريقه كويسه احل بيها خصوصا اني مش بعرف اقرا انجليزي او فرنساوي خالص بجد مرعوبه اوي

انا دايما شايفه اني مقصره فس مذاكرتي برغم اني بعمل مجهود مش طبيعي ابدا بس انا شايفه اني مقصره مع ان بردو انا شاطره وبذاكر كويس اوي انهارده خرجت من الامتحان سايبه 3 اسئله وطبعا لما كلمت مامتي ادايقت حاولت اكلم اي حد عشان كنت مخنوقه اوي بس ملقتش معرفتش اعمل ايه فقولت ادخل اكتب هنا يمكن اخرج شويه طاقه من طاقه الحزن اللي انا حساها بالذات ان انا معايا في اللجنه بنت فاشله بمعنى الكلمه لدرجه انها ممكن تغش الاملاء عادي والامتحان كان متسرب اصلا بس انا مكنتش اعرف وهي دخلت وحلت وخلصت ونامت كمان وانا قاعده قدامي ورقتي ومجهودي طول الترم ومش عارفه اعمل حاجه في الورقه قدامي امي وهي بتقولي انا واثقه فيكي وابويا وهو بيقولي ابقي قابليني لو فلحتي حلمي اللي انا حاسه انه هيروح مني وانا مش عارفه الحقه لثواني حسيت اني قصرت واني اللي معملتش اللي عليا بالرغم ان انا كنت ممكن ماكلش عشان اذاكر واخلص لكن حاسه انه لا كان محتاج مني مجهود اكبر او لا انا معملتش كل اللي عليا مش عارفه حاسه اني خلاص مش قادره ولا عايزه وتعبت مش عارفه

عندي مشكله تمت صلاة الفجر جماعة وامام اللهم الثبات واللهم اني اعوذ بك من ان اكون مُرائياً استكمالا للي قبل دا (البوست طويل عذرا) خلصت محاضرتين من تسعه وخلصت ملزمة اسئله وخمس صفحات من المذكره الحمدلله كدا فاضل ٧ محاضرات و ٥ ملازم وحوالي ٢٧ صفحه في المذكره ومعايا اليوم كامل ان شاء الله في حاجه كمان 👇🏻👇🏻 #رحلة تغيير

عندي مشكله امتحاني يوم التلات يعني معايا الليلادي وبكرا كامل باذن الله هطبق النهارده وبكرا هنام قبل الامتحان معرفش اي حاجه عن الماده للاسف ودي اول مره ازنق نفسي كدا المهم عليا ٩ محاضرات شرح وبنك اسئله و ٦ ملازم من مكان ما فيهم تلخيص برضو للتسعه هذاكرهم كلهم وهجيب اكبر قدر ممكن الليلادي باذن الله ونسيت كمان مذكره ٣٢ صفحه اسئله عليهم اللهم انت المعين توكلنا على الله الخطه كالتالي هذاكر المحاضره من الملزمه الاول وبعدين المحاضرة (خط الدكتور صعب اوي ف هبدا بالملزمه عشان افهم) وبعدين هجيب جزء الاسئله اللي في المذكره احله وبين كل محاضره والتانيه بريك هحل فيه مكعب روبيك ودا هياخدله دقيقتين تلاته واقوم اشرب مايه وافصل دماغي شوية وبعدين ارجع (ودا ياخد بالكتير عشر دقايق ) هرجع الفجر باذن الله اقول عملت ايه توكلنا على الله 🤍

حد عنده فكرة احسن من مذاكرتي ازاي؟ انا عارف انه مش وقته وانه الامتحانات خلاص موجودة بس هو تساؤل عشان انهاردة انا كنت بذاكر في مادة طول العيد و فيه احتمال اني اشيلها اصلا بعد كل ده انا خدت باغلب النصايح اللي على النت يعني ابعد المشتتات عني، اغير المكان من وقت للتاني، ابعد عن التليفون والسوشيال ميديا، اخليهم اهداف صغيرة و الحاجات دي كلها انا غالبا بتبعها فعلا بس مش حاسس بالنتيجة اللي تريحني، حاسس انه فيه حاجة ناقصاني دايما

أكتر وقت كنت خايفة منه بدأ معايا من كام ساعة، حاولت و الله حاولت مفكرش و اكون عادى بس معرفتش، مكنتش حابة أضعف كده، بس اعمل اى مش ب ايدى، انا عارفة انى السبب ف اللى بيحصلي الوقتي، بس اعمل اى طيب، كنت حابة اطنش و مركزش و اذاكر و كده المذاكرة تشغلنى بس و الله مقدرتش💔 انا عارفة انى استاهل، بس هعمل اى معايا بجد غير منى لله💔 عارفة ان لازم مع صلاح الغلط ان يحصلى كده و اتوجع علشان اتأدب، بس انا ضعيفة و طبيعى احس بالوجع، انا بجد نفسي اغمض عبني و اصحى على حاجة جميلة و مختلفة، حاسة انى فى كابوس، زي ما نفسي اقوم اذاكر علشان معدش وقت على الامتحان بس فعلا مش قادره، خاصة انى مش بعرف اذاكر غيؤ ونا كويسة فعلا، هو مش وقت الانهيار بس مش ب ايدى💔💔

حد عندو فكرة ازاي الم منهج 3 ثانوي المتراكم عليا قدامي 20 يوم الفيزيا 8 فصول مذاكره منهم 3 الكيميا 5 مذاكرة واحد الاحياء 7 مذاكره منهم 3 الانجليزي 12 Unit مذاكرة منهم 9 من غير الكلمات العربي اتبقالي جزء صغير نحو و الادب كلو

الماده صعبه جدا جدا حاجات كتير وبرانشات كتير ليها الامتحان بكره الصبح ودماغي وقت مش قادر حاسس مذاكرتي دلوقتي قرايه فقط مش حفظ انا عارف اني مقصر والله ومقصر ف كل حاجه ف مذاكرتي وف علاقتي مع ربنا وذنوبي كتيره وكمان اذنبت ف فترة الامتحانات دي انا برجع واستغفر بس انا زعلان من نفسي جدا وعلي نفسي جدا خايف علي نفسي وعلي مستقبلي خايف من عقاب ربنا ليا انا عارف ان ربنا مش بيعاملني ب ذنوبي يعني مش انا اذنبت ف مش هتوفق انا استغفرت ربنا ورجعت له وظني ف ربنا دايما خير انه مش هيضيعني ابدا ولا يكسرني دايما بيجبر بخاطري انا حاليا تعبت تعبتت جدا وطاقتي خلصت مش عارف اي دلوقتي الامتحان بكره وانا تايه تايهه جدا

السلام عليكم و رحمة الله و بركاته عندى مشكلة و هى التسويف و المثالية خاصة حاليا فى الامتحانات و المذاكرة و الفاينل و كل الجو ده و تخرج بقى و كده😭 فترة تقييدى الأيام اللى فاتت اثبتت ليا ان التعافى مش هنا، و افتكر كلكم عارفين كده كويس جدا، هو اه انا فاهمة ان ساعات فعلا بيكون هنا اشخاص عندها مشكلة حقيقية و عاوزة مساعدة و حلول، و موضوع التعافى مكرر معانا كتير ب اختلاف الحالات بقى خاصة ان الموضوع ده مكرر مع اى حد هنا، ف بمجرد ما حد ينزل يكلم ده اصلا بيرجعك تلقائى لحاجة انت بالفعل بتحاول تهرب و بمعنى اصح تتعافى منها لأن التعافى مش نسيان خااالص، ف بجد فعلا اى حد محتاج يتعافى يحاول مع نفسه، و يبدأ اصل الرحلة فردية و الله لأن بكل ثقة مفيش تعافى او اى خطوة عموما تعرف تاخدها من غير قربك من ربنا..🥀

انا تالته ثانوي و امتحاناتي خلاص بافي عليها حوالي ١٥ يوم و م عار اعمل أنا م ضايع ف كل المواد بس مذكرتي دي متجبش ٧٠ فلميه حتي فا هل حد هندو حل الله الله الله الله اكبر الله اكبر الله اكبر الله اكبر

السلام عليكم و رحمة الله و بركاته.. بما ان بوست المذاكرة كان السبب ف تقييدى لمدة 6 أيام، بسبب ام الأب ده🙂 ف انا معتش هتكلم على المذاكرة تانى، و هى كده كده مشكلة جماعية، ف اللى عاوز يبدا هيبدا و الكلام ده مش ليا لأن للاسف عندى برود و تنحة وامتحانى بعد بكره و المادة كبيرة و لسه مذاكرتش😭 بس هتكلم معاكم عن حاجات تانية.. أولها ان امبارح كان فى محاولة لتظبيط النوم و للأسف فشلت لأن ده مش بالساهل بس تعرفوا ان الدافع ورا الخطوة دى هى ان الوقت بتاع بليل اتعودت ان كنت بعمل فى حاجة معينة، بس حاليا فكرة ان الروتين ده اتسحب او انا انسحبت منه بنفسي، فكرة صعبة فكرة ان قاعدة فى نفس المكان بس اللى ناقص ان مش هعمل الروتين ده تانى فكرة جايبة ليا خمول و مود اكتئاب مش عارفة اكسره غير ببعدى عن المذاكرة و هو ان اعمل أكل و اتفرج على فيديوهات علشان تخليني مشغلش عقلي ب حاجة تانية ممكن توجعنى، عارفة ان الكلام مش مفهوم بس ده الافضل يعني💔 حاجة تانية مهمة جدا و الله و ممكن تفيد.. لما تجيلك فرصة على طبق من دهب ربنا بعتهالك علشان تبعد عن حاجة معينة غلط او حرام، استغلها من غير ما تفكر ف اى حاجة غير دى تعتبر الفرصة الوحيدة علشان تبقى صح و تحاول تحسن من حياتك، هى صعبة و موجعة بس استحملها و صدقنى وقتها بيتولد شعور جواك انك مبسوط.. انا بعدت و نفذت فكرة الهروب من غير تفكير لما لقيت فرصة ربنا بعتهالى، من غير ما اقدم اسباب، عارفة ان ممكن تكون العواقب توجعنى اكتر بعدين، بس المهم ان من ترك شيئا لله عوضه الله خيرا منه، ده المهم و المريح، انك تحاول بس ترضى ربنا..

سفر وشنط سفر ومزاكره وامتحانات وسهر 48 ساعه وشنط تقيله وشمس مستعره الجو حر نار بجد انا اسمريت اكتر 😂 حرام والله كل ده في يوم واحد وشي بيطلع نااار من الحر أنا بقيت بكره الصيف واحب الشتا خلاص

يا جماعة انا تالتة ثانوي معنديش شغف لأي حاجه حتى المراجعات مش قادر اذاكرها فأنا عايز study partner سواء بنت او ولد نصحى بدري ونحدد عدد ساعات معين نخلصه في اليوم ونشجع بعض يعني واللي يقع يشد التاني كدة ويفضل يكون تالتة ثانوي برضو

حلمت بواحد من اكبر كوابيسي واللي كنت بتخيله زمان وصحيت جسمي بيرتعش وبطني وجعتني زيادة على الصوت اللي شغال في ودني معرفش ايه دا بس هو مش auditory hallucinations وعندي امتحان بكرة و زهقت من المذاكرة بقالي شهرين مذاكرة وامتحانات وخلاص تعبت وكل شوية الاقي mouth ulcers في مكان مختلف وشوية وتختفي يمكن دا burnout او مجرد ارهاق

بوست مهم وفيه مشكله كبيره بتوجهني وبتواجه ناس كتير 📌 من. كام يوم شوفت اب بيخليك تبطل تضيع وقتك عالريلز ف بما اني استاذه تعفن دماغ ويومي كله ضايع عالريلز ف قولت انزله يمكن يساعد فتحته لقيته جابلي ان اخر 7 ايام انا استخدمت الريلز لمده 51 ساعه؟!!!! انتو مستوعبين الرقم انا سمعت صوت ضربات قلبي فاللحظه دي من الخضه وكمان انا ففتره امتحانات يعني فالاجازه بقعد أضعاف عدد الساعات دي ومش باخد بالي انا في 51 ساعه ضاعو من عمري بدون سبب وبدون فايده!! انا هتحاسب قدام ربنا على 51 ساعه ثانيه ثانيه فيهم وشوف سمعت كام اغنيه فيهم او شوفت حاجه مكنش ينفع اشوفها شئ مرعب جدا يعني دول 51 ساعه بس ف اخر 7 ايام امال لو جمعت على حياتي ال فاتت من ساعه ما بدأت اتحاسب هيكونو قد ايه؟ اتمنى انتو كمان تعرفو خطوره الموضوع دا وتحاولو تبطلو تضيعو وقتكو وادعولي ربنا يهديني ويهديكو انت كممان اسمه الاب stay free

انا ف تالته ثانوي ازهر وامتحاناتي هتبدا بعد بكرا الإنجليزي كنت وانا براجعه وبحل بس كنت مضغوطه اوي ومحاضرات مراجعه الحل طويلة ف مكنتش بسمعها ودلوقتي انا مش عارفه ال انا بحله دا صح ولا لا ف لو حد عارف اسم أي ابـلكيشن عشان مضيعش وقت ف المحاضرات

عندي مشكلة صعبة اوي ومش قادر احلها ومحتاج حل ( محصلش ) مش عارف في حد ديجيتال ماركتينج ولا لا بس مش عارف اركز في المذاكرة وعندي امتحان بكرة ومش عارف اذاكر ومش لاقي حل وشربت خمسين كوباية قهوة وسبعين كوباية نسكافيه وبلعت مكنة القهوة نفسها ومفيش حل

سلام عليكم دلوقتي عندي مشكلة امتحاناتي كمان ١٨ يوم ثانوية عامة لغاية دلوقتي مبعرفش احل وبحاول وافضل احل ورا المدرسين وبردو مبعرفش الفيزيكس عندي مشكلة والكيمستري مشكلة اكبر والماث اكبر واكبر واكبر لسة فاتحو انهاردة عارف الصياح هنا ملوش حل ارجوك لو عندك نصيحة قولها بضيع وكل المواد عندي فيها مشاكل مش عارف اعمل اي والله بذاكر ومش بنام وبردو معرفش في اي بسعي ومفيش نتيجة في الحل وبنسي بسرعة ومش ملاحق الموضوع فارق معايا اوي عايز افرحهم والله انا كده كده مستاهلش وانا عارف نفسي

عندي مشكلة وهي إني حاسس إني يمكن دا مش مكاني والزمان دا مش زماني أو انا موهوم...يمكن خيالي وداني لدنيا أو لعالم تاني أو أنا مجنون...أو يمكن..أنا نجم بس مفيش سما عندي جناحات بس مفيش هوا..بس عامةً حاسس بالزهق وورايا مذاكرة موت بردو

عندي امتحان الصبح ولسه متبقى محاضرتين اول واخر مرة اشوفهم فيها ومش عارفه اذاكر عشان مصدعة وضروسي قررت تتجنن عليا وجيت افتح امتحان السنة الفاتت لقيت حاجات اول مرة اشوفها ومش عارفه حتى ابصمجهم وانا على اخري

خلاص قربنا على الامتحانات اتبقى ايام خلاص انا ولله اي الايام دي من سنه انا كنت ف اعالم تاني انا كل شويه افكر نفسي علشان ازاكر اكتر ولله و اعمل الي عليا علشان مقولش معملتش انا ديما بقول الي كنت عايزه اعملو السنه الي فاتت و معرفتش هعملو السنه دي بقول ديما كده بس بقى اهو انا بدات اذاكر و الامتحان الخميس يعني انا قصادي النهارده و بكره النهارده فتحت التلات مواد قولت اخد خلفيه علشان بكره عندي مراجعه بقى و الحاجه الي مش فهماهه افهمها بس بجد حسه ان الشغف المزاكره بيقل

تعبت والله انا تعبت من ام المذاكره دي تخيل معايا تكون زهقان وقرفان ومضغوط وبدل ما تبقي مكتئب كمان وسنجل لا تبقي متجوز ف بدل ما تقعد تجلد نفسك تقوم مديها احلي سبانك وتعملوا احلي واحد اندومي خضار متروس شطه .. تخيلت معايا قوم ذاكر منك ليها يا سنجل یا مضغوط يا وحيد انتي وهيا

لى نتحمل مسؤولية مش مسؤوليتنا ونحاول نحل أمور اكبر من سننا ونعيش دور مش دورنا المفروض انى اركز على مذاكرتى وامتحاناتى لى اتحمل هم البيت كله مش كفايا امتحانتى وانى بحاول ارفع التقدير علشان اخر سنه علشان يرضوا ويكونوا فرحانين ولازم اذاكر كمان برا مذاكرتى علشان لما اقدم مع اختى اكون شاطره زيها ومكسفهاش قدام الشركه لى بجد كل الضغط ده

حاليا انا مضايقة اوى لعدة أسباب :ـ انا مش مذاكرة خالص وعندى امتحان على 14 شابتر وانا ولا اعرف كلمة وكمان باخد كوريات تانية مش ملتزمة فيها خالص وكذا مرة كنت هتطرد بسب أنه الكورسات مستواها أعلى منى بمراحل بس علشان دفعت فلوس فغصب عنى مضظر اكمل ده غير عايزة إمكانيات مش عندى مع التزامن فى المائة وامتحانات وصلت لمرحلة مش طائفة حتى حد اشوف حد فى وشى مضايقة اوى ومؤخرا مواقف كتير من. انى قطعت علاقتى مع أشخاص توكسك فى حياتى وبتخانق مع اهلى كتير مش عارفه اعلم اى بجد عايزة اعيط ومش عارفة اقول اى بجد

حوار اني بزنق نفسي لحد ليلة الامتحان و دايما بهرب من مشاكلي بالموبايل بجد نفسي ابطل اعمل دا مش عارفه حد عنده + هو انا لازم اكتب 150حرف عشان اعرف اعمل بوست * اول مره اشير حاجه * بس حاسة الموضوع رخم

مشكلتي تافهه حبه انا امتحاناتي خلاص كلها 20 يوم وحرفيا معرفش حاجه ف الانجلش وم عارفه اذاكره او اعمل اي حاجه فيه ومكنتش بنزل دروس ليه وم عارفه اعمل ايه لو حد عنده حل يقولي ازاي كان بيذاكر الماده دي واليوتيوب م بعرف افهم منه وبتبقا كتيره اوي واكيد م هقدر اقعد كل الساعات دي ع يوتيوب فا ممكن اي حل يساعدني

بتذاكروا Math 2 ازاي بجد😭😭 امتحاني بعد بكرا وحرفيا مش بعرف احل Integration خالص غير الاسئلة البسيطة جدا مش عارف احفظ الافكار الصعبة ولا اعمل ايه وكمان الParabola والHyperboloid كلهم حاجات حفظ كتير وحاسس هدخل الامتحان انساهم كلهم

انا حاسة اني واقعة خالص في كل حاجة الفترة دي يعني امتحاني كمان 7 ايام بالضبط وانا ضايعة عالآخر يعتبر في مواد معرفش فيها حاجة و مفيش حاجة متظبطة خالص ولا عارفة اضبط اكلي ولا نومي ولا انظم اي حاجة و حوار المذاكرة بالذات انا حرفيا بقالي 5 أيام مثلا كل ما اجي افتح كتاب دماغي بتصدع جامد جدا و عنيا بتوجعني و معرفش دا سببه ايه انا كان عندي مشكلة فعيني بس مش دا السبب لأني لو ماسكة الموبايل او مش بذاكر بيكون عادي و سمعت الرقية الشرعية برضو مش عارفة و خايفة اوي بجد و مش قادرة احدد ان دا يمكن من الضغط فا انا جبت اخري و مبقتش عارفة اذاكر بس دا يتحل ازاي لأن فاضل اسبوع مينفعش كدا

في مشكلة بجد الوقتى المادة اللى همتحنها كتابها مش معايا و لازم اذاكر من الكتاب من الفون و المشكلة انا مش عارفة لأن مش بحب كده ولا بحب الإلكتروني اصلا و الله عندكم افكار تشجعنى لان فكرة ان حتى مس معايا غير الفون مش بتنجز لأن مثلا لما يخلص شحن هشحنه و اعمل اى في الوقت ده اضيعه. حد فاهم المشكله؟ في مشكلة الوقتى هى ان مين و انتم مين معرفش معرفش نفسي ولا انتم مين و ده اى كلام علشان اخلص ١٥٠ كلمة

كنت عايزة حد يتابع معايا مذاكرة و يشجعني و برضو يشد بالكلام لما مش اعمل التسكات الي عليا عشان حقيقي بكسل بشكل مش طبيعي حاليا انا هبدا برمجه و السنه الجايه هبدا مذاكرة و مواد مهمه و لازم وقفه وبرضو عندي تعفن دماغ و كلامي واضح مش عايزة استعباط

كنت عايزة حد يتابع معايا مذاكرة و يشجعني و برضو يشد بالكلام بس لما مش اعمل التسكات الي عليا عشان حقيقي بكسل بشكل مش طبيعي حاليا انا هبدا برمجه و السنه الجايه هبدا مذاكرة و مواد مهمه و لازم وقفه وبرضو عندي تعفن دماغ

كنت عايزة حد يتابع معايا مذاكرة و يشجعني و برضو يشد بالكلام لما مش اعمل التسكات الي عليا عشان حقيقي بكسل بشكل مش طبيعي حاليا انا هبدا برمجه و السنه الجايه هبدا مذاكرة و مواد مهمه و لازم وقفه وبرضو عندي تعفن دماغ

ايييييه الساعه بقت ١.٣٠ وعلى الوعد مش هنام الا لما اخلص الماده فاضلي ملفين واحد ١٠ صفحات والتاني ١٣ (مش كلهم شرح ممكن نصهم اسئله كمان ) يعني ممكن صافي ١٠ صفحات شرح و ١٥ صفحه اسئله (وتقريبا نفس اسئلة الملفين اللي فوق ) ف الدنيا ايزي وبيس يعم وفك كدا وربنا ييسر في امتحان بكرا ارجو الدعاء لاني بجد محتاجُه

جماعه انا عندي شغف دلوقتي فقولت استغله و معملش ذي كل مره علشان شغفي دا بيروح في ثانيه حرفيا المهم لو حد عنده اهتمام بأنه يبدأ حاجة جديد في حياته إذ كان روتين أو اي حاجه يعني مذاكره كورس رياضه حتى لو حاجه intertament فممكن نشجع بعض أو يمكن نبقى عايزين نبدأ نفس الحاجه (عادي مش لازم تقرا الجاي) مش عارف بصراحه دا هيفيد ولا لا اصلا بس حسيت اني لو شاركت حد ممكن يبقى الموضوع اسهل و اصلا في فتره مش حلوه فمبقتش عارف انا مين ولا بعمل ايه هنا، و بعد ما فضلت معملش اي حاجه في حياتي غير اني ببوظها لمدة سنتين، فبحاول افوق و ابدأ اعمل اي حاجه يمكن دا يبقى مفيد حتى ا حاجه صغيره و شكرا لو قريت للآخر

ليه الغربه والبعد عن الأهل بيغيرنا بيخلينا مفيش مشاعر المفروض بحب ماما و مش بحب ازعلها و لما بزعلها لاني بتنرفز بسرعه أو بسبب اني مش بنزل اجازه انا بكره المواصلات و الطريق طويل فمش بنزل كتير ، بقالي تلات اسابيع بمتحن و قعدت اسبوع زياده فلقيت اختي بعتالي مسدج طويله بتهزقني و التانيه متجنبه الكلام معايشان منزلتش واني مش حاسه بماما وأنها بتتعب عشاني وانا مفيش مقابل ومكلماتي محدوده مش بتعدي خمس دقائق ، انا مش بيبقي عندي كلام مش اكتر يومي كله بذاكر و ماسكه الفون بشوف فديو أو بشات حد فمفيش حاجه اقولها بس وهي مش بتقولي حاجه ف اعمل اي انا فعلا بقيت وحشه ومعنديش مشاعر وانانيه فمش هقدر ارد علي المسدج بتاعتها انا اصلا لسه مكلمه ماما ساعه بس وكانت كويسه ومش زعلانه بس حاسه بالذنب من ناحيتها كل مدي انا ببقي وحشه معاهم اكتر وأخلاقي بتبوظ اكتر و انانيه اكتر ومفيش فايده فيا جرب اكون كويسه بس برجع تاني ، انا مش حنينه عليها زيها بس بحبها ومش بحب اشوفها تعبانه المشكله فيا انا

انا مخنوق بطريقه وحشه اوي بسبب ضغط الامتحانات بتاعت الجامعه انا كل ماده بذاكرها من الاول بقعد حوالي ٥ ساعات ولا حاجه تعبت اليوم كلو مذاكره بفصل ٥ دقايق كل محاضرتين ولا حاجه وبردو ومش عارف انام كويس الليل كلو تفكير كل ما احاول اطنش مش عارف

من باب انه ليه لا ف قررت الم الماده كلها ف ساعه وجيس وات عملتها ااه والله لميتها ف ساعه بالظبط 😂 مكروتش وكنت مذاكرها قبل كدا كويس وملخصها في خمس ورقات a4 عشان كدا مخدتش وقت ف دعواتكم بالامتياز بقا 🤍

الفينل بكرااااا وبقالي تلت ايام بلم في الماده مش بتتلم ينهار ابيض ال يشوفني وانا بقول تتلم بكوبايه قهوه ميشوفنيش ونا صاحيه لها من خمسه علشان تتلم ماراضيه 🥲 اتلمي ي ملكه هضيييععع وربناا

مذاكرتش حقيقي مذاكرتش بكرهه الرياضه بكره حساب المثلثات بكره الرسم البياني بكره الهندسه بكره اي حاجه ليها علاقه بالمهندسه الظا والجا والجتا فلقوا دماغي بالمعني الحرفي انا تعبت دماااغي

مقتنعة دايما ان وقت الفاينل لازم أضعط نفسى فيه من كل حاجة سواء نفسياً او جسدياً او حتى تراكم المحاضرات او مواد كاملة، مش بهتم لأى حاجة وقتها غير انى أخلص لأن لازم اخلص.. زى الوقتي مثلا، محتاجة اكتئب هو المود جاي معايا كده، عاوزة انهار و خلاص بس بجد تعبانة جدا و مرهقة بشكل لدرجة انه حاسة انه مأثر على ملامحى مطفية و باهته اوى، و دى مش أنا خااالص، بس مش هينفع خااالص الانهيار لأن في مادة مخلصتش امتحانها النهاردة.. ف عموما مفيش وقت للانهيار ذاكر، او انهار و انت بتذاكر😂

لو الانسان وصل لمرحله Burnout وحس انو فقد الشغف ف كل حاجه شعور ان كل حاجه تقيله عليا الصلاه قراءه القران والاذكار بقت حاسه انهم تقال جدا وده مخلى المذاكره مستحيله مش عارفه ازى ارجع وكل يوم ف حاله تسويف شديد

تتم المرقعه الامتحان الاربع والماده مذاكرها وتمام فاضل محاضره واحده بس الامتياز يطبخ على نار هادئه بس هموووووت وانام بجد مش عارف ليه مع اني نمت تمام يعني بتاع ١٠ ساعات ف عايز حل للموضوع دا يا اما هنام واقوم بالليل واطبق بقا مش عارف ولا ننسى الافيه الايقوني 👇🏻

ما لو حد بيعرف يذاكر وهو صايم يقولنا بيعملها ازاي 😭 طاقة وتركيز صفر بجد والامتحان بكرا والمحاضرات كتير وباقي ٣ ساعات على المغرب ممكن ألم فيهم جزء كبير ومعنديش طاقة خالص للمذاكرة ولا عارفة أركز حاسة مخي فصل

الجو حر بشكل فظيع المفروض نتصرف ازاي في الحر ده الواحد مش عارف يذاكر ومش عارف ينام ومش عارف يعمل اي حاجه في حد درجه الحراره في منطقتو اكتر من 45° واي أفضل حاجه تتعمل في الجو ده اللهم اجرنا من حر جهنم

عاوزة اخد رايكم في حاجة بما ان النهاردة زنقة الكلاب للمادة بتاعت بكره، ف قدامى لسه نص المادة مخلصش، و هى عبارة عن ملف على الفون، ف انا محتارة اعمل اى الأول اذاكر و اكتب من الفون و أخلص واحدة واحدة التانى اقسم المهمة اتنين اول حاجة اذاكر و لما اخلص الكمية كلها اكتبها بروقان ولا اعمل اى اصل حاسة انى مش هلحق مع انى مش بتنقع ب كل الهرى ده لأن قادرة اكيد اخلصهم بدام ربنا حطنى في الاختبار ده نصايح و تشجيع و اختاروا بقى اهو نلعب شوية

فقدان الشغف وقت الامتحانات ده حاجه فظيعةة بفتكر كل حاجه حصلت في حياتي ايام الامتحانات كل المحتوى اللي في الحياة بيبقى ايام الامتحانات كل النوم اللي بنامه بيبقى ايام الامتحانات كل حاجه بتبقى ايام الامتحانات طب ايه هنذاكر امتى والله 😂🫠

يا جماعة انا في اولى ثانوي وعليا امتحان بكرة علوم متكاملة وانا صفر معلومات صفر منهج مكنتش بروح الدرس لسه ابيض خالص والله وعايزة الم العلوم المتكاملة النهاردة والمشكلة مش عارفة ابدأ منين ولا اسمع فيديو مين ويشرح ويحل في نفس الوقت وطبعًا ميكونش طويل وخطوات المذاكرة اعمل ايه ياريت بجد حد يساعدني لأن مينفعش ادخل الامتحان بكرة مفيش خالص كده وده اكتر امتحان خايفة منه اصلًا وادعولي اللي يشوف البوست يدعيلي حتى لو مش هيعرف يساعدني

عندي امتحان بعد بكرا وانا مخلصه الماده كلها الحمد لله بس ناقص حفظها جربت اكتب وافهم فهل حد يعرف طريقه حلوه وكويسه للحفظ عشان بجد دماغي وجعتني وياريت تقولي طريقه غير الكتابه عشان مخي ورِم حرفياً

يا جماعة أنا طالبة في ثانوية عامة، وبمر بفترة صعبة جداً ومش عارفة أتصرف. بقالي فترة حاسة بـ (تجميد ذهني) تام أو إنهاك فكري شديد، لدرجة إني مش قادرة أركز ولا أستوعب المذاكرة خالص، وتعبت نفسياً من الإحساس ده والوقت بيجري وخايفة جداً من الامتحانات والمستقبل، بكون عايزه اذاكر بس لما بحاول أبدا مش بعرف وسواء بدأت او لا بحس اني كل ما بقدم خطوه برجع ورا.. وللأسف التواصل مع طبيب نفسي صعب حالياً في ظروفي، وأهلي مش مستوعبين حجم الضغط اللي بمر بيه. أنا حاولت كتير وعملت كل اللي عليا ومش عايزة أستسلم، بس بجد طاقتي خلصت.. مش محتاجة كلام إنشائي أو نصائح تقليدية، أنا محتاجة كلام واقعي وتجارب حقيقية تخليني أعرف أتحرك من مكاني وأكسر حالة التجمد دي. كمان في حاجة مسببالي رعب وتوتر حقيقي ومأثرة على أعصابي، وهي رهبة اللجان وأجواء الامتحانات والتفتيش.. أنا بسمع كلام مرعب بيقلقني جداً، فلو بنات من دفعات سابقة يطمنوني بشكل واقعي: إجراءات التفتيش للبنات بتم ازاي جوه اللجنة؟ وإزاي أهيأ نفسي نفسياً للأجواء دي عشان متوترش وأنا أصلاً ملتزمة ومش معايا أي حاجة؟ وازاي في بنات اعصابها بتكون بارده وعادي؟ وممكن بلاش الرد اللي هو متفكريش. أتمنى متتجاهلوش البوست ومحتاجة ردودكم الواقعية بجد، وشكراً

هل هلحق اذاكرهم ؟؟ تصحيحا للخطأ امتحاني ٩ مش ٦ كان فاضلي المحاضرة ٧، ٨، ٩ بس كان بقا 😂 الحمد لله بفتح في التاسعه اهو ، حاسس اني بكروت سيكا بس لا يعني هخلص التاسعه وبعدين اراجع عليهم كلهم تاني من الاول وهمسك الاسئله اللي الدكاتره هيجيبوا زيها في المواصلات نص ساعه هصمهم اللهم لك الحمد وباذن الله الماده دي تعدي بس

بسم الله صلينا الفجر ، خلصا قسم من القسمين بتوع الماده والامتحان الساعه سته فاضلي بالظبط ٣ محاضرات وتلخيصهم ممن نقول ٣٠ صفحه ف الله المستعان مش عارف ليه متوتر (عارف انه عشان قصرت بس بستعبط) عكيت الدنيا في الفجر اوباي بيقولي في غلتطين خير خير قررت اشتغل بذكاء وجمعت الاسئله المهمه والمتوقعه وبصمجتها قبل المذاكره وهخلص ال ٣ محاضرات دول دلوقتي دعواتكم وان شاء الله بعد الامتحان ارجع اقول اني جُبر خاطري

من الساعة ١١ و ربع المفروض واخدة بريك لمدة ساعة فقط، لحد الوقتى لسه مقومتش، لا و كمان النوم اللى مكنشي بيجي غير ٦ الصبح كده، حل عليا الوقتى، تقريبا عرف انى عندى ٤ مجموعات مذاكرة لازم يخلصوا قبل بكره، يااا دى الخيبة اللى الخريجة فيها 🫠 مني لله

مفيش وقت للصياح ذاكر وانت بتعيط 🥲 ربنا يهديني والله امال هعمل ايه في باقي المواد يتم افتتاح المحاضرة الخامسه من ٩ يعني فاضل ٥،٦،٧،٨،٩ الله اكبر مفيهاش نوم النهارده 🙂 حسبي الله ونعم الوكيل في اي حاجه والله ما هكررها تاني ف يارب عديهالي الترم دا بس يارب اللهم اني اتبرأ اليك من حولي وقوتي والتجأ الى حولك وقوتك اللهم انصرني ولا تنصر على واعني ولا تعن على واهدني ويسر الهدى لي اللهم استجب دعائي ولا تقطع رجائي اللهم اني اسالك التيسير في الامتحان اللهم الهمني الصواب في الجواب يارب العالمين 🤍

في حاجه غريبه بجد مش عارفه اي ده بجد بجد فاضل محاضرتين ساعتين ونص ولسه محلتش فاضل محاضرتين ساعتين ونص ولسه محلتش فاضل محاضرتين ساعتين ونص ولسه محلتش فاضل محاضرتين ساعتين ونص ولسه محلتش

من قلب الزنقه و بهو هو حرفيا مطلوب مني الليلادي ٧ محاضرات وملزمتين اسئله كنت دايس حلو من الصبح وجيت بعد الجمعه على ٣.٥ وكنت بموت تعبت جدا فجاه ومقدرتش ونمت لحد دلوقتي ف يبدو انها تطبيقه لحد الامتحان ف دعواتكم لان الماده رخمه ومقالي وان شاء الله اخلصها بدري وانا لسه تعبان برضو بس قومت بالعافيه

انا في مشكلة كبيرة اوي الترم اللي فات انا ما كنتش مزاكرة برضو بس على الاقل كنت باخد دروس عديت والحمد لله الترم ده انا ما روحتش دروس من الاساس وكسلت و قعدت من الدروس اغلبيتها. يعني يعتبر ما كنتش بروح. انا يا جماعة عايزة انجح كنت بروح بس حرفيا يعني طول الوقت انا ما كنتش بروح وكنت قاعدة من من درس التاريخ وكنت قاعدة يعتبر من العلوم كنت بروح حصة واغيب عشرة يعني اصلا ماكنتش بفهم حاجة بروح والحصة اللي كنت بروحها مكنتش بفهم وعمري ما زاكرت حتى في امتحانات الشهر عمري ما زاكرت ما فتحتش المنهج او اعتبروني ما روحتش دروس ولا فتحت ولا كتاب في الترم خالص اعتبروني كمان مجبتش كتب بس هي معايا يعني. انا عليا امتحان خلاص بكرة يعنى انهاردة ليلة الامتحان انا مش عارفة اعمل ايه. حتى العياط مش عارفة اعيطه انا مش عارفة ازاكر يعني انا دلوقتي قدامي اني ازاكر ليلة الامتحان والم المادة كلها فيها وانا عندي 6 مواد انجليزي وعلوم متكاملة وعربي وفلسفة ورياضة وتاريخ بالترتيب وكلهم ورا بعض على طول يعني محتاجة اذاكر كل مادة في يوم واحد يا ريت لو حد عارف ازاي الم المادة كلها في ليلة الامتحان يقولي انا والله العظيم خايفة جدا جدا جدا See less💔💔💔💔💔

كنت عايزه اسأل سؤال هي Limitless Caffeine بتعمل تعود يعني بقالي حبه باخدها و خلتني منتجه اكتر بركز مش عايزه انام وسط المذاكره امبارح خلصت من عندي و ف انا بخلص اللي عليا بليل جربت اذاكر من غيرها لقيتني نايمه ومش مركزه نهائي مع اني كنت لسه صاحيه

فضفضه كم مره قولنا هنبدأ مزاكره من أول بكره ومبدأناش ولا عملنا حاجه كلها كلام تريح بيه نفسك وضميرك عشان تتمرقع براحتك وفي الآخر كلو بيجي عليك ايام الامتحانات وها أنا الآن المفروض ازاكر منهج كامل في يومين مثلاً المشكله مش هنا أبدا أنا ممكن اجيب امتياز عادي المشكله اني مش هبقى فاهم زي الي جاب امتياز وهوا فاهم مش حافظ ملحوظه أنا مستوايا مش وحش وأنا فاهم الحمد لله وبزاكر بس دايما ببص للي احسن مني واحس اني قليل

مهما ذاكرت مذاكرتش كميه ضغوطات مش معقوله هل معقول ان الواحد ميبقاش عندو حاجه يعملها غير المذاكره مفيش حاجه قلقانه منها غير اني اذاكر ومهما اذاكرت احس اني مقصره والمواد كلها محتاجه تتذاكر تاني اعمل ايه والله حاسه مدياها اكبر من حجمها

خريجة إلا كام يوم.. اقنع نفسي ازاى ان اذاكر بما ان الرحلة كده كده هتنتهي مع آخر يوم امتحان، مفيش اى طاقة او مش عارفة أبدأ ازاى او ب اى مش عارفة اى حاجة حاسة انى متاخرة اوى بمجرد ان شايفه صحابي بدأوا في المادة ونا لسه شايفه ان الوقت كتير عليها اصل بجد اسبوع كتير ف انا بستغل الوقت ده مع مادة تانية من ضمن المواد اللى للأسف قدامها يوم او اتنين، و ليه الوقت ده من كل سنة بكون في مرحلة ضعف و ارهاق، زى دلوقتي السنة اللى فاتت برضو كنت بنفس الحالة و نفسية تحت الظرف، ليه أيام الامتحانات بتيجي في وقت غلط، معقول ربنا شايفنى قوية لدرجادي💔

انا عندي مشكله انا بذاكر عشان اسبوع جاي عندي امتحانات فاينال خلاص هتخرج معرفش ليه نهارده فجأه قفلت خالص برغم اني عامل جدوا و كل حاجه قفلت مره ١ و مش عارف افتح كتب رغم اني حاضر و متابع طول ترم و عندي فكره و مستمر بس فالاخر كده دايما اخر اسبوعين بقفل خالص و مذاكرش خالص و درجاتي فالنازل تنصحوني بايه افك و احل موضوع ده

ايه الحل لو مش بذاكر من اول السنه والامتحانات يوم السبت؟؟؟ ارجوكو متتريقوش انا بعد امتحان الدين النهارده منهاره فا بلاش تأنيب فيا ومبتذاكريش ليه انا عارفه اني غلطانه ممكن بقا حل ف اللي انا فيه دا

يارتني زاكرت من اول السنه والله المطلوب مني دلوقتي اذاكر اربع لغات برمجه واعمل مشاريع باللغات ديت ومش مشروع واحد ده مشاريع السنه كلها اللي انا كنت ماجلها واكون فاهم كل كلمه عشان هتسال فيها وغير كده همتحن لسه امتحان العملي وليله كبيره سعادتك دي حرب مش مزاكره

السلام عليكم النهارده اول يوم اجازه الحمدلله خلصت امتحانات اخيرا انتو مش متخيلين انا تعبت ازي انا قعدت اكتر من ساعه ونص بذاكر للامتحانات دي ساعه ونص متواصله المهم مش عارفه اعمل ايه في الاجازه اللي هيقول احفظي قران او انزلي جيم او اتعملي لغه جديده انا بعمل كل دا فعلا فا لا عاوزه افكار جديده لاني عاوزه اشغل وقتي خالص و ابعد عن الموبايل لانه حرفيا بقى كل حياتي و انا مش حابه كدا و شكرا

كل ترم اراكم زي مانا عامله كده ومش عارفه الم حاجه السنه الجايه ثانويه عامة والبعدها كمان خايفه اعك بجد خايفه اوي كمان بعرف الم نفسي علي اخر لحظه بس برضو السنه الجايه اكيد مش هينفع كده بجد

خليني اتكلم شويه بتمنى كلكم تبقو كويسين وتكونو احسن دايما في البداية انا بشوف نفسي شخص طموح جدا بس المشكلة اني بأجل كل حاجه يعني انا بتعلم حاجات كتير كلها في نفس الوقت مش قاعد بس مش مدي اهتمام لحاجه معينه وده مخليني متاخر شويه فاهم قصدي حاسس اني محتاج افوق بأمانه لاني خلاص داخل ع الفاينل ومراكم كل المواد تقريبا بسبب انشغالي طول الترم ب 100 حاجه بس دي النقطه التانيه انا مش عارف اذاكر انا بدات من كام يوم بستخدم طرق مختلفه عشان اعرف الم اي حاجه بس مش عارف الموضوع بياخد وقت ومجهود بلاقي نفسي في الاخر مذاكرتش غير كميه قليله الفكره الواحد تايه مش عارف هيعمل ايه بعد كده دماغي مش سايباني في حالي المهم انه إن شاء الله خير اكيد

السلام عليكم ورحمه الله وبركاته مش عايزه اطول عليكم انا امتحاناتي الاسبوع الجاي كمان اسبوع خلاص هكون في اول امتحان والمشكله مش هنا المشكله اني مش عارفه كلمه في المنهج كله حرفيًا مش ببالغ ودلوقتي عايزه اذاكر المنهج كله انا عايزه اذاكر بس اللي هو احل اي حاجه في الامتحان عادي بس برده ببقى نفسي احل كويس يعني لان انا طول عمري شاطره المشكله مش هنا خالص المشكله ان انا مثلا لو بتفرج على فيديو مراجعه سبع ساعات مثلًا الربع ساعه اللي بتفرج عليها في الفيديو بتاخد مني ثلاث ساعات في الحقيقه يعني عشان اعدي ربع ساعه بس في الفيديو ده محتاج مني ثلاث ساعات بماطل بشكل غبي ولو اتفرجت مثلا على نص ساعه بس وبالكتير اوي اوي ساعه ممكن تاخد مني اليوم كله طبعا ده مستحيل ينفع معايا في الايام دي وانا مش عارفه اعمل غير كده انصحوني اعمل ايه علشان اكمل الفيديو زي الناس انا مش عارفه اعمل ايه الحقوني الحقوني الحقوني في امتحان اخر السنه بيقول لك انك لو حليت ست اسئله صح بس في الورقه تنجح بس انا حتى مش عارفه الست اسئله دول هحلهم ازاي من كتر ما انا مش عارفه حاجه خالص ارجوكم ما تتخطوش البوست وانصحوني اعمل ايه لاني فعلا فعلا متوتره جدا وعايزه احل المشكله الرخمه اللي انا بعملها دي ومش عارفه اسيطر على نفسي خالص

يا جماعة انا تالتة ثانوي معنديش شغف لأي حاجه حتى المراجعات مش قادر ابدأ فيها فأنا عايز حد سواء بنت او ولد نصحى بدري ونح دد عدد ساعات معين نخلصه في اليوم ونشجع بعض يعني واللي يقع يشد التاني كدة ويفضل يكون تالتة ثانوي برضو

ورايا مذاكرة كتير واتخنقت والامتحان بكرة ولسة بكتشف المادة كل حبة تجيلي افكار اللي هو تولع سيب المذاكرة واهرب زي مابتهرب من كل حاجة حاليا مفعل مود التلاوة العطرة علشان اخد فكرة عن اكبر قدر ممكن الامتحان اونلاين بس الدكتورة قالت انه محدش يغش وضميري مأنبني اغش بصراحة ف انا بحاول الم اللي اقدر عليه علشان ماغشش بس لو مالحقتش هاضطر ادفن ضميري واشغل جيميناي ربنا يستر

انا طالب في تانية ثانوي عام بس مبقتش اذاكر خالص ومستويا نزل اوي عن اولي ثانوي وبقيت مدمن سوشال ميديا وجيمينج بالذات ببجي وكل ممسحهم انزلهم تاني علي طول بقيت مدمن حرفياً اعمل ايه ونبي حد يساعدني

خايفة إني أموت و أنا لسه بحاول أتوب من ذنوبي، خايفة إني أفضل وحيدة و متجوزش... أنا مش مهتمة بالضغط المجتمعي بس فعلاً بحس كتير إني وحيدة عاطفياً، خايفة إني أفضل وحشة في عيون أهلي اللي بينا مشاكل لكني مقدرش اكرههم مهما حاولت، خايفة إني معرفش أرتاح أنا علطول من الشغل للمذاكرة و شغا البيت و معندش وقت لنفسي، خايفة مخسش بشكل معقول لأني كتىر لما بكتئب و بطلع زعلي في الأكل، اسأل الله أن ينظر في أمري.

صباح الخير فاضل علي امتحانات ثانوية شهر وحوالي 12 يوم كل ما الم حاجة المتراكم يزيد بحاول ازود مجهود انا معترف اني مش عامل اللي عليا بس مش عارف بجد اعمل اي تايه خالص حاجة زي الماث مفتحتوش من اول رمضان ومخلصتش حتي المنهج والفيزيكس مش عارف اعمل فيها اي حاجة لأني لسة بادئها عشان مفتحتهاش من اول رمضان بردو الكيمستري بدأت وراجعت خلاص والعربي زي اي حد فين بقا الحل مشكلتي حتي في مادتين مش عارف اعمل حاجة ولا لاقي مدرسين ولا فيه مدرسين اصلاً كل ما اكلم حد يا ميرضاش يا يطلب رقم يجيب بيه سبيكة دهب من حصتين والله عندي حلم نفسي احققو نفسي افرح اهلي والله ونفسي اعيش حياتي عندي احلام كتييير بس ثانوية عامة عاملة ازمة كبيييرههه وبس كده حاولت افضفض زي ما حد نصحني

يتم احتساء الندم اني مذاكرتش من اول السنه يلااااااااااهوي يارب والله اخر مره عديها معايا على خير يارب 😂 ماده صعرانه قسما بالله بقالي اسبوع في محاضرة ونص يعني ايييييييه الامتحان كمان عشر ايام ودول عشر محاضرات وفي ست مواد غيرك يا مفتريه حسبي الله ونعم الوكيل انا اللي جبته لنفسي ، وعقابا اقسم بالله العظيم ما هنام الا لما اخلص ماده من السبعه يارب افضل صاحي اسبوع مش نايم الا لما اخلص ويا انا يا الكليه اللي كلها حرام ف حرام دي

انا متضايقه علشان موقف كثير بتحصل ورا بعض بتضايقني وانا لوحدي مضغوطه ومتضايقه من غير اي سبب رغم المفروض ان الفتره دي اقعد اذاكر اذاكر فيها علشان الفاينل قرب انا مش بذاكر ولا بعمل اي حاجه انا مجرد بقضي وقت واضيعه والمفروض انا في كذا كورس المفروض اخلصه في تاسك واسايمنت بس حرفيا انا مش بعمل اي حاجه وفتره لا مبالاه رهيبه ده غير اصلا ان انا قاعده ببذر فلوس واشتري حاجات اوفر والفتره دي انا فعلا بمر بازمه ماليه في البيت بس انا قاعده بشتري بطريقه غبيه ووشي بقيت مش مهتميه بيه خالص ولا بحط صن بلوك ولا بعمل اي حاجه وبجد حاسه ان انا وصلت لمرحله صعبه من اللامبالاه والخنقه ومش عارفه اعمل ايه بقيت متضايقه من الناس وبقيت عايزه الدنيا تجري بسرعه تقريبا ده اسمه تعفن الدماغ ولا ايه الدنيا ولو حد مره بالمرحله دي قدر يتخطوها ازاي ولو حد عنده اي نصائح بجد يا ريت والله تفيدوني وتفيدوا باقي الناس وربنا يجعله في ميزان حسناتكم

انا عملت ذاكرت شوبة بتركيز واخدت بريك والبريك دة لسة مستمر لغاية دلوقتي😂 ممكن حل، غير المشتتات والكلام دة لان لو سبت الفون وكل دة بقعد اتشقلب فالبيت، الى مخليني مستغرب انى متقبل المذاكرة عادى معنيديش مشكلة😅😂 فيدوني يا أبطال🫶

عندى مشكلة فى أوقات الفراغ أنا دايماً بحاول أستغل وقتى وأكون كويس وأعمل اللى أقدر عليه بس أوقات باجي فى نص الشغل أو حاجه بعمل حاجه غلط تضايقنى وتضيع عليا حاجات كتير فى اليوم وتفصلنى وببقى مضايق إزاى أواجه الموضوع ده وأبعد عنه أو أحاول ميحصليش تشتت وأنا شغال أو بذاكر أو أى حاجه وبحاول أملى وقت فراغي بس غصب عني بقع

كنت بدات احس انها هتظبط ولو مره كنت... تعبت اوي والله ،يارب انا عارف انها كلها ابتلاءات وانك لا تكلف نفسا الا وسعها هححح هو عادي شحط كدا يعيط عشان التابلت اتكسر ؟ كسر التابلت كسرني انا كمان هيعوز من ٦٠٠ ل ١٥٠٠ انا كل اللي معايا هم دول اصلا ١٦٠٠ بالظبط طفحت بيهم شغل عشان افكر في حاجه واستلف عليهم عشان اساعد اهلي واساعد نفسي امي الغلبانه ذنبها ايه اللي بتستخدم التابلت عشان تدي دروس لاطفال ويطلع عينها شهر عشان ٢٠٠٠ جنيه ولا حاجه يارب والله تعبت يارب ، يارب انا شايل بدري بجد معنتش قادر كل حاجه مره واحده شغل ويقف فلوس وتخلص مذاكره وتبوظ وتعب ومرض يارب الطف بيا يارب عشان والله كتير انا عارف والله اني استاهل اكتر من كدا يمكن تكفير ذنوب يارب ارحمني

حد يعرف باغة التابلت بتاع الثانويه بكام اخويا قعد عليه تنا الهاوسينج وكسر الباغه وفي نقط بسيطه في الشاشه محتاجه ضروري اوي بذاكر عليه وامي شغاله منه وادعوا لاخواتي ربنا يهديهم بالله عشان تعبت

عاوز افرغ مشاعري اللي حاسس بيها النهاردة قبل ما انام حاسس اني مبسوط شوية علشان خلصت كمية محترمة من المذاكرة اللي ورايا + انا اللي طبخت لنفسي النهاردة الاكل اللي بحبه بس متضايق شوية اني زعلت اختي وحصل بينا مشكلة صغيرة بس حليتها الحمد لله زعلان ان صحابي نزلو وانا ماعرفتش انزل معاهم علشان بذاكر مبسوط اني شربت كركديه (بعشقهه ) حاسس اني ماعدتش بحب اتعامل مع ناس غريبة يعني في دكتور في الصيدلية اللي بشتري منها هو بيحب يهزر بس انا مابطيقش هزاره هزر معايا شوية كان هاين عليا اضربه وحسيت بالاحراج من ريأكشناتي متضايق علشان المفروض هاصحا بكرة بدري علشان اروح مشوار ومش هاعرف اشبع نوم خاسس بتناقض داخلي بيني وبين نفسي انا بحب نفسي ولا بكره نفسي حبة اجلدني جلد قاسي وحبة تانيين بشجع نفسي وبحتويها عموما good night جميعا 🫶

بتعملو ايه علشان تكونو مبسوطين الواحد بقي بيزهق بسرعه وعنده تعفن دماغ بطريقه صعبه ومفيش اي حاجه بتبسطه بسهوله ولا عارف يركز لا في مزاكره ولا ينتظم في كورس او جيم الواحد وصل لمرحله انه بدا يزهق من الريلز 🤣 ومش هعرف اقلل من ماسكه الموبايل لان دي الي بتخليني مفكرش ودماغي تسحلني في مشاكلي بس في نفس الوقت مبكونش مبسوط برضو

عايز حل للقلق انا مراكم والامتحانات قربت ومن كتر القلق اني خدت حرمان أعمال سنه غير صعوبه المواد مش عارف ازاكر او انام وبصدع من كتر التفكير انا الحمدلله ممكن الم اغلب المواد بس بردو مش عارف اعمل ايه مع باقي المشاكل

ممكن تساعدوني هى حاجه هايفة بس والله انا مش عارفه اعمل ايه تاني دلوقتي انا اولى ثانوي و طبعا مادة التاريخ بقت مادة اساسية للسنة الجاي و انا طول عمري بكره التاريخ و هو الترم ده اصعب بكتير من الترم الاول و انز بحب الجغرافيا عن التاريخ لاني بعرف افهم مش احفظ و منهم لله لغوا الجغرافيا فانا خلصت التاريخ الحمد لله النهاردة بس ابقى كدابة لو قولت اني فهمه كلمة و باخد مع مدرس معروف و كويس و بفهم منه بس المشكلة في المادة تقيلة اوي و بحاول والله افهمها و بتعبت فالدرس جدا على ما افهمه و مش عارفه احل بعد ما اخلص و مش عارفه اعمل ابه و خايفة اوي افضل كده لحد ما الامتحانات تيجي و معرفش احل فلو حد عارف ازاي اذاكرها و المعلومة تثبت اكون شاكرة ليه التاريخ الترم ده اصعب مادة بالنسبة ليا يعني الماث و الساينس و العربي و الانجلش اسهل مية مرة من التاريخ والله 😭

صراحه بعيدا عن المذاكره والكتب اللي قدامي وكيس الاندومي اللي مستنيني على الرف حاسه اني اموت وأحط راسي على المخده وانام الواحد عنده نعس رهييب بس كل لما يجي ينام ميعرفش🥲🥲 والله يا بخت الناس اللي بتحط راسها على المخده تنام على طول😂

انا حاليا في تانيه ثانوي وده اخر ترم ومعتش فاضل علي الامتحانات الا كلها اسبوع او اتنين وهمتحن المشكله مش في كده المشكله ان انا ابويا وامي كل شويه يتخانقوا معايا علي المذاكره وبيترجوني كتير اوي وانا ولا هنا بسمع من هنا وبطلع من هنا وانا حتي لو صعبت عليا نفسي واجي امسك اي كتاب اقعد اذاكر فيه شويه بحس أن انا عيني بتوجعني وعايز انام اوي ومصدع بطريقه بشعه جدا وبكون عايز ارجع وحاجات تانيه كتيره بس أنا بالنسبالي مش فارقه معايا المذاكره شويه دلوقتي عشان انا بروح المدرسه اعمل تقييمات وأحضر نفسي في ورقه الغياب بس أنا خايف بس من تالته ثانوي لان منظري وطبيعتي في المذاكره دي مش هتكون مساعداني خالص في تالته ثانوي لان انا فعلا بكره المذاكره بطريقه مش طبيعيه فا حد عنده حل ؟

كبرت والله علي الامتحانات والبهدله دي 🙂💔 بقالي كتير اوي بمتحن و بقالي كتير قاعده بذاكر عندي امتحان بعد تلات ساعات و حاسه مفيش حاجه فدماغيي لو مقفلتش هعيط والله بس عامه انا استاهل لاني بسيب المواد لحد الديدلان 💔💔💔

دايما بزنق نفسي ع اخر تفه ع الامتحان معرفش ليه ما كان عندي يوم طوييل قصدي ايام عندي عملي فيزيكس ادعولي اقفله خلصت 5تجارب فاضل واحده دماغي بتعمل بوم بووم بوووم وعايزه انام بس كده يا رب اتخرج

السلام عليكم ورحمة الله وبركاته عاملين ايه انا حاليا مش بعمل حاجه غير اني اضيع وقت يعني المفروض ربنا هاديني وكنت قاعده بذاكر اتلم واقعد اكمل ابدأ والله اسألوني ليه سألتوا عشان انا بتمرقعع بجد الي متلمش واقعد اذاكر مع العلم اني بقالي كتير جدا مذاكرتش بس انهارده سمعت نص ساعه ف محاضرة العربي وده يجدعان انجاز بالنسبالي خلوا بالكوا بس يجدعان قلت اصيح شويه بعدين اكمل دعواتكوا ي اخواتي والله

روتين يومي باظ، مبقتش بنزل الجيم بقيت بضيع الصلاة المذاكرة ضعفت والحفظ وقف والشاورما غليت ودماغي قفلت، حاسس بغضب غير مُبرر من نفسي، كلامي ملوش هدف لكن بحاول انام ومش نافع، عايز حد يمسك فازة يكسرها على دماغي

جماعه انا لسه صاحي وبجد. مخنوق جدا حاسس اني عندي. اكتئاب المفروض اذاكر بس مش قادر رغم اني والله شاطر بس مش عارف ليه مش بذاكر كتير بحس ربنا مش كاتبلي اني اكون اشطر من كده دايما بأنب في نفسي ونفسيتي اتدمرت للاسف

السلام عليكم انا بقالي فتره غالبا اسبوعين ويزيد م بنام كويس وعندى ارق رهيب يعني كل يومين بنام ساعتين وم مركزه ف اى حاجه وم عارفه اركز ف المذاكره والامتحانات وم عارفه الحل اني اروح ل دكتور خايفه يديني ادويه منومات وتعمل ادمان مقدرش انام بعد كدا من غيرها حاولت اعمل حاجات كتير ع انام كويس م عارفه اقدر الاقي مساعده ؟وطبعا مأثر على اكلي ووزني قل

هموت و انام بس عندي مذاكرة كتير انام ولا اكمل الفيزياء عندي درس رياضيات بكرا الساعة 3 لو كملت الفيزياء هطبق اطبق ولا ايه؟ مش عارف بقول كدا ليه بس يمكن حد يفيدني عمتا هموت و انام بجد عايز انام اوي اوي

انا والمذاكره بقالنا سنه سايبين بعض باجي قبل الامتحان بيوم وبذاكر بس نفسي ارجع تاني المشكله اني بذاكر مثلا 10ساعات ف اليوم او مذاكرش خالص حرفيا المهم بقالي سنه مبذاكرش وبحاول بس بردو مفيش امل

السلام عليكم ورحمة الله وبركاته عاملين ايه بتعملوا ايه يجدعان لما تزهقوا وتفقدوا الشغف وتحسوا انكم مش عارفين تعملوا حاجه امتحاناتي فاضلها حوالي عشرين يوم وحرفيا مش عارفه اتلم على كتاب مش عارفه ليه مع اني مكنتش براكم ف اول السنه بس مره واحده كده بقيت مش طايقه افتح كتاب علطول بضيع وقت بطريقه مش طبيعيه وقاعده طول اليوم ماسكه الموبايل او نايمه ايهما يعني

النهارده ٢٥ ابريل امتحاني ١٦ مايو يعني بعد ٢١ يوم من دلوقتي (حاسس اني رجعت لايام ثانويه عامه ،هححح) المهم انا في ماده تقريبا بيرفكت فيها من سبعه وواحده ضامنها ان شاء الله والتانيه تتلم تمام وهبقا كويس فيها كدا فاضل اربع مواد تقريبا ميح فيهم قررت ابدا بالميح دول من النهارده ان شاء الله النهارده عزا المتراكم الخطوات ( يمكن تفيد حد) هذاكر من المحاضرات هذاكر من ملزمه خارجيه واخيرا هعمل اسئله ب notebook lm والنظام دا محاضره محاضره فاللهم عونك يارب اهديني يارب ابويا وامي يدخلوا الجنه يارب ويارب اهدي اخواتي يارب

الواحد مؤخرا بيحاول يلم نفسه مش عارف حرفيا دروس و مذاكره وامتحانات ده غير الرسم والروايات والانمي والكيدراما وعزف وشغل البيت 😭 ولا كأن الدنيا كلها بتجري وراك فجأه ونفسك تاخد اجازه من الحياه ضغط غريب من كل النواحي لدرجه الواحد مبيصدق يحط راسه على المخده امتى🥲

أنا في رابعة حقوق (English Section) وعندي مشكلة بقالها سنين ومش عارف لها حل… كل مرة أقرر أظبط حياتي وأبدأ أذاكر… أتحمس يوم أو يومين وبعدين فجأة… كل حاجة بتقع مش بكمل 15 دقيقة بلاقي نفسي بسرح في خيالات أو الماضي أقوم أتمشى أو أمسك الموبايل بدون سبب طاقة غريبة ومش عارف أتحكم فيها ببقى عصبي جدًا… أي كلمة تضايقني وأقطع مع الناس مع إني أصلًا بحب الكلية والمذاكرة! الغريب بقى… طول الترم أكون ماشي كويس أول ما جدول الامتحانات ينزل… كأني بتشل مبعرفش أذاكر، أو أفتح قبلها بنص ساعة بالعافية الموضوع ده بدأ معايا من ثانوية عامة ولسه مكمل… حاولت أسأل أهلي، محدش عنده إجابة وحاسس إني تايه بين إني عايز أنجح… ومش عارف أتحرك لو حد مر بحاجة شبه دي… أو فاهم ده إيه ممكن يقولي أعمل إيه؟ حتى لو نصيحة بسيطة… هتفرق معايا 🙏

عندي مشكله ف مذاكره انا ٤ حقوق لغه كل ما احاول انظم دنيا و ابدأ اذاكر و استمر الاقي نفسي مكملش ١٥ د الاقي نفسي قايم متمشي او اكلم نفسي فخيالات اي حاجه ف ماضي طاقه كبيره اوي بدون سبب تنطيت فبيت ملو عصبي متحملش اي كلمه من اي حد و اقطع مع كل ناس مع اني بحب كليه و مذاكره طول ترم اذاكر و اتابع اول باول لحد ما ينزل جدول امتحانات كاني عليا عفريت او ملبوس مذاكرش كلمه او اذاكر اخر نص ساعه بالعافيه ليله امتحان موضوع ده معايا ف ثانويه عامه و اثر فيا بردو اول ما جدول نزل حالي باظ مع اني كنت وقتها من ٨ بادئ سالت اهلي معندهمش اي حاجه يقولوها لو حد عارف اي ده او اي حل ياريت يقولي

مش عارفه اذاكر ازاي ارجع شغف المذاكره انا من اولى اعدادي ل تالته ثانوي وانا بعرف اركز ع المذاكره فجأة اول ما دخلت الجامعه كل حاجه باظت مش عارفه اركز دقيقه حرفيا بذاكر ف اليوم تقريبا30دقيقه او اقل

هاي يا جماعه او السلام عليكم انا بجد زهقانه و حزينه و امتحاناتي يوم التلات الجاي و مش مذاكر و بجد حاسه نفسي مخنوقه مووت مش عارفه اقول ايه تاني علشان الكلام يخلص استغفرالله الحمدلله سبحان الله لا إله إلا الله

ليفيل البجاحة واصل عندي للذروة امتحاني كان انهاردة و حرفيا ما فتحتش المادة غير ليلة الامتحان فاللي هو يعني ي رب نعدي انا دخلت الامتحان طلع عندي ٣ غلطات من اصل ٢٠ سؤال و زعلانة و متضايقة و مخنوقة و كنت بخانق مع صحابي على اجابة بعد الامتحان😂 المشكلة انهم فاكرني خبيثة و بذاكر من وراهم و انا فعلا ببقى فاتحة المادة ليلة الامتحان

انا بضيع ي وديع … عندي امتحان بكره و مش عارفه ابدا مذاكره ابدا ازااااي عندي فيد عاليوتيوب ساعتين و لسه مفتحتوش باجي اشغله بنشغل و بفتح فيديوز تانيه حد عنده نصيحة عشان تفكيري مينشغلش و ابدأ🥲😭

رغم المجهود اللي ممكن اعمله فمذاكره أو اي حاجه عموما فمش بتظبط مش بجيب اللي كنت عايزاه أو حتي قريب من سنتين نفس الوضع وعدم توفيق ممكن ابتلاء وممكن انا مكنتش كفايه وان المكاااان مش بتاعي

حاسس اني تعبت من المذاكرة المشكلة اني في ثانوي والسنة الجاية هيطلع عيني بالاسلوب اللي انا بذاكر بيه دة ومش عارف اتنيل اعمل حاجة اهبب ايه فاقد الشغف والطاقة وكل حاجة حاسس اني منطفي وزهقان وقرفان

تعبت مش كتر المذاكرة اللي عاليا ، حاسة نفسي بقيت كمبيوتر بحفظ وبذاكر واخش امتحان واطلع من امتحان نفسي اشوف نفسي وحياتي نفسي اخرج من البيت مرحش الجامعة نفسي اعمل حاجة نفسي فيها بس معنديش وقت ، دايما بسعي للمثالية بسعي اني محتجش لحد بس خلاص مبقتش قادرة عاوزة اتنفس

عندي امتحان بكرة و المادة اول مرة افتحها و اللي بيذاكروا من اول الترم بيصيحوا و مش عارفين يحلوا و انا بتعامل ببرود رهيب ولا كأني معايا الامتحان او ولا كأنها مادة ب ٤ ساعات يعني السمر ب ١٢ الف يخربيت العبث

انأ ثانويه عامه كل يوم مش بنتج بسب انى بحط مهمات كتيره اوى اوى مش عارفه انتج لقيت انى من اول السنه مش بنتج بسب انى بحط مهمات كتير فاضل شهرين ومش بنتج خالص انا مش عارفه ارجع لدروس اجيب شرحها من الاول ولا المرجعات كافيه

زهقانة اوى ومش بعمل حاجة غير انى ماسكة الفون 24 ساعة بجد والمفروض امتحاناتى قربت بس انا مش قادرة اذاكر وبهرب من كل حاجة وبقيت بتعصب على اتفه الأسباب وكل يوم اعمل جدول وملتزمش عليه واضيع اليوم كله

دايما الواحد بحاول يبقي احسن بس مش بيعرف ودايما بيقع حتي لو قام تاتي بيقع تاني مش عارف انتظم او استمر علي حاجه معينه مذاكره مثلا او كورس اوشغل بحاول بس بقع وكل الناس ال كانوا حوالايا بداو يمشوا

جماعة هو عادي لو في نقطة معينة مش فهماها في منهجي مثلا و روحا سالت ولد فيها فالحدود عشان عارفه انه مش هيبخل عليا و هيفهمني اما بالنسبة للبنات الي معايا فافي منهم الي مش بيذاكر اصلا و الي دحيحة اوي فمش سالكة و الي مش قريبة مني و الي انا اصلا بتجنبها عشان بحس منها بكبر و استعلاء و دحيخة برضوا بمعنى انا معنديش صحاب عدلين لان انا بحس بتانيب ضمير اوب مع اني لو قولت لاهلي مش هيقولوا حاجه بس الي هو انا مش متربية على كده و مش بسال غير للضرورة يعني حاجه فالمنهج بس لانه الولد شاطر ما شاء الله و دماغه عالية اوي و بعد ما بساله بحس بالذنب الي هو طب ليه ماكنت روحت سالت اي واحده غيره بس بجد انا مش لعمل كده غير لما فعلا بتكون زنقت معايا و لاسبابي طبعا و برضوا مش حابه ااخد ولد عليا لانه كنت كل فترة من السنه الي فاتت ببعتله بما انه معايا فالدروس و كده و مكنش بيبقى عارف هو بيكلم مين لكن لما بعتله من كام ساعه لقيته عارفني ( معايا فالدرس و انا بقيت معروفة السنه دي عموما لاني اتغيرت كتير عن السنة الي فاتت و بقيت اطلع صوتي على الاقل و اسال لو مش فهمه حاجه فالدرس لاني كنت بخاف اتكلم بحس ان فيه حاجه ماسكة لساني )

هو عادي مهتمش بدراستي انا في ٢ ثانوي عام مش عاوزه اذاكر مش شايفه فايده من اللي بعمله دا معرفش حاجه عن المنهج بتاعي و مش بذاكر مش فارقلي هجيب كام فارقلي اعدي و بس مش بذاكر مش عشان انا فاشله بس عشان انا شايفه فعلا انها ملهاش لازمه بالنسبالي و بضيع وقت علي الفاضي بحس اني متقدره نفسي اطلع بيزنس ومن و عندي فكره مشروعي متحمسه اوي اخلص ثانوي عشان هحس ساعتها اني فعلا بقرب من حلمي و شغفي لاكن دلوقتي حاسه اني مش لاقيه نفسي ماشيه ورا القطيع و خلاص

مشكلتي ف مذاكره انا فكليه نظريه امتحان فيها فاينال بس معرفش لي طول ترم متحمس و قبل امتحانات باسبوعين بهبط بامد و ببقا عصبي و بتخنق و متدايق و مبعرفش اذاكر خالص موضوع ده نزل تقديري حبه حلوين تنصحوني اعمل اي انا فاخر سنه و عايز احافظ علي مرتبه شرف و شكرا

السلام عليكم عندي مشكلة اني مبقيتش عارف اركز في المذاكرة خالص وبقيت مشتت بطريقة صعبة اوي ومش بعرف حرفيا اقعد عشر دقايق قدام الكتاب ف حاسس الوضع بيروح مني يعني خصوصا ان الترم خلاص قرب يخلص

انا حرفيا عندي مذاكره كتيييير اوى ومش عارفه اعمل اى ولا الم المتراكم ازاى وكمان عندي امتحانات بعد اسبوع وبشرب قهوه كتير كدا لدرجه ان بقى عندي خلل ف النوم ومفيش تركيز كمان يعني لا بقيت اعرف انام ولا بقيت اعرف اركز

فكرة اني الم نفسي واقعد اذاكر بقيت صعبة اوي البجاحة في اني بقول لنفسي ذاكري كويس عشان تدخلي طب قصر العيني ومتترميش في طب حلوان واللي هو بتكلم وانا ضامنة طب بعديها دماغي جيبلي اسكرين شوت ب 65% واللي هو فوقي يامه واعرفي حجمك طب اي اللي بتفكري فيه بحالتك دي

عندي طاقة للكلام بنت لذينة الفكرة انه مش وقته يعني ورايا كم مذاكرة بنت لذينة وبجد يعني عاوزه حد من اللي بيقول عليا دحيحة وبتاع ياجي يشوف حالي بس وهو هيقول الحمدلله الفكرة ان ورايا امتحان ومحاضرات اسمعها و مراجعة كل حاجة ممكن تتعمل انا مفروض اعملها الفكرة ومشكلتي في شئ واحد ان كل مدرس مادة في كوكب لوحده يعني بتاع الكيمياء لسه مخلصش شرح المنهج ولا الفيزيا ومنزلين مراجعات علي اللي فات طب انا اراجع اللي فات ولا اركز في الشرح الجديد ولا اقطع بعضي عشان ترتاحو ده الشغلانه دي انا لو بقبض مش هبقا عبده كده ياجدعان انا محرومة من ابسط الحاجات خرجت مع ماما بالعربية ولله نزلت بكتاب الفيزياء معايا قولت اتسلي في الطريق ده غم ونكد بجد يعني

السلام عليكم ورحمة الله وبركاته عاملين ايه عايزه اصيح شويه يجدعان لو سمحتوا عندي كمية مذاكره رهيبهه الفكره ان انا جيت راكمت ف اول الترم لظروف معينة بس فعلا كان غصب عني ف الواحد مش عارف يعمل ايه والله والمنهج زي الزفت والله وكتير بطريقه اووفر بجد ملحوظه محدش طلبها تانيه ثانوي ☝🏻

بسم رب البدايات نبدأ اصبحنا واصبح الملك لله (منمتش اصلا) بقالي كام يوم بنام من ١٢ ل ٢٠ ساعه في اليوم ومش ببالغ انا فعلا نايم امبارح ١٨ ساعه متواصلين ومراكم الترم دا كله تقريبا ، كنت مترجت ان الامتحانات في نص سته يعني قدامي شهرين والدنيا ايزي لقيتها غالبا نص خمسه يعني شهر واحد افتكرت ايام الثانويه (الله لايعودها ايام ويسامحني عليها وعلى اهمالي فيها ) بس متفائل يعني ان اليومين الجايين خير وخير كتير اوي حاسس مذاكرتي هتتظبط وفكرتي هتتنفذ وتنجح ورزقي هيزيد ، وحفظي هيزيد وابقا متقن حاسس حاجات كتير حلوه جايه وجايه قريب اوي فاللهم اعني لها واجعلني اهلا لها صباحكم فل H

طيب صليت والحمدلله قيامي وعاوزه افضفض شوية قبل ما شوف المدعكة اللي ورايا في الحقيقة ياجدعان لو حد سالني نفسي في اي دلوقتي هاقوله كوباية حمص شام علي الكورنيش مع الحجة و نفسي جدا جدا ارخم علي بابايا بقالي مدة طويلة منعزلة في اوضتي كل يوم والدي يسالني اخبارك اي اقوله كله تمام يقفل الباب اشد في شعري لان بصراحة بحرق بنزين كتير في المذاكرة والفايدة بتكون قليلة ده اللي لاحظته و مضايقاني بكره فكرة اني اذاكر حاجة واخرج بفايدة 60% تايهة اوي ومش عارفة هاعمل اي الفترة دي امتحاناتي قربت ومواعيد نومي بايظة وحاسه مراجعتي نص كوم بس في نفس الوقت وسط كل الاحاسيس بلاقي ان درجاتي مش بطالة بس برضو مش احسن حاجة بس كله هيعدي ان شاءالله

قرفان من العيشة ككل وقرفان من البشر ومن الناس ومن المذاكرة وانام شغف وفقدان معنى الحياه وفترة ما يعلم بيها الا ربنا مش عارف هتودينا فين تاني مش عارف اخرتها اي مش عارف عواقبها اي الفترة دي حاولت اطلع منها بكل الطرق ومش عارف مش عارف اعمل اي تاني مش عارف

السلام عليكم ورحمة الله وبركاته اخباركم ايه انا نوتيلا حابة اقول ان لسة حاحات كتير في حياتي متلخبطة و لسة بعافر علشان ابقي احسن و بحاول كتير ممكن محاولاتي تبان انها مش محاولات اصلا او اني مش ببذل مجهود لكن انا فعلا بحاول لكن فاضل ابدأ بجد مش بقدر اذاكر و افتح المذاكرة و مش قادره و حتي الشغل اللي قولت انزله علشان اشغل نفسي علشان اشغل نفسي و ابطل تفكير حصل مشاكل و بكون بردو ماسكة الموبايل علي طول و كمان حصل فيه مشاكل و بجد تعبت من نفسي و من كل حاحة و نفسيتي كل شوية نازل و تطلع شوية صغيرين اتمني تساعدوني علشان بردو احكي اكتر و ان شاء الله نلاقي حل او حتي تهونوا عليا

طول عمري ب ذاكر بس عمري ما حسيت ب كدا بس انا بقعد على المكتب كتير واروح مش مذاكر واجيب بردو وحش في الامتحانات وكل مره اخد بريك ومرجعش منه واراكم كتتير وارجع اتزنق في الاخر مش عارف ليه الصارحه يعني ال عنده حل او تجربه يفيدنا ربنا يفرحه

مش عايزة اضيع ال rank بتاعي 😂 اخباركم ايه اتمني تكونوا كويسين انا حاسة اني الحمد لله احسن بس الحاحات بتاعة الكلية اللب ورايا كتير جدا و لسة ما بدأتش فيهم و مش عايزة اسيب الشغل علشان بردو وقتها مش هذاكر و زيادة عليها هكون مخنوقة و متضايقة و مكتئبة و قاعدة مش طايقة نفسي مش عارفة اعمل ايه حقيقي و المفروض بردو اذاكر

بجد حيرانة اكمل مذاكرة رغم الصداع اللي ماسك راسي ولا انام ساعتين لان لو كملت سهر هبوظ مواعيد نومي خالص بس مش جيني نوم اصلا و ورايا مذاكرة وفي نفس الوقت مش عارفة اكمل مذاكرة لاني مصدعة وبجد يعني حياتي بقيت مذاكرة وصلاة واكل وشرب مفيش ترفيه مفيش صحاب

عندي مذاكره كتير اوي و فصول تتراكم عليا و الدكاتره طبعا مش موقفين شرح و المشكله ان امتحان الميد قرب و انا تايهه و مش عارفه ابدأ منين ولا ازاي واقفه كدا ف النص و الوقت بيعدي مش فاهمه مالي كدا عملت كل حاجة تجددلي الشغف بس برضو مش عارفه اركز ولا عارفه اذاكر و فعلا عاوزه حل

جدعاان انا في ورطه انا في تالته ثانوي وبدأت في شهر ٨ بدأت نوعا ما كويس مش ١٠٠ ١٠٠ بس شغال و تاني شهر الي هو ٩ مشى عادي شهر ١٠ كروته مانا بدأت ازهق شهر ١١ كسلت وراكمت كتير وحتى الي بذاكره مش فاهم فيه حاجه ف بطلت اذاكر خالص لسه فايق دلوقت في شهر ٤ ان انا هدخل كليه وهقعد فيها ٤ سنين ولا حاجه طيب كدا كدا هروح يعني لازم اروح كليه كويسه مش كليه محدده بس تكون كويسه ونا حاليا ضايع و المذاكره صعبه عليا وحاسس اني عايز اعيد السنه وابدا جد وخايف اتخازل تاني واضيع سنه كمان ومش هسال اهلي عشان هما ميعرفوش حاجه عني انا متلخبط قوي قاعد شهرين على الامتحانات اعمل اي

انا حد متدين( او دا الي الناش شايفاه) ومليش في موضوع الارتباط وبالنسبالي دا شيء مق-زز وحرام بس طبعا مقدرس اتحكم بقلبي.. بحاول اغض بصري علي قد ما اقدر بس من صغري بحب..ذلك السخص معايا في المدرسه وانا عارفاه من زمان وكنا بنهزر مع بعض لما كنا في ابتدأئي كبرت اعدادي قلت لا مفيش كلام مع ولاد وتلقائي مبقتش حتى ابص للاولاد.. المهم انه كان فعلا عاجبني غير انه شخصيته قويه وكان بيتوتر قدامي كان بيخليني احبه اكتر.. المهم اني عرفت انه سلك طريق سيء ...وارتبط ببنات كتير .ربنا يهديهم مش عرفه اعمل اي او اقول اي صراحه الي حاسس بيا يقول هو بيتصرف ازاي

السلام عليكم ورحمة الله وبركاته ازيكم اخباركم ايه نوتيلا تعبت تاني و رجعت تاني بجد تعبت من نفسي و غالبا هرجع اضيع نفسي رجعت افكر في كل حاجة غلط كنت هعملها زي الفيب و فكرت اجيبها رجعت اكلم ناس تاني رجعت ابطل مذاكرة و اكثر لدرجة اني فتحت المادة اللي هي صعبة اصلا قبل الإمتحان بساعة و نص و كنت قاعدة بردو بمسك الموبايل و مش قادره اسيطر علي نفسي خالص خلاص بقيت مش قادره و محتاجة مساعدة انا بتابع مع مع دكتورة لكن كان بقالنا حوالي اسبوعين ما حضرتش معاها انا بتكلم معاها و بقول كل حاجة و بعرف اتكلم و بتخليني اكتشف حاجات فيا و الاحظ حاجات لكن بردو مش قادرة اعمل اي حاحة في خياتي ولا التاسكات اللي بتقولي عليها المفروض عندي سيشن بكرة و معرفش هعمل ايه هي كانت قالتلي هنشوف عندي اكتئاب ولا لا و لو كده هروح لطبيبة لو الموضوع محتاج ادوية و قاعدة بفكر في الموضوع ده و خايفة بردو حاسة اني تعبت و زهقت من نفسي و هأذي نفسي بجد حاسة اني عايزة اروح مكان افضل فيه لحد ما اتعالج و ارجع لما ابقي كويسة و حاجة كمان انا بهرب من التفكير او الزهق او كده بروح اكلم ناس و بزعل من ده اوي و رجعت اعمل كده و انا عايزة اقرب من ربنا بس مش قادره بجد و مش عارفة اعمل ايه في نفسي علي البوست اللي فات انا مسحته و مش مسامحة اللي قالولي كلام يضايقني و انا restricted لكن هقرأ كل اللي هتقولوه ياريت تحاولوا تساعدوني فعلا انا تعبت و محتاجة مساعدة و لو في حاجة محتاجة ارد عليها هرد بكرة ان شاء الله لما يتفك و شكرا ليكم كلكم

ازيكم عاملين ايه انا حاسة ان المفروض الصح الكتمان بس انا فعلا مش بعرف و بحب احكي كتير فكنت حابة احكيلكم علي كذا حاجة اولا حابة اشكركم كلكم بجد و اي حد ساعدني و اتكلم معايا امبارح بجد فرق معايا جدا وانا الحمد لله امبارح لما رحعت من الامتحان قولت اعمل رياضة و اسمع قرآن و لغيت اوردر الفيب الحمد لله و كان في موقف حصل كان ممكن يخليني اضعف و اعمل حاحة غلط لكن الحمد لله عملت بلوك و كل شةية يطلعلي اعلانات فيب بجد 😂😂🤦‍♀️ حاسة اني مش بفكر كتير اوي زي قبل كده (عارفة التفكير هيرجع تاني ده يعتبراول يوم) لكن بردو لسة مشكلة الموبايل قاعدة بردو ماسكة الموبايل امبارح طول اليوم و صاحية من الساعة 7 ماسكة الموبايل و كل ده قاعدة بأجل المذاكرة و انا الامتحان عندي كمان ثلاث ساعات منهم ساعة علي ما اجهز و الطريق و كده و قدامي ساعتين او اقل كمان و يدوبك قرأت ملخص لأول محاضرتين من ال 6 و المادة ديه اصلا بجد كلها رغي و حاجة بجد رخمة اوي مش عارفة اعمل ايه انا عارفة ايه حلي بس مش قادره اعمله و اهلي مش بيشجعوني عليه انا مش بعرف اركز في البيت لاني بفضل نايمة علي السريرو لو ذاكرت علي السرير بردو فببقي مهمة او بنام او بلعب في الموبايل او بفكر في الاكل و اقوم ارزح كل شوية المطبخ لكن الحل اللي بيفرق معايا انزل اقعد في كافيه او working space بحيث يكون هادي و اقدر اركز و اذاكر من زمان كنت بروح تقريبا بذاكر طول الوقت ماعدا شوية صغيرين بريك مؤخرا ممكن اضيع وقت حتي لما اروح بس علي الاقل بحط تارجت و اخله حتي لو صغير و بردو ممكن بذاكر علي الاقل نصف الوقت لكن في البيت بجد لو ذاكرت نص ساعة ولا حاجة ده انجاز و اهلي يقعدوا يقولولي مثلا البيت فاضي او ايه مشكلتك فيه و اقعدي عادي و كل الكلام ده لكن بجد مش بعرف و بتشتت جدا و هما شايفين ان مش علي طول اروح اذاكر برا البيت انا هقرأ كل اللي هتقولوه بس الاكونت لسة restricted فمش هعرف ارد عليكم و ما تنسوش تدعولي بقي شكرا ليكم 🖤

عامة انا خلصت مذاكرة الكيمياء ( خلصت الاساسي مفروض احل كتاب كمان) بس فعليا فاصلة طيب انا اي اللي مصحيني؟ في الحقيقة انا صاحية لهدفين الاول اني اصلي الفجر حاضر لان بقالي عشر ايام مواعيد نومي بايظة و جدولي كله معتمد علي اني هصحي وانام في وقت معين المهم ياجدعان الهدف التاني اني ازود ساعات مذاكرتي لان الدنيا باظت عندي من اول رمضان بقيت بذاكر في النهار 5/6 ساعات بس من وقتها بعد ما كنت بذاكر 8 ساعات والامتحانات قربت ولازم اشد( انا ثانويةةة عامة) المهم ناوية اصلي وانام 5 ساعات واصحي اشرب قهوة واكمل اليوم بدون نوم ( لو عليا مش عاوزه أنام بس مطبقة من امبارح ) المهم للمرة المليون اللي عنده طريقة اصحي بيها يفدني عشان بقيت خم نوم

مساء الخير انا مكسورة قوى دلوقتي ومقهورة بجد ع نفسي اوي اوي انا محدش كان شاطر قدي زمان محدش كان يذاكر قدي كله كان بيبصلى بصه انتي حد ممتاز اوي دلوقتي ف الجامعه انسانه بائسه لابعد درجه ومش بتذاكر وعادت سنه وف قمه حزنها وبؤسها بجد ومش بس كدة شلت مادتين الترم الاول يعني لو ماده تاني خلاص كدة انا شلت السنه المفروص اكون باكل الكتب وكمان معاب ميدترم كمان كام يوم والايام قبله قليله ولا متأثرة واليوم كله ع الفون ومش قادره افتح كتاب صعبانه عليا نفسي اوي اللى هو انتي مين !! تعبت بجد تعبت اوي اوي

كلها شهر ونص وادخل تالته ثانوي انصحوني من خلال تجربتكم انا مضطربه جدا من اول دخولي للثانوي اكلي م متظبط ولا نومي ولا دراستي كل حاجة فيا حساها غريبه انا مكنتش كده انا كنت زمان بحب اقرأ و اشارك ب رأي لكن دلوقتي انا مبقتش حابه اكون مع حد ولا اجادل حتي م عارفه اتكلم زي زمان انا مؤمنه اني هقدر اوصل ل حلمي بس جوايا صراع داخلي جزء بيحبطني وجزء بيشجعني انا م عارفه ولا اهتم بصحتي ولا بمذاكرتي مبقتش احب اذاكر ووقتي كله ي عل الميديا ي نايمه ي باكل وبتفرج عل مسلسلات وافلام بجد حاسه ان حياتي مقرفه وملهاش معني

جماعه ما تحكوا عملتوا ايه في ثانويه عامه و يوم النتيجه كان عامل ازاي؟؟ و ال ناس ال جابوا مجموع مش عالي و بيقولوا اتظلموا هو ده بجد؟؟؟ لاني تالته ثانوي دلوقتي و مش عارفه ازاي حد ممكن يذاكر كويس ووفي الاخر ميجبش مجموع

انا حاسس اني مش عارف اعمل اي حاجه عندي امتحان ميد ترم يوم التلات وحرفيا مش عارف اذاكر حاجه غير اني ف رمضان غبت كتير في سكشن رحته مره واحده بس ف رمضان واول سكشن بعد رمضان كان امبارح مرحتهوش انا كليتي ف محافظه تاني غير محافظتي عمري ما قدرت اتأقلم ع البلد قربت اخلص كليه ومعرفتش احب او اتأقلم ع البلد اطلاقا المهم الغياب اللي غبته مخلي قلبي مقبوض دا غير ان كليتي عمليه السكاشن مهمه وفيها شغل وتسليم شغل اعمل اي خايف جدا جدا والمذاكره الترم دا انا مفتحتش حاجه خالص غير من يومين وانا بحاول اذاكر اللي خلصته بسيط جدا جدا جدا وامتحانات الميد ورا بعض وبحاول اني اذاكر من كذا ماده انا تعبت وحاسس اني مأنجزتش حاجه خالص تعبت ومش عارف اعمل اي ف المذاكره والغياب اللي غبته حرفيا بتاكل من جوه بسبب دا😓

جماعه انا 14 و هو 16 و معرفش هو بيحبني ولا لا و عارفه أن الموضوع ده غلط و اني اركز في مذكرتي احسن بس اي بنت في سني بتكون عايزه تجرب لو مره حتي ف عايزه حلول اعرف بيحبني ولا لا و لأننا مش بنتكلم احنا اتكلمنا فتره قصيره بس احنا اتكلمنا هو من اكونتو و انا مش اكونت فيك و مكنش يعرف أن مين لأن مينفعش يعرف انا مين لأن هو عارف ابن خالتي

الميد تيرم بتاعي كمان أسبوع و مذاكرتش اي حاجه وعارف إن دا مش وقت صياح وشكوي سوو انا جاي اطلب حلول عمليه منكم اقترحو عليا techniques للمذاكره و الاهم تكون حلول مجربه ولها نتائج ملموسه طبعا

انا السنة دى ساكنة مع واحدة صحبتى، ف فى الترم الاول الوضع كان عادى اينعم فيه تصرفات تضايق بس عادى مش مشكلة والترم عدى الحمدلله. وانا بقت فيا حاجة طول ما انا مضغوطة وعندى مذاكرة ومحتاجة اخلص وما اضيعش وقت كتير ف تعاملى بيبقى على قد الكلمة بس علشان معروفة اننا لما بنفتح فى الكلام بيعدى ساعات مش دقايق، ف المهم انا كنت ماشية كدة الترم اللى فات وما زلت يعنى خصوصا اننا فى كلية عملية وضغط وحاجة الله المستعان، دلوقتى بقى بقيت احس انى كل ما باجى السكن بحس بضيق شديد ومش بعرف اذاكر رغم انو دا مكان المذاكرة، وبقيت كمان مرتاحة اكتر وانا لوحدى وبعرف اذاكر وامشى الدنيا على عكس ما يكون معايا حد، وانا واخدة عليها عادى، ف مش عارفة اعمل ايه، بحاول اقنع نفسى انو عادى وانا بس بيتهيألى ولكن مافيش فايدة 🙂

انا ثانويه عامه حاليا وكنت بزاكر كتير جدا وبدوس على نفسي رغم اني بكره المزاكره جدا عشان بس ارضى اهلي لاني اصلا مكنتش عايز ادخل ثانوي انا دخلتها عشان أراضيهم المهم رغم المزاكره الكتير دي اللا ان درجات في الشوامل وامتحانات الدروس كانت زفت خالص كنت بسال نفسي ازاي لان فعلا انا لو مكنتش مزاكر ودخلت الامتحان هجيب درجه احسن من كده بكتير فده تقريبا أثر في نفسيتي جامد وقفلني عن المزاكره نهائيا مبقتش قادر اقعد على الكتاب رغم ان باقي اقل من شهرين على الامتحانات لدرجه ان بيجي فبالي ان حد عاملي عمل عشان مزاكرتش انا لو استمريت كده لأسبوع كمان الدنيا هتبوظ مني جامد شوفولي حل

ازاي اقعد علي المذاكره اكبر وقت ممكن ، عندي امتحانات و مش عايزه اذاكر كأني اللي هحط الامتحان المشكله بستخدم الفون لأن بسمع ريكورد المحاضره لاني مبعرفش اكتب ورا الدكاتره يعني يا اسمع واركز يا اكتب و الفحالتين لازم اروح البيت اسمع الريك تاني لاني بنسي الطريقه اللي اتقالت بيها المعلومه و الفهم نفسه ، بس حاليا المشكله الأكبر اني مش بقعد علي المذاكره وقت طويل والمقصود بالوقت الطويل ده مثلا اربع ساعات او تلاته من غير موبايل و اكمل تاني مش عارفه اعمل كده

انا عندي ١٨ سنة .... من وانا صغير المفروض اللي في طفولتي يلعب ويخرج ويتفسح ويتفرج على التليفزيون وهكذا. الا انا🙂 اهلي عودوني من وانا عندي ٥ سنين انني اذاكر وبعد كدة اذاكر ولما اخلص اذاكر حياتي تكون عبارة عن مذاكرة وبس. معودونيش انني العب اتسلى اتفسح دي حتى إجازتي كانوا ييجيبولي اي كتاب اقرا فية وماخرجش زي الولاد التانيين. كنت لما انقص درجة مثلا او نص درجة على الاقل كان بيتعمل لي مصيبة(عشان نقصت بس نص درجة) قولت في عقل نفسي وانا صغير يمكن صحاب المدرسة يقبلوني او يغيروني شوية . لكن هما اساس مشاكل صغري لان كلهم بلا استثناء كانوا بيتنمروا عليا وعلى شكلي... كنت بسيبهم في الفسحة واطلع المكتبة 🙃 وعلى هذا الحال حتى ٢ اعدادي. لما نقلت من مدرسة لمدرسة لقيت صحاب شوية .لقيت شلة ولقيت محبة ولقيت اخوة. لقيت ناس قبلتني زي ما انا رغم عدم كلامي ورغم سكوتي بس هما اللي خلوني اتكلم واخد على الناس. كان في وسطهم واحد كنت بعتبروا اخويا واكتر من اخويا كمان .فضلنا صحاب لحد ١ ثانوي وبعد كدة حصلت بيني وبينة مشكلة بسببة زعلتني جامد خليتني مش عايز اصاحب حد. وفي ١ ثانوي اتصاحبت على حد برضو بس دة لقيت فية الصاحب بجد . صاحبك اللي قابلك من غير شروط. سامعك في اي وقت اللي وقت ما اعوزة مايقوليش لا زي ما انا مش بقول لة لا. كننا برضو صحاب اوي لحد ما جة في مرة وقلب عليا فجأة ماكنتش فاهم اي حاجة. بس هو كل اللي كان عايزو انني ابعد وماكلموش تاني طبعا اللي بيقرا دلوقتي هيقول لي لية مارتبطتش 😂😂خوفت لأن اللي خلى صحابي ماقبلونيش هيخلي اي بنت تقبلني عايز اقولكم انني صاحبت صاحبي دة تاني من ٣ شهور وانا مطمن لة بصراحةبس انا كل اللي عايزو هو صاحب وبس حد اشكي لة لما اتعب. حد اترمي في حضنة لما ببقى موجوع. حد مش كل ما اعمل حاجة يقول لي انني مش مظبوط .حد اترمي على كتفة وانسى كل وجع الناس . دي مشكلتي (من وجهة نظركم بعد ما سمعتوني...اية الحل؟)💔

انا تالته ثانوى وبجد مش عارفه اذاكر خااالص قدامى بس ٣ شهور وانا مش عارفه المنهج كله بيقول ايه انا ادبى بس اصعب حاجه قدامى حاليا الانجليزى والعربي وحرفيا لا اعلم فيهم شيئ ومش قادره ابدأ خالص كل م اقول هبدأ انام اقعد ع الفون المهم انشغل ومذاكرش وحاسه انى بضيع خالص ومش عارفه ابدأ عربي ولا انجليزى منين حد عنده حل؟

انا ف تالته ث وبحب واحد قدى وجه ف العيد وبعد تماما دون كلام وانا تعبت جدا خلت اعترفتله انى تعبت من بعده تالت يوم العيد وكنت ملهوفه عليه اوى ومن يوم العيد الفجر وهو مهمشنى ولما قولتله قالى عشان نتعود على عدم الكلام عشان المذاكره طبعا زعلت عشان انا كان نفسي يبقى معايا ف العيد بجد وبعد العيد بكل احترام هنبعد بس اللى عمله خلانى من يوم العيد قافله على نفسي الاوضه وخسيت وبهتت ومش عارفه اذاكر ولا اركز بعتله وقولتله انا مش هينفع ابقى مش عارفه انا قريبه ولا بعيده تعالى نبعد ولو فيه نصيب انا هستناك قالى ماشي وبيباى وبعدين قالى ابعتيلى ريكورد بتضحك فيه عشان اسيبك وانا متطمن انك مش زعلانه انا كنت ساعتها منهاره م العياط عيطت ف الريكورد وبهدلت الدنيا حرفيا قالى انا مش هسيبك غير ف شهر ٤ عشان بابا هيسحب منى الفون هو فاضل ٥ ايام اهو انا مش عارفه اذاكر ولا اركز عشان بحبه بجد وهو عايش حياته وبيبعتلى صباح الخير وكلام ع القد وانا بصراحه بصده شويه لانى مش قادره اتكلم زى الاول ويقول بيباى هروح اذاكر ويرجعلى بعدها معلش هاتيلى النماذج الاسترشادية ابعتهاله وميردش بعد كده هو بيقولى هجيلك بعد ٣ شهور لما نخلص بس انا متعلقه بيه ومتاثره بسبب كلامه وبيقولى أنه ف العيد مكلمنيش عشان مشغول هو حد بيشتغل ف العيد ال ٣ ايام طب كده بقا ف الايام العاديه مليش لازمه فعلا 🙂 اعمل ايه ي شباب انصحونى

حاسه اني من اول الترم التاني ده وانا مذاكرتش حاجه و بعيده عن ربنا و حاسه ان ربنا عمال يديني فرص عشان اذاكر و اعمل الي عليا و اقرب منه زي رمضان و بردو انا معملتش ده ف رمضان كنت بحاول اجاهد و اقرب من ربنا بعدين جيت ف الاخر معدتش بنزل دروس و بغيب و جه بعدها العيد و الدروس اتلغت و كان قدامي فرصة الم كل الي متراكم عليا و معملتش ده بردو و انا حتى مش قادرة احاول و مش عارفة فعلا ايه الي بيمنعني و جه تاني حوار الجو ده و الدروس اتلغت و انا بردو معملتش حاجة من الي عليا وانا حاسه بالذنب اوي و كل يوم اقول اني هلم الي عليا بكره و معملش كده والفكره انا ف سنه المفروض اجيب مجموع لو حد عنده حل يفيدني انا فعلا مش عارفة ابدا ازاي

تعبتتت عندي مذاكرة ونايمة من امبارح وانا فتالتة وعايزة أطلع م اوائل الجمهورية ومراكنة شوية فيزيا محترمين وجيولوجيا وأحياء وخايفة أرجع افتح الفيزيا أحييه احييه احيه حد كبير يساعدني بليز اكبر بشوية صغيرين

بتعملوا ايه ف ملل اخر الليل لو معندكمش حد تتكلموا معاه بالمناسبة بجيب حاجات حلوة وبتفرج ع مسلسل وبعممل قهوة وبعمل كل الحاجات اللي بحبها وعندي مذاكرة كتير متراكمة ومع ذلك زهقاانة جدا ومش عايزة اعمل اي حاجة اندم عليها بعدين فـ اشتت دماغي ازاي وف نفس الوقت اكوم مبسوطة بالوقت ده

ازاي اقدر اركز ع نفسي و مستقبلي و انا عايشه في بيت توكسيك و أغلب الوقت متوتره و ضربات قلبي سريعه و مش عارفه اركز ع نفسي ساعات بفكر في ان الحل اني اتعلم طُرق اتعامل بيها معاهم بس لما بحاول اعمل كده بلاقي اني كده واهبه حياتي ليهم بدل ما اركز ع نفسي و كمان بيدخلني في صراعات بتأذيني و بتسرق عمري و بتضيع وقت المُذاكره ملحوظه / مينفعش اسيب البيت لأني مش بشتغل و ثانويه عامه و معنديش قرايب اقعد معاهم بفكر اقدم بلاغ اني بتعرض ل اذى نفسي أُسري بس خايفه من اللي هيحصلي لما يعرفو اني عملت كده و كمان لو محصلش اجراء قانوني حياتي هتبقى اصعب بعد ما ابلغ عنهم ياريت لو حد عنده حل يقول لي او حتى حل مؤقت لحد ما اخلص امتحاناتي

انا تايهه وفي شخص بعشقو حرفيا بس معرفش افك التعلق ده ازاي وكنان تالته ثانوي مش عارفه اعمل اي وفاضيه. ولا عارفه اقرب من ربنا ولا اذاكر ولا اي حاجه وفي تعب جسدي الفترة دي حاولت كل مرة انتكس.... وو

انسي الذكريات و الحاجات الحلوه اللي كانت بينا ازاي رغم اني مسحت كل حاجه و بقيت مشغله كفايه جدا ومفيش وقت حته افكر في بس المشكلة اني بفكر في وانا مشغله و مؤثر علي حياتي بشكل مقرف ولا بقيت مش مراكز في اي حاجه خالص ولا مذاكره و شغل و بقيت تايه اوي