يجماعه انا عندي خطأ ف ميولي الجنسيه انا عايز احكيلك عن الابتلاء دا لانه حرفيا من اشد الابتلاءات اللي ممكن اي بني آدم يمر بيها حرف مع الذات حرب مع الفطره حرب مع الفكر والدين والمجتمع انا من وانا طفل وانا والدي بعيد عني يعتبر مكنش عندي اب ف حياتي برغم انه عايش يعني طول مراحل حياتي ونشأتي مكنش قريب اطلاقا مكنش عندي حد اعرف احكيله عن حاجه كنت عايز منه يكون قريب مني ويسمع مشاكلي ويطبطب عليا ياخدني ف حضنه وكمان وانا صغير حصل تحرش جسدي من شخص أكبر مني انا كبرت وبقيت وسط ناس واصدقاء وشفت الدنيا بقيت كبير بس احتياجي من ابويا كبر معايا وهو لحد وقتنا هذا هو مقربش مني ولا ولا حضني مثلا انا مكنتش فاهم انا ليه اكون مستني من واحد صحبي انه يطبطب عليا ويحضني مكنش مدرك وقتها ولا كان عندي وعي بالحاله عقلي ترجم دا علي انه شذو**ذ وبقيت مش حابب نفسي ولا الفكره بس كان عندي تخيلات عن الموضوع وبعدت عن كل الناس وكل صحابي وبقيت مش عايز اعمل ولا بقيت عارف اتلم علي شلة صحاب وعدم وجود صحاب ف حياتي دا أثر عليا نفسيا جدا طول حياتي بس جايز دا كان لحكمه من ربنا لان وقتها انا مكنتش فاهم اي اللي انا بمر بيه دا الموضوع اتطور ل تخيلات جنسيه انا قايم فيها بدور الراجل ف استغفر الله علاقه يعني ف دماغي وانا ف نفس الوقت كان ميول للبنات بردوا مكنتش زيرو ناحيتهم عشت حياتي ببعد نفسي عن الفعل دا والحمد لله عمرها وصلت بيا ل ممارثه إطلاقا بس كنت عايش ف تأنيب ضمير من خيالاتي ل اهلي ونفسي وديني وكنت بكره نفسي وكنت دايما ادعي ربنا يخلصني من الاتجاه الفكري الخاطيء دا انا الحمد لله عمري ما وقعت ف اني اقوم بفعل الذنب الكبير كل اللي حاصل دا ف دماغي انا زي ما ذكرت كان عندي ميول تجاه النساء ولو كنت اتخيل حاجه كنت بستجيب اكيد يعني انتوا فاهمين بس مكنش كتير يعني بس كانت الفطره موجوده الحمد لله وكانت دماغي تقنعني ان لا انا مش كويس واني تبع الفئه القذره دي لحد ما عرفت برنامج بيعرف الناس اللي كده (الألوان) علي بعض ودخلته وشفت مدي القرف اللي فيه وبقيت بطلع من البرنامج ببكي بكاء شديد اللي هو لا يارب انا مش كده ومش عايز اكون كده دايما بدعي ربنا يخلصني من الموضوع وعمري ماشفت نفسي قد اي انا مستنفر من الموضوع غير لما دخلت شفت البرنامج الزباله دا وعرفت واتأكد اني كاره الفعل والحمد لله انا ربنا حفظني وموقعتش ف الموضوع ك فعل او ممارثه بس انا دلوقتي مش متأكد هل انا كده الموضوع اتشال ولا لا وخايف وقلقان جدا جدا يكون لسه وحاجه تحصل تقودني لحاجه زي دي اعمل انا محتاج اراء عن الموضوع عامتا الكلمه من من منظور حد تاني بتفرق جدا