دين

عندي 19 سنة اعتبروني اختكم الصغيرة و قولولي نصيحة تنفعني ف حياتي يمكن في حاجة معرفهاش و بالمرة غيري يستفيد سواء نصايح ف دين او الشغل او الدراسة و العلاقات اي نصيحة عادي انا عايزة اتعلم من خبرات الي اكبر مني و كدا كدا جيلنا فيه ناس كبيرة و ليها خبرات ف حاجات كتير

(القلب وما يهوى) السلام عليكم، الحقيقه لو سألتك كام مره جه في بالك ترتبط ببنت معينه او تتفرج او تسمع حاجة معينه والي منعك منها، كونها حرام، القاتل الي قتل 40 مليون بني ادم بس عشان دا الي جه في باله واختاره هواه، ولو حد قال ان القانون بيمنعه فلو ركزت هتلاقي ان القانون دا وضع على أساس الدين برضو،فلو جه على هواك تقتل حد معين والقانون منعك بالاعدام فالدين من قبله كذلك وضع القصاص،لان لو كل واحد اتبع هواه فتقريبا مش هيكون 40 مليون بني ادم بس ممكن يكون شعب وكوكب بأكمله ، فحمد ربنا على كونك مسلم

ازاي الإنسان عايش ومتأكد ان دينه هو الصح ، اتكلمت مع اكتر من حد في الموضوع ده وللاسف فاكر ان في الآخرة هيتحاسب اكنه في السجل المدني لو مكتوب في بطاقته مسلم هيخش الجنة غير كده في النار ، ازاي الناس عايشة من غير ما تشك وتحس ان في حاجة غلط ، هل انا لوحدي اللي بفكر كده ؟

عمر حد كان عنده شك ناحية الدين؟ ممكن تحكولى قصتكم، قدرتوا تتغلبوا ازاى عليه ازاى او غلبكم ازاى انا عندي من وانا ١٦، اللى هو سن البلوغ العقلى، ولغاية دلوقتي مش قادر اتخلص منه، ولا منى مؤمن ولا مل7د، وبعامل كل اللى حواليا على انى شخص غير اللى انا عليه

عندي مشكله كبيرههه . يعني انا عن نفسي شايف الرزق بيوصل للانسان في صورة علم او صحه او مال، مش عشانه هو لوحده، بمعنى، يعني اترزقت بعلم عشان انشر العلم دا وافيد بيه المجتمع والبشريه كلها مش احتقره ليا ولا لفئة معينه وبس، ثانيا الصحه، يعني لما اشوف حد بيتم الاعتداء عليه في الشارع مسكتش ومقولش وانا مالي، يعني انا من فتره كده كنت طالع مم الامتحان على اخري، وفجأه لقيت ست بتصوت بسبب ان ابنها ماسك خشبه كبيره والله، وبيضرب فيها هي وابوه تخيل! انا تلقائيا لقتني بجري عليهم ارفع البلاء دا عن الست وجوزها، حرفيا الولد ضرب ابوه، وامه دخلت تدافع عنه راح ضربها فوقعت من طولها في الارض، يمكن انا عقبال ما وصلت لانهم كانوا بعيد، كانت الناس لحقته، ومكنش شطاره من اني اتحرك دا انا لوحدي كده، ولما رجعت تاني لصحابي قالي وانت مالك، مش يمك ملكش دعوة، لا الحقيقه ليك دعوه ربنا خلاك انت بس الي تشوف دا، عشان انت الي تدافع، وانت الي هتتسأل يوم القايمه لو مقومتش بواجبك، سواء بقا شوفت بلطجه او سرقه او تحرش او اي حاجه من انواع الاعتداء عموما على البشر وعلى الحيوانات. ثالثا بقا، وهو المال، اقسم بالله الفلوس دي مش بشطارتك والله العظيم مش بشطارتك، دي رزق ربنا ليك وواجب عليك توزعها على عباده وتنفق على المحتاجين!، اي كان المبلغ الي بتقبضه طلع صدقه لله لانك عارف ان الرزق مش بإيدك وان في غيرك محتاااج وفي امس الحاجه. بس كده اتمنى لو انت عندك علم متبخلش ابدا بيه، وورثه لغيرك وعلمه لو شوفت اي حد بيتم الاعتداء عليه اوعى واياك تسكت حتى لو موقفك دا هيكلفك عمرك فبرضو اقف، لان وقتها هنحتسبك شهيد بيدافع عن اخوه المسلم ان شاءلله يكون معاك مال ، ووقتها متخليش في بيتك جنيه فايض عن مصاريفك الاساسيه واعرف انه لله ما أعطى ولله ما اخذ.

اسمحولي اخرج عن صمتي هو من امتى بقى الطبيعي ان احنا نكون اوبن مايند؟؟ لا بجد (انا مش احسن حد في الدنيا بالعكس ان اقل حد واكيد ممكن بعمل اي حاجه من الحاجات اللي هقولها دي بس على الاقل بحاول اتغير وبستر نفسي مش بمشي اقول لكل الناس ده انا عملت وعملت) ليه بقى الطبيعي ان واحدة تيجي تقولي انا ارتبطت بكذا ليه بقى الطبيعي ان احنا نشجع بعض على اللبس الضيق واللي لا يليق مع الدين ليه بقى الطبيعي ان احنا بنتكلم في حاجات مش مناسبة مع سننا ليه بقى الطبيعي ان البنات تطلع شعرها ليه الطبيعي ان احنا نروح نعنل فيلر وبوتكس ونغير في خلقة ربنا ليه الطبيعي ان الصبيان تطلق بصرها (زي ما هي محاسبة على لبسها انت محاسب على اطلاق البصر) ليه بقى الطبيعي ان احنا نشتم بالاب والام وليه بقى الطبيعي ان احنا نشتم اصلا ليه بقى الطبيعي ان احنا نشوف حاجه غلط ونسكت ليه بقى الطبيعي ان احنا نحهر بالمعصية ليه الناس بقت تنتقد اللي بيتكلم في الدين ليه الناس مبقتش تحب تتكلم في الدين بجد من كتر ما اتعاملت مع ناس هنا بقيت اكره اقول ان ده حرام عشان عارفة اني هاخد نريقة وقرف ليه وليه وليه.... حاجات كتير اوي بجد انا بجد مش بنظر على حد انا اقل خلق الله وربنا يعلم ان الانسان بيجاهد نفسه اد ايه في وسط كل المدعكة دي محتاجين نفوق بجد

مش عارفه ليه هنا في ناس بتكتب وتقوم قايله بس محدش ينصحني بالدين او حاجه زي كدا او لو جيت قلت لحد قرب لربنا يقلك ي عم الدين حاجه ودا حاجه وتلاقيهم مش عايزين يسمعوا ويقولو ايه علاقه الدين يعني ايه ايه علاقه الدين الدين دا الهويه بتاعتك والمنهج والخط المستقيم الي بنمشي عليه هو كل حاجه القران مكتوب فيه كل حاجه كل انواع المشاكل والحلول بتاعتها بحس والله ان الناس دي غريبه مش فاهمه وفي ناس بقي دي الي حبت انها تريح نفسها وتقلك انا مبقتش مسلم يا سلام بقي من غير دين امال بقيت بقي ولا حاجه الشخص من غير دين دا ولا حاجه وايه نوعيه المشاكل الي الناس بتكتبها دي انتم في الكوكب معانا ولا انتم ناس حقيقيه هي دي مشاكل مش بستخف بيها علي قد ما انا بقرف منها والي عليا اقوله ربنا يهديكم بجد مش عىرفه ليه الانسان بيكون عارف الغلط ويقول ياه دا غلط دا حلو اوي ويقرب منه وخلاص وحابب نفسه وشايف ان مفيش مشكلخ وكمان بيجهر بالمعصيه ويبين قد ايه المعصيه دي عاديه ربنا يهدي الجميع ويهدينا جميعا كلنا بنغلط ومش عيب اننا نغلط العيب اننا نستمر في الغلط ونكابر ومنتوبش

عايزه رد واعي من الدين من غير هبد بالله عليكم وبعيد عن رأي المجتمع المتخلف أو أشباه الرجال عندي سؤال بيجي في بالي دلوقتي لو في بنت غلطت مع شاب إذا كان كلمت شاب أو بزنى البنت دايما بيقولو أن الأب يقتل بنته عشان ضيعت شرفه وكدا وبيتكلمو في دا انو عادي مع أن الي اعرفه ان حتى الزنه عشان تطبق عقوبته لازم يبقي في شروط معينه وحتي لو اتوفرت الشروط دي ما بيكونش القتل بل بيكون عدد جلدات معينه وبيكون علي الولد مش البنت لاكن البنت لوحدها هي الي بيقولو ضيعت شرفنا ولازم تموت لاكن الولد غلطه وعادي فدلوقتي لو اب قتل بنته بحجه انو بينقذ شرفه مش دا كدا يعتبر قااااتل بالنسبه للدين وهل هيتحاسب عند ربنا وانو قتل بغير وجه حق والبنت كدا بتكون مظلومه عند ربنا طبعا دا ما يمنعش إنها عندها حسابها عند ربنا لو مكانتش تابت قبل ما تموت علي الي هي عملته بس بردو مين ادي الاب حق انو يقتل بنته بحجه الشرف والمجتمع يبقي شايف دا عادي مع انو قتل والقتل حرام ليه الحرام بيتجزء في حاجات وحاجات ليه مع ان ممكن تكون البنت كانت تابت توبه نصوحه من قلبها وربنا غفور رحيم دا القاتل ربنا بيسمحه هل مش هيسامح الزاني اكيد لو تائب من قلبه ربنا هايسمحه ف ليه بقي عمر ما لقيت ناس بتتكلم أن كدا الاب دا مجرم لانه قاتل وان كدا هيتحاسب عند ربنا لان مش هروح يقول لربنا كنت بدافع عن شرفي ما مفيش حاجه اسمها كدا مين اداك الحق ما يمكن البنت تابت الي ربها وندمت وكمان ممكن تكون مثلا مشيت مع ولد بس بدون زنى انا طبعا مش بحلل دا حرام اكيد بس بقول هل ربنا قال كل بنت مشيت مع ولد حق باباها يقتلها ولا يعتبر ظالم وحسابه عسير عند ربنا ؟؟؟!!!

انا ف مرحلة تعافي من ذنب كبيير ووانا بتعافي بعمل ذنب تاني دا جزء من العلاج اعمل اي مبقتش عارف انا مين انا كنت شخص قريب من ربنا بصلي وبدعي ربنا كتير كنت بنتكس كتير بس المرادي الانتكاسه بتطولو تتمادي عمري ما كنت اعرف ادخل امتحان الا وانا تايب وداعي وقايل اذكار ومستغفر دلوقتي ممكن ادخل وانا لسه متوبتش اللي عايز اوصله ان انا حاسس اني هبدأ اعتاد الذنب وانا مش عايز دا وعندي سؤال هل ممكن ربنا يخليني متوقفش ف الامتحان بسبب ذنبي دا انا عارف ان ربنا بيعاملنا بما هو اهله وليس ما نحن اهله بس انا خايف انا عندي مستقبل كان نفسي ابقي بني آدم صالح زي الناس الصالحه اللي بتعمل بودكاستس دي كان نفسي يبقي عندي المعرفه الكافيه ب ربنا وديني ورسول الله اكتر من كده كان نفسي ابقي مستقيم زيهم كان نفسي مذنبش ومتجرأش زي دلوقتي تراكمت الذنوب وعجزتني حتي من اني اقول يارب اهديني انا علي اوشك ان انا افقد الامل ف نفسي مش لاقي اي كلام اقوله زياده غير اني تعبتت جدا جداضاقت بشكل كبير عليا وبقيت عايش اخلص اليوم وابدا اللي بعده اقول يارب يخلص مش عارف انا عايش ليه وايه هدفي فقدت كل عزيمتي علي السعي ومبقتش قادر

لا بالعكس انا صرت اسوء نسخة مني تغيير كبيير جدا فاشل في جميع نواحي الحياة دينيا دراسيا عاطفيا ماديا، حتى ما صار عندي خاطر اعمل الاشياء الي احبها و حاب انجح حتى لو اجبرت نفسي ايام و اتهرب من الشيئ الي حابو (commitment issues)

عشان تقدر تعيش في المجتمع دا بشكل خاص والعالم كله بشكل عام عندك حل من الاتنين يااما تتقبل العبث الي هتشوفه كل يوم وتحوله الي مادة للسخرية والضحك وتقلل من نفسك وتركن عقلك وتمشي ورا القطيع وتبقي نسخة منهم بدون اي ادراك لهويتك ولا لدينك والحل التاني انك تعيش في جحيم الوعي والنضج والتميز الي هيحسسك انك مختلف عن باقي الناس والناس مختلفة عنك وهتبدأ تشوف الحاجات بمنظورها الطبيعي وهتسمي الاسماء بمسيتها الحقيقية تبدأ تشمئز من كل شيئ حواليك وكل الناس هتحس انك لوحدك في العالم الي شايف مهازل محدش غيرك مستوعبها ومش مدركين المنحدر الي احنا نازلين فيه هنا هتقف في صراع كبير جواك صراع بين عقلك وبين هواك امشي ورا القطيع عشان محسش اني لوحدي ولا امشي ورا عقلي واعيش في جحيم الوعي دا لوحدي! وهنا يكمن الاختبار هل الانسان مخير ام مسير؟

لما بتعامل مع ناس وبحس ان الدين عندهم مش اولويه فحياتهم بحس دول ناس غريبه او تافهه . مقولتش اني مثاليه بس تعبت من اضطرار تعامل مع ناس دين يبقا مش في بالهم اصلا مش حاطه منهج و مرجع لتصرفات و التعامل

بوصوا انا مش عارف هو العيب بقا علي مين الاسرة ولا المجتمع اللي بيحاول يقلد الغرب تقليد اعمي وفعلا احنا في زمن القابض علي دينه كالقابض علي جمر من نار اللي بيحاول يعف نفسه بالحلال بيحاول المجتمع يكسره بالدهب والقايمة وزبالة الدنيا والبنات اللي بقا قلع اللبس اسهل من انها تغسل وشها فاربنا يحفظنا واياكم

حبيت بنت مش من ديني وهي كمان بتحبني اوي انا حليا مدمر نفسيا قدامي اخيارين صعبين اوي انا حرفيا عمري مكنت اتخيل اني اقع فحب بنت كدا وهي بتحبني اوي وزاي منكون اتخلقنا لبعض بموت فيها بجد مقدرش اعيش منغرها بس لو اخترتها هدمر نفسي واخسر كل حاجة بس انا منغيرها ولا حاجة حرفيا محتاج نصيحه

شوفت فيديو بيقول ان مشاهده المسلسلات حرام وفيديو تاني بيقول لما فيها طيب لو مثلا بشوفها بس الحجات الحرام بغض بصري ومبشوفهاش دا يبقي حرام برضو يعني لو في موسيقي بوطي ومبسمعش ومبتأثرش بيها هل كدا يبقا حرام برضو لو حرام ايه ممكن دليل علي ده

اهذا انت ؟ اهذا ما كنت ؟ اهذا ما اردت ؟ هحححخ ٧ ايام على اول ماده وفيض من التراكمات كالعاده يمر علي طيف الثانويه العامه واني كنت زي دلوقتي من السنه زي الخرا ومراااااكم وخدت اكتر مما استحق ٧٦.٠٩ هحححح عارف لما تبقا بتسعى في حاجه مكنتش عايزها ؟ وستيل مش عايزها برضو ما هي كلها ربا وحرام ف حرام وحاجه خرا (تجاره) عارف انك هتقول نظره سطحيه والكلام دا وفي مجالات كتير فيها والكلام الحلو دا بس اهو بقا فوق بقا وبطل اوهامك دي داخل على ١٩ سنه ومش حافظ جزء عم كامل انت عبيط يعم انت اهبل ضيعت عمرك ف ايه هتفضل تسوف كل حاجه لحد امتا يابا هتتعدل امتا هتتنيل تفوق امتا فوق بقا وبطل هبل وتضييع وقت ف قرف عشان وراك بلاوي سوداء ولو شايف ان اكبر كسره كانت الثانويه تبقا اهبل لسه في اقلام اكبر الشاطر مش اللي ياخد قلم واحد الشاطر اللي ياخد القلم ويفوق عشان اللي بعده (مقوله من ابويا ) (النص التاني دا تدخل اضطراري من شخصي التاني بس هو غشيم شوية) طب ما تديها واحده والله ما هتم ٢٠ سنه الا لما احقق حاجه وزي ما تيجي بقا يا انا يا الدنيا "اتجننت"

السلام عليكم انا كنت حابه اعرف هل ظهور المرأه على السوشيال ميديا أنها بتقدم محتوى ده بقى حرام وفتنه انا كنت بقالى سنه ونص بعمل محتوى ووقفت كام شهر للأسباب ولما رجعت تانى سمعت ان ده حرام وكده حتى لو المحتوى مفيد ومحترم وانا طالعه بحشمتى فا انا مش عارفه اسأل مين شكرا مقدما

في موضوع مضايقني جدا ال هو.. انا شاب محتاج اتجوز زي زي اي شاب عايز اعف نفسي واغض بصري وتساعدني في امور الدين والدنيا.. انا من اسرة متدينة جدا والحمدلله انا طالع لأسرتي عندي الدين رقم واحد في حياتي ال مضايقني ال هو كل ما بنت تعجبني واسأل عليها الاقي واراها تاريخ منيل بستين نيلة حتى البنت المنتقبة ال سألت عليها واحد قالي دا كنت هاريها لي حتى الآن مش لاقي ولا واحده كويسة تساعدني وتحافظ على بيتي ولا المشكلة مني انا؟

دائما بشعر بكره لذاتي، جسمي و شعري و صفاتي، اتعرضت من صغري لانتقاد على كل حاجة بعملها و إجبار على إني أكون مثالية بشكل ما، لازم أكل بطريقة معينة و أمشي بشكل معين، الجامعة دي وحشة متدخليش، التخصص ده ملوش لازمة حتى لو بتحبيه، مبقتش عارفة نفسي الحقيقية بس بقيت أكره ذاتي اللي تم إجباري عليها على مدار سنين طويلة، كان المهرب الوحيد ليا هو الدين و فضلت فترة شايفاه مجرد مهرب عشان محدش يضغط عليا لحد من فترة وعيت على نفسي و بدأت اصحح وجهة نظري عن الدين بس لسه بكره ذاتي🥲

عارفين ي جدعان احساس الغربه اللي الواحد بيحسه ونظرات الاستغراب اللي بيشوفها في عيون ناس كتيره كأني جاي المريخ 😏 ي جدعان منا شخص عادي جدا اهتمامتي انتوا فاهمينها عشان انتوا بعيد عن اللي زون بتاعتي يقولك شيخ لمجرد ان محافظ ع صلاتي مش بشيير حاجه فيها موسيقي بحاول اكون ملتزم حتي لو مقصر ما بيني وبين نفسي بس ع الاقل مش لازم اوضح للناس اني عندي السوء وعندي الذنب ده يقولك انت بوشين بتابع مؤثرين خليجيين يقولك مالهم المصريين منا بتابع مصريين بردو بس كترفيه وانا شايف ان المعلومه دي مهمه عشان كدا مشييرها بتعلم مهارة خط عربي يقولك ايه الشخبطه دي سحر الواحد بقي حااااسس انه الناس كلها غريبه اللي هو تحس انهم مش فاهمين او بيحاولوا يستنقصوا انا معدتش فاهم

أنت متخيل إن دكتور طلع في كام بودكاست على كام لايف أثر في أكلك ونظام يومك وخلاك تشُك! انت متخيل إن رجل دين طلع في كام لقاء على كام فيديو أثر في عبادتك وتعاملك مع دينك وخلاك تشُك! انت متخيل إن أديب أو كاتب كتب كام مقال أو عمل كام رواية أثر في مفاهيمك و طريقة تفكيرك وخلاك تشك! أنت غير واعي وغير مُلم بالأساسيات الخاصة بيك لدرجة إن " صحتك ودينك وتفكيرك " أسهل حاجة لأي شخص يلعب عليك بيهم!! أسهل حاجة بيتم التلاعب بيك عن طريقهم؟ انت مش عارف الأكل دا كويس وتاكله ولا لا انت مش عارف رجل الدين دا تاخد منه علم ولا لا انت مش عارف الكتاب دا هينفعك ويفيدك ولا لا انت مالكش مرجعية مربوط بحبل من رقبتك وفي حد بيسحبك منه انت مش عارف مرضك ولا علاجك انت مش عارف دينك مش قادر يكون عندك أفكار خاصة مبنية على مبادئ مقتنع بيها إحنا طلعنا فاضيين وبنتساق في أبسط الأشياء بكل سهولة وبدون مجهود

انا ابن عمي توفى وادفن طفل بريء لا بيه ولا عليه انا حضرت كل حاجه معاه في الدفنه و الصلاه و لسه مخلص جنازته هو عنده ٨ سنين هل لما الولد يتسال هيعرف يرد وهل هو هيبقى خايف في القبر و هل جده وبنت عمه الي مدفونين قبله هيقعده معاه وكدا انا مسلم وكل حاجه ومش عارف ان كانت اسالتي دي تجوز ولا لا بس انا خايف عليه جدا ارجوكم حد يطمني

بصراحة شوفت فيديو لشخص بيتكلم عن إنه ساب بلده وسافر برّه لأنه اصبح بلا دين و حس إن هناك مساحة أكبر إنه يعبّر عن أفكاره بدون خوف من هجوم الناس عليه أو رفضهم ليه. وكان بيقارن بين المجتمعات العربية والمجتمعات الغربية، وإن الغرب بالنسبة له أكثر تقبلًا لأي اختلاف في الأفكار أو أسلوب الحياة. الكلام خلاني أفكر فعلًا في نقطة مهمة جدًا، وهي: هل معنى الحرية إن أي فكرة لازم الكل يتقبلها ويعتبرها شيء طبيعي؟ وهل أي شخص عنده رأي مختلف عن المجتمع أو الدين لازم المجتمع كله يقتنع بكلامه حتى يُعتبر “متفتح” أو “متحضر”؟ أنا شايفة إن فيه فرق كبير بين الاحترام وبين الاقتناع. يعني أكيد لازم نتعامل مع أي إنسان بأدب وإنسانية مهما كان مختلف عننا، لكن ده لا يعني إن أي شخص لازم يغيّر مبادئه أو يتخلى عن قناعاته الدينية عشان يثبت إنه متفهم أو متعلم. المجتمعات العربية والإسلامية ليها ثقافتها وهويتها الخاصة، ومن الطبيعي إن يكون عندها حدود وأفكار مختلفة عن الغرب. ومش أي اختلاف يبقى معناه تشدد أو كراهية. بالعكس، ممكن الإنسان يرفض فكرة معينة دينيًا أو فكريًا، وفي نفس الوقت يظل محترم في كلامه وتعاملاته. اللي فعلًا محيرني إن بعض الناس بقت تعتبر إن أي اعتراض على أفكارهم هو هجوم شخصي أو جهل، مع إن الاختلاف بين البشر شيء طبيعي جدًا من زمان. وفي النهاية، كل واحد حر في اختياراته، وربنا وحده أعلم بالناس وبقلوبهم، لكن برضه من حق أي مجتمع يحافظ على هويته وقيمه بدون ما يُتهم بالتخلف أو عدم الفهم. ربنا يهدينا جميعًا للخير ويصلح حال الجميع.

عايزه ابدأ اصنع محتوى ويكون بيتكلم عن المواضيع بشكل عامل والعلوم زي الدحيح كده وكمان ممكن اقول حاجات دينيه بس مش عارفة ابدأ على انهي منصه لأني عايزه اطلع فلوس من المحتوى ولو بدات من يوتيوب حاسه ممكن منجحش + لو عندكو فكرة ل ل اسم الشانيل او الاكونت الي هعمله شاركوني بيه

اعترفتلها بإعجابي وحبي ليههاا ف ردت عليا وقالتلي انا عارفة انك شخص خلوق وعارف ربنا وعارف ان مينفعش يبقي فيه كلام بين ولد وبنت ف انا مش عارف هي رافضة ولا هوا علشان حرام وعايز الموضوع يتم بما يرضي الله مش فاهم الصراحة مع العلم قبل ما اعترفلها سالتها اذا كانت مرتبطة او في حد في حياتها وهي ردت وقالتلي لا ومع العلم انا بدرس هندسة وهي بتدرس طب فا لو حد فاهم ردها ده معناه ايه يفهمني

بعد الموت فيش فرصة مش هينفع تقلو استني اتوب او اصلي الموت بيجي عل غفله ممكن وانت ماسك فون بتعمل الغلط تموت مش هتلاقي فرصة تتوب او ترجع انهارده اتوفي حد من شارعنا كان حد وحش جدا اتوفي 25سنه صغير الله اعلم يمكن تاب بس حقيقي بدل مكنا بندعي عليه بقينا ندعييلو ربنا يوفقو اعملو حساب الحظة دي

يجماعه انا تعبت من الذنوب خلاص جبت اخري مبقتش قادر ومش عارف اعمل اي اي معني واحد يعمل ذنب ويفضل يبكي بعده اي معني ان واحد يكون وهو بيعمل الذنب عارف ان الذنب دا مدمره ومدمر حياته كلها حرفيا ويعمله حاسس ان خلاص حياتي وقفت ومفيش مني ولا من حياتي ولا من اني ارجع كويس امل خلاص تعبت قولت مشكلتي وذنبي اي هو هنا كذا مره مع انه تقيل عليا اني احكيه وخلاص مبقتش قادر كنت حاسس ان الكلام هنا هيجيب نتيجه بس انا زي ما انا ف نفس النقطه بل بزداد سوء انا حرفيا جبت اخري الاخر حرفيا ومش شايف لدنيتي معني وانا كده خلاص مبقتش قادر تعب نفسي زياده عن اللزوم وتانيب ومفيش فايده سنين السنين ومفيش فايده يا ناس خلاص انا تعبت

لما بدأت استوعب اني لازم تعمل لدماغي اعادة مصنع، لما بدأت استعمل دماغي و افكر، لقيت اني عايشة في مجتمع مليان والأوهام، فقررت اني افكر بنفسي و احط لنفسي ثوابت جديدة في كل حاجه من الصح و الغلط و الي ينفع و ماينفعش، و افكر في كل شي حتي الدين و العلوم

السلام عليكم جماعة هو منطق الحدود ف التعامل بين الولد والبنت سواء ف الكلية او الشغل المفروض يقف عند فين يعني مثلا نكون بنتكلم برايفت ف شغل مثلا بس الكلام يودينا لحجات تانية ونهزر وكدة والهزار بيزيد كمان او الكلام يكبر انه يوصل لكلام ف حياتنا الشخصية نفسها هل ده عادي طيب لو الكلام ف الجروب عام جروب تيم مثلا ف الكلية عادي ان البنات والولاد تتكلم وتهزر سوا مش عارفة لو الكلام متظبط او قدرت اوصل الفكرة ال ف دماغي بس مش انا ال بعمل كدة مش انا ال بتكلم لكن الناس ال حواليا هما ال بيعملوا كدة وال هو عادي بيقولوا احنا اصحاب او زمايل اه الكلام مش بيوصل لصحوبية او علاقة بين ولد وبنت بس انا بحس ان انا ال غلط او انا ال اوفر لأن شايفة ان ده مينفعش يحصل حتي لو ف الكلام العادي دينيا مينفعش واعتقد اخلاقيا واجتماعيا بردو ف عموما اي رأيكوا والحدود المفروض تكون لحد اي

انا معجبه بولد وعمرنا ما اتكلمنا او كان عندي صحاب ولاد اصلا ومش عارفه المفروض اعمل ايه لو انا اللي اعجبت بيه هو ممكن ميكونش عارفني صلا بس فعلا هو شخص محترم اوي وملتزم ومتدين وبيشتغل بجد على طول غير اني اساسا محطتش في دماغي اني اعجب بيه لكن اكتشفت ده بمرور الوقت اني بفكر فيه كتير اوي وببتسم لما افكر فيه بس هو كان معايا في درسين بس كان ساب درس منهم وفضل شهر لغايه لما ساب الدرس التاني انا عموما طبعا حسيت باختلاف لان نوعا ما كنت حتى لما ببقى تعبانه جدا كنت ببقى مبسوطه اني هقدر اشوفه النهاردة وكده غير اني منغير ما ادرك ده كنت ابتديت اهتم اكتر بالبس ايه وكده وحسيت اني شوفت جزء جديد من نفسي بس بردو قولت ممكن يكون مجرد اعجاب عادي شهر وهنسى ده تماما لكن رغم ان عدى ٨ شهور منغير ما اشوفه تماما بدل ما انساه اتعلقت بيه اكتر واتعلقت بشخص منغير ما حتى اكلمه وكمان انا في تااته ثانوي حتى لو كنت شجاعه اني اكلمه الاول فمش هينفع استنيت كل ده علشتن طبعا لو يعني النتيجه كانت اننا نقدر نتكلم وكده مفش حاجه تعطلني بس رغم كده مش قادرة ابطل افكر فيه ولاول مره احس اني مهتمه بشخص تاني كده فعلا ... في الايام اللي كان بيحضر فيها كنت بفرح اكتر ما ببقى فرحانه لنفسي لما يعرف يحل مساله مثلا او المستر يشكره على مجهوده وكانت ابتسامته كان بتخليني مبسوطه جدا لايامم .. انا دلوقتي خايفه من كذا حاجه خايفه اننا منشوفش بعض تاني هو مش من محافظه تانية لكن انا مش متاكده ممكن يعيش في السعوديه بعدين علشان باباه بيشتغل هناك وكده عرفت ده من اكونت باباه عموما كان طلعلي فجاه في اقتراحات الفيسبوك ومش عارفه هل ممكن نخش نفس الجامعه ولا لا بس حتى لو افترضنا ان ده حصل هقدر اكلمه ازاي ؟ هو اساسا يعني مش حد بيتكلم كتير او منفتح عالناس دايما غير كده انا مش عايزة بردو اعمل حاجه تخالف الدين بس مش اللي دايما بيبقى طبيعي ان البنت هي اللي تروح تقول لولد هات بقى رقم باباك اكلمه ولاحاجه دي زي😂😂 اللي خلاني افكر في حاجه رسميه زي كده مش اني خلاص فعلا معتبراه كل حاجه انا مش هقدر احدد اي حاجه منغير ما اعرف الشخص ده كويس وانا بس عايزة اول فرصه تيجي .. بس كمان انا مش عايزة اعمل اي فعل ممكن يخليه يبعد عني لانه مالةش في انه يكلم اي بنت وكده حتى لو زمايلففعلا مش عارفه اعمل ايه وهل اساسا هشوفه تاني مثلا في الجامعه ؟ ولو مشوفتهوش مش هيكون غريب اوي لو فجاه بعد كل المده الطويله دي من اخر مره شوفته اكلمه هيكون واضح جدا موقفي .. انا فعلت بفكر كتير لاني مش عايزة اضيع الفرصه .. كتير من صحابي قالولي طب مش ممكن اساسا يكون مش متوافق معاكي مش ممكن كذا وكذا وكذا بس انا مش عايزة احتمالات مش عايزة اقرر حاجه غير لما اتاكد بنفسي لان ز يما في افتراضات وحشه عادي تبقى في افتراضات حلوة .. وكده كده انا عمري ما هعرف حد تماما لان معنديش اي ولاد صحاب فاي حد هعجب بيه هتكون نفس الفكره وهو اول شخص اهتم بيه كده .. انتوا ايه رايكوا بعد تالته ثانوي ايه التصرف الصح اللي المفروض اعمله ؟

انا اكتشفت ان شخص البحبه ضعيف .. ضعيف دينيا صحيا نفسيا مش هنكر اني كمان ضعيفه بس صارحته دا اول ما قالي انه عنده مشاعر .. قولتله متقبل ان نفسيتي كذا. وقالي من امتي و انا مش متقبلك زي ما انتي و من امتي مكنتش جمبك و سندك . بس فكرت بعقلي وقلت مينفعش نكون احنا الاتنين كدا و القوامه اصلا للرجال

الساعة 4ونص ومسمعتش اذان الفجر الفكرة اني صليت قيام الليل ومستنية اصلي لحد ما لقيتها 4ونص والفجر ماذنش مش معقول يعني الناس اللي بتاذن كلهم نايمين ولا انا ساعتي بايظة مش معقول يعني كلهم نايمين ازاي!!!!

انا حد متدين( او دا الي الناش شايفاه) ومليش في موضوع الارتباط وبالنسبالي دا شيء مق-زز وحرام بس طبعا مقدرس اتحكم بقلبي.. بحاول اغض بصري علي قد ما اقدر بس من صغري بحب..ذلك السخص معايا في المدرسه وانا عارفاه من زمان وكنا بنهزر مع بعض لما كنا في ابتدأئي كبرت اعدادي قلت لا مفيش كلام مع ولاد وتلقائي مبقتش حتى ابص للاولاد.. المهم انه كان فعلا عاجبني غير انه شخصيته قويه وكان بيتوتر قدامي كان بيخليني احبه اكتر.. المهم اني عرفت انه سلك طريق سيء ...وارتبط ببنات كتير .ربنا يهديهم مش عرفه اعمل اي او اقول اي صراحه الي حاسس بيا يقول هو بيتصرف ازاي

لو واحده بتحب واحد و مش عايزه تغضب ربنا ف حاجه و قالتله ده و هو بعد عنها و بيكلمها بيطمن عليها و خلاص و لما قالتله انها كانت محتاجه تتكلم معاه هو قالها أنه بعد عشانها و عشان أنها قررت تبعد و مسح الواتس اللي ما بينهم بس ساب ابليكيشن تاني يتكلموا عليه هي متعلقه بيه اوي و هو عادي هو كده ايه عايزه حد يفهمني و يقولي اعمل ايه

انا مش عارفة التزم بالصلاة 😓😓 كل مرة احاول افشل اكثر مع اني اريد ذلك لكنني احسها ثقيلة 💔💔و احيانا بيأس من نفسي لكنني محتاجة لهذا بشدة لي عنده تجربة سابقة انصحوني اعمل ايه اشياء ممكن ساعدتكم او ...

انا الاكونت بتاعي restricted فمش عارفة ارد عليكم بس انا للاسف لاقيت ان من اكبر المشاكل اللي بنواجهها اننا فعلا مش عارفين ديننا و الدين مادة برا المجموع فأنا كنت عايزة اتعلم اكثر فلو ممكن تثولولي اعمل ايه و امشي ازاي علشان اتعلم في كله زي الفقه و العقيدة و الاحاديث و تفسير القرآن و السيرة النبوية و كل ده وبجد يا جماعة ديه حاجات مهمة لازم كلنا نتعلمها لان لما نتحوز لما يكون الاهل مش عارفين كل ده اولادنا هيعانوا و هيغلطوا لانهم مش عارفين لان نعرف بنعمل كذا ليه و نفهم اكثر تعاليم الله و الرسول صلى الله عليه و سلم

مش عارف انهى مبدا من مبادئ القوامه تخليك تبص لفلوس زوجتك كان ميراث او فلوس شغل يعنى تبقى محتاجه فلوس للبيت او تكشف تقول ما هى معاها فلوس تاخد من فلوسها ما هى فى زمتك ولو انها تصرف على نفسها يبقى خلاص ما تبقى فى زمة نفسها بالذات انك مش الزوج الرائع يعنى يارب نفهم ان القوامه مش تحكم وفرض سيطرة القوامه انك تبقى رجل يخاف على اهل بيته ويحميهم ويسهل عليهم حياتهم ويقومهم ان اخطأوا وهدفك انك تكون اسره هدفها الاخره والجنه ربنا يهدى ويهدينا جميعا واللهم لا تجعلنى مثله واصلح لى دينى و حالى وخلقى ونفسي

ازيكو يا شباب اخباركو ايه عايز اعرف رأيكووفي تحريم الاغاني لان الواحد تايه بين الاحاديث في حديث المعازف محطوطه معا المحرمات وحديث الرسول سمح بالدف وايه القرأنيه عن لهو الحديث وحديث الرسول يسمح لنساء عندو في البيت بالغناء كان في مناسبه ومش فتكر مين النساء دي بس مش عارف حد عندو رأي وفاهم

صباح الخير جميعا. انا مسيحى وعندى مشكله وهيا انى متاكد من دينى ولكن انا بحب بنت مسلمه وعايز اتجوزها وفى نفس الوقت انا لو بقيت مسلم مش هيكون معايا أهل ولا فلوس ولا اى حاجة غير العار اللى هيبقى لاهلى ف انا مش عارف اعمل اية ساعدوني بالله عليكم

هو بقا مستحيل الاقي واحده نضيفة من غير ماضي أو عقد نفسية ؟ انا بشتغل ودخلي كويس ورياضي ومحافظ على الصلاة بفضل الله وتقريبا كل حاجه عندي تمام لكن من سنين مدخلتش في أي علاقة مع واحده ولو حتى شات أو صداقة لأني مش بعترف بحاجه زي كدا اللي هو مينفعش أكون في حياة واحده إلا الأول والوحيد وإلا بنسحب بهدوء اتقدمت كذا مره وكل مره بلاقي كوارث مع أن طلبي بسيط تكون جميلة و مطيعه لكن سبحان الله أغلبهن لا دين ولا أخلاق وأوقات حتى ولا شكل في المقابل إما عاوزه خروف تسحبه وراها أو يكون لها ماضي وانا متربيتش على كدا انا اتربيت في بيت الكلمة فيه للراجل وبس والدي عمره ما مد ايده على والدتي ولا غلط فيها لكن هي بتعمله الف حساب في غيابه قبل حضوره ومش بتتخطى كلمة يقولها بقارن بلاقي اني بتعامل مع شياطين مش بشر

انى اسيبهم وهما لسه صغيرين يتعاملو منهم للدنيا لازم اخد بالى منهم ومن كل حاجة ف تصرفاتهم واعلمهم الصح من الغلط واربيهم على الدين واخترلهم اب فعلا يكون سند يكون قريب من ربنا وفاهم ازاى يتعامل معاهم مش مجرد كان حب لان الحب كدا كدا مع الوقت بيقل وبيفضل الموده والرحمه والحنان وكل شىء جميل فلازم اسيب ليهم اب كويس يعلمهم مش مهمل يطلع فيهم عقد

كنت محتاج اخد رأيكم في حاجه من 8 شهور انا اتصاحبت علي واحد معايا في الشغل وعمل معايا كتيير خير ووقف جمبي وجينا اتفقنا أن احنا هنعمل شغل لوحدنا وهوا اداني مبلغ قولتله أن حتي لو الشغل خسر انا ملزم بفلوسه المبلغ كان 20الف واشتغلنا اول اول كام شهر والدنيا كانت جميله ومفيش اي حاجه وكنا بنكسب وتمام جه حصل دروب والشغل وقف وخسرنا 20الف وانا من الاكتئاب والي حصل رجعت بلدي تاني عدي علي الفلوس حوالي شهرين واحنا طول المده دي احنا كويسين خالص واخوات برضه لحد مره واحده لقيته مكلم ناس صحابي ومطلعني باوسخ صوره مفرقش معايا كلمته قولتله فلوسك في رقبتي بس اديني وقت اقف علي رجلي وعدي شهر علي الكلام ده وهوا حاليا بيضغط عليه بكلام وانا اتخنقت ومش عايز ارد عليه رد وحش وانا فعلا لو فإيدي اديله فلوس كلها هديهاله بس فعلا الوقت ده مفييش وهو مش مستوعب ده وفي نفس الوقت مش عايز ابطل ارد عليه عشان ميفكرش اني بهرب منه

في مشكله بتقابلني و مش عارفه اعمل ايه فيها انا اهلي ناس متدينين اوي و بيتعاملو بكل حاجه بالضرب و الزعيق و المشكله هنا أن هما بيفضلو يقولو الصلي انا عارفه أن الي يقولو ده غريب بس انا بقيت حاسه ان هما بيكرهوني في الصلي بالبطيء و بيكرهوني في الدين و انا بحاول اوقف الموضوع ده بس بقا صعب اوي

أنا عندي مشكله أن حبيت حد وعارفه أنه بيستغلني ومع ذلك مكمله في حبه لاني مش قادره ابعد عنه ودي مشكله وبقيت اسوء بكتير ولا عارفه اصلي او ارجع لربنا وبقيت بدور على شعور الامان في كل حته او اني حد اقدر احكيله مشاكلي بس حتي لو لاقيت مش برتاح وبعملهم بلوك في الاخر انا تعبانه جدا مش عارفه اعمل ايه مش عارفه ارجع لربنا ولنفسي ازاي ضميري بيأنبني كل يوم ومش قادرة ارجع لنفسي وزعلانه اوي خسرت كل حاجه وبقيت شخص سئ جدا اعمل ايه

"هحاول اختصر فا استحملو شوية، انا فـ بداية العشرينات اخر بزنس اونلاين فـ 2021 كان ناجح جدا بس إدارة المال عندي زبالة وخسرت ما يُعادل دلوقتي 400 الف دولار اذا مكانش أكتر، بعدها بدأت اتابع افلام ومسلسلات وجالي زي فقدان شغف من كل حاجة بقيت بتابع مسلسلات وافلام وشايف نفسي حققت حاجات كتير واعرف حاجات كتير وعندي معلومات كتيرة جدا جدا زي ما بنقول ف جحيم المعرفة فا خلاص، مكنتش شايف عيوبي لغاية من فترة واحد صحبي جه قالي عيوبي وفعلا لما بدأت افكر واراجع نفسي اللي هو فعلا انا معرفش حاجة وفعلا انا يعتبر جاهل ومجيش حاجة جمب اي حد يعتبر انا مجتش اصلا فين البصمة اللي سيبتها؟ التاريخ اللي غيرته؟ الحاجة اللي غيرت العالم زي العلماء ومجدي يعقوب وغيرهم بقيت حاسس اللي هو انا عايش ليه عشان اتجوز واخلف واجيب عربيتين حلوين وبيت فمكان نضيف واسافر كام مكان؟ لدرجة اني بعدت عن الدين وأهلي وكل حاجة تقريبا وظروفي بقت زي الزفت بشحت حرفيا، وصلت لدرجة انا عايش ليه ولمين وهعمل ايه ف حياتي وحاولت انتحر 3 مرات اخر مره 2024-2025 وصحابي لحقوني من اوفردوز، المشكلة صحابي يشوفوني يقولولي انت يا فلان نفسنا نكون زيك ونعمل زيك ونكون عيشنا حياتك بس فعلا فين حياتي؟ عشان مجنون شوية ومش بخاف من حد وممكن ادخل علي شلة اتعرف عليهم بكل سهوله وتبقى الهوت سبوتات عليا كده مفيش مني؟ عشان عندي كام معلومة اونلاين وعندي معارف ف كذا اندستري او مجال عمل بقيت نجم؟ انا بردو ايه؟ ولا حاجة حرفيا واحد مغرور فشخ شايف نفسه صح والناس كلها غلط مش بيسمع لحد غير نفسه وبقى بيكره اهله وصحابه والناس كلها ومنعزل ف اوضتة شوية يقول عايز اتجوز واعيش احلي ايام مع مراتي المستقبلية وشوية اقول ممكن ظروفي متتحسنش! ممكن معرفش اعيش معاها فعلا الحاجات دي ممكن معرفش احب اهلي وصحابي تاني ممكن ملاقيش واحده تقبل بيا وظروفي تتحسن واعيش لوحدي لبقية العُمر .. احاسيسي متلغبطة فشخ اخر فترة وبقيت مش عارف منين بيودي علي فين والمطلوب مني ايه. ف اخر كلامي حابب اشكر اي حد هيقراء كلامي للأخر <3"