انا حياتي بايظة خالص من كل النواحي من اهل لدراسة لصحاب و ناس غدارة لرياضة فشلت فيها بسبب مرضي صحتي بسبب الكتمان بقت بايظة خالص بقي قلبي يوجعني و مش بعرف اتنفس طول الوقت باخد نفسي بصعوبه و عندي صداع دايما امتنعت عن الاكل و لما باكل برجع حاولت كثير اتخطي و افوق بس مش عارفة حتي علاقتي بربنا انا بعمل كل حاجة تقريبا كويسة الا اني اصلي عارفة اني باخدها اني رايحة اقابله و هو بيناديني بس بجد الوضوء صعب عليا اوي خاصة للاسباب المرضية بقيت عايزة انعزل عن العالم رغم اني بحب أتعامل مع ناس و اجتماعية جدا بقيت اكره صحابى و عيلتي رغم اني برضه قريبة منهم اوي بقوا هما سبب الضغط اكثر عليا دلوقتي مبقتش عارفة اذاكر بعد ما كنت من الأوائل دايما خربت حياتي بنفسي تقريبا من فترة معينة في دراستي بدأت اعمل كل حاجه مكنتش بعملها و حجات غلط كثير من ورا اهلي دلوقتي بقيت متدمرة محتاجة حل انا بقيت بفكر اهرب من اهلي و اموت نفسي او بعمل self harm بقيت عايشة و مش عايشة بجد حياتي بايظة ارجوكوا الحقوني
بصي انا مش عارف طبيعة مشاكلك اللي وصلتك للمستوي ده من التعب النفسي لكن انا هعرف انصحك من خلال الكام معلومة اللي ذكرتيهم ... حاولي تنتقي حد من اهلك يكون محل ثقة تحكيله مشاكلك ويكون ذو حكمة يعني يعرف ينصحك نصيحة ترضاها نفسك وتكون الي حد ما صح ... لو مش موجود روحي لثيرابيست شاطر خليه يحطك بس علي اول الطريق بعدين هتلاقي حياتك بدأت تتغير وتلمسي التغيير طيب بالنسبة لأنك مش بتصلي ؟؟ يعني ده اسمه كلام ربنا بيقولك واضحة وصريحة مش محتاجة اي تحليل بسم الله الرحمن الرحيم: إِنَّ الْإِنسَانَ خُلِقَ هَلُوعًا (19) إِذَا مَسَّهُ الشَّرُّ جَزُوعًا (20) وَإِذَا مَسَّهُ الْخَيْرُ مَنُوعًا (21) إِلَّا الْمُصَلِّينَ (22) الَّذِينَ هُمْ عَلَىٰ صَلَاتِهِمْ دَائِمُونَ (23) صدق الله العظيم. في استثناء واضح في ( الا المصلين ) يعني انتي لو صليتي وداومتي علي الصلاة هتلاقي ربنا اعطاكي ما وعدك الهلع ده هيختفي من حياتك.
لا بص بلاش تيأسي انا مريت بمعظم اللي مريتي بيه بس بحاول علي قد ما اقدر ما انهارش لحد وقتنا هذا حاولي تكلمي ربنا عيطي اشكي ليه كل اللي تاعبك والله هينجدك اصل البشر بقوا مؤذيين سواء اهل أو صحاب ف مفيش غير ربنا اللي احن عليكي من ابوك وامك