مساء الخير أنا في أولى جامعة و في حاجة عايز اخد رأيكم فيها في بنت معايا في السكشن بحس انها بتعاملني معاملة خاصة عن الباقي و دة بشهادة غيري من اللي بيبقوا واقفين لأننا بنقف في جروب مثلاً و غير كدة كلامنا كله بسيط و في اطار الجامعة و المذاكرة و كدة و لكن بعشم شوية و كدة ف حسيت انها عندها مشاعر ليا و انا حاسس نفس الكلام بس لما باجي بقى ابعتلها واتساب مثلا ممكن ترد بعدها بأسبوع ولا حاجة و هي بصراحة بترد بأستفاضة و تسألني هي كمان و ترد على كل حاجة ممكن بالعشرين مسدج ف بضطر انا كمان ارد بمسدجات اكتر بحس الموضوع متعب و مرهق بصراحة و دة اللي بيخليها متردش علطول لأن في اغلب الوقت اونلاين و بتبعت ستريكات و تنزل ستوريهات ولكن رغم كدة متردش غير في وقت متأخر (3 او 4 الفجر مثلا) و قبل ما نرجع نتقابل في الجامعة بيوم او اتنين مثلا ف حاسس منها بعدم اهتمام او ان انا مش أولوية و في نفس الوقت لما نتقابل بحس اننا مهم بالنسبة لها و اولوية و كل الكلام دة ف بقيت متلغبط و وانا بكتب حاسس انها مشكلة تافهة بس قولت اشارككم 😂😂 ودلوقتي هل اعترف لها بمشاعري ناحيتها اصلاً؟ ولا لسه الوقت مش مناسب؟ و امتى الوقت اللي ممكن يكون مناسب ل دة؟ ولا مقولهاش من اساسه؟ عشان في واحدة دفعتنا لسه مخطوبة الاسبوع اللي فات 🤷😂 ف الموضوع شاغل دماغي حبه
إنت لسه صغير، نصيحة لو مش هتكمل العلاقة دي بالجواز أول ما تخلص كلية متضيعش وقتك واشتغل على نفسك أهم من أي حاجة دي أول نقطة، النقطة الأخيرة والاهم لو كانت مهتمة بيك تأكد إنها كانت هترد في نفس اللحظة إللي راسلتها فيها
بلاش تحط نفسك في السكة دي، دينيا مينفعش، ثانيا أنت وهي هتوصلوا لمرحلة كدا إنكم عاوزين تكونوا في علاقة بجد وتحبوا بعض في العلن وكدا ساعتها هتعملوا ايه بقا؟ هتكونوا لسه متخرجتوش، لو هتخطبها سيبك من كل اللي انا قولته دا وكمل طالما في الحلال، لكن والله عشان تحافظ على قلبك ومتتإذيش بقوبك كدا 🤍
انت لسا صغير ، ركز في دراستك وبلاش يشغلك الحوارات دى صدقني انت في غني عن وجع القلب دا