منذ يوميشعر بـ وحيد
أنا يعتبر معنديش صحاب خالص ومبعرفش اتعامل مع الناس اعتقد ممكن مثلا عشان طريقة تفكيري غير الأغلب ومفيش حد بيتشارك معايا نفس الاهتمامات ومعظم الناس بتعمل حاجات غلط انا مبحبش اعملها وهكذا فبالتالي مبحبش اتواجد في وسط الناس ده والمشكلة إن الموضوع ده ضاغط عليا نفسيا ومبقتش عارف اخرج مع مين ولا اعمل اي مع اني يعتبر اغلب الوقت فاضي فمحتاج حد يديني نصيحة
انا زيك و تعبت قوي الموضوع ده بيقتلني كل يوم مفيش حد بيحبني و عمري م خرجت مثلا مع واحدة صحبتي و كدة و بجد اتخنقت طول حياتي ف المدرسة كنت بقعد ف الديسك لوحدي و اللي معايا زمايلي من بعيد لبعيد و بس و كرهت حياتي بجد
انا نفس الموضوع و ماشي ب مبدأ الوحدة خيرا من جليس السوء لحد ما الاقي حد شبهي و ملقتش عادي انا بعرف اتبسط مع نفسي زمن الفتن ده الي يقدر يحافظ على نفسه و على دينه هو الي هيخرج من الدنيا دي كسبان
انا رأيي تشوف انت اهتماماتك ايه اصلا و هتلاقي ناس بتشاركك نفس اهتماماتك و شبه دماغك اكتر مثلا لو ليك ف روايات أو كتب اقرا اكتر و نزل رايك علي السوشيال ميديا هيخليك تفتح كلام مع ناس ليهم نفس الاهتمام .. لو بتحب الموسيقي قدم علي كورس تعليم اي آله و اتعرف علي ناس عندهم نفس اهتمامك
طب ما انت صح كده عايز تصاحب حد مش زيك ليك انت كده صح جدا جدا هتتعب اكتر بقا لو صاحبت حد مش نفس عقليتك اصلا ركز على نفسك هواياتك الحاجات اللى بتحبها املى فراغك بحاجة مفيدة وبجد حتة الصداقة كل واحد ليه نصيبه فى الصحاب فمتدورش على صاحب هتلاقى صاحبك اللى مكتبلك العمر كله هتلاقيه هو اللى بيدور عليك
انا ذيك بالظبط بس اخر فتره بدات استمتع بكوني لوحدي علشان كده حاول تستمتع بده صدقني مش لازم صحاب علشان تكون مبسوط
زيك بس بحاول اعمل حاجتين اول حاجه اني اتكيف مع الوضع حتى لو هتصنع شويه تاني حاجه اني لو هيبقى عندي واحد بس صاحب ليا يكون بينا كيميا ونفس التفكير احسن من الف شله
لو حاسس انك مختلف في التفكير ورزقت بحد في حياتك يشاركك اختلافك هتلاقي عقلك اصلا مش عاوز يتعامل غير مع الشخص دا هتلاقي الضغط بتاع محدش فاهمني واني لازم اعرف ناس كتير ومينفعش افضل في زون الوحدة دا كتير.. كل دا بيختلف..حاول لو انت في الجامعة مثلا انك تتدخل في اي نشاط تفاعلي اتحاد طلبة مثلا اي حاجة فيها groups بيشتغلو مع بعض جرب مثلا تدور علي ورش بتتعمل مع ناس متعرفش بعضها اصلا ومين عارف يمكن تلاقي ناس شبهك قصدي انك تجبر نفسك انك تنغمس وسط الناس فخوفك هتبدد
اغلب المشكلة بتبقى خوف من التعامل انت اكيد مجربتش تتعامل بشكل كافي يخليك تقول ان مش بتعرف فمتكررش الفكرة دي في دماغك كتير والصحاب عامة رزق بيجولك من حيث لا تحتسب انت بس محتاج تلاقي الي شبهك الي بتعرف تتكلم معاه براحتك فدا هيديك ثقة في نفسك انك طبيعي وبتعرف تتعامل عادي بجد الكلام دا عن تجربة مش نصيحة عشوائية
حط نفسك في المجتمع اللي شبهك في المكان اللي شبهك بتحب المذاكرة مثلا روح مكتبة و اتعرف على ناس هناك اتعرف على ناس من الاماكن اللي انت عايز تروحها او تكون موجود فيها
زيك بالظبط قولي طيب انت مهتم باية اكتر وبتعتبر طريقة تفكيرك ازاي
مش لازم تبقى شبه الناس ممكن أنت ليك ميول وتفكير غيرهم حاول تلاقي اللى شبهك وترتاح معاه
انت احلي حاجه انك اصلا تكون مختلف م لازم تكون زي الناس
بحس بنفس الشعور
لا لا خالص لازم تتقبل أن كل شخص مختلف
غلط من اني نوع
لازم تغيير و تشوف انت تحب ايه
نفس الموضوع