هو انا في زي بنات من نفس المدينة يدوب بنروحوا ونيجوا مع بعض انا كنت بعيدة عنهم وبعد كده حاولت اقرب منهم وكده فيهم ناس كويسه بس حاسه اني بعيدة بردو يعني القرب دا اننا نركب مع بعض رايح جاي مش اكتر من كدا لو مثلا قولنا نجيب اكل وناكل بحس اني لوحدي وقعدنا مثلا مع بعض او جينا نتصور فيهم واحدة يعني بقولها انا وانتي متصورناش سوا تقولي ماشي وكبرت دماغها اتصورت مع كله معايا لا ، بردو الدكتورة جمعتنا مع بعض حاسه بنفور من نحيتها ومش مرتحالها خالص مع اني بحاول اكون لطيفه قدر المستطاع ،، امبارح كنا قاعدين وبتصور فيديو كله جابت وشه وعمل شكل مثلا او ضحك وجات عليا انا وراحت ممرة بسرعه + انا وواحدة صحبتي تانية روحنا مع بعض نسلم التكليف وجايين لقيت البنت دي راحت قاعدة مكاني علي الكرسي والاكياس بتاعتهم كلها حطنها علي كرسي وانا ساعتها قولتلهم وانا اقعد فين وهي ساكته لولا صحبتي راحت اخده الكيس بتاعها وكل واحدة بذوق واللي هي الباردة دي راحت شالت الكرسي وقعدت مع ان دا مش مكاني .. وبردو في العربيه واحدة صحبتي حجزالي وانا جيت ركبت كدا وقعدت ورا مع ان كان واحدة صحبتها حامل وتخينه ومينفعش تركب ورا بالصدفة ركبنا اربعه والسواق عارفني وناداني وتعالي بعدين هي متضايقه وبحس طول الوقت انها مش بتحبني مع اني معملتلهاش حاجة ، وانا بردو مش بطيقها لاني بحس باحساس وحش .. علاقتي بالباقي كويسه بس بردو بحس اني لوحدي وسطتهم او مش القرب الواحد كان فاكره هيكون موجود ، كل واحدة فيهم ممكن تكون قريبة مني دلوقتي وبعد شوية تيجي واحدة تانية يسبوني ويكونوا مع بعض ، واحدة صحبتي مثلا كلمتني تقولي انتي فين تعالي العربيه ناقصه واحدة بقولها انا مقربة عليكم اهو وكلهم ركبوا وكده من عند الكلية ، وانا كنت بمتحن بس يدوب دقيقتين وكنت خلاص ألاقي صحبتي بتقولي احنا طلعنا وفي عربيه تانية اركبي فيها ، انا معنديش مشكله بس ليه بتكلميني من الاول وانا متأكدة بسبب البت التانية دي مردوش يستنوا اتضايقت بجد طيب بتكلميني ليه ؟ طالما انتو مستعجلين وعايزين تمشوا ! بجد بحس اني لوحدي وزعلانه جدا والله .. مع اني بحاول قدر الامكان اتعامل معاهم كلهم بذوق واحترام واضحك في وشهم ، بس بحس ان دي دمها واقف كدا وتيجي مثلا تسلم وتبوس كله بحب وتيجي عندي تسلم بطريقه متشنكه كدا او متهتمش اصلا وتسلم عليا اساسا ولا انا في دماغها اساسا ، في فرق معاملتها بباقي البنات بطريقه ملحوظة ، ولما مثلا بكلم مع واحدة صحبتي وصحبتها بردو وهي قدام خالص تلف وشها وتقول بتتكلموا في ايه ، حقيقي بكون متضايقه ومش فاهمه يعني حاسه اني بعيدة بردو مش عارفه حقيقي زهقت من كتر ما انا بحاول اقرب من ناس مش بيقربوا ليا خطوة واحدة 😅 او بنات من محافظة تانية حاولت وتعرفت عليهم كله عايز علاقات سطحية ويسلم من بعيد وقولت لكذا حد تعالو نخرج نقعد مع بعض شوية نتصور نعمل ذكريات حلوة ، كله يقولي ان شاء الله ويبقي كلام وخلاص ، بجد حزينة وحاسه بالوحدة بشكل مش طبيعي