دايما بحاول اتجنب اي حاجة ليها علاقة بالصحاب اغاني عن الصحاب بوستات او اي ريلز عن الصحاب استوري صحابي لصاحبهم بتجنب اي حاجة من دي وبمعل اسكيب علطول عشان بتفكرني دايما بالجزء المفقود والناقص من حياتي وهي الصحاب انا فشلت اني يكون عندي شلة صحاب او حتي صاحبة باقية كلهم حرفيا بعدوا وبقت علاقتنا كلاها سطحية بزعل ع نفسي اوي بعد كل السنين دي معنديش صحاب اتكلم معاهم ولا اخرج معاهم و دا سبب وجودي هنا اصلا اني احس ولو نسبة صغيرة بونس الصحاب واتكلم مع اي حد بفضل معظم الوقت في اوضتي مش بتكلم مع حد بزعل اوي لما مثلا اقعد مع جروب ناس وكل واحد يتكلم عن خروجاته مع صحابه وبيعملو ايه ويروحوا فين وقد ايه هما قريبين من بعض ساعات بفضل ساكتة وساعات اعمل نفسي وامثل اني انا كمان عايشة الحياة دي عشان بس محسش بالشفقة ع نفسي انا بسأل نفسي ليه حظي كدا ليه الوحدة دي كلها ومعنديش اخت بنت كمان انا خايفة والله لما اتخطب او اتجوز ملاقيش حد جمبي او اعزموا والي هيجي هيجي تقضية واجب ومش هلاقي ناس فرحنالي من قلبها بجد انا عارفة ان في ناس ممكن تقول الصحاب مش كل حاجه في الدنيا بس بردو بيهونوا حاجات كتيررر اللهم لا اعتراض الحمدلله على كل شيء الحمدلله لعله خير مجرد فضفضة انا مش مستنية اي حلول. وشكرا
نصيب يا بنتي والله بس صبري نفسك ان مابقاش فيه علاقات مكملة بقينا كلنا فترات في حياة بعض وكلنا بننشغل وظروفنا بتتغير وحياتنا كلها بتتغير والله أعلم بكرة فيه ايه
حاسة نفس احساسك بس اتعودا عليه الصداقه نصيب ممكن يكون مش تصيبى انى الاقى اللى يستحملنى واستحمله ونونس بعض ف فترة من الفترات كنت هتجنن واعمل شله وصحاب بس لما دخلت ع ٣٢ وانا لسا بحاول تيقنت انه مش نصيبى او يمكن ربنا عارف ان ممكن لو كونت اصحاب هنك ن اذى ف حياة بعض ف الحمد لله ع كل شىء
بصي هو بيحصل كذا حاجه نتيجه انت مفيش ليكي بنت صاحبيتك إما ممكن تكلمي ولاد وتصاحبي وفي حدود او تدخلي فشله ومش مرحب بيكي أو وجودك زي عدمه أو تحاولي تقربي من بنت وتتصاحبوا و مش بترتاحوا كل ده مش حلو فمتفكريش كتير. ممكن الصحاب يجو مع الوقت وممكن لا ده نصيب متدوريش عليهم هما هييجو لحد عندك و لأننا فعلا فترات فحياه بعض ممكن تكلمي واحده هتقعد معاكي سنتين تلاته و خلاص يعني اماكنا فقلوب بعض بتتغير
الموضوع مؤذي نفسيا بس فرديه فرديه المهم انها سالكه م هتدخلي في كوارات وحجات كتيييير اوي عارفه انهم بيهونو كتير احساس زفت انك م حسه بالانتماء لشخص معين بس قضاء وقدر فهماني؟
انا فاهمك يابنت ايجيبت عموما، وحاسسك بيكي ونفس الي انت بتقوليه انا بقوله فمتقسيش على نفسك، وان شاءلله ربنا يرزقك بزوج يعوضك عن كل دا، انا مثلا معنديش كل دا برضو وكل الي في بالي اني اتجوز واحده تكوني شبهي وحاسه بيا وتكون هيا كل حياتي فمتقلقيش ابدا، اه قيمة الصحاب كبيره ولكن لو مش مفيدين يبقا عدمها افضل، ان شاءلله ربنا يعوضك، وان شاءلله تلاقي الي شبهك قريب
هتتعودي هتتعودي😁 مفيش حد يستاهل فكك
بس مش هنكر ان ده ممكن سبب وجودي هنا برضوا
بس اوقات بقنع نفسي ان هوا مشروع فاشل فاهماني
وانا كمان حرفيا زيك بظبط بجد الموضوع مؤذي نفسيا ف بعض الأوقات
عشان حرام
بحاول اتجنب الاغانى عموما