منذ 5 ساعاتيشعر بـ قلق
هو أنا لوحدي ولا حد غيري هنا هل طبيعي إني عمري ما أرتبطت ولا كلمت بنات وما إلى ذلك وحاسس إن عندي برود في المشاعر لدرجة كبيرة بل جربت فعلا وشبه متأكد ومش بعرف أتعامل معاهم حتى يومنا هذا غير كده حاسس إني مش الشخص اللي يتحب لا أنا الشخص الناجح دراسيا ولا الشخص مفتول العضلات ولا الشخص الوسيم والكريزما أنا شخص عادي بس مش مختلف في بيقولي إني ذكي أو الهبل ده بس حرفيا أنا بتظاهر بالذكاء مع إني عادي بل أقل والمشكلة إني بقدر أتكلم في أكتر من موضوع ببين إني قارئ في مختلف المجالات وأنا لا أعرف سوى القشور عاوز أغير شخصيتي دي مش عارف عاوز أكون المجتهد مش اللي بيتظاهر إنه مجتهد أتمنى أكون وصلت المشكلة صح شوية لأني مش عارف أصيغها صح، والسلام عليكم أفيدونا أفادكم الله
وانا كمان عمري مكلمت بنت ووشي بيحمر وبتحرج جدا لو بنت كلمتني وبحس مش عارف اتخطى ده ازاي
انت بس مقابلتش الشخص المناسب في يوم هتلاقي حد قادر يفهمك وشايف توترك دا لطيف . حد هيحب عيوبك قبل مميزاتك
مستحيل تكون شخص مش قارئ و مطلع و تعرف تتكلم في مختلف المجالات ، و بقولك حرفيا مستحيل ، و اصلا الصح انك تبقي عارف قشور كل حاجه من علي الوش بس و تتخصص و تتقن حاجه واحده بس ده هو الصح و مش معناه انك بتدعي المعرفه ابدا....تدعي المعرفه ده لما تبقي بتقول كلام مش واثق منه و لا عندك دليل عليه اصلا...و لازم يبقي عندك اسباب قوية تخصك انت فقط عشان تغير شخصيتك ، مش مجرد ده الناس كلها بتكلم بنات و كلهم مش بيعرفوا يتكلموا يبقي انا وحش.... لأ ، (يبقي انا مميز) و في جملة خليك فاكرها طول عمرك (اغلب الناس بتعمل الحاجات الغلط و الحرام) و جملتي دي طبقها علي كل حاجه في حياتك تحس انه انا ليه مش بعمل زيهم و لكن طبعا لو حسيت انه الجملة مش مناسبة و ليه وجهة نظر مختلفه فحقك ، بالنسبة لموضوع البنات ففي تعليق اداك الإجابة الصح فعلا و هي انه انت لسه مقابلتش الشخص المناسب بس مش اكتر