انا مش عارفة ممكن ابان غربيه او مجنونه بس انا حاسه اني مش مرتاحة و حابه اخد رأي. حد من فتره بدأت شغل ف مكان صاحب المكان راجل كبير سنًا شويه ، يعني ف حدود الاربيعينات ، المكان ليه علاقه بالهدوم ف البنات بتدخل تقيس ف البروفه و كدا ، ف البدايه صاحب المكان كان بيتعامل طبيعي و مفيش حاجة ، بس بقاله فتره تقريبا اتعود عليا ف الكلام و بدأ يقول كلام غريب عن البنات الي بتدخل تقيس الهدوم ، ف الاول لما كان بيدخلنا بنت مليانه شويه لما كانت بتمشي بيقول دي تخينه اوي و بيسكت ، انا مكنتش برد عليه او بقول حاجة بعظل نفسي مسمعتش ، مع الوقت بدا يزود كلامه علي البنات بس بعد ما يمشو من المكان ، و لو في بنت جسمها حلو او حاجة بردوا يعلق عليها ، انهاردة كان في بنات مليانين شويه و دخلو يقيسوا و معجبهمش حاجة و مشوا و هما كانوا ناس محترمة اوي و البنات لبسها محتشم يعني ، اول ما مشوا بدا يصف جسمهم بشكل المفروض ساخر و اتريق عليهم بطريقة انا اتصدمت منها ، وقتها قلتله عيب كدا ايه الي انت بتقوله دا ، بس هو اخدها هزار و انا فضلت طول اليوم مش مستوعبه ايه القرف دا و مش مرتاحة خالص ف القعدة ف الشغل ، المهم لما قلت لواحدة اعرفها الموضوع دا قالتلي كبري دماغك بس الموضوع مش مريحني خالص بس حاسه بردوا اني اوفر ، و اني اتجاهل الي بيقوله و خلاص ، انتو شايفين اني اعمل ايه ، حتي لو انا هسيب الشغل مثلا ف مش هعرف ادي مبرر واضح و الحاجة الي هقولهالي انتي مالك اتكلم زي م انا عايز انا صاحب المكان ، انا فاهمة دا فعلا بس انا حاسه بعدم راحة خالص بعد الموقف دا.