قرار

الاستعجال علي جواز حاجه حلوه ولا لا لاني بشوف كتير مختلفين فيها رجاله وستات اي صح انتجوز واتا ٢٢ ولا اعيش حياتي ولا اعمل اي اي الحلو شايف انه نعف نفسنا افضل اي رايكم واي اللي مفروض اعمله ف زمن دا

مساء الخير انا في أشد الحاجة للنصيحة الموضوع ده مأثر عليا جدا للاسف وهحاول اختصر لو انا بيني وبين واحد اعجاب بس من غير اعتراف كل حاجه بتقول اننا معجبين ببعض أو هو بذات الي معجب حتي اهله شايفين أنه عينه عليا ( هو اخو صاحبتي) بس مفيش اعتراف وفاضله مده صغيره ويخلص جيش وبعدين يشتغل انا الي تاعبني الانتظااار الانتظار متعب انا مستنيه بقالي دلوقتي حوالي سنة و شهرين بس تعبت وهو حس أنه ضمني.. احنا بينا كلام عادي ومش دايما نادر بسبب الجيش وشوفنا بعض ٣ مرات بس بس انا فعلا تعبانه من كتر التفكير ومينفعش اقول لصاحبتي حاجه .. عشان علاقتنا هتتهز هي هتخاف نخسر بعض وانا كذالك لو محصلش بيني وبين اخوها حاجه يعني .. انا عايزه اخد قرار بس مش عارفه ومش قادره بجد .. حتي معنديش حد كبير قريب مني يفيدني

بقولكم ايه بجد إزاي تعرفوا إن الشخص دا بيحبكم بجد ولا لا ولو مثلا انتوا عرفتوا إن دا حرام وهو اصلا حرام بس الطرف التاني مش مستعد انه ينهي العلاقه دلوقتي وفاكر انك بتخزوقيه أو حاجه زي كدا نعمل ايه

هالو انا بجدد اوضتي ف نزلت انا و بابا و ماما اتفرجنا كتير كذا مره لحد م عجبتنا اوضه غاليه و اوضه متوسطه ف بعد كذا يوم بابا قالي انزلي اشتري الغاليه لأنها احسن نزلت فعلا النهارده انا وماما اتفرجنا و اتكلمنا المهم بفتح الدولاب لقيت كذا خبطه رجعنا للراجل قولناله عايزين واحده غير دي لان فيها كذا خبطه (احنا اوڤر) قالنا انه عنده حته تاني في المخزن متغلفه ف دخلنا شوفناها شلنا التغليف و اتاكدنا و كتبت عليها ف بقول لبابا قالي طلما عنده حته تاني يعني دي مش هتبقي كويسه وفضل يقولي انتي مش حاسه بالمبلغ اللي اتدفع و تعبي و شقايا وكلام كتير و قلقني منها و المفروض عمو هيجي و يتركبها بعد شويه واحنا دفعنا جزء كبير من فلوسها اكتر من نصها وبابا قلقني اوي رغم اني فتشت فيها كويس انا وماما بس خوفني اوي و فضل يقولي بتاعت العرض احسن وكلام كتير و بعد لما كنت فرحانه بيها حسيتني ندمانه

أول امبارح صحابي عدوا عليا عشان ننزل القهوة وأنا كنت راجع من امتحان مفشوخ وعاوز أنام المهم أمي دخلت صحتني عشان أطلعلهم ف انا صحبت مأريف وكل اللي ف دماغي مشيهم عشان ترجع تنام طلعت بكل بجاحة بصيتلهم من البلكونة منزلتش حتى وقولتلهم مشجاي هكمل نوم واتقمصوا ف امبارح راحوا من غير ما يكلموني عشان مقموصين بس المهم حوار النوم بعد المغرب دا عملته أول امبارح وامبارح وف اليومين كنت بصحى فايق وحاسس الدنيا جميلة أوي وحسيت براحة نفسية وجسدية محسيتهاش من زمان من النوم والصحيان بدري (كنت بنام الساعة ٨ الصبح) المهم إني بحب قعدة القهوة مع صحابي وبحب صحابي جدًا وبتبقا حلوة جدا بعد يوم مليان مذاكرة أو شغل او جيم أو فرهدة ف قدامي خيارين دلوقتي أكمل ف حوار النوم الصبح اللي بيخلي الواحد فب قمة النشاط والحيوية والسعادة والإنتاجية ولا أأخر النوم شوية ل ٢ كدا وأنزل معاهم القهوة وأرجع أنام

انا دلوقتي محتار انا معايا شخصية حلوة جدا و ممتازة في الطبع و متفاهمين جدا جدا و مطيعة ليا و بتحبني جدا المشكلة ان شكلها مش الطف حاجة و عندها مشكلة في النطق و جوايا حاجة مش قادرة تتقبل الموضوع بكن غالبها احساس تاني بي ان هي دي الشخصية المناسبة ليك الي تحافظ علي بيتك و تصونك و انا مقتنع بي مثل خد الي بتحبك و متخدش الي بتحبها هل انا صح ؟

اسوا قرار ممكن ياخده اي بني ادم في دنيا وممكن يعيش عمره كله ندمان انو خد القرار دا اللي هو يقرر يكمل في علاقه مع حد هو عاارف ومتاكد انه مش شبهه انو يقرر يكمل مع شخص هو شايف انو بياذي وبيستغله انو يفضل يحاول يفتح باب ربنا قفله في وشو الف مره وكل الظروف وكل حاجه بتقوله ان الطريق دا مش خير ليه وبرضو بيفضل يحاول في نفس الطريق ف اللي عاوزه اقوله اوعي ضيع عمرك علشان ناس غلط اوعي ضيع عمرك وانت ماشي في طريق الغلط صحتك وعمرك ونفسيتك اهم من اي حاجه حرفيا

في واحده قريبتي حاولت تقرب مني اوي وهيا بتحبني لدرجة قالتلي هات حضن في الشارع بس انا كنت قبلها في بنت كنت بحبها وكنت هتقدملها بس محصلش نصيب وقريبتي دي لقيتها بتحبني اوي بس مفيش توافق بين اهلي واهلها فا محتار معرفش اتبع قلبي ولا عقلي

انا لسة في الكلية وفاضلي سنتين على التخرج وانا معجب ببنت معايا في الكلية .. هل فيه معنى اني اروح اكلمها واعترفلها باعجابي بيها دلوقتي ؟ .. انا ببقى عايز اعمل كدة جدا بس بحس ان ماذا بعد ؟ ايوة ماذا بعد اني اعترفلها باعجابي .. علشان كدة شايف ان الخطوة دي ملهاش معنى طالما انا لسة متخرجتش وبقى عندي مسار وكارير واضح اقدر اني من بعده اخد خطوة زي دي شاركوني رايكو المفروض اعمل ايه

اصعب قرار ممكن تاخده في حياتك انك تقرر تقطع علاقتك بحد كنت بتحبه اكتر من نفسك لمجرد بس انك تحافظ علي كرامتك وتبطل تعرف عنه اي حاجه وتبعد هو بيبقي قرار صعب جداا وفي تحدي مع نفسك شويه واحساسك انك الشخص كويس وتستحق تتحب وتتعامل معامله احسن وتتحب اكتر من كده

كنت حكيت قبل انو انا ٣ ثانوي ومش عارفة شو القرار القرار طلع وطلع عندي تقديم وانا مش جاهزة هل انا نهرت؟ بصراحة لا بس ترقبوا رح انهار هيك بعد كم يوم بس انتو ادعوا انو يا اما انجح يا اما اخد افادة وانقبل بتخصص احلامي انا تعبت

عندي سؤال محيرني جدا وحد سألني اياه قبل كده لو ضمنت نجاحًا كبيرًا بعد 20 سنة من العمل والصبر، أو دخلت مغامرة قد تنجح خلال 5 سنوات وقد تفشل تمامًا، أيهما ستختار؟ ولماذا؟" وقولنا سن الشخص الي بيتكلم برضو

كنت بحب واحدة.اوي الفكرة ان مكنش في ثقة ما بينا خالص هي ديما شاكة اني هخونها او بخونها شاكه اني هسبها الفكرة ان معملتش اي حاجة تدل علي دة انا من اول يون قولت ظروفي و قولت هاجي اتقدم امتي و كنت،ديما مستحملها هي رابطة علاقتها القديمة بيا ان هعمل زيهم المهم اني لسة بحبها اخر مكلمة قالت ليا امسح صورنا و الشات قعدنا شهر مش بنكلم بعدها بعتلها مسدج بقول فيها اد اي. اني كنت بحبها قالتلي و انا كمان مشاعري كانت حقيقة بس احنا مكناش مطنين بعض محولتش حتي تقولي تبقي تعالي نكلم او اي حاجة كانت بتفتح كلام الشغل عامل اية و انتت عامل اية و انا الدنيا في الشغل مش مستقرة قولتلها ربنا معاكي و قفلنا الكلام المهم اني كنت ديما شاكك انها هي الي بتخوني طريقتها غريبة و تقلبتها اغرب جوايا حاجات كتير متلغبطة بعد ما بعتلها المسدج دى بعتلي مسدج علي لينكدان شغل مردتش عشان ابدء اموف اون منها بعد يوم بعتتلي تقولي انت اكدتلي اني خدت القرار الصح انا مش عارف خدت القرار الصح بناء علي اية حاليا عدا اكتر من ١٥ يوم من الموقف دة انا لسة بحبها و لسة عايز اكلمها عملت unfollow & unfriend من كل حاجة مش بلوك اكلمها ولا لا ابعتلها ولا لا

بارح كان نهار بحال كلا نهار اخر و لكن دوزتو معى الانسان لي دوزت معه 2 اعوام د العلاقة كلها حلو و مر مهم دار كسيدة ول بارح و البارح مشيت معه ل طبيب و البوليس خرجنا معى 10 د صباح جينا حتى ل 9د ليل ظاز نهار زوين واخا جرينا شوية و من مورا عام د الفراق و لا عام و نص عاودوت جلست انا وياه حدا البحر ف البلاصة لي كنا كنجلسو فيها كلا نهار و كنشوف فيه بحال الا عمر كانت بيناتنا شي حاجة و لكن راه الوقت كلو مطلقش ليا من ايدي تقول غادي نهرب حنا دابا ماشي بجوج و مدايرين والوا ف بالنا دابا بغيت نعرف واش نبقاو نخرجو مرة مرة و لا نحبس كلشي الهدرة و كلشي حيت راه كنهدرو نهار كامل ف وتس و دابا معرفت مندير ...

بفكر اشد الفيشة وافصل تماما، مش عارف اعملها ولا لا الحاجة دي مخوفاني بخاف من اللحظة اللي فعلا ببقى محتاج افصل فيها لإني بفصل بطريقة غلط وطريقة مؤذية، زي ما قلت دة الصبح ودلوقتي انا عايز اعمل دة المشكلة اني شايف ان العواقب من دلوقتي وخيمة

And finally everything is done حرفيا كل شيء انتهى خلاص والمرة دي غير كل مرة بفضل اقول فيه امل هو اي نعم لسة ما زال في قلبي امل بس خلاص مفيش مجال خرجت من الجروب الي كان كله اختلاط ومش هكلم حد فيه تاني وهو عقل بعد ما نصحته وقلتله ميعملش كده وتقريبا انا مش فارقة معاه اساسا ومش هيكلمني لان بكل بساطة مش هيلاقي مناسبة اساسا اذا فكله انتهى من جوايا للاسف مفيش حاجه انتهت انما زادت ولكن انا قررت ان اي مشاعر هكتبها في ورقة لحد ما يخلصوا والوقت هينسيني والي نفسه طويل المفروض هو الي بيكسب بس المرة دي انا قررت اموت مخنوقه عادي

هعمل خطوة تعتبر ريسكي شوية ومحتاجة أسيب شغلي الحالي. الناس اللي جربت ده قبل كده ، إزاي عرفتو إن ده القرار صح؟ وإزاي فرقتوا بين الخوف الطبيعي وبين إن القرار فعلا مش مناسب؟؟ مساعدة بليييييييز

انا بنت متقدملي عريس كويس من كل النواحي بس عندي مشكلتين معاه الأولي أنه كان متجوز قبل كدا ومطلق وانا مكنش ليا اي علاقات قبل كدا سواء خطوبة أو جواز أو ارتباط وكمان مش بيقول سبب الانفصال اي تاني مشكله إن شكلة مش متقبالة لاكن كل حاجه تانية تمام انا متلخيطة اوي ومش عارفة اخد قرار وخائفة اوافق اندم بعدين محتاجه مساعده

لو في شخص متقدملي هو قدي و معايا في نفس الدفعة و الكليه و يعني كان في بينا حب دام سنتين بعدين بعدنا لحد ما ربنا يكرمه و يتقدم المشكله انه شقته في بيت عيله ، بمعني انه اهله عايشين في بيت دورين زي الفيلا كده و انا هبقي الدور التالت بس بسلم خارجي يعني هي زي العماره عادي مش في الارياف و لا حاجة في القاهره عادي بس هو والده اشتري الارض و بني عليها انا رافضه بيت العيله ده لاني بسمع عنه كوارث و مصايب و مشاكل وانا مش ناقصه باباه صيدلي و امه ربة منزل عادي خريجة تربيه و عنده اخت اصغر مني باربع سنين و اخ اصغر بتمن سنين حتي اخوه ده شقته هتبقي الدور اللي فوقينا بس ده بحكم انه لسه الولد في اعدادي يعني فلسه بدري دلوقتي انا برتاح خالص خالص لفكره بيت العيله و اتكلمت معاه اكتر من مره و وضحتله عدم ارتياحي و الكلام الاخير انه اكنك قاعده في شقه في عماره لوحدك و محدش هيطلب منك اي حاجة ولا هنقولك انزلي ولا اعملي ولا اي حاجة و هعرف اهلي كده برضو و نحط حدود و الحدود مبتزعلش حد و الخصوصيه برضو مهمه و اكنك قاعده لوحدك و لو حصل اي مشكله انا ملزم قدام والدك اني اجيبلك شقه بره بس انا حاليًا لسه طالب بدرس و مش هقدر اعمل الخطوه دي و ليه اروح اقعد في ايجار وانا عندي شقتي ملك انا مش عارفه اعمل ايه او اتصرف ازاي انا بحبه ماشي بس مش حابه حتة الشقه دي مش مرتاحه و مش برتاح للفكره عموما تنصحوني بإيه احنا لسه ٢٢ سنه في كليه طبيه لسه فاضل سنه و سنه امتياز

لو طولى ١٥٥ وهو ١٦٠-١٦٥ وبيبان ف الصور وجمب صحابه انه الاقصر اعمل اى اوافق ولا ارفض كل حاجه زى منا عوزاها الا الطول وانا عندى مشكلة فالطول انا مش عوزاه طويل اوى بس عوزاه مناسب وطول الرجالة النناسب ف مصر عندنا م ١٧٠ لفوق وانا ف حوار الشكل او المواصفات الشكليه حاولت قبل كده اتقبل حاجه غصب عنى ومقدرتش وفضلت اعانى منها نفسيًا عشان مكنتش حباها وفعلا مكملتش مع الشخص فخيفه اقبل واكرر نفس الغلط التاتى لانه حرفيًا حسانى شبه هوافق لأنه فيه كل حاجه انا عوزاها الا الطول لو مكانى هتعملوا اى واى التصرف الصح وللاسف بقالى فترة طويلة جدًا ومش عرفه آخد قرار للآسف عشان مش عرفه انا ينفع اضحى بأيه ، بمواصفات عيزاها ولقتها فيه و احتماليه انها تيجى تانى معرفش هتيجى ولا لا ولا اضحى بالطول ومهتمش انا بجد مش عرفه اخد قرار مش عرفه ليه

عايزاكم تساعدوني في القرار انا شغال في شركه برا مصر بس شغال اونلاين من مكاني بس شغلي بيبدا ٨ ونص بليل لحد ٧ ونص الصبح لحد لما بصحي بتكون 4 مثلا ف بحس ان حياتي بتخلص ف الشغل و في اوضه و شاشه بس ف نفس الوقت بقول احسن ما اقعد كدا من غير شغل و الباقي بيكون سهل دلوقتي انا مش عارف اكمل ولا اسيب و ادور ع حاجه تاني يكون مواعيدها الصبح

الانسان نفسه في فرصه فرصه ترجعه لنفسه القديمه من غير ما يكون لابس قناع انه يرضي حد او راي دا مهم بالنسبالي لا بس فرصه يكون رايك فيها عن نفسك هو دا المهم بالنسبالك انت مرتاح ف القرار اللي اخدته ولا لا انت مبسوط ف شغلك ولا شغلانه و سلام انت مرتاح و بتحب الناس اللي حواليك ولا اصل مفيش غيرهم ف مضطر حتي لو كنت لوحدك اي مشكله يعني المهم انك مبسوط و مرتاح !!

كان صوتها عالى اوى وزعيق وزق على السلم وحاجة اخر بهدلة اول ما انفصلنا لقيتها بقيت محترمة وهادئة وطلبت من ماما تروح معاها للدكتور ساعتها اتاكدت أن الإنسانة دى لا يمكن تكون مراتى مرة تانية لانى اتاكدت أنها كانت بتعمل كده لان كان عندها يقين انى لا يمكن أطلقها بس لما اتطلقت وبقت لوحدها احترمت ذاتها غبية

انا عندي 16 سنه بفكر في خطوه اني البس الخمار بفكر في الموضوع اوي واني عاوزه البس الخمار بس عندي مشكلتين اول مشكله اني خايفه اني اندم علي القرار.. تاني مشكله ان والدتي مش هتوافق علشان مكنتش اصلا موافقه علي الحجاب ولمحتلها قبل كده اني ممكن البس الخمار بس قالتلي اني لسه صغيره وكده يعني مش عارفه القرار دا اصلا صح في سني دا وخصوصا ان كل صحابي نصهم بشعرهم ونص تاني لبسين الحجاب بس مش صح اوي وانا هبقي المختلفه اللي فيهم

كان ليا تجربة قبل كده مع بنت كانت معايا في الجامعة والبنت جات عليها فترة حبتني جدا وانا حبيتها برده والموضوع قعد معانا حوالي سنتين مع بعض وكان كلامنا كله كان في حدود الاحترام والأغلبية كان مذاكرة ونحكي اليوم حصل فيه ايه وهزار وكده بس واحدة واحدة بدأت أحس انها مش مناسبة معايا كتفكير وأنها مش حابة اصلا فكرة الجواز من اساسه فده هيأثر عليا وعلى اسرتي المستقبلية اكيد بالسلب وغير كده كانت كل شوية تتغير فمتحملتش ابدا وبعدت واتخانقت معاها وعملت بلوك ومن ساعتها مش بنتكلم هل أنا خدت تصرف غلط

عيد ميلادي العشرين اول مره مكنش متحمسه  من زمان لعيدميلادي كده مع اني كان نفسي ابقي عشرين سنه بحسه رقم مميز بس بالعكس النهارده كنت مكتئبه ومخنوقه ومش طايقه حد كل ده بسبب الشخص ال دخل حياتي من يوم 1/1//2026 معرفش هو بيعمل كده ليه ومش عارفه اخرتها ايه بس اديني خدت قرار  اني معتش هكلمه من نفسي تاني عاوزه اكون حد احسن علشان انا وصلت لدرجه من اللمراض النفسيه والعقد مكنتش اتمني اوصلها بصراحه عاوزه اظبط جسمي اظبط بشرتي اظبط نفسيتي ابعد عن الاشخاص ال بتسببلي اذي واحب نفسي لدرجه اني مسمحش لحد يأذيها

اليردوا بنات بس علشان متخنقش اكتر منا مخنوقه .المهم بقالي ٣ ساعات صاحيه عباره عن تهوان و تفكير بس ومش قادره اعمل حاجه ولا حتي اخد قرار بسيط و محتاجه ارتب فوضي الفي دماغي مفروض متفقه مع صحبتي ان هننزل سوا بدري علشان بقالنا كتير متجمعناش بس نفسيا مش قادره

ليه بزعل بعد ما بوصل للي انا عايزاه واللي فكرت فيه كتير وخدت القرار عن حكمة والمفروض انا كده ريحت واستريحت بس لا انا زعلانه وخايفه اكون اتسرعت (بفكر في الموضوع بقالي تلت شهور) وحاجه عبثية ومش مفهومة

يا جدعان بنتاكد من القرار الي اخدته ده صح ولا غلط يعني بتعرفه ازاي انك مش هتندم بعدها لاني حاليا حاسس اني ندمان في الي اخدته و في نفس وقت لما كنت بفكر فيه بقول اكيد ده الاحسن ـــــــــــــــــــــ

بتعلموا ايه لما تحصوا أن علاقه او الصحاب دول مش هينفع تكمل أو ميسحش تكمل الي هو انا عارف دي اخرتها ايه و أن مكان مش مكانك بس في نفس وقت مش عايز تمشي علشان متحسش بالندم و تحس انك ضيعت حاجه من ايدك

اتمني مساعدة بجد دلوقتي انا خلاص بتخرج من تربية المفروض السيناريو المتوقع اكون مدرس 😅 بس انا بسبب الي شوفته من اهانه للمدرس وانه يروح يراقب في اي لجنه غصبن عنه غالبا محافظة تاني ويدفع من جيبه وكمان يتنازل عن مبادئه أحياناً عشان ميتعورش(وحصل فعلاً من قري كتير) قولت مش هشتغل في الكرير ده واكمل مجال تاني شغال فيه ليه سنتين وبدات اتعرف فيه ويجلي شغل وادي كورسات كمان جالي عرض شغل في مدارس مصر اليابانية هيكون تدريب بس بمقابل زي زي المدرسين وليا جدول وبتاع وانا طبعاً لسه متخرجتش وحوار الجيش بس الي كلمني قالي هظبطك مش عارف قولته اديني مهله افكر والانترفيوز الاسبوع الجاب لازم اقول راي بكره او بعده بالكتير مش عارف اخد قرار

السلام عليكم ورحمة الله وبركاتة انا الحمدلله بقيتB2 انجلش وبداءت اشوف شغل ككول سينتر او اي شيء يحتاج لغه فقط بس من البيت و الفويس بيبقا اكسيبتد ولقيت كولد كويلنج وبمرتب كويس بس حاسس انو كشغل هيبقا رخم شويه كطبيعة الشغل ف حد عندو اي فكره يفيدني؟

محتاجه أجابه ضروري من من 5سنين حصلت مشكله بيني وبين صحبتي وبابا حلف بطلاق اني مدخلش عندها البيت تاني و انهارده من بعد 5سنين اتصلحنا وانا عايزه اروح عندها واهلها كلهم بيحبوني وانا يعتبر بنتهم ملحوظه بابا حلف بطلاق لأن صحبتي غلط في أخويه في شات بنا يعني المشكله كلها بسبب أن بابا خد موقف عشان أبنو مش أكتر مع أن محدش كان ليه الحق يفتش في شتاتي أعمل ايه أروح ولا لا

بعد تفكير طويل و حيره و غصب و حاجات كتير وحشه و مشاعر ملخبطه كل ده عملي خناقه في دماغي بس في الاخر قرارات اسافر و ابداء حياه جديده في مكان جديد وناس جديده لاني اكتشفت أن العيشه هنا حتي وانا لوحدي و عازل نفسي عن الناس أو علاقتي بأهلي بايظه وبقيت في أضيق الحدود بس وجودي نفسه وأن التواصل بينا سهل ده كل مره بيرجعني لنقطه الصفر تاني و انا خلاص زهقت و انا اصلا عايش لوحدي من وانا 19 سنه و غير كل ده انا محتاج أرجع لنفسي .. لسه من شويه اكتشفت أن النهارده عيد ميلادي و بجد انا كنت ناسي تماما و محدش كلمني ولا بعت حتي مسدج ومش زعلان من حد لاني انا شخصيا كنت ناسي انا لو زعلان فزعلان علي نفسي اني بقيت شخص وجوده في الحياه مش فارق و لا مهم لاي حد و ده اهم سبب اني اسافر

جماعه بجد مش عارفه اقرر هو عايزني والا لا او انا بالنسبه ليه اصلا مش عايزه اسأله تاني عشان بجد تعبت عايزه حد ياخد القرار بدالي بس المشكله محدش هيفهمني محدش عاش الانا عيشته معاه صحيح سنة وكلها شات بس حرفيا بس بجد مش هتفهموني

طول عمري بحاول اصلح، وادور على حلول، ويمكن ساعات كان ده على حساب نفسي وكرامتي كمان. كنت بهتم بتفاصيلهم، باللي بيحبوه واللي بيكرهوه، بزعلهم، وباني اصالحهم. ولو حصل بينا بُعد كنت بدور على اي طريقه ترجعنا لبعض، علشان بالنسبالي اي علاقه اكبر من انها تنتهي بسبب حاجه تافهه. بس اكتشفت ان اللي بعمله ده قليل جدًا لما يترد، ويمكن محدش اصلًا مستعد يعمله لنفس الدرجه. ولو اشتكيت او اتضايقت من تصرف، ابقى “حساسه”، مع اني مش حساسه مع الناس كلها، انا بس ببقى حساسه مع اللي بحبهم، لاني بستغرب ازاي حد انا مهتمه بكل تفاصيله ومريحه له دايمًا، ييجي بسهوله يوجعني او يستهين بمشاعري. ومن حوالي اسبوع تقريبًا، قررت اني مبقاش انا اللي بتيجي على نفسها كل مره، ولا انا اللي تجري ورا اي حد علشان العلاقه تفضل موجوده، ولا احل كل حاجه لوحدي من غير اي سعي من الطرف التاني. والغريب ان اول ما حطيت نفسي وكرامتي اولويه، ناس كتير بدات تراجع نفسها فجاه. بقى الطيب بيتقال عليه ضعيف، واللي يعتذر عن غلطه كانه قليل او مهزوز، وكأن القوه بقت في العند والدفاع عن الغلط حتى لو الشخص عارف انه غلطان، معايير متعبه بجد. انا عمري ما كنت احب اشوف الناس بالنظره دي، وكنت دايمًا شايفه ان الحكم بالشكل ده سطحي، لكن لما تعمقت اكتر في الناس اتقفلت. كل مره اتعاملت فيها بشخصيتي الحقيقيه او بعاطفيه كان الدرس قاسي. وكل مره اخترت اكون صادقه اكتشفت ناس fake عايزين الكل يبقى زيهم، ربنا يثبتني على قراري ويبعد عني الاشكال ديه حتى لو هفضل اغلب الوقت لوحدي، كل واحد هيجي في وقته والقلوب هتتلاقى ان شاء الله.

بس مش عايز احس بالم الفراق بس نسبة جوازنا شبه مستحيله وانا مش مازوخي كله الا كرامتي لما اسيب فهفضل اتالم في صمت عليها وعلى حبنا فاهم وبرده خايف افضل معاها تتعلق بيا اكتر واكتر +اختها الكبيرة وجودها بيعمل مشاكل وحتى لو مابيعملش مابقيتش مرتاح وفي حد داخل في خصوصيتنا وبيقرا شاتاتنا+خايف اسيب وبقيت في دايرة صعبه اوي

• من راجل لـرَاجل.. ماتخلييهاش طيح بيك ولا تخلي جيبك فارغ، مقدرتش تبروفييتي و تتزوج و تشري طنوبييل و دار ؟ عييش بلا بيهم.. المهم مدخول يكفييك نتا وحدك، هكدا يبقى نيفك ديما فالسماء و واحد ما يتكسل عليك ولا يستشفى فييك، هكا حتى و تتقدر عليك تلقى باش تقابل و نتا دبر راسك

السلام عليكم كان لما اصحابي بيطلبو مني فلوس او بيحتاجوني في خدمة كنت بديهم وبقضيلهم الخدمة علي قد ما اقدر وساعات كنت بقول لوالدي و والدتي وكانو بيقول طلاماا اتعشمو فيك يبقي ربنا باعتهم ليك علشان انت اللي هتقدر تساعدهم وهما يفكروهم اصحاب من اللي لو انا احتجتهم في حاجة مش هيتاخرو ميعرفوش انهم بتوع مصالحهم انا الحمد لله بدرس في جامعة خاصة وحالتنا المادية كويسة فانا مؤخرة كان كل اللي بيطلب كان بياخد الفلوس ويقولي هديهالك بعد فترة وبعد كدة ولا بيجيب الفلوس ولا بيسال حتي ومن بجاحتهم بيطلبو تاني علي اساس انهم نسيو اللي عليهم وانا اقسم بالله ما بيفرق معاياا الفلوس حتي لو هطلعها لله بس مش هديهالهم علشان دا اسمه استغلال وانا مبحبش الاستغلال ودلوقتي االي بيطلب مني اي حاجة منهم بقولو ممعيش ومش بديلو ف دا قرار صح اكيد صح

حاسة اني عندي عقدة مالعلاقات..بما اني فسن زواج ..الكل يشوف اني لازملي زوج عشان اكمل حياتي اوكاي..درست تخرجت و اشتغلت و تعرفت على شباب بقصد زواج ..معظمهم يوم يومين و اوب خلاص ..مانقدر نكمل معاهم..برك كاين واحد كنا في علاقة 8 اشهر اونلاين بس و مخططين يجي يخطبني و نتزوج بصيف ووو لكن الشاب بطل و حس اني ما اناسبه ونا استوعبت قداش كنت ساذجة ..طبعا انا العلاقات هذي نشوفها مش منطقية و بنفس الوقت شيء لابد منه وقتنا الحالي( رايي الشخصي هذا ) و حزنت اسبوع و بس يعني ما أثر علي الموضوع .نسيته و كملت حياتي ..بعد تقدمولي رجال كثار عالبيت و نا مارتحت لاي واحد منهم ...و يجيني ضيق و احس مانقدر نكمل مع اي واحد و ما نرتاح إلا لما ارفضه..رغم ان الرجل مافيه اي شيء يعيبه المهم منذ 6 اشهر كذا .تعرفت على واحد بسوشل ميديا ..حسيته شخص مناسب جداجدااا..توافقنا فكل شروط و مصر انو يجي يخطبني بس لما اكلم اهلي و اقولهم عليه و هو يتكلم معهم و يحددوا موعد الشاب هذا مصري و نا جزائرية ..بصراحة مرات نحس اني مش حابة نروح نعيش فمصر ..متخوفة مالوضع هناك...و اني مانعرفش الشخص هذا 100% و خايفة يخدعني و يطلعلي بشخصية ثانية او يطلع متزوج او او..ونا اعمل هنا ولو سافرت لازملي نوقف خدمتي لي أصلا منيش مرتاحة فيها و مش ناوية نكمل فيها..بصح خايفة نندم كي نحبسها.. المهم حاب يجي لبلادي و نعملو خطوبة ونا جد مترددة و قاعدة نأجل فالموضوع و مرات يجي فبالي نوقف وش راني ندير ..بيسك جاتني مش منطقية وش لي راني ندير فيه..بصح راني رافضة تقريبا ثلاثين شخص مجموع كل من تقدم لي ..ونا كرهت مسألة زواج كلها..بصح خايفة نضيع فرص اشخاص مناسبين ونا ماعلاباليش...بينا لازملي نجرب و نا خايفة و معنديش شغف باه نكمل و لا حتى نقول راني قابلة بفلان ولا شغف باه نبني عائلة و اطفال بيسك انا childfree. اسك يعني حياتي حرفيا مابقاش عندها معنى إلا بالزواج!؟ و مرات نقول خلي نسيي.نغامر و نكتشف الغامض ..بلاك تطلع الحياة حلوة مع هذا المصري و نستمتعو ويكون happy marriage انا في دوامة و حابة نوقف كلش و ندير pause لحياتي كلها ...فقدت القدرة على اتخاذ القرار نهائيا ايام تمشي سدى و ما واقفة ماقدرتش ناخذ اي قرار و لا ندير اي تغيير صغير فيها💔 انصحوني

دلوقتي فيه عريس كان جايلي و من الاول قال إنه مش مرتاح و مش حاسس و مفيش نصيب جاي دلوقتي يتقدم تاني بعد اكتر من ٧ شهور في حين هو وقتها كلم والدتي و شاف صورة ليا بس كده لكن مفيش اي كلام حصل بينا يعني انا محتارة الصراحة مش عارفة أقابله و اقعد معاه و لا ايه

الشخص اللي هتهون عليه مرة وهيبقي عارف ان هو مضايقك مزعلك ايا كان عارف هو عمل حاجه اذتك وقدر ان هو يعدي وقت من غير ما يطمن عليك او يحاول يصلح الغلطة اللي عملها عشان هو عارف انك مش كويس بسببه فالشخص ده ما ينفعش ترجعله تاني عشان انت هنت عليه مرة واللي هتهون عليه مرة هتهون عليه 100مرة

جماعه في حاجه غلط أنا صليت استخاره لموضوع كده بس و لا حسيت بحاجه و لا شوفت رايه ولا اي حاجه و لا في اشاااره مش فاهمه المفروض أن ده طبيعي و لا لا بس انا علي الموضوع ف أنا مش عايزه لأسباب من عندي يعني ف دي حاجه تأثر و لا لا

in many times, فكرت ابعت مسدج الاعتذار ام مترين و نص دي بس صوت جوايا صحاني "اعتذر علي ايه؟" حقيقي فكرت كتير اوي ف كل موقف و كل مرة حصلت فيها مشكلة و قعدت افكر كتير اوي هو انا كان المفروض احاول تاني؟ كان المفروض اعمل حاجة و معملتهاش؟ الحقيقة و بدون مجاملة لقيت انه لا! انا عملت كل اللي كنت اقدر عليه كفاية ان كان عندي اخلاص و وفاء حتي لو كان فيه جزء ناقص في الحكاية و انا معملتوش لما فكرت فيها تاني لقيت ان اللي قدامي مكنش يستاهل أصلًا أي محاولة مش لأنه قليل؛ لكن لأن هو مش الشخص الصح ليا و الجملة اللي بصبر نفسي بيها "مكنش فيهم خير" (دي مش مشكلة عاطفية)

جماعه بجد بصو انا باخد درس E دلوقتي انا وصحبتي ومش عارفين المستر هيحل والا words Grammer وانا الجرامر بيتحل بالاحساس وحلو لكن الكلمات لا ومش حفظاها من رأيكوا اروح والا لا بسرعه بجد فاضل ساعه😭😭

الامال ، الاحلام ، الامنيات ، المخيلة كلها اشعر بها فارغه من الداخل ربما من الوحدة الي يمر فيها الطفل الوحيد بدون اخوة ( انا) او ربما بسبب ترددي بأخذ حياتي الخاصة احساس انك مو صاحب القرار شعور قهرة الخوف دمرن روحي اكثر من الموت نفسه ، خطيبتي حبيتها من كل قلبي لكن فقط ما اقدر اقف واستحمل معاناتها ، اتمنى فقط لو اثنيننا تنتهي معاناتنا معا مستحيل انت يلي تقرأ ايش حسيت لما هي كانت تبكي بسببي وتبغاني جنبها وهي تبكي كثيير اشياء انكسرت مستحيل ترجع تتصلح

انا دلوقتي في حياتي حد بحبو جدا وبيحبني وداخلين علي خطوبه بعد قراءه الفاتحه بس فاجاء اتقدملي زميل ليا في الشغل وقولت لي ان بحب الحد وهو مكلم اهلي وكده بس هو قالي وانا كان عاوز اكلم اهلك وانتي اديني فرصه وانو بيحبني بجد واسيب ربنا هو الي يختار لي الخير بينه وبيت حبيبي مش عارفه اعمل اي لا اتصرف ازاي

أنا عندي صديق كنت بعتبره أقرب حد ليا، كنا دايمًا مع بعض ونسند بعض في كل حاجة. فجأة اكتشفت إنه كان بيتكلم عني بطريقة وحشة قدام ناس تانية، وبيضحك عليا في غيابي. لما واجهته أنكر في الأول، وبعدها قال “كنت بهزر بس”، بس أنا حسيت إن الثقة بينا اتكسرت. دلوقتي أنا محتار… أقطع علاقتي بيه نهائي؟ ولا أدي له فرصة تانية؟

جماعه بتعملوا ايه لما تكونوا عندكوا مشكله او مسئوليات و بيكون عندك الحل و عارفه و عارف انت المفروض تعمل دا أو لازم تعمل دا بس مش بتعمله بأرادتك أو غصب عنك إذ كان ظروف أو تعب أو فقدان شغف أو فقدان الأمل او لا موبالاه أو او او او

جماعة انا معجب بواحدة معايا في الكلية وانا ناوي ابدأ اشتغل من الاجازة الجاية اقولها ولا اعمل ايه واقول لاهلها ايه معلومة هي متعرفنيش ممكن تبقا عارفة اني موجود في الكلية بس وانا عايز اقولها بصراحة مش عايزها تروح مني🫠

جايلى عريس كويس مسافر برة مصر لكن شقته ف مكان بششعععععع ومتنفعش بتربى فيها طيور حتى مينفعش حد يدخل فيها ، اتكلمت معاه ف البدايه ان الشقه مشكله قال هجيبلك اللى انتى عيزاه قولتله براحتك ناجر عادى ، بكلمه تانى يوم يقولى لا انا مش هعرف اسيب مامتى ، ومش هغيب كل دة ولما اجى انزل مصر شهرين ابعدهم بعيد عن امى وامى مش هترضى والكلام كله اتغير ، انا رافضة الشقه بشكل قطعى رغم انى قولتله انى معنديش اعتراض ع شخصة وانى معاه ف كل الحالات بس بلاش الشقه دى ويحاول يشوف حل وسط م بينا ، مكلمنيش من وقتها ولا بعتلى وبعتله مردش عليا ولا رد عليا اعمل ايه اتنازل واقبل بس الشقة قذرة بجد وهو مش عايز اصلا يطرح اوبشنز تانيه ، المفروض اعمل ايه ، اقل حاجه المفرروض يكون ف شقه كويسه ف مكان كويس ولو ايجار حتى

مش عارف بس هل ينفع ولا لا اي رايكم اجمع كل صحابي البنات الي عرفتهم في جRوب واحد كده كده عندي جروب 3وبقو صحاب اصلا كان في واحده بتحبني والاكس الي دخلت هوقته وجبتها من شعرها ويقول صحاب مش فاهم ازاي هل هل اكمل واضيف الباقي معاهم!

محتاجه حد يقولي اعمل اي أنا حاليا بين اختيارين أنا شغاله ف شركه تسويق عقاري بس حاليا مفيش حركه بيع و شراء ف مش باخد مرتب اصلا بس المكان كويس جدا و اصحابو بيحبوني جدا و يعملوني كويس في شغل تاني بقي في مرتب ثابت بس مكان و ناس مش احسن حاجه ف مش عارفه اعمل اي

محتاجة آخد رأيكو في موضوع بجد، عشان أنا محتارة ومش عارفة أفكر لوحدي. أنا مرتبطة بواحد بقالنا سنتين، وعدّينا بحاجات حلوة كتير، بس الفترة الأخيرة بقيت حاسة بعدم راحة. حاسة إني مش حاسة بالأمان الكفاية في العلاقة، ومش عارفة ده طبيعي ولا أنا ببالغ. في شوية تصرفات بتخليني أحس إن الاهتمام مش كفاية أو مش بالشكل اللي مريحني، وكمان موضوع الغيرة مخليني محتارة، لأن أوقات بحس إنها مش نابعة من اهتمام حقيقي. حاولت ألمّح له بكذا طريقة عن الحاجات اللي مضايقاني، حتى في الحاجات البسيطة زي الاهتمام أو الهدايا، بس دايمًا بيرد إني فاهمة الموضوع غلط، فبقيت أشك في إحساسي نفسه. أنا مش عارفة أكمل كده ولا ده ممكن يتصلح، فمحتاجة رأيكو بصراحة… أنا كده ببالغ ولا فعلاً في مشك

بحب واحدة كانت شغالة معايا في مستشفى البنت دي حرفيا اول ما شوفتها هي بجد حبيتها بدون هدف او سبب و قولت ده اعجاب ولكن مع الوقت حبيتها فعلا و هي اكبر مني بسنه واحدة فضلت معاها ولكن مع الوقت و المشاكل هي فضلت متعلقة و انا فضلت بحبها في كل حالاتها و جت في يوم بتقول بحكم الظروف انا مش عايزة اذيك ف خلينا صحاب قولتلها ليه قالتلي عشان منتعلقش ببعض اوي و ميحصلش نصيب لينا في الاخر بس انا مش عايزة اخسرك مع الوقت كلامنا بقى عادي بس انا فضلت مهتم بيها اقولها اكلتي روحتي انتي كويسة فيه مشكلة بتيجي تحكيلي و مشعارف اعمل ايه

أنا في علاقة مش واضحة ومحتاجة رأيكم بصراحة هو كلم واحده قريبتي وقالها انه هو عايز يربط كلام معايا علشان عارف اني ممكن اتخطب ف اي لحظه لاني فيه ناس كتتير بتتقدملي ف هو عايز يربط كلام وكده استناه في حدود سنتين هو انا كده كده اهلي مش موافقين اني ارتبط الفتره دي بس ممكن السنه الجايه او اللي بعدها يفكروا ف انا قلت للبنت اللي جت كلمتني دي لا انا مش موافقه ومش حاساه شخصيه او شكليا يليق عليا وكده وقفلت الموضوع بس البنت دي موصلتلوش الرد ف هو بعد حوالي كام شهر كده بعتت تاني للبنت ف قالتلي قولتلها لا. ف استني اسبوع كده بعدها دخل كلمني وانا للأسف رديت واتكلمنا مش عارفه ازاي مع اني كنت رافضه المبدء بس بدأ وقال "بحبك" من بدري جدًا، وطلب مني مشاعر واهتمام بشكل كبير وسريع، وأنا مكنتش جاهزة لده بنفس السرعة لاني اصلا معرفهوش ومعرفش حاجه عنه ومش هديله مشاعر انا مش حاساها. مع الوقت، بقي بينتقد تفاصيل في طريقتي هزاري حتى الاستوريز اللي بنزلها دايما يقولي "خليكي تقيلة"، متبقيش واضحة"، "الحاجات دي بتاعة عيال ..... بمعنى أوضح: عايزني أتغير عشان أبقى مناسبة لصورته هو. وفي نفس الوقت، ساعات بيكون حنين جدا ويقرب ويقول كلام حلو... وبعدها يرجع يبعد أو يتجاهل أو ينتقد تاني. فبقيت حاسة إني في دايرة قرب رجوع. نقد بعد . وحصلت خناقه بينا وقلتله فيها مش لازم كل حاجه تعوزها انا اعملها واعملها كمان ف نفس الوقت اللي انت عايزه فيها يقولي ما انت لو معملتش ف الوقت الللي انا عايزة يبقا ملهاش لازم وانا مش عايزة منك حاجه. ف رصيتله مرشح كده وقفلت رد علي المرشح بتاعي بكلمه حرفيا اسف. حسيت بصدمه اللي هو طب برر طب اي حاجه ف سكتت يومين كده وبعتلي تاني يقولي فينك مبعتتيش من يومين ليه ومش عارف ايه ف عديت الموضوع وقلت اسأله حاولت أتكلم بوضوح وأسأله إحنا إيه، قال مش عارف سيبيها للأيام". دلوقتي أنا محتارة: هل ده حد بيحبني بس طريقته غلط وممكن تتصلح ؟ ولا هو مش متقبلني من الأساس، وبيحاول يغيرني وأنا اللي بتعب ؟ أنا مش ضد إني أتطور، بس ضد إني أغير نفسي عشان أرضي حد. رأيكم بصراحة أكمل ولا أبعد؟

البلوبيري كانت رايحة الجامعة النهاردة ومحتارة تنزل ولا لأ ومكانش عندها محاضرات مهمة ممكن نعرف روحتي ولا لأ ارحم فضولنا اعقل مستحيل تكون عملت كدة ya بلوبيري محدش بينزل الجامعة بمزاجه

قال البحتري: صنت نفسي عما يُدنّس نفسي وتَرَفَعتُ عَن جِدالِ كُلِّ جَبْسٍ. " وهنا تتجلى قيمة النضج النفسي حين يختار الإنسان أن يحمي ذاته من الإنزلاق في ما لا يليق بها، فكلما ابتعدت عن التدخل في ما لا يعنيك، وامتنعت عن مجاراة من لا يملكون أدب الحوار، ورفضت النزول عن مبادئك الأخلاقية فأنتَ تُمارس أعلى درجات إحترام الذات ". جمعا انا عايز اتجوز

مساء الخير انا مرتبط ببنت وناوى اخطبها كمان شهرين أن شاء الله المهم ان بقا فى تصرف مريب بتعمله كل فترة كدة وهيا أنها يتختفى باليومين والتلاتة وساعات اسبوع وترجع بعدها ولا اكن فى حاجة ولما اكلمها ياتقول تعبانة ياما عندها مشاكل ف مبقتش فاهم التصرف دا عبارة عن اى واخرها من يومين اهو كنت يكلمها بليل ف قفلت وتانى يوم كلمتنى بعد العصر ومن ساعتها لحد الان لا فتحت ولا رنت عليا رغم انى سبتلها رسالة انى مش عارف اوصلها ولو فتحت تبقى ترن عليا فتحت شافت الرسالة ومعبرتنيش من امبارح والنهاردة بعتلها مواعيد الدروس بتاعتها باين عندى أنها فاتحة نت عادى رغم كدة مبتردش ومعرفش هيا فين والحركة دى مش اول مرة عموما ف كدة افكنى منها ولا دا سببه اى يعنى

دلوقتي انا البنت اللي كنت مرتبط بيها من نص ساعة بدأت تنزل فيديوهات تيك توك عشان دي هوايتها من زمان بس كان اللي مانعها الكاميرا بس اول ما جابت ايفون بدأت تعمل كونتنت على طول من غير ما تعمل خاطر ليا اني مش حابب كده ودي حاجة مش مناسباني في نفس الوقت انا فعلا مليش حكم عليها دلوقتي ومقدرش اقولها تعمل كذا ومتعملش كذا الا لما يبقا في حاجة رسمية على الأقل خطوبة + أن اهلها موافقين أنها تعمل كده فكده انا فعلا مليش حق اني اتكلم ، بس انا عشان مقدرتش فعلا اتقبل ده واتعايش معاه لأني راجل غيور جدا جدا وحتى هي منتقبة يعني مفيش حاجة باينة بس بردو بغير جدا ومحبش ابدا اي راجل غيري يشوفها فقولتلها والله يابنت الحلال كل شيء قسمة ونصيب ، هل انا تفكيري غلط او تصرفي غلط ؟

ازاي بتقدروا تقنعوا نفسكم بخطوة الارتباط والجواز محتاج اسمع اسباب واضحة من الناس لاني عندي مقاومة كبيرة للخطوة دي وحاسس ان سلبياتها تقريبا اكتر من الايجابيات بالنسبالي فعندي فضول اشوف اجابات .

ممكن رأي بنات و تجربتهم ازاي نهوا موضوع بطريقه سويه. دلوقتي انا في حد ديما بيقول اني غاليه عنده واخته بس كنت حاسه انه تعالمه كويس و مهتم بزياده فسألته بطريقه غير مباشره عنده مشاعر نحيتي ولا لا وهو قال انه عنده بس كان خايف جدا يخسرني او ميكونش عندي مشاعر نحيته فمقالش .. المهم بعد مرور موقف دا تفكير بعقلي اشتغل فكره ان هناخد خطوات جد و هيتعب علشاني. اتوترت وكدا بقيت احاول افكر بعقلي اكتر هو شخصيه كويسه بجد فجوانب كتير بس حاسه تايهه وحاسه انه مش مناسب ليا او مش شبهه بعض مثلا من ناحيه تدين او عايزه احس سابقني . هقوله اي بعد ما فتحت موضوع لازم اقفله وليه فتحته من الاول طلاما في حاجه حسيت هبقا توكسيك و هصدمه بس مش عارفه اعمل ايه

حرفيا مش عارف اخد قرار خالص ولا افكر ونفسيتى كل يوم بتسوء بجد انا خريج اداب دفعة 2022 وكدة كدة مش عارف اشتغل بشهادتى ودى مشكلة جيل بحالو عموما المهم بقالى شهرين قاعد من الشغل كنت شغال جوكر ف مجال الملابس وحرفيا قر*فت من المجال دا ومبقاش جى معايا ف قررت انزل اشوف شغل تانى ف برج العرب ف اسكندرية عموما المهم المرتبات كلها تحت ال6 تلاف بجد غير المشوار ف مجاش معايا الشغل بسبب ضعف المرتب ف اخترت انزل اشتغل ف فتح الله وعندى انتر فيو بكرة مرتبه نوعا ما بعد 3 شهور 7200 ف دا رقم مقبول شوية عن غيروا رغم أن عدد ساعات الشغل أزيد ساعتين المشكلة أن ناس كتير حزرتنى وبتقولى شغله متعب وهتتبهدل ف المواصلات والتنقلات ومش عارف اى ف مبقتش عارف أخد قرار ارجع للملابس تانى ولا اروح فتح الله وامرى لله حرفيا مخنوق وزهقت ومش لاقى شغل أو مجال تانى غيرهم

يا ولاد متقدملي عريس صالونات مهذب ومتربي وميسور الحال وخاتم القران،اتعرفنا ١٠ ايام شات وفون،قالي انه منفصل بعد عقد ومش حابب يحكي تفاصيل غير اما نتقابل قابلته بعد استخاره،حكالي انه عنده طفل ومراته علي ذمته ورقيا وانه من اسره مرت بمشاكل مع الحكومه بسبب السياسه طبعا انا اتخضيت جدا انه مقالش كل الكلام ده بس يعني ما احنا بردوا نعتبر ف الاول محتاره ومش عارفه اعمل ايه ما بين كونه حد محترم جدا ومابين ظروفه العجيبه دي مع العلم انه معندوش مشكله يطلق رسمي بكره الصبح عادي وانا واللله ماليا علاقه بالامر اصلا

خطيبي مهندس وشغله مش مستقر كان شغال بعقد لمدة سنتين واخر سنه مجددوش العقد بتاعه وبعدها دور علي شغل تاني والحمدلله مقعدش اصلا وربنا رزقه بس من غير عقد علي مشروع معين وعدوه بالعقد وواضح انهم بيثبتوهم بس لحد المشروع مايخلص المشكله مابيننا انه عايز يحدد معاد للزواج وانا قلتله لا مش حيتحدد او حنتجوز الا لما يكون فيه عقد ثابت وخصوصا اننا حندخل في ايجار وانا خايفه من الوضع ميكونش مستقر بعد الزواج وهوا بيقولي مفيش حاجه مضمونه وحتي لو اشتغلت بعقد سنه برضو مش ضمان واني اغلب الاشغال دلوقتي للمقاولات بتكون بدون عقود وقالي اسألي لو عايزه وقالي موعدكيش اني حتي لو دورت حلاقي شغل بعقد ..بس انا الوضع ده قالقني وخصوصا اني مفيش حاجه مستقره كده بجوازتنا لا شقه تمليك ولا حتي شغل ثابت وهوا شايفني بعقد الامور وخصوصا انه بيعمل اللي يقدر عليه انا شايفه ده ومش بيقصر بس انا خايفه من عدم الاستقرار ده ومحتاره اتجوز ع الوضع ده ولا اصمم علي انه يدور علي عقد

هو ممكن ن heal مع بعض ؟ يعني احنا الاتنين نكون احسن نفسيا صحيا دينيا عمليا ماديا.. بفكر مدلهوش فرصه رغم اني معجبه بيه .. بس خلاص مبقتش حمل احتمالات اصل احتمال كبير منكونش مناسبين فليه نحاول و نستهلك مجهود و وقت . ركزوا عالوقت لانه معروف كل ما وقت يزيد كل ما هنتعود و هنتأذي لو بعدنا

جماعة انا عايز اتكلم عايز اتكلم اوي أوي أوي انا في قناعة جواية أن الكلام مش بيعمل حاجة كلها بتبقي قوة مؤقتة بتاخدها في لحظتها وبعدين ولا أكنك سمعت حاجة ( أو دا ال بيحصل معايا مش شرط كل الناس ) والله دا مش جنون عظمة ولا حمدان أن انا بقول كدا بس دا ال جوايا فعلا. هتقول طيب ليه بتتكلم اصلا ؟ هقولك عشان هعمل حاجة مجنونة جدا هتقلب حياتي 180 درجة وهتبوظ حياة اهلي وكل الناس ال حوالي. في حد هنا

عماله بشتت نفسي لحد ما المشتتات زهقت مني ومش بقت شغاله مين مشتت ومش عارف يرجع اوي يقف حتى انا مش عارفه كل اللي مش بعمله ده نابع من ايه المشكله انو مش عاوز اطلب مساعده حد مش عاوز حد يكون مدى تقصيري نفسي تغيري ينبع قراره من جوايا عندي هاجس اني مش عاوزه حد يشاركني الشعور ده في نفس الوقت برغم حاجتي الشديده لده وان يكون معايا حد حوليا يشدني كل اما اقع حد فاهم حاجه ؟؟ أتكلموا معايا بجد لازم اوصل لحل مش عاوزه اضيع نفسي وعمري كده بالشكل ده

بقالي فتره بفكر اقلع النقاب ومش عارفه اعمل ايه مبقاش عندي ثقه ف نفسي من كتر التعليقات وف نفس الوقت خلاص اتخنقت ومش قادره ده غير اني محبطه بسبب حاجات تانيه ف خايفه اتسرع وف نفس الوقت خايفه اكمل

معنديش اي مشاعر لحد متقدملي واحد الي حد ما مناسب كتعليم واخلاق ومستوي مادي مش اوي بس زينا يعني عادي المهم انا طبعا معرفوش ولا عمري شفته شفت صورة وبما اني 27 سنه قلت ادي فرصة بس لما شفته عالحقيقة حسيته كبير اوي يعني شكله مدي 10 سنين زياده عن سنه الطبيعي وشكله مختلف عن الصورة انا مش عارفة اوافق ولا ارفض هو مش وحش بس حاسة اني باردة كدا مش زي صحابي المخطوبين بيكونو ملهوفين علي الي مرتبطين بيهم حد فاهمني ؟؟ وهل لو وافقت يبقي بظلمه وبظلم نفسي ولا ده علشان معرفوش وبعد كدا هحبه

الواحد لسه باديء امتياز بشري. و مش مقرر يعمل اي هل يبدأ معادلة ولا يتعلم كويس المشكلة التعليم في الكلية صعب جدا لازم تبقي رخم عشان تعرف تتعلم و لو يعني مش بتدخل و ترخم علي المرضي أو حتي زمايلك ممكن متتعلمش فلو حد عنده اقتراح مثلا خصوصا لو امتياز المنوفية

انا لما قررت قررت عشان نفسي قررت عشاني انا لسه مسلم على مدرس كان بيديني في ابتدائي ويعرفني بقا على خلق ومتفوق وفجاه جه السؤال اللي كرهته انت دخلت ايه 💔💔 انا اولى تجاره السنادي يااه ماشاء الله اخخخخ قلبي اتفشخ هحححح انا طول عمري بقول انا اقدر على اكتر بس انا اهملت وفجاه فلاش باك بقا ان مفيش حاجه ف تاريخي تثبت اني فعلا اقدر على اكتر فقررت اقدر بقا انا ااه دخلت تجاره وراضي وكل الكلام الجميل وفاجئك اقتنعت اني الحمدلله مدخلتش طب ، مصاريفه كتيره واهلي ميقدروش وعندهم غيري ف الحمدلله قررت ارتب واتميز الترم الاول قضيتها شويه واتغريت بنفسي جبت ماده امتياز وتلاته جيد جدا وواحده جيد وواحده مقبول هل كنت اقدر على اكتر ؟ دا اللي هثبته السبع ترمات اللي جايه بس فنجان القهوه دا عليه حاجات يا اخي

حد عنده تجربة مع الصالونات ؟ انا مقفول من الفكرة تماما و بسترخص الفكرة و بحس انها سطحية جدا لاني هقيم البنت بناء ع شكلها و جسمها و دماغي بتوسوس ع طول ان اكيد البنت ليها ماضي و بتاع ف مش عارف اخد الخطوة دي و مفيش حد في محيطي تماما للاسف و علما ان معنديش قرايب مناسبين

انا كنت مخطوبه من سنه ونص وفركشت خطوبتي لأسباب تافهه كل ماافتكرها بزعل اوي لاني كنت بحب الشخص ده ومازلت حاسه اني متعلقه بين ونفسي يرجعلي المهم اني من ساعه ما فركشت وانا بيتقدملي عرسان كتير اوي وانا برفضهم ساعات بيبقى أسباب منطقية وساعات برفض لأسباب تافهه عشان خايفه من حتته التعلق بالشخص واني احبه ومنكملش مع بعض في الاخر متقدملي اليومين دول عريس حساه شخص لطيف ومتفهم وحنين بس انا مش عارفه اتقبل شكله لانه مش وسيم ومش زي النوع اللى بحبه في الرجاله وخايفه اوافق عليه تروح عليا فرص جواز احسن من دي حاسه اني لو استنيت شويه هلاقي الشخص اللى نفسي فيه تنصحوني اعمل ايه

لو اتظلمتوا ف الشغل و المدير متكاد منك اصلا و ما صدق يلاقي ناس اشتكوا عليك ف قلب عليك وخلا ناس تهينك و وقف ف صفهم و شوهوا سمعتك ف الشغل و العيلة بالرغم انك مظلوم ...هتروح تبررله كل اللي حصل بالرغم انك مشيت عشان عايزينك ترجعلهم تاني ولا هتقول خلاص انا مشيت وملهوش لازمة احكي وابرر و مش هرجع ؟؟؟؟؟

كل الناس بتواجه مشاكل ف حياتها اختلاف مع الاهل أو مشاكل ف الشغل أو الشارع أو مواقف تزعل الناس من بعض و حاجات كتير بس مش حلها أننا نهرب منها أو ناخد جمب أو نفضل نشتكي حلها أننا نقرر نخلص المشاكل اول ب اول نواجه و نعدي و ننسي الوحش و نفتكر الحلو و فعلا الدنيا هتمشي🤍🤍

انا مش كويسه ومش عارفه اتصرف اتقدملى شخص اهلى موافقين عليه بس من اول مشوفته وانا حسه انه مش هو ده الشخص الى عوزه اكمل معاه حياتى المهم بعد ظغوطات عملت قرايه فاتحه وحاليا بتعرف عليه هو كويس وبيحاول يراضينى مش هكدب بس هو مش التيب بتاعي وساعات مهتم وساعات لاء ودي حاجه موتراني اوي ومش عارفه اخد قرار هل اكمل ومش عارفه هتبسطت بعدين ولا لاء ولا ابعد من دلوقتى واضيع حد محترم وخصوصا اني ف ارياف وبالنسبالهم اني سني كبر فمش من حقى اختار خلاص

مشكلتي مختلفه شويه و محتاج اعرف اعمل ايه. كنت في علاقه مع بنت دامت لمده سنتين و كنا بنحب بعض و علاقتنا كويسه الى حد ما في عيد حبنا بعد ما تمينا سنه في علاقتنا جبتلها خاتم باندورا فضه ك هديه المهم للاسف مكملناش و انفصلنا من قريب مش هنا المشكله المشكله انها دلوقتي عايزاني اخد الخاتم تاني بس انا مش عايز ده مش عشان حاجه والله بس انا اهلي ربوني و عودوني اني لو جبت حاجه لحد مستحيل اخدها تاني مهما حصل يعني من الاخر الهديه مبترجعش و دا اللي اتربيت عليه رغم دا هي مصممه اني اخدو تاني قولتلها لو هو مدايق انو بيفكرك بينا و ب اللي كان بيننا فا تقدري تبيعيه و تعملي اي حاجه ب فلوسو وانا معنديش مشكله مش هدايق خالص و هي برضو مش موافقه و عايزاني انا اللي اخدو انا مش عايز اعمل ده و محدش يقولي خدو و بيعو لان الموضوع مش سهل خالص يعني الخاتم ده فضل معاها سنه كامله يعني حاسس انو غلط اروح ابيعو و واحده تانيه تشتريه و تلبسو زيو زي اي خاتم عادي انا لو بيعتو هحس انها مش حاجه صح تحصل لان الخاتم دا كان قريب على قلبنا احنا الاتنين و في نفس الوقت مش هعرف احتفظ بيه لان كل ما اشوفو هيفكرني بيها اعمل ايه

لو واحده بتحب واحد و مش عايزه تغضب ربنا ف حاجه و قالتله ده و هو بعد عنها و بيكلمها بيطمن عليها و خلاص و لما قالتله انها كانت محتاجه تتكلم معاه هو قالها أنه بعد عشانها و عشان أنها قررت تبعد و مسح الواتس اللي ما بينهم بس ساب ابليكيشن تاني يتكلموا عليه هي متعلقه بيه اوي و هو عادي هو كده ايه عايزه حد يفهمني و يقولي اعمل ايه

النهاردة سبت مكان كنت فيه من اربع شهور كنت شغاله دينتال اسيستنت في عيادة أسنان وانا اصلا بدرس تمريض وبحب اوي الاسنان من صغري بس انا قررت أن دا يكون اخر شهر ليا هناك لان الامتحانات قربت فاضل بس شهر قلت اقعد في البيت علشان المزاكرة وكدا . اخدت خبرة كبيرة من المكان دا حبيت المكان جدا لاني كنت هناك من يوم الافتتاح عرفت كل حاجه موجودة تقريبا اعترفت على ناس حفظت المكان كويس اوي عن حب والله لا انا كنت مجبره اني اشتغل أو حاجة بس انا بجد كنت حابة اوي . هل انا ساعات كنت بحس أن وقتي ضيق اوي ؟ اه هل كنت ساعات بحس بضغط نفسي ؟ اه هل ساعات كنت بحس أنه كان قرار غلط من الاول ؟اه هل كان ساعات بيحصل مشاكل ؟ اه هل انا بحب المكان دا ؟ اه اه اه 💔❤️‍🩹 بحبه بس مش عارفه عندي احساس بيقول اني لو كملت فيه هندم ولو كملتش بردو عندم 😖 كل اللي بس عايزة اقوله اني جمعت ذكرايات حلوة اوى بالمكان دا ❤️‍🩹❤️‍🩹🥺

انا عاوزة رايكم ف حاجه انا دكتورة اطفال عمري ٢٧ اتجوزت ٤ شهور جوازه كانت صعبه جدا وانفصلت بدون اولاد وبدون حتي ما اخد لبسي الحمد لله على كل حال اتقدملي من قريب شاب هو شكله مش وسيم يعني وظيفته وتعليمه مختلفين شويتين ولكن دماغه كويسه ولهجته مش قاهريه خالص ودخله يعني علي القد انا محتاره هل اوافق عليه وخلاص ولا استني حبه واشوف حد انسبلي للعلم بيحبني جدا واتقدم لاهلي ورفضوا وعاوز ييجي تاني وتالت ومصر عليا

كان زميلي في الكلية وفاتحني في خطوة خطوبة وقولتله لما نشوف موافقة أهلي وبعد استخارة وجه وشافوه لقوه مش جاهز ماديا وكلامه مش مريحهم في الجانب دا ف الموضوع ماتمش هل المفروض الموضوع يبقى بالنسبالي عادي ومش محتاجة اموڤ اون لان مكانش فيه حاجة بينا أصلا ولا أتقبل ان الموضوع ممكن يضايقني شوية لبعض الوقت على الأقل عشان كان شخص كويس وكان عاجبني في بعض الحاجات

عندي مشكلة بس مش عارف ايه التصرف الصح (طويلة شوية انا اسف بس فعلا مفيش حد قادر احكيله الكلام ده) دلوقتي انا ف اول سنة ف الكلية اتعرفت على واحدة وحبيتها احنا مرتبطناش وانا صراحة قلتلها اني بحبها وقتها وهي مديتنيش إجابة واضحة ولا انها موافقة او رفضت (بس عرفت من مصدر تاني انه لا) المهم انا فعلا بعدها بسنة كنا برضو لسة صحاب وبنتكلم بس انا كنت فقدت الأمل ان ممكن تغير رأيها ومكنتش طول الفترة دي من بعدها لمحت او قلتاي حاجة خالص تدل اني لسة بحبها بس طبعا اكيد العلاقة كانت مختلفة عن قبل ما اقولها بقا في شوية جفاف يعني.. ف بعد السنة قلت اجرب اعرف غيرها يمكن ده فراغ وانا مش واخد بالي وغلطت لاني عرفت كذة واحدة وقتها وارتطبت ف الاخر بواحدة فعلا بس هو اسبوع مستحملتش ال بيحصل حواليا ده كله واني بضحك علي نفسي فقررت ابعد عن أي بنت اعرفها ف حياتي واسيبها هي بس ال موجودة وحصل فعلا بس الفترة دي ال هي كانت نص سنة تقريبا حصل gap كبير اوي ف علاقتنا بقينا مش بنتكلم كل يوم مثلا وممكن شهر مثلا علي ما حد يكلم التاني يسال عليه وفضلنا علي نفس الحال ده لحد ما اتخرجنا وانا طول الوقت ده ثابت علي فكرة واحدة اهتم بدراستي عشان الاقي شغل ويبقي قدامي فرصة اتقدم رسمي يمكن ده کان سبب رفضها منالبداية اتخرجت وفعلا بعدها بقا تقريبا ان اتشالت من حياتها مستحيل كانت تيجي تسأل عليا ودخلت الجيش وقلت فرصة انساها وبرضو معرفتش هي مبقتش مهتمة خالص ولا حتي انت بتسأل علي اني داخل الجيش امتي والدنيا دي بالرغم اني قلتلها وبقت تختفي من السوشيال ميديا خالص وكنا متعودين كل سنة السكوت بيتكسر عن طريق واحد بيخش يوم عيد میلاد التاني يقوله كل سنة وانت طيب وهي بقالها سنتين مقالتهاليش حتي بالرغم اني مواظب على كدة برضو وخلصت جيش واشتغلت الحمدالله بتفاجئ ان بقالها فترة بتشير بوستات كتير اوي عن ناس متجوزين او مخطوبين او حاجات حب وكدة (الموضوع راعبني مش عارف هو في حد ولا ايه الوضع ومفيش اي حاجة تبين ده وانا كرامتي مش قادر تخليني اسال انا بقيت بستني اهيف الفرص عشان خش اتكلم في اي موضوع ودايما الكلام بتقفل من ناحيتها بالرغم ان الكلام يبقي ماشي مام وزي الفل وفجأة بيتقفل) لفكرة اني اعرف مخطوبة ولا لا لأن الشك هيموتني مش عارف اعرفه ازاي اختها مخطوبة ومش کاتبها ف حتة مثلا ف خايف لتكون هي نفس الفكرة وفي نفس الوقت لو دخلت سالت يبي المفروض اتقدم وانا لسة بقالي كام شهر شغال بس علي الاقل محتاج سنة ونص اجهز اي حاجة اتكلم بيها وبرضو بقول لو اتخطبت ممکن ده الحاجة ال اقدر اخيرا امنع نفسي افكر فيها ف فعلا نا ف علاقة من طرف واحد مع نفسي لمدة 7 سنين بكل الحالات والتغيرات على عدت عليا ومش عارف اخرج منها ازاي او ايه التصرف الصح

عندي مشكلة بس مش عارف ايه التصرف الصح (طويلة شوية انا اسف بس فعلا مفيش حد قادر احكيله الكلام ده) دلوقتي انا ف اول سنة ف الكلية اتعرفت علي واحدة وحبيتها احنا مرتبطناش وانا بصراحة قلتلها اني بحبها وقتها وهي مديتنيش إجابة واضحة ولا انها موافقة او رفضت (بس عرفت من مصدر تاني انه لا) المهم انا فعلا بعدها بسنة كنا برضو لسة صحاب وبنتكلم بس انا كنت فقدت الأمل ان ممكن تغير رأيها ومكنتش طول الفترة دي من بعدها لمحت او قلت اي حاجة خالص تدل اني لسة بحبها بس طبعا اكيد العلاقة كانت مختلفة عن قبل ما اقولها بقا في شوية جفاف يعني.. ف بعد السنة قلت اجرب اعرف غيرها يمكن ده فراغ وانا مش واخد بالي وغلطت لاني عرفت كذة واحدة وقتها وارتطبت ف الاخر بواحدة فعلا بس هو اسبوع ومستحملتش ال بيحصل حواليا ده كله واني بضحك علي نفسي فقررت ابعد عن أي بنت اعرفها ف حياتي واسيبها هي بس ال موجودة وحصل فعلا بس الفترة دي ال هي كانت نص سنة تقريبا حصل gap كبير اوي ف علاقتنا بقينا مش بنتكلم كل يوم مثلا وممكن شهر مثلا علي ما حد يكلم التاني يسال عليه وفضلنا علي نفس الحال ده لحد ما اتخرجنا وانا طول الوقت ده ثابت علي فكرة واحدة اهتم بدراستي عشان الاقي شغل ويبقي قدامي فرصة اتقدم رسمي يمكن ده كان سبب رفضها من البداية اتخرجت وفعلا بعدها بقا تقريبا ان اتشالت من حياتها مستحيل كانت تيجي تسأل عليا ودخلت الجيش وقلت فرصة انساها وبرضو معرفتش هي مبقتش مهتمة خالص ولا حتي كانت بتسأل علي اني داخل الجيش امتي والدنيا دي بالرغم اني قلتلها وبقت تختفي من السوشيال ميديا خالص وكنا متعودين كل سنة السكوت بيتكسر عن طريق واحد بيخش يوم عيد ميلاد التاني يقوله كل سنة وانت طيب وهي بقالها سنتين مقالتهاليش حتي بالرغم اني مواظب علي كدة برضو وخلصت جيش واشتغلت الحمدالله بتفاجئ ان بقالها فترة بتشير بوستات كتير اوي عن ناس متجوزين او مخطوبين او حاجات حب وكدة (الموضوع راعبني مش عارف هو في حد ولا ايه الوضع ومفيش اي حاجة تبين ده وانا كرامتي مش قادر تخليني اسال انا بقيت بستني اهيف الفرص عشان اخش اتكلم ف اي موضوع ودايما الكلام بيتقفل من ناحيتها بالرغم ان الكلام يبقي ماشي تمام وزي الفل وفجأة بيتقفل) الفكرة اني اعرف مخطوبة ولا لا لأن الشك هيموتني مش عارف اعرفه ازاي اختها مخطوبة ومش كاتبها ف حتة مثلا ف خايف لتكون هي نفس الفكرة وفي نفس الوقت لو دخلت سالت يبي المفروض اتقدم وانا لسة بقالي كام شهر شغال بس علي الاقل محتاج سنة ونص اجهز اي حاجة اتكلم بيها وبرضو بقول لو اتخطبت ممكن ده الحاجة ال اقدر اخيرا امنع نفسي افكر فيها ف فعلا انا ف علاقة من طرف واحد مع نفسي لمدة 7 سنين بكل الحالات والتغيرات علي عدت عليا ومش عارف اخرج منها ازاي او ايه التصرف الصح

يا جماعه عارف ان الي هكتبه ده ملهوش اي تلاتين لازمه بس بجد انا هجيب بنطلون باجي فا مش عارف اجيبه اسود ولا ايه بس انا حاسس ان الاسود بيليق مع كل حاجه انتوا شايفين ايه عشان ممكن اروح بكرا اماا

صباح الخير جميعا. انا مسيحى وعندى مشكله وهيا انى متاكد من دينى ولكن انا بحب بنت مسلمه وعايز اتجوزها وفى نفس الوقت انا لو بقيت مسلم مش هيكون معايا أهل ولا فلوس ولا اى حاجة غير العار اللى هيبقى لاهلى ف انا مش عارف اعمل اية ساعدوني بالله عليكم

حصل معايا موقف واحده كلمتني وتعرفنا قعدنا نتكلم قالت لي انا بحبك ونفسي نبقى مع بعض كانت بتحبيني بطريقه انا ما كنتش متخيلها بس انا ما فيش مشاعر من ناحيتها فصرحتها ما بحبش الكذب صح ولا غلط

انا دلوقتي بكلم بنت لكن انا بطلت احبها وبقيت بتجنب الكلام معاها وبتحجج كتير ان انا كنت نايم مشفتش الرساله وهيا بتحبني جدا ومتعلقه بيا ومش هقدر ان انا اسيبها بسهوله عشان انا سبتها مره وهيا ادمرت حرفيا بسببي رجعنا تاني ومن ساعتها وانا عايش بالزنب ده اني يا ريتني كنت سيبتها اول مره وخلاص عشان انا دلوقتي مش عارف انهي معاها خالص اعمل ايه

كان عندي سؤال، لو عريس صالونات أتقدم لبنت و لما راح لقي يعني مستوي عيلة البنت اقل من مستواه، بيت مبني من حجر في منطقة شعبيه مستواهم المادي أقل...حاجه زي دي ممكن تأثر علي قراره؟ و بلاش الجو بتاع انا هتجوزها هي مش البيت ولا مستواها المادي. ننزل علي أرض الواقع هل حاجه زي دي ممكن تأثر علي اختيار الراجل للبنت؟

لما بكون مع صحابي بحس اني مش موجوده اصلا بيفضلو يتعاملو مع بعض وانا بحس اني منسيه وعملو مواقف كتير اوي رخمه معايا انا مش حباها وزهقت منهم بكل صراحه وم شعارفه اخد قرار اني ابعد عنهم بجد زهقت اوي ومش عارفه اعمل ايه.

عندي ١٨ سنه ف تالته ثانوي هدخل ف الموضوع دايركت فيه شخص ف تانيه ثانوي اعترفلي بحبه الحقيقه دي مكانتش اول مره احنا قد بعض هو اعترفلي اول مره واحنا ف تالته اعدادي وبحكم اني عقلي اكبر من سني كنت شايفه ده لعب عيال وموافقتش حاول كتير جدا طول تالته اعدادي واولي وتانيه ثانوي لحد ما حكي لاخته الكبيره وهي كلمتني تفهمني انه بجد متعلق بيا جدابقا فيه بينا كلام اخته مكنتش راضبه اوي عن الموضوع بس حاليا مع بعض بقالنا سنه ونص بيحبني جدا عمره ما بص لبنت غيري وده بشهاده كل اللي حواليا حتي اهلي بيقرب من اهلي ادرجه انه بقا صاحب خالتي وبينه هو وماما كلام احنا حاليا داخلين ع لحظه هتبقي فارقه ف حياتنا لو مجابس الكليه اللي عاوزينها احتمال ان بابا يوافق هيبقي صعيف جدا وانا مش عاوزه غيره بس لسه هستناه حوالي ٦ او ٧ سنين لحد ما يخلص ويجهز شقته هي موجوده بالفعل ابوه الله يرحمه بناها له عندي كذا سؤال ممكن نكمل فعلا؟ احارب عشانه ولا استسلم لو حصل حاجه مش عارفه لجد اعمل ايه ياريت لو حد مر بنفس التجربه او شاف حاجه مشابهه يفيدني

فى حد متقدملى وهو أقل منى علميا بس انسان طموح ومسئول انا خايفه اقبل واندم بعدين فى ناس كتيرة اتقدمت أعلى علميا واجتماعيا بس رفضت لان مرتحتش وكمان هتكون فى محافظة تانيه وانا حابة فكرة أن معيش فى القرية بس خايفة شوية من الغربة انا دكتورة وهو دبلوم مش بقارن والله بس خايفه من نفسي بعدين بقول لو انا وهو لوحدنا ومش حاطة كلام الناس فى بالى هختاره وبقول هو لو مكنش عنده صفات معينه زي مكان سكنة وطموحة مكنتش هوافق عليه انا فيا صراع جوايا مش فاهماه لسه مقعدتش معاه رؤية شرعيه بس دماغى مش بتفصل 😭

كنت واخد قرار ان هتقدملها وبالفعل كلمتها وهي كرد مبدأي كانت موافقه والدنيا كانت ماشيه كويس لحد ما فجأه الموضوع اتقلب وغيرت رأيها مع ان مفيش حاجه حصلت مني عشان اقدر اقول انا غلطت فكذا.. المهم انا من وقتها مش عارف اتخطي ده وهي فبالي دايماً مع ان الموضوع كان ماشي كويس عارف ان الموضوع قسمه ونصيب بس حد عنده حل اعدي بيه حاجه زي كده؟

استكمالا للي نزلته من شوية انا لقيت اني لما مبتكلمش هو مبيتكلمش ..مش حاسة اني متقدرة ف العلاقة دي ..دايما حاسة اني مضغوطة مع العلم ان هو عنده قدرة عالية على استفزازي لان انا شخص بستفز بسرعة وبتعصب .. عندي عيب اني وقت النقاشات ممكن نبرة صوتي تعلى وساعات بعيط ..احنا معملناش خطوبة وقتها وقولنا هيبقى تلبيس دبل على قد الاسرتين وخلاص حتى مجبناش شبكة كان دبلة ومحبس بس مع اتفاق ان في شقة تمليك والشبكة بعد سنة بس اللي حصل عكس كدا وحصله ظروف وساب شغله( اللي مكنش مجاله) فترة وتقبلنا الوضع وبالعكس شجعناه يشتغل ف مجاله وياخد كورسات وبناء عليه مفيش شبكة جت ولا بقى في امكانية نجيب شقة تمليك بس تغاضينا عن الموضوع ده ... بعد يجي ست شهور رجع اشتغل ف مجاله بس بمرتب تلت اربعه يتصرف فواتير والباقي ميفتحش بيت وساب الشغل بعدها بتلت اشهر ... المهم اني بقيت بحس ان انا هشيل العلاقة دي وهتبقى عليا لوحدي لانه من النوع اللي مبيعملش حاجة لنفسه ومتعود ان مامته اللي تعمله كل حاجة ..لقيت ان تفكيره ان الست ف البيت والراجل برا البيت ...لما اكلمه ان مثلا نسافر وكدا يقولي لو حد طالع يعدي علينا انا مش هفرهد نفسي ف سواقة اقوله طب مواصلات يقولي لا فرهدة بردو دايما يقولي انه بيحب الانتخة ... وساعات كتير بحس انه عايز يلغي حياتي الاجتماعية بعد الجواز ... اخر مرة اتكلمنا ف الحاجات دي قال انه مبيروحش لحد عشان محدش يجيله وإنه مش عايز حد يجيله اصلا وقال نفس الكلام ده قدام بابايا ومامتي ... جينا اتكلمنا ف تربية الاطفال قالي انه هيتعامل مع الطفل ان اللعبة دي مش اولويات وهيعلمه يحوش من صغره بس لما فكرت قولت لما اللعبة لطفل مش اولوية يبقى حاجاتي الخاصة مش هتبقى اولوية بردو وبقى يجيلي احساس انه بخيل شوية مع العلم انه مبيستخسرش ف نفسه حاجة بس ساعة ما نزلنا نبص ع العفش ونشوف الاسعار وكدا حسيت انه بيبص ع الاقل سعرا مش الافضل من ناحية الخامة ف انا فعلا مش عارفة انا صليت استخارة كتير ودي الحاجات اللي حسيتها بتظهر قدامي ف هل دي اشارات ولا ايه انا مبقتش عارفة وبقيت محتارة اكتر من الاول مع العلم ان انا فكرت كتير اوي ف قراري ده هو شايف ان انا قماصة وبتقمص من غير سبب وانا قولتله اكتر من مرة ع الحاجات اللي بتضايقني وهي انه ممكن يقعد بالتلت اربع ايام ميتصلش عليا يشوفني كويسة ولا لا وبردو اتكررت فبقيت بحس انه ملوش لازمة اتكلم تاني وباخد جنب من نفسي فهو بيشوف ان ده قمص من غير سبب اسفة ع الاطالة للمرة التانية

مساء الخير انا مخطوبة بقالي سنتين من شخص يعتبر عرفاه من وانا طفلة والعيلتين اصدقاء في البداية الدنيا كانت كويسة مع بعض التحفظات إنه فجأة قالي اغير ستايل لبسي رغم انه مقالش انه معترض عليه ف اول مقابلة بس انا كنت مقتنعة وحابة اني اعمل كدا ومستنية الفرصة عشان اخد خطوة زي دي ف الموضوع مكنش مشكلة بالنسبالي بعد كدا ابتديت اتكلم ف حاجات تانية ليها علاقة بالمستقبل ومصروف البيت واني اشتغل ف الاول كان عنده اعتراض ع الشغل بس حاولت اقنعه وعدت بس بردو كان يقولي لو ظروف الشغل تنفع معانا بحيث ان اجازتي واجازته تبقى نفس الايام وانا شغلتي متسمحش بده بس قولنا هنبقى نشوف ولما اتكلمت ف الموضوع ده تاني قالي خلاص لو انتي يوم واحد اجازة هشوف اليوم التاني حاجة انا اعملها والموضوع عدا جينا لحوار مصروف البيت وكدا كان يقولي الفلوس هتفضل ف الفيزا منين ما نحتاج نسحب ولما قولتله على مصروف خاص بيا قالي فيما معناه اني لو بشتغل مش لازم اخد مصروف منه من فترة حوالي 3 شهور بقى يحصل اهمال لو انا متكلمتش هو ميتكلمش لو انا اختفيت هو يختفي ودايما في حتة انتي لو عملتي حاجة انا هعملها ولما اقوله مبحبش الطريقة دي يقولي ده العدل من وجهة نظره ان الانسان اللي عمل حاجة يحس بيها ولو ضايقته يبقى ميعملهاش تاني ولو لا يبقى هو مش هيتضايق لو اتعملت تاني ولما بقيت بعاتبه انه مبيكلمنيش لان انا بطبعي انسانة قلوقة جدا وخوافة وساعات بحس اني تقيلة ع اللي قدامي ف ممكن مبداش يقولي انتي مبتتكلميش وانا معرفش حاجة عنك وانتي عارفة كل حاجة عني مع العلم ان انا شخصية قليلة الكلام بقيت بحس انه بيدور على اقل حاجة عشان يجيبها مش عايز يعمل فرح عشان هو مش هيبقى مرتاح بس انا عايزة فرح اتفاقات كتيرة اتغيرت ومعترضناش بس ف الاخر شاف ان انا متنازلتش عن حاجة ومش عايزة اتنازل ده غير ان في تدخلات وكلام من والدته معظم الوقت ومقارنات بيني وبين واحدة تانية معرفتهم اخر فترة انا كنت طاقتي خلصت اني اعاتب او اتكلم وتوصلت لاني افسخ الخطوبة وبلغته قالي هديكي بريك تفكري براحتك من غير ضغط ف هل قراري صح ولا لا لاني بقيت محتارة جدا وخايفة اظلم لو مشيت او اتظلم لو فضلت اختصرت تفاصيل لان الموضوع كبير واسفة ع الاطالة

لو انا عايزة انزل جيم بس اتوقع إن اهلي مش هيوافقوا لأن معندناش الثقافة دي احنا مش ارياف اوي يعني بس هيقولولي هتروحي لي و بالنسبالهم اني اهتم بصحتي و جسمي مش شئ مهم اوي لدرجة أنزل جيم يعني ف هل في حل ولا فاكس اصلا قبل كده اختي كانت تعبانة و الدكتورة قالتلها تنزل جيم بابا كان معترض بس وافق لانه علاج مش اكتر يعني و اختي راحت شهر و مكملتش عشان كانت بتتعب كتير جيم بنات بس

جماعة عاوزه اخد رائيكم في شئ بقالي كام يوم عندي مشكلة والمشكلة دي ودتني لمشكلة تانية المشكلة الاولي ملهاش حل بس الهمتني اكتبها وتكون هي محور روايتي الجديدة ودي في حد ذاتها مشكلة لاني اصلا مقررة اني مش هكتب تاني واتخلي عن الكاتبة اللي جوايا ودي في حد ذاتها برضو مشكلة تانية بس لا الوقت ولا الظروف ولا الموهبة كافية لاني افكر في الكتابة من تاني هجنن مني بجد

انا كنت بحب شخص وفضلنا نحب بعض 4 سنين وحصل ظروف وسبنا بعض لما جيت ارجع ليقتو بيكلم صاحبتي هو ندم ورجع قالي نرجع تاني بس انا رفضت عدي سنه كل فتره يدخل يكلمني دلوقتي مبيكلمنيش خالص ولا حتي بيسال عليا بس نا دايما بسال عليه وبطمن ع اخبارو وحسيت اني عاوزه ارجعلوا ازي افتح الموضوع معاه او انتو شايفين ايه الافضل؟

انا محجبه بقالي خمس سنين انا الوقتي داخله تانيه ثانوي و متحجبه من سته ابتداىي و انا متحجبه عشان كنت عايزه اتحجب مش عشان حد اجبرني بس انا من بعد اما اتحجبت بشهرين تقريبا بدأت احس اني عايزه اخلع الحجاب و الاحساس دا معايا من ساعتها و كل شويه يزيد اوي لدرجة اني بجد ببقى بفكر اني اخلعو بجد و بعدها ارجع اعدى و اقول لا و مش هخلعو خلاص و كدا .انا مش عايزه اخلعو عشان ولاد او حاجه بس انا عايزه اخلعو عشان عايزه احس اني احلى شويه ليا انا مش لحد تاني وانا بجد معتش عارفه اعمل ايه بصلي و بدعي وكلو انا كدا كدا انشاءالله مش هخلعو بس انا عايزه التفكير في الموضوع يروح خالص.

بنات تقبلي تتجوزي واحد من بلد فلاحين و انتي من القاهره مع العلم مش نفس مستواكي الاجتماعي و شكلا مش اللي بتتمنيه بس مقبول لكن طيب ومحترم ومسئول ... تختاريه ولا لا ؟؟؟

دلوقتى انا كنت مقدم على شغل كفيديو جرافر ف شركه وكان بيتعملى تيست ولما محدش رد قولت يبقى انا معديتش من التيست ده ودورت على شغل تانى والحمدلله لقيت بعد ما كنت قاعد من شهر ٨ السنه اللى فاتت بدور على شغل المشكله بقا ان الشغل اللى انا فيه صاحبه مزهقنى جدا وانا بحكم انى لسه ف مجال تانى غير مجالى ف بتعلم انما صاحب الشغل انا حاسس انه مش فاهم ده هو دايما محسسنى انى مقصر ومهما عملت مش بيفيد ولا بيزود ف الشغل و بعدها قعدت معاه وفهمته انه انا شغلى الاساسى ميديا قالى خلاص هجيبلك جهاز لابتوب واشتغل عليه و ف نفس الوقت الشركه اللى انا كنت قدمت فيها كلمونى وقالولى لو جاهز تنزل من بعد العيد تمام وانا مش عارف اعمل ايه والراجل اللى انا شغال معاه ده هو مش مقصر معايا ف حاجه لحد دلوقتى ماديا بس ضاغط على اعصابى نفسيا جدا و ف نفس الوقت مش عارف لو روحت الشغل بتاع الفيديوجرافى ابقى انا كده بعت كرامتى ولا ايه مع العلم ان فى ناس شغاله فيها قالولى ان كان فى حد نزل ولما متبقاش غيرك كلموك وانا حاليا واقف ف النص مش عارف اروح فين ولا اعمل ايه ، فكرت بصراحه امشى ف الاتنين بس مش عارف هعرف اوفق ولا لا ممكن حد يفيدنى؟

جماعة انا متقدملي عريس هو مريح ف الكلام والأخلاق كويسة جدا بس شكلا وجسما مش نفس اللي بتمناه خالص ولا ستايل اللبس هو مقبول بس يعني اسفة مش متخيلة أنه يبقي جوزي آخره صديق كلام ف مش عارفة اعمل ايه مستخسرة أخلاقه و احترامه وف نفس الوقت الشكل مأزمني و خايفة ارفضه ربنا يعاقبني و ملاقيش شخص محترم كده تاني عايزة حل ضروري 😭😭

جماعة هو انا لو حبيت شخص من اول نظرة وحصل مشاكل بينا من اول مرة و للاسف حاولت اصلح معاه وهو رفض مع أنه هو الغلطان بالرغم اني حاسة أنه معجب بيا بس انا بعدت من مكانه و مش عارفه هشوفه تاني ولا لا و بعدها لقيت شخص متقدملي نفس اسمه وباين أنه شخص محترم لكن مش ستايلي خالص بس شكله مقبول ف مش عارفة اقبله و ديه إشارة من ربنا أن الشخص الاولاني مفيهوش الخير ولا ايه ؟؟؟؟؟

الحمدلله خدت قرار ومستني رايكم ونصايحكم 🙏🏻 بالصدفه اتعرفت علي بنت من عشر ايام كدا هي من محافظه تانيه واتكلمنا كول علطول كانت علاقتنا صحوبيه جدا مفهاش اي حاجه خارجه عن الادب وفعلا ارتحنا لبعض بس انما هي كانت خارجه من ارتباط دمرها لكن انا كنت واخد بالي كويس اني مش شخص استغلالي وفعلا مكنتش كدا ورغم انها كانت طيبه وجواها شخص كويس بس برضو في صفات مش كويسه وانا عرفت اتعامل زي انها مش سالكه طب ليه؟ لاني اول امبارح بعتلها في نص اليوم نتكلم شوية لاني بليل مش هكون فاضي قالتلي مسافرة النهاردة لاختي وهعملك بلوك لانها. بتمسك التليفون ولما ارجع نتكلم وعلي فهمي وعارف ظروفها كنت متوقع انها هترجع في نفس اليوم لكن الله اعلم حصل معاها ايه وانا كبرت دماغي وعملت انا كمان بلوك النهاردة يعني ادتلها فرصه يوم كامل وبس كدا تجربه اتعلمت منها رغم اني كنت مرتاح واخيرا بتكلم مع شخص بحب اتكلم معاه