جماعه عاوزه اشاركم شويه بس انا عندي eating disorder"اضطراب اكل" بقالي سنه بس اخر فتره الموضوع زاد تأنيب ضميري كل اما حاجه تدخل بقي او اكل اي حاجه وبخاف من كل اكل حتى الحاجات اللي فيها كالوريز قليل وممكن بقعد ب ال4ايام منغير اما اكل وممكن ماكلش خالص بس اهلي اللي بيجبروني وغدايا برميه للقطط او بتصرف عارفه ان حرام بس ربنا يهديني وعالم بجد انا بمر ب ايه النهارده اتجربت اتغدى مع عيلتي انا فعلا كنت تعبانه اوي كنت كملت يومين منغير اكل ونا باكل كنت فرحت عشان بقالي اسبوع ونص مبتغداش بعدين الموضوع قلب بتأنيب ضمير كبير بعد اما حسيت اني اتعافيت فعلا وممكن ابقى احسن حسه وشي منفوخ وجسمي تخن من الاكل انا مش عارفه اعمل ايه بس مش هعرف اشوف ثيرابيست عشان انا لسه صغيره يعتبر "مش طفله بس مش لدرجه اقدر اشوف ثيرابيست منغير اهلي ونا اكيد مش بشتغل" واهلي فعلا كلمتهم بس الموضوع اتقلب ضدي و المشاكل كبرت ومش هعرف احكي لحد فيهم تاني لو حد عنده حل او تجربه مع اضطراب الاكل يشاركني..
ممكن تبحثي على جوجل او تكلمي شات جي بي تي بمشكلتك بالتفصيل ، هيديكي حلول كويسة ( معنديش خلفية عند اضطراب الاكل ف مش هعرف افيدك )
ليه تأنيب الضمير طيب اولا انك متاكليش دا مش هيخسسك انتي كدا بتخسري عضلات وفيتامينات وعناصر جسمك محتاجها ايه رأيك تبدأي تاكلي اكل صحي مناسب لسنك ووزنك + انتي عندك كام سنه تابعي معايا ممكن اقدر اساعدك
حبي نفسك زي مهيا وتقبليها
ليه بتحسي بتأنيب الضمير؟ و هو من كلامك انتي اصلا م بتاكلى فـ ليه وشك منفوخ و جسمك طخن
انزلي جيم
مش عارف افيدك والله ولكن ربنا يحل مشكلتك