منذ ساعةيشعر بـ متعب
ازاي البني آدم متناقض كده ازاي بيكون وقت الذنب شخص وبعد الذنب شخص تاني انا مستغربني ازاي مستحقر نفسي بالشكل دا وانا عارف نفسي وقت الذنب ببقي ميت عليه ازاي ازاي بنتخطي دا ازاي اتقبل نفسي تاني انا مستحقر نفسي بشكل كبير جدا جدا مش قادر اعديها ل نفسي دايما شايف نفسي اوسخ حد حواليا وبقول اني مستاهلش حاجه احيانا الذنب المتكرر بيقبي ابتلاء علي البني آدم بيدمر عقله وقلبه ويخليه يكره نفسه لدرجة انه بقا متوقع الاذي ل نفسه متوقع عدم التوفيق مهما تاب ورجع مش عارف اعديها ولا انسي اللي عملته والمشكله برغم كم الاحساس بالذنب البني آدم بيرجع تاني عشان يأكد لنفسه وتتاكد ف دماغه فكرة انه مفيش مفر ومفيش فايده وانه هيفضل معفن وشخص منافق كده كتير اعمل اي عشان اتخطي واتقبل نفسي ومرجعش للذنب تاني
وبإذن الله يغالي ربنا يبعدك عن أي ذنب ويرضى عنك ويراضيك.
ف الاول خليك مدرك انك بشر وبتغلط عادي ثانيا بقا شوف طريقة تتخلص بيها من الذنب، دي أهم نقطة. انت عارف ف قرارة نفسك انك بتبقى وحش وقت الذنب وبتشوف نفسك اوحش بعده فحاول متستسلمش قصاد شيطانك وهواك وكل مرة تعمل الذنب فيها ارجع توب لحد ما ربنا يتوب عليك واعرف بردو ان مفيش حاجة بتتحل من اول مرة، هتفضل مدة تحاول لحد ما تتخلص من الذنب نهائي اشتكي لربنا قلة حيلتك وضعفك قدام نفسك وادعي دايما بالدعاء دا "اللهم لا تكلني إلى نفسي طرفة عين أبدا".