السلام عليكم. تفريغ افكار كالعادة 🤚🏻. بحس انوو كل المشاكل تقريبا، بتنبع من عدم احترام المرء لذاته. مش كلها طبعا، انا بقول تقريبا. يعني طول ما انت طرف اساسي في المشكلة، المشكلة سببها مش ضغط خارجي بلا سبب، اذا اصل المشكلة دي هو عدم احترامك لذاتك ولنفسك ولمبادئك. يعني طول ما احنا ماشيين ف رينج ان انت بتعمل كل حاجة عليك بس الinsulting مثلا او مصدر المشكلة جاي من برا، تعنيف وضغط من الاهل مثلا، واظن دي الحالة الوحيدة اللي تعد استثناء من كلامي، ف انت كده مُحترِم ذاتك. انت ببساطة بتتعامل مع سلطة اعلى منك أُمرت انك متعصيهاش، دي بوينت. تاني بوينت، انت مش غلطان ف حاجة، انت بتعمل اللي عليك. كل ما يخرج عن ذلك بقى سببه عدم احترامك لذاتك ولنفسك؛ بنت دخلت ف علاقة واتخانت، لو كانت احترمت مبادئها والمنطق مكانتش هتمر بكده من الاساس، راجل شغال ومديره بيهينه لو كان حاطط حدود من الاول وعارف يتعامل صح مع الموقف، مش مكمل بحجة "انا محتاج الشغل ده"، مكانش هيتعرض لكده.. وهكذا. والقاعدة دي ملهاش شواذ غير اذا كانت مشكلة من الاهل، لان اه دخلتي ف علاقة مع حد توكسيك مثلا، سيبيه عادي، مديرك زي ما قلنا بيهينك ف الشغل، سيب الشغل وربنا هيعوضك بالاحسن منه مليون مرة. ف هي الفكرة يا جماعة بتبقى اولا واخيرا، انا كده بفيد نفسي وبحترمها ولا بهينها واقلل منها؟ طول ما هي الاجابة الاولانية، يبقى انت كده ف السليم، اول ما تلاقيك حودت على التانية، راجع نفسك. فاا بس.