منذ 3 ساعاتيشعر بـ متعب
في أهالي بيعيشوا دور الضحيه فعلا؟ لو قصرت في اي حاجه يقعدوا يقولوا احنا بنتعب عشان نعلمك و نخليكي تعيشي. (هي مش دي أساسيات؟ انهم يعلموني مش ده الطبيعي ان الأهل يعلموا أولادهم، ولا ده فعلا كرم منهم؟) اخر حاجه حصلت ماما اتخانقت معايا عشان مغسلتش الأطباق و بقيت ابنة سيئة و عاقة و مش بقدر اي حاجه و اني إنسانه مستفزة و باردة و متخلفة، انا بس سرحت بالوقت و نسيت أغسلهم مش اني قاصده. اي حد يكلمهم يقولوا احنا بنعمل كل حاجه عشانها و هي لا مش بتعمل حاجه الناس كلها بقت شيفاني الشريرة في قصة أهلي.
عموما الغلط مش فيكي،، حوار انك تغسلي الاطباق اصلا انت مش ملزمه تعمليه و لا هو واجب عليكي انت لو كنت عملتيه قبل كده او لو هتعمليه فيما بعد فدا مجرد ذوق و انك بتساعدي مامتك من باب انها مامتك و اكيد اوقات هتحبي تساعديها،، بس دا مش معناه ابدا ابدا ان لو في يوم مرضيتيش او كسلتي فان مثلا حد يلومك لا دا مش دورك و بالنسبه لانهم بيصرفوا عليكي او مثلا بيعلموكي بيأكلوكي بيلبسوكي بيخرجوكي دي مش رفاهيات دي اساسيات هما الي اختاروا ان يبقى عندهم طفل فواجب عليهم انهم يراعوا طفلهم لحد ما يكبر و يسيبهم بس مش أكتر انت دورك حاجه واحده بس تعامليهم باحترام و تساعديهم من باب انك فعلا حابه تساعديهم بس مش من باب انك مجبره فباختصار لازم تشرحيلهم الكلام دا و تتاكدي انهم فهموا وجهة نظرك هما الي اختاروا انهم يبقى عندهم طفل فواجب عليهم يكونوا قد مسؤولية تربيته
بصي كل الاهل كده او خليني اقول اغلبهم للاسف بيشوفوا ابسط الحاجات تكرم منهم مع ان ده من الاساسيات اصلا مش حاجه زياده يعني ولا حاجه امال هما خلفونا ليه علشان يعيرونا و يحسسونا ان احنا عبه عليهم بس اقولك علي حاجه بجد فكك وطنشي انا اهلي بيقولولي اسوء من كده علي اي حاجه و في كل حاجه روقت مروقتش سهرت ولا نمت بدري هو كده لازم يبقا في خناق علي طول و زعيق ف متتوشيش نفسك وطنشي وربنا معاكي ومعانا
بصى هو بيبقا غرضهم عاوزين يستغلوكى استغلال حلو بمعنى ان يخلوكى تعملى كل حاجه عشان تبقى متعوده تعملى كل حاجه متستنيش تعتمدى على حد فمستقبل وكل اهل وتربيتهم ووجهت نظرهم والله اعلم