اتكلمي مع حد فعلا بيحبك لأن هو لو بيحبك بجد مستحيل يستهتر باي حاجه بتحكي فيها حتي لو كانت تافهه فعلا اختاري بس الشخص الصح الي تحكي معاه ولو حد استهتر بمشاعرك ومشاكلك ردي متسكتيش ومتسبيش حد يسخر من حاجه فعلا مزعلاكي

لسه تشوفي نفسك موضع نقص أو لوم بس مينفعش تشوفي نفسك كدا خالص انت ممكن لأن موقف أن حد يستهتر بمشاكل دا اتكرر معاكي اكتر من مره فحسي بكدا طول الوقت حتي لو الي قدامك مكنش كدا انت لازم الاول تحسسي نفسك اني مشكلتك مش تافهه وعادي ازعل طبيعي و احكي عادي طبيعي كل واحد مشاكله مختلفه عن التاني أنا مثلا عندي مشاكل كتير جدااا ولما حد من صحابي بيحكيلي حاجه من مشكله هيا بالنسبالي وبالنسبه للمشاكل الي أنا فيها بقول يارب مشاكل من بتاعتهم دي بس عمري ما استهتر لأن في الاول والاخر كل واحد مختلف وكل واحد مشاكله غيرالتاني لو مش مرتااحه في الكلام مع حد اتكلمي هنا واحنا هنسمعك 🫂

طيب وايه يعني ما مش الكل بيعرف يسمع ومش الكل بيعرف ينصح احنا مش عايشين مع مجتمع من الفلاسفة والمفكرين ... ودي مش حاجة تعيبه ولا تخليك تسكت دور علي حد ينصحك ورأيه يكون سديد ربنا يوفقك وتلاقيه

هي حاجة من اتنين يا إما الشخص ده غلطان يا إما معرفش يعبر أو يتواصل بشكل كويس في الآخر الحكم ليكي