غالبا انت مش ظالم ولا حاجة ومش بقول انك بيتهيألك أنا بس بقولك انه مش بيعمل كده من عدم حب ليكم هو بس في أهالي مش بيعرفوا يعبروا عن مشاعرهم كويس أو بيبقوا متخيلين ان الاخوات مش هيتضايقوا مهما هم عملوا وللأسف ده مش حقيقي بس حاول تتكلم معاه ويا رب الدنيا تزيط وتبقى تمام

ربنا يعينك في أهالي للأسف مش بيعرفوا يعدلوا بين أولادهم وبينحازوا لحد من غير ما ياخدوا بالهم ممكن لأنه بيسمع الكلام أو لأنه أشطر أو لأنه أضعف أو لأنه شبههم أو أسباب كتير جدا، بس صدقني باباك مش بيكرهكم، تصرفاته دي غلط أكيد بس حاول متتصادمش معاه، وهي بنت صغيرة طبيعي أخطاءها تكون كتير وتكون مستفزة شويتين حاول تصبر عليها وهات لها حلويات مثلا كل فترة أو حاجة بسيطة هي بتحبها من وقت للتاني .. وحاول توضح مشاعرك لباباك بهدوء واحترام من غير ما تقول له انه بيفرق بس قول له انك بتحس انه بيفرق بينكم وانك مش حابب تتضرب قدامها لأنك أخوها الكبير وعايز تبقى سند ليها وهي كده مش هتحترمك ومش هتعرف تعتمد عليك لو فضلت تشوفك بيحصل فيك كده (طبعا ده مش شرط خالص بس هو كلام لمحاولة إقناعه يعني) طبعا انت أدرى بباباك وأدرى بالكلام اللي المفروض يتقال واللي مينفعش يتقال لأن كل واحد أدرى بباباه بس أنا بقترح عليك حاجة ممكن تساعد يعني بما انه ساعات فعلا بيحس بالذنب وبيرجع يصالحك ربنا يصلح حالكم ويسعدكم وعلى فكرة غالبا لما تكبر أكتر هتحس ان كل ده مكنش مستاهل وهتحس انك الأخ الكبير اللي عايز يبقى سند وضهر لاخواته :)

هي البنت الوحيدة؟