أنا هحكي حاجه و النبي عايزه تتقري للآخر عشان أنا تعبت اوي و ممكن يجرالي حاجه من الزعل و عايزه نصيحه بجد لاني مليش حد احكيله دلوقتي أنا كنت مكتأبه بس اكتأب عادي مش حاد فا كنت لما اجي اكل بطني تتقطع من الوجع روحت كنت بفضل احط ايدي في بوقي لحد ما استفرغ لحد ما بقيت اول ما اخلص اكل ادخل الحمام استفرغ علي طول من غير ما احط ايدي كنت بستفرغ كل الاكل اللي في بطني المهم جيه واحد دخل حياتي كان عاجبني اوي و لما بدأت احبه بطلت اعمل الحركه ديه و بقيت بمسك نفسي من الاستفراغ عشان كنت عارفه أنه مؤذي بس كنت بعمله غصب عني من التعب و قررت اني هبطل اعمل كده و فعلا بطلت و كنت اول ما الاقي نفسي هستفرغ اقعد اشرب مايه و حاجات سخنه عشان بقي عندي ارتجاع مريئ بسبب الاستفراغ الكتير الاكل بقي يطلع لوحده فا قعدت امسك نفسي الموضوع عدي عليا صعب اوي بس قدرت اتحطاه المهم الشخص ده اتخانقنا و مكلمتهوش اسبوع و لما رجعت كلمته قالي أن الاكس بتاعته دخلت حياته و ان هوه عايز يديها فرصه لانه اداني فرص كتير و مفيش فايده فيا و أنه كلم باباها و هيقرا فاتحه و خلاص موضوعنا اتقفل نهائي و أنا مش قادره ابدا اتقبل الكلام ده حاسه اني قلبي بيتقطع و مبقتش قادره اكل لاني اليوم ده قبل ما اعرف أنه دخل واحده حياته اكلت و لما عرفت رجعتلي الحاله تاني و قعدت استفرغ كل اللي أكلته في الحمام و من ساعه ما عرفت مش قادره احط حاجه في بوقي و مش قادره ابطل عياط انا مش قادره اتخطاه و في نفس الوقت عايزه اتكلم مش قادره افضل ساكته من رايكم أكلمه و اقوله أن ديه اخر مره هرن عليه فيها اقوله كل حاجه و اعرفه هوه آذاني ازاي و اني تعبت بسببه اوي و احكي كل حاجه في قلبي لاني أنا حاسه ان ده اللي هيريحني اعمل كده؟ بس بجد هتبقي اخر مكالمه ليه و بعدين همسحه من حياتي بس حاسه ان ده اللي هيريحني أو اقوله تعالي اشوفك و هقوله كل حاجه في قلبي و امشي من غير ما استني حاجه منه اسفه طولت عليكم بس انا فعلا حياتي واقفه عليه
مش كل الناس تتعاتب في ناس العتاب بيعملها قيمه انا من رائ طالما هو قرر إنه مش عايزك خلاص يبقى ما فيش داعي تكلميه ولا تعرفيه هو اذاكي إزاي هو عارف ومتاكد من الاذي اللي انتي اتعرضتي ليه بسببه. وعارفه ان جواكي كلام كتير ونفسك تطلعيه بس معلش تطلعيه في كتابه في عياط بينك وبين نفسك بلاش تكلميه لان لو دلوقتى مدايقه بعد ما تكلميه هتبقى مدايقه وصعبان عليكي نفسك. ربنا يهونها عليكي وتتخطي الموضوع
المهم بس دلوقتي تشوفي موضوع الاستفراغ دا لأن دا غلط اكيد على جسمك وممكن يجيلك جفاف لا قدر الله ولو بسبب حموضه او كده فيبقى السبب زي ما قولت المهم انك تكشفي ضروري صحتك مهمه جدا واجسامنا مش ملك لينا لازم نحافظ عليها اهتمي بنفسك وبصحتك دا اللي هيتبقى ليكي من الدنيا
خلاص يبقى نعمل هدنه اعملي الي تقدري عليه والي انتي عايزاه بجد ممكن المرة ديه بجد متقاوميش نفسك الي عايزاه اعمليه متتخانقيش معاها وده مش معناه انك تكلميه لان من الاول الشخص ده هو كان مجرد وسيلة هروب منك من نفسك مش حبا فيها فشيليه وابدئي بداية جديدة شايفة اتنين الاول ربنا ورضاه والتاني نفسك
هقولك بأمانه لأ مترجعيش تعملي كده لأنك بتزودي التعلق بيه اكتر ، طيب كنت بحبه وحياتي واقفه عليه ومش عارفه اكمل من غيره لأ تقدري تكملي من غيره ف البدايه الموضوع هيبقى أصعب مما تتصوري وهيوحشك وهتفضلي تعيطي بس الزمن بينسي يمكن كلامي صعب والله حاسه بيكي بس بقولك اللي بجد هتعمليه لأن خلاص دا الواقع لازم تتقبليه انتي فاكره انك لما تكلميه هيرجع يحن تاني طيب ويرجعلك ويسيب الاكس بتاعته اكيد لأ وهتتوجعي اكتر ما انتي موجوعه طب وليه يا استاذه تفاحه تعملي كده ف نفسك انتي تقدري من غيره انتي قويه بس لسه معرفتيش قيمة نفسك اول حاجه بس أمسحي الشات اللي بينكم قربي من ربنا وادعيه انه يعوضك خير من اللي راح دا واعرفي انه مكنش ابدا خير اسمعي بودكاست السيره النبويه اهتمي بدراستك وحاولي تتفوقي على نفسك كل ما هتشغلي نفسك كل ما المشاعر دي هتتنسي بالنسبه لموضوع الاستفراغ مادام كتير كده يبقى عندك مشكله هتعملي كده تجريح للمرئ بتاعك ومعنى ان عندك ارتجاع ف المرئ يبقى ممكن يكون عندك مشكلة في فتحة الفؤاد اللي على فم المعده اللي بتقفل عشان الاكل يتهضم لازم تروحي تكشفي ضروري الف سلامه عليكي واكيد ربنا هيعوضك خير
انا فاهمه ان قد ايه انتي بتعاني واكيد متضايقه جدا بس مفيش اي حل غير انك تخرجي نفسك من ده بنفسك اكتر حاجه صعبه عليكي دلوقتي هو انك تبطلي تفكر فيه او ف انه اذاكي،حاولي اعمل اي حاجه متخليكيش تفكري عشان متتعبيش اكتر ،لحد ما تقدري تروحي ل دكتور وحاولي تنسي ع قد ما تقدري❤️
طيب فكرة تكلميه او لا فلا طبعا مين ده معلش هو مش توم كروز عشان نبقى عايزينه سيبك منه هو ولا حاجه حرفيا في حياتك لان المشكلة كانت بينك وبين نفسك والله هو محلش المشكلة بالعكس ده انتي كنتي بتهربي من نفسك فيه واديكي تعبتي بسببه لان مفيش حد بيدوم اوعي تربطي صحتك باي حد حتى لو اهلك صحتك اهم حاجه وسعادتك فوق الجميع اعمليله بلوك وشيليه من حياتك هتحسي في الاول بوجع ولكن بعد كده كل وجع هيخف وهتعرفي انك تستاهلي راجل ها راااااجل راجل بيحبك بجد مش عايزك تتعبي ابدا بيخاف عليكي اكتر من نفسه شايفك انتي بس مش عايز حد تاني ابدا راجل يعرف ربنا وشاطر وذكي مستواه الفكري عالي وبيعرف يتصرف مش اهبل
بصي يا استاذة انا اولا بنت زيك وفاهماكي كويس بس خلينا نقرر بذكاء هي فين المشكلة اصلا الكبير والمضحك في الموضوع ان المشكلة مش فيه اساسا يعني هو ملوش علاقة بالي فيكي اما مشكلتك مع نفسك اولا انتي مبتحبيش نفسك عشان كده ربطي صحتك بالناس مع انك عارفة كويس ان مفيش ثقة في حد لان لحظات الغضب الانسان بيكون اناني بالفطرة وانتي متقدريش تعدلي من ده طيب الولد ده ايه موقفه ده اولا احمدي ربنا انه مش معاكي عارفة ليه لانك غالية وتستهالي حد يعمل كل حاجه عشانك وتكوني انتي محور حياته ميكنش في حياته غيرك وحتى لو كان فيه فيكون نسيها اما الي انتي بتتكلمي عنه ده هو عارف هو بيعمل ايه وشايف التحكم بايده والي هو لو مش عجباني ديه اروح للتانية عادي اولا عشان تحبي بجد نفسك لازم ترجعي لربنا رجعه بجد مش لي رجعه وتحبيه هو اكتر حد وتبدأي تملي حياتك بحجات جديدة اخرجي اشتغلي اعملي اي حاجه امشي من المجتمع الي انتي فيه ده حبي نفسك اشتري ليها حاجه انتي بتحبيها اكتبي كل الي جواكي في ورق واحرقيه بعدها عادي اهتمي بنفسك البسي لبس انتي بتحبيه شيلي اي حاجه تفكرك بيه بشكل مباشر او غير مباشر اتعرفي على ناس تعرف ربنا
مش عارفه افيدك بجد بس لو ده هيريحك اعمليه ولو في اي حد تاني غيره تحيكله احكيله او لو بتتابعي مع دكتور او حاجه ومتوقفيش حياتك عليه مفيش حاجه تستاهل توصلي للمرحله دي صلي واقرئي قرآن وحاولى تهدي نفسك حتى لو مش نفسك تاكلي بس هدي نفسك الاول واشربي حاجات دافيه وحاولي تنزلي تخرجي تعملي اي حاجه تخليكي متفكريش فيه او اي حاجه اذتك ولو معندكيش حد تتكلمي معاه لو هتتكلمي هنا هسمعك حاسه بيكي اوي ربنا يكون في عونك انا معاكي وهساعدك متزعليش❤️
بكتبلك ث ❤