انفصال

سؤال للرجاله بجد بقا امتا نعرف انكم ممكن ترجعو تاني وامتا نعرف انكم مستحيل ترجعو مهما حصل واي اللي ممكن يخلي الراجل يراقب بعد فتره من الانفصال من اكونتات فيك خصوصا لو اللي معاكم كانت تتمنالك الرضا وسبتها لأسباب عبيطه

اتمنى حد يقدر يفيدني، دلوقتي انا خطيبي اكتر من مرة يعلق ع جسمي وشكلي بطريقة مباشرة او غير مباشرة بس دايما يعتذر ويحلف مش قاصده بس اخر مرة اتخانقنا جامد ف حاجة معينة راح قايلي ان اخلاقي شبهي بالظبط عشان يجرحني يعني بس فكرة انه شايف ان دا موضوع يجرحني هي اللي جرحتني اصلا مش عارفة حد فاهمني ولا لا بس انا عمري م كان عندي مشكلة مع شكلي هو عادي فعلا اهلي، صحابي، حتى اكتر من مرة بنات معرفهاش توقفني ف الكلية تقولي شكلك حلو النهارده والغريب انه خطيبي دا مش صالونات احنا واخدين بعض عن حب وانا ف الاول خالص مكنتش متقبله شكله ابدا مع ذلك كنت بحسسه انه مفيش ف جماله بس مع الوقت حبيته لشخصه ف بقيت اشوفه حلو وهو انسان كويس عموما وبيحبني ولكن كل اسبوع مشكلة تافهة لكن النقطة دي الي بكتب البوست عشانها مش بس كلمته فيها دا حد من اهله كمان لاحظ وكلمه وقاله ميصحش كدا لكنه مستمر، انا مؤمنة اني مستحيل هقدر اسعده لو هو مش محسسني اني مالية عينه مش هكون ع طبيعتي وهخسر نفسي وبالتالي هتعسه معايا وحاليا الفترة دي بحاول اجمع نفسي اني اقدر انفصل عنه لانه اول تجربة والموضوع مش سهل بس دا القرار السليم، جربت اكلم ثيرابيست عشان مش عاوزة بعدين احس اني غلطت او مدتش الموضوع حقه (بقالنا سنة ونص سوا) بس توهتني وخلتني مترددة اكتر و ف الاخر قالتلي مقدرش اقولك تعملي ايه (كالعادة) هل انا كدا ماشية صح؟

انا كنت مخطوبه. ملهوش كلمه. ولا. راي في اي شئ مامته الي. بتمشيه وأخواته بنات عرفت منه ان مامته كانت. بتضربه وهو. صغير. هو. ولد الكبير. و الوحيد مامته صعبه وبتخوف بتتكلم ب نظرات مهم. مامته قالت انه يسيبني وفعلا. سابني. مع انه الي جاي. اتقدم علشان عارفني من الدرس من ٦ سنين. يعني. هو الطرف الي. بيحبني اصلا المهم. بعد مرجعتله حاجته. بعد اسبوع بعتلي. طلب علي فيس. ومسدجات ويتصل علي موبايل بعتله علي الفيس. ان. مش. هقبلك علي اي حاجه انت الي. نهيت العلاقه وخليك في حالك. وانا في حالي فضل يقول. انه تعبان نفسيا ومش. مبسوط. وطلب. مني. طلب غريب ان امشي في جنازته حسيت ان هيعمل حاجه في نفسه. بعت. لي اخته جمله خلي بالك من اخوكي. لانه. قال جمله امشي في جنازته. ولا. قلت انه عمال. يبتعلي. ويحاول. بكل طرق مهم. رديت عليا بتقولي هو انتي ازي. لسه بتتكلمي معاه واني. معنديش كرامه وان هو قالهم انو مش عايزني. ولا عايز. شئ بنا في المستقبل. وبتقولي. مترخصيش من نفسك اكتر من كده روحت بعتلها. اسكرينات ان عمال. يبعتلي. طلب من كل تطبيقات ومسدجات ان بيتحايل. عليا. ان ارد عليه انا مش. مضايقني. غير. جمله. مترخصيش من نفسك أكتر من كده طب هو. عيل. ومش قد كلمته. وبيخاف. يواجهه تصرفاته. جه. ليه واتقدم. وعارف اني. عندي. شخصيه. وهو مفيش انا ايه ذنبي

حمايا السابق بعد الانجاب مسكني تهديدات ، عايز تطلق براحتك والحضانة معانا، هاجي اخدها وامشي، ويحلف بالطلاق ليطلقها، ولما حصل انفصال واتجوزت انا بعد سنتين لقيته بيقول انا مكنتش عايز طلاق قصده يعني كان بيربيني بس ودا غباء الاهل اللي بيسبب معظم حالات الطلاق، متحاولش تلوي دراع الزوج لان اي حد حر مش هيتقبل ربنا خلق الست تخضع فيعطف عليها الرجل غير كدا لا يمكن ينفع

دلوقتي انا في واحد متقدملي وبابا وماما منفصلين وامي متجوزه ابن عمها المهم انا نقاكعه ابويا بقالي سنه عان كل ما اروحلو يضربتي ويقعد يشتم ف ماما وبيخوفني ويقولي هحبسك مش هتعرفي تروحيلها ف قطعت خالص لاني خفت يعملها لانو مره تربس الباب ومكنش راضي يطلعني وقعدت اصوت والموضوع عدي وروحت جوز امي بقى هو مش وحش بس مش كويس اوي برضو كلمت عمتي قولتلها تكلم بابا تقولو ان في واحد متقدملي ونا عيزاه معايا ويقعدلي معاه راحت قالتلو قالها شرطي تعيش معايا العيشه معاه ماديا مش حلوه وضرب واهانه وتحكمات بلا داعي وظلم وبيتو مفتوح وانا بنت الي هيتقدملي اخو صحبتي وهي سألتني هنكلم مين قولتلها بابا طبعا عشان مينفعش وقولت كدا ل امها وقولتلو اختي مخطوبه ل ابن جوز ماما والخطوبه كمان اسبوع وبابا ميعرفش هو عارف انهم قرو فاتحه لسه معرفش ب الخطوبه والناس خايفين يقولو قولت ل ماما قالتلي لا حاولي معاه تاني قولتلها مش هروحلو عشان ميضربنيش قالتلي اصبري انتي مالك في ايه قولتلها اصبر ل امتى الناس مستنيه كلمه وهما بجد شاريني اتعصبت عليا ومش عايزه تسمعني وبتقولي انتي مريضه وروحي اتعالجي وامشي من قدامي مش طيقاكي وبجد مهيش حاسه بيا أبداً ونفسيتي تعبت من كل حاجه ولله

صباح اخير يا جماعه انا عندى مشاكل ومحبط وتايه انا مطلق انا 32سنه وبعد الانفصال الحياة بقت كئيبه بس محدش يقلى ارجع انا كنت بعيش ايام معها صعبه كلها نكده وغباء وخرقت دم ومشاكل من اهلها بس الحمد لله مافيش اولاد

عندي فضول اعرف تجربتكم. مع الانفصال سواء خطوبه او طلاق وهل لو حد سابنا بعد ظلم كبير منو بيرجع تاني وبيحس بالندم ولا بيفضل مكمل عادي ونظريه انهم بيرجعو دي مش حقيقيه نفسي اعرف الموضوع دا جدا

جماعه الانسان يعمل ايه لو اختار شريك حياته (زواج) واكتشف انه غلط وان مستحيل العيشه وفي بينهم بيبي ، ولو مفيش فايده من اي عيشه بينهم المفروض يعمل ايه بدون دخول في تفاصيل كتير من فينا غلطان بس للاسف مفيش اي كميا بينهم خالص والموضوع جاي لحته بدال ما يتقال كلمه بحبك بيتقال بكرهك من الطرفين !!! بس اوقات الدنيا بتبقا كويسه بنسبه ٢٠ % انا موش عارفه اعمل ايه هل خلاص اسيب نفسي لحياتي دي ولا يتم الطلاق واعيش وانا مرتاحه نفسيا بدل ما انا حاسه طول الوقت اني مخلصه طاقتي في علاقه موش سويه

ازيكوا أنا ع الابلكيشن بقالي كام يوم عندي 30 سنه منفصله من شهرين ونص نزلت كذا بوست وسمعت نصايح منكم بس انا محتاجه اتكلم مع حد محتاجه اتكلم عن اللي مريت بيه محتاجه اتكلم وبس حتي لو هيقولي معلش محتاجه حد يسمعني اللي حواليا مقصروش بس الوقت عدا على الانفصال وكل واحد ملهي ف حياته أنا اللي رجعت لوحدي ل اكتر حاجه كنت بخاف منها ومكنتش بفكر ف الانفصال بسببها انا مش عايزه ارجع ولا عايزه الشخص ده ف حياتي تاني أنا بس محتاجه اتكلم انا ميبانش عليا اللي انا فيه ولا حد يعرف عني حاجه ولا كل يوم بمر ب ايه هما شايفيني كويسه مش عايزه حد يحكم عليا مش عايزه حد يقولي انتي موقفه حياتك

انا ولدي و ولتي منفصلين بسبب مشاكل كتير لكن اهم حاجها فيهم انو سكير، و انا ف 3ثانوي قررو اني اروح اعيش معاه اجبار و لما سكت و استحملت علي امل انها سنه و تعدي و لما جت المراحعات من فتره طلب اني ارجع استقر عندها تاني لان المدرسه بتاعتي كانت قريبه منها ف ردتلا لنا مش عيزاك انا مش حمل قرفك ولا تنقص درجه و ابوك يصدعني انا اسعدك بفلوس بس خليك هناك، رغم اني كنت متوقع فعل زي ده بس مكنتش متخيله هيجي بالطريقه دي و حاليا واخد وعد علي نفسي ان المعامله تكون علي القد زي الغريب بظبط و مش هروح ليها زيرات تاني

اتخذت قرار متأكدة انه صح عقلى ١٠٠ فى الميه مقتنع وخلاص عدى وقت عليه شهر مثلا مش ندمانة انى بعدت بس مش عارفة ابطل تفكير فى اللى مريت بيه ودا مضايقنى فى حياتى دلوقت اركز واتعامل طبيعى ازاي الانسان يرجع لراحته ازاي بعد انفصال عن شخص حبيته بس مش مناسب لا هو ولا اهله بيئته والتفكير والتعامل بجد بعيد عننا

لحد الان اتذكر من كانت علاقتنا تقوة شوي شوي ومن بدأنة ننفصل من الجروب ونخرج وحدنا ، هذا بالوقت الي قبل ما انطرد من البيت ، اول مرة هي عرفت اني اللعب الكيتار كانت : هي كانت تنتضرني اوصل المكان الي اتفقنا عليه وانا من بعيد اتمشيتلها انا وكيتاري ومن هي لاحظتني بدأت اللعبلها بالشارع And I love her ، قبل شوي قالتلي اعرفك تثق فيني لكن فقط انتا ما تشاركني مشاكلك هي تقول احسك جاي تبعدني عنك بجد ما اعرف ش اتصرف بعد ، انا مستحيل اقولها الي امر فيه من ورطه او عن افكاري ورغبتي الي انا اعتبرها حل لكلشيء واي احد اتكلم معاه عنها يضنني غبي او عن الي كنت اريده لما غبت عنها يوم 3/23

بعد ما قطعت علاقتي بالبنت بقيت بمتلك وقت اكتر لنفسي ولمستقبلي ولشغلي ودراستي احساس ان وقتك كله بقى لنفسك مش أنانية بس كل واحد محتاج وقت يبني ويخطط لنفسه ومستقبله بعدها يفكر في الارتباط والعلاقات وكدا مش قصدي ان البنت مش مناسبة لكن الوقت هو اللي مش مناسب لاي حاجة أدركت اني محتاج افكر واخطط لمستقبلي لأن دا اللي يستاهل كل الوقت اللي بضيعه بس في نفس الوقت فقدت إمكانية اني اتكلم مع شخص قريب مني

معرفش ليه مقدرش انساها مع انو هي لي حبت اننا ننفصل ب افعالها بس احس اني لسه محتاجها معايا احكيلها ايه لي فيا و احكيلها كلشي حولية و اشوف ضحكتها تاني تراني مشتاقلها والله ابي حل غير اني ارجعلها و كذا

هي سابتني لي مع اني نسونجي ومكنتش مخليها عايزه حاجه كل ده لمجرد ان المسافه بينا بعيده طب ليه كده كده انا من المنصوره علي اي حاجه اعمل ايييي ياجماعه يا ريت نصيحه قويه زيكم بوسه ليكو وحبي ليكو

كنت خاطب عن حب 4 سنين منغير ما اقولها ولما بقيت جاهز اتقدمتلها قعدنا مخطوبين 10شهور سابتنى بسبب انها اتهمتنى ان انا مش بحبها ومش بهتم بيها اول اتهام ان انا ببص على بنات وكنت بكسرها لو هيا شايفانى ببص على بنات غيرها فاا لو هيا شافتنى ببص على 30 واحدة انا فعلا بصيت على 3 منهم وبغرض الاستنكار عشان كانت مناظرهم صعبه مش اعجاب ولا اى حاجة انا فعلا متأكد وواثق من نفسى ان انا مبصتش على حد وكنت بحاول ارضيها لغايه ما وصلت بيا ان انا بقيت ماشى ببص ف الارض عشان متقولش ان انا بصيت على بنات وتزعل وبردو مكانش عاجب بتقول ان انا مش بهتم بيها عشان نزلت كذا مرة وانا مسألتهاش رايحه فين وهتشترى ايه فاا هيا شايفه ان داه عدم اهتمام بالنسبه لحته الاهتمام فاا انا كنت بسأل على شغلها وبتصل بيها اول ما تنزل واول ما تخلص شغل وبسألها عن يومها شايفه ان انا مش بهتم بسبب ان انا مش بركز ف تفاصيل هدومها ولازم كل ما اشوفها ابدى اعجابى بشكلها وانا مكنتش بعمل كدة بصفه مستمرة طلبت تسيبنى اكتر من مرة وكل مرة كنت بتمسك بيها واحاول اغير من نفسى واعملها الى يبسطها ومكانش بيتشاف اى محاوله بحجة انها طلبت والحاجة لما بتطلب بتفقد طعمها طب انا غلطان ف ايه انا حاولت اعملها الى يريحها ومعجبش بردو متمسك بيها عشان هيا انسانه كويسه مش عايز اتهمها بالانانيه بس فعلا انا كل محاولاتى عشان ارضيها مكانتش بتتشاف واخر موقف بيننا كان الجو وحش جدا روحتلها مع صاحبى بعربيتوا عشان اوصلها عشان ساكنه بعيد عن شغلها ومتتأخرش فى المرواح اتهمتنى ان انا مش بغير عليها عشان مركبها مع صاحبى طب منا كنت معاها مسيبتهاش احب اسمع اراء حضراتكوا

أنا هحكي حاجه و النبي عايزه تتقري للآخر عشان أنا تعبت اوي و ممكن يجرالي حاجه من الزعل و عايزه نصيحه بجد لاني مليش حد احكيله دلوقتي أنا كنت مكتأبه بس اكتأب عادي مش حاد فا كنت لما اجي اكل بطني تتقطع من الوجع روحت كنت بفضل احط ايدي في بوقي لحد ما استفرغ لحد ما بقيت اول ما اخلص اكل ادخل الحمام استفرغ علي طول من غير ما احط ايدي كنت بستفرغ كل الاكل اللي في بطني المهم جيه واحد دخل حياتي كان عاجبني اوي و لما بدأت احبه بطلت اعمل الحركه ديه و بقيت بمسك نفسي من الاستفراغ عشان كنت عارفه أنه مؤذي بس كنت بعمله غصب عني من التعب و قررت اني هبطل اعمل كده و فعلا بطلت و كنت اول ما الاقي نفسي هستفرغ اقعد اشرب مايه و حاجات سخنه عشان بقي عندي ارتجاع مريئ بسبب الاستفراغ الكتير الاكل بقي يطلع لوحده فا قعدت امسك نفسي الموضوع عدي عليا صعب اوي بس قدرت اتحطاه المهم الشخص ده اتخانقنا و مكلمتهوش اسبوع و لما رجعت كلمته قالي أن الاكس بتاعته دخلت حياته و ان هوه عايز يديها فرصه لانه اداني فرص كتير و مفيش فايده فيا و أنه كلم باباها و هيقرا فاتحه و خلاص موضوعنا اتقفل نهائي و أنا مش قادره ابدا اتقبل الكلام ده حاسه اني قلبي بيتقطع و مبقتش قادره اكل لاني اليوم ده قبل ما اعرف أنه دخل واحده حياته اكلت و لما عرفت رجعتلي الحاله تاني و قعدت استفرغ كل اللي أكلته في الحمام و من ساعه ما عرفت مش قادره احط حاجه في بوقي و مش قادره ابطل عياط انا مش قادره اتخطاه و في نفس الوقت عايزه اتكلم مش قادره افضل ساكته من رايكم أكلمه و اقوله أن ديه اخر مره هرن عليه فيها اقوله كل حاجه و اعرفه هوه آذاني ازاي و اني تعبت بسببه اوي و احكي كل حاجه في قلبي لاني أنا حاسه ان ده اللي هيريحني اعمل كده؟ بس بجد هتبقي اخر مكالمه ليه و بعدين همسحه من حياتي بس حاسه ان ده اللي هيريحني أو اقوله تعالي اشوفك و هقوله كل حاجه في قلبي و امشي من غير ما استني حاجه منه اسفه طولت عليكم بس انا فعلا حياتي واقفه عليه

كنت مرتبطة سنتين بعد ما كنا زملاء و اصدقاء لسنتين كمان قبلها لكن حصل مشكلة و دلوقتي بعد انفصال سنة كاملة و محاولة للتخطي اتفاجأت اني هشوفه كل يوم في الشغل. خايفه إني للاسف أرجع لنقطة الصفر تاني اتمني اسمع نصايحكم و أرائكم

انا دونت مش نوتيلا انا غيرت الاسم بالغلط والله وهيرجع بعد 30 يوم حبيت بس اقولكو عشان متفتكروش اني غيرت اسمي عشان حاجه حابه اقولكو اني كنت ماسحه الابلكيشن من فتره ونزلته تاني عشان اعرفكو اني مبسوووطه من نفسي اوي اني قدرت ابعد عن حب عمري اللي كان معتبرني ف حياته موجوده زي مش موجوده قدرت ابلكه وقدرت امسح اي حاجه خاصه بيه محيته من حياتي خلاص كان دايما بيقولي هتغير وهو ولا اي حاجه فيه بتتغير اهمال منه وقله اهتمام ولما ببعتله بيعلق المسدج بالاسبوعين ووارد ميرودش عليا اصلا ولا بيرد ع مكالماتي ليه ولما بيظهر مفيش غير بحبك ووحشتيني وحقك عليا اللي بقيت بما بسمعهم مبحسش باي حاجه غير اني مش طايقه اسمع منه اي حاجه وصلت لمرحله اني خلاص لما بفتكره حقيقي مبقتش اعيط زي الاول ولا ازعل علي حد ميستاهلنيش رجعته غريب كإنه لم يكن ومتأكده ان بعد فتره هيرجعلي وهيعتذر وهيحاول يرجع باي طريقه ويبوظلي كل اللي انا بعمله بس انا مستحيل ارجع وان شاءالله محنش ليه تاني وواثقه ان ربنا هيعوضني بالاحسن منه كتير ، مفيش حاجه مستحيله ولا فيه حاجه بعيده عن ربنا ف زي م ربنا زرع الحب ف قلوبنا قادر انه يبدلها ف ثانيه حقيقي مبسووطه بالانجاز الكبير اللي انا عملته مبقتش افتكره ولما بفتكره مبقتش اعيط خلاااص انا بقيت كويسه الحمدلله بفضل ربنا عليا طبعاً♥️

انا بحس اني كل ما ادخل في علاقة وحد يدخل حياتي مش بعرف احبه وبعد فترة بتقفل منه وببقى عاوزة يبعد عني، كنت في علاقة لمدة 5 سنين مع شخص ودايما كنت ببعد عنه وبحس اني مش محتاجاه في حياتي وكنت برجع تاني لمجرد انه كان بيصعب عليا بس، جه فالاخر بعد عني وخطب، ساعتها كنت تايها ومش حاسة بنفسي وفضلت ايام بعيط وفي عالم تاني وبعد سنة عرفت حد تاني، عرفته والمفروض انه بيحبني جدا بس انا مش عارفة حبه دا ايه مش مقتنعة بحبه، بيكلمني وقت ما يحتاج مني حاجة وطول الوقت بعيد عني مش حاسه انه موجود في حياتي، مستني مني كل حاجة ولازم انا اللي ابدأ كلام دايما ولو انا اللي مبدأتش مش بيكلمني ولا بيبدأ مش فاهمة حاجة ولما بعدت عنه رجعلي تاني وقالي هتغير و و و عنده اسلوب اقناع رهييب وانا في وسط كل دا، انا حاسة اني معرفش ايه احساس الحب دا اصلا وحاسه اني عمري ما حبيت

البرود كلامها بقي بارد مع اني حاولت 5 مرات بس كل مره بحس اني بكلم واحده تاني غير الي كنت بكلمها وحده تانيه غير الي كنت بحبها الي كان كلمها زمان حرفيا بيطلع قلوب منه في الشات دلوقتي كلام بارد ده من ساعه ما سبنا بعض حاولت 5 مرات في سنتين ونص بعد كده حسيت اني خلاص مش قادر تحاول تاني مع اني لسه بحبها

عندي مشكلة مع خطيبي ، مش عارفة ماذا يحدث معه ، عنده 3 ايام لت يتكلم معي و كل ما يقوله ان حالته النفسية ليست بخير و انا انتابني الشك يمكن يخون فيا او يريد ينهي العلاقة ،هل مررتم بهذه التجربة من قبل بنات

مش عارفه اتخطي حد كنت بحبه يمكن بقالي يومين بقول الكلام ده بس مش قادره فعلا عايزة اختفي من كل حتة ومش عايزة ابقي موجوده تاني وحاسه بكره تجاه كل شي حواليا هو كان اقرب حد ليا وعارف كل حاجة عني والحجات البخاف منها وعارف كنت بحبه ازاي انا بس مش عارفه بقيت شخص ضعيف كدا امتي ومش قادره اكمل ف حياتي

ازاي اتخطي حد كنت بحبه اكتر من اي حاجة ازاي وانا مش قادره اتحرك من مكاني وكان صعب احب او اوصل للمرحله دي عشان انا بقلق وكل حاجة مكنتش بسهوله انا انجري فشخ دلوقتي من الحب وبكره الناس ونفسي اكتر من الاول

اهلك ولا صحابك ؟ تختار تكون منغير صحاب بس عندك اهلك ولا تكون منغير اهل بس عندك صحاب انا لاحظت اني مكتفية بنفسي واهلي بس مبكلمش حد من صحابي ولا بتواصل معاهم ولا حاسة اني محتاجة دا مع اني بحبهم بس هما مبيسألوش مع انهم بيحبوني برضه ونا عارفة كدا كويس

انا قضيت احلى سبع شهور مع احلى بني آدمه حبيتها من قلبي بجد لدرجة اني عملت حاجة انا عارف انها غلط واني سيبت بنت كانت معايا عشان بس اروحلها وكانت مفيهاش غلطه نسيتني كل حاجة كنت بخاف اني اخسرها كانت أكبر مخاوفي كنت معتمد عليها في يومي ودائماً هى جنبي بس جت هى كانت رايحة مصيف السنة اللي فاتت ف عايزه تلبس مايوه وانا قولت تمام بس يبقى شرعي عادي قالتلي لا انا عندي مايوه عادي زي الشرعي بس شورت مش بنطلون ف ساعتها حصلت مشكلة كبيرة وقعدت كتير وبسببها سيبنا بعض وبعد م سيبنا بعض كنا بقينا صحاب يعني بس حصلت خناقة معايا انا واحدة من اعز صاحبتها راحت هى اتكلمت بطريقة مش كويسه في انا غلطت في تربيتها وان روحي انتي خلي ابوكي يربيكي وانا عارف اني غلطان بس كنت مضايق ساعتها وهى بعديها بيوم او في نفس اليوم بعتت ماسدج فيها كلام البنات ده وان لما بنت تكسر بنفسك والكلام ده انا مردتش عليها زي مهى اتكلمت لاني مش بحب الشغل ده وقلبي مكانش مطاوعني اني ارد أصلا وبعد كده حصل بلوكات وما زالت إلى الآن البلوكات موجودة وهى ارتبطت بعد فترة من انفصالنا وانا لحد دلوقتي مش قادر اني احب حد غيرها منكرش اني اعجبت ممكن بكذه بنت بس هى كانت بالنسبالي الاحلى والاساس وانا قعدت كتير عقبال معرفت اتخطى وكان معايا واحد صاحبي كان شاهد على كل ده وكان جنبي بعد م سيبنا بعض و كده وفضل واقف جنبي لحد م بقيت اني عارف اتعايش وانساها فترة كنت بخش من وقت لتاني اكونتاتها انستا ونيك توك اشوفها واطمن عليها من ريبوستاتها اه كنت كتير بطلع موجوع لو كان في ريبوست مش عاجبني زي حب او غيره بس كان عادي هى من شله من تلت أشخاص هى و اتنين تانيين صاحبي اتعرف على واحدة منهم عن طريق جروب انا عملته وارتبط بيها والتالته كان دايما في خناق بيني وبينها وصاحبي ساب البنت ديه ورجعوا تاني مرتين ولا تلاته بس هما لسه سوه إلى الآن انهاردة صاحبي اللي كان جنبي في كل ده قالي انا خارج انا و كذه اللي هى البنت بتاعته انا قولتله تمام يحبيبي انبسطت وفرحتله اتفاجئ أنه واخد واحد صاحبنا معاه قولت عادي يمكن صاحبته مش عايزه اني اجي عشان مهما كان انا الاكس بتاع صاحبتها وعشان صاحبتها متزعلش منها صاحبنا يكلمني يقولي انا عايز الكوتش كذه بتاعك عشان رايح معاه وكده قولتله تمام يحبيبي اتفضل كل ده وانا في دماغي أن صاحبي هيخلي صاحبته تجيب صاحبتها عشان صاحبنا اتفاجئ انهاردة أن الشلة التلاته كانت موجودة اللي هى الاكس وصاحبة صاحبي والبنت التالته مع صاحبي و صاحبنا التالت اللي هو عزيز علينا برضه بس محضرش حاجة يعني انا اعرفه من حضانه بس مكناش قريبين من بعض اوي لحد من قريب و دلوقتي هو يعتبر اقرب منه عني بعد كل اللي كنا فيه سوه والمشكلة أن ده حصل من غير ذنبي يعني انا مقصرتش معاه ك اخ و صاحب عشان يخلي بعد كل ده حد تاني اقرب ليه عني وديه يمكن وجعاني اكتر حاجة اكتر من الخروجه وكل ده فكرة أنك تبدلني ب أفعالك ديه وحشة انك تقول لا انت وانت وتعمل عكس ده ف انت كده بتكسرني اكتر من اي حاجة لانك فاهمني كويس جدا اكتر من اي حد ف هما خرجوا و كل حاجة وانا لما شوفت الصور على الاستوريهات حسيت اني قلبي اتكسر مية حتة وحسيت اني موجوع جامد اوي وان المفروض صاحبي يراعيني ويراعي مشاعري ولا سألته أصلا قولتله ايه ده كذه كانت معاكو قالي اه لقيتها جت قولتله ماشي معرفتش اقول ايه وانا من جوايا زعلت جامد منه وحسيت بكسره وانا اساسا مع كل اللي حصل انا بحبها جدآ ومش قادر بس بحس اني كرامتي تمنعني اني اكلمها بعد الفترة ديه كلها وأنها عاشت من بعدي عادي انا بنصح الكل واجي عندي ومقدرش اني اتكلم انا بجد موجوع انا بجد محتاج النصيحة ومحتاج اعرف اعمل ايه

محتاج حد يساعدني اتخطي انسانة كنا فعلاقة بقالنا سنين والموضوع صعب عليا جدا مش قادر اتخطي ولا قادر اعيش حياتي بصورة طبيعية ولا ابص لمستقبلي واحقق اي هدف من اهدافي شبه بقيت منطفي ومليش نفس لأي حاجة

ممكن علشان مبنش ضعيفة او علشان اتكلمت في الموضوع بقالي كتير ومتخططوش او علشان بحاول اهرب من التفكير كل المشاكل دي سببها الانفصال لما اندمجت اوي في حياه شخص شخصيتي انا ضاعت ف حاسة اني فقدت الشخص ونفسي

انا قضيت احلى سبع شهور مع احلى بني آدمه حبيتها من قلبي بجد لدرجة اني عملت حاجة انا عارف انها غلط واني سيبت بنت كانت معايا عشان بس اروحلها وكانت مفيهاش غلطه نسيتني كل حاجة كنت بخاف اني اخسرها كانت أكبر مخاوفي كنت معتمد عليها في يومي ودائماً هى جنبي بس جت هى كانت رايحة مصيف السنة اللي فاتت ف عايزه تلبس مايوه وانا قولت تمام بس يبقى شرعي عادي قالتلي لا انا عندي مايوه عادي زي الشرعي بس شورت مش بنطلون ف ساعتها حصلت مشكلة كبيرة وقعدت كتير وبسببها سيبنا بعض وبعد م سيبنا بعض كنا بقينا صحاب يعني بس حصلت خناقة معايا انا واحدة من اعز صاحبتها راحت هى اتكلمت بطريقة مش كويسه في انا غلطت في تربيتها وان روحي انتي خلي ابوكي يربيكي وانا عارف اني غلطان بس كنت مضايق ساعتها وهى بعديها بيوم او في نفس اليوم بعتت ماسدج فيها كلام البنات ده وان لما بنت تكسر بنفسك والكلام ده انا مردتش عليها زي مهى اتكلمت لاني مش بحب الشغل ده وقلبي مكانش مطاوعني اني ارد أصلا وبعد كده حصل بلوكات وما زالت إلى الآن البلوكات موجودة وهى ارتبطت بعد فترة من انفصالنا وانا لحد دلوقتي مش قادر اني احب حد غيرها منكرش اني اعجبت ممكن بكذه بنت بس هى كانت بالنسبالي الاحلى والاساس وانا قعدت كتير عقبال معرفت اتخطى وكان معايا واحد صاحبي كان شاهد على كل ده وكان جنبي بعد م سيبنا بعض و كده وفضل واقف جنبي لحد م بقيت اني عارف اتعايش وانساها فترة كنت بخش من وقت لتاني اكونتاتها انستا ونيك توك اشوفها واطمن عليها من ريبوستاتها اه كنت كتير بطلع موجوع لو كان في ريبوست مش عاجبني زي حب او غيره بس كان عادي هى من شله من تلت أشخاص هى و اتنين تانيين صاحبي اتعرف على واحدة منهم عن طريق جروب انا عملته وارتبط بيها والتالته كان دايما في خناق بيني وبينها وصاحبي ساب البنت ديه ورجعوا تاني مرتين ولا تلاته بس هما لسه سوه إلى الآن انهاردة صاحبي اللي كان جنبي في كل ده قالي انا خارج انا و كذه اللي هى البنت بتاعته انا قولتله تمام يحبيبي انبسطت وفرحتله اتفاجئ أنه واخد واحد صاحبنا معاه قولت عادي يمكن صاحبته مش عايزه اني اجي عشان مهما كان انا الاكس بتاع صاحبتها وعشان صاحبتها متزعلش منها صاحبنا يكلمني يقولي انا عايز الكوتش كذه بتاعك عشان رايح معاه وكده قولتله تمام يحبيبي اتفضل كل ده وانا في دماغي أن صاحبي هيخلي صاحبته تجيب صاحبتها عشان صاحبنا اتفاجئ انهاردة أن الشلة التلاته كانت موجودة اللي هى الاكس وصاحبة صاحبي والبنت التالته مع صاحبي و صاحبنا التالت اللي هو عزيز علينا برضه بس محضرش حاجة يعني انا اعرفه من حضانه بس مكناش قريبين من بعض ف هما خرجوا و كل حاجة وانا لما شوفت الصور على الاستوريهات حسيت اني قلبي اتكسر مية حتة وحسيت اني موجوع جامد اوي وان المفروض صاحبي يراعيني ويراعي مشاعري ولا سألته أصلا قولتله ايه ده كذه كانت معاكو قالي اه لقيتها جت قولتله ماشي معرفتش اقول ايه وانا من جوايا زعلت جامد منه وحسيت بكسره وانا اساسا مع كل اللي حصل انا بحبها جدآ ومش قادر بس بحس اني كرامتي تمنعني اني اكلمها بعد الفترة ديه كلها وأنها عاشت من بعدي عادي انا بنصح الكل واجي عندي ومقدرش اني اتكلم انا بجد موجوع

في مشاكل بين اهلي ابويا وامي يعني بس حسب ما انا شايف ان امي اللي غلطانه وهي دايما بتقول الكلام قبل ما تفكر يعني الكلام مش بيعدي علي دماغها وتقوله علطول دبش كده والمشاكل اتطورت جامد وانا طبعا واقف مع ابويا علشان هو الصح وامي مش فاهمه هي بتقول اي مع ان مفروض تكون واعيه وفاهمه وهي كبيره مش صغيره ومتعلمه بس مش عارف اي دا مش عارف دا سحر ولا حسد ولا اي دايما البيت في نكد كل يوم وانا ف كليتي ومغترب ف بطلت ارجع البيت عشان كده علشان انا ف مره اتعصبت جامد علي امي ومكنتش عارف امسك اعصابي ف كنت هضربها (انا عارف ان دا غلط وقعدت طول الليل ابكي ف ان ازاي افكر ف كده اصلا واتعصب وازعق وكل دا ) بس دا غصبا عني والله امي صح بتقول كلام غريب ظايما فاهمه ابويا غلط ف كل حاجه ودايما حساه عايز يغيظها مع ان ابويا والله مش كدا وابويا كبير يعني خلاص غلط عليه العصبيه والكلام ده خصوصا ان عنده السكر والضغط يعني غلط خالص عليه الكلام ده احنا ٤ اخوات وابويا قالي والله لولاكم انتو كنت بعدت عنها . انا بحب الاتنين والله ومش متحيز ولا حاجه بس فعلا امي غلطانه وهي مش معترفه بده وبرضو دايما تفهم غلط انا عارف ان ف كل البيوت في مشاكل بس مش بتبقى كل ده دا ابويا بيطلع عن شعوره ويشتم ويتعصب دا كان سعات بيبكي والله مش عارف مفروض انا اعمل اي عشان اصلح ولا خلاص مفيش تصليح والمفروض خلاص اخر الحكايه دي انفصال ولا اي مش عارف والله انا تعبت ولما بروح البيت بتنكد كده وبيجيلي تشنجات من العصبيه وانا عندي ٢٠ سنه يعني مش صغير ولا كبير وفاهم كل حاجه بس ليه كده واي السبب واي اللي حصلان مش عارف والله

الانفصال الحياه بعد الانفصال للشاب سهله ولا صعبه فى رايكم والارتباط مره تانيه بيكون سهل ولا لا ؟ وليه بعض البنات مش بتوافق على حد منفصل ؟ مع ان فى بنات منفصله عاوزه حد اعزب بدون تجارب احنا خلاص بقينا فى الزمن اللى الرجاله هتتطالب فيه بالمساواه ولا ايه ؟!

انا منفصل للمرة التانيه عن طليقتي ام اولادي وعندي 35 سنة ومش قادر اعيش من غير زوجة ومينفعش رجوع لأن المشاكل كانت فوق طاقتي ...وبحاول ادور علي حد وابدأ من جديد لكن كل الفرص اللي بتيجي يا أما انسه ومبترضاش لما تعرف اني منفصل وبتخاف اني ارجع لها يا أما مطلقة ومعاها عيال وعاوزاني اصرف عليهم يعني جواز مصلحة وانا مش لاقي فرصة مناسبه ومش عاوز اعمل حاجه حرام وعاوز اعف نفسي أيه الحل من فضلكم

انا خطوبتي اتفسخت من كام يوم و مش عارفة اتخطي الموضوع نهائي حاسة اني اتظلمت كل اللي حصل دا علي مشكلة تافهة كان ممكن تحل بمكالمة تليفون لكن هو مادنيش فرصة ادافع عن نفسي و لا هو اللي اتلكك علشان يمشي في واحده تانية ولا هو ماحبنيش من الاول دي كانت أول ارتباط حقيقي ليا انا موجوعة اووووي

أنا حبيت واحد واتعلقت بيه اوي واعتبرته هو كل حياتي بس جه مره واحده وقالي انتي اتغيرتي وانا مبقتش حاسس بحاجة ليكي واحنا مش هننفع لبعض وانا حرفيا تعبانه ومش عارفه اتأقلم من غيره وحقيقي حاسه اني هيحصلي حاجه لاني فعلا بحبه بجد

انا من فتره ارتبط بواحده وكانت كويسه معايا جدا جدا وبتحافظ عليا وبتوفر لي كمان بس مشكلتها معايا أن انا مش بسمع الكلام بمعني كانت عايزه حد يسمع كلامها وينفذها من غير نقاش والماديات طبعا تكون اعلي المهم كان في مكان دايما تخلينا نروح فيه فجاه اتخانقت في مكان بسبب حد عاكسها واحد من الي شغالين كان واقف معايا بيهديني طبعا اتخانقت معايا بسبب الموقف ده وسبناا بعض بعد ٦ ايام بالكتير جت الشغل مع نفس الشخص ده الي كان بيهديني وبتقول عليه خطيبها وكان بيتحايل علينا نقنعها أنه تخليه يتقدملها بسرعه بعد كده بقا كل شويه تجيب سيرته كتير و اد ايه هوة غني الكلام ده في آخر رمضان طبعا أنا بعدت نهائي واخدت اجازه ورجعت من ٥ ايام لاقيتها لسه موجوده اول يومين تلاته كان سلام و هذار خفیف جدا اول امبارح بقت غريبه بتهذر مع اي حد وتضحك مع اي حد و انا موجود وبتحاول تهذر معايا و كانت بتتكلم علي حد واتلخبطط وبدل ما تقول اسمه قالت اسمي وعرفتني ان | كانت بتسال عليا وفي وحد سألها علي حاجه قالتله الاجابه وحتي اساله وكان عليا انا طبعا استغربت بعد كده جابو اکلو عزمتوعليا شكرتها ورفضت راحت قايلالهم اه ما انا عارفه اصل مش حايعجبه اصل انا عارفه نظام أكله ايه وبقت تقلل جدا الكلام علي الي معاها طبعا أنا اختصرت حاجات تانیه کتیر و اه نسيت قبل العيد كانت طبعا بتنزل استوری حب انا رحت منزل استورى أن يجهز نفسي لشغل احسن وافضل بقت تنزل استوری اغاني حزن و ادعيه فك اللهم عايز اعرف هيا بتعمل كده ليه وعايزه ايه بالظبط ولا انا مكبر الموضوع علي الفاضي

جماعه انا من فتره ارتبط بواحده وكانت كويسه معايا جدا جدا وبتحافظ عليا وبتوفرلي كمان بس مشكلتها معايا أن انا مش بسمع الكلام بمعني كانت عايزه حد يسمع كلامها وينفذها من غير نقاش والماديات طبعا تكون اعلي فجاه اتخانقت في مكان بسبب حد عاكسها وحد من الي شغالين كان واقف معايا بيهديني طبعا اتخانقت معايا بسبب الموقف ده وربنا بعض بعد ٦ ايام بالكتير جت الشغل مع نفس الشخص ده الي كان بيهديني وبتقول عليه خطيبها وكان بيتحايل علينا نقنعها أنه تخليه يتقدملها بسرعه بعد كده بقا كل شويه تجيب سيرته كتير و اد ايه هوة غني الكلام ده في اخر رمضان طبعا أنا بعدت نهائي واخدت اجازه ورجعت من ٥ ايام لاقيتها لسه موجوده اول يومين تلاته كان سلام و هذار خفيف جدا اول امبارح بقت غريبه بتهذر مع اي حد وتضحك مع اي حد و انا موجود وبتحاول تهذر معايا و كانت بتتكلم علي حد واتلخبطط وبدل ما تقول اسمه قالت اسمي وعرفتني ان ا كانت بتسال عليا وفي وحد سألها علي حاجه قالتله الاجابه وحتي اساله وكان عليا انا طبعا استغربت بعد كده جابو اكلوعزمتوعليا شكرتها ورفضت راحت قايلالهم اه ما انا عارفه اصل مش حايعجبه اصل انا عارفه نظام أكله ايه وبقت تقلل جدا الكلام علي الي معاها طبعا أنا اختصرت حاجات تانيه كتير و اه نسيت قبل العيد كانت طبعا بتنزل استورى خب انا رحت منزل استورى أن يجهز نفسي لشغل احسن وافضل بقت تنزل استورى اغاني حزن و ادعيه فك اللهم عايز اعرف هيا بتعمل كده ليه وعايزه ايه بالظبط ولا انا مكبر الموضوع علي الفاضي

يا شباب انا كنت مرتبط ببنت ٣ سنين ومكنتش بكلم حد غيرها حرفيا ومخلص بزياده اوي لدرجه اني كنت مخليها هيه الجنس الآخر في حياتي ومكنتش بحب اتعامل مع البنات في التعاملات الحياتيه العاديه اختصارا ....كان فيه مشاكل بينا وسيبنا بعض تانيه جامعه وهيه بالمناسبه معايا في نفس الكليه المهم ان مشكلتي حبيت اني بحس اني مرتبك او متوتر علي خفيف او(بعمل تصرفات وبقول لنفسي بعدها ازاي انا يطلع مني كده انا ليه مش بكون مركز او حتي طبيعي) لما اجي اتعامل مع بنات مش عارف احل المشكله دي ازاي

كنت قايلة قبل كدة انو فيه حد اتعرفت عليه وهكذا وانى مش مرتاحة معاه وحسيت انو بخيل ف المهم قولت مش هكمل معاه ف بعت ليه ما يُعنى كدة بس مضايقة حاسة انى سيبته فى اكتر وقت محتاجنى فيه بس ما قدرتش استنى اكتر من كدة.... علشان كان كل مرة بقول فيها مش هينفع نتكلم تانى بيرجع يتكلم وانا بتكلم عادى بس مش عارفة انا ليه مضايقة.. ليه زعلانة.. رغم انى اللى عملته دا الصح

كتبت المشكلة بس اتمسحت ف هقولكم تاني كنت حاكية ليكم اني كنت بحب حد وهو كان حد عزيز عليا لانه كان بيفهمني وكان شخص مناسب ليا بس جه في اول السنة اتغير وبقي يعمل كل حاجه بتضايقني واتكلمنا كتير وديما كان خناق انه محدش بقي مستحمل طريقة التاني المهم انا قولتلكم اني من اخر مرة بعت مبعتش تاني المرة دي كانت ساعة عيد ميلاده وبعتله قولت اني بس علشان مقولش اني ظالمة او اني وحشة زي ما ديما بحس ده ولما مردش قولت تمام حطيت الشات في الارشيف ومبعتش تاني ليه جه امبارح كنت قافلة نت لما صحيت فتحت لقيته باعتلي خمس رسايل مضمون الكلام انه بيشكرني وانه اهله مش بيعملوا زي ما عملت ولا بيهتموا يبعتوا وقالي بعيد عن التبريرات انه بيشكرني اني كنت موجودة جمبه لما هو مكنش موجود المهم انا مكنتش عايزة ارد بس قولتله العفو وهو عمل ريأكت ومتكلمش الفكرة اني كنت بحاول ارجع طبيعي ومفكرش فيه بس حرفيا رجعت لنقطة الصفر وقعدت افكر كتير اوي انا مش فاهمه ليه بعت دلوقت لو كان عايز ينهي مكنش بعت وكده كده مكنش موجود او يقولها صراحة معرفش ليه حتي متأسفش لو شاف كل اللي عملته وهو مش موجود ليه بعت دلوقت علي موضوع عيد ميلاده او في العموم وهو مش بيرد من قبلها بكتير بجد مش عارفة ابطل تفكير وهو اصلا مش مصري وهو شخص المفروض اكبر مني بكام سنة ف ناضج المفروض بس هيكون شغل مراهقة ويعني ك سن قريب من بعض اني في نص العشرينات معرفش بجد ف حد عنده اي حل او حرفيا اسكت دماغي ازاي علشان هرجع الوم نفسي واشوف نفسي السبب

خليك عزيز ومترميش نفسك على حد ، عادي شلتك سابتك مثلا ومش بيحبوا قعدتك امشي انت كمان وسيبهم ، بتحب حد والحد دا مش حاسس من نحيتك بحاجه سيبه وامشي ، كان نفسك تكمل في علاقه بس الطرف التاني سابك سيبه ، خليك عزيز وخلى نفسك عزيزه عليك ، تقبل ان فيه حاجات تكون مش من نصيبك عادي ، انت فالدنيا ولو هنلخص الدنيا كلها في جمله هتكون "الدنيا دار الابتلاء" ، واحمد ربنا واشكر فضله ان ابتلاءك جه على اد شخص كان في حياتك ومشي ، مش لاقدر الله اي حاجه تانيه وحشه ، صل عالنبي وتبسم

مشكلتي مختلفه شويه و محتاج اعرف اعمل ايه. كنت في علاقه مع بنت دامت لمده سنتين و كنا بنحب بعض و علاقتنا كويسه الى حد ما في عيد حبنا بعد ما تمينا سنه في علاقتنا جبتلها خاتم باندورا فضه ك هديه المهم للاسف مكملناش و انفصلنا من قريب مش هنا المشكله المشكله انها دلوقتي عايزاني اخد الخاتم تاني بس انا مش عايز ده مش عشان حاجه والله بس انا اهلي ربوني و عودوني اني لو جبت حاجه لحد مستحيل اخدها تاني مهما حصل يعني من الاخر الهديه مبترجعش و دا اللي اتربيت عليه رغم دا هي مصممه اني اخدو تاني قولتلها لو هو مدايق انو بيفكرك بينا و ب اللي كان بيننا فا تقدري تبيعيه و تعملي اي حاجه ب فلوسو وانا معنديش مشكله مش هدايق خالص و هي برضو مش موافقه و عايزاني انا اللي اخدو انا مش عايز اعمل ده و محدش يقولي خدو و بيعو لان الموضوع مش سهل خالص يعني الخاتم ده فضل معاها سنه كامله يعني حاسس انو غلط اروح ابيعو و واحده تانيه تشتريه و تلبسو زيو زي اي خاتم عادي انا لو بيعتو هحس انها مش حاجه صح تحصل لان الخاتم دا كان قريب على قلبنا احنا الاتنين و في نفس الوقت مش هعرف احتفظ بيه لان كل ما اشوفو هيفكرني بيها اعمل ايه

بلاش تعارف وعلاقات وانك اعجبت ببنت وانك اعجبتي ب شاب ، كل واحد حرفيا بييجي بمشاكله ومتفتكرش انك هتاخد الحلو بس ، ممكن انت تكون بتموت ف واحده وهي بتحبك فعلا بس فالاخر اهلها مش موافقين او انت مش جاهز وغيرك خدها منك او حصل خلاف وسيبتوا بعض ، كل واحد بييجي ومعاه قصته ومش دايما لما تكون متدايق او حاسس بوحده فالحل انك تدور على حد يخش حياتك ، مش هتعرف تشيل حياته وقصته وتهتم بحياته ، كل واحد عباره عن ثقافه ووعي وجزء نفسي ، ف لو شبهك طب ما انت اصلا مش حابب حياتك وبتدور على حد يحلي حياتك تهرب من حياتك وتروحله او حاسس بالوحده ومستني شخص يبقا معاك ، ولو مش شبهك وهتتعرف على حد جديد طب ما الاولى تعرف نفسك وتشوف شغفك اللي ضايع وحياتك اللي بايظه عشان تصلحهم ، دا غير ان بعد الانفصال هي متعلقه بيك وانتي متعلقه بيه ، ومعظم الناس بقا عندها تعلق حرفيا مرضي ، تلاقي حد ايا كان من الطرفين كل التاني يومين بس ممكن يتعلق بيه ويتخيل حياته معاه ونفسه يكون معاه طول العمر .

لسا مفركش يا شباب من شوية كانت أحلى حاجة حصلت في حياتي وأكتر حاجة حبيتها بس كانت بتئذيني ف قطعت أنا مع إن والله هي أكتر حد حبيته ف حياتي وكان نفسي نكمل ف يا جماعة قولولي أتخطى ازاي وأبطل أفكر فيها عشان دماغي هتتفرتك

النهارده سبت الشخص اللي اعز عليا من روحي مر عليا ١٢ ساعه من دونه ارجع وابقي بستنزف طاقتي كلها وهن مش مقدر ولا اخليني بعيده ويبقي معنديش شغف ف اي حاجه نش قاذره اشوفه قدامي وابان طبيعي وكانه مفيش حاجه مش قاذره استوعب ان علاقه قويه كده ممكن تخلص بموقف تافه انا قولت هاخد بريك بس مش عارفه ارجع ولا لا مخانيش مكدبش عليا بس مش بيسمعني مبيحاولش يفهمني مبيحاولش يغير حاجه ف نفسه عشاني عاوزني ابقي ماشيه ع مزاجه بالسنتي مش مقتنع اني بني ادم بغلط عادي مش مقتنع ان تربيتي غير تربيته وطريقتي غير طريقته ومش لازم ابقي شبه اخواته مليون ف الميه عشان ابقي كويسه كلامه الحلو قل او انعدم تقويبا بقيت لازم انا ابادر ولازم انا اطلب الاهتمام والكلام حلو عشان يتقالي انا بنت ودي فطرتي عندي كم سؤال هو عشان علاقه تكمل لازم يبقي مطابق ١٠٠٪؜ للمواصفات اللي ف دماغي ؟ الاختلاف بين الطرفين مش مقبول؟

الحقيقه ان مقدرتش اتخطي ولا حاجة بس بعدت عشان ملقتش الي كنت بقدمو او حتي ربعو بعدت عشان متحبتش واكتشفت ان بتخان عادي بعدت عشان كرامتي ونفسي هكدب واقول نسيت بس لا انا منسيتش انا بس مقدرتش احاول ع حاجة م عايزاني

أنا كنت مرتبطه بواحد ٧ سنين فضلنا مع بعض بس اخر فتره كانت مش بنتكلم خالص وهو اتقدم ووالدتي مكنتش موافقه وهو قعد يقولي اقنعيها وكلميها وحاولي معاه وهو مرنش غير مره ونا لم لاقيته اتغير اخر فتره لأنه شاف بنت في فرح اخوه واتكلموا واحنا لسه مع بعض بس مكنش بنا كلام ونا قولتله شوف حياتك انت وهو زعل عشان بقوله كدا وهو فعلا كان شايفها وارتبط بيها وخرج معاه ف كان لينا فرصة رجوع بس بعدها شوفت كلام حب كتير ليها ف قالي انت بأديك القرار الوقتي خلي وولدتك توافق ونا اسيبها ونتخطب فقولتله كمل معاها أنا مش هعرف اكون معاك راح هو محدد معاد قرأت فاتحته وسايبني عنده ولا أكن فيه حاجه وعرفت قبلها بصدفه قالي اه ونا يعني خطبها ونا لسه موجوده ومن يومها عدا شهر ونص واكتر ونا واقفه مكاني مش عارفه اعمل اي ف حياتي وهو مبسوط معاها ولا أكن كنت ف حياته والموضوع د عملب اكتئاب ف حياتي ومش عارفه افوق لنفسي واشوف حياتي زي مهو شاف انصحوني😭

انا دلوقتي بكلم بنت لكن انا بطلت احبها وبقيت بتجنب الكلام معاها وبتحجج كتير ان انا كنت نايم مشفتش الرساله وهيا بتحبني جدا ومتعلقه بيا ومش هقدر ان انا اسيبها بسهوله عشان انا سبتها مره وهيا ادمرت حرفيا بسببي رجعنا تاني ومن ساعتها وانا عايش بالزنب ده اني يا ريتني كنت سيبتها اول مره وخلاص عشان انا دلوقتي مش عارف انهي معاها خالص اعمل ايه

اتعرفت على شخص من حوالى اكتر من سنة وحبيته، بس مؤخرا تصرفاته ما بقيتش تعجبنى حتى بفيت احس انو بيكلمنى بس وقت لما يبقى زهقان غير كدة لأ وكمان اكتشفت انو بخيل ف مش عارفة اعمل ايه؟؟؟ رغم انو منعنا كلام قبل كدة بس بيرجع يكلمنى وانا برد عادى اكأننا ما قولناش اننا مش هنتكلم تانى، ف عايزة حاجة تخلينى امنع كلام نهائى معاه وما اضعفش فى يوم وارجع اكلمه

انا عندي ١٨ سنه كلمت بنت من سنه و نص و انا حبيتها و اتعلقت بيها و مكنش في مشاكل من ناحيه اهلها لأني كلمت امها و هي وافقت تخلينا نتكلم من كام يوم امها محبتش علاقتنا انا و بنتها و خلتنا نسيب بعض وانا بحب بنتها اوي و مش عارف اعمل ايه لأني بتعلق بسرعه و من كتر ما انا مش عارف اعمل حاجه و بسبب خنقتي بقيت بشرب سجاير مع اني كنت واخد عهد علي نفسي مقربش منها ابدا انا عارف ان دي مش نهاية الدنيا ولا حاجه بس انا مبقتش قادر اكمل و حاسس اني بقيت لوحدي علشان هي كانت بيتي و حياتي كلها انا بجد تعبت

غريب جدا انك تنفصل عن شخص مؤذي و مرمطك و انك تعبت منه فعلا و قررت انك تبعد و حتي بعد ما عملت كده لسه مش قادر تتعافي و يقوت شهور و لسه دماغك بتفكرك كل يوم ب كمية الأذي و انك فعلا مكنتش تستحق الأذي ده و حتي لما كنت تعاتب كان يترد عليك ب برود و قلب الترابيزة عليك انك انت الي عملت .. ناس متستحقش تتعاتب حتي .. تعب و ارهاق بدني و نفسي بسبب ناس متستحقش حتي كلمة .. حسبي الله ونعم الوكيل

بقالنا صحاب داخلين ف الاربع سنين قرر يعترفلي وبعدين اختلفنا ع حجات وسالتو انت عايز نسيب بعض قالي اه واحنا مكملناش 20يوم سوا ولسا بفكر في سعات لحد دلوقتي اعمل اي عشان اتخطاه حساه توكسيك..... 🙂

السلام عليكم هوا كنت بحب وحده وتركتنى ومش عارف انساها بقالى سنه وحاسس بضيق مش طبيعى حاولت كذا مره ارن عليها بس هيه مش بترد وكانت بتفصل فالواحد يعمل اي بس .وبعدين قلت خلاص مش هكلمها تانى بس

يا شباب انا كنت مرتبط ببنت ٣ سنين ومكنتش بكلم حد غيرها حرفيا ومخلص بزياده اوي لدرجه اني كنت مخليها هيه الجنس الآخر في حياتي ومكنتش بحب اتعامل مع البنات في التعاملات الحياتيه العاديه اختصارا ....كان فيه مشاكل بينا وسيبنا بعض تانيه جامعه وهيه بالمناسبه معايا في نفس الكليه المهم ان مشكلتي حبيت اني بحس اني مرتبك او متوتر علي خفيف او(بعمل تصرفات وبقول لنفسي بعدها ازاي انا يطلع مني كده انا ليه مش بكون مركز او حتي طبيعي) لما اجي اتعامل مع بنات مش عارف احل المشكله دي ازاي

انا وهيا قعدنا اكتر من اصحاب 3 سنين وقفت معاها وساعدتها وغريت فيها كتير من الاوحش للاحيسن وامها حبتنى و الدنيا فل او ل ما كلمت ابوها اتقلبت عليا وكرهتنى وقالتلى مش شايفاك غير اخ وبقت بتعاند كتير اخر مره اتكلمنا يوم الفالنتاين وبعدها بعدنا انكشها واصالحها ولا لا (معلومه انا بحبها بس مش عايز ارجع )

انا كنت بحب شخص وفضلنا نحب بعض 4 سنين وحصل ظروف وسبنا بعض لما جيت ارجع ليقتو بيكلم صاحبتي هو ندم ورجع قالي نرجع تاني بس انا رفضت عدي سنه كل فتره يدخل يكلمني دلوقتي مبيكلمنيش خالص ولا حتي بيسال عليا بس نا دايما بسال عليه وبطمن ع اخبارو وحسيت اني عاوزه ارجعلوا ازي افتح الموضوع معاه او انتو شايفين ايه الافضل؟

كنت مرتبط ببنت قريبة مني جدًا وفاهماني ومريحاني نفسيًا. عرفنا بعض حوالي سنة، واعترفتلها بمشاعري قبل ما نسيب بعض بـ 6 شهور. حصل بينا خلاف على واتساب يوم 12 سبتمبر 2022 وقررنا نبعد، ومن ساعتها مفيش أي تواصل. سبب البعد كان إنها كانت عايزة ارتباط رسمي بسرعة، وأنا كنت مأجل بسبب ظروفي وقتها (استلام شقة ومكنتش مستقر). لحد دلوقتي لسه عندي مشاعر ليها، لكن في نفس الوقت عندي تخوفات من الرجوع بسبب اختلافات في القيم ونمط الحياة. حاسس إني نضجت، بس مش متأكد هل ده كفاية ولا لأ. السؤال: هل عشان أقفل الموضوع جوايا أحتاج آخد خطوة وأكلمها؟ ولا الأفضل أسيب الموضوع زي ما هو وأتخطى من غير أي تواصل؟ خصوصًا إن المشاعر موجودة، بس المشاكل الأساسية ممكن ترجع تاني.

انا كنت مرتبط ببنت نعرف بعض من ٥ سنين كنا زمله في المدرسة الثانوي و بعدين انفصلنا في اخر سنه وكنا علي تواصل لمده سنه ونص وبعدنا سنتين ونص ورجعنا تاني بس الرجعه الاخيره دي كانت من سنه وكام شهر قعدنا مع بعض ٦ شهور وفي اخر فتره كنا فيها مع بعض حصلت مشاكل كتير وصلت للاهل من غير دخول في تفاصيل المهم كان حل المشاكل دي اني اروح اتقدم لها رسمي ونقرا فاتحه وده حصل فعلا من ٩ شهور ومن ساعتها منعرفش حاجه عن بعض ولا في تواصل ولا حتي طريقه اعرف اتواصل بيها معاها وكل الأرقام مقفوله ف مش عارف ده اي او اعمل اي يعني انا دخلت البيت من بابه واتقدمت رسمي وقريت فاتحه ليه بس الانقطاع ده ؟؟ هي وحشاني وعاوز اكلمها واطمن عليها بس مش عارف قولولي اعمل اي واتخطي ازاي+ انا بقالي كام يوم بفكر انهي الموضوع بس لما الاقي طريقه للتواصل يمكن الوضع يبقي احسن ومبقاش متعلق ف الهوا كده تعبت والله

انا تايهه اوي بعد الانفصال بقيت بحاول اعمل اي حاجه حتي لو غلط بس انشغل بس محسش بنفسي وبعدين بطلت وبعدين رجعت تاني انا مش عارفه ابقي مبسوطه ولا عارفه اعمل ايه مخنوقه بجد وعندي فراغ عاطفي

جماعه انا تايهه انا مش عارفه انا عايزه ايه ولا بنبسط بايه انا بحاول اشغل نفسي دايما باي حاجه حتي لو غلط بس مش مبسوطه نفسي ارجع زي زمان قبل ما يسبني من يوم ما مشي وانا مش كويسه

كنت مرتبطه بحد وقعدنا سوا سنه و٧ شهور وكانت علاقتنا كويسه بس بعد كدا كان بيخصل مشاكل كتير والحاجات الي بنيت علي اساسها فالعلاقه اتغيرت والشخص دا طلع مش مناسب ليا حاولت اشرحلو كتير الحاجات التوكسيك ف علاقتنا وحاولت امشي بس هو كان بيتمسك بيا اوي وبيحاول علشاني بس مش كفايه لحد ما عرفت انو بيخوني وفالاخر سابني علشان واحده تانيه واحنا سوا كان بيدعي حاحات كتير مش ف شخصيتو وبيكدب عليا ف حاحات كتير علشان كان عايز يحتفظ بيا بس فالاخر اما بدات اعرف حقيقتو سابني وكنت عايزه الموضوع ييجي منو لاني استنزفت وكنت مش عايزه احس بالذنب دلوقتي انا حسه اني خسرانه حاجه وعندي شعور فقد مؤلم رغم ان عارفه ان مش هينفع لاني برفض الاسخاص ااي من النوع دا بس هو مثل كتير شخصيه مش شبهو لحد ما اتعلقت بيه

خلاص قررت اني ابطل احاول اصل هحاول مع حد اصلا بيتلكك علشان يمشي و علشان يخاصم و اللي بيحب بجد ولا بيقدر يخاصم ولا يمشي كفايه كسره و وجع قلب يدوب الم اللي باقي من كرامتي و قلبي و امشي انا قبل ما يقولها صراحه و ميتبقاليش حاجة خالص حتي لو مش عاوز يقول انه مش عاوز يكمل بس افعاله اقوي بكتير من الكلام

انا كنت مرتبط ببنت و قعدنا فتره مرتبطين .. لكن هي قررت تبعد و تشوف حياتها وانا بدات اشوف حياتي بس خدت وقت .. لكن بيجي وقت عليا و احس اني برجع لنقطه الصفر .. مش فاهم دا ليه و بيحصل كدا ليه بس بقعد اقول هي الي اختارت وهي الي طلعت انانيه و ف نفس الوقت لما بفتكر ايامنا سوا و ذكرياتنا سوا ازعل عل الي وصلناله وبعد م كنا اقرب اتنين لبعض بقينا كل واحد ف سكه و لي حياته انا عارف ان الحوار يبيان عادي و بسيط لكن دا مسببلي خنقه و زعل طول الوقت

كنت بحب وحدة و كانت بالنسبالي كل حاجة في الدنيا كانت هي الدنيا ليا و مكنتش مقصر معاها في اي حاجة او على الاقل على حد استطاعتي كانت حبيبتي و بنتي و نونتي و صاحبتي و اختي و روحي و كل حاجة كان عندي استعداد ابيع الدنيا عشانها و العلاقة بينا كانت متطورة لابعد الحدود و المفروض انها كانت محسساني انها بتحبني . المشكلة انها كانت ماشية ورا اهلها في كل حاجة في طمع امها و استغللها و تخلفها و جهلها ورا اخوها الديوث ال مش يساعد اخته للجواز لا ده عايز يتجوز في شئ يخصها على قفاها . و كانت تدخل عند حد من صحابها او تشوف حاجة عند صحبتها تفضل تقول انا كان نفسي فيها و عايزها زيها . و تيجي اخر حاجة ان كان في مشاكل بيني و بين اخوها و خطيبته و هما اصغر مني في السن بكتير و اقل مني في المقام بكتير انا راجل مهندس و هما حياله دبلوم و كان قبلها بيوم مشكلة كبيرة بينهم . و يجي تاني يوم حد يقولهم حاجة عليا و هي تصدقها مع انها غلط انا كنت بسال على حاجة عشان اعملها مفاجئة بيها و يطلعوني بشرب مخدرات و ماشي غلط و ده مش صح ال كسرني و جرحني ان هي كانت عيزة تكسرني و تذلني و تحط راسي في الارض قدام الناس ديه و تكسر عيني قدامهم عشان متكلمش عليهم التاني . المشكلة الكبيرة ان احنا انفصلنا قبل جوازنا بشهر واحد بسبب المشكلة ديه و لغيت النهردة مش عارف انساها و بفكر فيها ٢٤ ساعة و في حرب جوايا مبين حبي ليها و كرهها و غل من ناحيتها بسبب ال عملته فيا انها كسرت فرحتي و فرحة اهلي بيا و باعتني و كانت عيزة تكسر عيني و تذلني . انا بتمنى من ربنا اني انساها و ربنا يعوضني خير عنها و حسبي الله و نعم الوكيل فيكي يا م.س.م.ع وحسبي الله ونعم الوكيل في اخوكي و امك و اهلك كلهم يا رب تقري الكلام ده و تعرفي انك المقصودة و تعرفي انت عملتي ايه فيا دنا حاولت انتحر مرتين بسببك . منك لله و ان شاء الله هتشوفيني و انا ربنا معوضني بال تستهلني و اخليها ملكة عشان انتي مقدرتيش النعمة يا واطية يا بياعة يا ناقصة يا رب اجبر بخاطري و عوضني خير عنها لو حد عندو نصيحة ليا ياريت ميتاخرش بيها لو سمحت