انا حاليا شاب عندي ١٧ سنه وداخل علي ال ١٨ المهم انا ابويا وامي حرفيا يوم بيبقوا كويسين ويقعدوا يومين تلاته واللاقيهم متخاصمين مع بعض في حاجات تافهه يعني انا تقريبا ابويا وامي اكتر ناس بيتخانقوا وبيتخاصموا مع بعض لدرجه انا حاسس ان فيه حد باصص لنا في حياتنا من كتر اللي بيحصل ده ومن كتر الخناقات عايز اقولهم بتتخانقوا ليه مش لازم ملهاش لازمه الخناقات اللي بتبقا يوم ورا التاني انا عايز اقولهم بطلوا شغل العيال ده بس طبعا مقدرش اقولها وحاجه تانيه ابويا مثلا لما بييجي يشتري طلبات للبيت الطلبات اللي بيشتريها بالفلوس بيكتب حسابها ويقول لامي هاتي حق الحاجات دي كلها وامي بتدفعلنا كل حاجه ليها علاقه بالبيت أو غيره حرفيا وتالت حاجه أن ابويا لما بيطلع يخرج مع أصحابه امي بتضايق منه وده من اكتر اسباب خناقتهم اليوميه ومن كتر خناقتهم مببقاش طايق نفسي انا كواحد بحب ساعات القاعده في البيت أو مثلا ليا صحابي بيتصلوا عليا بيقولولي تعالا نطلع يلا المشكله انا لما اجي اطلع امي بتقولي متيجي نخرج وبتاع الصراحه مبحبش اخرج مع حد الا صحابي بس ساعات بخرج معاها عشان اجبر بخاطرها ومزعلهاش لأنها بتصعب عليا الموضوع ده كتمته كتير اوي بس انا زهقت من كتر خناقتهم انا مش فارق معايا خناقتهم بس ليه لما اقعد اللاقي حد منهم بيستخدمني كوسيله ان هو بيقولي روح اقول لامك كذه وامي نفس الكلام ساعات بتيجي تقولي روح قول لابوك كذه وانا اعرف لما الزوج والزوجه بيكونوا زعلانين مع بعض الزوج عادي بيروح يصالحها او ينكش فيها وبيهزر معاها عشان تصالحه او حتي الزوجه بتروح تصالحه وتقوله انا اسفه بس علي العكس عندي بيقعدوا كتير زعلانين مع بعض وفجأه اللاقيهم بيكلموا مع بعض بعد كذه يوم مقاطعه وطبعا انا اسف والله ان انا طولت عليكم وحقكم عليا واللي يلاقي حل يقولي أو اللي عنده نفس السبب يقول برده
هو للأسف مفيش حل، انت كل اللي عليك تهدي الدنيا مبينهم، لأن دول أهلك ومحدش بيغير أهله