توتر

معنديش اي مشاعر اديها لحد وفكرة العلاقات او الجواز بعيدة اوي عني لاني غير مستقر خالص في كل حاجة ولكن للاسف الشديد في بنت عرفنا بعض من فترة عن طريق الشغل و كلامنا كتر ولقيت انها بدأت ترن عليا كتير لو انا مشغول وتضايق لما مبردش وانا معرفتش ازاي اتعامل فا قولتلها اني رايح مكان مفيهوش اي سيجنال لمدة اسبوع لظروف شغلي ووعدتها اني لما ارجع هكلمها،عدي نص الأسبوع ولسا مش عارف هعمل ايه خصوصا انها هتكون خسارة كبيرة اوي لو خسرتها سواء في الشغل او كصحاب

عدى على امتحانات الثانوية مدة كبيرة جدا و لسه الواحد بيتوتر ، لسه بحلم بتفاصيل الامتحان و اللجنة لسه بحلم اني متأخر في المذاكرة خصوصا في الرياضة و الانجليزي عشان مكنتش ملتزم في الدروس كنت ممكن اروح مرتين تلاتة في الشهر 😂

اللهم يا جامع الناس ليوم لا ريب فيه، اجمعني بـالتقدير الذي أتمنّاه، واجعل نتيجتي فوق ما أرجو.. 🤍✨ أيام قليلة على النتيجة، والقلب متأمل في كرم ربنا ولطفه إنه يجبر خاطري ويفرحني بالتقدير اللي تعبت عشانه. ​دعواتكم الجميلة من القلب أن ييسر الله لي أمري ويجعل نتيجتي (B-) وأعلى يا رب.. لعل أحدكم أقرب إلى الله مني وله دعوة مستجابة. 🙏🌸

أنا مش ملاك ولا شيطان ومش بقول اني كل حاجة بعملها صح ده بالعكس والله أنا بقعد أراجع نفسي وأغلط نفسي كتير أوي ويمكن في الأخر أخلي الذنب كله ذنبي أنا طب هو حد بيعمل كدة والمواقف والحاجات اللي عمالة اراجعها اللي قدامي بيراجع نفسه فيها كدة طب ليه الدوشة دي كلها وليه مايبقاش دايما فيه مصارحة أول بأول ان ده زعلني منك وان انا مش صافية ليك دلوقتي ليه تسيبوا الواحد لدماغه بجد يقعد يراجع فالموضوع من كل الزوايا ويستنى الاشارات وطريقة الكلام وردود الفعل والتلميحات ما نصارح بعض يا جماعة الدنيا هتبقى أبسط كتير حتى لو جيت قولتلي أنا مابقتش طايقك ومش عاوز أعرفك تاني وكدة من غير سبب هيبقى أريح من الانسحاب والبرود والحجج الفارغة وأقصر والله

جماعه بعيدا عن الحزن والاكتئاب نازل ديت مع بنت بنتكلم بقالنا كتير واصلا نعرف بعض وأهلنا وكدا بس دي اول مره أخرج معاها عشان لو حصل قبلول هيبقي ف خطوبه رساله للبنات بقا اي الحاجات الي بتلاحظوها رخمه ف الشخص وكدا

عايز اعرف انام نفسي بجد ازاي بتفرغوا الضغط اللي جواكم واللي بيتولد بسبب حاجات لازم تفضل في حياتي لإن دي إنجازات لازم احققها بس هي كدة كدة بتضغطني جدا بطريقة بشعة كدة كدة المشكلة مش في الحاجة اللي شغال عليها المشكلة فيا بس انا مش بعرف انام من كتر التفكير والضغط ف ازاي افرغ دة

٢٠٢٤ كنت رايقة فيها لدرجة اني بفتكر الحلو منها بس، منتظمة ف صلاتي، منتظمة ف اكلي وحققت تارجت هايل ف الخسسان كنت بحلم بيه من زمان طبعاكنت بروح لدكتور بس السنة دي مكنتش بشتغل، كنت لسه متخرجة وبعمل دبلومة ففكرة اني اروح محاضرات كانت للترفيه مش اكتر بعدها بقيت اشتغل، وقتي اتزحم جدا لانهم شغلتين وياريت العائد المادي كويس، بقيت اصلي بشق الانفس ويصعب عليا اقول كدا، اكلي اتلغبط جداا خصوصا السنة دي لاني بجانب الشغل رجعت ادرس والضغط زاد جدا، بقا اي حاجة ف طريقي اكلها خصوصا اني لما بتوتر باكل، بتضايق باكل وهكذا فكرة اني ارجع للدكتورصعب لضيق الوقت واصلا اليوم اللي بروح فيه للدكتور كان بيضيع كله مش مجرد ساعتين تلاتة مبقتش طايقة ابص لنفسي ف المراية وانا شايفه جزء من هدومي بقا شكله بششع المشكلة ان الزيادة كانت مفاجأة، انا ف رمضان كنت حاجة بعد العيد بقيت حاجة تانية مرعببة مش عارفة اعمل ايه حقيقي زعلانه ع اللي وصلتله جدا

كيمياء النهارده والبنات الي في لجنه عصابه مع بعضهم اصلا وبيكرهوني ودا سبب المدرسين كانو بيحبوني اكتر في بنت خدت من الكل اسأله ونا كمان اعطيت ليها رفضت اعطيها تاني قالوا معايا سماعه زعقت وشتمتهم جدا وريتها وداني ومافيش حاجه ورحت قولت لمراقبة اللجنه وقولت للبنت انتي وقحه. واضايقت جدا المشكله ان هم بيغشوا وبيخلصوا ربع الوقت او نصه وانا مش عاوزه اقول عليهم خايفه هم يقولوا عليا في الانجلش ورقتي تتاخد وادخل في س و ج والوقت يضيع. اعمل ايه المره الجاي لان هم بيغشوا اصلا بس عاوزين يطلعوا سمعه عليا عشان اديتها سؤال ومارضتش تاني. بتقولي صوت عالي بقولها صوت ايه وبتشازر علي الودن كدا عبط.

بتعملوا إيه ف اخواتكم الأولاد إللي كلها تحكمات البسي وما تلبسيش الفكرة أصلا بلبس جيبه وكرهاها بردوا بيعلقوا وحوار الموبايل مافيش أي زفت خصوصية لازم يمسكوه مش بعمل حاجه غلط بس ممكن شات زي هنا أو زميل بينا كلام عادي بس ده أصلا ممنوع لو عرفوا وبكون متوتره أنا تعبت منهم بجد دايما صوتي عالي بسببهم واستفزار

هوا ايه وصلنا لكده خلاص مبقناش واثقين فحد خالص حتا جينا هنا عشان نتكلم ونطلع من جوانا بس برضو لسا خايفين طب خايفين ليه ده لو الي هتحكيلو وحش كدا كدا تمامو بلوك بس هوا العقل بقي خايف يتعرض للخزلان حتا من حد ميعرفوش حاسس بكل حد بيخاف يتكلم

ازاي اواجه القلق الموضوع بيتطور عندي لدرجة اني مبقتش بنام وبصحى من نومي بال ٤ و٥ مرات وافضل كتير على ما انام تاني بسبب القلق والتوتر بنام ممكن في الليل ٣ ساعات او ساعتين وارجع انام مقطع تاني الصبح بسبب الافكار الكتيرة ودماغي ولما بنام مش بعرف انام بجودة كويسة بسبب كتر الافكار والقلق لدرجة اني بحلم بيهم وبصحى وانام عليهم القلق هنا مش من حاجة كبيرة لا دة اضطراب قلق وتوتر عشان أوضح يعني انا تعبت أقسم بالله

فيه زميل شغل لفت انتباهي، بينا تعامل كويس وهزار خفيف جداً في حدود الشغل. حابة أعرفه أكتر، بس من غير ما أبقى تقيلة أو أبان إني بجري وراه. أعمل إيه؟ انا بس عندي فضول ناحيته وهو كمان بس مش عارفة ممكن اتعامل ازاي خصوصاً اني بتعامل مع الكل عادي وساعات بنهزر بس هو بيفضل يبص والتعامل بينا اقل من باقي الزمايل بس ساعات لو مش حوالينا حد ممكن يقول حاجة او يهزر هزار خفيف

انا دولقتي عندي مشكله بقيت عصبي جدا بس عصبي داخلي يعني ممكن من اقل كلمه اتعصب أقل موقف لدرجه اني بقيت اخاف من عصبيتي لو طلعت بكون هادي قدامك وممكن مره واحده اتعصب ده تخزين مواقف انا عارف فانا حاليا محتاج حاجه اطلع فيها الغضب بطريقة طبيعه فلو حد عنده افكار يقول

مش عارف بس انا شخص أما بمر بمشكله أو مواجه حاجه معينه حتي لو تافهه بحس حياتي بتبقي واقفه لحد ما الموضوع يخلص ياعني دماغي تبقي شغاله ٢٤ساعه وبتأثر عليا بالسلب بس مش بقدر ابطل موضوع مرهق ومتعب حاولت كتير بس بحس إن مفيش فايده

​يا جماعة عايز اخد رايكم في حوار طويل عريض وتعبلي دماغي لما تكون بتكلم واحدة وطريقتها عجيبة اوي معاك ساعة تنكشك وتقول لك يا حبيبي وساعة تانية تحسسك انك اخوها وحاطاك في خانة الصديق واللي يجنن اكتر ان في شخص تاني في الموضوع حبيبها او مرتبطين وانا شغال اطّفش فيه من ناحيتها وهي برضه لسه متمسكة ومسائسة الحوار والكلمة اللي تكسر المقاديف دايما لما تقول لك لو كنت جيت الاول بس الغريب بقى لما بنفتح كل وبنتكلم بليل صوتها بيبقى حنين جامد وفي طبطبة كدا مش محسساني خالص اني صاحبها ولا صديقها ولا اي حاجة من دي.. انتوا فاهمين حوار الصوت الحنين دا بيعمل ايه في الدماغ يوم تسهرك معاها وتقول لك استنى للساعة 2 بليل عشان نتكلم ويوم تاني تقلب وتتقل ولما تقفش عليها تروح مبررة ومسايسة الكلام بضحكة وتثبتك طب لو انا غالي عندك وصوتك معايا كدا.. ليه الفرملة دي وليه شغل حامي بارد ساعة تحسسك انك كل حاجة وساعة تانية تحسسك انك مش في بالها اصلا بجد انا مش فاهم الدماغ دي ايه انا بعتذر لاي بنت هنا لو كلامي فيه حاجة غلط او عيب بس انا داخل اخد نصيحتكم كبنات بالذات عايز اعرف منكم ومن خلاصة تجاربكم بكل صراحة من غير لفت ودوران دماغ البنت دي ايه وبتحبني ولا بتتسلى عشان اعرف ارسي على بر واقفل الحوار دا لو مفيش منه رجا

روحت شغل جديد من شهر ودايماً بيحسسوني اني غبية او مش فاهمة او بطيئة مع اني بجد شاطرة بشهادة كل حد اشتغلت معاه من تاني يوم شغل المدير بيزعق علي اسباب تافهة ومبتبقاش غلط مني يعني مثلاً تاني يوم شغل اول ما جيت سألني تعرفي كذا (اسم شخص) فسألته مين هو ؟ زعقلي وقالي ازاي تاني يوم شغل متعرفيهوش ( مع العلم الساعة كانت 9 صباحاً ) وكنت لسه بتعرف على الناس انا فعلاً حاسة ان كرامتي متهانة بقالي شهر ومش عارفة اتعود ومش عارفة حتى اكل ولا انام ومش عارفة اظبط اي حاجة في حياتي

دلوقتي انا شاب و مريت بمشاكل كتيرة في حياتي معظمها بسبب اكبر اخواتي و لما وعيت عرفت انو مضطرب عقليا بس عقلو شيطان لو حط حد في دماغو و ام متوفيه و ابويا رمينا و انا اصغر اخواتي و احنا 5 بيا و كل واحد من اخواتي ساب البيت بشياكة بس اخواتي الولاد بيرجعو عشان الفواتير بس انا الوحيد اللي عايش معاه و صحيح انا كل شوية عملل استوعب اكتر و اكتر انو بيتلذذ في انو يأذيني ، انا مش فاهم بردو تفسر بي اي واحد عرف عن اخوه الصغير غلطة لا مش يجي يواجهو و يقولو انك غلط و واحد اتنين تلاتة ، لا ياذيه الاول و يخليه يشد في شعرو من اللاعيب النفسية اللي بيعملها و بعدين يقولو بعد 7 شهور او سنة من الجنان انك غلط في الحاجة الفولانية دي حاجة بسيطة من اللي كان بيعملو معايا و معلومة عني ناس كتيرة من صحابي و معرفي بيقولو انك متوتر بدون سبب طول الوقت و وشك في علامات الفزع و متضايق ، بالله عليكم اتصرف ازي عشان بجد اخويا عقد اخواتي كلهم و شغال عليا و مع العلم انو 32 سنة و مش شغال

أنا بجد بكره الأفراح والمناسبات الاجتماعية، وبحاول أتجنبها على قد ما أقدر، لأنها بتسببلي توتر وضيق شديد، ومش بعرف أستمتع بيها زي أغلب الناس، وبحس بعدها بإرهاق نفسي كبير وبكون مستنيها تخلص بأي طريقة.

هالو انا بجدد اوضتي ف نزلت انا و بابا و ماما اتفرجنا كتير كذا مره لحد م عجبتنا اوضه غاليه و اوضه متوسطه ف بعد كذا يوم بابا قالي انزلي اشتري الغاليه لأنها احسن نزلت فعلا النهارده انا وماما اتفرجنا و اتكلمنا المهم بفتح الدولاب لقيت كذا خبطه رجعنا للراجل قولناله عايزين واحده غير دي لان فيها كذا خبطه (احنا اوڤر) قالنا انه عنده حته تاني في المخزن متغلفه ف دخلنا شوفناها شلنا التغليف و اتاكدنا و كتبت عليها ف بقول لبابا قالي طلما عنده حته تاني يعني دي مش هتبقي كويسه وفضل يقولي انتي مش حاسه بالمبلغ اللي اتدفع و تعبي و شقايا وكلام كتير و قلقني منها و المفروض عمو هيجي و يتركبها بعد شويه واحنا دفعنا جزء كبير من فلوسها اكتر من نصها وبابا قلقني اوي رغم اني فتشت فيها كويس انا وماما بس خوفني اوي و فضل يقولي بتاعت العرض احسن وكلام كتير و بعد لما كنت فرحانه بيها حسيتني ندمانه

عندي مشكلة وهي اني لساني تقيل وسعات كدا بتهته مع ان الكلام بيبق جوا دماغي بس باجي انتطق احسو مش بيطلع وللاسف ده عملي مشكلة كبيرة للعلم مش مع كل الناس لماةبحس بتوتر بس بس رحت لدكتور قلي ان ده بسبب نفسيا وان فعلا بقيت كدا مؤخرا يعني كنت طبيعي الاول مش عارف اعمل ايه انا تعبان بجد

جماعه لو حد ليه ف الانترفيوهات يرد عليا ... روحت انترفيو و عملولي اختبار اكسيل علي الكمبيوتر و كان المفروض ادخل للاتش ار فضلوا مقعدتي ساعة ف الريسيبشن وف الاخر واحدة قالتلي الاتش ار عندها كذا حد مقدم هتشوف وهترد عليكوا بس وشها مكنش بيضحك انا كده اترفضت ولا ايه 🥲🥲🥺🥺

عندي مشكلة على قد ما هي تافهة على قد ما هي زاعجتني هي انو ما بعرف حط مكياج ما بعرف السبب بس انا حفلة تخرجي يوم التلاتة الجاية مش عارفة احط ميكب حلو ومرتب والمنتجات الي عندي ما عم تساعد وبسرتي بحالة مذرية جدا وما حدا يقلي روحي عند ميكب ارتست لو قادرة كنت رحت والله بس دفعت كل مصرياتي على الحفلة واخر ايام بالثانوية ما بدي حل بدي اشكي همييي بس انو لو عنكن حل اعطوني 😂😂

حاطه ضغط على نفسي لسبب وبدون سبب ومعرفش كل دا هيوصلني لفين وهل هوصل للهدف؟ والسؤال الاهم هوصل سليمة نفسيا ولا لا عشان باللي بعمله في نفسي دا اه هوصل بس هبقى اُستهلكت. طب هو انا بكبر الموضوع ولا هو فعلا كبير وهما الرحمة اتنزعت من قلوبهم. انا بخاف ابقى زيهم وبخاف اعتاد كل دا بس في نفس الوقت بستهلك نفسي وصحتي. ومش عايزه اهرب عشان دا الواقع وانا فرضته على نفسي

حد هنا في تالتة ثانوي يقدر يفهمني نظام المواد غير المضافة للمجموع؟ أنا محتاجة أعرف هل لو جبت في مادة غير مضافة أقل من درجة أو درجتين بيتم النجاح ولا في إعادة امتحان أو دور تاني؟ الموضوع مأثر عليا ومتوترة جدًا ومش فاهمة النظام بالضبط وعايزة رد يكون من حد مجرب أو فاهم النظام في المدارس لو فيه فرق في القرار حسب الدرجة أو الرأفة أو الحد الأدنى للنجاح في المادة دي ياريت حد يوضح لي التفاصيل بشكل بسيط عشان أنا حاسة إني تايهة ومحتاجة إجابة تطمني شوية عن الموضوع ده لو سمحتم خصوصًا إن السنة دي حاسّة بضغط كبير ومش عارفة أتصرف إزاي فلو حد عنده تجربة أو معلومة مؤكدة ياريت يكتب لي هنا وشكرًا مقدمًا في أقرب وقت ممكن حد يرد علي ويشرح لي النظام خطوة خطوة عشان أهدى وأفهم بدل القلق اللي انا فيه دلوقتي بجد محتاجة توضيح لو سمحتوا

انا مرتبط ببنت و كانت الفترة ال فاتت عندها امتحانات و كان كلامنا قليل جداً بسبب انها بتذاكر و كنت متفهم دا و بدعمه ، ولكن بعد ما خلصت الامتحانات و بقت في بالاجازة الموضوع استمر نفس الاختفاء بترد بعد ساعة، مفيش كلام متصل بينا تبعت الرسالة و تختفي و ترجع بعد ساعة أو اكتر لو انا مبعتش هي متبعتش ، لينا يوم قررت ما ابعتش و طبعاً مفيش اي حاجة منها انا وضحت ليها انها مختفية فكان ردها انها نومها متلغبط او انها برة بتزور جدتها او مشغولة بتعمل كروشيه سألتها بوضوح هل مشاعرها متغيرة هي مش مجبرة تقلي بحبك قالت لي انا بحبك و متتكلمش بلساني انا مش مجبرة و دلوقتي عدي يوم من غير ما تبعت...تنصحنوني اعمل ايه ؟

انا سهران مخنوق بكل ما تحملة الكلمة من خنقة عمال اقلب وخلاص مش عارف اتكلم ولا لاقي حد اتكلم معاه زهقان وموضوع انك تكلم وانت مش علي طبيعتك يخنق اكتر بقيت اكره الوحده لو لوحدي ولما يكون حد ف حياتي اشتاق للوحدة بجد مش عارف اعمل اي

من فترة صارحت بنت بمشاعري بعد فترة طويلة من المعرفة والارتياح في الكلام بينا. قبل الاعتراف كنا بنتكلم براحة وعفوية، وكان بينا هزار وونس وتواصل مستمر، وكنت بحس إنها من أكتر الأشخاص اللي بقدر أحكي لهم وأكون على طبيعتي معاهم. بعد ما صارحتها، الأمور اتغيرت بشكل ملحوظ بالنسبة لي. هي قالت إنها محتاجة تحط حدود أكتر وإنها بقت متغيرة مع ناس تانيين كمان، وإن ده نوع من حماية نفسها. المشكلة إني حسيت إن طريقة الكلام والردود بقت مختلفة عن اللي متعود عليه، وبدأت أحس بمسافة بينا. كل ما كنت أحاول أفهم أو أوضح إحساسي، كانت بتطلب مني إني ما أفترضش حاجات أو أبني سيناريوهات من دماغي. وهي شايفة إن عندها ضغوط ومشاكل ومسؤوليات، وإن مش لازم تشرح كل حاجة بالتفصيل كل مرة. أما أنا فكنت حاسس إني تايه بين حاجتين: هل اللي بيحصل مجرد حدود جديدة وضغط عندها؟ ولا ده بداية ابتعاد تدريجي بعد ما عرفت بمشاعري؟ وصلت لمرحلة إني بقيت أتردد قبل ما أبعت رسالة، وأفكر كتير قبل ما أقول أي كلمة، وأحلل الردود بشكل مرهق. الشخص اللي كنت بجري عليه لما أكون مخنوق، بقيت أحيانًا بخاف أكلمه أو أحكي له. في نفس الوقت هي ما قالتش بشكل مباشر إنها مش عايزاني في حياتها، وما قطعتش التواصل تمامًا، لكني بقيت حاسس إن شكل العلاقة اتغير، وده سبب لي ضغط نفسي كبير خلال الفترة الأخيرة. دلوقتي أنا واقف عند سؤال واحد: لما شخص يكون مهم عندك جدًا، وتحس إن طريقة تعامله معاك اتغيرت بعد ما عرف مشاعرك، هل الأفضل تفضل تحاول وتحافظ على العلاقة بالشكل الجديد؟ ولا تبعد بهدوء وتحافظ على نفسك من الاستنزاف النفسي؟ بصراحة أنا تعبت من التفكير، ومش عارف إذا كنت متأثر زيادة عن اللزوم، ولا إحساسي في محله وابعد ولو هبعد اقولها واصارحها قبل ما ابعد بكل الكلام الجوايا ولا اختفي وخلاص مع العلم ان انا خايف يكون اختبار مستفز لمدي حبي واستمراري في العلاقه ولو بعدت يبقي انا من وجهة نظرها مش بحبها وبجرب حظي او اي حاجه بقي ممكن تتفهم ده غير ان انا بنزل استوريهات واتس كتير وولا حياه لمن تنادي وتجاهل رهيب حتي في كلامنا بتقول مش فاهمه مالك .. لما اقول لوحده انا مخنوق ومضايق من كذا وكذا والاقيها بتقول ماشي بدل ما تتكلم وتهديني او تفهم تفاصيل اكتر او حتي تبرر لا يبقي الرد ماشي.

السلام عليكم انا تالته ثانوي والنهارده كان اول امتحان ليا والحمدلله عدي وكان كويس بس بجد انا متوتره جدا ومش توتر عادي انا النهارده مكنتش عايزه اصحي كنت عايزه اموت بس مبداش امتحانات وعماله اتخيل انه هيحصل كذا وهنسي كذا مش عارفه اقول ايه خايفه اوي من الامتحانات وخايفه من النتيجه اكتر انا معملتش احسن حاجه بمنتهي الصراحه بس انا تعبت اوي نفسيا وجسديا السنه دي دا غير امي امي وبس هي الي عملت عشاني هو دا طبيعي طيب اعمل ايه انا بس معرفتش اقول لحد او اتكلم هو انا مكبره الدنيا بس بجد انا حاسه بتوتر فعلا جدا هو ممكن دا بسبب اني بمر بحاله اكتئاب وعندي قلق عام ولا دا عادي

المشكلة مازالت قائمه الورقه المطلوبة فالشغل لسه مش عارفه اجبها والمشكله أن احتمال كبير اوي العقد اللي مضيته معاهم يتلغي تلقائيا فمحتاجه دعواتكم ليا ضروري بالتوفيق بكرا اخر فرصه ولازم تظبط بجد لأن مافيش حل تاني 😔

جماعه هو انا لو فاضلي درجتين ونص عشان انجح ف ماده العلوم و نقصت الدرجتين ونص دول جبت 17.5 من 40 هل لو انا عملت تظلم ممكن اخدهم ولا لازم عشان الدرجتين ونص ابقى دور تاني و امتحن الترمين و اجيب 20 درجه

يكون مش مهتم فوجودي زي لما نكون فتجمع واحس وجودي زي عدمه اكني مش شايفني مش متقدر والي ابعتلو ميردش والمتكبر والمتغطرس جدااا صفات سيئه والي اخلاقو وحشه وضيقه بيحسسني بتوتر ومبحبش اقربلهم

انا زهقت بجد نفس احس اني مبسوطه أو سعيده بجد مبقتش حاسه بحاجه ببقي مخنوقه طول الوقت و مدايقه ساعات كنت بفكر اروح لدكتور نفساني يمكن احس اني احسن غير احساس الضغط والتوتر اللي مش بيفارقني عاوزه افضل قاعده في اوضتي طول اليوم مخرجش منها مش قادره اقوم من علي السرير حسه أن ده المكان اللي حسه فيه اني مرتاحه ومش قلقانه . هل انا عندي اكتئاب ؟ هل عندي مشكله نفسيه ؟

السلام عليكم 🍬. عندي مشكلة كبيرة اوي بجد ومش عارفة اعمل فيها ايه (ده بجد المرة دي). اللي بيتايع كيدراما وشاف if wishes could kill هيفهم الرعب اللي انا فيه حالياا. دلوقتي انا شفت الحلقة الخامسة، وهي تحفة وزفت ف نفس الوقت، ف انا حاليا ثريلد اوي وف نفس الوقت هموت من الرعب ومش عارفة انام 🙂.

ازاي الواحد يتعامل مع الحزن العميق اللي جوان احساسه أنه عايز يعيط مع أنه من بره الناس بتخاف منه حاسس طول الوقت بحزن و غم و خوف و توتر من سنين في الدوامة دي روحت لدكتور نفسي ومش كملت و حاولت اقرب من ربنا و التزم و مش كملت فاقد الهدف من الحياة وفاقد الاحساس بالسعادة أو المتعة

اعتقد ان ماما هي سبب معاناتي في الحياة على طول مش طايقة نفسها وبتستفزني على طول انا بستحملها كتير بس بييجي وقت بجيب اخري وبيبقى فاضل تكة واغلط فيها بس طبعا بمسك نفسي امبارح نسيت اخد دوا الاكتئاب ودوا التوتر ورايحة جاية مع اخواتي لدكاترتهم فوق دا كله جاية عليا انا تعبت منها وربنا ساعات بحسها مريضة نفسيا

حد فيكو عمره حس ان هو و دماغة اعداء؟ يعني مثلا بحس دماغي بتحب تفكرني بحاجات هبقث احسن لو مفتكرتهاش وبتخليني اقلق من حاجات عمرها ماهتحصل ولو جالي فرصة لحاجة لازم افضل افكر في كل الاحتمالات لحد ما الفرصة تضيع اصلا محتاج اتصالح انا ودماغي واتوقع مش هيبقي عندي اي مشكلة بعدها

عندي احساس اني هموت قريب جدا جسمي مش سليم و كل شويه حاجه جديده توجعني و مبتخفش بالعكس بتعب اكتر و اعصاب وشي مشدودة مبعرفض اتحرك وضربات قلبي سريعه و سناني وجعاني و مبشوفش كويس ولا بسمع كويس و عندي طنين وعيني و جعاني و صداع و جيوب انفيه و دوخه و وجع بطن كل ما اكل و احيانا برجع و طبعا مع كل دل مبعرفش اعمل اي حاجه ف حياتي بالعافيه بصحي و بنام يعني حرفيا مفيش حاجه فيا شغاله الحمد لله ومن اقل اقل مجهود بتعب يعني لو نزلت من البيت ورجعت ممكن اقعد أسبوع عشان اعرف انزل تاني وكل ما اقول لحد يقولي بطلي دلع حتي صحابي بعدو عشان كل شويه يقولولي انتي علي طول تعبانه كدا و انا بجد مبدلعش والله ياريته كان دلع مكنتش هبقا كدا و الدكاتره كلهم مبيفهموش كل ما اروح لتخصص يقولي دا توتر او انيما معرفش ايه من غير ما اعمل تحاليل ولا اشاعات لدرجه انهم زهقو مني ف البيت و مبقوش يودنوني لدكاتره و عملت تحليل الزفت الانميا معنديش حاجه كويسه وكل دا مخليني احس انها اشاره اني قربت خلاص بحاول اقرب من ربنا بس خايفه بردو مش عارفه انا حاسه اني لسه مبدأتش حياتي حتي عشان تتاخد مني بس الحمد لله يعني بحاول اتعايش بس خايفه يحصلي حاجه والله بفكر اشتغل عشان اروح اكشف ف اماكن احسن بس بخاف يحصلي حاجه او اتعب ف الشغل وانا لسه متخرجه ومش لاقيه شغل اصلا حرفيا مش عارفه ابطل تفكير وحاسه اني هنام ف مره من غير ما اقوم ومحدش ف الدنيا دي كلها حاسس بيا و كله بيقول اتنشن و خرا يا ريتني كنت اتينشن والله انا بس نفسي اعيش حياه طبيعيه زي البني ادمين

البوست ده عملاه لاي حد كان علمي رياضه او علمي رياضه حاليا عايزه اعرف ال كانوا علمي رياضه كانوا داخلين الامتحانات و هما بجد فاهمين كل حاجه و مفيش مثلا فرع او جزئيه كانت واقفه معاكوا؟ يعني مثلا انا حاليا كل لما براجع على فرع ببدء انسى ال قبله و حاليا بحاول الم التفاضل و التكامل و الاعداد المركبه انا بحل فيها كويس لكن في اسئله بحسها صعبه سيكا و الاومجا مثلا و الديناميكا بحس مفيش وقت اكون بيرفكت في كل دول رغم اني مذاكراهم بس لسا في اسئله مش بعرف احلها و المشكله خلاص نفيش وقت و بدات بجد ابانك جامد لاني عايزه اقفل الرياضه و خايفه

هو لي دايما الرجالة شايفين اننا نكد رغم انهم هما اكبر نكد فالدنيا يعني والله بحاول علي قد ما اقدر اني لا انكد عليه ولا اضايقه ولا اعمل حاجة هو بمجرد مايتعصب يقولي ياشيخة دا انتي بقيتي نكد طب ولما انكد عليه بجد واوريه النكد اللي بجد هيقول اي

ليه حاسه بضغط من كل حاجه حواليه بجد عاوزه افهم عندي توتر وقلق من اي حاجه لو صحيت في وقت مش كنت اللي مخخطاله بحس بضغط ويومي كله يبوظ لو لقيت حد كلمني تليفون بحس بتوتر وقلق وضغط فمش برد واقول اي حجه ليهم عشان ارتاح بس انا مش مرتاح حسه بضغط وخنقه وتوتر وقلق معظم وقتي مش عارفه ده سببه ايه بجد لو حد يعرف حل ياريت عشان تعبت😥

والنبي اسمعوني عشان أنا دماغي وجعتني و ردو كويس من غير ما تغلطو لاني فعلا مخنوقه مليش حد اتكلم معاه دلوقتي أنا حبيت واحد لدرجه متتوصفش بس كان بيضغطني نفسيا جدا المهم كان ديما عايزني في الشات و لو طلعت يبقي بسبب و اقوله السبب و ديه حاجه كانت بتدايقني بس بعد كده عرفت انها كانت حاجه تحفه و هوه كان كمان مش بيطلع من الشات غير لما يعني يبقي هياخد شاور الحاجات العاديه بس كان معايا علي طول احنا سبنا بعض و دخلت شخص تاني حياتي عشان معجب بيا و أنا اكيد مش هوقف حياتي علي الاكس بالرغم اني مش قادره اتخطاه بس خلاص عدي وقت و كفايا المهم الشخص التاني في كليه حربيه و بيسيبني عشر ايام بيكلمني فيهم يوم واحد بس و بيكون دقيقتين و بينزل اجازه تلت ايام منهم يوم رايح و يوم الراجع فا المفروض أنه ينزل ملهوف عليا و عايز يكلمني عشان هوحشه بس هوه لا مش بيعمل كده و بيطلع من الشات كتير و بيتأخر عليا هوه من محافظه تاني و مش عارفه عادي ده ولا ممكن يكون بيخوني ولا هوه مش عايز يتكلم و بيتسلي مع اني والله ما ببادر ابدا و كلامي تقيل جدا معاه بس انا ببقي مدايقه من جوايا خصوصا اني مش حاسه بمشاعر فا عايزاه يحسسني انه جنبي عشان أحبه و انسي التاني مع عارفه أنا اوفر و هخنقه ولا ده حقي فكرت أنه لما يكلمني خلال الأسبوع متكلمش في حاجه و لما ينزل اجازه اشرحله اني بدايق عشان بيسيبني و أنه مش بيتكلم معايا و كده ولا اسكت لأن ده الطبيعي ولا اسكت و مقولش اني مدايقه و لو فضل كده ابعد عنه

أنا حابب أشرح بشكل مرتب طبيعة علاقتي ببنت قريبة مني جدًا وتأثير الموضوع ده عليا نفسيًا، لأن بقى مأثر بشكل واضح على حالتي ومشاعري وطريقة تفكيري. أنا أعرف والدها من سنة 2012 تقريبًا، والعلاقة بيني وبينه كويسة جدًا من زمان، وهو بيعتبرني زي أخوه الصغير. وكمان كنت أعرف والدتها الله يرحمها، وكان بينا معرفة واحترام، وروحتلهم البيت قبل كده في رمضان مع ناس من أصحاب والدها. وبعد وفاتها روحت عملتلها عمرة في مكة. بالنسبة للبنت نفسها، إحنا بدأنا نقرب ونتكلم بقالنا حوالي 3 شهور، وبقينا بنتكلم بشكل شبه يومي سواء شات أو مكالمات طويلة، وفي بينا راحة وونس وضحك وهزار واهتمام واضح جدًا. في عيد ميلادها جبتلها هدية إنسيال وسلسلة إكسسوار ستانلس ستيل، وكانت هي اللي مختارة شكلهم، بس كنت واخد الموضوع بطريقة غير مباشرة، وهي فرحت جدًا وقبلت الهدية وشكرتني، وكمان كنت أول واحد يهنيها في عيد ميلادها. إحنا أحيانًا بنتقابل في مكان شغلها لأن والدها شغال معاها، وأنا بروح هناك بشكل طبيعي وبنتكلم وقت ما تكون فاضية، ووالدها عارف وموافق بشكل عادي، ومفيش أي تجاوزات بيني وبينها لا في كلام ولا تصرفات. مع الوقت بدأت أحس إن وجودها فارق معايا نفسيًا بشكل كبير جدًا، وبقيت أحس براحة وهدوء لما بنتكلم، ولما التواصل يقل أو تبعد شوية بحس بتأثر نفسي واضح وقلق عليها. هي قبل كده قالت إنها حسّت إني ممكن أكون بضغط عليها عاطفيًا أو براقب أي تغيير في كلامها، ومن وقتها أنا بحاول أكون أهدى ومتزن أكتر في التعامل. وفي مرة حصل إنها كانت مضايقة وحكتلي، وأنا وقتها سمعتها واحتويتها، لكن بعد كده لما الموضوع اتفتح تاني حصل نقاش خلاها تزعل وتقول إنها غلطانة إنها حكت، وده خلاني أحس إنها بقت أحيانًا تكتم اللي جواها. في نفس الوقت علاقتنا مش مبنية على مشاكل أو فضفضة بس، بالعكس فيها هزار وضحك وقرب وراحة كبيرة، وأنا بحس معاها أمان وارتياح. أنا عندي مشاعر حقيقية ناحيتها، وهي غالبًا حاسة بده من أسلوبي، لكن لحد دلوقتي مفيش اعتراف رسمي كامل من ناحيتي، وخطتي إني أكون مستقر شغلًا الأول وبعدين أتكلم بشكل رسمي ومحترم. أنا خايف جدًا من الرفض أو إنها تبعد، لأني متعلق بيها نفسيًا، وبحس إنها مصدر راحة وأمان كبير في حياتي، وده بيخليني أتوتر لما كلامها يقل أو يبقى مختصر. كمان أنا بحكيلها أحيانًا عن ضغوط البيت ومشاكلي العائلية، وبحس إنها بتسمعني بطريقة مريحة. وفي نفس الوقت، بعد ما صرّحت لها بمشاعري حصل حوار مباشر بينا، وهي قالت إنها حسّت إن أسلوبي متغير معاها، وأنا اعترفت بده، وقلت إني فعلًا مهتم بيها بس مش عايز أضغط عليها أو أخسرها. هي سألتني عن طبيعة مشاعري، فقلت لها إن فيه إعجاب وارتياح وقبول، وإن أنا متقبلها جدًا، وهي من ناحيتها قالت إنها مش حابة تكون سبب في أذى أو تعلق حد بيها، وكمان قالت إن فيه فرق سن وإن والدها ممكن يرفض، وإن فيه كذا شخص متقدم لها وهي محتارة. أنا طمّنتها إني مش مستعجل، ومش عايز ضغط، وإن أي قرار لازم يكون براحتها ومن غير أي توتر، وإن لو في قبول هنتكلم بشكل رسمي مع الأهل في الوقت المناسب. ومن ساعتها وأنا في حالة انتظار لردها النهائي، ومش عارف إذا كانت هتوافق أو ترفض أو هتحتاج وقت أكتر. اللي حابب أفهمه: هل تعلقي بيها طبيعي ولا زائد؟ إزاي أوازن بين الاهتمام والخوف؟ إزاي أتصرف بشكل صحي من غير ما أضغط عليها؟ وهل الأفضل أستنى ردها الأول ولا أتكلم بشكل مباشر تاني؟ وإزاي أتعامل لو حصل رفض أو قبول؟ أنا مش عايز أضغط عليها خالص، وكل اللي يهمني إنها تكون مرتاحة وصريحة مع نفسها ومعايا، حتى لو النتيجة مش في صالحي.

يا جماعه معلش اسمعوني يمكن الحاجه الي هقولها تكون تافهة بالنسبالكم بس بالنسبالي انا في مشكله الموضوع اني في تالته اعدادي و امبارح كان عندي امتحان هندسه و والله كنت مذاكراها كويس و حله امتحانات و منمتش اليوم دا خالص معرفتش انام و دي كانت اول مره منمش خالص قبل الامتحان انا عادةً بنام ساعه قبل الامتحان او ساعتين بالكتير المهم في الامتحان اتوترت اوي و عيطت و بصراحه عكيت خالص حليت الاختيارات و برهان واحد هو الي متأكد منه و اتنين تاني مش متأكده خالص و مش عارفه اصلا كنت بكتب ايه فيهم و سؤالين تقريبا سبتهم و حاجات مش مكمله حلها كل دا بسبب التوتر و اني مش قادره افكر المهم سلمت الورقه ف هل كدا هنجح و هعدي اصل انا الترم الاول جبت في الهندسه 14 من 15 و الرياضه كلها جبت 28 من 30 و الجبر الترم دا حليته كويس لكن الهندسه زي ما قولتلكوا ف سمعت أنه في الترم الثاني مجموع الترم الاول رياضه بيضاف للتاني هل كدا هعدي رياضه إن شاء الله ولا هيحسبوا الهندسه لوحدها الترم دا محتاجه حد يفيدني و يطمني من غير تريقه ياجماعه انا قلت اقول عشان انتو اكبر مني و اكيد عارفين وانا خايفه و عندي امتحان بكره و م قادره اوقف تفكير في الموضوع و اسفه ع الإطالة👈🏻👉🏻

حاسه أنه الحمد لله اللي كنت بخططله من مده طويله وبسعي أنه يجي بقي يجي بسهوله ودا مش مريحني لأن عمر مافي حاجه جاتلي كدا إلا ولازم اتعبلها واحاول كذا مره وفي الاخر تضيع مني فكون اني اكون قاعده مستنيه الحاجه وفعلا تيجي دا بالنسبالي حاجه مرعبه ومش عارفه افكر بشكل إيجابي الحمد لله بعد تعب كبير ولف لاقيت شغل بشكل سريع جدا بعد امتحانتي وان شاءالله هبدأ بكرا اتمني تتمنولي التوفيق وادعولي دعوه حلوه من القلب 🤍🙏🏻

يا جماعه معلش اسمعوني يمكن الحاجه الي هقولها تكون تافهة بالنسبالكم بس بالنسبالي انا في مشكله الموضوع اني في تالته اعدادي و امبارح كان عندي امتحان هندسه و والله كنت مذاكراها كويس و حله امتحانات و منمتش اليوم دا خالص معرفتش انام و دي كانت اول مره منمش خالص قبل الامتحان انا عادةً بنام ساعه قبل الامتحان او ساعتين بالكتير المهم في الامتحان اتوترت اوي و عيطت و بصراحه عكيت خالص حليت الاختيارات و برهان واحد هو الي متأكد منه و اتنين تاني مش متأكده خالص و مش عارفه اصلا كنت بكتب ايه فيهم و سؤالين تقريبا سبتهم و حاجات مش مكمله حلها كل دا بسبب التوتر و اني مش قادره افكر المهم سلمت الورقه ف هل كدا هنجح و هعدي اصل انا الترم الاول جبت في الهندسه 14 من 15 و الرياضه كلها جبت 28 من 30 و الجبر الترم دا حليته كويس لكن الهندسه زي ما قولتلكوا ف سمعت أنه في الترم التاني مجموع الترم الاول رياضه بيضاف للتاني هل كدا هعدي رياضه إن شاء الله ولا هيحسبوا الهندسه لوحدها الترم دا محتاجه حد يفيدني و يطمني من غير تريقه ياجماعه انا قلت اقول عشان انتو اكبر مني و اكيد عارفين وانا خايفه و عندي امتحان بكره و م قادره اوقف تفكير في الموضوع و اسفه ع الإطالة👈🏻👉🏻

أنا في الابلكيشن دا جريئه اوي دي مش شخصيتي ولا دي أنا بتكسف من خيالي حتي لو كلام عادي مش بعرف ابص فعين حد وانا بتكلم بتوتر لما حد يبصلي ونا بعمل حاجه ازاي اخد شخصيتيييي هنا اطبقها فالحقيقة😭

محتاجه انام 24h حرفيا 🥲 مطبقه يومين عشان امتحان و كان محتاج قبله ايام كتير مش يوم واحد بس بحاول ملومش نفسي انا عملت اللي عليا ، بس هيبقي في امتحانين بعد بكره كمان 💔 مش لاحقه انام ولا اراجع 😂 دعواتكم

السلام عليكم انا ليا واحده صاحبتي اتعرفت عليها في تالته اعدادي المهم في اولي وتانيه ثانوي كانت بتسألني في الامتحانات وبديها الاجابات عادي بس هي بقت بتشوفها حق مكتسب ودي حاجه بدأت تقرفني لان في تانيه ثانوي كان بيبقي نماذج نفس الاسئلة بس متلغبطه اما المقالي مختلف ف لقيتها بتقولي بدلي الورقة بقولها ورقة ايه بتقولي ورقة المقالي حليلي بتاعي وزعلت مني اني مرضتش احللها انا اصلا مكنتش لسه لا خلصت الاختياري اللي في التاب ولا المقالي عشان احللها وهي اصلا مبتذاكرش وزادت فيها انا والله عادية مش اللي هو دحيحة ولو حد طلب من سؤال وانا حلاه بقوله عليه عادي بس هي بتطلب الامتحان كله وبحللها المقالي كمان كأني داخله امتحن مرتين ومره كنت قولتلها لا دخلت برقم اخوها الصغير وبعتت لنفسها علي الواتس وبتقول لنفسها ان انا مصحباها مصلحة وبتحذرها مني المهم اني عرفت انه رقم اخوها انها كانت لما موبايلها باظ بتكلمني من رقم اخوها ف لما بعت الاسكرين دخلت اسيرش علي الرقم لقيته متسجل ب اسم اخوها ده فدخلت علي الواتس لقيته نفس الرقم ومعرفش هي ليه عملت كده لحد الان المهم ان السنادي انا تالته ثانوي وامتحاناتي خلاص كمان 11 يوم وهي علطول بتبقي ورايا في اللجنة فمردش عليها لو سألتني ولا اعمل ايه عشان انا بتشتت اوي وخايفه اتشتت واتوتر ومعرفش احل وشكرا واسفه جدا لو طولت🙏🏻💗

عندي مشكله امتحاني يوم التلات يعني معايا الليلادي وبكرا كامل باذن الله هطبق النهارده وبكرا هنام قبل الامتحان معرفش اي حاجه عن الماده للاسف ودي اول مره ازنق نفسي كدا المهم عليا ٩ محاضرات شرح وبنك اسئله و ٦ ملازم من مكان ما فيهم تلخيص برضو للتسعه هذاكرهم كلهم وهجيب اكبر قدر ممكن الليلادي باذن الله ونسيت كمان مذكره ٣٢ صفحه اسئله عليهم اللهم انت المعين توكلنا على الله الخطه كالتالي هذاكر المحاضره من الملزمه الاول وبعدين المحاضرة (خط الدكتور صعب اوي ف هبدا بالملزمه عشان افهم) وبعدين هجيب جزء الاسئله اللي في المذكره احله وبين كل محاضره والتانيه بريك هحل فيه مكعب روبيك ودا هياخدله دقيقتين تلاته واقوم اشرب مايه وافصل دماغي شوية وبعدين ارجع (ودا ياخد بالكتير عشر دقايق ) هرجع الفجر باذن الله اقول عملت ايه توكلنا على الله 🤍

خوفي هو شعور الغيرة الذي ينتابني والذي بدء يسيطر علي ،تجاه اي شخص اقابله ، لم اعد امدح مزايا الناس كما كنت ، بل فقط اغار منهم ، خاصة المهارات الاجتماعية ، اكثر ما يقلقني هو مهاراتي الاجتماعية السيئة

انا بقالي فتره كل لما اتكلم مع حد مثلا دكتور الجامعه او المشرفه بتاعتي او اي حد مسؤل بحس ضربات قلبي سريعه وايدي بتترعش ولو النقاش طول شويه عيني بتدمع مع اني عمري ما كنت كده بس الموضوع ده بقالو مثلا اربع سنين ..الموضوع ده بجد تاعبني جدا واوقات كتير بتجنب اني اتكلم مع حد حتي لو ليا حق او خدمه او استفسار مثلا عشان محسش بالاعراض دي..انا مش عرفه اتصرف ازاي ف الموضوع ده وهو ليه بيحصل كده اصلا

جماعه 🥲 بليييزز ادعووولي كتيييير اوي عندي امتحان بعد كام ساعه و ماده رخمه اووووي و المنهج كبير. اوي اوي اوي عشان البوست يتقبل انا عندييييي مشكله فظيعه منهاااااره والله😭😭😭😭 كارثه فعلا يارب الليمت يخلص 💔

كنت امبارح منزله بوست ان بيجيلي بانك اتاك لما بزعل او اتعصب وكده وفي كذا حد قال حلول بس اغلبهم مش هعرف اعملهم الفتره دي بس لو حد يعرف طيب حاجات اعملها لما يجيلي تهدى الاعراض و الحاجات اللي بتحصل ساعتها عشان الفتره الجايه هتبدا الامتحانات بتاعة ثانويه عامةً فاظن هيجيلي كتير فانا عايزه حلول ان ازاي اهدي الدنيا بذات في العرض بتاعه ضيق التنفس و في حاجه كمان عايزه اسال عليها حد يعرف ايه سبب ان مؤخراً بقيت بحلم احلام غريبه كتير و احلام يعني اللي هو ممكن تحصل عادي و ساعات بيكون في الحلم ناس عارفاها وساعات لا بس دايما بكون في الاحلام دي خايفه يعني اصلا بصحى و بكون مخضوضه ومش بعرف انام تاني يعني مجرد ما بصحى بكون خلاص مش عايزه انام تاني و بتحصلي اكتر في الايام اللي بكون فيها يعني مرهقه او مضغوطه اوي او يوم مفرهد عامةً بس الحلام بحسها قريبه انها تتحقق او انها تبقى واقع يعني فهل دي حاجات عادي عشان مثلا الفتره دي متوتره وكده ولا هل ممكن تتحقق فعلا ولا ايه بظبط

مش كل الناس الموجوده في حياتنا هتفضل مكمله معانا علي طول فيه ناس بتدخل حياتنا علشان تعلمنا درس وفيه ناس بتقضي في حياتنا معانا مرحله ما وفيه ناس بتفضل موجوده علشان هما بيكونوا شبه نسخه قديمه مننا اول ما النسخه ديه بتتغير هما كمان بيختفوا معاها علشان كدا مينفعش تربط قيمتك كشخص ببقاء الناس مش معني ان الناس مشيت ان انت غلط ومش معني ان الناس لسه موجوده ان انت صح لان ده علي طول بيحطنا تحت قلق وتوتر علي طول خايفين ان الناس تسيبنا وتمشي او بتتمسك بيهم اكتر من اللازم وفي النهاية مش مهم ان الناس تبقي او تمشي المهم ان انت تفضل متمسك بنفسك حتي لو كل حاجه اتغيرت حواليك

انا هخرج كمان ساعه كده لوحدي متوتره اوي مش عارفه ليه مع اني مش اول مره اخرج لوحدي دماغي تعبانه بجد او ممكن لاني مش كويسه مش عارفه ومش عارفه اروح فين ولا اعمل ايه انا هخرج كمان ساعه كده لوحدي متوتره اوي مش عارفه ليه مع اني مش اول مره اخرج لوحدي دماغي تعبانه بجد او ممكن لاني مش كويسه مش عارفه ومش عارفه اروح فين ولا اعمل ايه

انا بطبعي خجوله اووي (مش ف كل الوقت) وبتحرج وبتوتر، اما بتعامل مع اي حد بذات لو شاب او ولد بحكم الشغل او او المهم مش عارفه ليه بتوتر وبتلجلج ومش بعرف اتكلم ولا اتعامل بحس لساني بيقف وبرتعش معرفش ايه السبب وليه اصلا بيحصل كدا كذا مره حصلت معايا وبتحرج اوي لما بتحط ف موقف زي دا لو مع بنت بتعامل عادي لأن زيي زيها ف متعوده..عايزه حل يفيد مش هبد.اني أتعامل مع اي حد بشكل عام ومتوترش ولا اتلجلج لأن الموضوع بالنسبالي بايخ اوي ومش عارفه انا ليه كدا أكيد فيه سبب رئيسي وهي اني متعاملش مع شخص نهائي قبل كدا فا دا ممكن ناتج اني كدا او ايه مش عارفه بس ياريت حد يفيدني

ادعولي عندي امتحانات ادعولي اجيب المجموع الي نفسي فيه ادعولي بجد محتاجه الدعاء خايفه اوي مش عارفه اركز مع حاجه ومش مبسوطه قلبي مقبوض ادعولي كتير يا جماعه يمكن حد فيكم دعائه مستجاب او الوقت الي دعى فيه ابواب السما مفتوحه وربنا يحققلكو الي بتتمنوه يارب انا وانتو

دايما شعور الخوف و التفكير الزايد ملازمني طول الوقت يعني ابقي زعلان ع مش بشتغل و بفكر كتير ف قله الشغل و خوف اول لما اشتغل برضوا زعلان و بفكر كتير ان حياتي رايحه كلها ف الشغل سيناريوهات كتير كلها عباره عن خوف و قلق ف كل الاحوال ...

عندي مشكلة صعبة اوي ومش قادر احلها ومحتاج حل ( محصلش ) مش عارف في حد ديجيتال ماركتينج ولا لا بس مش عارف اركز في المذاكرة وعندي امتحان بكرة ومش عارف اذاكر ومش لاقي حل وشربت خمسين كوباية قهوة وسبعين كوباية نسكافيه وبلعت مكنة القهوة نفسها ومفيش حل

من قبل الظهر وانا بسمع صوت الشهادة في الاذان في الاول فكرت أنه الاذان فعلا بس لقيت أنه فاضل تلت ساعة. وبعد العصر فضل الصوت يتكرر ولما زهقت وصدعت شغلت قرآن بصوت عالي والصوت سكت خالص لحد ما رجع دلوقتي ومش فاهمه ايه دا وليه الشهادة والتكبير بس (مش عايزه حد يخوفني عشان مش ناقصه)

عندي امتحان الصبح ولسه متبقى محاضرتين اول واخر مرة اشوفهم فيها ومش عارفه اذاكر عشان مصدعة وضروسي قررت تتجنن عليا وجيت افتح امتحان السنة الفاتت لقيت حاجات اول مرة اشوفها ومش عارفه حتى ابصمجهم وانا على اخري

بجد حاسس بضغط نفسي كبير ومخنوق قوي لما الواحد فجاة يرتاح في الكلام مع حد طيب ويفضل مستنيه من امبارح وفجاة الشخص دا يغيب والانتظار والغياب المفاجئ دا بيجيب عصبية وتفكير كتير وحيرة صعبة بجد ❤️🥺

السلام عليكم الموضوع هو ان انا معجب بواحده كنا في جروب بس انا مش عارف ادخلها ازاي بعد ما صاحبي المتخلف راح قالها اني عايز اكلمها (ساعتها مكنتش اعرفها)ف بدايتها بقت زي الزفت ف مش عارف اعمل ايه

الواحد أمتي هيتخطي الرهب الاجتماعي الي بيجي ليه ديما بحاول اجبر نفسي اني احط نفس في موقف اكسر بيها الخوف لاكن ديما بحسس بتوتر و أن موضوع بيجيب نتيجه عكسيه في الي عنده حل يقولي حل منطقي غير اني اجرب احط نفسي لأن كفايا احراج لحد كدا 🍩

قدامي يومين عالامتخان حاسس ان مش عارف اعمل المطلوب مش كدا لا. حاسس اني مستهلك دماغيا والمعلومات بتجري ورا بعضها والماده دي بحضرها من زمان وكشكول التحضير ضاع كنت ملخص وحالل اغلب الحاجات المسائل المهمه فيه ازاي مش عارف بس هحاول تاني 😔😔😔😔😔

حاليا انا مضايقة اوى لعدة أسباب :ـ انا مش مذاكرة خالص وعندى امتحان على 14 شابتر وانا ولا اعرف كلمة وكمان باخد كوريات تانية مش ملتزمة فيها خالص وكذا مرة كنت هتطرد بسب أنه الكورسات مستواها أعلى منى بمراحل بس علشان دفعت فلوس فغصب عنى مضظر اكمل ده غير عايزة إمكانيات مش عندى مع التزامن فى المائة وامتحانات وصلت لمرحلة مش طائفة حتى حد اشوف حد فى وشى مضايقة اوى ومؤخرا مواقف كتير من. انى قطعت علاقتى مع أشخاص توكسك فى حياتى وبتخانق مع اهلى كتير مش عارفه اعلم اى بجد عايزة اعيط ومش عارفة اقول اى بجد

يحماعة فيني توتر وقلق رهيب جدا وغالبا بتجيني بسب نقاشات او خلافات تافهة ومش عارفة اهجي نفسي واتعامل مع الامر هل من مساعدة او شخص عدا المرحلة دي وبيعرف ازاي يساعدني بنصيحة او توجيهات شكرا

انا الحمدلله والشكر لله اتقدمت لبنت صلونات والحمدلله في قبول وخلاص هلبس دهب بعد العيد الفكرة بقي اني ديلاول خطوبة ليا وحرفيا مش هقول عمري مكلمت بنت بس دي اوي حاجة احس اني ملبوخ وخايف يعني عاوزها علاقة نضيفة غير القرف الي كنت في زمان انا عاوز نصايح بجد اي ينفع واي مينفعش بجد محتاج نصيحه من ناس متجوزين بلاش الي بينصح وخلاص بلله لاني مشتت

انا حاسة اني واقعة خالص في كل حاجة الفترة دي يعني امتحاني كمان 7 ايام بالضبط وانا ضايعة عالآخر يعتبر في مواد معرفش فيها حاجة و مفيش حاجة متظبطة خالص ولا عارفة اضبط اكلي ولا نومي ولا انظم اي حاجة و حوار المذاكرة بالذات انا حرفيا بقالي 5 أيام مثلا كل ما اجي افتح كتاب دماغي بتصدع جامد جدا و عنيا بتوجعني و معرفش دا سببه ايه انا كان عندي مشكلة فعيني بس مش دا السبب لأني لو ماسكة الموبايل او مش بذاكر بيكون عادي و سمعت الرقية الشرعية برضو مش عارفة و خايفة اوي بجد و مش قادرة احدد ان دا يمكن من الضغط فا انا جبت اخري و مبقتش عارفة اذاكر بس دا يتحل ازاي لأن فاضل اسبوع مينفعش كدا

انا بنت و كان حصلي موقف من واحدة شكلها مريب اوي ف المواصلات قعدت جنبها هي سنها صغير و لسة كاتبة كتابها لقيتها بتقولي بكسوف رهيب متجوزتيش ليه هما الرجالة اتعموا و بتاع و هاتي رقمك وانتي ساكنة فين بالظبط و للاسف اديتها رقمي ولقيتها تاني يوم بتكلمني و تشكر فيا بطريقة جامدة و غريبة لحد ما كلمتني ف يوم تقولي ماما نزلت وانا قاعده لوحدي تعالي اقعدي معايا شوية انا خوفت الصراحة جدا و قولتلها لا تعبانة ف قالتلي خوفتي كده مني فعملتلها بلوك وقتها بس بعد كام شهر او سنة تقريبا لقيتها بتتصل بيا من رقم غريب و فاكرة اسمي كمان بس قولتلها الرقم غلط و عملتلها بلوك برضه هي ديه مالها بقي ؟🙄🙄

رهب الأجتماعي ده مخليني حاسس اني عبيط شويه الي هو يعني حاجه خايف و انا بتكلم مع الي شغاله في دانكن و راجل بتاع الشاورما قولتله عايزه كذا لاقيته معملش نفي الي عايزه خفت ارجعله اكلمه أقوله لا طلبت مفهوش كذا حطه ليه

كان في دونات كنا بتتناقش فى موضوع مثير للجدل المهم انا اتعصبت جدا اصلوا ماينفعش حد يفكر كدا او يقول كدا او يمشي كدا وكان نفسي نكمل نقاش بس هي هربت مش عارف لى وكل سنه يحصل معايا الموقف دا رخم اوي

انا بحب بنت بس حب من طرف واحد المهم اني اكتشفت سريعا انه ده هياذيني وهي مستحيل تحبني فنا قررت مكلمهاش بس كل اما بشوفها بحس بحاجه اعرب من الغريب انا بحس ان انا شليت اه والله ابقي ماشي واشوفها معديه ذكائي يقل ٤٠% بتعامل مع الحاجات وكانها اول مره اتعامل معاها وبتوار كتير لما بشوفها بنسي ازاي امشي حتي انا بشد رجلي بالعافيه عشان امشي ومش عايز اعترفلها ومش عارف انساها ول لا ابطل تفكير فيها مثلا كنت في المواصلات مره وهي ركبت معايا انا طول منا قاعد عمال بعرف اتكلم مح حد صوتي متغير وبيبان وكاني بالله والموضوع ده معصبني ومزعلني💔 وكذا احساس علي بعضه انا معتش بعرف اتعامل زائد كده انا بعيده عني بشارع وبعدي من قدام بيتها كل يوم من كترما بتصرف بغرابه قدامها هي فكرتني بالله بتكةن قاعده قدام البيت اول ما بتلمحني من بعيد بتدخل وده بيقطع في قلبي او بيفعصه بمعني اصح انا بحبها ومش عايز اكلمها بس جسمي بيخوني لما بشوفها وانا مهتش عارف اعمل اي ؟

دي مش مشكله بس حاسس إني تايه ومش عارف أبدأ منين، كل ما أحاول أظبط يومي بلاقي حاجات بتبوظ الخطة، وده مخليني متوتر ومش عارف أركز في اللي ورايا ولا اللي قدامي خالص ومش عارف أرتب أولوياتي صح Sandwich

نفسي اعترف اني كذبت يوميها.. نفسي اعترفلها واقولها كدا اني غلطت لما قررت اكذب بس مش جاهزة اجرح انسان زيي بمجرد اني عايزة اريح ضميري، وان الشخص دا عالي عندي دي انانية.. مش كدا؟ بس الشخص التاني يفضل عايش بكذبة؟ حتى لو كذبة صغيرة في الحياة الكبيرة... هتفضل سايبة وراها جرح لو اتكشفت فات الأوان اني اعترف اصلا معرفش ليه فجأة الحوار القديم دا جه فمخي، بس اعتقد لاني شخصية حساسة اوي فاي حاجة بتعلق فدماغي خصوصا فترة التوتر والفضى قبل الامتحانات دي..

انا في سنة تالته بزنيس دايما بحس ان متاخر و انا مش بعمل اللي عليا بلص بقا انا عندي مشكلة ف التعامل مع البشر يعني بعرف اتعامل نص نص مش احسن حاجه انهارده بدات كورس انجلش عشان اطور من نفسي كانت اول سشن ليا حاسس اني متوتر شوية و اني مش كويس

ممكن تدعولي بلسانكم ربنا يصلح شأني كله .انا مش كويسه بجد و محتاجه اتكلم مع بنت اشاركها قلقي يمكن توتر يقل بمجرد تعبير مش عارفه بقول ايه بس تايهه بجد و زعلانه من البيحصل لأهلي وانا مليش غيرهم و مفروض اكون متماسكه وقويه بس مش عارفه بجد

عايزا اخد رأيكوا لأهداف علاجية لو حد اجي قالك انا بخاف الناس تزعل مني لان عندي خوف شديد انهم يسبوني نتيجة صدمات في الطفولة ومع ذلك حاولت اتغلب عليها بثيرابي وبإني ادخل في تجربة شغل وكنت بخاف اني اغلط قدامهم ويشفوني فاشل ويسبوني فكنت بتوتر جامد واغلط اكتر لحد ما شافوني مش شاطر وكنت بخاف ارفض شغل كتير مش بتاعي ولم اتحمل ذلك فتركت الشغل ايه مشاعرك نحية الشخص+ هتتعامل معاه ازاي وتقوله ايه؟

احممممم، مشكلة الى حد ما، ببتتعاملوا ازاى مع الناس الى بتاكل بصوت وهل صادفتم ناس زى كدة زي صاحب او حد، وكمان الى بيشرب بصوت دة فحتة تانية. طبعا مش بحب احرج حد فبسيبهم وبمشي او بقعد وانا على اعصابي، لكن عشان الشخص ممكن غيري ما يستحملهوش.

جماااااعه عندددي رؤية شرعيه ! اعمل اي اقول اي اسأل اي حاسه اني مش هقدر اتكلم عملت بروفه مع اختي حرفيا كنت بمووت من الكسوف اقترحوا اسئله جماااااعه عندددي رؤية شرعيه ! اعمل اي اقول اي اسأل اي حاسه اني مش هقدر اتكلم عملت بروفه مع اختي حرفيا كنت بمووت من الكسوف اقترحوا اسئله

يا جماعه اعمل ايه في ضغط اهلي دا اهلي عايزني قاعد عالكتاب ٢٤ ساعه واكيد دا مستحيل يعني ولما بس اقعد ٥ دقائق بس افك في اي حاجه يتعملي مشكله كبيره وخناقه ملهاش اخر غير الزعيق طول النهار والليل غير المشاكل اللي عندي اللي مستحيل اعرفهم دماغي مليانه ٦٠٠ حاجه مش ناقصه كمان مشاكل معاهم

السلام عليكم ممكن تدعولي أحل كويس في الإمتحان انهارده وإنه يعدي على خير هو عملي والصور كلها شبه بعضها وأكتر من مادة وكله داخل في كله فأدعولي إني أحل كويس والإمتحان يكون حلو وربنا يعديه على خير

جماعة ادعولى بكرا ورايا امتحان مادة صعبة اوى اوى ادعولى انى اعدى بجد والامتحان يكون سهل واجيب تقدير فيها يارب بجد ربِّ اشرح لي صدري، ويسّر لي أمري، واحلل عقدةً من لساني يفقهوا قولي ♥️ ربِّ اشرح لي صدري، ويسّر لي أمري، واحلل عقدةً من لساني يفقهوا قولي♥️ ربِّ اشرح لي صدري، ويسّر لي أمري، واحلل عقدةً من لساني يفقهوا قولي ♥️ ربِّ اشرح لي صدري، ويسّر لي أمري، واحلل عقدةً من لساني يفقهوا قولي ♥️ ربِّ اشرح لي صدري، ويسّر لي أمري، واحلل عقدةً من لساني يفقهوا قولي♥️ ربِّ اشرح لي صدري، ويسّر لي أمري، واحلل عقدةً من لساني يفقهوا قولي♥️ ربِّ اشرح لي صدري، ويسّر لي أمري، واحلل عقدةً من لساني يفقهوا قولي♥️ ربِّ اشرح لي صدري، ويسّر لي أمري، واحلل عقدةً من لساني يفقهوا قولي♥️

مش من النوع البيحب بكبر المواضيع أو يديها اكبر من حقها بس انهارده كنت في مكان، المكان دا كنت بروحه دايما مع اعز صحابي كان اكتر من اخويا المهم احنا بقالنا سنتين باعدين عن بعض فلما روحت المكان دا (كنت مع ماما) كنت متعصب شوية (و انا اصلا مش بتعصب خالص حرفيا) و كنت بتلفت حواليا خايف الشخص دا يجي أو يبقى موجود (علشان المكان قريب من بيته) و مش مركز في ولا حاجة متوتر شوية و كدا و فوقت اول ما طلعت من المكان و بعدت عنه خالص انا كنت ببعد عن المكان دا خالص بالمنطقه كلها علشان مكنتش عايز افتكر حاجة بس اصريت انهارده أننا نعدي عالمكان يعني علشان اشوف هل فعلا تخطيت ولا لا فانا بعد الحصلي دا مش عارف بس بحاول أوهم نفسي أن أنا اتخطيت، و يمكن يكون الوهم دا حقيقه اصلا و شكرا

ما لو حد بيعرف يذاكر وهو صايم يقولنا بيعملها ازاي 😭 طاقة وتركيز صفر بجد والامتحان بكرا والمحاضرات كتير وباقي ٣ ساعات على المغرب ممكن ألم فيهم جزء كبير ومعنديش طاقة خالص للمذاكرة ولا عارفة أركز حاسة مخي فصل

حاسس بشعور غريب ووحش اوي الساعه دلوقتي 4 الفجر وعندي امتحان بكره و حاسس بحاجه وحشه اوي مش مخلياني اعرف انام ومش غارف ايه هي ومش عارف ايه دا تفكيري كلو سلبي و تبتخيل حاجات اتمنا متحصلش و بجد مش عارف ايه دا

عمركو حسيتو ان الشخص الغلاوي بجد مبيعرفش يخبي غله خالص وبيبقى فاكر ان مخدش واخد باله انه مش فرحان لفرحة اخوه نظرته و رد فعله على الخبر وكلامه وانه بيحاول يسم بدن الشخص اللي غيران منه وبيبقى فاكر انه مش باين هو بجد دا كدا بيستغبى اللي قدامه ولا دا ايه؟ لو حد حصل معاه موقف مشابه يحكيه

ماده قد الفيل حرفياً وكل مااحس اني لميتها تبوظ من حيث لا اعلم المهم دعواتكم ليا يا فواكه أن بعد بكرا افتكر حاجه من كل الروزم اللي كتبتها دي ودماغي تتغابي فأكتر وقت مش مطلوب فيه غير تشغلها وبفكر نفسي وبقولها أن دي اخر فرصه ومش هيجي بعدها تاني وعلي قد تعبك دلوقتي حتي لو كانت المحصله قليله بس علي الأقل لازم تعرفي ترفعي راسك... شكرا 🤍

اللي يشوف كلامي يدعيلي اوي عندي امتحان بكرة اكتر امتحان خايفة منه لاني رايحة وانا مش عارفة حاجة فيه ادعولي احل صح وادعولي بكل الدعوات اللي تيجي على بالكم وادعولي بردو إن ربنا يوفقني في الاسبوع كل لان الخمس ايام اللي جاية كلهم امتحانات ورا بعض وانا اول مره في حياتي ادخل امتحانات وانا مش عارفة كلمة في المنهج ويارب سامحني على تضييع وقتي

يا جماعة أنا طالبة في ثانوية عامة، وبمر بفترة صعبة جداً ومش عارفة أتصرف. بقالي فترة حاسة بـ (تجميد ذهني) تام أو إنهاك فكري شديد، لدرجة إني مش قادرة أركز ولا أستوعب المذاكرة خالص، وتعبت نفسياً من الإحساس ده والوقت بيجري وخايفة جداً من الامتحانات والمستقبل، بكون عايزه اذاكر بس لما بحاول أبدا مش بعرف وسواء بدأت او لا بحس اني كل ما بقدم خطوه برجع ورا.. وللأسف التواصل مع طبيب نفسي صعب حالياً في ظروفي، وأهلي مش مستوعبين حجم الضغط اللي بمر بيه. أنا حاولت كتير وعملت كل اللي عليا ومش عايزة أستسلم، بس بجد طاقتي خلصت.. مش محتاجة كلام إنشائي أو نصائح تقليدية، أنا محتاجة كلام واقعي وتجارب حقيقية تخليني أعرف أتحرك من مكاني وأكسر حالة التجمد دي. كمان في حاجة مسببالي رعب وتوتر حقيقي ومأثرة على أعصابي، وهي رهبة اللجان وأجواء الامتحانات والتفتيش.. أنا بسمع كلام مرعب بيقلقني جداً، فلو بنات من دفعات سابقة يطمنوني بشكل واقعي: إجراءات التفتيش للبنات بتم ازاي جوه اللجنة؟ وإزاي أهيأ نفسي نفسياً للأجواء دي عشان متوترش وأنا أصلاً ملتزمة ومش معايا أي حاجة؟ وازاي في بنات اعصابها بتكون بارده وعادي؟ وممكن بلاش الرد اللي هو متفكريش. أتمنى متتجاهلوش البوست ومحتاجة ردودكم الواقعية بجد، وشكراً

عندي امتحان مساحه ماده زفت خلصت النظري بتاعها بلعافيه ولسه بذاكر في المسائل وامتحاني الساعه 12 مش عارف هلحق ولا لا واعصابي تعبانه لوحدها لو حد عدت عليه الماده دي يقولي اتعامل ازاي معاها

هل هلحق اذاكرهم ؟؟ تصحيحا للخطأ امتحاني ٩ مش ٦ كان فاضلي المحاضرة ٧، ٨، ٩ بس كان بقا 😂 الحمد لله بفتح في التاسعه اهو ، حاسس اني بكروت سيكا بس لا يعني هخلص التاسعه وبعدين اراجع عليهم كلهم تاني من الاول وهمسك الاسئله اللي الدكاتره هيجيبوا زيها في المواصلات نص ساعه هصمهم اللهم لك الحمد وباذن الله الماده دي تعدي بس

بسم الله صلينا الفجر ، خلصا قسم من القسمين بتوع الماده والامتحان الساعه سته فاضلي بالظبط ٣ محاضرات وتلخيصهم ممن نقول ٣٠ صفحه ف الله المستعان مش عارف ليه متوتر (عارف انه عشان قصرت بس بستعبط) عكيت الدنيا في الفجر اوباي بيقولي في غلتطين خير خير قررت اشتغل بذكاء وجمعت الاسئله المهمه والمتوقعه وبصمجتها قبل المذاكره وهخلص ال ٣ محاضرات دول دلوقتي دعواتكم وان شاء الله بعد الامتحان ارجع اقول اني جُبر خاطري

شكولاته ب ١٥٤٠٨ ج بجد انا طول اليوم اشوف وصلت ولا لسه ملاقهاش ف جوايا تساؤلات كتير مش عارف اعمل ايه يعني مضايق ان فرصة ان لقيت حد محترم اضففض معاه خايف تكون شافتني وحش عشان فضفضت ف شاورت عقلها وقالها لا بلاش ..بس انا طول اليوم نفسي اكلمها

مفيش وقت للصياح ذاكر وانت بتعيط 🥲 ربنا يهديني والله امال هعمل ايه في باقي المواد يتم افتتاح المحاضرة الخامسه من ٩ يعني فاضل ٥،٦،٧،٨،٩ الله اكبر مفيهاش نوم النهارده 🙂 حسبي الله ونعم الوكيل في اي حاجه والله ما هكررها تاني ف يارب عديهالي الترم دا بس يارب اللهم اني اتبرأ اليك من حولي وقوتي والتجأ الى حولك وقوتك اللهم انصرني ولا تنصر على واعني ولا تعن على واهدني ويسر الهدى لي اللهم استجب دعائي ولا تقطع رجائي اللهم اني اسالك التيسير في الامتحان اللهم الهمني الصواب في الجواب يارب العالمين 🤍

في حاجه غريبه بجد مش عارفه اي ده بجد بجد فاضل محاضرتين ساعتين ونص ولسه محلتش فاضل محاضرتين ساعتين ونص ولسه محلتش فاضل محاضرتين ساعتين ونص ولسه محلتش فاضل محاضرتين ساعتين ونص ولسه محلتش

جماعة شخص عرفاه كشغل بس .. أما شافني فضل يعدي من قدامي كل شوية رايح جاي قريب مني جدا كمسافة يعني و يقولي انتي بتتوتري بسرعه و مرة تانية يقولي موبايلك هيقع من جيبك شيليه ده ماله بقي حد عنده تفسير

النهردا يومي كان مؤلم نفسيا جدا وتوتر في ولد في الحضانة في الفسحة كان بيلعب راسه خبطت في الحيط ونزل دم كتيرمنظر الدم خوفني اوي تفكيري اتشل والعيال كلها طلعت متخربشة وجايبة دم من وشها ومناخيرها برضه مع اني عيني عليهم طول الوقت في الي لحقت افصلهم عن بعض وفيه الي خربشو بعض ولما رجعت البيت بابا وماما اتخانقو جامد ولما طلعت اريح بعد الحضانة خبطت الترابيزة وكسرت برطمان قزاز وقعدت الم فيه

السلام عليكم أنا لسه في بداية إني أكون صداقات جديدة، وأكتر حاجة بتخليني أتردد إن الشخص اللي عايزة أتكلم معاه بيكون وسط مجموعة من أصدقاءه، فببقى محتارة إزاي أدخل الكلام من غير ما أحس إني بقاطعهم أو داخلة فجأة. خصوصًا إنهم بيبقوا منسجمين في الكلام، وفي ناس في المجموعة أنا مش عارفاهم كويس أو مش مرتاحة لهم، ومش عارفة صفاتهم زي صفاتي ولا لا. وكمان بيضايقني إني أكون قاعدة ساكتة وهم بيتكلموا. وفي نفس الوقت صديقتي بتكون معاهم ومندمجة، فأحيانًا بفكر أكلمها لوحدنا في لحظة هدوء، بس بخاف أقطعها عن أصحابها أو أحرجها، وخايفة ده يأثر على صداقتنا إني مش ببادر. وكمان شفتها أيام الامتحانات ماشية مع صحابها ومش سألت عليّا، وحاسة إنهم بيتقابلوا سوا . وكمان أنا مش بعرف أفتح كلام بسهولة، ومش بعرف أشارك في الضحك والهزار.

بعد مزاكره وكتابه المشاريع والقلق من اني اتسال واتوتر لما جه دوري اني أناقش المشروع واشرحو الدكتور قالي وريني المشروع الأول والثاني والثالث والمفروض يسألني في الكود ويقولي عدل ده وده عشان يعرف اني مزاكر لقيتو بيقولي ماشي خلاص ومخدش الدرجه الكامله

ايه الحل لو مش بذاكر من اول السنه والامتحانات يوم السبت؟؟؟ ارجوكو متتريقوش انا بعد امتحان الدين النهارده منهاره فا بلاش تأنيب فيا ومبتذاكريش ليه انا عارفه اني غلطانه ممكن بقا حل ف اللي انا فيه دا

مساعده ضروري... دلوقتي عيد ميلاد صحبي النهارده و انا بقالي شهرين بجهزله و متفق مع الشله بتاعتنا علي كل حاجه و كان المفروض هنحجز ملعب النهارده و ننزل عادي و نفاجاه بالتورته بس انا مش عارف اوصل لاي حد من الجروب و مش عارف حجزو الملعب ولا و هل هينزلو ولا اصلا انا جيبت التورته و جبتله هديه كان نفسه فيها انا دلوقتي محتار لو محدش نزل و مفيش غيري الي نزل و صحبي ميعرفش حاجه اروحله بالتورته و انا لوحدي ولا افكس التوتره و اروح بالهديه بس و عوض عليا ربنا ؟

كل ترم اراكم زي مانا عامله كده ومش عارفه الم حاجه السنه الجايه ثانويه عامة والبعدها كمان خايفه اعك بجد خايفه اوي كمان بعرف الم نفسي علي اخر لحظه بس برضو السنه الجايه اكيد مش هينفع كده بجد

السلام عليكم ورحمه الله وبركاته مش عايزه اطول عليكم انا امتحاناتي الاسبوع الجاي كمان اسبوع خلاص هكون في اول امتحان والمشكله مش هنا المشكله اني مش عارفه كلمه في المنهج كله حرفيًا مش ببالغ ودلوقتي عايزه اذاكر المنهج كله انا عايزه اذاكر بس اللي هو احل اي حاجه في الامتحان عادي بس برده ببقى نفسي احل كويس يعني لان انا طول عمري شاطره المشكله مش هنا خالص المشكله ان انا مثلا لو بتفرج على فيديو مراجعه سبع ساعات مثلًا الربع ساعه اللي بتفرج عليها في الفيديو بتاخد مني ثلاث ساعات في الحقيقه يعني عشان اعدي ربع ساعه بس في الفيديو ده محتاج مني ثلاث ساعات بماطل بشكل غبي ولو اتفرجت مثلا على نص ساعه بس وبالكتير اوي اوي ساعه ممكن تاخد مني اليوم كله طبعا ده مستحيل ينفع معايا في الايام دي وانا مش عارفه اعمل غير كده انصحوني اعمل ايه علشان اكمل الفيديو زي الناس انا مش عارفه اعمل ايه الحقوني الحقوني الحقوني في امتحان اخر السنه بيقول لك انك لو حليت ست اسئله صح بس في الورقه تنجح بس انا حتى مش عارفه الست اسئله دول هحلهم ازاي من كتر ما انا مش عارفه حاجه خالص ارجوكم ما تتخطوش البوست وانصحوني اعمل ايه لاني فعلا فعلا متوتره جدا وعايزه احل المشكله الرخمه اللي انا بعملها دي ومش عارفه اسيطر على نفسي خالص

لو فيه بنت انا معجب بيها وبحبها ازاي اعرف هي كمان بتبدلني المشاعر دي ولا لا ومن غير م احط نفسي في موقف محرج اوقات بحس انها بتحبني و اوقات تانيه بحس انها مش شيفاني اصلا فكرت كتير اكلمها بس بتراجع في الاخر

ورايا مذاكرة كتير واتخنقت والامتحان بكرة ولسة بكتشف المادة كل حبة تجيلي افكار اللي هو تولع سيب المذاكرة واهرب زي مابتهرب من كل حاجة حاليا مفعل مود التلاوة العطرة علشان اخد فكرة عن اكبر قدر ممكن الامتحان اونلاين بس الدكتورة قالت انه محدش يغش وضميري مأنبني اغش بصراحة ف انا بحاول الم اللي اقدر عليه علشان ماغشش بس لو مالحقتش هاضطر ادفن ضميري واشغل جيميناي ربنا يستر

ليه دايما خايف ومتوتر وعندي خوف كبير من المستقبل حاسس ان تايه وحياتي مش مرتبه صح رغم اني بسعي وبجتهد بس برضوا لسه مش حاسس بالاستقرار جوايا وحاسس دايما اني قلقان خايف من المجهول مش عارف بصراحه اعمل اي 😔

أمانة حقيقي اللي بيروح لطبيب نفسي وبياخد علاج يكلمني , او راح مرة ومكملش عايزة اسمع تجربة حقيقية فعلا ، انا عندي حاجة فاكراها مشكلة أو عيب انا الحمدلله بقدر احكي المشكلة بتوتر بس بحكي .. بس وقت الجلسة بيكون قليل ربع ساعة او نص ساعه او اقل واقل اقل لدرجة الدكتور بتقولي بس خلاص مينفعش عشان غيرك .. او توقفني وتقولي امشي علي علاج كذا وتيجي بعد كذا.. يعني بيكون عندي تساؤلات .. او بيجي وقت دماغي بتقف وبنسي اللي بكون عايزة احكيه ليها لدرجة ان انا بكتب المهم وباختصار وبكون ماسكه الفون وبقرأ منه بسبب قلة التركيز والنسيان حد فاهمني هل طبيعي ان الجلسة بحسها صغيرة مع ان هي بتسمعني فعلا.. ولما هي تيجي تتكلم بكون عايزة اوقفها وعايزة انا اتكلم بس مش بلحق او بحس انه اللي قولته مش كفاية .. بحس بالتقصير منها مش المفروض محسش كدا ؟ ولا كل حالة بتفرق ! بكون خايفه الوقت يخلص هل كل الدكاترة كدا ولا اي بحس اني عايزة ساعه العيب في مين حاسه انه فيا طب وبعدين حد فاهمني ، اللي مر بالتجربة فقط يكلمني بلاش بجد عايزة فعلا استفادة حقيقية واقعيه بالله.

تالتة ثانوي صعبة كده فعلا؟ يعني انا خلاص فاضل تقريبا ٤٥ يوم علي الامتحانات و دلوقتي الي بدأت اتوتر و بتوتر بطريقة وحشه و الحوار جاي عليا بالسلب اوي، و حاسه مش عايزة ادخل الامتحان. ناس كتير مستنيه نتيجتي و لو مجبتش مجموع هما اول ناس هيعايروني.

عندي مشكله مش عارف هي ينفع تتحكي ولا لا بس قولت افضفض لانه مضياقني ممكن ابقي احسن خصوصا لما تتقال النصائح القصه بتبداء انا قربت علي 25 سنه طول حياتي و فتره الدراسه مكنتش بصاحب غير ولاد و انا بطبعي مكنتش بصاحب لاني كنت زاي متقول كدا متوحد يعني قعدت فتره ابتدائي مكنتش بتكلم غير معاهم في مدرسه مفيش مره كنا بنخرج أو بخرج معاهم بعد المدرسه زاي ما تقول من بيت لي مدرسه و كدا بعدين دخلت اعدادي و ثانوي كانت مدرسه ولاد فقط بس حمدالله عالجت شويه رهب الاجتماعي الي عندي و توحد و عرفت ناس كتير قعدت معايا اكتر 6 سنين بتوع الدراسه و فيه الي مكمل لحد دلوقتي في جامعة علشان كنت جامعة خاصه مكنش ليها نظام حضور و غياب مكنتش بروح غير فتره معينه اقعد فتره و امشي فتره فا مهم ده خلق عندي خوف و رهبه من البنات عموما يعني بدأت اخد بالي أن بتوتر و بخاف لما اتكلم معاهم خصوصا لو في حاجه بسيطه بمعني أنه قابلت موظفه في سني و انا عايز حاجه من شغل بتاعها بترعب و بتوتر معرفش ليه علي سبيل مثال في بنت بتقدم خدمه معينه انا كل شهر لي أغلب بروح اعملها هي ديما موجوده علي يومي و حظي باين بشوفها بتوتر و خايف لا يكون وشي بيحمر مع اني ولا معجب ولا عايز اي حاجه منها غير الخدمه تتم هتقولي لما تنزل شغل مشكله هتتحل انا لاسف اول كام شغل اشتغلته كان مفهوش حريم يعتبر يوم ما كان فيه و كلام ده من قريب مكنتش بتكلم معاهم يعني احنا شغالين في نفس مكان قعدت اشهر معاهم و مفتحتش معاهم مواضيع قبل كدا ولا هما هتقولي فكره اول ما ترتبط الموضوع ده هيقل انا اصلا متوتر اني اتكلم مع واحده ارتبط بيها و اصلا انا مش مقتنع بفكره الارتباط عموما يعني لو انا مش جهاز ماديا الي يخلينا نرتبط و انا عارف اخرتها أن ممكن يجي حد جهاز يكون ده نصيبك ده غير اصلا أنه حرام و ما بني علي باطل فا هو باطل ده غير اصلا مرضهاش في حد من قرايبي انا عارف اني طولت عليكم بس حرفيا انا مش عارف ليه كل ما اشوف بنت بتكلم أو انا هي في نفس مكان بيجيلي توتر و مقدرش ابص علي عليها ببقي باصص في ارض و اقعد اتجاهل علي قد ما اقدر و ابص في تليفون و خوفي لو اخدت بالي اني وشي احمر يعني 25 سنه و بتكسف من أقل حاجه موضوع مستفز انا اسف اني طولت عليكم تاني ياريت حد يديني حل

انا ضعيف وعارف كدة ونفسي اتغلب ع الموضوع ده اقل مشكلة بتحصل معايا بتخوفني وببقي قلقان ومتوتر ومش بعرف انام ولا باكل ولا اشرب وكمان بيبان ع شكلي وبخس كمان .. نفسي تكون اعصابي باردة واخد الامور بسهولة بس مبعرفش وللاسف ده كمان بيخليني اعمل حاجات مش كويسة ظنا مني ان هنسي ومزاجي هيبقي كويس

حصل مشكلة و مش مهم ايه هي بس دمي محروق جدا و متعصبة حاسة اني دماغي هتنفجر اقسم بالله ومش عارفه انام ولا عارفة اذاكر وعندي امتحان بكرة ومش عارفة اعمل ايه ولا اهدى ازاي لو حد عارف يقولي الله يخليكو

بالنسبالي العياط بيحل كل حاجه زعلانه مدايقه مخنوقه بعيط وكل حاجه بتتحل بعدها بحاول اهدي نفسي الاول بأي شكل وبعد كدا احل الحاجه دي موش عارفه بحس نص المشاكل هتنحل لو عيط بس للاسف دا بيستنزف كل طاقتي وبيخلصها اينعم بعرف بعدها احل المشكله بهدوء بس بحس اني مرهقه في التفكير انا عصبيه جدا ودي حاجه بحاول اهديها بالعياط ...

ازاي الم المنهج في ٢٤ ساعه حاسه اني مش هلحق ومتوتره معني ماده صغيره مش كبيره لدرجه بس امتحان مقالي ومحتاج رغي وكتابه كتير وانا من النوع اللي بختصر كلام اصلاً وبحفظ قليل ب قليل لان ذاكرتي سمكه

حاسه اني بحب حد عرفته بسبب شغلي وخدنا علي بعض بسرعه اوي بنتكلم كل يوم معايا علطول وكده ومهتم وكل الحاجات الحلوه دي وبعدين كان بيفتح البيزنس الجديد بتاعه وانشغل عني ةمن وقتها معدناش بنتكلم زي الاول جماعه انا كنت بحسه بيبادلني نفس الحاجه حتي هو ال كان بيبارد ويقول وحشتيني مثلا ويفلرت والحاجات دي بس دلوقتي لما مبقيناش بنتكلم رجعت شكيت في كل حاجه تاني ومش عارفه اتعامل معاه ازاي؟ جيت علي نفسي كلم مره وكلمته انا اطمن عليه وكده اتعامل معاه ازاي مبانش اني مدلوقه وفي نفس الوقت اكون جنبه

انا الحمدلله ربنا كرمني و خطبت من قريب بس عندي مشكلة إني في اوقات كتييير ببقى مضغوط في الشغل و في الحياة عموماً و تجهيزات الشقة و كده ببقى عاوز اكون لوحدي افكر مع نفسي و اشوف هعمل ايه و اتصرف إزاي ولو خطيبتي حاولت تفضل معايا تسمعني و تحاول تستحملني العصبية دي بتطلع عليها و ده بيضايقمي من نفسي اوي والله و مش عارف اعمل ايه

أنا شخص أحب النظام واتباع القواعد داخل المنزل، وأشعر بالراحة عندما تكون الأمور منظمة وواضحة. لذلك أتوقع من الأشخاص الذين يعيشون معي أن يحترموا هذه القواعد أيضًا. عندما يتم تجاهلها أو عدم إعطائها أهمية، أشعر بقلق شديد وتوتر وعصبية قد تصل أحيانًا إلى الانهيار العصبي. وعندما أحاول التعبير عن انزعاجي أو أدخل في نقاش معهم، غالبًا أبدو أنا المخطئة، ليس لأن كسر القواعد أمر طبيعي، بل لأنني أجد صعوبة في توصيل فكرتي بسبب ضعف شخصيتي وعدم قدرتي على التعبير بشكل جيد، وهذا الأمر سبب لي ضغطًا ومشاكل نفسية.

مفهمتش علاش مطاحليييش الموضوع لي كنت حاباتو ليوم فالاورال نعرف لمواضيع كل غير لي طاحلي مراجعتوش قتلها نقدر نبدل موضوع آخر قاتلي لالا😓لبنات كامل خدمو غير انا لي مخدمتش 😩مفهمتش قتلها محضرتش لهاد الدرس قاتلي اممممم تاع منعرف كفاه فهمتها غاضتني همري لبنات كامل خدموو غبر انا بعني كون طاحلي هذاك لموضوع ني جاوبتو😭علاه اربي تعكست هكا من دوم المواضيع كامل نعرفهم غير هذا😩 خففو عني

عايز احكيلكوا يجماعة وال مرة بنفس التجربة يقول كان في بنت اتعرفت عليها فترة قصيرة شوية وهي كان في قابليه جدا منها وكان في اعجاب فالاول حتي هي كانت بتكلمني بشكل دايركت عن الحب ف علاقتنا وكدة لحد م واحنا بنتكلم مرة واحدة لقيتها قفلت ربع ساعة كدة ورجعت مسحت الشات كله قولتلها في حاجة حصلت ولا ايه قالتلي لا معلش انت كلامك غريب كلكوا زي اخواتي ف انا مفهمتش بردو ليه مرة واحدة واحنا بنتكلم فالنص وعمالين نضحك ونهزر تعمل حركة زي دي ليه اصلا ف بفكر اكلمها في تو فيس بقا احاول افهم ايه ال حصل بدل م هي سايباني لدماغي كدة وجوايا الف موضوع داخل ف بعض

عشان من زمان بخاف من فكرة اني اكون لوحدي .. من ايام ما كانت مامتي بتسيبني و تروح تجيب اخواتي من المدرسة و بخاف تكون اختارتهم و هيسيبوني و ماحدش هييجي تاني (قبل التنمر بس كنت طفلة سنتين و نص او ٣ سنين )😅💔 انا شخصيا عمري ما حبيت الوحدة ( حتى و انا فى اقسى مراحل الوحدة حاليا مش طايقاها 😂💔) بخاف اما اموت ماحدش يفتكرني و يدعي لي بخاف اما بكون لوحدي يحصلى حاجة و مافرقش مع حد بتوتر في ٩٠٪ من الاوقات اللى بكون فيها لوحدي و ببانك (بغض النظر اني شبه اتعودت اصلا ابانك لوحدي و بحس ده اخف من شوية ناس عمالين يبصولى و مش فاهمين هي مالها دي ده من ايه و الشو السخيف اللى بيحصل 🤷🏻‍♀️😅) بس برضو فى نهاية كل بانك سواء معايا او مع غيري ف I guess we deserve to have someone to help us ,to hold our hand يعني اقل واجب حتى مسكة ايد طبطبة خفيفة اى حاجة يعني تحسسنا اننا متشافين و عايشين زينا زي غيرنا وسط الناس يعني مش شفافين 😅 مش عارفه بس ع طول بحس ان الوحدة وحشة اوي ماحدش بيختارها بمزاجه كدة الا و فيه مشكلة اعتقد خايف من الناس من المواجهة كره البني ادمين كلهم مثلا فيه حاجة فيه سبب ل ده طبيعة الإنسان مش كدة 😅 هو بقا (الإنسان) عشان يأنس بغيره مش بانه عايش فرداني وحيد شريد كدة مع حاله 😂💔

عندي واحده صاحبتي من زمان انا بحبها بس كنا مع بعض قبل كده خارجين وشدينا علي اني مش عارفه اصورها وهي صورتني حلو وهي عارفه اني بجد مبعرفش اصور ومس بركز يعني انا شخصيا لما بيكون فيه اي حاجه هي اللي بتظبطلي نفسي او شكلي وانا لسا كنت بتعالج من السوشيال انكزايتي اليوم ده فضلت تقولي اني مش عايزه اخليها حلوه او اصورها حلو وهي بتحاول تخليني حلوه وانا فعلا ولله ما بركز ولا ببقا قصدي وحاسه بالذنب بجد حاولت افهمها بس مقتنعتش مفروض اتصرف ازاي؟

كبرت والله علي الامتحانات والبهدله دي 🙂💔 بقالي كتير اوي بمتحن و بقالي كتير قاعده بذاكر عندي امتحان بعد تلات ساعات و حاسه مفيش حاجه فدماغيي لو مقفلتش هعيط والله بس عامه انا استاهل لاني بسيب المواد لحد الديدلان 💔💔💔

لحظة ادراك اني عملت مصيبة بعد يوم طويل في الحضانة قاعدة في امان الله افتكرت اني علمت العيال يكتبو رقم ٣ معكوس عكست مكان عصاية ال ٣ حرفيا ربنا يسترها عليا اولياء الأمور ومديرة الحضانة هيعملوني كفتة انا متعودة اكتب الارقام بالانجليزي من صغري ف الماث عندي تمام انما الحساب يختااااااي يارب استرها🥲

هفضل طول عمري اكره شخصيه امي المؤذيه النرجسيه الي مفضله شخص عن التاني فيها اي بجد لو طلبت حاجة وجتلي معا اني مش طالبه املك الدنيا والي فيها انا كنت طالبه حاجة من حقي لمستقبلي بس ازي لازم الدنيا تتوفر عشان خاطر اخواتي الي هما بالنسبه ليها احسن مني بعلن كرهي الشديد ليه بجد بكراها بس مش بتمني ليها الاذي بتمني تعيش في خير ومتحرمش اخواتي الي هيا حرماني منو عندي اقتناع تام ان فاقد الشيئ بيعطيه وانا هدي كل حياتي لولادي وعمري مهفرق بين حد عمري مهحسسهم انهم عبئ عليا بس انا مبكرهاش انا بكره شخصيتها بس في نفس الوقت مش عوزه انا الي ابقي في حياتها محتاره ومتوتره وميته حرفيا ومدمره ميت مره عليوالي بيحصلي طول عمري طالع عيني معاها وهيا مش شايفه ده يبقي لي المعامله دي لي لما اطلب حاجة مش رافهيا حتي عشان متجبهليش مكنتش طالبه غير مزكرات للمراجع بس بس هيا ازاي عوزاني مجبش درجات وحشه وفي نفس الوقت متصرفش بجد الشخصية دي اتعامل ازاي معاها

السلام عليكم، ابي اكلمكم عن شي صالي فتره افكر فيه وابي وجهت نظركم عنه قبل اسبوعين تقريبا كنت يوميا في الفسحه(الصرفه) اجلس مع خويتي من الفصل الثاني يوميا نجلس نسولف طبيعي بعدين مره جت سلمت علي ومشت مع خويتها اللي هم بعد خوياتي بس من نفس فصله طبيعي ماكان شي غريب واليوم اللي بعده سوت نفس الحركه سلمت ومشت مع اني لاحظت بس ماقلت شي كان عندي سوالف بس قلت بكرى ان شاء الله بس بكرى مرت سلمت ومشت؟! طيب طبيعي خله كيفه اللي بعده نفس الحركه؟؟ انا بديت اشك بنفسي هذي خويتي مرره احبها واعرف انه تحبن مره فهذا الشي خلاني مرره افكر واتوتر ليه ماتسولف معي هي بالعاده ماترد علي اذا تواصلت معه خاص الا بعد مده وانا اعرفه واعرف ظروفه فكنت افضل اتكلم معه اذا تقابلنا بس الحين هي ماتجلس معي واذا ارسلت له ما ترد وانا اخاف اواجه وعلاقتي معه من 3 سنين مو بسيطه ومااعرف اسوي علاقات زي العلاقه الي انا معه اسولف معه عن اشياء كثيره ويعني هي بايخه السوالف بس معه تحلى، انا بديت اشك فيني هل انا سويت شي ازعجه هل انا ضايقته بكلمه او حركه؟ طيب يمكن المشكله منه اكييد عنده ظرف وكانت تتجنبني بسبته، المهم انا صار ببالي كييف سنريوهات وخفت كثير وخايفه تجي تقولي نقطع العلاقه من بعض وكل واحد يمشي بطريقه الزبده تهاويل لدرجه اني فكرت انه اهله تطلقوا وهي تمر تمشاكل نفسيه بسبته وما تبي توريني ذا الجانب منه، بعد فتره الي هي قبل كم يوم كانت المدرسه مسويه فعاليات وحاطه ركن بيع وفيه اهداء (تعطين شخص داخل المدرسه هديه تكون من مجهول الركن يعطيها اياه) وانا جاني اهداء ففكرت بخوياتي وشكيت انه هي بعد ف رحت سألته فلانه وش مسويه، ابي اشوف هي او لا وبقدرت قادر ردت علي بعد كم دقيقه كانت فاهمه غلط وجايه تقولي لا والله ما سويتي شي بس فلانه وفلانه كانوا يبوني امشي معهم واستحيت اردهم، مااوصف لكم كميه الفرحه اللي شعرت فيها يوم درت غير انه تكلمت عن ذا الموضوع الزبده سولفنا شوي وبس يعني امم مدري وش اقول صراحه، ابي اعرف وجهت نظرك في الموضوع حبا لو انتي بنت وابي اقول يعني في بعض الاحيان نكبر موضوع معين ويكون ابسط من مايبدوا بسنين ضوئيه ¯\_(ツ)_/¯ لحضه 1430 حرف؟!؟ شكلي زوته شوي؟😭😭😭

هاي سأتكلم بالعربية لأن غالبا ما يتم الرد عليها المهم حقا اريد شخص يعطيني نصيحة أو على الأقل يتكلم اذا عنده تجربة هع هذا الشئ انا بنت رسبت في الباك و الان راني نعاوده و مازالني لم اتخطى حتى اني لم ادرس حقا رغم اني نعاود و الان مازالني شهر و انا شبه لا علاقة يعني ممكن ارسب مرة أخرى 😭 و انا احاول كل لم اضبط نفسي و ادرس هذه الأيام المتبقية لكن الأفكار السلبية و القلق و الستراس ماخلانيش 😭😭و ابكي كثيرا لا استطيع التحكم و اهرب من الواقع ...و من الجانب الديني احاول اصلي لكن لست ملتزمة لكن دائما ارجع لتلك الدوامة السلبية و تلك الأفكار ...

بحس دايما أن أبسط موقف بيتعبني ويرجع في دماغي ذكريات كل المواقف المؤلمة وحاولت اقنع نفسي ان ده ملوش علاقة بده بس أقل موقف بيضغطني بيفكرني بكل المواقف الصعبة وده بيخليني أحس باليأس كنظرة تشاؤمية عامة عن الحياة خصوصا اني كان عندي ارتجاع مرئ وحرقان في المعدة بسبب التوتر ل ٥ سنين وده كان لوحدو عامل ضغط نفسي قوي بسبب ألم الحرقان المستمر خلاني ابص دايما للحياة انها مكان مؤلم . بقيت بحاول اصور مفسي في لحظات السعادة عشان اقنع نفسي ان الحياة فيها جزء سعيد ... بس لغاية دلوقتي منجحتش في ده

لا انا اقدر اشاركها مشاكلي و افكاري واللي امر فيه ولا هي تقدر تشيل من دماغها انا ما ادري هي تعرف وتنتظرني اقول لها من عندي او لا ، الي حصل فقط نقص ثقة انا اللي بنيته بيناتنا طوال اكثر من اربع شهور انا اعيش عندها انام معاها اواعدها تشاركني كل افكارها ومشاعرها حتى هي اشترت لنفسها ال Ukulele الموسيقية فقط ل تجاري شغفي بالموسيقى واعلمها انا ، طوال كل هذا الوقت ما حدثتها أبدا عن الوضع في اسرتي كيف وليش بابا طردني وفين امي فقط ما كنت احجيلها هي كانت تدري كل هذا بأول اسبوع فقط تنتظرني اقوللها وما قلت غير اكاذيب غبية فقط بيوم عشوائي مر وراح صارحتني هي تعرف بكل شيء وفقط تنتضرني اقول من نفسي وفقط قلقة ان انا ما اثق فيها وفقط تضن انني ما انفتح لها من اي ضغوط او قلق اواجهها وتقول هي فقط انها تبغى تكون جنبي ومعي خلالها وتضن وضنها صحيح ان ك اي انسان امر بمشاكل أخرى وأيضاً ما اقوللها ، وهي الان بسبب ضنها الصحيح تعطيني مشاعر القلق والنقص والتوتر ، لانها تعرف انا اكذب عليها مرة من المرات نادتني وهي تبكي لهذا السبب وقالت هي تبكي لانها تعرف اني ماراح اقوللها حتى لو هي بكت

خااايفه جدا جدا جدا مش قادره احفظ حاجه مش عارفه عندي توتر شديد وامتحاني يوم الاربع مش عارفه اعمل ايه خااااايفه خالص بعيط كل مابس افتح المصحف مخنوقه جدا متوتر جدا جدا بتمني اني ربنا ياخدي بجد انا تعبت

اول مره احب كده بتوتر لما بشوفها ببقي عايز اعمل كل حاجة عشانها كل حاجة هي عايزاها انا مقولتلهاش ولا هي غالباً تعرف اني بحبها بس هي قمر بشكل غريب وحلوة حلاوة ربنا يبارك من كتر حبي ليها خايف اقولها بجد متخيلين الموضوع واصل لأيه ومعنديش حتي جرأة اقولها ولما كانت بتكلمني عشان موضوع معين معرفتش افتح كلام الموضوع غريب متستغربووش بس غريب شوية بس بحبها

كنت بلاخظ اني بفتكر حاجات مبحبهاش لما بشم ريحة معينة او بسمع حاجة معينة بس كنت بحاول اعدي بس مؤخرا كنت في عزا اغلي حد في حياتي مجاش ف بالي اني ربط الوفاة بصوت القرآن ولما بسمع صوت القران بنفس صوت الشيخ ا اللي كان بيقرء انا برجع لنفس الحالة اللي كنت فيها وبقيت بتوتر وبعيط لما بسمعه حتي لو نايمة وانا للاسف معرفش حتي اسم الشيخ اللي انا ربطة الحدث بصوته عشان احاول اتجنب سماعه بس مش عارفة ابرر دا بايه يعني ازي اقول لحد لو صوت الشيخ دا اتفتح اقفل القران هيفكرني ملبوسة بس انا مش بعرف اسيطر ع دموعي واني افتكر وانهاردة حصل نفس الموقف بس كنت مع اصحابي والصوت كان واطي فحاولت مركزش ومتكلمش عشان معيطش وياخدو بالهم بس كل العياط كنت كتماه ومكنتش قادرة اتنفس وفضلت ضاغطة ع اعصابي لغاية ما الصوت اتقفل

حد متقدملي تقريبا هرفضه منغير ما اشوفه او اعرف عنه حاجه . اول سؤال ينفع ا pass it لحد تاني ؟😂 بصراحه بحب حد بس بنتكلم قليل جدا لحد ما ظروفه تظبط فتره دي و يتقدملي . المهم عندي فضول اعرف رد فعله فينغع احكيله ان حد عايز يتقدم ولا هبقا رخمه و بوتره مثلا