منذ 4 ساعاتيشعر بـ منزعج
انا عايشه ف قريه و الي جرب هيفهم قصدي ، المجتمع هنا كله عباره عن ناس بتتكلم على ناس سواء كلامهم ده حقيقي أو كدب مش مهم و الكل بيصدق و يا سلاااااام بقا لو الي اتكلم ده راجل أو ست كبار ف السن شويه يبقى خلاص كلامهم ده شهاده معتمده محدش بيكدبها ، يعني لو قالوا على بنت مش كويسه لمجرد أنها راجعه البيت العشاء مثلا خلاص البنت دي بقت black list ، و الناس كلها بتتدخل ف حياتك بدون وجه حق و مفيش خصوصيه و كله مراقبك ( فيه ناس بجد شغلها الشاغل تقعد على اول الشارع تراقب كل حاجه و تنقل الاخبار ) ف بجد حاجه قمه العبث و نفسي اتخطى كل ده و اعمل الي عايزاه طالما مش حرام و مش بضر حد بس مش قادره بسببهم
بنات القرى عموما من انضف واحسن البنات عن تجربة انا خطبت مره من قرية في المنصورة يشهد ربنا انها كانت ونعمه الاخلاق و الادب و الاحترام و الالتزام ام بنسبه للكلام هو فعلا دي ظاهرة منتشرة في الأرياف عارفه ليه ؟ من وجهة نظري عشان مجتمع بسيط محدش لاقي حاجه يعملها ولا شغلانه يشتغلها فا بقى كل واحد يعمل قصص من دماغه ويفضل يتكلم في اي اعراض بس كل ده بلح ما دام بتتقي الله يبقى كل كلامهم في الزبالة
هم كده جيت عند ربنا حسابهم كبير قوي ما تشغليش بالك انت بيهم لان بجد هيجي على نفسيتك انت في الاخر
السكن في الريف دا ابتلاء بجد
انا كنت زيك بس حاليا بقالي تقريبا اربع سنين منعزلة عن الناس عن كله علشان كنت بتأذي كتير طب بعمل اي كل حاجة عندي اونلاين مجال دراستي تطويره في كورسات اونلاين والكلية بنزل كام يوم ومبشوفش حد بحفظ مع معلمه اونلاين باخد كورسات اونلاين بتابع اكاديمية اونلاين مبكلمش حد الا بسلم في المناسبات حد احتاج حاجة مش بنزل استوريز عن حياتي نهااااائي الا تهنئة مناسبات فمحدش عارف عني حاجة ومبقاش حد يقدر يتكلم عليا بس لما بشوف حد قريبي من القرية صدفه بسلم عليهم وبضحك في وشهم عادي جدا فبعدت استغنيت عن الناس ركزت في حياتي مش بعرف حد حاجة عني خالص