منذ ساعةيشعر بـ متوتر
لو كنت بحب واحده وانا صغير اواخر اعدادي مثلا ولما كبرنا شوية بطلنا نتكلم بسبب اختلافاتنا الفكرية وأننا مش شبه بعض ودلوقتي احنا في سن الجواز ومفيش بينا اي تواصل بس انا مش حابب اكون في علاقه معاها بسبب اختلافنا زمان علي حاجات أساسية بالنسبالي , وفي نفس الوقت حاسس بالذنب لأنها كلمتني وقالتلي اديني فرصه تانية وأنها اتغيرت ولكن أنا رفضت لاني مكنتش جاهز وقتها للجواز , دلوقتي انا اخدت قرار اني أخطب , ايه التصرف الصح هنا هل اتقدملها رغم اني مش متقبلها بسبب تصرفاتها زمان , او اتقدم لحد تاني مناسب ليا ؟ مع العلم أن الاحتمال الأكبر اني اترفض من أهلها لو اتقدمتلها عشان حاطين توقعات عالية .
لو مش متقبلها وهتحط قدامك تصرفات زمان يبقي متتقدمش
انت مش عليك ذنب البنت ملكش دعوه بيها انت موعدتهاش بالعكس صديتها كذا مره ف لو مش هتتقبلها شوف حد مناسب ليك و هي هتتخطى لما تلاقيك خطبت ، إنما لو اتقدمت و اترفضت من أهلها عمرها ما هتعرف تتخطى عشان هتقول إن أهلها السبب
بلاش تظلمها معاك وبلاش تظلم نفسك الجواز مش فكره حاسس بالذنب الجواز حياه جديده مع شخص ممكن تكون هتعيش معاه باقي عمرك حرفيا اللي هتخترها المفروض تخترها بعقل وبحكمه حد يكون مناسب مع تفكيرك واسلوبك مش هتاخدها مش مناسبه ليك وتحاول تغيرها على مزاجك انتو الاتنين هتتعبوا ف الاخر الخلاصة انك ممكن فعلا تعرف هي بقت بتفكر ازاي وهل ده مناسب مع فكرك وحياتك ولا لا غير كده بلاش تقول هكمل وانت مجبر بلاش بجد ربنا يقدملك الخير