أنا اهلي منفصلين وعايشة انا واخويا مع جدتي بصارحة جدتي وخالتو هما اللي ربوني وبحبهم اوي بس بحس اوقات اني تقيلة عليهم انا بابا مسافر بس مش بيبعد فلوس اوي المصارف بقيت صعبة وماما متجوزة وعلاقتي معاها مش احسن حاجة وعمرها معرفت عني حاجة بس بنتكلم عادي انا مكنش ليا في جو العلاقات بس من فترة اتعرفت على واحد من النت من المغرب وبصارحة حست باهتمام وحب منه كنا في اول اصحاب لحد معترفلي وانا بصارحة حبيته اوي وبعد فترة بداء يبعد وكنت بزعل من الطريقة دي واخرة مرة طلب يشوف شعر وانا صديته وقال اسف بديها بيوم لقيته عمل بلوك من اللفيس وانا اتعصب منه طلبت انه ميكلمنيش تاني اي حساب بس انا دخلت ليه من رقم تاني فالي انتي اللي طلبتي تبعدي عني وبصارحة مش قادرة استغني عنه خالص وحاولت ادخل من كذه حساب تاني كان بيعمل بلوك بجد حاسة اني هموت انا عارفة اني غلط لما حاولت اكلمه كذا مرة واني هنت نفسي بس انا عايزة نصيحة من حد انا مش عارفة اعيش خالص😢
مبدأياً فكرة انك ترتبطي بشخص من المغرب مش منطقيه خالص انتي متخيله ان الشخص دا هتحبيه وترتبطي بيه افرضي جالك عريس دلوقتي كويس جدا ترفضيه عشان قلبك مع واحد تانى استحاله يحصل نصيب أو صعب جدا مين قالك انه مش بيتسلى؟ الشخص دا لو جد هيرتبط بواحدة من مصر ليه؟ ناقص مرمطة هو فا اعذريني لو كلامي قاسي بس انا خايفة علي قلبك هيتعلق بحاجة مش باينلها اول من آخر وربنا يعوضك بزوج يعوضك كل الحنية اللي نفسك فيها ويكون راجل وسكن بجد ❤️
حبيبتي انا مقدره الي بتمري بيه و انك محتاجه حب و اهتمام بس ده مش الحب ولا الاهتمام الي انتي محتاجاه و انتي ما غلطتي لان هذا النوع غالبا كل الي بده الاستغلال و بس و ده ما كان خطإك ابدا و هو لو حبك عمره ما بيسوي كذا ده غير بعد المسافه و عدم منطقيه العلاقه بصي للموضوع ع انه اشاره و انك بعدتي عن موضوع كان ممكن يسببلك مشاكل كتير اتمني انك تلاقي العوض عن اي حاجه مريتي بيها
ممكن دلوقتي اهتمي جدا بعلاقتك مع ربنا انزلي احفظي قرآن اسمعي تدبر قرآن افهمي دينك كويس نظرتك الموضوع دا هتتغير تماما هتشوفي انك كنتي في فتنه كبيرة جدا وهتفوقي وربنا هيريح قلبك صدقيني انا ملاقيتش في حياتي افضل من طريق ربنا اللي رمملي قلبي من اول وجديد
بجد انا بعد كلامكم ده حاسة اني احسن بكتير اه قعدة شوية اعيط بس حاسة اني احسن شكرا اوي ♥️