عندي مشكله ميعادي للشغل الساعه ٧.٥ وللاسف منمتش وشكلي هروح مطبق او ممكن انام الساعتين دول على حسب لو لقيت رد يعني بالله ادعولي يكون الشغل دا كويس وارتاح فيه لسه بكرا اول يوم ندخل في الموضوع انا الحمدلله بقالي اسبوع اهو نازل الجيم ف عندي مشكله محدده بقا عايز حل ازاي اواجه احساس اني متاخر او احساس الاحباط يعني انا بلعب مع واحد صاحبي وبيشيل تقريبا ماشاء الله ضعف اوزاني ف بحس بزعل سيكا كدا انه كل مجموعه انزل الاوزان ليا واحطهاله وهكذا مش حقد ومش بقارن نفسي بحد وعارف ان الكل بدايته كانت قليله عادي محدش بدا كبير وعارف اني لو صبرت شوية هوصل عادي بس احساس غير مببر بقا نفسي اخلص منه عشان ميتمكنش مني اخر حاجه محتاج نصايح للجيم والاكل عموما انا وزني ٥١.٥ بالظبط وطولي من ١٧٠ ل ١٧٥ ف محتاج ازيد بتاع ١٥ كيلو ف محتاج نصايحكم للموضوع دا واني ازود وزني واتطور في الجيم وكدا وجزيتم خيرا 🤍
قلل بس انت اوزان ف البدايه ميغركش الحماس اللي ف الاول عايز تزيد براحتك انت مش بتنافس ع اولمبيات انت عايز تظبط جسمك وبس واحده واحده لما اوزانك تبدا تزيد بالتدريج هتحس ان محدش هامك والشعور ده هيختفي تلقائي ف البدايه بس العب ع مهلك خالص ومتلعبش كل حاجه ع امل انك تتطور انا عندي اصابه ف الكتف لحد دلوقتي ومش عارف اخد نفسي وقعدت وجسمي بيتخن ف اهدي ع نفسك وافتكر ان اللي قاعد ف البيت انت احسن منوا حتي لو بتشيل البار فاضي
ربنا يوفقك فالشغل الجديد و ان شاء الله ترتاح فيه و يكون كويس و ليه منمتش و لو نمت هتقوم تعيان و م هيكون نوم كافي فـ هتكون حاجه رخمه اوي لو نمت طبق احسن متأخر اى انت لسه بتسمي فـ د طبيعي جدا م متأخر ولا حاجة و اكيد هتوصل للمرحلة بتاعته و تعديه كمان ان شاء الله بس اصبر و متستعجلش و متملش
بالنسبة للنوم الافضل من وجهه نظري خليك مطبق ولو متعود اشرب قهوه(لو متعود عليها هاا)عشان لو نمت غالبا هتصحى مصدع وربنا يوفقك ويكتبلك الخير ف شغلك الجديد بالنسبه للجيم بعتذر بس معنديش الحصيلة المعلوماتيه الكافية الي افيدك بيها بصراحة لو ملقتش حد يفيدك ف الحته ديه اوي ليه متسألش اي AI tool مثلا