"عندي اقتناع تام ان القلوب بتحس ببعض القلب ده عامل زي الرادار، بيلقط النية قبل ما اللسان ينطق الكلمة، بتحس بـ غلاوتك وهي بتتبخر من قلب اللي قدامك، حتى لو لسه بيعاملك بنفس الشكل، بس الروح مابقتش هي هي، بتحس باللي مشتاق يكلمك وعزة نفسه منعاه، وبتحس باللي بيكلمك وهو شايل الدنيا فوق دماغه من نبرة صوته حتى لو بقالكم سنين وسنين، الحدس ده هو "نغزة" من ربنا بتبينلك الحقيقة في ثانية، وبعدها تسيبك وتمشي، وتفضل إنت وعقلك في صراع: تصدق اللي حاسه جواك، ولا تكدب نفسك وتصدق اللي قدام عينك."