بوست بعنوان لا تفقد الامل انا انسان حبست قراية السنة ثالثة ثانوي بحكم بعض الظروف وكيما كان الحال شفنا الزنقة شافيها وبلي مكانش مفيد مركيت مراسلة عام يطبع عام وحد 8 سنوات ملي حبست لقراية لقيت روحي تارمينال وعندي باك في سن 25 سنة مع ديك الندامة تاع حبست لقراية وشوية تكصار الراس واولا وآخرا التوفيق من الله تعالى جبت الباك تاعي ودخلت لافاك تخصص حقوق وكيما كان الحال درت بيت في راصي ولي هو المدرسة العليا للقضاء قريت 3 سنوات جبت ليسانس 2024 ولا في عمري 28 سنة وقديما كانت المشاركة في مسابقة الالتحاق بالمدرسة العليا للقضاء بليسانس من زهري العيان ردوها ماستار!! .... لقيت روحي بين نكمل ماستار ونحط كلشي على لقراية ولا نحبس ونروح نشوف حياتي في جيهة وحدخرا !! اتخذت القرار تاع نكمل ورحت كملت الماستر في العاصمة ( وكون غي ما رحتش لديك لافاك) المهم تمرمدت طحت ونظت و الحمد الله شهر لي فات سوتنيت وتهنيت مع بعض الحصرة على الوقت لي ضيعته برسكو كل حاجة في وقتها مليحة كيما يقول لمثل كي تسوق الفيلو في 4 سنين ماشي كيما تسوقها في 40 وعلى كل حال الحمد الله كثيرا نولو للحلم تاع المدرسة العليا للقضاء حلو دورة فاتت وزادو هاذا ابشهر حلو 286 منصب حب يقول مناصب قليلة والمنافسة عليها قوية وانا راني حاس روحي نفسيا عيان مي نتكلو على ربي ونشاركو مدام لحقنا للعين لازم نشربو منها و التوفيق من عند الله خاوتي دعواتكم ليا مام ما تعرفونيش هذا هو المطلوب