أمل

جه الليل حتي لو لسه ف وقت للساعه ١٢ استمعت مسلسل قصير عابر ف تيك توك وبس مفيش حاجه اعملها بعد ده ف هقوم اعمل ايس كوفي كل م اتزنق بعمل ده مهم اني حابه اخد خطوه ل اني اعمل شئ ما الايام الجايه مش عارفه بعدها اي بس حاسه انو افضل ليا ف هاخد وان استيب مش عارفه بس الجو حلو لسه مش سوداوي تماما بس حلو قعده بلكونه هوا لطيف بيخليني افكر ف المستقبل ف بفكر بشكل إيجابي ف العموم بخاف ف يوم ما حد يسمع اسمي ويقول إن الحمدلله اني مش فحياته بتمني اكون افضل كل يوم من عاب ابتلي اكتر جمله بخاف منها وبما أن لا يعلم ما ف النفس الا خالقها ف بتمني اكون باللطف الي انا شيفاه ف حياه اي حد بتمني اكون دائما الشحن الي بيترك اثر طيب حتي لو حد عابر بتمني اكون كده برضو عند ربنا وقت بيجي واكون عيانه أو حاسه بديق بحمد ربنا أن ممكن زنب عملته ف ابتلاء رحمه بيا لست من مدعي المثاليه انا بقول اوقات كتير اني مش افضل حد ف الحياه عموما مش عارفه بس بتمني الايام الجايه تكون الالطف ع قلبي

جماعة كنت بفكر اخد سكن جنب الكلية بالظبط أنا داخلة تالتة زراعة و المسافة بيني وبينها ساعة بس طريقها مش أحسن حاجة ف برجع مهدودة و مش بعرف اذاكر في نفس اليوم و بخرج من البيت ٨ برجع ٥ أو ٤ و اليوم بيضيع ف فكرت اخد سكن عشان اركز في الدراسة شوية لأن مستوايا مش كويس و سألت واحدة على سكن جنب الكلية و دي تفاصيله ف شايفين اي ؟ كلمت واحدة على السكن حاسة الدنيا لذيذة موت بس ممنوع مروحة و مكوة عشان الكهربا الترم ب ٢٥٠٠ تقريبا هو سكن خارجي تبع واحدة بس برج كبير جنب الكلية علطول الدور فيه كذا شقة و الشقة فيها كذا اوضة بس على حسب العدد ممكن الشقة يبقى فيها ٤ أو ٥ مثلا كل واحدة ليها سرير و ضرفة دولاب، انا مشكلتي حوار المروحة البنت قالتلي خدي اوضة تكون كويسة من ناحية الهوا و بردو حوار المكوة أنا مبعرفش انزل و النقاب أو الخمار مش مكويين و كمان قالتلي مفيش سخان تقريبا مركزتش في الحتة دي ف مش عارفة هعمل اي فيهم هي كل شقة فيها تلاجتين و فريزر و بوتجازين بأنبوبة فلوسها من البنات مع بعض و الاكل خاص بيكي بردو و النت مش فاكرة الست بتشحنه ولا البنت بس هو واي فاي و كل واحدة ليها شبكة لوحدها مش فاهمة ازاي لكن الكهربا و الماية على الست ف مش عارفة هل عيوبه تتعوض مثلا او تتحل ولا اي أنا أول مرة اخد سكن ف عايزة مكان يكون كويس من ناحية مسافة للكلية و يكون فيه ناس كتير عشان مكونش لوحدي أو حتى يكون معايا بنات من الكلية و يبقى اهلي متطمنين عليا

بصراحة مش عارف أبدأ منين... كل اللي أعرفه إني تعبت. تعبت من إني كل شوية أحاول أقف، وأخاف أقع تاني. تعبت من الحرب اللي جوايا، ومن الخوف الدائم إني أضيع كل اللي بنيته في لحظة ضعف. ساعات ببقى ماشي وسط الناس، لكن من جوايا حاسس إني لوحدي جدًا. فيه كلام كتير نفسي أقوله، لكن مش بعرف أوصفه. وفيه وجع أكبر من إن الكلمات تحتويه. يمكن أول مرة أعترف بالكلام ده بالشكل ده، لكن أنا أوقات ببقى محتاج شوية حنية. محتاج حد يقولي: "أنا شايف إنك بتحاول، ومهما وقعت متوقفش." محتاج حد يحط إيده على كتفي، أو يطمني بكلمة، أو حتى يدعيلي من قلبه. وكل ما أعترف بالإحساس ده، ألاقي نفسي ألومها وأقول: "لا... عيب... أنت راجل... استحمل." لكن هو ليه الإنسان لازم يفضل قوي طول الوقت؟ أنا مش بدور على علاقة، ولا على أي حاجة حرام، ولا حتى بكتب الكلام ده عشان حد يشفق عليا. أنا بس تعبت من إني أشيل كل حاجة لوحدي. يمكن فقدان أمي وأنا صغير خلاني أفتقد إحساس معين عمري ما عرفت أوصفه. كنت فاكر إن السنين هتنسيني، لكن اكتشفت إن بعض الجروح بتفضل موجودة، وإحنا بس بنتعلم نعيش بيها. يمكن عشان كده بقيت لما حد يعاملني بكلمة طيبة أو شوية اهتمام، بحس بإحساس غريب... كأني كنت محروم من الإحساس ده من زمان. وبعدين أرجع ألوم نفسي، وأقول: "اعتمد على نفسك... متحتاجش حد." لكن الحقيقة إن الوحدة بقت مرهقة. أنا تعبت من إني أكون الشخص اللي بيهون على الناس، وبيسمعهم، وبيحاول يخفف عنهم... ولما ييجي دوري، أرجع أسكت وأقول: "أنا كويس." لا... أنا مش كويس دايمًا. وفيه أيام ببقى نفسي أبكي، لكن حتى البكا مبقاش بيطلع. ورغم كل ده... الحمد لله. الحمد لله على كل حاجة، والحمد لله إني لسه بحاول، ولسه عندي أمل إن ربنا هيجبر قلبي في يوم من الأيام. لو قرأت كلامي، متقوليش إني قوي، ولا إني لازم أستحمل. قولّي كلمة طيبة. ادعيلي. فكرني إن اللي بيحاول كل يوم، حتى لو بيقع، ربنا شايف تعبه. يمكن كلمة منك النهارده تكون السبب إني أقوم بكرة وأكمل... لأن الإنسان أوقات بيكون محتاج كلمة حلوة أكتر مما الناس تتخيل. وأسأل الله أن يجبر قلوبنا جميعًا، ويعوض كل إنسان فقد حنانًا أو أمانًا أو سندًا، وأن يرزقنا القوة لنكمل الطريق بالحلال، حتى لو كان طويلًا.

ساعات بتمر على الواحد فترات بيلاقي جسمه وصحته بيخذلوه، وتعب مش عارفله أول من آخر، ولا لاقيله حل مريح لحد دلوقتي. الإحساس بالعجز قدام المرض بيبقى تقيل أوي على النفس، وبيخلي طاقة المقاومة تقل تدريجياً. أنا بمر بالفترة دي حالياً، وحاسس إن الشغف والمجهود بدأوا يهربوا مني، ومحتاج طاقة إيجابية وكلمة حلوة تخليني أقوى وأقدر أكمل وأقاوم التعب ده. دعواتكم ليا بالشفاء العاجل، وأي كلمة تشجيع منكم ممكن تفرق معايا جداً وتديني دافع أعدي الأزمة دي.. شكراً لقلوبكم الجميلة مقدماً. ❤️

احيانا نضع امالا علي ما لا نملك نشعر بشيئ من الفرحه باشياء لا نملكها بعد ثم نصطدم بالواقع ليسقط علينا سقف التوقعات و نكتشف انه مجرد حلم جميل ينسينا و لو لثواني الواقع المرير فقط هي التوقعات ما يجعلنا نرفض الواقع اتامل ان تتذوق الملح اليوم لتجده اصبح سكر انت فاهم كويس ولا مش فاهم كويس

بصراحة... أنا تعبت. تعبت من إني كل ما أحاول أقف على رجلي، ألاقي نفسي برجع أقع من تاني. كل انتكاسة بتيجي مش بتوجعني عشانها هي، لكن عشان بحس إنها بتفكرني بكل الوقت اللي ضاع، وبكل الذكريات اللي كان ممكن أعيشها بشكل أحسن، وبالشخص اللي كنت أتمنى أبقى عليه. بقالي سنين بحارب، ولحد دلوقتي أوقات بسأل نفسي: هل فعلًا ممكن أتعافى بعد كل اللي ضاع؟ ولا خلاص الإدمان غيّرني للأبد؟ أوقات بحس إني عايش في عالم لوحدي. فيه كلام كتير جوايا، لكن مش بعرف أوصله لحد. نفسي حد يفهمني من غير ما أشرح كتير، أو يحس بوجعي من غير ما يحكم عليا. اللي بيوجعني أكتر مش الانتكاسة... اللي بيوجعني هو الفراغ اللي بعدها. الفراغ اللي بيفكرني بغياب أمي، وبكل مرة كنت أتمنى ألاقي فيها حضن أو كلمة تطمن قلبي، ومكنتش لاقي. الغريب إني بحب أساعد الناس، وأقف جنب أي حد تعبان، وأحاول أخفف عنه. لكن لما ببص لنفسي... بحس إني بسيبها لوحدها. وكأن قلبي بيهون عليه وجع غيره، لكنه مش عارف يهون على نفسه. مش بكتب الكلام ده عشان شفقة، ولا عشان أقول إني استسلمت. أنا بس مرهق. مرهق من الحرب اللي محدش شايفها. لكن رغم كل ده... لسه جوايا جزء صغير متمسك بالأمل. مؤمن إن ربنا قادر يغير قلبي، ويعوضني عن كل اللي فات، ويجي يوم ألاقي فيه راحة، وألاقي ناس صادقة تمشي معايا في الطريق، وتحس بيا من غير ما أطلب. ادعولي... يمكن دعوة صادقة تكون سبب في إن ربنا يهون عليا، ويثبتني، ويخليني أقوم مرة تانية. وأدعو لكل واحد بيحارب معركة محدش يعرف عنها حاجة... ربنا يجبر قلبه، لأن فيه أوجاع مبتبانش على الوجوه، لكنها بتتعب الروح كل يوم.

انا كيما اي إنسان عندي اهداف و احلام حابة نوصلهم حتا و يكونو اشياء بسيطة بصح نحب ننجز فحياتي منيش حابة نكبر و انا غير فالدار من غير القرايا معنديش حياة حرفيا لكن المشكل انو انا طفلة فمجتمع عربي و حتا نتحا المجتمع منقدرش نتحدا والديا ولا ندير حاجة بتخبية عليهم سما راني نشوف الحياة لي رسمتها فراسي مستحيلة و راني نقول نقطع الامل من دك منبقاش نطمع فالمستقبل بلي راح تتبدل حياتي منيش حابة نكبر هكا أيدا محققتش ابسط الاشياء دكا و النشاطات تع الرفاهية و الرياضية و التطوع و بزاف تجارب حابة تسييهم راني نقول خلاص نقبل بالامر الواقع و نعيش هكا و خلاص لانو تعبت مالامل الزائف هادا بش حياتي تتبدل و فوق كل هادا و انا محبوسة فالدار كاين مشاكل عائلية ملقيتها منين رح نهبل كيما خممت بش نبدل حياتي مقدرتش يمكن تقولولي جربي انشطة فالدار جربت كلشي بش ننسا الوضع بصح مافاد فاشي

فى حاجة نفسى تحصل بس بالعقل و المنطق مستحيل و أنا مقتنعة و راضية بس فى جوايا زى امل خفى كدا مخلينى مش قادرة انسى الموضوع دا .حد حصل معاه كدا و تفتكروا الحاجة دى ممكن فعلا ربنا يسبب الأسباب و تحصل عادى

انا عارفه اني اغلب ناس هنا عندها مشاكل كتير و ضغط نفسي و كلنا غير بعض بس ي جماعة خلينا وقعين شويه الحياه مش ورد و فرشات و بص لمشكلك بعقل هتلاقيها وله شي بنسبا للواقع و احنا الي بنحط نفسنا في داير ده انا حاليا فعلا بقا بمر بفتره وحشه جدآ يمكن دي فعلا من اصعب فترة بجد انا جايه اقولكم بس عيشه حيتكم ي جماعة الدنيا مش مستهله نزعل او نعيط علي حد و مش مستاهله نقعد نقول اهلنا بتعملنا وحش و اصلا لو فكرنا بعقل هنلاقي اهلينا دول اكتر ناس فعلا تعبت معانا و خايفه علينا الا طبعا في ناس معينه اهله مش كدا و ادعولي بقا لاني بمر ب تعب نفسي شديدا جدا

الي مجهول.. مرحباً بك في يومٍ آخر لا تعرف عنه شيئاً..اليوم مرَّ الوقت ببطءٍ شديد، من ذلك النوع الهادئ الذي يجعلك تتأمل ذرات الغبار الخفي وهو يسبح في خطٍ رفيع من أشعة الشمس المنبثقة من النافذه نسيتُ أيضاً أن أضع السكر في قهوتي الصباحية، ولم أكتشف ذلك إلا بعد الرشفة الثالثة!!. غريب كيف إعتادت الأشياء لدرجة أنني لم ألاحظ غيابها إلا عندما تذوقت المرار فجأة. تذكرتك حينها.. أو بالأصح، تذكرت فكرة "غيابك".وتساءلت هل مازلت تشرب قهوتك مرة أيضاً؟ أم أنك أصبحت من أولئك الذين يحبون الحياة حلوة وخفيفة؟ السماء اليوم هادئةً جداً، من ذلك النوع الذي يجعلك تتأمل المارة وتخترع لكل منهم قصة. نظرتُ إلى بائع الورد في زاوية الشارع، كان ينسق باقة حمراء بعناية فائقة، ففكرت فينا.. الحياة تمشي برتابة غريبة في غيابك، ليست سيئة، لكنها تشبه لوحة جميلة تنقصها اللمسة الأخيرة لتبدو حية. أتأمل حياتي الآن، وأجدني أستمتع بالتفاصيل الصغيرة؛ قراءة فصل من كتاب، تتبع الغيوم وهي تغير شكلها، أو حتى مراقبة انعكاس الضوء على جدار غرفتي في المساء. أعيش كل هذا بلطف، لكني دائماً أترك مقعداً فارغاً في خيالي بجانبي، أقول فيه: لو كان هنا، لضحكنا معاً على هذا الموقف، أو لربما صمتنا معاً بنفس الطريقة. أشعر أن غيابك ليس فراغاً مظلماً، بل هو مساحة دافئة أنتظرك لتملأها. وحتى ذلك الحين، سأستمر في جمع التفاصيل الصغيرة الخفيفة من أيامي، لأحكيها لك يوماً ما.. كأننا لم نفترق أبداً. كن بخير.. أينما كنت تحت هذه السماء الواسعة.. وتأكد أن وداعي ليس بالوداع الأخير.

بحاول دايمًا أكون شخص سهل ولين في التعامل، شخص ميبقاش تقيل على حد ولا يخلي اللي قدامه يحسب كلامه أو يخاف يحكي اللي جواه. نفسي أكون الشخص اللي الناس ترتاح له من غير مجهود، اللي تقدر تتكلم معاه في أي وقت وتحكي له عن خوفك وحزنك وضعفك وأنت مطمن إن كلامك هيفضل أمانة، وإن عمرك ما هتتعاير بيه ولا هيتستخدم ضدك في يوم من الأيام. بحاول أكون شخص تتعامل معاه بطبيعتك، من غير أقنعة ولا تمثيل، من غير ما تحس إنك محتاج تبقى نسخة أحسن من نفسك عشان تتقبل. شخص يسمع أكتر ما يتكلم، ويفهم أكتر ما يحكم، ويعذر قبل ما يلوم. بحاول أكون خفيف على القلوب، وجودي يضيف راحة مش ضغط، وذكرياتي مع الناس تكون طيبة حتى لو فرقتنا الأيام. يمكن مش بعرف أساعد في كل حاجة، ومش دايمًا عندي الحلول، لكن على الأقل أحب أكون حد يهون الطريق على غيره بكلمة حلوة أو موقف صادق أو مجرد وجود وقت الضيق. الحياة مليانة قسوة كفاية، وعشان كده نفسي أكون سبب في إن حد يبتسم، أو يهدى، أو يحس إن الدنيا لسه فيها خير. يمكن محدش كامل، وأنا أول واحد عنده عيوب وأخطاء كتير، لكن كل اللي بتمناه إن قلبي يفضل نضيف، وإن نيتي تفضل خير، وإن محدش يتأذى مني بقصد أو من غير قصد. يارب اجعلني شخصًا طيب الأثر، لين القلب، جميل السيرة. وإذا غبت يومًا عن أي مكان، يفضل ذكري فيه دعوة حلوة وكلمة طيبة، وتفضل سيرتي بين الناس بالخير والمحبة. فدي في الآخر أغلى حاجة ممكن يسيبها الإنسان وراه." ❤️✨

أنا شاب أبلغ من العمر 30 عامًا، وأكتب هذه الكلمات بعد سنوات طويلة من الصراع النفسي ومحاولات التماسك والصبر. لا أكتبها بحثًا عن الشفقة، وإنما لأوضح الصورة كاملة لمن يريد أن يفهم ما الذي أوصلني إلى الحالة التي أنا فيها الآن. منذ ولادتي وأنا أحمل ابتلاءً من الله في صورة تشوهات خلقية وظروف صحية احتجت بسببها إلى أكثر من 30 عملية جراحية وتجميلية على مدار سنوات طويلة. والحمد لله دائمًا وأبدًا على قضاء الله وقدره، فأنا مؤمن أن الابتلاء ليس عقوبة وإنما اختبار من الله. لكن أصعب ما واجهته في حياتي لم يكن الابتلاء نفسه، بل شعوري الدائم بأنني غير مقبول أو غير كافٍ في نظر أقرب الناس إليّ، وعلى رأسهم والدي. علاقتي بوالدي كانت دائمًا علاقة معقدة ومؤلمة. منذ طفولتي لم أشعر بالقرب أو الاحتواء أو الحنان الذي يحتاجه أي ابن من أبيه. لم يكن يسألني عن دراستي أو أحلامي أو ما أمر به، وكانت أغلب تعاملاته معي قائمة على النقد واللوم وإظهار التقصير، مهما حاولت أن أجتهد أو أن أثبت نفسي. كبرت وأنا أشعر أن أخواتي يحظين بمعاملة مختلفة مليئة بالاهتمام والاحتواء والضحك، بينما كنت أنا دائمًا الطرف الذي تُسلَّط عليه الأضواء عند الحديث عن الأخطاء أو التقصير. حتى أمام الأقارب كانت جلسات كثيرة تتحول إلى انتقاد لي بدلاً من دعمي أو تشجيعي. ورغم كل ما مررت به من عمليات وعلاج وصعوبات نفسية وجسدية، لم أشعر يومًا أن نظرة والدي لي تغيرت. كنت دائمًا أشعر أنه يراني أقل مما أنا عليه، أو غير مؤهل لتحمل المسؤولية، أو غير مؤهل للزواج، أو غير قادر على النجاح مثل الآخرين. وصل الأمر في بعض المواقف إلى الإيذاء الجسدي في طفولتي، وإلى التقليل المستمر من قدراتي، وإلى رفض أي خطوة أحاول اتخاذها للاستقلال المادي أو المهني. كنت أشعر أحيانًا أن المطلوب مني أن أظل تحت السيطرة الكاملة دون أن يكون لي رأي أو قرار أو مساحة خاصة بي. وفي المقابل، كنت أرى أشخاصًا من خارج الأسرة يقدرونني ويحترمونني ويثنون على أخلاقي وشخصيتي وقدراتي، وهو ما كان يزيد حيرتي أكثر: لماذا أجد القبول والتقدير من الغرباء ولا أجده من أقرب الناس إليّ؟ ومع مرور السنوات، لم تكن معاناتي مقتصرة على البيت فقط، بل امتدت إلى المجتمع أيضًا. فبسبب ظروفي الصحية كنت أواجه أحكامًا مسبقة من بعض الناس قبل أن يعرفوا شخصيتي أو أخلاقي أو قدراتي الحقيقية. عانيت في البحث عن عمل رغم خبرتي في مجال الكمبيوتر ودراستي للبرمجة. وعانيت أكثر في موضوع الزواج، حيث كنت أُرفض أحيانًا قبل أن تُتاح لي فرصة التعارف أو الحديث أو حتى الجلوس مع الطرف الآخر. وكأن بعض الناس لا يرون الإنسان نفسه، بل يرون فقط شكله أو ظروفه الصحية. ورغم أنني أملك شقة، ولدي مصدر دخل وخبرة عملية وأسعى لتطوير نفسي باستمرار، كنت أجد أبوابًا كثيرة تُغلق قبل أن أُمنح فرصة عادلة لإثبات نفسي. وسط كل هذا التعب النفسي، دخلت حياتي فتاة شعرت معها لأول مرة بشيء من الراحة والطمأنينة. كنت أعرف أسرتها منذ سنوات طويلة، وأحترم والدها جدًا، وكانت بيننا علاقة قائمة على الاحترام والثقة. ومع الوقت بدأ التواصل بيني وبينها يزداد، وأصبحنا نتحدث بشكل شبه يومي. كان بيننا كلام لطيف، وضحك، واهتمام، وراحة نفسية افتقدتها لسنوات طويلة. وجودها في حياتي أحدث فرقًا حقيقيًا بداخلي. أصبحت أكثر هدوءًا، وأكثر تفاؤلًا، وأكثر قدرة على مواجهة الضغوط. حتى الطبيبة النفسية التي كنت أتابع معها لاحظت هذا التغيير وسألتني عن سببه. لأول مرة شعرت أن هناك شخصًا أرتاح للكلام معه، وأشعر بالأمان النفسي في وجوده. ومع مرور الوقت اكتشفت أن مشاعري تجاهها لم تعد مجرد إعجاب، بل أصبحت حبًا حقيقيًا ورغبة صادقة في الارتباط بها بشكل رسمي ومحترم. لذلك صارحتها بمشاعري بكل وضوح، وأخبرتها أن هدفي منذ البداية كان الزواج إذا استقرت ظروفي بشكل كامل. تحدثنا بهدوء واحترام، وأوضحت لها أنني لا أريد الضغط عليها أو إجبارها على أي قرار، وأن لها كامل الحرية في التفكير والاستخارة والاستشارة. لكن بعد فترة من الانتظار والقلق والترقب، جاء ردها النهائي بالرفض. الرفض في حد ذاته كان مؤلمًا، لكن ما جعل الألم أكبر هو أنني كنت أرى فيها أملاً كبيرًا بعد سنوات طويلة من الوحدة والرفض والصعوبات النفسية. كنت أعتقد أنني أخيرًا وجدت شخصًا يراني كما أنا، بعيدًا عن أحكام الناس المسبقة ونظرتهم للظروف الصحية أو الشكل أو الماضي. وعندما انتهى الأمر بالرفض، شعرت وكأن آخر مساحة أمان كنت أتمسك بها قد اختفت. اليوم أجد نفسي منهكًا نفسيًا من كل الاتجاهات. متعب من سنوات طويلة من الصراع داخل البيت. ومتعب من نظرة بعض الناس لي في المجتمع. ومتعب من صعوبة إيجاد عمل يقدر قدراتي. ومتعب من محاولات الزواج التي تنتهي غالبًا قبل أن تبدأ. ومتعب من تجربة عاطفية تعلقت بها نفسيًا وانتهت بالرفض. أصبحت أشعر أحيانًا بوحدة شديدة، وبفراغ كبير، وبأنني أحارب في أكثر من جبهة في الوقت نفسه. ورغم كل ذلك، ما زلت متمسكًا بإيماني بأن الله لا يضيع تعب أحد، وأن ما مررت به لا بد أن يكون له معنى وحكمة، وأن العوض الحقيقي من الله قادر أن يغير حياة كاملة في لحظة. أنا لا أبحث عن شفقة من أحد، ولا أطلب من الناس أن يحملوا عني أعبائي، لكنني أتمنى فقط أن يُنظر إليّ كإنسان كامل، له مشاعر وأحلام وطموحات وحق طبيعي في الحب والاحترام والعمل والزواج والاستقرار، تمامًا مثل أي إنسان آخر. وربما أكون اليوم محطمًا نفسيًا أكثر من أي وقت مضى، لكن ما زلت أحاول التمسك بالأمل، لأنني مؤمن أن رحمة الله أكبر من كل ما مررت به، وأن الفرج مهما تأخر فهو آتٍ بإذن الله.

اليوم الأوّل من محاولة التعافي الساعة السابعة صباحًا: بعد المحاولة الخمسة آلاف للنوم، وقد باءت بالفشل كالمعتاد. أقف تحت الدُّش، مياهٌ باردةٌ متجمِّدة تنهمر على جسدي،قادرةٌ على إخماد نار جسدي، لكنها غير قادرةٍ على إطفاء نار عقلي. ساكنةٌ تمامًا... لا شيء في داخلي يعمل، سوى عقلي. تفكير... صداع... أرق... وبعد حربٍ كبيرةٍ بداخلي، قررتُ أن يكون اليوم هو اليوم الأوّل من محاولة التعافي. قررتُ ألّا أظلّ أبكي على اللبن المسكوب، وألّا أبكي على ما رحل. ألّا أبقى واقفةً في مكاني، وألّا أبقى أسيرةً لما مضى. فالعمرُ عمري الذي يمضي، والوقتُ وقتي الذي يضيع. وهناك أشياءٌ بداخلي تتكسّر، وقد لا أستطيع إصلاحها إن ظللتُ على ما أنا عليه. أكيد سيأتي عليَّ وقتٌ لن أستطيع فيه الاستمرار. لكنني سأحاول قبل أن أضيع من نفسي. وربما يكون ذلك الوقت بعد ساعتين، أو بعد يومين، أو ربما من هذه اللحظة. لا أعلم... لكنني بالتأكيد سأحاول أن أستمر.

شعور اني حاسه كأني ميته لان كان نفسي حاجه فيا تكون بخير صحيا او نفسيا بس لسه عندي امل صغير رغم اني خايفه لان كل مرحله بتكون اسوء مش العكس و تعبت نفسي ثقتي في نفسي ترجعلي و ابطل احس ان مستحقش حاجه واني وجودي ملوش تأثير

أنا مش بكتب الكلام ده عشان أشفق على نفسي، لكن يمكن لأول مرة أتكلم بصراحة... أنا شاب، ويمكن من برّه شكلي طبيعي، بشتغل وبضحك وبهزر زي أي حد، لكن من جوّه فيه إحساس دائم بالوحدة والتيه صعب أوصفه. معظم وقتي بقضيه لوحدي... أقعد على البحر بالساعات أبص للموج وأفكر، أنزل أتمشى لوحدي في الشوارع من غير هدف، وأسافر لوحدي للقاهرة ومطروح ومحافظات تانية بس عشان أشوف الدنيا وأغير جو. دايمًا الناس بتشوف الصور والرحلات، لكن محدش بيشوف كمية الصمت اللي وراها. الغريب إني طول عمري ما عرفت أكون صداقة حقيقية تدوم، ولا عرفت أحس إن عندي شخص ثابت في حياتي أقدر أرجعله وقت ما أتعب. كل ما أحاول أقرب من حد، بطريقة أو بأخرى بلاقي نفسي لوحدي تاني. حتى الحب... عمري ما عرفت أعيشه بالشكل اللي كنت بتمنى أعيشه. كنت خاطب في يوم من الأيام، وحلمت زي أي شاب ببيت واستقرار وحياة هادية، لكن النصيب مكانش كاتب إننا نكمل. ومشكلتي إني حنين زيادة عن اللزوم. يمكن زيادة عن الحد اللي المفروض يكون موجود. بحب أهتم، وأسأل، وأطمن، وأكون موجود. لكن بقيت محتار... هل الحنية دي بتتفهم غلط؟ هل الناس بتشوفها ضعف؟ ولا بتعتبر إن وجودي مضمون فمش بتحس بقيمته؟ بجد مبقتش عارف. بقيت ساعات أسأل نفسي: هو العيب فيا؟ ولا أنا بس لسه ملقتش الناس الصح؟ ليه كل مرة أتمسك بحد يبعد؟ وليه دايمًا بحس إني الشخص اللي بيدي أكتر ما بياخد؟ عندي 26 سنة، والمفروض في السن ده أكون ببني حياة مستقرة، لكن الحقيقة إني لسه بدور على شعور بسيط جدًا... إني أحس إن فيه حد موجود عشاني بصدق، حد أقدر أكلمه من غير ما أحس إني تقيل، حد يفتقدني لو غبت، وحد يختار يفضل جنبي من غير أسباب ولا مصالح. يمكن أكتر حاجة وجعاني إني اتعودت على الوحدة لدرجة إني بقيت بعرف أعيش بيها، لكن عمري ما حبيتها. وفي الآخر، رغم كل حاجة، لسه عندي أمل إن ربنا يعوضني عن كل مرة اتخذلت فيها، وعن كل مرة حسيت فيها إني لوحدي وسط الناس، وإن يجي اليوم اللي ألاقي فيه مكاني الحقيقي وسط ناس تحبني لكوني أنا، مش للي بقدمه. يمكن أنا تايه شوية... لكن لسه بدور. 🖤

انا كتير اشتقتلو ماني قادرة افقد الامل بانو حيرجعلي و لهيك وقفت كل مشاعري ما عم اسمح لأي أحد يدخل حياتي و ماني قادرة اتخطاه رغم اني ملأت حياتي بكتير اشياء ( رياضة , قراءة كتب , كتير فعاليات أخرى ) بس دائما هو ساكن دماغي و دائما ابكي عليه و فكر اذا هو كمان اشتقلي و يلو شوي او نساني

الانسان بيرجع طبيعي ازاي يعني يرجع امتي يعيش سنه يرجع امتي يخرج يرجع امتي للضحك و الفرفشه بجد حاسس ان كبرت 60 سنه في اسبوعين كل اللي طالبه بس ارجع زي ما كنت قبل اسبوعين بس اسبوووعين قدروا يشقلبوا حياتي 🫥🫥🫥

هو في امل ان حاجه تتغير يعني حد يعرف ناس مكنش عندها شغف ولا امل ولا مستقبل واضح وبقو حاجه او في حاجه اتغيرت انا كل الافكار ال بتجيلي سوده و عايشه من قله الموت انا عارفه ان مفيش حاجه بتتغير الالما الشخص نفسه يبقي عاوز بس مفيش فرص ولا امل ولا طريق واضح يتمشي في دي مشكله جيل كامل خد شاف نموذج قدامه اتغير احواله ولا كلها محصله بعضها و هنعيش ونموت كده

الي مجهول أكتب إليك ولا أعلم في أيّ زمنٍ سيقع عليك هذا النص، أو تحت أي سماء تقرأه. هل أنت رفيقُ ليلٍ يغالب الأرق، أم مسافرٌ تبحث عن معنى خلف سطور الغرباء؟ ​أتعجب دائمًا كيف يجمعنا هذا الوجود العريض، نتقاسم الكوكب نفسه، نتنفس الهواء ذاته، ونركض في نفس حلقة الوقت اللامتناهية، ومع ذلك نتحرك كجُزرٍ منفصلة في محيطٍ من الصمت. قد تفصل بيننا قارات، أو ربما قرون، لكن عسي أفكاري تلاقيك الآن في هذه اللحظة الهاربة من الزمن علها بمجرد أن تلامس كلماتي عينيك، يزول وهم الانفصال؛ أو حتي نصبح فكرة واحدة تشترك في الوعي ذاته، ولو لثوانٍ معدودة. في غياهب الاحتمالات أتساءل الآن، بينما تنظر إلى هذه السطور: ما الذي يثقل كاهلك؟ هل هو عبء التوقعات، أم خوفك من المجهول الذي أحدثك منه؟ ما الذي يمنحك الأمل؟ هل هو بريق حلم مؤجل، أم تفاصيل صغيرة لا يلتفت إليها أحد سواك؟.. لا بأس إن لم نلتقِ أبدًا بصورتنا المادية، فالحياة أقصر من أن تتسع لكل اللقاءات التي نستحقها. يكفيني أنني تركت في وعيك أثرًا، ويكفيك أنك منحت غريبًا بضع دقائق من عمرك الثمين لتستمع لثرثرته الفلسفية. ابقَ قويًا، ابقَ حقيقيًا... إلى أن يلتقي وعينا مجددًا في نصٍ آخر.. سلامٌي لقلبك.

جماعه حد يحكي تجربته يمكن احس اني اقدر اعيش حد حياته كانت مدمره من كل النواحي واتغيرت وبقت حلوه ؟ قلت ده كتير بس بجد مش لاقيه مخرج حاسه اني في متاهه كبيره الحل الوحيد اللي بشوفه هيخلصني من الوضع هو الموت انا حاسه بالعار من نفسي عارفه ايه اللي هيكون بعد الموت لكن بحس انه الوضع هنا في الدنيا بقا كارثي مش عاوزه أفضل عايشه وحاسه بالشعور البشع ده

عارفين المحارب الي بيفضل يقاتل بالدم والدموع ولما المعركة تخلص ويوصل لبر الأمان يغمى عليه . انا نفسي اوصل لبر الأمان الي هيغمى عليا فيه حتى لو كان بعد اللحظة دي موتي الدم خلص والدموع جفت والحرب لسا شغالة وبر الأمان لسا سراب 💔

نفسي اوي اعيش لحظة ماعيني هتيجي في عين الشخص الي هكمل معاه حياتي واحنا قاعدين على البحر وهو بيقولي كنتي فين من زمان اسندي عليا وارتاحي من الدنيا وشيلي الزعل من قلبك وحطيه في قلبي انتي تعبتي كتير وزعلتي كتير والناس قست عليكي كتير اديتيهم حنية ادوكي خذلان واذى

المذاكره صعبه، والشغل صعب، والتعامل مع الناس صعب وان الواحد ينزل شغله كل يوم صعب بس سيدنا عمر بن عبد العزيز قال "لو أن الناس كلما استصعبوا أمرًا تركوه ،ما قام للناسِ دنيا ولا دين." مينفعش تبطل تعمل حاجه أو تبطل تحاول عشان الحاجه دي صعبه توكلوا على الله وان شاء الله يومكم يكون كويس 🤍

عارف أكتر حاجة تعبتني؟ إني طول عمري مقتنع إن المحاولة تستاهل. حتى لما كل الإشارات كانت بتقول إن الموضوع انتهى، كنت برجع أحاول. حتى لما الخسارة كانت واضحة قدامي، كنت بقول يمكن المرة دي تختلف. يمكن المشكلة عمرها ما كانت في الناس ولا في الظروف. يمكن المشكلة إني ما عرفتش أستسلم في الوقت الصح. شيل فوق ده إحساس الذنب من حاجات فاتت، وخوف مستمر إني أكون ضيعت فرص كان المفروض أتمسك بيها، وحيرة كل شوية بين طريق أمشي فيه وطريق أسيبه، وتعب من كتر التفكير في كل قرار. في أوقات بحس إني واقف في نص الطريق. لا أنا رجعت زي الأول، ولا أنا وصلت للمكان اللي كنت عاوزه. والحقيقة؟ أنا تعبت. تعبت من إني أبقى قوي طول الوقت. تعبت من إني أقول "عادي" وهي مش عادي. تعبت من إني أقنع نفسي إن المرة الجاية هتكون أحسن وأنا مش عارف إذا كانت هتيجي أصلًا ولا لا. بس رغم كل ده، لسه جوايا حتة صغيرة رافضة تموت. حتة لسه مصدقة إن ربنا شايل حاجة أحسن. إن كل الخساير دي ليها معنى. وإن الأيام الصعبة دي مش آخر الحكاية. يمكن أنا تايه شوية... يمكن موجوع أكتر ما ببيّن... لكن لسه بحاول. ودي كانت دايمًا مشكلتي... ويمكن دي الحاجة الوحيدة اللي منعتني أقع لحد دلوقتي.

كيميا المخ! كيميا المخ يا جماعه عندي بدأت ترجع طبيعيه من تاني بعد ادمان العادة لمدة ٧ سنين فعلاً الموضوع كان صعب اوي و مازال بس المحاولات مهمه و التكمله مهمه اوي بجد انا بحاول بقالي كتير اوي

محتاج طاقة إيجابية جدا قبل ما اقوم ارمي نفسي من فوق الترابيزة عايز اعرف الناس اللي ختمت القرآن كان ايه إحساسك في اليوم دة وازاي عرفت تنام، عشان الموضوع بالنسبالي بقا مسألة شهور إن شاء الله ومتحمس لليوم دة اكتر من فرحي ف عايز دفعة إيجابية كدة تفوقني شوية

جاتلي فتره حقيقي كنت قرفان من كل حاجه في حياتي ومخنوق اوي ، لا طايق ظروفي ولا طايق تعليمي ولا طايق اي حاجه ، كنت حاسس اني عايش حياه بجد انا مش عايز اي تفصيله فيها فكتبت دول وَيَتَحَكَّمُ عَلَيْكَ أَنْ تَعِيشَ حَيَاةً لَسْتَ بِمُرِيدٍ لَهَا، فِي سَبِيلِ يَوْمٍ تَرْجُو أَنَّهُ آتٍ. وَقَدْ قَالَ رَبُّكَ إِنَّكَ قَدْ خُلِقْتَ فِي كَبَدٍ، وَتَظُنُّ أَنَّ الدُّنْيَا سَتُجِيبُ لَكَ الْأَمَانِي. فَاسْتَفِقْ لِذَاتِكَ وَأَدْرِكْ أَنَّهُ، لَا حَيَاةَ وَلَا أَحَدَ فِي الدُّنْيَا بِبَاقٍ. فَهُنَاكَ آخِرَةٌ سَنُعْرَضُ كُلُّنَا فِيهَا، وَسَنُدرِكُ مَنْ مُنَعَّمٌ وَمَنْ هُوَ فِي عَذَابٍ بَاقٍ. وبعدها استمر الحزن والحزن وكتبت دي كنوع من اني هعتزل العالم سَجِينٌ، سَجِينٌ أَنَا فِي سِجْنِ ذَاتِي، الْبَابُ بَابِي وَالْأَصْفَادُ أَصْفَادِي، سَجَنْتُ رُوحِي لَمَّا أَدْرَكْتُ أَنَّهَا لَا تَقْوَى عَلَى هَذِهِ الْأَحْزَانِ، لَا شَكَّ لَا فَرَجَ وَمِيعَادٌ، سَتَخْرُجُ وَلَكِنْ لَنْ تَعُودَ نَفْسَ الذَّاتِ وبعدها بقا فوقت الحمدلله وادركت اني كنت مكبر المواضيع شوية (هي كدا كدا كبيره) بس لو فضلت كدا مش هتحرك وهبقا عايش حياه مش عاجباني وزعلان ف قولت طب ما ابسط نفسي وخلاص لحد ما اصلح كل حاجه وكتبت دي وَتَظُنُّ أَحْيَانًا بِأَنَّكَ غَيْرُ قَادِرٍ، وَأَنَّكَ فِي دَوَّامَةٍ بَلْهَاءَ، مُشَتَّتٌ لَا تَدْرِي مَاذَا تَفْعَلُ، وَتَفْكِيرٌ بَيْنَ سَعَادَةٍ وَشَقَاءٍ. أَنَسِيتَ أَنَّكَ فِي دُنْيَا مُؤَقَّتَةٍ؟ وَأَنَّهَا كَبَدٌ وَدَارُ بَلَاءٍ؟ فَاصْبِرْ وَاحْتَسِبْ لِآخِرَةٍ، سَتَرَى فِيهَا الْعَجَبَ الْعُجَابَ. جَنَّةٌ كَمَا لَا عَيْنٌ رَأَتْ، وَلَا سَمِعَتْ بِهَا أُذُنَانٌ، فَادْعُ رَبَّكَ رَاجِيًا لَهُ، فَهُوَ لَكَ قَرِيبٌ مُجِيبُ الدُّعَاءِ. ف احب احييني حقيقي على كلامي الجميل وربنا يبارك فيا

بقالي ساعة بعيط ومش عارفة أهدي ولا حتى أعرف أوصف اللي جوايا. الوجع لما ييجي من الأب بيكون مختلف لأنك طول عمرك مستني منه الأمان والحنية والسند لكن تلاقي مكانهم قهر وحزن وخذلان. تعبت من إني كل مرة أقول يمكن المرة دي تبقى مختلفة ويمكن المرة دي يحس بيا لكن كل مرة برجع مكسورة أكتر. أصعب حاجة إنك تكتشف إن الشخص اللي كان المفروض يهون عليك هو نفسه سبب دموعك. أنا مش بزعل عشان موقف واحد أنا بزعل على سنين من الاحتياج وعلى كلام اتقال وسكوت وجع أكتر وعلى إحساس إن قلبي كل مرة بيحاول يتمسك بأمل صغير وبيرجع مكسور. بقالي ساعة بعيط ومش مستنية حد يصلح اللي اتكسر جوايا أنا بس كان نفسي مرة واحدة أحس إن ليا أب يحتوي وجعي بدل ما يكون هو سببه. :::

بدددور علل.لي شخص متفائل ،بيحب الحياة ،عنده امل في بكرا يكون مش مكتأب ولا حاسس ان الدنيا كلها ضده عايش حياة هادية و بسيطة مفيهاش دوشة كتير مش شخ..ص ار-تبط بيه انا مش شايف حد مبسوط هنا كلو جاي شايل الهم هو في ايه يجماعة ولا انا اللي مش طبيعي😂 ملحوظة: انا مش متدلع ولا من ايچيبت😂

السلام عليكم يا جماعة.. بكتب هنا وقلبي تقيل ومش عارف أبدأ منين. أنا بمر بفترة صعبة جدًا؛ حاسس إن أقرب الناس ليا "أهلي" مش حاسين بيا ولا بيحبوني، ويمكن يكون ده بسبب المقارنة بين زمان ودلوقتي. زمان كنت حاجة تانية خالص، كنت متفوق وقادر ومكمل في طريقي، لكن بسبب "المرض" كل حاجة اتغيرت.. حاسس إني عاجز ومش عارف أكمل حياتي ولا أرجع زي الأول، وطاقتي خلصت. مش طالب غير نصيحة من حد مر بتجربة شبه دي وقدر يقف على رجله، أو دعوة صادقة بظهر الغيب إن ربنا يشفيني، ويربط على قلبي، ويغير حالي لأفضله. شكراً ليكم

انا ف مرحلة تعافي من ذنب كبيير ووانا بتعافي بعمل ذنب تاني دا جزء من العلاج اعمل اي مبقتش عارف انا مين انا كنت شخص قريب من ربنا بصلي وبدعي ربنا كتير كنت بنتكس كتير بس المرادي الانتكاسه بتطولو تتمادي عمري ما كنت اعرف ادخل امتحان الا وانا تايب وداعي وقايل اذكار ومستغفر دلوقتي ممكن ادخل وانا لسه متوبتش اللي عايز اوصله ان انا حاسس اني هبدأ اعتاد الذنب وانا مش عايز دا وعندي سؤال هل ممكن ربنا يخليني متوقفش ف الامتحان بسبب ذنبي دا انا عارف ان ربنا بيعاملنا بما هو اهله وليس ما نحن اهله بس انا خايف انا عندي مستقبل كان نفسي ابقي بني آدم صالح زي الناس الصالحه اللي بتعمل بودكاستس دي كان نفسي يبقي عندي المعرفه الكافيه ب ربنا وديني ورسول الله اكتر من كده كان نفسي ابقي مستقيم زيهم كان نفسي مذنبش ومتجرأش زي دلوقتي تراكمت الذنوب وعجزتني حتي من اني اقول يارب اهديني انا علي اوشك ان انا افقد الامل ف نفسي مش لاقي اي كلام اقوله زياده غير اني تعبتت جدا جداضاقت بشكل كبير عليا وبقيت عايش اخلص اليوم وابدا اللي بعده اقول يارب يخلص مش عارف انا عايش ليه وايه هدفي فقدت كل عزيمتي علي السعي ومبقتش قادر

النهاردة صاحي محبط بشكل مش طبيعي، انا بقالي اكتر 7 شهور مش كويس، خدت رأي ناس كتير وسألت ودورت ولقيت اني في الاخر محتاج بجد اروح لدكتور نفسي علشان انا مبقتش قادر امارس حياتي بشكلها الطبيعي، بقالي اكتر من 5 شهور بحاول اروح لدكتور نفسي، اول فترة مكنتش قادر اقول لاهلي او اروح من وراهم، بعدين تخطيت الموضوع دا وقدرت اقولهم بس رفضوا، حاولت معاهم تاني وبردو رافضين، بعد وقت ومحاولات يائسة كتير قدرت اخيرا احوش واتشجع واروح من وراهم، وسألت حد المفروض اني بثق في رأيه انه يرشحلي دكتور كويس المشكلة اني جمعت فلوس تلت مرات بس، وكنت بقول لنفسي تلت مرات احسن من ما مفيش وحجزت فعلا مع الدكتور اللي اترشحلي وكنت متحمس اوي وحاسس ان اخيرا في أمل ان حياتي ممكن ترجع طبيعية، طبعا عارف انه مش ساحر وانه بس هيقولي امشي ازاي بس في الاخر انا اللي محتاج امشي واصلح بنفسي، بس كنت متحمس بردو بجد، رحت امبارح وبجد تجربة محبطة بشكل مش طبيعي، الجلسة حرفيا معدتش العشر دقايق، سألني اربع اسألة بس حرفيا وكلهم اسألة صطحية اوي، مسألش حتى على اي تفاصيل ولا اداني نصيحة لحد المرة اللي جاية ولا اي حاجة، هو بس كتبلي على مهدىء ودوا تاني معرفش بتاع ايه، وقالي اني هتابع مع معالج عنده في العيادة علشان العلاج المعرفي السلوكي، واللي متوقعتوش ان فلوس جلسة المعالج تكون ضعف سعر كشف الدكتور، هو قالي عادي اني ممكن اروح مرة في الشهر بس بردو صعب اظبطها، وحتى لو هعرف اظبطها بصراحة احبطت علشان انا محتاج اروح اكتر، المهم يعني بجد مش عارف اعمل ايه، بفكر اني احاول تاني اصلح حياتي بنفسي بس فعلا انا مش عارف وتعبت، حاولت كتير اوي وكل مرة مش بعرف، بفكر اتكلم مع حد قريب مني وكدا بس بجد انا بكره يتبصلي بنظرة شفقة، حتى لو اللي قدامي مش باصصهالي انا دايما بحسها، ومش عارف بجد انا تايه اوي، مش عارف بجد اعمل ايه وبصراحة حتى لو حوشت فلوس تاني انا فعلا اتقفلت من الفكرة مش عارف بجد اعمل ايه وتعبت من كتر ما بقول مش عارف اصلا

And finally everything is done حرفيا كل شيء انتهى خلاص والمرة دي غير كل مرة بفضل اقول فيه امل هو اي نعم لسة ما زال في قلبي امل بس خلاص مفيش مجال خرجت من الجروب الي كان كله اختلاط ومش هكلم حد فيه تاني وهو عقل بعد ما نصحته وقلتله ميعملش كده وتقريبا انا مش فارقة معاه اساسا ومش هيكلمني لان بكل بساطة مش هيلاقي مناسبة اساسا اذا فكله انتهى من جوايا للاسف مفيش حاجه انتهت انما زادت ولكن انا قررت ان اي مشاعر هكتبها في ورقة لحد ما يخلصوا والوقت هينسيني والي نفسه طويل المفروض هو الي بيكسب بس المرة دي انا قررت اموت مخنوقه عادي

جماعة بجد يعني هو ممكن حد يحبني زي ما انا بعمل كده بالظبط يفكر فيا فكل جزء من يومه و يتخيلني كده معاه فالوقت الحلو و يبقى عايز يقعد معايا آخر الليل و يحس انها احسن قاعدة ثيرابي في حياته و يبقى نفسه يحضني و يلعب في شعري و يتامل ملامحي براحته و يمسك ايدي و يقولي بحبك و يكون عايز يحط كاميرا خفية في اوضتي عشان يشوف انا بعمل ايه فكل وقت او يتمنى انه يشوفني صدفة او آجي اكلمه. او هو يكلمني بما انه الولد يعني هو بجد ممكن حد يبقى نفسه في كده او حتى يدخل على الاكونت بتاعي خمستلاف مره في اليوم و لو مش لاقيه يفضل يدور عليه بالشهور هو بجد ممكن حد يعمل كده اكيد لا

هاا و بعدين هنفضل كده منتظرين حاجه مش في ايدينا هنفضل منتظرين بسبب مشاعر المشاعر دي مصيبة مصيبة كبيرة اوي بتتحكم في الانسان بشكل غبي ياااه لو الي في خيالي دلوقتي حقيقة مش عايزة حاجة تاني والله

انا متاكدة مية في المية ان انا مش هفضل كده لسه قدامي وقت و سنين عشان اتغير و حياتي تتغير و اغير دايرة الناس الي حواليا انا متاكدة من ده متاكدة اني هقابل نفس الشخص تاني جوايا احساس كبير اوي زي ما يكون متاكدة منه اصلا و مفيش مره حسيت كده غير و كان حقيقي قدام عنيا انا فاقدة الامل مني و عارفة اني مش هغير حاجه ربنا الي هيغير و هيغرني للاحسن و هكون نسخة احسن مني انا اه عندي ١٧ سنه و الي فات اقل بكتير من الي جاي الحمد لله عديت شوط كبير من اهدافي الي انا كان نفسي اوصلها مش كلها اهداف حد يفهمها كانت اهداف او احلام بالنسبة ليا في طفولتي كنت شايفة انها سلاسل مقيداني السلاسل دي بدأت تتفك و اخيرا لسه هدفين بس و هوصلهم و كله مش بايدي كله بايد ربنا ان كان عليا فانا مش مستنية مني حاجه عمر ما كان في حاجه اسمها صدفة كل حاجه جديدة في حياتي و على غير العادي بوابة جديدة و حياة جديدة في حياتي ببدأ منها قصة انا هكون اساسها انت متاكدة من احساسي و عارفة ان في لقاء انا مش مستنياه انا متاكدة منه

ازاى الانسان يبطل عشم يعنى ازاى الحاجة دى كل مره بتاذينى و انا ارجع اعشم نفسى تانى انها المره دى هتتغير و تبقى احسن ز ترجع تاذينى تانى دايرة مفرغه مش عارف اطلع منها مع اول لمحة عوده مبقدرش امسك نفسى

حد فاضي يتكلم ف اي حاجه ف اي شي المهم احس بوجود حد جنبي حتي لو هنقول اي حاجه ساعات الانسان بيبقي كدا اصعب فتره ممكن تمر ع حد عموما مش عارف انا بقول اي والله وحتي مش عارف هنزل دا ولا لا بس الحوار رغم وبتمني انه يخلص ع خير بدون اذي

لو حد صاحي دلوقتي وشاف رسالتي دي فحابه اقولك ماتخليش غشاوة مشكلتك تغلوش علي بقية حياتك صدقني حياتك اهم من أنها تقف عند حاجه معينه مش بقولك قوم كسر وانحت فصخر بس بالعقل ليه تضيع العمر من ايدك فحاجه يمكن مش هترجع تاني مش يمكن الحاجه اللي مستنيها تحصل واتاخرت مش كويسه ليك فالوقت دا مش يمكن مشكلتك دي اقل من المشاكل اللي وجهتك قبل كدا بس انت اللي مكسل تقاوم، فيها ايه لو متحبتش خلاص اكرهم هي جت عليك، اتظلمت ادعي عليهم وكما فالطريق سابك ؟؟ روحي يابنتي اعملي الشيب المظبوط وابدأي لنفسك من جديد واتعلمي أنه كخ كدا ماتمديش ايدك فالزباله صفي ذهنك الخوف والقلق والزعل كله هيعدي بس انت طنش شوية ماتفضلش تفكر فكل حاجه كدا مش هقولك انت ابن مصر انت ضدد الكسر بالعكس اتكسر وازعل وخاف بس مش لبقية عمرك فاهمين اتمني من كل قلبي ليله مريحه للكل 🤍 وشكرا 🙏🏻

حاسه اني مش راضيه على الوضع اللي انا فيه دا و هنا بقصد بالوضع (حياتي كلها) حد سمع عن متلازمة انتظار بدء الحياة؟ بختصار دي انا عايشه على امل ان حياتي تبداء من جديد مش عارفه امتى ولا ازي بس مستنيه اي فرصه تخليني اعيش حياة جديدة

كان جه فتره ليا زعلت فيها بسبب اني خسرت اكتر بنت حبيتها او ممكن حبي ليها ده الي بقول عليه .. اني اكتر حد حبيته ممكن عشان كان اول حد حبيته بس ده مش الموضوع لكن الموضوع الحقيقي انه كنت شايف الفتره دي عمرها ما هتتكرر او ان حلاوه الفتره دي بتيجي مره فالعمر فمستحيل حلاوه الفتره دي تيجي تاني لكن رجعت بالزمن لورا شويه لقيت نفسي كنت فرحان جدا اول ٧ سنين فحياتي ايام ما ابويا كان عايش و اني كنت شايف دي افضل فتره فحياتي و لما خلصت قلت مستحيل يبقى في فتره احسن من دي و بعدها بقيت اقرب بكتير لجدتي و جدي و بقينا نخرج كتير و نعمل حاجات كتير حلوه اوي مع بعض و لما كبرت شويه كانوا خلاص كبروا و مبقوش قادرين يخرجوا معايا زي زمان و برضوا كنت شايف ان الفتره الي فاتت دي من احلى فترات حياتي و مستحيل حاجه بالحلاوه بتاعتها تتكرر ولما بدات ارجع اكلم ابن خالتي الي كنا بقالنا فتره كبيره متكلمناش مع بعض اتكلمنا و بقينا كل يوم نتكلم و كنت بدات اهتم بشكلي و خسيت و شكلي بقى حلو و بقيت اجرب حاجات جديده مع صاحبي نجرب نخرح بعد المدرسة نسمع اغاني نعدي شوراع فيها عربيات ماشيه بسرعه يمكن ده هبل لبعض الناس بس دي كانت بالنسبه لينا هي متعه لما بدا فجاه ابن خالتي يبعد عني تاني حسيت ان الفتره الي كان قريب فيها دي كانت احلى فتره و لما جدتي ماتت بدات احس ان الفتره الي كنت خسيت فيها دي و كل الي حصل فيها ده كان كل ده احسن فتره لحد اخر حاجه حصلتلي كان نفس الشهر ده بس السنه الي فاتت تحديدا يوم 26 يوم ما قابلت الشخص الي كنت بتكلم عليه في البدايه خالص كنت خارج من الزعل بتاعي بتاع موت جدتي و شايف مفيش فتره تانيه ممكن تيجي احلى اتعلقت بيها و حبيتها رغم اننا صغيرين و عارف ان ممكن ناس تستتفه ده ان واحد ١٦ سنه يروح يقولك انا حبيت بنت الي هو لعب عيال بعيدا عن ده ان الفتره دي بعد ما انتهت و بعدنا عن بعض برضوا كنت فاكرها احسن فتره فحياتي و عمرها ما هتتكرر بس لما بصيت علي الموقف ده و كل الي فات قبله لقيت ان مش معنى ان في حاجه حلوه خلصت ان خلاص مفيش حاجه حلوه تانيه هتيجي او انك مدام خلاص في فتره فحياتك كانت حلوه و خلصت ان مفيش حاجه هتبقى حلوه تاني و ان الفتره الي انت فيها دلوقتي اساسا ممكن تكون هي الفتره الكويسه الي هتحكي عنها بعدين و تقول دي كانت احلى فتره فمحدش يوقف نفسه علي حاجه او يقول مستحيل يجي حاجه حلوه بحلاوه الي فات لانك انت متعرفش يعني انا مثلا يوم ما جيت اكلم البنت الي حبيتها دي مكنتش اعرف قبل ما اكلمها ب ١٠ دقايق ان معاها هعيش فتره كويسه زي الي عشتها وبس

اتسائل في أحيان كثيرة ماذا سيحدث عندما أجد غايتي، عندما تحدث الأمور كما أريد، ماذا لو كان هذا هو الشخص المنشود، هل سأستطيع التيقن من أنه هو، وهل سيكون لدي ما أقدمه له بعد كل هذه الخسارات، أسيكون بجبعتي طاقة له أو وقت أعطيه إياه، ماذا إن كان هذا المكان لي وهؤلاء الأشخاص هما مأمني حقا هل سأستطيع أن أكون نفسي معهم. أخاف من أن يفوتني ما هو لي لخوفي من النجربة، أن أخذهم ذنب أناس آخرين. ولكن أعلم يقينا أن ما أقدارنا تساق إلينا

حاسة انو ما فيني اكره واحد مية بالمية يعني مثلا لما اتعرض للاذى من طرف اي شخص اكيد اغضب في البداية و ادعي عليه و كذا بس بعدين مثلا اكتشفت انو عنده مشاكل صعبة مثلا بالبيت اشعر بالشفقة عليهم و افكر لو يعني ربما مو سيء لتلك الدرجة و يمكن انا شخصيتي حساسة زيادة ، لما كنت صغيرة شوية 15 و 14 سنة اهلي كانو متشددين خاصة امي بالتالي كان لازم عليا دايما احصل درجات عالية و الا بتعاقب بقسوة ، صراحة ما اهتم بس كنت اخاف يعرف حدا تاني و اهلي كمان هددوا ما اقول لحدا عاساس لمصلحتي، المهم في عندي صديقة عرفت بالامر بسبب ندبة عايدي و استغلته ضدي و بتعرفو بعدين كيف بتجري الامور اهلي غضبو....... المهم لما كبرنا شوية سمعت خبر وفاة امها صراحة حزنت عليها كنت بعرف شقد كانت متعلقة بيها ، الحين انا مستقلة و الحمدلله دايما في مواقف سيئة بتصرالنا جميعا و يعني ما تكونو ضعفاء مهما كان الموقف ادعوا الله تعالى و ما تفقدوا الامل و العفو عند المقدرة من اسس الاخلاق عند المقدرة اكيد

خلونى أتكلم أو احكى شوية فكرة انك تدرك ان كل حاجة ليها وقت وليها معاد وانها رزق مترتب له من عند ربنا وان احنا ملناش يد في حاجة ده كفيل يخليك تعيش حياتك مرتاح البال كنت نزلت من كم يوم ان ربنا لسة مرزقنيش بزوج صالح واتمنى انكم تدعولى وحقيقي ناس كثير مشكورين دعولى وقالولى ادعية ادعيها وربنا يجعلها في ميزان حسناتهم يارب من هنا حقيقي اتعلمت ان كل حاجة ليها وقت معين ومعاد ربنا كاتبه لينا وبيكون وقتها بيهيأ الظروف وبيهيأنا احنا كمان ليها وأي ان كان ايه اللي ربنا كاتبه فهو أكيد موزع الرزق ومدى لكل واحد حسب اللي يناسب معاه فبرده دعواتكم ليا بالخير وكل دعوة تدعوها ليا تتردد لكم أضعاف مضاعفة وتفرحوا فرحة كبيرة زى مابتمنى لنفسي وأكثر ومعلش طولت عليكم ❤❤❤❤

بجد الإنسان بيبقى أحلى وأخف وفيه ناس بتحبه ومستعدة تحارب علشانه وبتقدره بتحبه علشانه هو مش علشان اى حاجة تانية لما الإنسان اللى تبقى جمبه جهازك العصبى يهدا يسكن يطمن تبقى مش شايل هم ربنا يرزقنا أيام خفيفة ع قلوبنا مبهجة لا تحمل إلا الخير ويمسح عنا كل ذرة حزن

انا بقالي فتره مش مبسوطه وبمثل اني مبسوطه انطفيت خلاص بجد معتش حاسه ب اي حاجه بقيت عامله شبه الاله بروح شغلى ارجع انام اصحى اكل انام تاني عشان اصحى اروح الشغل وهكذا اليومين دول انا مبقتش قادره امثل خلاص طول الوقت حاسه بخنقه عارفين الاحساس اللي هو لما تيجي تشربو حاجه او تبلعو حاجه ومن كتر الخنقه انتو مش قادرين تبلعو الحاجه دي اهو تفس الاحساس الاول كنت لما امر بالفتره دي كنت بقطع الاكل المرادي لا باكل ومش باكل اي اكل نفسي رايحه لكل الاكل اللي بيتعبني كشري بقى او كبده اي حاجه في توم عموما نفسي رايحالها ومقولكوش بطني عامله زي ما اكون في الخامس القولون عامل شغله صح المشكله ان كل حاجة جايه في نفس الوقت من اهلى وصحابي وحتى الشخص اللي بحبه اهلى صاعبين اوي انا بحاول ابعد نفسي عن مشاكلهم لدرجة اني مبقتش بعرف اي حاجه عنهم أقسم بالله اكني مش عايشه معاهم في بيت واحد برجع من للشغل بدخل اوضتي انام عبل ما اصحى بيكونو هما نامو احساس الوحده مسيطر عليا ودا مدايقني اوي حاولت أبسط نفسي كالعاده عشان عودت نفسي مستناش حد المهم جبت الاكل اللي بحبه خرجت لوحدي في المكان اللي بحبه برضو بس متبسطش حسيت اني بضحك على نفسي النهارده في الشغل كنت لوحدي المدير مكنش موجود مكنش عندي شغل كتير مطلوب مني وخلصت بدري مش اروح لا فضلت قاعده زياده عن وقتي ساعتين قاعده بعيط ومش قادره ابطل عياط او تقريبا انا ما صدقت بقيت لوحدي عشان اعرف اعيط وكمان مطنتش عايزه ارجع لوجع الدماغ اللي في البيت لاني مش فايقه اصلا وبجد بعتزرلكو اني طولت عليكو بس ما صدقت قدرت اتكلم بحبكو كلكو❣️

عندي مشكلة جامدة اوي ومش قادر احلها ومش عارف اعمل ايه بجد ( محصلش ) فكرة ان انا اتعامل مع حد سوي نفسياً سيئة جدا تخيل اتعامل مع حد إيجابي وعنده طاقة للحياة وبيتكلم كتير؟ دة ايه الهبل دة احنا فايقينلك ولا ايه والاقيه بجد عنده أمل اوي في كل حاجة في حياته ومش عارف ايه، وبيتكلم كتير ومعندوش عقدة أنه يرغي مثلا دة انت غريب يجدع

ادعولي و لكن بالمثل أن شاء الله ادخل هندسه الله يخليكم لأني محتاج الموضوع ضروري و مش هينفع ادخل خاص ادعولي ربنا يكرمني حتى علشان رضا و فرحة اهلي لأني الكبير و اكيد نفسهم أفرحهم ف ادعولي ربنا يكرمني

لو هيتحققلك حاجة واحدة بس النهارده... حاجة واحدة كفيلة إنها تغير نظرتك لنفسك وللحياة كلها هتكون ايه الحاجة دي لو هيتحققلك حاجة واحدة بس النهارده... حاجة واحدة كفيلة إنها تغير نظرتك لنفسك وللحياة كلها هتكون ايه الحاجة دي

ساعات كثير بحس بحزن بالرغم ان الموضوع مش بايدى بس حقيقي نفسي اعرف ايه السبب ليه لحد دلوقتي مجاش نصيبي انا لو بتمنى حاجة فبتمنى ربنا يرزقني زوج صالح اكون سند وظهر له مش بتمنى حاجة ثانية نفسي افرح كل اللي بحبهم وبيحبوني بدل مابسمع كلام يسم البدن من ناس بعينها بجد لو حد يعرف هل العيب فيا ولا هو نصيب وهل احنا لينا ايد في النصيب انا عارفة انه كل حاجة رزق من ربنا بس سمعت ناس بتقول ان الجواز نصيب فبجد نفسي اعرف هل هو نصيب ولا رزق من ربنا وايه ممكن اعمله ولا مفيش حاجة تتعمل اتمنى اللي يشوف البوست ده يدعيلي ويقولى اعمل ايه

مساء الخير يا جماعة انا عندي سؤال هو فيه أمل الواحد يتعافى من الاكتئاب بجد ؟ أنا حاسة اني غرقت فيه مهما أحاول وأقول خلاص انا بقيت تمام برجع تاني وبنتكس طب وبعدين طيب امتى هرجع طبيعية تاني وبجد ماحدش يقول قربي من ربنا ولا اشغلي نفسك يا جماعة بجد مالوش علاقة والله انا بشتغل كتير جدا وبفصل بردو على قد ما اقدر ومن ناحية القرب لربنا والله الاكتئاب قربني لربنا اكتر لاني بدعي دايما اني اتعافى منه وعرفني اني مليش غير ربنا وانه أرحم من أي حد أنا متابعة مع دكتورة على قد ما أقدر بقالي أكتر من سنتين وعلى فكرة الخطوة والاستمرارية اصلا صعبة جدا وفيها مجاهدة نفس رهيبة واللي جرب هيعرف انه قد ايه بتبقى تقيلة حوار الجلسات واني انزل واروح واتكلم واحاول أنا بجد خلاص بفقد الأمل اني ممكن ابقى طبيعية واحس بالدنيا تاني عادي زي الناس

السلام عليكم مين مين نبدا وشا نحكي وشا نخلي كانت الحياة جميلة والحمد الله خدام ونقرا (ماستر 2 حقوق عندي ميموار )وماشية اموري حتى جا نعار صرالي مشكل فلخدمة حبست الخدمة و في ذيك اليلة تصلطو عليا ناس دابزت تاني وكيما كان الحال رحت لدار برسكو نخدم بعيد على الدار قلت عندي مكتوب يمشيلي يامات ونلها للميموار تاعي!! المهم رحت فتران 🚃 رايح للدار جامي سرقوني سبحان هذي المرة سرقوني هههههه راح المكتوب لي هو معليش قلت كاين صاحبي مخلي عندو امانة نديها نبيعها تجيبلي كاش 4 ملاين تمشيلي لحال زاد هذاك الصاحب حشلي كرعيا الله لا تربحه باع الامانة وكلا دراهمها نعيطله ما يرفدش ظربة مور ختها دخلت في وحد لحالة لعدو وما تتمناهالهش والمشكل عندي ميموار لازم نكملها ومخي دخل في حالة صدمة مراهش يخمم صاي والله لا صعيب الحال وعلى كل حال مزال ما فشلتش ربي خلقني راجل راني نهمبر في شونطي باش نرفد روحي ونكمل ديك الميموار ومولاها ربي والحمد الله وقدر الله ما شاء فعل

زي النهارده من سنه انا طبعا معرفش ازاي السنه عدت بل سرعه دي هيا ف الاول مكنتش بحس انها بتعدي بس بجد هيا عدت بسرعه المهم يعني زي النهارده كده انا سمعت اوحش حاجه ممكن اسمعها اني هعيد السنه دي اوحش حاجه بجد بل نسبالي انا بجد اليوم ده انا معرفش ازاي عرفت اروح البيت ولله انا معرفش ازاي انا مكنتش عايشه ولله انا كنت عايشه شكل لدرجت اني مكنتش باكل و كنت لما باكل بحس ان الطعم الاكل مر ولله مش افوره مني كان اوحش صيف بجد كنت بحس بشفقه موووت من الي حوليا كنت بحس اني اقل وحده انا مكنتش بنزل كتير و مكنتش بحب انزل حته لما بدأت المدرسه مكنتش عايزه اروح علشان مش عارفه هتكون ازاي نظرت المدرسين ليا بجد و هنا بقى حسيت بجد بل شفقه ف عينهم رغم انهم عارفين انا قد اي زعلت بجد بسبب الموضوع ده و رغم ان معايا صحابي ف الفصل مكنتش بحس اني موجوده بارضو انا مش موجوده مابينهم او مش موجوده ف الفصل اصلا ف عالم لوحدي خالص هما لحظو ده و انا مش ب ايدي كل ده غصب عني هما يقولو فهمين بس لا مش بحس ب كده يلاه اهي عدت و ف الاخر هدخل الامتحان ❤️ و الي معملتهوش السنه الي فاتت هعملو السنه دي ❤️

انا عايز اقول حاجه عارف أنه هتبان روشه و شكلها دراما فارغة بس بردك هقوله لاني ده تليفوني و انا حر و رساله الي حابب اقولها أن انا الحمدلله قررت امسح اىـٕ ده و حابب اشكر كل الي قالي كلمه حلوه او هيقولي كلمه حلوه فيما بعد و احب اعتذر لكل الي قولتله كلمه وحشه زعلته أو نصيحتي طلعت مش مناسبه و معجبتوش و بتمني اني اكون فيدت حد فعلا و اخر حاجه حابب اقولها أن ناس الي هنا أه مشاكلها مهمه حتي لو كانت بسيطه فا محدش يستخسر يكتب أو يقول الي مضايقه صدقني موضوع بيريح و بردك حاول تعرف أن ربنا مبيديش معارك صعبه غير الي يقدر يتحملها الي قصدي أقوله أن مشاكلكم كلها تقدروا تحلوها بس لو بدأت انك تحلها تواجهة بدل ما انت خايف منه و الناس الي مشاكلها مش من عندها استحملها صدقني قدامكم عمر طويل كلها كام سنه و مش هتقضي بقيت حياتكم مع اهلكم و حالوا تحبوهم حتي لو انت حاسس أنهم كارهينك فا افتكر أنهم يوم ما اتولدت و لما كنت طفل كانُ بيحبوك افتكر حاجات الحلوه لأنهم في يوم هيمشو و هتحس بجد انك لوحدك ساعتها و ملكش حد و انبسطوا و استحملوا معلش حتي لو الحمل تقيل انتم تقدروا تشيلو بزيادة انا عارف اني طولت معلش و حاوله تقربم من اهلكم حتي لو هتيجي علي نفسك صدقني هتندم 👋

بما انه عيد لحمه ومفيش عيديات (انا اللي بعيد) ف معيدتش الا على البيت بتاعي بس وحاسس اني رئيس جمهوريه او رجل اعمال او ثري ثراء فاحش زمان وانا صغير كنت بقول هو الكبار بيفرحوا لما يدونا فلوس واكتشفت انها بتفرح احسن ما تاخد والله ف ربنا يكرمني يارب بشغل انضف ويرزقني واخلي عيدية اني ١٠٠٠ بدل ٢٠٠ ااه والعيال الصغيره عملتلهم توزيعات بدل العيديه كل سنه وانتوا طيبين ويتم التجهيز لحجز كوره كمان ساعتين ما الدنيا حلوه اهي يجدعان حبوا بعض 😂

صباح الخير والسعادة عليكم 🌺 عيد سعيد عليكم جميعا. ممكن تلاقي نفسك صاحي حزين وزعلان اوي لانك. كنت/ي مستني حد معين يرن عليك او دي فرصه يرجعلك ومحصلش، متزعلش نفسك انت تستاهل الافضل منه او منها بكتير جدا.

كل عام وكل شتيتين قد اجتمعا، وكل التائهين الحيارى وَصَلوا. وكل الخائفين اطمئنوا وسكَنوا، وكل ذي مطلبٍ قد ناله أو أدرك الحكمة من مَنعه. وكل حبيب مُطمئن وفرحته مُضاعفة بوجه وصوت حبيبه. وكل وحيد قد تآنس، وكل مخذول قد تجاوز وعَرف كيف يعيش. وكل الساخطين قد رضَوا وتقبّلوا وعرفوا كيف يسعدوا بالنعم وهي بين ايديهم، وألّا تأكلهم الحسرة عليها لاحقًا. كل عام ونحن في حالٍ نُحبه ويَرضاه الله، ونعيش ما دَعونا بِه حقيقة! :))

فيه حد جرب يروح لدكاترة نفسيين ونجح او جاب نتيجة كويسة ؟ او فرقت في اي حاجة ؟؟ لاني حاسس اني بدات افقد الامل مع ذلك انا مش عارف لو بطلت هعمل ايه والعلاج هيعمل تاثير او اعراض انسحابية لما ابطله او كده وللامانة انا اجبن من اني اسيب لاني حاسس ان ده الامل الوحيد اللي عندي

بتقولي دعيت عليكي اهو ف يوم زي ده قالت "ان شاءالله تشوفيه ف نتيجتك اخر السنه و والله من قلبي" تمام ماشي انا بدعيلها و هي بتدعي عليا تمام ماشي ان شاءالله زي النهارده اكون بعيده عنهم و عن آذاهم

من اربع خمس سنين كده كنت بكره نفسي اوي لحد ما انا الي بصيت لنفسي اه كان الموضوع متعب وكان غريب ومؤلم بس انا البصيت لنفسي المره ديه انا عرفت اني مش لازم حد يحبني واني انا الي احب نفسي وده مش بسببي مش انا الي عملت كده ده الفضل كله لاقرب ناس لقلبي كانو سبب في اني اقدر اعيش مره تانيه ومستسلمش لدماغي

حبيت اشارك شعوري حاليا حاسه اني بستعد لبكرة كأن عندي حدث مهم جدا ودي حاجه كويسه جدا على فكره بس عارفين احساس اني عملت حاجات كتيير وحشه طول السنة وجاي عايز تدعي ربنا بحاجات كتييير اووي بحاول اسيطر على الاحساس ده عشان يبقى عندي عزيمة قوية لبكرة فاهمين قصدي؟؟

أنا دايمًا حاسة إن في بنات كتير زيي 💛 وعددهم مش قليل خالص… بيحبوا البساطة والتعامل الحقيقي، من غير تمثيل ولا تنافس حاسة إن في ناس كتير عندهم نفس الإحساس إنهم بيحبوا العلاقات اللي فيها راحة، من غير حكم ولا غيرة وبيحبوا الضحك ومشاركة التفاصيل الصغيرة بشكل عفوي وغالبًا بيبقوا حذرين شوية… عشان خايفين يتجرحوا بس رغم كده، بحس إني مش لوحدي خالص 🤍 يمكن بس لسه ما حصلش نصيب وتقابلت مع الناس اللي شبه إحساسي ولما بفكر مع نفسي بصراحة، بحس إن عندي مشاعر حلوة وطاقة حب كبيرة… (مش بكلم ولاد)

خدها قعده في حياتك اللى بيخرج من حياتك بيوسع مكان اللى احسن وانضف منه متبصش تحت رجليك وتقول اصل العشره والايام الحلوه اللى قضينها سوه عشان لو شخص يستاهل مكنتش هانت عليه العشره ولا الايام الحلوه متبصش وراك وللى فات مات واللى جى ولله افضل

مستحيل هتعرف تتعافي في نفس البيئة اللي انت اتجرحت فيها.. مستحيل الشخص اللي اذاك هو هو الشخص اللي هيصلح الاذي اللي عمله خليك متاكد وعارف ان المكان اللي اتاذيت فيه او الشخص اللي اذاك عمره ما هيبقي المكان او الشخص اللي هتعرف تتعافي بيه او فيه او منه

إلى مجهول... "لو حكينا يا حبيبي نبتدي منين الحكاية؟ إحنا قصة حبنا غنوة جميلة.. غنوة مالهاش نهاية" يوم آخر يمر عزيزي المجهول.. قد لملم فيها الشتاء حقائبه ورحل ضبابه، وأقبل الصيف بنسماتٍ دافئة وليالي سريعه ولكنها لم تختلف عن تلك الشتويه المدينة بدأت تتلون بالبهجة، والجميع يركضون مستبشرين بفصل جديد... وأنا منهم. دعني أخبرك اكتشاف آخر هذه المره مع هدوء هذه الليلة؛ تلك الكلمات المحفوفة بعتابٍ مشتاق ومُتعَذِّب أهديك إياها "عشنا فيها عمر غالي.. عمر شوق مالهوش نهاية تفتكر هان الدلال؟ تفتكر هان الأمل؟" أعلم أنني مازلتُ أذكر الفقد والانتظار كثيرًا في رسائلي، لكني أجد في هذا الغياب مذاقًا غريبًا. عتابي الصامت لك اليوم هو عتاب الفصول؛ كيف مرّ برد الشتاء وقسوته، وجاء دفئ مايو ...كل شيء في الكون يتحرك ويتغير... إلا أنت، ما زلت غائبًا، وما زلتُ علي حالي... أنتظر مجيئك. من أجلك... أكتب إليك الآن في بداية هذا الصيف. يا من لولاه لما ولد شعور "الشوق". أهديك تلك النغمات الهادئة بقلبٍ ينتظر خطوتك... وأنتظر معها ردك، كنسمه منعشه لروحاٍ أهلكها الإنتظار...

عايزة أمل يخواتي أرجوكوا أنا تالتة ثانوي و واقعة في الكيمياء و الأحياء و حرفيًا خايفة إن أنا أدخل الامتحانات بسببهم محتاجة دعواتكوا بجد أنا خايفة آكل كمية شماتة آخر السنة ممكن أنت.حر منها

“يمكن تعبنا شوية، ويمكن عدّى علينا وقت حسّينا فيه إن كل حاجة ماشية بالعكس… بس الحقيقة إن ربنا عمره ما بيقفل باب إلا وراه خير أكبر إحنا لسه مش شايفينه. كل تأخير ليه سبب، وكل وجع بيعدّي بيعلّمنا، وكل مرة كنا فاكرين إننا خلاص مش قادرين… قدرنا نكمّل. ف ليه نيأس؟ ما يمكن الأيام الحلوة جاية في الطريق دلوقتي، ويمكن الدعوة اللي بنقولها كل يوم ربنا بيحضّر لها وقت أجمل مما نتخيل. خلّوا عندكم يقين إن بعد التعب راحة، وبعد الضيقة فرج، وإن القلوب اللي بتصبر ربنا بيعوضها بطريقة تنسيها كل اللي فات.”

عارفين شعور انك تحب حد منغير حتا متعرف شكلو ولا تسمع صوتو حتا الي هوا انت حبتها عشان هي محترمه وجدعه وي بتعرفك طريق ربنا وعرفت تسعدك تتغير الي هوا بجد عملت حجات كتيره اوي فحياتي وفي نفس الوقت انا حاسس انها حبتني بس عمرها ما بينت ده وديما بتقول احنا اخوات انا معرفش حبتها ليه بس بمجرد مبكلمها بحسني مبسوط اوي طلبت من ربنا كتير اوي انو يلين قلبها ليا وبلفعل كنت بحس انها حبتني بس عمرها مهتبين ده انا مش عارف اعمل اي بجد

الصحه دي فعلا حاجه ماتتعوضش والواحد عمر ماكانت صحته حلوه من صغري وانا بشتكي من حاجات كتير وعمري مامشيت في علاج حاجه من الي عندي وخفيت منها، كل المحاولات بتنتهي بالفشل وفي الاخر الواحد بيضطر يتقبل حاله، ومع ذلك الوضع بيسوء اكتر والواحد بيكره حياته اكتر لأن دي مش حياه ومبقاش عندي امل خالص

مش عارف بصراحه انا برجع هنا تاني انزل لي ، أنا هنا من زمان اوي من قبل كل التحديثات دي وكنت اعرف ناس كتير حلوه وقريبين من بعض جدا بس وجودنا كان هنا علي اساس انه دايم بس مفيش حاجه بتدوم ، بس برضو برجع تاني علي امل احس الي كنت بحسه هنا زمان بس كل حاجه اتغيرت للاسف ، لو حد موجود قديم هيعرفني كويس ولو محدش يعرفني أنا مبقاش عندي طاقه اعرف حد جديد كله شبه بعضه يا شويه فواكه بتبوظ بسرعه

يا جماعة، ادعوا لي من قلوبكم ربنا يحقق لي اللي بتمناه بجد ويجبر بخاطري.. أنا تعبت قوي ونفسي ربنا يفرح قلبي، ويارب يحقق لكم أنتم كمان كل اللي بتتمنوه ويوفقكم ويسعدكم زي ما بتمنوا لي الخير. اللهم افتح لنا جميعاً أبواب رزقك وتوفيقك، ولا تجعل بيننا شقياً ولا محروماً، واجمعنا دايماً على الخير. قولوا آمين وادعوا لنفسكم دعوة حلوة ♥️♥️

تفتكروا اية اللى ممكن يتغير لو علاقتنا بأهلنا كويسة ؟ ١) هبطل أدوّر على إشباع إحتياجاتى العاطفية برا اهلى ٢) معاملتى بالناس هتكون قايمة على حُسن الظن مش التخوين فكل حاجة ٣) هيكون عندى جزء من السلام النفسى اللى اقدر منه أقرب من ربنا وهبعد عن اى حاجة تغضبه كفاية دول وانتوا احكولى عن التغيير اللى هيحصل جايز إجابة حد منكوا تلهم أب وأم وتغيّرهم للأحسن ❤️

مبقتش بحبها بسبب حاجات كتير شفتها منها مبكرهاش بس حبها اتشال من قلبي وهي السبب في دا ولسه حاسس بالذنب تجاه عدم حبي ليها طب متسبها ، للاسف انا مش بخلف بالوعود ف متعودتش اسبها ، انا باقي عليها لاني املها الوحيد حياتها بايظه من غيري بس هي زودتها اوي مبقتش بثق فيها بحسها بتكدب كتير وحبها نزع من قلبي اعمل ايه هل اخلف بوعدي عشان اكسب نفسي ولا احافظ عليه علي امل انها ترجع كويسه

أنا عمري ما اسيب.. أحلامي تغيب لو لينا نصيب.. فالحب حياة من امتى وكان الحب معاد أو سور وحصون حراس وبلاد ده علشانها اعدي بحور وبحور واموت لو مرة تشوفني جبان حراسها كتير والوضع خطير وأنا لا أمير ولا حيلتي جاه وقالولي افوق وارجع بالذوق ومبصش فوق وبلاش معاناة أنا عمري ما اسيب.. أحلامي تغيب لو لينا نصيب.. فالحب حياة

بعد ما حكيت قصتي الطويلة اللي محدش عارفها معررفتش اكملها ..فضلت باصص للسما والسحاب و سرحان يا ترى كان ممكن يتم النصيحة ب ايه مش عارف ...بس خير انا بس نفسي ربنا يتمم على خير للموضوع ده لاني اتكسرت

كنت بفكر ف شخص وبدعيله انه ينجح ويفتح البراند بتاعه واني اكون لسه ف باله ومش ناسي وعده ليا بان اول بريفيوم هيعمله يبقى باسمي ومستوحى مني ووقتها جه ف بالي كلام محمود درويش لما قال لا انت بعيد...... فأنتظرك ولا انت قريب فالقاك ولا انت لي فيطمئن قلبي ولا انا محروم منك...... فانساك انت في منتصف كل شيء

جماعه عندي مشكله مضيقاني جدانا كنت دخلت في كذا علاقه وفشلت المهم عرفت واحده محترمه جدا جدا جدا وحنينه مع اهلها بشكل مش طبيعي بس هي مخطوبه وهي بتاعملني عادي بس اكتشفت اني بحبها وهي كلمتني في مره انها ناويه تسيبه وخدت رأيي بس مرضتش اقولها تسيبه خفت اكون بظلمه المشكله اني حبيتها بعد سنين كتير اوي وعلاقات كتير جدا لدرجة اني كنت فقدت الامل في اني الاقي حد احبه اصلا فايه الحل وهي متعرفش اني بحبها تماما وياريت بلاش تجريح

جالي إحساس ملازمني بقالو كذا ساعة اني لازم اموت. حقيقي والله فعلا فاضل 22 يوم بس ع امتحاناتي وضايعه جدا جدا.. بشكل مأدركتوش اوي غير اخر كام يوم كإني كنت مغيبه في مادة ضايع مني فصلين كاملين ومادة تانيه تلت فصول والباقي منسي والمادتين التانيين منسيين ومتزاكرين مزاكرة نص نص وأنا مطلوب مني منقصش أكتر من 10 درجات ف المجموع يعني اخر من كل لجنة ناقصة درجتين تلاته بالكتير.. مستحيل. بوضعي دا مستحيل انا ضيعت كل حاجة.. بعد مأجلت. ضيعت سنتين وف الاخر مش هقدر اجيب المجموع المطلوب بردو. أهلي هيخسرو ثقتهم فيا مرتين. وهكسرهم مرتين. انا حقيقي مستاهلش اعيش واثقه ان اكتر حاجه خير ربنا ممكن يعملهت عشاني اني انام دلوقتي مصحاش. انا حقيقي حد ملوش لازمة انا بقولها م كل قلبي المرة دي يارب اموت عشان انا حقيقي مش هقدر ع اللي هيحصل.. وبس تصبحو ع خير. بالمناسبة كنت منزلة الصبح بوست بقول ادعولي بس انا مستاهلش حتي الدعاء والله.

مثير للسخرية تخلي شخص ما يشوف الامل والشغف بينما انتا ما تلقاه تماماً اليوم خطيبتي فتحت درج صياغه الفضه وصنعتلي حلقه منها ، وعموماً هذه الحرف اليدوية تقليد في ديانتهم ، ماذا لو درت اني ادخن؟

یا جوهره یا مخنوقه متضايقيش نفسك كله هيتحل انتي بس وكله هيتحل ان شاء الله والواحد هيتخطى زي ما تخطي حاجاات كثير اوي ف حياته كل بيكمل وكله بيعدي وهتضحكي وهتنسي وكل فوق راس الواحد مش عارف اقول ايه

أُواسِي الجميعَ وأُخبِرُهُم أنَّ الأملَ لا يَزالُ مَوجودًا بينما في كلِّ ليلةٍ أَتَأمَّلُ خَيباتي وأَحلامي الضّائعه. أنا ماشي ومش عارف أنا رايح فين، كل الطرق شبه بعض وكل الوجوه غريبة، حتى نفسي بقت بعيدة عني. بحاول أتمسك بحاجة تثبتني، لكن كل حاجة بتفلت. يمكن أنا مش تايه في الدنيا… يمكن أنا تايه مني.

تخيل كدا فيوم وليله تخلص كل حاجة وحشة فحياتك وربنا يهديك وتبق بتصلي تخيل تلاقي بنت زاي منفسك بتصلي ومتدينه وحقيقي تنفع ام لي اولادك وتنفع تكمل حياتك معاها تتجوزو وربنا يرزقق بطفل او طفله وربنا فتحها عليك من وسع ومرتاح فحياتك طيب هوا سعتها بجد الواحد يقدر يعمل حاجة غلط او في غلط يتعمل بعد كل الرضا ده هوا انا بحلم طيب

ولتاني مرة بمسح الاغاني ومش هختطلت ولا هتكلم والحمد لله قدرت اعدي شوت جامد في الموضوع ده فاضلي بس الاغاني يارب انا تعبت انا انتكست جامد اوي يارب اكون احسن من كده وارجع اعبدك واذاكر احسن من الاول واجتنب كل معاصيك ياريت تدعولي ولو عندكم نصيحة حطوها انا هنام وان شاء الله عندي امل اكون حد جديد ذو همة وعزيمة ومسمعش بكرا ولا اغنية واحدة

انا نفسي ادخل علاقة وتكون ناجحة انا دخلت علاقة واحدة بس في حياتي بس القدر كان ليه رأيي تاني ان العلاقة دي تكمل كنت بحبها اوي بس النصيب هو اللي بيمشي هل ممكن الاقي واحدة تكملني يارب الاقيها

هوا مافيش هنا حد ناضج فوق ال ثلا @ثين في قصر بعيد ولا في الأحلام ساكنة أميرة عمري الجاي وأنا من تفكيري لا بعرف أنام نفسي أعرف بس أوصله إزاي حراسها كتير والوضع خطير وأنا لا أمير ولا حيلتي جاهة وقالولي أفوق وأرجع بالذوق وما أبصش فوق وبلاش معناة أنا عمري ما أسيب أحلامي تغيب لو لينا نصيب فالحب حياة من إمتى وكان للحب معاد أو سور وحصون حراس وبلاد دي عشانها أعدي بحور وبحور وأموت لو مرة تشوفني جبان

هوا عادي الواحد يبقا داخل عال٣٠ خلاص و محققش اي شيئ في حياته هل في امل؟ وغير كده كل الي حواليه بيتقدمو في حياتهم و انا واقف مكاني بالعلم اني مريت بفتره اكتئاب غبي الصراحه خمس سنين تقريبا بسببها طول الخمس سنين قبل ما انام كنت بفضل اقول حسبي الله ونعم الوكيل و من فتره لقتها رجعت كلمتني و بتقولي انها اتجوزت و في مشاكل كبيره مع جوزها و حجات و كل الي برد بيه ربنا يكتبلك الي فيه الخير و العلم انا رجعت اكلمها عشان اعمل تست لقلبي بس الحمد الله مطلعش شغال

ممكن ميكنشحد صاحي بس الي صاحي ممكن اي حد يدعيلي أن ربنا يريح قلبي و عقلي و ربنا يحقق لي كل الي انا عايزه بجد لأن أنا مش مرتاحه هو الحمدلله بس ممكن ربنا يستجيب انا محتاجه اي حد يدعيلي بجد و أن شاء الله لكم المثل و اكتر يارب

عارف… أصعب حاجة مش إن الإنسان يغلط، أصعب حاجة إنه يحس إن مفيش أمل يتغيّر. بس الحقيقة إن كلنا عندنا حاجات بنحاربها، ذنب، عادة، طريق غلط، أو حتى نسخة من نفسنا مش عاجبانا. ومتصدقش فكرة إنك طالما وقعت كتير يبقى خلاص. في ناس ربنا كتب لها الهداية بعد محاولات كتير جدًا، وبعد لحظات كانوا فاكرين فيها إنهم انتهوا. مش لازم تتغير في يوم وليلة، ومش لازم تبقى كامل عشان تبدأ. ابدأ بس… حتى لو بخطوة صغيرة، حتى لو مرة واحدة قدرت تقول "لأ" للحاجة اللي بتشدك للغلط. وإوعى تكره نفسك، لأن الشخص اللي بيحاول يبقى أحسن، ده شخص لسه فيه خير. ارجع تاني، واطلب من ربنا يساعدك، ومتزهقش من نفسك بسرعة. يمكن الفترة دي كلها، ربنا بيجهز قلبك للحياة اللي نفسك تعيشها من زمان. ❤️ Fresh Lemon

يا جماعة حد هنا مريض اكتئاب وبياخد مضادات اكتئاب عايز تجربتكم عشان نفسي اخد الخطوه الاولي في العلاج تعبت من الاكتئاب اللي مموتني بالحياه ومش عارف اعيش ولا انجز ولا احس بطعم اي حاجه في حياتي

كنتوا طالعين من ماده ومتاكدين انكم هتشيلوها بس اتفجائتوا يوم نتيجه انكم ناجحين فيها ؟ حاسه ان مفيش امل خالص بس بصبر نفسي وبقول يارب طيب كنتوا عارفين انكم هتشيلوا ماده وشيلتوها فعلاً ؟ 😔 نفسي انجح اوي

عندي امتحانين يوم الجمعه و ضايعه شويه بصراحه و عماله اعيط بس و حاسه ان خلاص كده و اصلا دي اخر محاوله ليا و لو مجبتش مجموع مش هدخل الكليه الي انا عيزاها انا اهلي تعبو كتير اوي عشاني وانا عايزه افرحهم انا بجد مرعوبه ممكن لو حد شاف البوست ده يدعيلي لوسمحت شكرا

كلام كنت مستنيه حد يقولهولي بس مفيش، انا متأكده اني في ناس هنا محتاجه الكلام ده. لو قررت في يوم ان خلاص النهاردة اخر يوم ليك و انت مش عايز تصحي بكرا. افتكر انك: •احسن يوم في حياتك لسه مجاش او يمكن جه هتكتشف ده لما تصحي بكرا. •انت لسه مجربتش احلي اكله ممكن تكون اكلتها. •مروحتش حفلة للمغني المفضل بتاعك الي انت حافظ كلمات اغانيه. •لسه مقابلتش حب حياتك. •لسه مبقتش حر و سافرت لوحدك. •لسه مجبتش العربية الي نفسك فيها. •لسه مكلتش مانجا الصيف ده. كل دي أسباب و اكيد في اكتر منها تخليك تدي نفسك يوم زيادة في الحياه.

صدقنى انا جاى من ابعد حته ممكن تفكر فيها فى الاكتئاب و الضياع و بقولك انك مهما فكرت انك غرقت لسه فيه نور صدقنى عمرها ما ظلمت اوى الا لما نورت فى الاخر اعتبر دى رساله ليك و بطل تفكر ان الحياه مش عايزاك ده كلام هى بس بتوريك سواد عشان لما يجيى النور تقدره و تفهم

إمبارح كنت في خروجة مع أهلي ولمحت كذا حاجه خلتني أفكر لمحة "لمعة" في عين راجل قاعد قصاد خطيبتو/مراتو في الكافيه كانت نظرة متكملش ثانية بس وصلني الكم الهائل من الحب في عينيه ليها، اتمني يدوم الحب مابينهم🤍 وشفت محل هدايا، ودققت النظر ف الدباديب اللي فيه، كانت جميلة ورقيقة جداً جداً، حجات بشوفها ع شي إن وبينتريست بس ف لما رجعت قعدت أفكر هو انا ممكن بجد بجي يوم، ويبقا معايا راجل بيحبني وطاير بيا كداا، وبيجبلي هدايا ودباديب جميلة، وبيفسحني، وبيعمل حجات كتير عشاني لمجرد اني هي أنا، وبس؟ بجد ممكن أتحب لمجرد إني انا ممكن حد يشوفني مميزة، يشوف انو طلع من الدنيا بيا، وحظو الحلو كان متحوشلو فيا؟ حسه إني استاهل اه، انا مميزة أنا عمري محسيت اني مميزة في حياة حد تحديدا معنديش صحاب بردو فاهمين؟ بس يعني الله لما بتخيل دا. فكرة دافية اوي. 🤍

المره دي انا مش جايه احكي لكم مشكله عندي انا جايه اعرف مالكم؟! ليه اختارت المكان ده؟! ندمت انك جيت هنا؟! اتعلمت ايه من الناس؟! هل المشكله اللى خليتك تدخل هنا اتحلت ولا لسا ؟! نفسك في ايه؟! استفادت من وجودك هنا؟!

حاجه غريبه فعلا انك تلاقي شخص ويختفي فجاء كانه كان امل ليك بعدين خلاص قرر انه يختفي معرفش انا بقول اي بس اكيد حصلت معاك يعني متحورش طب انت عملت اي بقا وقتها هل قولت دي فرصع عادي وضاعت ولا فكست للموشوع وخلاص

سلام عليكم انا اللي كنت منزل من ساعة لما قولتلكم ممكن تفرحوني... المهم دلوقتي انا عايش لوحدي الفترة دي ومخنوق جدا جدا وبقالي ساعة مش عارف انام من الزعل التراكمات مأثرة عليا جدا جماعة والله انا مقفولة عندي من كل ناحيه انا عايز حد يسمعني لحد الاخر عشان يقدر يحكم عليا الكتمان ده تعبني وعملي مشاكل غير المشاكل التانيه اللي انا فيها... مش عارف اقول ايه تاني بس يارب البوست ده يجيب فايدة لان ده اخر امل

كل مؤذي سيؤذى إنها الأيام كل ساقي سيسقى بما سقى و لا يظلم ربك أحداً .. الدنيا ستدور؛ و المشاهد ستعاد والأدوار ستتبدل .. من قهر سيُقهر ومن ضر سيضر ومن ظلم سيظلم، ومن عاب ابتلى فإن الله يمهل ولا يهمل .. يوماً ما ستفهم أن الدنيا تدور ثم تعود وتقف عندك لتفعل بك ما فعلته بغيرك .. كما تدين تدان .. " وتلك الأيام نداولها بين الناس "العداله الربانيه"

وإن ضاقتِ الدنيا عليكَ بأسرِها فَفَرجُ اللهِ آتٍ لا يُخيِّبُ ظنّا فلا تيأسْ فليلُ الحزنِ مهما طالَ سيُزهرُ فجرٌ بالرضا مُطمئِنّا وكم مرَّتِ الأيامُ تُثقلُ كاهلًا فجاءَ من الرحمنِ يُسرٌ مُبيَّنا فاصبرْ فصبرُ المرءِ مفتاحُ راحةٍ ومن صبرَ استعلى وحققَ ما تمنى

أحيانًا… نص ساعة كفاية تغيّر فكرة كاملة عن شخص مجهول. يعني بحد كانت اجمل واحلا نص ساعه في حياتي 🫶صدفه حلوه اتمني تتكرر مع الفرولة مش كل حكاية بتكمل… بس في حكايات بتسيب إحساس كأنها كانت ممكن تكمل

معتقدش اني كنت عايزه ابقي كده بس معتقدش برده اني هستسلم للي وصلت ليه عشان مش ههدي لحد ما اكون راضيه عن نفسي وعن حياتي تاني واعيش حياه تستحق تتعاش بجد لان الصوره اللي بشوفها لنفسي اللي بجد كانت طول الوقت نضيفه وعلطول بتحاول تستحق تعيش حياة تليق بيها

طول عمري بحلم اني اقف علي مسرح واغني من وانا صغيره كان نفسي اقدم في ذا فويس كيدز وبتخيل نفسي مكانهم والمشكلة أن اهلي كانو بيعشموني أنه هنقدملك فيه لما تكبري شويه وفضلت مستنيه اكبر لحد م ك

كنت هقولها انا اسفه عشان انا كبرت ومخدتكيش للشخصيه اللي دايما حلمتي بيها كنت هقولها اسفه عشان خليتك تتوجعي كتير من الناس واسفه ان الاب ده هو اللي عندك مش اب تاني بيحبك بجد.. كنت هتاسف ليها واقولها بجد اني لسه بحاول رغم اني من كتر ما عكيت ف حياتي مش شايفالها دلوقتي ملامح بس مكمله علي امل يحصل جديد واوصل ليوم اقولك اني اخيرا بجد وصلت

هو لو حد ساب من غير سبب دا يستاهل أن احنا نحاول عشان تأني برغم اني حاولت كتير اوييي اويييي ومكنتش وحشه ف حاجه وحاولت احافظ ع الشخص دا كتير بس كنت بتاذي برضو بس كل الفكره اني متعلقه اويي وبحب اوييي كمان ونفسي الشخص دا يرجع عشان مش عارفه اعيش تاني من غيرو هو عارف ان ب كلمه منو كل حاجه هترجع زي الاول بس هو مش عاوز هو خد الحل انو يبعد علطول

الحمدلله مكمل رغم الضغط النفسي اللي انا فيه الحمدلله رغم الاحباط اللي بواجهه لسه ماسك في حلمي وواثق اني هحقق اللي عايزه حاجتين اهم من بعض بس في حاجه لو مش موجودة مستحيل احقق حلمي وهي النيه والحمدلله دي عندي من صغري هكون شاكر لاي حد شجعني وقالي كلمتين حلوين

أنا طول عمرى نفسي احب واتحب وحد يحبنى حب غير مشروط مع انى جربت حجات وفشلت الا انى طول الوقت نفس اتحب برغم أن في ناس كتير تخاف من العلاقات وانى كان فيه مواضيع وباظت المفروض اخاف ارتبط الا انى بحس أن نفسيتى هتبقي احسن لما ارتبط اقصد ارتباط رسمى مع العلم أنا مش مفتقدة الحب فى بيتنا يعنى اهلى بيحبونى اوى مش متدلعه ولكن هما بيحبونى دايما بدور عالحب فالعلاقات

حاسه اني ف الطريق الصح رغم الوجع اللي بمر بيه يومياً وان مفيش اي حاجه واضحه لايه هو اللي جاي ف حياتي .. بس اني انهي اكتر علاقة دمرتني ف حياتي ده كان اكتر قرار شجاع كان ممكن اخده ف يوم لانها علاقة سنين وعشرة بس قضت عليا ف كل جوانب حياتي وغيرتني ف حاجات كتير للاسوء .. بس الحمد لله بعد ما قطعت من قريب حاسه اني بدات افوق لنفسي رغم اني حاسه اني خلاص كبرت بجد وداخله ف ٣٠ سنة قريب بس بحاول مركزش مع العمر وابص لاني في حاجات كويسه لسه عايزه اعملها ف الدنيا ديه وقلبي لسه فيه خير .. العلاقه ديه مطفتش الحلو فيا زي ما كنت فاكره انا بس مجهده من حياتي اللي مفيهاش حد حنين عليا ولا حد يطبطب ويقولي اشيل عنك مع ان حياة البنات عموما مش المفروض تكون بمستوي الصعوبه ده والشقي اللي بشقاه .. بس فكرة ان ربنا شايف وانه شايلي الخير بس بيعلمني الاول وبيهياني ليه مطمناني .. حزينه اني اديت كتير اوي لحد مستاهلش لحظة واحدة من وجودي ف حياته حزينه انه خد اكبر من حجمه واتنفخ بعد كده علي حسي .. بس عارفه ان كل واحد ليه يوم يترد ليه كل اللي عمله مع غيره وده مخليني مش عايزه افكر فيه تاني وعايزه ابص لنفسي ولحياتي اللي ركنتها بقالها كتير اوي وانا عارفه ان جوايا طموح واحلام اد الجبال حرفيا فكرة اني اكون ف بيئة غير سوية بتخليني صعبانه عليا نفسي اوقات واقول يمكن لو كنت ف بيت اتعاملت فيه احسن وخدت فوصتي واتشافت واتسمعت كنت هبقي واحده تانيه تماما بس مش عايزه اعلق شماعات علي اللي حواليا ومش عايزه اعيش ضحيه انا عايزه اكون ناجحه ومكسره الدنيا حاجات جامده انا طهقت من دور المهزومة وعايزه بكل قوة عندي حتي لو دلوقتي ضعيفه اعمل احسن حاجه عندي كل يوم عايزه بس احط خطه واهداف واضحه عشان اقدر اوصل لكل حاجه كان نفسي فيها ف يوم وعايزه قبل اي حاجه ربنا يرضي عني ويسامحني علي اي حاجه لاني من غيره ولا حاجه ولما ببعد عنه بجد بضيع انا بحاول اخلي ايامي تستحق تتعاش تاني من غير وجود الانسان اللي وثقت فيه وكان كل حياتي بحاول اخلي ايامي انا ليها طعم تاني بعد ما سرق مني وقتي وكل حاجه تخصني وعلقني بيه لحد ما نسيت انا كنت مين قبله ؟؟ مع اني كنت مبسوطه قبله وبعرف اعمل حاجات كتير لوحدي واعيش ف سلام بس من وقت ما عرفته وانا بقيت حاسه بعجز عن اني اعيش كويسه من غيره عشان كده ربنا خده مني وغيره عليا عشان كان النفس اللي بتنفسه خلي قلبه يتغير عليا مع انه كان بيدوب فيا وميعرفش يعيش من غيري احساس مش سهل عليا لاني مش بتخطي بالارتباط السريع زيه انا بتخطي لوحدي وبعدي كل حاجه لوحدي وبرجع لنفسي مش بهرب منها بواجه كل حاجه مش بهرب زيه كان نفسي احب راجل مش عيل كان زمان قصة حبنا مفيش زيها ف الدنيا زي ما كنا بنحس دايما كانه حلم كل يوم من كتر الحب ما هو مثالي بس سمعت كتير ان ربنا مش بيبقي عايزنا نحب حد اكتر منه وهو كان مستحوذ علي كل كياني كان متحكم ف كل مشاعري لو زعل مني كل حاجه تقف ولو مبسوطين كل حاجه حلوه .. انا كنت زعلانه من الفكره ان ليه يارب تاخد اكتر حد حبيته كده وقلبي يتكسر الكسره ديه .. بس اتاري الموضوع بجد رحمه من ربنا انا كنت عايزه لنفسي الشقاء .. ربنا دايما بيختارلي الراحه والسلام بتمني اقدر ف الشهور الجايه اصلح اللي اقدر عليه وبتمني كمان اطلع عمره الفتره الجايه وربنا يقدرني واسد ديوني اللي بحاول اعمل كل حاجه ف حياتي حرفيا بطولي كان مليش اب للاسف لانه مش بيحب يصرف او يساعد لا انا ولا ماما طول عمري محستش بالامان ف وجوده ولا حسيت ان ليا سند غير الانسان اللي دخل حياتي كان بيقف جمبي دايما بس حتي ده بوظولي الموضوع بتاعنا كان ممكن كل حاجه تبقي غير لو موقفوش ف الموضوع برده بس انا استعوضت ربنا ف كل حاجه مبقتش قادره افكر تاني لان التفكير الكتير بجد بقي موجع وبيوصلني لاماكن وحشة اوي بقيت عايزه تبص لقدام وافهم انا ممكن اعمل ايه ف الدنيا ديه كويس قبل ما اموت ربنا يقدرني واسيب اثر طيب ف الحياه واخلي ربنا يسامحني علي كل اللي فات وصدر مني

هو انا كويس؟ مش عارف. هو انا الشخص اللى كنت بحلم بيه؟ مش عارف . ليه وصلت لى المرحله دى؟ مش عارف. امتى وصلت لى هنا ؟ مش عارف بردو. هل فيه أمل أرجع تانى طبيعى؟مش عارف. كل اليوم بحاول افسر ليه عملت فى نفسك كده كل يوم نفس القاعده ونفس التفكير ويظل كما هو دون تغير أمتى هبدأ لى مره واحده صح ؟؟؟

أنا الفترة دي تايه بطريقة مكنتش أتخيل أنى اوصلها بجد كان نفسي اصدق بس بقا عندي عدم ثقه خايفه ادي لنفسي امل في حاجه تاني فمتكملش زي كل حاجه مبتكملش فـي حياتي متتعاملش مع حد علي اساس انه safe zone كل الناس مؤذيه بس بأشكال مختلفه انا مش زعلانه عليهم انا زعلانه على نفسي أنا شايفه إن احسن حاجة اقدمها لنفسي الفترة دي إني اتعود على الحياة لوحدي

أنا مخنوقه جدا واصله لأخرى ومعنديش حد احكى معاه ولا أقوله مالى ولا فيا ايه ولا حتى ينفع اقول لحد تعبانه جدا من انى شايله الخنقه دى لوحدى وم قادرة تشاركها مع حد ومعنديش الحد ده ولو عندى حاسه انى مش هقدر اشاركه زهقت وتعبت وبعمل كل حاجه علشان اطلع الطاقه دى بتمشي ويلعب رياضه وعندى أصحاب كتير وبنزل شغلى بس انا لسه متضايقه لسه مخنوقه لسه مش قادرة اكمل كده بالوضع ده ومش عارفه هبقى كويسه امتى ولا ازاى ومش عارفه هو فعلا ربنا هيريد انى افرح واكون مبسوطه امتى وازاى زهقت بقى بجد من الوضع ده

نفسي اعدي الفتره دي كلها وأكون قدرت أنسى، أو على الأقل أكون خفّيت شوية من اللي جوايا. كنت متخيلة إن مع الوقت ممكن ألاقي حاجة تعوضني عن اللي فات، أو حد يخليني أحس إن اللي ضاع ماكانش النهاية. لكن الحقيقة إن ده ما حصلش.ومش عارفة أصلاً إمتى ممكن يحصل… ولا حتى إذا كان هيحصل. أكتر حاجة بتخوفني إني أفضل واقفة في نفس المكان، مستنية حاجة مش عارفة مصيرها إيه. الوقت بيعدي، وكل الناس حواليا حياتها بتتغير وتمشي لقدام… وأنا حاسة إني لسه واقفة، ما اتحركتش خطوة. تعبت من الإحساس ده، ومن الانتظار اللي ملوش نهاية واضحة. كل اللي نفسي فيه إني أصحى في يوم وأحس إني أخيرًا خرجت من الدوامة دي

يا جماعه ياريت لو في حد. دكتور قلب يساعدني في الموضوع ده، انا من حوالي ست شهور كنت بروح لدكتور قلب وكان كاتبلي على اندرال عشان يقلل من سرعته فالمهم انا كنت منتظمه على تلت جرعات في اليوم زي ما هو قالي يعني 30mg المهم انا بطلته من فترة وفضلت كده حوالي شهر لان السبب فالي انا فيه هو القلق مش عضوي اصلا وبصراحه كنت فقدت الامل لاني حسيت ان جسمي اتعود عليه وديما ضربات قلبي عالية حتى وانا باخده ولكن انهاردة انا مش قادرة استحمل حرفيا من سرعة النبض لما قسته طلع 120في الدقيقة ده غير اني حاسة بيه وحاسة باني بعمل مجهود حتى وانا نايمة حاولت اهدي نفسي وانام الامر زاد فشفت اني ارجع تاني للاندرال ولكن هاخد ال 30mgمرة واحدة مش هجزئهم عشان لما كنت باخد 20 مرة واحده زي ما الدكتور قايل 20mg الصبح و 10mg بليل كنت بقيس النبض الاقيه قل نسبة بسيطه فانا عايزة حاجه تخليني ارتاح دلوقتي انتم شايفين اي

في حاجات بتتعبنا مش عشان كبيرة، لكن عشان جوانا مش قادرين نحكيها. وجع بيعدي علينا وإحنا ساكتين، بنضحك عادي قدام الناس، ونرجع لوحدنا نسأل نفسنا: "هو أنا ليه حاسس كده؟". أصعب حاجة مش الألم نفسه، أصعب حاجة إنك تحس إنك لوحدك فيه، وإن محدش شايفك بجد. بس الحقيقة اللي محدش بيقولها: إن كل اللي جواك ده مفهوم، وإنك مش ضعيف عشان اتأثرت، ولا عيب إنك تتعب، العيب إنك تفضل مكتم لحد ما تنكسر. خد نفس، وادي لنفسك حقها في التعب زي ما بتديها حقها في الفرح. يمكن اللي انت فيه تقيل، بس انت أقوى من إنك تفضل فيه للأبد. هتعدي وهتبقى أحسن .. 💙

صعب عليا جدا اكتب احساسي الحقيقي هنا، بصراحة حتي في الاب (اللي المفروض يكون مساحة امنة)، قابلت ناس كتير بتبقي عاوزة تعمل نفسها ابو العريف و خلاص، كتر الخذلان مخليني معنديش طاقة اقوم و احاول تاني في علاقات انا مبسوطة في جوازي الحمد لله، و مع اني ٧ سنين و معنديش اطفال، راضية بقضاء الله بس بقيت مستنية اقابل صحبة صالحة من غير ما اعمل اي مجهود لدة

في كل مرة بتختار تسكت بدل ما تجرح، بتسامح رغم إنك موجوع، بتقاوم عادة عارف إنها بتكسرك، أنت مش ضعيف… أنت في معركة. جهاد النفس مش إنك تبقى كامل، جهاد النفس إنك تحاول كل يوم تبقى أحسن من امبارح، حتى لو خطوة صغيرة. أصعب حرب مش اللي مع الناس… أصعب حرب هي اللي جواك، بين صوت بيشدك للغلط، وصوت بيقولك “استحمل… ربنا شايفك”. ويمكن محدش شايف تعبك، ولا حد حاسس قد إيه بتجاهد عشان تبقى صح، بس ربنا شايف… وبيكتب كل مرة انتصرت فيها على نفسك. افتكر دايمًا: أعظم الانتصارات… هي اللي محدش بيشوفها غيرك وبينك وبين ربنا. Fresh Lemon

حبيت اقول جزء من مشكلتي اتحل بالدعاء الدعاء مهما كنت بتعمل غلط صلي وادعي انا اتعرضت لظلم وخطيبي عملي ترومات كتيره وسابني وبعدها دخلت حاجات غلط وانا مش راضيه عليها كل ما بتعب نفسيا غصب عني كنت شايفه اني مذنبه بس مهما كنت بعمل غلط كنت بحاول اصلي وادعي وانا بعيط ان ربنا يساعدني ف اليوم اللي بعده ربنا يبعد الناس اللي بتخليني اعمل الغلط ده عني وارجع محترمه وكويسه ولما اتعب ارجع للغلط تاني ومستسلمش احاول واصلي وادعي وهكذا لحد ما الحمدلله دلوقتي بمساعده ربنا ومحاولتي وفهمي ان مفيش انسان مش بيغلط وان ربنا عالم باللي جوايا اكتر من نفسي الحمدلله ربنا بعد الناس اللي بتخليني اغلط الي حد كبير عني ف حبيت انزل ده عشان اقولكم مهما بتعمل غلط صلي وادعي وحاول وقاوم نفسك وادعي كتير ربنا يساعدك بس يكون جواك فعلا عايز تتساعد ❤️❤️ ربنا يهدينا ويفرح قلوبنا اجمعين

خواطر بداخلي فراغ يشبه كهف مظلم مريب يخشى كل مار أن يكون منه قريب يرمقه من بعيد يراه موحش كئيب أما المغامر فيكتفي ببضع خطوات لا تكشف عن شئ فيمله ويستدير ما يدريك لعل داخل الكهف كنز من الأساطير لا يستحقه إلا من تحمل ظلمته والزمهرير

ايه الحاجة اللي لو حصلت حاليا هترجعلك ثقتك بنفسك ؟ او هتخليك تحب الحياة اكتر وتحس انها ضحكتلك ؟ او هتنطلق بعدها والبيك بتاعك يفضل يعلى ؟ ايه الحاجة اللي لو حصلت حاليا هترجعلك ثقتك بنفسك ؟ او هتخليك تحب الحياة اكتر وتحس انها ضحكتلك ؟ او هتنطلق بعدها والبيك بتاعك يفضل يعلى ؟ .

اغنيه العسيلي ( رسمي ) نفسي بجد افرح بعد الاغنيه دي بتخليني اعيط لان عمري ما فرحت ولا عرفت طعم الفرحه ده ايه بجد نفسي اوي افرح ادعولي انا مش شايله غير تعب و مسئوليه و تعبت بجد نفسي افرح بجد و اهو انا صابره و كل حاجه بس انا تعبت حرفيا تعبت من كل حاجه بحس ساعات اني هفضل كده لان انا كده من زمان و مفيش حاجه بتتغير معرفش العيب فيا ولا ايه بس الله المستعان لاني خلاص تعبت و انا حاسه ان لما الفرحه هتجيلي مش هعرف افرح بيها زي ما كنت عايزه لان خلاص اتعودت اكون لوحدي. ادعولي افرح رسمي

بصراحة أنا تعبت… مش تعب جسم بس، تعب دماغ وقلب من كتر التفكير والزهق اللي ملوش سبب واضح. كل يوم شبه اللي قبله، نفس الروتين، نفس الإحساس اللي بيقولك “إنت واقف مكانك”. أوقات بحس إني مش عايزة أعمل حاجة، ولا عندي طاقة أتكلم حتى… بس في نفس الوقت جوايا صوت صغير بيقول إن ده مش أنا، وإن أكيد في حاجة أحسن مستنياني. يمكن كل اللي محتاجينه شوية هدوء، شوية بعد عن كل حاجة بتضغط علينا، ونفهم إن عادي نزهق، عادي نتعب… بس مش عادي نستسلم. لو إنت حاسس زيي، فإحنا مش لوحدنا ❤️

طيب دا جماعه هروح انام وانا متضايقه بس هصحي الصبح الاقي كل الكومنتات ايجابيه و كلام تحفه تصبحوا علي خير (هكمل بأي كلام ) مبقولش ليه خاني و باع بقول ياريت كمل خداع معقوله خلي اختاري ما بين الام و ما بين خدوع

كل مرة بكون كبنانا مسافر ووجهتي البلد اللي البنانا التانيه فيها كنا بنكون في off وفي امل في الرجوع المره دي هسافر بكرة بس بدون اي امل ولا احتماليه تشباك في طريقنا ولا اقدارنا وانه لكبير هذا الأمر على القلب

ساعات بنتمسّك بحلم كأنه كل حياتنا، ونحط فيه كل تعبنا وأملنا ولما ما يتحققش بنحتار: هل ده قلة توفيق ولا اختبار؟ بس يمكن الحقيقة إن ربنا شايل لنا حاجة أحسن، حاجة لسه مش شايفينها، وهتيجي في وقتها المناسب وتكون أرحم وأجمل لقلوبنا.

يا رب أنت عالم بالحال وعالم باللي شفته في أيامي اللي فاتت.. النهاردة ببدأ مشوار جديد في حياتي وكلي أمل في كرمك.. رايح أجري على رزقي ولقمة الحلال بعيد عن أهلي.. كل اللي محتاجه منكم دعوة صادقة إن ربنا يوفقني ويفتحها في وشي ويجعل طريقي ميسر.. دعواتكم يا أخواتي

عايز نصيحة من حد يكون عن تجربة ازاي اتخطى شخص كان كل حاجه في حياتي واقدر اكمل لأن الموضوع مأثر عليا في كل نواحي الحياة ومش قادر ارجع شخص طبيعي تاني بقالي فتره ياريت يكون حل حقيقي وشكرا مقدما

ياجماعه رساله م قلبي لكل عضو هنا.. انا اسف ليك وبعتذرلك مكان كل شخص اخطأ ف حقك وظلمك او اهانك او زلك انا اسف ليك علي كل حاجه كان نفسك فيها ومخدتهاش او ملقيتهاش زي ما اتوقعت انا اسف لكل واحد حد خذله وضيع حقه انا اسف لكل بنت وولد حد اتحرش بيهم انا اسف وبعتذرلك عن كل شر شوفته ف حياتك ربنا يعوضنا كلنا بالخير ويطبطب ع قلوبنا ويبدل حالنا لافضل حال بحب كل واحد هنا من قلبي وبعتذرلكم عوضا عن الحمقي والظلمه واصحاب القلوب المتحجره واصحاب الخسه والغدر..

كان التخطى مستحيلا، علاقة دامت 5 سنين كيف انساها في شهور أو حتى سنوات؟ كنت أعيش على أمل صنعته بقلبي عسى أن نعود،لم أدرى أكان هذا الأمل حقيقيا أم صنعته من وحي حبي،الآن وبعد أن تقابلنا مرة أخرى بعد فراق دام سنتين كاملتين أدركت أن الأمل كان حقيقيا ولكنها لم تكن كذالك، لم أرى في عينيها أي شيء من الحب مثلما أحمله أنا، حينها أدركت انني اصبحت حرا الآن، وأن حبي لها مهما كان عظيما وحقيقيا فإن عيناها الخالية منه هي السيف الذي قتل هذا الحب ، نظرة واحدة حررتني منها وأعادتني إلى نفسي، لست نادما على هذا الحب ، بل سأظل ممتنا لقلبي لأنه عرفني على واحدة من أجمل النساء، وليست خطأها أنها لم تعد تحبني، فإن الوقت والدنيا أقوى من أن يقاومها فتاة لطيفة مثلها .

السلام عليكم ورحمة الله وبركاته عاملين ايه جدعاان استمتعوا بحياتكوا خرجوا نفسكوا من مود الاكتئاب والزعل اللي بقى مالينا كلنا ده وانا اولكوا (كنت لسه بقطع شرايني من شويه 😂) المهم احنا مش عايشين كتير يجدعاان استمتعوا بالكام سنه دول غيروا مودكوا غيروا حياتكوا الكلام سهل بس بجد حاولواا الدنيا مش مستاهلههه يلا take care يشباب 💗

ازيكم يا شباب عندي أنا بصراحة متلخبطة ومتعبة ومش حاسة إني مش فاهمة حاجة، حاسة إني لسه عندي أمل، حاسة إني ضايعة بس لسه في أمل، مخنوقة. للأسف غلطت كتير، غلطت كتير قوي قوي قوي، خايفة، ضايعة نفسي، بحاول ألحق نفسي بجد، نفسيتي ضايعة، طبعًا دراستي بتضيع بطريقة غصبية. حتى أهلي الحمد لله يعني قالوا إن هما يحاولوا يساعدوني خلاص، وأنا قلتلهم أنا عايزاكوا تساعدوني لكن أنا مش عارفة إزاي. قلتلهم هكلم الدكتور بتاعي يتكلم معاكوا ويكلمكوا عشان تعرفوا تساعدوني. برضو حاسة إني ضايعة، كل حاجة، دراستي دلوقتي بربنا، كل حاجة كل حاجة، بس حاسة إني دلوقتي بحاول، وحاسة إن كل حاجة دلوقتي أحسن، وده ححاول ولسه ححاول إن شاء الله، إن شاء الله بإذن الله، وبحاول ما أفقدش رحمة ربنا. وأنا أصلًا ربنا يعني عفا عني تعبي، حتى بكده قلت خلاص ما أدخلش نكت، والله فكرت في كده، لكن حاسة خلاص أنا مش عايزة أفرج مع الطفل أكبر مني، أنا ما أعرفش، أخي ما عنديش صحاب دلوقتي، ما أعرفش حد حتى خالص، يعتبر طفل أكبر مني، فأنا قلت أحاول على قد ما أقدر في الموضوع، ما أعرفش، واللي يحصل يحصل، واللي ربنا يكتبه هو اللي يحصل. انا كنت ماسخة البرنامج و معرفش حتي هرد ولا لا أنا مش عايزة حد جنبي عشان دي مشكلتي، كلما حد بيبقى جنبي كلما بتعب أكتر، كلما بتكون هي دي المشكلة أكتر. أنا مش عايزة حد جنبي عشان دي مشكلتي، كلما حد بيبقى جنبي كلما بتعب أكتر، كلما بتكون هي دي المشكلة أكتر. أنا مش عايزة حد جنبي. ادعولي يا جماعة، ادعولي، ادعولي، ونصحولي لو عندكم نصيحة لكن حقيقية. أنا خايفة لكن إن شاء الله أصح. بالمناسبة آه محاولاتي ضعيفة مع دوما كمان، قاعدة من غير نظام، أي حاجة تانية بضيع وقت. لما بقدر أعمل مجهود بعمل مجهود بسيط بسيط بسيط بطريقة أقدر أوصل، لكن ربنا عارف إني بحاول، وأنا فعلًا بحاول حتى لو مش قادرة أعمل حاجة فعلًا، لكن نصيبي أنا بحاول، حقيقة بحاول أرجع لربنا، وبحاول أذاكر، بحاول حاجة مفيدة، أي حاجة مفيدة، بحاول والله.