ندم

ايه الحل لو مش بذاكر من اول السنه والامتحانات يوم السبت؟؟؟ ارجوكو متتريقوش انا بعد امتحان الدين النهارده منهاره فا بلاش تأنيب فيا ومبتذاكريش ليه انا عارفه اني غلطانه ممكن بقا حل ف اللي انا فيه دا

الورقة التانية فل الفل 🤚🏻. انا كنت مسجلة فويس عامة وكنت هغير صوتي وكده، بس اكتشفت ان الاصوات هنا بشعة اوي ف كنسلت ❤️. المهم، الورقة التانية دي كانت فوكاب وبلاي وجرامر وبويتري وكده، ف انا هبدت نص الفوكاب في الاختيارات، كانوا تقريبا سؤالين تلاتة، والبلاي والبويتري قفلتهم (هبدت واحدة بلاي عامة يارب صح)، وسبت واحدة rewrite معرفتهاش. كل ده عامة ميهمنيش قد ما اني حققت تارجت كان نفسي فيه. انا من فترة غششت واحدة بجد بالاكراه ومستفزة وبجحة وانا اصلا بكرهها وحاولت اخد الورقة بكذا طريقة ومعرفتش. انا طبعا كان ممكن ارفض ف الاول بس معرفش ايه سكتني، بالذات اني بتحرج جامد. المهم من يومها، وانا عاهدت نفسي اني ولا هغش ولا هغشش تاني. انا كنت مستهونة اوي بالموضوع خصوصا اني مش بحتاج اغش كده كده، ومش بغشش الا لو حد محتاج بجد وعارفة انه شاطر، بس ده برضو حرام فاا قررت انو لا. غششت للامانة سؤالين لبنت، هي كانت فضلت تنادي عليا كتير اوي، وانا عاملة نفسي مشغولة وبحل وكده، وانا اصلا عبيطة مخلصة من اول ربع ساعة لزوم الكتابة بس، ف راحت هي نادت للي ورايا واللي ورايا طبطبت عليا كده انو فلانة عايزاكي. انا طبعا مش مختلة اكيد هبصلها اصل مش معقول ولا بسمع ولا بحس، ف هي سألتني السؤالين، وانا عشان مختلة مجاش ف بالي خالص اقولها مش عارفاهم، ف رحت جاوبتها 🥰. بعيدا عن اني مختلة، بس ان شاء الله آخر مرة 🤚🏻.

الموت بيسرق كل غالي والعُمر مش مضمون ولا معاه كارت نجاه من الحساب اتخلقنا وجينا نحوش للحياه هناك مجيناش علشان نعمر الأرض هنا ونسقيها وندمر الآخره ضمنا ٥٠ ولا ١٠٠ سنه في الأرض وعمرناها مُتع وزينه وشهوات وسيبنا الآخره اللي العمر فيها ملوش مقياس ولا ليه عدد نِسينا إن زي ما ربنا غفور رحيم وفي درجات جنه عقابو عظيم وفي برضو درجات نار نسينا أن الإسلام دا إتولد غريب وهيرجع غريب بقينا نسمع الخُطب والشيوخ وقلوبنا مش سليمه ومش متأثره بوظنا قلوبنا بحلاوه الدنيا وشهواتها المحدوده علشان نِسعِد نفسنا كام ساعه رمينا قلوبنا وبيوتنا وأولادنا للموبايل والنت والبرامج المدعومة من الأجانب واليهود خلينا الدنيا بدل ما كانت ارض خير وعمار نبني بيه علشان توصل لأعلي درجات الجنه لمكان مليان خوف وفوضي وقلق نسينا أن الاغاني والتريندات هتبقي صُحبه سيئه ورفيق سئ في القبر نسينا إن القرآن دا مش مقرون بشهر رمضان ولا عشر من ذي الحجه دا رفيق الرِحله في الدنيا وجليس القبر عند الموت نسينا أن ال٣ أسئله بتوع من ربك وما دينك ومن نبيك مش هتعرف نقولهم غير لما قلوبنا تكون متعلقه بالله في الدنيا وبتردد ذكرو علشان نعرف نرددها عند السؤال في القبر نسينا أن الحياه بزحمتها ودوشتها متجيش عند ربنا جناح بعوضه واحنا اللي اشتريناها وبعينا الآخره بالرخيص نسينا كتير اوي نسينا كل حاجه وبقينا ماشين زي الغنم ورا اي تريند ولا اغنيه ولا موضه وتركنا الهدف والغَاية من وجودنا هنا اي نسينا أننا مسلمين والنبي عاش عمرو كلو يدعو الناس للإسلام علشان يوصلنا دلوقتي علي طبق من دهب ورميناه وبناكل في التراب نسينا أننا مسلمين بجد

نفسي ابطل كل حاجه غلط بصراحه بصحي ندمان ندم مخليني قرفان من نفسي وكل مرة اعمل كده مببقاش لوحدي فا حاسس اني باذي حد برضو وهنا طبعا مش مكان الواحد يعرف ياخد راحه فيه ف الموضوع وهوا بيحكي عاوز افضفض كدا معرفش ليه

الواحد مبقاش عارف يلاقيها من فين ولا من فين ولا من فين ولا من فين بجد بعد تجربتي انا بقيت ضد اي واحدة تتجوز وهي اقل من ٢٥ سنة مثلا والله نصيحة مني ل اي بنت عيشي حياتك بدل ماتبقي مكاني كدا وطالع عينك ف شغل بيت من ناحية واطفال وخنقة من ناحية بجد ليه ممكن حد يعمل ف نفسه كدا ويتجوز صغير انا اه عملت كدا بس خلاص حسيت ب لحظة ندم وكان نفسي اعيش حياتي اكتر من كدا

احساس الفقد بعد ما خلاص الوضع الجديد بيتفرض عليك انك تتقبل انه خلاص كل اللي كان لسه بيحصل من فتره ما ف حياتك مبقاش ليه مكان تاني ف حياتك وان كل المشاعر والكلمات اللي كنت بتحب تسمعها وكل المواقف اللي كنتوا بتضحكوا عليها سوا والكلام اللي شبه بعض والمناسبات اللي كنتوا بتفرحوا بيها سوا محدش كان فاهم تواريخها غيركوا كل التفاصيل ديه خلاص مبقاش ينفع تتكرر تاني ب اي شكل احساس صعب تقبله والاسوء ان الذكريات ديه لما تفوق تلاقيها مع حد جديد تماما عليك شخص بشع تقبل عليك الاذي بشكل ملوش علاقة تماما بكم الحاجات التانيه الجميلة اللي بنحن ليها صوره علي النقيض تماما مليانه صدمه واستغراب وغضب انه ازاي انت نفس الانسان …. ربنا ما يجمعني تاني ابدا بحبيب يقلب عدو ف الاخر لانها من اكتر الحاجات اللي صعب علي نفسي استيعابها لحد انهارده ف صدمه بقنع نفسي بكل الاشكال انه خلاص بقي عدو مهما عملتي هو بقي واحد تاني تماما وهونتي عليه. واذاكي ومشي اختار اكتر من مره غيرك مش مره لا ده كذا مره نفسي ابطل احس حاجه اتجاهه نفسي اثره يروح وترجع حياتي ليا تاني من غير وجع بتمني ربنا يعوضني ويسامحني علي كل حاجه انا بدفع تمن سذاجتي وثقتي اللي ملهاش حدود لحد انهارده نفسي اللي جاي يكون هين عليا وفيه رحمه ولطف عن كل اللي شفته لان من كل ما بفتكر اللي مريت بيه بجد بحزن علي نفسي .. مكنتش استحق كل ده💔 الحمد لله

بجد يجدعان انا مصدومة جدا حقيقي و مش قادرة اسكت ولا قادرة اسكت دماغي ... طب هو ليه بجد !! ليه !! ... انا كان ناقصني ايه للدرجادي كده طب منا قولت مليش ف الحب ولا الارتباط انا منفعش ليه حاول معايا و حسسني اني مقبولة و اتحب و اعرف الحقيقة و الكدب و الخيانة بعد م احب و اتعلق بيه طيب ليه انا استاهل كده ؟؟!!! يطلع ف الاخر درس !! طيب ليه انا حبيت كان ناقصني ايه ميقبلنيش ولا يثق فيا ولا يعوز يدخلني حياته طب يعم و نرازي ف بعض ليه لازمتها ايه بقي اربع سنين و زفت م هما طلعو ع الفاضي اهو ... مطلعتش غلطانة بقا اما قولت اني مفرقش انا مكنتش عايزة اصدق مع اني كنت عارفة ان كل ده غلط و ان في بالفعل حاجات غلط مش بس حاجة بس ليه ؟؟!! هل انا استاهل كده بجد ؟؟!! انا كنت بحاول نكون احسن كنت بسعي لكده اننا نكون لبعض كل حاجة حلوة و بالخير و مستنية ان شاءالله ربنا يجمعنا ف بيت بس مكنتش اعرف كل ده !! بس خير خير

يارتني زاكرت من اول السنه والله المطلوب مني دلوقتي اذاكر اربع لغات برمجه واعمل مشاريع باللغات ديت ومش مشروع واحد ده مشاريع السنه كلها اللي انا كنت ماجلها واكون فاهم كل كلمه عشان هتسال فيها وغير كده همتحن لسه امتحان العملي وليله كبيره سعادتك دي حرب مش مزاكره

السلام عليكم ورحمة الله وبركاته عاملين ايه ازاي بترجعوا تصلوا بعد فتره انتكاسة طويله اوووي يعني ست شهور كده ولا حاجه يعني ممكن تصلي كام مره كده وخلاص ف النص بعد م كنت بتصلي الفرض في وقته وبتقرأ اذكارك والورد بتاعتك كل ده راح بجد احساس وحش اوي بجد

عمرك ما هتعرف قيمة الحاجه الا اما تروح منك يعني دلوقتي لو انت بتعامل حاجه وحش قوي علشان تضمن وجودها اول ما تروح منك هتقعد تعيط هتقعد تقول يا ريتني كنت كويس معاها يارتني كنت شخص احسن من كده بس هيكون بعد اي الوقت هيكون فات ف مضيعش احسن حاجه في ايدك علشان ضامن وجودها علشان هتندم اوي فما بعد

عارف انا احساسي من جوه تحسو بيقول اغنية (قالتلي هوانا كان غلطه لما ابتداء ، لقتني سعتها وحداني ، بخاف لو قلت وحشاني ، عنيه تحن من تاني و بحبها) هوا مش ده الي حصل بس ده الاحساس الي انا بقوله لي نفسي ان حبي ليها كان غلطه احنا مش شبه بعض ومننفعش بس كنت مكمل عشان الايام الحلوه ولاكن انت من جواك بتقول الاغنيه دي و بتتألم

هو في اوسخ من كدا ؟؟ انت شايف نفسك بجد ، شايف انك عامل ازاي يعني واعي باللي انت بتعمله طب انت من اول ما صحيت اللي هو الساعه ٦ ونص المغرب وفوتت ظهر وعصر عملت ايه لحد دلوقتي الساعه ١ ونص اهي تقدر تقولي عملت ايه النهارده بلاش النهارده طب امبارح طب اول طب الاسبوع اللي فات انت واعي يلا باللي انت فيه واعي يعني ومستوعب انت حقييييييييييير لابعد درجه والله العظيم وفكك بقا من ان الناس شايفاك شيخ انا عارف وانت عارف انت على ايه انا راضي ذمتك دا يرضي ربنا ؟ فوق بقا الله يرضى عليك العمر بيجري بينا والله هتفوق امتا "اتجننت"

اهذا انت ؟ اهذا ما كنت ؟ اهذا ما اردت ؟ هحححخ ٧ ايام على اول ماده وفيض من التراكمات كالعاده يمر علي طيف الثانويه العامه واني كنت زي دلوقتي من السنه زي الخرا ومراااااكم وخدت اكتر مما استحق ٧٦.٠٩ هحححح عارف لما تبقا بتسعى في حاجه مكنتش عايزها ؟ وستيل مش عايزها برضو ما هي كلها ربا وحرام ف حرام وحاجه خرا (تجاره) عارف انك هتقول نظره سطحيه والكلام دا وفي مجالات كتير فيها والكلام الحلو دا بس اهو بقا فوق بقا وبطل اوهامك دي داخل على ١٩ سنه ومش حافظ جزء عم كامل انت عبيط يعم انت اهبل ضيعت عمرك ف ايه هتفضل تسوف كل حاجه لحد امتا يابا هتتعدل امتا هتتنيل تفوق امتا فوق بقا وبطل هبل وتضييع وقت ف قرف عشان وراك بلاوي سوداء ولو شايف ان اكبر كسره كانت الثانويه تبقا اهبل لسه في اقلام اكبر الشاطر مش اللي ياخد قلم واحد الشاطر اللي ياخد القلم ويفوق عشان اللي بعده (مقوله من ابويا ) (النص التاني دا تدخل اضطراري من شخصي التاني بس هو غشيم شوية) طب ما تديها واحده والله ما هتم ٢٠ سنه الا لما احقق حاجه وزي ما تيجي بقا يا انا يا الدنيا "اتجننت"

ارجع لربنا مهما كان الذنب اللي انت عملته ايه ربنا عز وجل في كتابه بيقول قل يا عبادي الذين اصرفوا علي انفسي لا تقنطوا من رحمة الله ان الله يغفر الذنوب جميعا مهما كان الذنب ايه زن. يت قت. لت شربت مخد. رات مهما كان ايه حجمه ارجعله وتبله عارف ليه؟ علشان انه هو الغفور الرحيم استغل ان انت كاره الذنب ده وخلاص مش عاوز تعمل كده وعاوز تتوب علشان دي لوحدها نعمة كبيره قوي انك لا تهدي من احببت لكن الله هيهديه ما يشاء اقولك علي حاجه حتي لو انت وعدت ربنا ان انت ما تعملش الذنب ده تاني وعملتو توب تاني وتالت ورابع ان شاءلله لو وصلت مليون مره افتكر ديما ان طول ما انت عايش ربنا لسه بيديك فرصة ان انت ترجعله فاستغل الفرصة دي قبل فوات الاوان 🤍

أنا مش عارفه انا بحكى القصه ليه دلوقتى هرجع لشهر 9وتحديدا يوم11لسنه 2020سنه بنسبالى كارثيه مع أن انا اتخرجت من الجامعه فيها وكنت لسه هنفتح ع الحياه قوم قدر ربنا يجيلى جلطه وابقى تعبانه وبعد كذا دروب يحصلوا أثناء الجلطه وانا ف المستشفى وقومت الحمدلله منها اينعم لسه ماثره شويه ع ايدى ورجلى بس يعنى تأثير مش جامد طلعت من المستشفى خلاص حصل اللى حصل وشيلت من دماغى موضوع الإرتباط انا ف الاول كنت زى اى بنت حاطه الموضوع دة ف دماغى مع أن مكنش ف حد بيتقدملى عادى يعنى وبعد ماخرجت ابتدا يظهر ف حياته أشخاص بس سرعان ما انتهى وبدء شخص آخر يظهر ف شهر 2سنه2023 وبدءت اتكلم معاه وانا مش حاطه ف دماغى اى حاجه بس بيجلى شعور كدة كل فترة بس انا بعرف اسيطر عليه كنت بتكلم انا وهو ع المدرسه اللى احنا كنا فيها واحنا صغيرين وبعد كدة بدءنا نطلع من الكلام دة لحد ما هو جه وقالى انا معجب بيكى للحظه انتبنى شعور أنه مينفعش وقولتلوا بس بردوا كنت فرحانه ف بعد مشوار جه اتقدم ليا ومكنش ف اى اعتراض من ولدى وقاعدت معاه سنه وشهرين وف الاخر سبنى وقال كلام ان مامتى متدخله وانى بسمع كلام اهلى مع انى انا والله مكنتش بسمع كلام حد غيره وحاولت انى أكلمه ف الموبايل كذا مرة بس بردوا كان رأى واحد لحد ما قالى كلمه جارحه بالنسبالى جبلى موضوع ايدى فأنا قولته انا اسفه أنى كلمتك ومش هتحصل تانى وفعلا محصلتش تانى غير مرة واتصلت بيه بسبب أمه عشان هى اتصلت عليا وقالتلى ع شبكه فانا ابويا مكنش ممانع أنه يدى الشبكه لكن بعد ماياخد المطبخ لكن هو معرفش ليه مكنش عايز يجى ياخد حجته وكان عايز احنا اللى نيجى ناخد المطبخ ونيديلوا حاجته وف الاخر انتهت القصه أن هو مجاش اخد الحاجه ولا احنا خدنا المطبخ وانتهت القصه وفضلت انا قاعدة ع ذكراه ومحصلش بينى وبين اى حد اى أرتباط مع ان ف أشخاص بس ربنا مبيوفقش لأسباب من عندهم لحد ما وصلت لمرحله انا نفسى بس مش عارفه

ساعات بحس بكره نفسي لما اعنل حاجه تحرجني او اني اتعلق بشخص و يسبني ولما احاول اروح و راه و اندم بعد كدا بحس اني عملت حاجه تكرهني في نفسي و اقعد اقول اشمعنا انا اللي ببقي الطرف الاكثر حبا ليه انا اللي ببقي طالبه مش مطلوبه

ماتزعلش نفسك علي حد مشي من غير ما يفكر.. في الاول وفي الاخر هما اللي خسرانين خسروا حبك خسروا روحك الحلوه خسروا شخص جميل شبهك.. اللي هونت عليهم وهان عليهم زعلك ومشيوا من غير مايبصوا وراهم ماتزعلش عليهم... انت تزعل لو هما فعلا يستاهلوا ومش هيفيد بحاجه لما نقعد نفتكر فيهم ونديهم قيمه ومكانه هما مايستحقوهاش... اللي بيحبك فعلا هيفضل معاك تحت اي ظرف الصحاب الكويسين بيتقبلونا بيعيوبنا قبل مميزاتنا لو صحاب فعلا كانو فضلوا لو مهتمين كانو سالو اوعي تزعل علي شئ انت مكانش ليك ذنب سوا في علاقه او صحاب... عارف ان الموضوع صعب وبايخ اللي هو بعد ده كله تبقي دي النهايه اللي هو هو انا فعلا استحق كده وتحاول تعاتب نفسك وانت اصلا مالكش ذنب.. ممكن تعمل نفسك ناسي ولا كانه فارق معاك بس ساعات الواحد بيقعد مع نفسه ويفكر هو انا عملت ايه علشان استحق ده كله دي طبيعه الانسان ولكن في الاول وفي الاخر لازم تتقبل ده وحط في دماغك انك جميل وانك تستاهل احسن حاجه.. متزعلش علي حاجه مش هيرجع ماتفكرش في اللي يزعلك حاول تنسهم.. علشان بجد مفيش حد تستاهل افرح وانبسط في حياتك و كلو هيعدي والله العظيم

ا بجد انا حزين جدا من اللي انا عملته ده ما كنتش متوقع ان انا ممكن اعمل كده بقى لي فتره متوقف وبجد متضايق مش عارف بقى انا متضايق بجد ولا يعني ضميري بدا ينام ضميري بدا ما يبقاش فارق معاه مش عارف.

وانا رايح اصلي الجمعه في مسجد غير اللي معتاد عليه عشان قالوا في شيخ حلو جاي وكدا قابلت واحد صاحبي في السكه هحح بقوله انت جاي للشيخ فلان قالي معرفش انه جاي قولتله دا ابويا قايلي من الاسبوع اللي فات قالي تعالى اسمع خطبه بدل القرف اللي هنا (مفيش اي مبرر لكلمة قرف وانا معترف اني اذنبت بيها وربنا يسامحني ) المهم هو قالي متقولش قرف يحذيفة طالما مش عاجبك متحضرلوش يا الله استحقرت نفسي بطريقه ونص الخطبه الاولى مكنتش هنا من التفكير ومن ساعتها قررت اخد بالي من كل كلمه تطلع من بوقي عشان ذنب الغيبه واحد صاحبي تاني كنت بصلي معاه ف زاويه ايام الثانويه فكان هو بيتأني في الصلاه وياخد راحته على عكسي انا اللي كنت بجري ومره في التانيه بقيت اتكسف منه واطول لحد ما بقيت اطول واتأني يمكن اكتر منه الاتنين ميعرفوش اي حاجه عن الكلام ولا انهم كان لهم اي اثر على حد اللي هو انا فاللهم اصلحني واصلح بي واهدني واجعلني سببا لمن اهتدى وارزقني صحبه صالحه يارب وسامحني

تعملو اي لو حد وحشكو بس مش هينفع تبقو مع بعض؟ انا اللي مش قابل بس بموت بشوفها قدامي بغلي من جوا ومفتقد بصتها ليا اللي عمر ما حد بصهالي قبل كده حاسس ان مفيش حل واني مكتوب عليا اعيش بين نارين. وحشتني وانا كمان اعتقد وحشتها بس مش هينفع نبقى مع بعض تاني

اريد ان اخذ نصيحه في امر من حوالي سنه ونص اتعرفت علي شخص وارتبطنا كنا بنتخانق كتير وبنرجع ونعمل بلوكات وكمان نرجع ولما كنت بسيبه كان بيعط ويقولي متسبنيش بس بعد م عدا سنه وجينا في اخر سته اشهر اتغير معايا اوي بقي يقول الفاظ مش كويسه بقي يحط صور بروفايل وحشه اوي +18 وحولت اني اغيروا بس معرفتش حاولت اقوله ان دا غلط وفضلت انصح فيه وانو يصلي بس للاسف م اختش غير قله الادب منو لحد من اسبوعين كده لقيتوا رافع استور كان استوري وحش اوي اوي ولما قلتوا انو انت كدا معملتش حاجه رد عليا وقالي انا معملتش حاجه غلط وبطلي بقي ي شيخه تديني نصايح واتعركنا وسبنا بعض انا الي الان بدعيله ان ربنا يهديه وانا عارفه ان الارتباط حرام بدعي من ربنا ان يسامحني ويغفري بس للاسف جيت انهارده ودخلت كلمتوا وسالت عن حاله وقولتوا انو يسامحني لو غلط معاه لاني شتمتوا وقولتوا انو قليل الادب وبعدين حذفت الشات انصحوني اعمل ايه عشان حاسه نفسي مش كويسه 🤍

انا بندم الف مره اني بحط نفسي في حاجات انا مش قدها و كتير بقول لنفسي هو ليه احلا حاجه فالدنيا حرام بجد انا نفسي نفسي نفسي اعقل يقى معلومة للجميع الآب هنا عشان الناس تكتب الي مضايقها يعني شخصيتي دي الي بتكلم بيها هنا محدش يعرف عنها حاجه و كل الي بتكلم عنه هنا هو الحب الي من طرف واحد عشان مفيش غيره في حياتي بجد مبعملش حاجه غير اني بحب حد مع نفسي و بدور على اي حاجه متعجبنيش فيه او تقلله من نظري عشان ابطل احبه و اقوم احب واحد بعده يعني السنه الدراسية دي انا حبيت اثنين ورا بعض معرفش ازاي عمرها ما حصلت و السنه الي قبلها حبيت واحد و الي قبله حبيت واحد والي قبلها فضلت اربع سنين احبه ده ايه ده هو بجد انا هفضل على الحال ده لحد امتى طب ارتبط ساعه فالحلال طيب اجرب طيب ولا اخلي قلبي يشتغل ولا اي حاجه يا اخي ده الحب ده حاجه مقرفه بجد لازم الواحد يقعد يستنى لحاجه مجهوله حتى هو ميعرفش يشتغل عليها و يشوف التطور ده الواحد اتخنق والله مبيعملش حاجه في حياته غير انه بيحب ناس مع نفسه بحب الشخصيات الي في دماغي يعني باخد اسكرين شوت من الحقيقة و كملت بقى في دماغي ده ايه القرف ده يجماعة هو انا هفضل كده كتير يعني هكبر امتى و هقدر احب و اتحب او على الاقل احس انه من الطرفين او اجرب احساس جديد غير العذاب الي انا فيه ده والله زهقت عارفين احساس ان الواحد دخل طب و حلاوة البدايات و الذي منه و جه فالنص كده زهق بقى المنهج نازل على قلبه سم اهو ده انا والله مبقتش حابه وضعي هو ايه بقى 😞😞😞😞😞😞😞😞😞 يارب انجدني و ابعته بقى يارب

يتم احتساء الندم اني مذاكرتش من اول السنه يلااااااااااهوي يارب والله اخر مره عديها معايا على خير يارب 😂 ماده صعرانه قسما بالله بقالي اسبوع في محاضرة ونص يعني ايييييييه الامتحان كمان عشر ايام ودول عشر محاضرات وفي ست مواد غيرك يا مفتريه حسبي الله ونعم الوكيل انا اللي جبته لنفسي ، وعقابا اقسم بالله العظيم ما هنام الا لما اخلص ماده من السبعه يارب افضل صاحي اسبوع مش نايم الا لما اخلص ويا انا يا الكليه اللي كلها حرام ف حرام دي

في نهاية كل يوم بستجمع بقا اللي عملته كله وللاسف المحصلة كالعادة غير مرضية بالمرة وهنا انا مفيش قدامي غير اني اروح للدوبامين الرخيص وبيبدأ صراع داخلي بين انا ليه ساكت علي الحياة القبيحة دي وبتمادي فيها وبين ان مفيش حل احسن او مفيش حل تاني اساسا

ساعات الواحد مايلقى ما يحكي tellement حاجة grave تجي صحبتك الي انا عاملتها اختي تحب تفسدلي علاقتي بزوجي بقناع الخير و تحبلك الخير و تخاف ربي مع الوقت تخرجها من حياتك و تمشي تحكي للناس الي هي مضلومة و بريئة مبعد ما خربتها خافو ربي في عبادو

كنت صغير... واترميت لوحدي. مفيش حد يوجه، ولا حد يقولي الصح من الغلط. كبرت وانا بتعلم بطريقتي... بس أغلب اللي اتعلمته كان غلط. دخلت سكة مكنتش ليا... وفاكر نفسي مسيطر، لحد ما اكتشفت إني أنا اللي تايه، النهارده بص ورايا... ندمان على وقت وحاجات كان ممكن تبقى غير كده. بس بجد بقى... اللي زيي ليه رجوع؟ ولا المجتمع بيحب يحكم عليك من ماضيك وخلاص؟ ولا كلنا بنكدب على نفسنا بكلمة "بداية جديدة"؟

انا عملت حاجة غلط ومش حاسس بمشاعر اني عملت حاجة غلط ولا حسيت اني اتبسطت بلغلط دا ولا فهمت انا عملتها لي اصلا ولا حسيت بحاجه حتي الان هو اي دا طيب حد يفهمني لاحسن هتجنن والله ومش فاهم اي دا محصلش بلشكل دا قبل كدا

بعد ما خلصت ثانويه عامه ونتيجتي طلعت كانت اسؤا فتره بعدي فيها ف حياتي انا كنت قطعت كل علاقاتي بصحابي وانا ف ثانوي ف اما خلصت كان في فراغ ف حياتي و فنفس الوقت كانت نفسيتي متدمره بسبب نتيجتي ف في ابلكيشن كنت بهرب فيه من حالتي النفسيه ف الابلكيشن دا يعني تجمعات وبتعرفي تكلمي ناس وكدا هو معروف بس مش عايزه اذكر اسماء المهم كنت كل ما ادخل ل مكان اقعد احكي قصه حياتي ف ثانوي كنت فرغ الطاقه الي محبوسه جوايا لحد ما اتعرفت علي ناس وكان فيهم ولد المهم كنا كلنا اصحاب بنات والولد دا بس الي معانا وهو اصلا الي معرفني علي البنات كنا بنتكلم مع بعض كل يوم جروب كلنا يعني وعدي شهر واتنين والولد دا كنت بعتبره اخويا بظبط كان محترم جدا جدا وحرفيا هو الي بيحافظ علي حدوده قبلينا يعني ثقه يعني وميتخفش منه وهو كان بيحترمني جدا وكان بيقعد يقولي علي اسرار ليه وبيشاركني حاجات كتير وكان بيقولي اني انا اول حد بيثق فيه وانو بيعزني جدا وكدا والله اخوات مش اكتر حتي هو كان بيحب وحده وحكيلي عنها و فحياتنا ما جه ف دماغي ولا ف دماغه فكره الحب دي خالص عشان متفهمونيش غلط بس واحنا كنا اخوات وفضلنا كدا لحد ما عدي حوالي 3شهور ونص كدا انا بقا ضميري بيأنبني طول الفتره دي انو غلط بنت تكلم ولد مهما كان حرام في دينا احنا كان اخرنا شات وبس ف البرايفت والجروب لكن ميعرفنيش ولا يعرف اي حاجه عني غير اسمي ولا حتي يعرف صورتي ولا اي حاجه و ف حياته ما طلب حاجه عارف حدوده من نفسه المهم ف الفتره الي ضميري انبني فيها قولت خلاص لازم ابعد ومعتش اتكلم معاه رغم ان دا كان صعب عليا اووي والله عرفت ان في يوم مميز ف حياته قرب وبيحتفل بيه وكدا واني لو مشيت ف الفتره دي هنكد عليه ف احسن يوم ف حياتي ومينفعش وقلت خلاص هستني لما اليوم دا يعدي واختفي جيت قبل اليوم دا بيوم بالظبط قعدت اعيط واقول هو انا ضامنه اعيش بكره؟!! لازم ابعد ومعتش اتكلم معاه... رحت خدت الخطوه من غير دماغ ومن غير رساله اخيره اقوله اني همشي عشان كذا خلاص انتهي كل حاجه ومسحت كل اكونتاتي الي يعرفها مفيش غير البنات الي قدرو يكلموني عشان معاهم رقمي كلموني وقالولي هو عايز يكلمك... هو انتي عملتي كدا ليه.. وايه الي حصل... روحت قولتلهم ان حرام مهما كان حتي لو بينا حدود بس مينفعش وانا خدت القرار خلاص وقالولي طب نقوله ايه هو عايز يكلمك قولتلهم انا قولتلكو الي عندي اعملو الي تعملوه بقا.... ف قعدو بقا يقولوله اي حجج عشان يدارو علي الموضوع زي النت فاصل وهي مقرره تغير اكونتتها بس مش اكتر واي حاجه بعد ما عدي حوالي اسبوع من الموضوع بنت بعتتلي وقالتي هو بيقولك اهم حاجه تكوني كويسه مش عايز منك حاجه تاني .... ف قولت اني لازم كنت افهمه بجد انا عملت كدا ليه روحت فتحت اكونتي وبعتله اني عملت كدا عشان حرام اني اكلم ولد ومفيش حاجه ف دينا بيتقول ان عادي يبقا في صداقه بين بنت وولد وانت كنت انسان محترم والله وبعزك حدا بس دا الصح الي لازم يتعمل بعت الرساله وقفلت الاكاونت علي طول مستنتش رده عشان خلاص معتش فيه كلام يتقال.... بعد فتره عرف يجيب رقمي وبعتلي رساله معاتبه وانك خليتي احسن يوم ف حياتي يبقا اسوا يوم ف حياتي ومنك لله.... اتقهرت اوي وقعدت اعيط طول اليوم من الكلام الي قاله ومعرفتش ارد عليه وعملت بلوك ومسحت الشات لاني كنت بموت من الزعل والله اني مش قصدي اي حاجه من دي... وبعد فتره عرف اكونتي الجديد وراح بعتلي رساله.. ممكن اتكلم معاكي؟ قولت اخيرا دي فرصتي اشرحله واتأسف انو كان ف يوم غلط غصب عني... وقولت اه ممكن تتكلم وتقول الي عندك.. وانا عارفه اني هملت كدا ف وقت غلط بس دا الي كان لازم يحصل محدش عارف هيموت امتا ولازم نفوق لنفسنا ويارب تكون فهمتني.... قالي وانا عايز اعرف انتي عملتي اي غلط متقوليش اي كلام وخلاص انا مكنتش بقولك انا بحبك ولا اي كلام من دا كان كل كلامنا عادي ولو علي ان مينفعش نتكلم برايفت كنت ممكن تقوليلي وانا مكنتش هتكلم معاكي عشان كدا بس كنا نفضل ف الجروبات مع بعض عادي وكل فين وفين ابقا اسالك عامله ايه وبس كدا مفيش اي حاجه غلط... إلا بقا لو كنتي حبتيني ف عايزه تبعدي عشان كدا كش عارف اقولك اي بس انا كنت بعتبرك اهم حد. ف حياتي وكنت فاكر اني مهم عندك كدا.. شوفت الرسايل ومبقتش عارفه ارد اقول ايه وهو مش قابل يفهمني ومش عارف يفهمني وانا والله ما فكرت ف حب ولا كلام من دا بالعكس انا ضد ان حد يحب اصلا وف حياتي ما فكرت ف كدا... فضلت يومين مردش وقالي مش بتردي ليه وبعدها بيوم رحت عملت بلوك من غير ما ارد لان خلاص معتش في كلام يتقال وهو مش فاهمني خالص ولو قولتله لا محبتكش هيفكر اني بدافع عن نفسي وخلاص ف سكت بقا دلوقتي طول الوقت بفكر اني انا كدا مؤذيه وهبقا انسانه مؤذيه دخلت حياته ونفسي افهمه بجد بس مش متقبل انو يفهمني عايزه انسي عشان ارتاح واول ما احاول انسى اقول لنفسي اي الي انتي بتعمليه دا ازاي عايزه تنسي كدا .... وتايها بجد.. و فنفس الوقت مش عايزاه ينساني عايزاه يفتكرني بالحلو ويفهمني.. بدعيله ديما ف صلاتي يكون فهمني وبدعيله ربنا يوفقه ف حياته ويحقق احلامه.. وكل ما افكر اني افهمه تاني للمره الاخيره اقول ممكن دا يكون اختبار من ربنا ليا عشان يختبر انا توبت بحد ولا ممكن اضغف وارجع ... تصرفاتي قدامه بتدل اني وحشه اوي بجد وانا والله بموت كل يوم.. انا اتعلقت بين زي ما اتعلق بيا وهو بيعاتبني: ليه علقتيني بيكي من الاول! وانا مقصدش حاجه والله.. كان نفسي نفضل صحاب واخوات زي ما احنا بس كل علاقه بدايتها لا ترضي الله نهايتها لن ترضيك الموضوع ف دماغي 24ساعه ومش عارفه اعمل اي 😔

علشان عقلي مش بيسبني ف حالي ابدا غير كدا خايفه مكنش ليا سند ف الدنيا وضيعت سنين حياتي وبقيت 29 سنه وبسبب ناس اذيتني وحياتي راحت مبقتش كويسه بسببهم مش عارفه حاجات كتير اوي مدايقني تحس ان حياه مش عاوزني غير كدا خايفه اتعرف ع ناس جديده او تقرب من اي حد بسبب الي حصلي منهم مبقتش عارفه ف اي بس مش كويسه ابدا 💔💔💔

من كتر ما هم بيلوموني كنت دائما بغلط نفسي حتي لو فعلهم غير آدمي كنت بقول ما يمكن م قصدهم و ادي اعذار و احسن الظن للحد ما شيلوني شيلة مش شيلتي و ضهري انكسر بسببهم كنت فاكراهم هيتغيرو و اصعب عليهم لا دول اذوني اكتر و سابوني لوحدي بضهري المكسور عرفت أن حسن الظن سذاجة و أن سوء الظن غباء و ان لازم اعمل حساب الظنون كلها

انا حبيت مرتين ف حياتي حبيتهم بجد بس انا عندي مشكله اني مش بعرف أحافظ علي الشخص ال معايا خلاص اول واحد اتجوز والتاني خطبني بس بعد م كنت مقتنعه بظروفه كله عايرني ب المكان والبيئه اللي هعيش فيها لحد م تقريبا كرهت نفسي وقولت اني هسيبه وسيبته رغم أنه طموح وممكن كل دا يتغير وطبعا شوفت منه وش غدر رهيب بعد م الخطوبه دي اتفركشت بس قلبي دايما بيحسسني بالندم اني محافظتش عليه أو أن الأهل مش لازم يبقي عندهم حق أو اني البيئه كان ممكن استحملها أو المكان أو اي ظروف وبيت عيله وحاجات متعارف عليها اهلي كانو موافقين بس بعد م اتخطبت شويه كل حد في العيله يفضل يكلمني ويقولي مش مكانك مش عيشتك مش ظروفك رغم اني عيشتي بسيطه اوي اوي بس عاوزني اعيش كويسه ملحوظه بسيطه المكان ال كنت هتجوز فيه هي كانت عزبه ف قريه ارياف اتخطي ازاي اني بحبه ومش هلاقي زيه تاني؟

بقالي كتير بحاول اقرب من ربنا وابطل الحاجات الغلط بس في لحظة ممكن ارجع تاني وكتر المحاولات خليتني ازهق من نفسي واتقهر كل مرة .. انصحوني أي نصيحة تساعدني او تريح قلبي ربنا يعفو عني وعنكم يارب

انفصلت مع شخص شفت الحب منه بكل أنواعه لكن حدث بيننا خلاف هو كشخص يحب التعرف على الناس اخبرني انه سواء بنات او ذكور أحب أن اتعرف عليهم خلال رحلاته رغم انه سابقا تحدثنا عن الموضوع و اخبرني انه موافق يتخلى عن هذا الشئ لكن مؤخرا قلي حاولت و ما قدرت بس ما بدي اخسرك انتي اعز شخص عندي انا رغم حبي الشديد له اخترت الرحيل مضى شهر و انا لازلت اشتاق له هل أخطأت و تسرعت؟

نفسي ارجع قريب تاني م ربنا نفسي ارجع منتظم تاني ف الصلاه الموضوع دا مضايقني مش عارف ليه بقع ومش بينتظم مش عارف ليه لسه بعمل حاجه حرام مفيش مبرر ولا اي حاجه تخليني اعمل كدا نفسي ارجع اقراء قران تاني نفسي احس نفس الاحساس اللي حسيت وانا قريب م ربنا كانت فتره راحه نفسيه بجد ومكنتش حتي البنت دي بفتكرها زي الفتره دي مش عارف ليه الواحد بعد لما يدوق طعم حلاوه القرب م ربنا يرجع تاني لورا بجد يعني ف رمضان كان ربنا تاب عليا م اكتر حاجه حرام بعملها ف حياتي عدي رمضان ورجعت عارف ان الانسان خطاء بس انا نفسي ابقي انسان كويس ورجع تاني اصلي بنتظام وتكون اولي حاجه ف حياتي الصلاه

حصل موقف وانا ف طريق الجامعه خلاني متدايق طول اليوم ، بنت وشاب ماشيين رايحين الجامعه وهم مش قرايب عشان بيعاتبها انه بيرن عليها وهي مبتردش ، كان بيكلمها بأسلوب وحش مفيهوش زوق خالص ، بيعلي صوته فالكلام عشان علي حسها يبقا جامد وبيعاتبها ويزعقلها فالشارع ، الصوت واصل حتي لمسافه بعيده وانا كنت بعيد عنهم وكان وصلي ، عمال يقولها بهزار بس هزار تقيل وهو حاسبها غلط ، بيقولها انتي عايزه مني اي عايزه تعملي اي فيا تاني مش انا برن عليكي لي مش بتردي ، وكلام كتير مرضتش اركز اكتر من كدا مع ان الصوت كان عالي عشان مروحش اضرب/ه ، وف عز الكلام اللي هو شايف انه هزار بعد ما سمع بيها كل الناس اللي ماشيه ف طريق الجامعه قام ضا/ربها بالرجل حوالي مرتين ولا بعض ، اللي هو امشي مش بتردي عليا ، والبنت باين عليها محترمه مش عارف لي بتحط نفسها في موقف زي دا ، اليوم كله كنت متدايق وزعلان بسببها وكان نفسي فعلا اجيب الواد دا الارض من زعلي علي البنت اللي كانت معاه ، مش عارف لي عملتي كدا في نفسك ، بس الاكيد انك تستاهلي كل اللي حصل لانك اختارتي كدا ، وبالمناسبه هم سنهم مش كبير نقول ١٨ سنه والاتنين ف نفس الكليه ف حتي خطوبه مش مخطوبين نقول خطيبها، وحتي لو خطيبها ملوش انه يتصرف كدا معاها ، بس برده انا عايز افهم ، يعني ابوكي وامك يخلوا بالهم منك كل السنين ده ويخافوا عليكي ويأكلوكي ويصرفوا عليكي ويحطوكي جوا عنيهم ومدخلينك جامعه خاصه عشان تعملي كدا ف نفسك ، دا لو حتي شافوكي مع واحد حتي لو كان بيعاملك بحب واحترام جايز محدش يعتبرك منهم بنته تاني ما بالك التصرفات اللي بتحصل ده ، بس انا عايز اسأل سؤال كنت المفروض اتدخل ولا لا ؟

حمايا السابق بعد الانجاب مسكني تهديدات ، عايز تطلق براحتك والحضانة معانا، هاجي اخدها وامشي، ويحلف بالطلاق ليطلقها، ولما حصل انفصال واتجوزت انا بعد سنتين لقيته بيقول انا مكنتش عايز طلاق قصده يعني كان بيربيني بس ودا غباء الاهل اللي بيسبب معظم حالات الطلاق، متحاولش تلوي دراع الزوج لان اي حد حر مش هيتقبل ربنا خلق الست تخضع فيعطف عليها الرجل غير كدا لا يمكن ينفع

خلينا متفقين ان الي هقوله فالبوست حرام و انا عارفه من مجاهرة بالمعصية و غش و اختلاط بصوا كنا في امتحان الفلسفة الشهر يعني كان في مستر تاريخ واقف علينا و قعد يقول مش عايز احتكاك من البنات للولاد و العكس و هو كان سايب لينا الصراحه فالمهم في ولد انا اغلب الامتحانات بغششه و الولد ما شاء الله عليه يعني راجل فاهمين ف المستر قال كده بعد ما اديته الفلسفة و انا مكنتش مذاكره المنطق فمعرفتش احل فالمهم هو الولد قالي لو عرفت اديكي حاجه هديكي و المستر قال كده بعدها فالمهم الولد كان بيديني اجابك لقيت المستر بيقولي بتكلميه ليه هو كام قريبك او اخوكي و مش عارفه قاله ايه كده و بعدها قالي متكلميش ولاد تاني انا حسيت ان الكلمة دي نزلت عليا زي الصاعقة الي هو انا دلوقتي صورتي بقت حاجة تانية انا مش عليها اصل الكلمة دي معناها اني مقضياها رغم اني مش من النوع الي عايز كده بكون عادي طبيعيه لا بهزر مع وللاد و ولا بتكلم في حاجه ملهاش لازمة معاهم و مش من نفسي بعمل كده الا اذا كان حاجه فالدراسة و كده و كذالك العكس المهم انا مليش اي اختلاط معاهم خارج الحدود و حتى معنديش ارقام ولاد عندي المهم انا زعلت جدا من الكلمة و اتحرجت خصوصا انه كان ما شاء الله على البنات الي عندنا ضحك و صويت و حاجه ملهاش علاقة بالامتحان اصلا و قلة ادب يعني فالكلمة زعلتني جدا من نفسي اني ليه وصلت نفسي للكلمة دي خصوصا انه كان قايلي اني بنت مهذبة قبلها بربع ساعة و هو الولد انا مش بكلمة الي اذا هو نده عليا يعني مش من نفسي فالمستر بعد ما قال الكلمة دي هو كان مُصر يديني المنطق رغم اني كان ممكن اتصرف عادي ليا صحاب و فضل يصر زي ما يكون لقى طوق نجاه يعني مش عشان يغش حتى لا عشان يديني و كنت بقوله لا خلاص عشان المستر و هو مُصِر فانا دلوقتي بحاول احسن الظن و انه شايف ان ه ذنب عليه سايب لينا و كمان اختلاط فلا اكيد فاهمين لكن والله انا مؤدبة يعني مش بكون عايزة كده و مش بركز مع ولد اصلا وًمعرفش ليه الحقيقة الولد ده كان مركز معاي اوي النهاردة

حقيقي فعلا بعض الناس مبقتش بتفهم خالص يا جماعه خلي بالكم من كلامكم الكلمه ممكن تعمل حاجات كتير اووي انا شخص ربنا كان منعم عليا كنت بصلي ويقيم الليل وبصوم وبقرء قرآن للاسف دلوقتي بقيت بصلي الفروض بالعافيه دا عقاب عارف بحاول اتوب لربنا لي بقا مشغل فيديو لشيخ عن الدنيا والدين شخص داخل وسمع الفيديو ضحك ضحكه كلنا عارفينها وبيوقلي انسي ترجع بتاع زمان ليه تقول كده لحد انتا متعرفش هوا بيمر بإي وبيجاهد في نفسه إزاي انتا مش مدرك كلمتك دي ممكن تعمل فيه اي ممكن تخليه اسوء من الاول ف يا جماعه بلاش نجرح بعض يا تقول خير يا بلاش

الاكس اللي كانت اعز صحابي وكنا صحاب اووووي قبل ما نرتبط وعشان صحاب سنين وبقينا مرتبطين ٨ شهور بس وبعدها ضغطت عليا عشان اتقدم ومكنتش معترض بس مكانش الوقت مناسب بسبب ظروف مادية وبسبب اني كنت مستني استلم شقة اسكان وقتها كنت اترفضت بسبب المرتب ومرضيتش اقولها اني اترفضت عشان متخافش كنت بقولها لسه دوري مجاش جت مرة واحدة طلبت نبقى منتكلمش عشان حرام وفي نفس الوقت كنت بشوفها بتكلم حد تاني بس بصراحة مفيش بينهم حاجة انا واثق جدا بس برضو ليه التناقض ليه انا حرام وهو مش حرام وكبرت دماغي واحترمت الحدود دي لحد ما الوقت يبقى مماسب واتقدم وابقى اعاتبها فوتت شوية وقت وهوب لقيت فجاة انفريند من كل حتة حتى لينكد ان😂😂💔 قولت عادي محصلش حاجة فات شوية وقت وبلوكات بقى قولت مش مهم بس بصراحة من بعد الانفريند قولت مش هبعت اي حاجة خالص ليها تاني ولا كاني اعرفها لان كرامتي وجعتني اوووي مكانش العشم والعشرة بعد كل دة تنتهي العلاقة كدة وقد انتهت من حوالي ٣ سنين وشوية وانا لحد يومنا هذا مش قادر ارتبط تاني ولا احب ولا ارجع مبسوط زي ما كنت معاها بنسختها القديمة لماًكانت صحبتي واقرب ما ليا🥲

خونتك مش عشان مكنتش بحبك بس خونتك عشان ادور عليك في شخص تاني بس للاسف كانت اكبر غلط اصلا اني حاطة في دماغي حد معين والمشكلة فيه احسن منه كتير جدا ، بتلومني وانت عملت حاجات تخليني اكرهك ويكون ليا مبرر اعمل كدا ! اكيد مكنتش عاوزة نوصل ل كدا بس مكنتش هفضل معلقة نفسي بيك ، ربنا يعلم قد ايه تعبت بسببك وكنت على وشك اني ادخل في اكتئاب بس الحمد لله عديت من كل دا والموضوع مش فارق دلوقتي زي الاول اتمنى بس الاقي حد احسن ويكون فعلا راجل وقد كلمته مش كلام وخلاص .

محزنه جداً فكره ان خلاص عدي الوقت اللي ممكن تبقي فيه اول حب لحد. وان كل دا عدي من عمرك لا طلعت منه بصديق جدع ولا حبيبه اصيله. كل دا بيوجع لما تفتكره وتبدأ نفسيتك تتعب من التفكير يا تري العيب كان فيا ولا كان فيهم 🥲🙂‍↕️

" طب وبعدين؟ " ده السؤال اللي كل يوم بعد كل مصاعب الحياه ما تعدي واليوم يخلص بحلاوته ومُره بيتسلل لدماغي قبل ما انام يخليني بعد ما كنت عايز انام معرفش انام والنوم يطير من عيني ويؤجع عقلي يفكرني بكل اللي كنت بعمله غلط وكل اللي كنت مفروض هعمله صح؟ حد عنده إجابه يديهالي اديها لدماغي عشان تستكت؟

غريب بجد الانسان ده تبقى الحاجة معاه و مدياله كل اللى كان نفسه فيه و زياده بس ميقدرهاش و بالعكس يقلل منها و يطلع فيها العبر و اول ما تروح منه يبدا يعيط و يبدا يعتذر و يقول انه غلطان و يبقى هيموت عليها تانى طيب و ليه ما تبقى كويس من الاول

جماعة حصل موقف مضايقني ... انا بنت .. كنت رايحة لمديرتي زيارة عادية ف الشغل وهي قريبتي بس من بعيد لقيتها ف نص الكلام مسكتني من دراعي جامد بغل كده و مسكت البلوزة بتقولي اللون ده مش لايق عليكي.... انا بصيت ع أيدها و بصيتلها ومديتش رد فعل و انا متضايقة اوي اني مهزقتهاش ولا عملت اي رد فعل اطفي ناري منها ازاي بجد حاسة اني لو شوفتها تاني هخنقها ... قولولي كان المفروض اعمل ايه عشان لو الموقف اتكرر تاني و اعمل ايه دلوقتي يطفي ناري ديه لاني اصلا كنت سايبة الشغل بسبب خلافات و روحتلها عشان ترجعني الشغل تاني قامت عملت كده ... حسيت بكمية ذل مش طبيعية اني مهزقتهاش💔💔💔

خاوتي عندي سؤال يعني الشخص لي يغلط دايمن و كي تصارحو بأنو خطأ في حقك و اعترف و ندم و طلب السماح و بعد مدة رجع عاودها يستاهل فرصة اخرى؟ مع لعلم انو ماشي مرة و ماشي اتنين يدير نفس الخطأ و يطلب السماح و لكن يعاود يديرها !! راني حاير والله

كنت احب بنت عمي كانت كل سنه تجي تقعد معنا اسبوع او في المناسبات المهم من احبها من الطفوله وهيك لحين صار عمري 18 بصراحه ما كنت اهتم بحالي ولا بشكلي ولا جسمي ولا اي شي كنت تافهه حرفيا وما صار مواقف كتير بيننا اللي تكون حلوه وهيك المهم كنت في تالته ثانوي رحت زي الغبي اقولها اني احبها علي الواتساب هي قالت إن ما عندها اي مشاعر الي كنت تتكلم معي وهيك لأنها كانت تحس اني بعيد وما انسجم مع الكل و قابلتها بعدها بحوالي اسبوعين ولا كأني قلت اي شي المهم الحين صرت في تالته جامعه وصارلنا 3 سنين ما شفتها وكل شي اتغير صرت اهتم بحالي وجسمي وشكلي وأسلوبي وكل شي كأني انولدت من جديد ايش رأيك صراحه انا عندي كرامه. هي قالت لا بس قلبي رافض اترك حب حياتي يضيع هيك ما قادر اشوف غيرها بليز ساعدوني

صاحبتي فسخت الخطوبه قبل الفرح بأسبوعين بقرار متهور ولكن علي العريس دي كانت الضربه الاخيرة اللي هيتحملها منها لأنها طول الوقت كانت بتضغط عليه وبتعامله بجفاف ووصف دا بعدين انها كسرت رجولته وقفلته تمام حتى من الزواج فالمطلق مش منها بس وهي اعتذرت وحاولت كتير وكل اللي حواليها حاولو يرجعوه لأنها اعترفت بغلطها وقالت انها مش هتقدر تعيش من غيره وقال مش هتقدر تصلح اللي عملته في قلبه وهي نفستها زفت ودخلت المستشفى كتير بهبوط سكر وارتفاع ضغط حاد ومش عارفه تفوق هل في نصيب يرجعلها ولا لما الرجاله بتقول كدا بتكون فعليا تقصد دا ؟

اوحش حاجه لما تكون بتعمل حجات كتير مش تمام وفجاه تلاقيك افتطرت كل حاجة كل تفصيله انا بكره الذنوب جدا بحس انها بتكلني ادركت مؤخرا اني اللي بعمل الذنوب بمزاجي تضيعا للوقت طب لي بعمل كدا معرفش بسال نفسي وقتها اصلا انت لي بتعمل كدا مش بكون فاهم عمتا

عاوز اتكلم ومش عارف اقول ايه ف هسيب صوابعي ترقص على الحروف بالطريقة اللي تعجبها لو وراك حاجة ماتقراش يا ترى هل هي لسة بتفكر فيا زي ما انا بشوفها كل ما بغمض جفوني كأني وشمتها عليهم ومع ذلك بحاول اتجنبها في الحقيقة بأي طريقة ممكنة ممكن انا جبان وضعيف عن مواجهة الواقع او ممكن الانسحاب كان هو الحل المنطقي اصل لعب الشطرنج علمني اقيم موقفي كويس واعرف انا بكسب امتى وبخسر امتى وان اي نتيجة غير متوقعة ف هي غلطتك انت لانك ماحسبتش كويس ف بتتعلم الحرص والخوف من الغير محسوب بس احنا مش إنجين ومانقدرش نحسب كل التفريعات ف بنغلط ونخسر ومانخيرنا تتمرمغ بالتراب كأنها البزرة اللي بتتزرع والحرص من ان الموقف دة يتكرر معاك هو الشجرة اللي كبرت ما اخدتش خطوة حقيقية في نحيتها واتحججت ان مفيش فرصة ، والخطوة اللي خدتها كان اكونت فيك وياللسخرية مع اول رسالة بعتها فكرت امسح الاكونت واهرب لكن ضغطت على نفسي شوية وماكملتش كتير وبنهاية اليوم كان الاكونت زي اثار الاقدام في صحراء فيها عاصفة رملية ليه انا بفكر في حد ماعرفهوش ولا يعرفني ولا لينا علاقة بالطريقة دي بس ماتخافيش يا نفسي انا هنساها لازم انساها وانسى ايه ومفيش حاجة بينا اصلا طب لسة بفكر فيها ليه مع اني كنت نسيت انت مريض متعلق بأمل غير موجود انت جسدتها في خيالك بصورة مش حقيقية وحطيت فيها كل حاجة نفسك فيها ف انت مابتفكرش فيها انت بتفكر في اللي انت محتاجه طب انا اعمل ايه دلوقتي وانا خايف انها تعرف انه انا ماتخفش هي ماتعرفكش ولا تعرف اللي دخلها ، انت بس اللي بتوهم نفسك انت محتاج اهتمام بس مش لاقي وبتعاند ف ماصدقت لقيت حاجة اتشعبطت فيها نام وانسى نام بس

الشخص اللي هتهون عليه مرة وهيبقي عارف ان هو مضايقك مزعلك ايا كان عارف هو عمل حاجه اذتك وقدر ان هو يعدي وقت من غير ما يطمن عليك او يحاول يصلح الغلطة اللي عملها عشان هو عارف انك مش كويس بسببه فالشخص ده ما ينفعش ترجعله تاني عشان انت هنت عليه مرة واللي هتهون عليه مرة هتهون عليه 100مرة

خسرت كل حاجه فى شوطه واحده لاقيتنى لوحدى فى ليله عتمه تحس بياس لما تبص لفوق و تحس بالم لما تبص تحتك و ما فى مفر ناس بتقولى قوم و انا على الارض عايزينى افوق بيقولى اتاخرت احساس بالذنب مع حبايبى قصرت ياريت بزرار اقدر اغير القدر و الغى كل اللى حصل يرجع النهار سما زرقا هتنسينى المطر

هو اولا انا اسف اني نزلت بوست عمتا يعني بس انا عندي بس مشكله مش عارف هي كبيره ولا صغيره بنسبالي مشكله خنقاني انا كل الي مضايقني اني زهقت من الوحده كنت مرتبط ببنت زمان قريبتي من بعيد شفتها مره واحده بس من اربع سنين كنت عندي ١٧ سنه حسيت سعتها شعور غريب حبيتها اوي المهم فضلت ادور ع الاكونت بتاعها شهور لحد ما لقيته صدفه و كلمتها و فعلا ارتبطنا و قعدنا مع بعض خمس شهور كنت أنا في ثانويه عامه احسن خمس شهور في حياتي و كانت واقفه جنبي في كل حاجه بس جت فجأه حرفيا بعد ما كان من نص ساعه كلامنا حلو جدا قالتلي احنا لازم نسيب بعض عشان حرام صحبتي قالتلي كده سعتها اتصدمت و قلتلها ماشي و فعلا سبنا بعض و بعدها بي اسبوع بعتلها افهم منها قالت إنه كده حرام ونا فعلا عارف كده من سعتها ونا حرفيا خلاص مبقتش عارف افكر غير فيها بقالي ٣ سنين اهو و حرفيا مفيش يوم عدي الا ونا بفكر فيها و زهقت من الوحده للاسف كانت هي كل حاجه بنسبالي و فجأه كل ده اختفي و كان ع فكره كلامنا طول الخمس شهور كله عادي جدا ولا عمري كلمتها في التلفون أو خدت رقمها اصلا ولا تبعتلي صوره او اي شيء من ده هو كان شات مسنجر بس بس فعلا انا عارف ان ده حرام بس زي ما قلت مش قادر اتخطي خلاص و كانت مبلكاني و كل شويه الفتره دي تفك البلوك وبتاع ده مخليني مشتت اوي و فعلا مش عارف اعمل اي و اسف اني طولت عليكم و انا مش عارف اغير البوست غير انو يبقي برايڤت مش عارف لي

عندي فضول اعرف تجربتكم. مع الانفصال سواء خطوبه او طلاق وهل لو حد سابنا بعد ظلم كبير منو بيرجع تاني وبيحس بالندم ولا بيفضل مكمل عادي ونظريه انهم بيرجعو دي مش حقيقيه نفسي اعرف الموضوع دا جدا

انا كان عندي صديقات كنت كثير احبهم واعزهم يوما ما يعني وكنت صادقة معهم بس هم طعنوني وغدروني لدرجة اني فشلت في احد طموحاتي وما قدرت احققه وحسيت من بعد بوحدة و انا اصلا وقتها كنت امر بفترة كثير صعبة وهم استغلوا ذيك فترة . بعد ما بدات اركز على نفسي واسترجع حالي واركز على طموحاتي هم رجعو على اساس ندمنين وبدهم سماح مني انا طبعا قبلت سماح بس هم بدهم العلاقة ترجع زي اول وصراحة من وقت ما قبلت سماح منهم ورجعت اتعامل معهم عم حس بضيق بداخلي و قلق دايم . انا صراحة بدي نصيحة مو مجرد رأي

جماعة انا كنت مع شخص عنده anxious attachment style و انا عندي avoidant attachment و هو كان غيور جدا بس انا كنت بحبه اوي فكنت بتاسف حتى لو مش شايفة نفسي غلطانة عشان كنت بحبه و باقية عليه و شبه مبنقعدش ساعتين منغير ما نكلم بعض عشان هو بيتوتر و بنخرج او بننزل نذاكر سوا مرة في الاسبوع الكلام ده استمر ٣ شهور و من ٣ ايام غلط فيا جامد عشان قولتله في تجمع هناكل سوا في الشغل بنات و ولاد انا مش هينفع مكلش معاهم و امشي بدري بس اكيد هقعد مع بنات فغلط فيا جامد و انا عملت بلوك و هو مكلمش تاني و حاسة خلاص كده و حاسة اني ندمانة اخش اكلمه انا ولا خلاص؟

المره دي انا مش جايه احكي لكم مشكله عندي انا جايه اعرف مالكم؟! ليه اختارت المكان ده؟! ندمت انك جيت هنا؟! اتعلمت ايه من الناس؟! هل المشكله اللى خليتك تدخل هنا اتحلت ولا لسا ؟! نفسك في ايه؟! استفادت من وجودك هنا؟!

"الأسف الحقيقي هو إنك تعيش ندمان على عُمر ضاع في المكان الغلط" أصعب نوع من الأسف مش اللي بتقوله لحد غلطت في حقه، أصعب أسف هو اللي بيبقى "غصة" في القلب لما تدرك إنك: جيت على كرامتك عشان خاطر "وهم". ضيعت وقتك مع ناس مبيستاهلوش ثانية من تفكيرك. سكتت عن حقك لدرجة إنك نسيت إزاي تتكلم الأسف شعور تقيل، بس هو "مراية" بتوريك قيمتك الحقيقية اللي إنت كنت ناسيها. استغله عشان تبدأ صفحة جديدة، بشروطك إنت، مش بشروط حد تاني.

أنا تايهة من غيره، غصب عني ومش قادرة أنساه. عارفة إن علاقتنا مستحيل ترجع، وحتى لو هو طلب ده أنا هرفض… لأنه كسرني كأنثى. كلامه لحد دلوقتي بيرن في دماغي، وبيوجعني كل يوم كأنه لسه بيتقال دلوقتي… ومع كل ده، لسه بحبه ومش قادرة أنساه. كان هو النفس اللي بتنفّسه، كنت ما بعرفش أنام غير لما أكلمه. هو أنا هنت عليه؟ للدرجة دي كنت رخيصة في نظره؟ هو أنا غلطانة إني لسه بفكر فيه؟

أحم إفتكر إن كل ثانية من عمرك، وما تفرحش بيوم ميلادك لأن كل سنة بيقصر عمرك، وهتحس بالكلام دة أول ما تبدأ فى ال35 وفوق لغاية أخر يوم. فأعمل كل خير؛ ولما تغلط صلح غلطك فأسرع وقت لأنك مش ضامن بعد دقيقة هيحصل إى؛ دة لو ممكن تجي الدقيقة فعلاً.

تروما من اول عملية اعملها ف حياتي الممرضين كان شكلهم مخيف وكل حاجه بنسبالي كنت خايفه اكتر من الطبيعي ومعرفش ازاي وصلت لمرحلة الخوف ديه منجانيش منها غير ربنا ولطفه بيا مكنتش فاهمه كمان ايه الخطوات اللي هتحصل ف دخلت واتبنجت من دكتور تخدير وده كان قمة الاحراج بنسبالي ان يكون في راجل داخل عليا ف غرفة العمليات وانا بلبس العملية هو سالني كلمتين وكنت صايمه وتقريبا اداني البنج بعدها محستش بحاجه فوقت ف سرير بعد ما مل حاجه حلصت ومشيت وانا متبنجه رغم التحذيرات اني مقومش من كتر رعبي من الاحداث وروحت البيت بتسند علي الحيطان حرفيا وديه كانت عملية كنت للاسف فيها لوحدي مضطره لده عشان اهلي كانوا مسافرين وكان لازم اعملها ف كنت فاكره ان الموضوع مش مستدعي كل ده ورحت عملتها وندمت بعدها ان مكنش في حد جمبي

مضايقه عشان اديت فرصه تانيه لواحد ميستاهلش ف شاف نفسه عليا مع ان هو غلطان من المره الاولي اصلا بس لما اديته فرصه تاني فكر انه كان صح من البدايه وعاش دور الضحيه وانه معملش اي حاجه تاذيني مع انه مدمر حياتي حرفيا ف السنين اللي عدت كلها .. بس علمني نوع جديد من انواع البني ادمين مكنتش اعرف انه موجود ف الحياه وان شاء الله مقابلش حد بوحاشته تاني

من افكاري اللي بعد الساعه 12 مثلا لو حد هيتجوز ،كلنا فينا عيوب اكيد ازاي بقى يعرف ان مفيش حد احسن من الشخص ده يعني واحد اتجوز دلوقتي واحده مثلا فيها عيوب او عيب بسيط اي حاجه يمكن في احسن من الشخصه دي ومثلا لو بردو متجوزهاش طب ما يمكن دي احسن واحده هيقابلها وكده فاتته او يمكن بيدور ع حاجه ف الاحلام وهكذا بردو بنت وولد يعني

مرحبا. انا احب شخص نحن فيي علاقة 3 سنين في الاول كنت اعشقه ولا ابالي لا بشكله ولا نفسيته ولا مادياته ربما لانني كنت بحاجة لشخص يحبني ويحتويني احتاج الحنان.. لكنني الان ربما لانني كبرت اصبحت لا اعلم لا اهضم شكله وكلامه كثيرا اعلم انه هذا سيء ويؤنبني ضميري كثيرا لكنني انظر الى الشباب الاخرين واتمنى ان يعجبو بي.. لكن اخاف ان افقده والله احبه رغم كل شيء

هل ممكن شخص يقدر يتخطى بنت كان مرتبط بيها ومايقدرش يتخطى بنت اكبر منه 5 سنوات وشايف انها اخته واما ارتبط حتى ماقطعش كلام معاها ع الرغم كانوا متفقين لو حد فيهم ارتبط هيوقفوا كلام بس هو ماوقفش وكمل كلام وياخد رأيها و يحكى لها لو ف شئ مزعله او لو ف مشكلة بينه وبين اللى مرتبط بيها

انا الحمدلله ربنا كرمني و خطبت من قريب بس عندي مشكلة إني في اوقات كتييير ببقى مضغوط في الشغل و في الحياة عموماً و تجهيزات الشقة و كده ببقى عاوز اكون لوحدي افكر مع نفسي و اشوف هعمل ايه و اتصرف إزاي ولو خطيبتي حاولت تفضل معايا تسمعني و تحاول تستحملني العصبية دي بتطلع عليها و ده بيضايقمي من نفسي اوي والله و مش عارف اعمل ايه

ازاي ممكن تتعافي من شخص او تعمل move on او تنسي باي مسمي الناس بتسميه ازاي تعمله بقي من شخص كان عشرة عمرك في حين ان كل الناس كانت بتحذرك منه اهل بقي اخوت صحاب مدرسين! بس مكنتش بتصقهم عشان شايفه بعين حبك وهو في الاخر جه اداك تروما واداك درس انك عمرك ما تثق في اي شخص ايا كان مين وبتكتشف بعد متبقوش صحاب ان كل اللي كان بيقولو الناس صح بس انت مصقتهمش غير لما فعلا مبقتوش صحاب ويارته مشي وسابك كده عادي لا عملك مشاكل مع ناس شوه سمعتك اتخانقت مع ناس بسببه ضربت ناس قليت من نفسك بسببه بسبب الكلام اللي قاله عليك كلام هو ميقدرش يقوله علي ميعرفهوش قاله علي اللي كان عشره عمره قاله علي اللي كانت معاها علي المُره قبل الحلوه علي واحده عمرها مجلها استدعاء ولٌي امر حتي اترفدت بسببها ببقي نفسي اسألها ازاي عايشه حياتك عادي كده ازاي م حاسه بذنب من نحيتي الموضوع قديم اوي من قبل ما اخش جامعه بس م راضي يطلع

كنت هقولها انا اسفه عشان انا كبرت ومخدتكيش للشخصيه اللي دايما حلمتي بيها كنت هقولها اسفه عشان خليتك تتوجعي كتير من الناس واسفه ان الاب ده هو اللي عندك مش اب تاني بيحبك بجد.. كنت هتاسف ليها واقولها بجد اني لسه بحاول رغم اني من كتر ما عكيت ف حياتي مش شايفالها دلوقتي ملامح بس مكمله علي امل يحصل جديد واوصل ليوم اقولك اني اخيرا بجد وصلت

اتخذت قرار متأكدة انه صح عقلى ١٠٠ فى الميه مقتنع وخلاص عدى وقت عليه شهر مثلا مش ندمانة انى بعدت بس مش عارفة ابطل تفكير فى اللى مريت بيه ودا مضايقنى فى حياتى دلوقت اركز واتعامل طبيعى ازاي الانسان يرجع لراحته ازاي بعد انفصال عن شخص حبيته بس مش مناسب لا هو ولا اهله بيئته والتفكير والتعامل بجد بعيد عننا

in many times, فكرت ابعت مسدج الاعتذار ام مترين و نص دي بس صوت جوايا صحاني "اعتذر علي ايه؟" حقيقي فكرت كتير اوي ف كل موقف و كل مرة حصلت فيها مشكلة و قعدت افكر كتير اوي هو انا كان المفروض احاول تاني؟ كان المفروض اعمل حاجة و معملتهاش؟ الحقيقة و بدون مجاملة لقيت انه لا! انا عملت كل اللي كنت اقدر عليه كفاية ان كان عندي اخلاص و وفاء حتي لو كان فيه جزء ناقص في الحكاية و انا معملتوش لما فكرت فيها تاني لقيت ان اللي قدامي مكنش يستاهل أصلًا أي محاولة مش لأنه قليل؛ لكن لأن هو مش الشخص الصح ليا و الجملة اللي بصبر نفسي بيها "مكنش فيهم خير" (دي مش مشكلة عاطفية)

مساء الخير انا "ف" التوكسيك حد يقول عن نفسه كدا يا "ف" ايوا انا عادي. تفتكر ليه بقول على نفسي كدا؟! تعالو نرجع بالزمن 4 سنين ورا.. "ف" كانت شخصيه كويسه جدا طيبه بتحب اي حد يدخل حياتها وممكن تضحي تضحيه كامله عشانه فنفس الوقت ناس كتير جدا كانو بيستغلو دا جدا وممكن يصاحبوها عشان تساعدهم وعارفين انهم سهل يستغلوها ب اي طريقه لأنهم ببساطه يقدرو بكول سهوله يب.تزوها عاطفيا لا لا الكلمه دي كبيره ليه بنقول كدا؟ "ف" شخصيه بتحس بالذنب جدا بيصعب عليا اي حد ولو مساعدتش حد بتحس انها غلطانه حتى وانها مجبوره تساعد كل الناس كانت بتواجه صعوبه انها تقول (لا) "ومازالت" "ف" للأسف بعد مرور الوقت كانت تبعد عن كل شخص بتعرفه شخص ورا شخص لحد ما بدأ يكون جواها كميه (غيظ وزعل وقهر) " ف" مازالت نفس الشخص ال بيساعد وبيجي على نفسه عشان غيره ومستعد يضحي بكل حياته عشانه بس فنفس الوقت "ف" بقت شخصيه توكسيك جدا للأسف بسبب الكبت ال جواها بقى اي حد يعملها حاجه تتعصب فيه جدا وممكن تخسره بسبب عصبيتها ("ف" اتحولت من شخصيه هاديه جدا ل شخص عصبي فوق ما اي يحد يتخيل نتيجه كل ما تحمله بداخلها) بقت تتعامل مع الناس كلها ببرود بقت لما تحاول تقول لا يتقلب عليها مع انها مش مجبوره بس الناس عرفت للأسف تستغلها طيبتها زي كل مره وعارفين انها هترجع وتعتذر(بتعتذر لو غلطانه او مش غلطانه لأنها غب.يه) "ف" في حاله صعبه جدا من حياتها ومش عارفه تتعامل مع الناس طبيعي لأنها للأسف شافت كل الناس وحشه فحياتها حتى أهلها ولحد دلوقتي مشافتش شخص كويس دخل حياتها اتمنى تدعو ل "ف" انها تتخلص من كل دا لأنها بجد مش عارفه تعيش وعايشه حاليا عامله كدا😐 انا رغيت اوي اسفه شكرا لحد استماعكم لو وصلت ل هنا انت شخص شطور 🌹

اتمنا فقط ما اريدها اشوفها كذا ما اريدها تمر بكل هذا الموت اهون عليي من قلقها او حزنها ياحرام والطامه هي متوترة وحزينه بسببي انا ، بسببي انا ماما اتصابت بسببي انا الحين ما في بيناتنا ثقة ، انا مستحيل اكولللها اخاف من ردة فعلها اخاف اجرحها ، فقط اريد اصلح خطأت وجودي هنا ، ح اقوم اطلب منها حضن ربما؟

تحديث انا الي كنت منزلة امبارح اني علمت العيال رقم تلاتة بالمعكوس طلع بيتهيألي رحت لاقيت الكراريس مزبوطة والرقم صح الله يخربيت الوسواس دنا دمي اتحرق والنوم طار من عيني انا مني لله بجد

كنت بحبها بجد… مش مجرد إعجاب عادي، لا… كنت بشوف سعادتي في ضحكتها، وكنت بحاول بكل طاقتي أكون سبب راحة ليها. وفجأة… من غير أي مقدمات، كل حاجة اتغيرت. طريقتها، كلامها، حتى نظرتها ليا مبقتش زي الأول. سألتها: “في إيه؟ أنا عملت حاجة؟” قالتلي: “مفيش… بس أنا مش عايزة نكمل.” الكلمة كانت بسيطة… بس وجعتني أكتر من أي تفسير. بعدها بفترة عرفت الحقيقة… إن القرار مكنش قرارها. أهلها كانوا شايفين إن في اختيار “أحسن”… ابن عمها، صاحب فلوس ومصانع، ومستقبل مضمون في نظرهم. وأنا؟ مجرد واحد عادي… لا غني ولا فقير، بحاول أعيش بالحلال وأبني نفسي واحدة واحدة. اتجوزت… واللي وصلني بعد كده كان وجع أكتر: خناقات، مشاكل، إهانة… حياة عمرها ما كانت شبه اللي كانت بتحلم بيه. أنا مش بحكي علشان ألومها… ولا علشان أرجع حاجة انتهت… بس علشان أقول لكل أهل بيفكروا بنفس الطريقة: الفلوس ممكن تشتري بيت… بس عمرها ما تشتري راحة. وممكن تجيب “عريس جاهز”… بس مش دايمًا بتجيب راجل. اختاروا لبناتكم اللي يحتويهم… مش اللي يملكهم.

كنت بحب شاب ايام المراهقه المهم اني انا اللي بادرت ب اني اسيبو ع تعبت من العلاقه الحرام دي وكمان ع كنت حاسه اني انت بس اللي ببادر حاليا عندي٢٤ سنه ومش عارفه احب حد ومش قابله حد فحياتي ولسه عقلي بيختاروا لما بعمل مقارنه بينوا وبين اللي بيتقدمولي للخطبه. احل المشكله دي ازاي

لكل الي راهنو علي فشلي وقالو اني مش هتغير ولا هتوب كان عندكو حق انا اسف اني صدقت نفسي اني هتغير اسف اني فكرت اني خلاص مش هضعف للغلط تاني بس انا مغلطض زاي كل مره انا مكنتش بندم دلوقتي عندي توبة كنت مصدقها وندمت عليها الخلاصة انا رجعت اسوء من الاول مبروك كسبتو الرهان

عمرك ندمت إنك تجاهلت ➕👤 من حد عجبك؟ حتى لو حسيت إنه مش مناسب ليك؟ ولا مقتنع إنك عملت الصح؟ ساعات بنفكر يمكن كانت فرصة حلوة تضيع ليه ؟، ولو رجع بيك الوقت كنت هتديها فرصة ولا هتسيبها زي ما هي؟ قولوا بصراحه

هوة للناس الطبيعية المرتبطة مع شريك حياة ، هل هو طبيعي ان تخيب امال صاحباك وخطيبتك وتهز الثقة بيناتكم؟ ، هي اعطتني سقف ومأوى وقلبها انا اعطيتها القلق والكورتيزول والبكاء مش حقيقي قد ايش انا زعلان على موقف انها تبكي بسببي وتبغاني جنبها وهي تبكي لكثرة الثقة والمودة ، اكره نفسي حقيقي وأكره اني اجبن من ان انتقم منها اينما اذهب انا خطيئة

بس عاوزه اقولك انها مش سايبة يعني قبل ما قبل ما تفكر انك تمشي وتسيب شخص بعد ما عشمته وعلقته بيك فكر بجد مليون مرة قبل ما تعمل الخطوه دي علشان هي هتتردلك فيك او اقرب حد ليك ربنا شايف كل حاجه ربنا شايف انك دخلت حياته وعشمته بيك وعلقته بيك وطمنته وفجاه قررت انك تمشي بدون اي اسباب هو انت مفكر انك عادي كده خلاص يعني كاجوالي هتمشي لا شوف اي اللي هيحصل... وبس

كنت بكلم شخص المفروض اني كنت بحبه بس احنا مكناش متصاحبين وانا معترفتش من 2022 وكنا بنقطع ونرجع كل شويه لحد مااعترفت وكنا بردو بنقطع ونرجع..... وعلى حسب كلامه كان بيحبني بس انا مش حاسه كلامه حقيقي المهم اخر مره اتكلمنا كانت ف شهر 8 السنه اللي فاتت وهو بلكني اقدر اقول انا السبب ف انه يبلكني بسببي برودي معاه عشان الشخص دا انا مشاعر مش ثابته ليه بربع جنيه كانت بتيجي عليا اوقات احبه واكلمه اربعه وعشرين ساعه وتيجي عليا اوقات بكون مقفولههههه يجماعههه مقفوله اوي منغير مايعمل حاجه مقدرش اقول كان بيعاملني حلو هو كان عادي لو كلمته هيفضل يكلمني اليوم كلوا ولو اتأخرت ف الرد هيعمل كده بردو المهم...اول مابلكني انا فرحت اني اتخلصت منه وقولت يارب مانرجع واني قرفت منه وفعلا فضلت كده شويه واعجبت بناس تانيه وخلاص كنت متخطيه..جيت من حوالي شهر او شهرين مشاعري رجعتله تاني مش فاهمه ليه رغم اني كنت مقفوله وبقول مستحيل افكر فيه لدرجه كنت بحس بالاشمئزاز لما يجي على بالي وكل المرات اللي كنا بنقطع فيها كنت بحس بنفس الشعور وبعدها بفتره ارجع افكر فيه واكلمه..انا عايزه حل للموضوع يجماعه مش كل شويه اجري ورا مشاعري زي العبيطه انا عمري فات وانا كده بجددد

دماغي هتنفجر معتش فاهم حاجه محتاج رأيكم بكل حياد 100% انا كنت اتعرفت علي بنت من 8 شهور في لعبة و اتكلمنا انستا وبنلعب علطول وارتبطنا بس جيت بعد اول شهر حبيت اتأكد هي بنت او ولد ،لأنو انا مكنتش متأكد ،وخصوصا انا كنت بعمل مقالب زي دي زمان ومتأكد انها ممكن تحصل ،فمحبتش اكمل في الحوار ويطلع مقلب في الأخر ،ف وقت كلام معاها خالص لمدة كام شهر ،بس اتأكدت انها بنت بسبب كام سببب ف بعد م بعتلها تاني رجعنا عادي ،لاني كنت وقتها متأكد انها بنت خلاص ف عدى كام شهر وجينا اخر اسبوعين من انهردا ،لقيتها ابتدت تبعتلي ڤديوهات لهيا وهي بتغني ،بس بتكون مغطية الكاميرا وصوتها بس هو اللي طالع وكانت لما بتبعتلي صورة ليها ،صورة عادية جدا ،ب وشها يعني كانت تحذفها بعد كام ثانية فالحوار دا انا خلاني رجعت متلغبط تاني شبه الأول ،خصوصا بعد م قلتها غني بصوتك بس ڤويس مش ڤديو ،رفضت وقتها بحجت انها بتحب يكون معاها ڤديو لصوتها وهي بتغني ك توثيق لحظات وبتاع هنا نا مكنتش شاكك يعتبر لحد دلوقتي ،بس شكيت لما طلبت اسمع صوتها ڤويس ،ف رفضت ،ف اسألها عن السبب تقولي انها مش حاجه مفيش أي سبب ،السبب انها مش بتحب تسجل ڤويس او مش بتحب صوتها في الڤويس فقلت لها اني عاوز اسمع صوتك عادي ،قلتلها تكتر من مره ورفضت ،وعلفكرة انا قلتلها تسجل ڤويس تقول اي كلمها عشوايية ،اي كلمة حتى لو بدون معنى، انا بس عاوز اسمع صوتك مش اكتر فطبعا هنا انا بدات اشك تاني زي الاول من بعد موضوع الصور اللي بتحءفها و انها رافضة حتى تسجل اي كلمة فقلت لها خلاص سجلي ڤديو زي م بتعملي كل مره بس بدل م تغني ،انا هكتبلك كلمة عشوائية تقوليها ، وطلبت منها تقول الساعا كام وقتها يعني تقول عدد الساعة ،انا عارف انها حاجه غريبة بس حبيت الطلب يكون خفيف خالص مش اكتر ف لقيتها اتأخرت 10دقايق ،اصلاا الجملة مش هتاخد ثانيتين ،وكانت رافضة حتى سجل الفديو ،بس الاقيه سجلت الفديو فعلاا بس الصوت نفسة صوت مش حقيقي يعني كأنه صوت متعدل ومش صوتها اللي هي بتغني بيه بتقولي انها غيرت الصوت لصوت مهرج!!! ولما سألتها علي الڤويس ليه مش عاوزة تبعتي قالتلي انا مش ببعت ڤويسات غير لقرايبي او اصحاب معينيين ،وانو بيكون لو الموضوع مهم عشان ميطولش وسألتها عن الصور اللي بتحذفها قالتلي عشان باباها قالها متبعتيش صور لحد فعشان كدا كانت بتحذفها ،فقلت لها علفكرة انتي فعلاا بعتيهم؟؟حتى لو بباكي قالك متبعتيش صورك ،ف هو قالك متبعتيش مش قال لما تبعتيهم تحذفيهم ؟؟؟قالتلي انت مش فاهمني واني كنت واثقة انك هتحذفهم ،وكلام مدخلش دماغي صراحة طبعا انا وقتها شكيت فشخ بطريقة كبيرة ،اي الحركات اللي هي بتعملها دي ،فقلت لها سجلي بصوتك عدل ،ف طلعا قالتلي لأ ،خليني ابعتلك فويس بالنجليزي ،حاجه غريبة جدا بصراحة ،بتقولي بحب صوتي بالنجليزي انا كنت حاطت احتمالات انها لو ولد ممكن تستخدم AIاو حاجه ف عشان كدا أصريت انها تقرأ كلمة معينه عشوائية هقولها ف ال من دقيقتين ،الخوار كلو اصلاا مكنش هياخد منها دقيقة فقلت لها اني مش عاوز اكمل في العلاقة لأني شاكك انك ولد بسبب الحركات دي وانك انتي اللي خليتيني اشك فيكي بسبب أفعالك ،وانو اصلاا اي يثبت انك بنت؟ فطبعا شافت الكلمة من هنا زعلت اني شكليت في انها ولد واني كدا شكيت في جنسها واني كدا بقل منها وان كدا كرامتها ضاعت ،ف لقيتها بتسجلي ڤديو وهي داخلة الواتس جروب البنات في المدرسة بتاعها ف هنا يعتبر الشك كان راح وعرفت انها بنت ف طبعا بعد ما قلت لها اني شكيت انك ولد ،قالتلي اني مش عاوز أكمل خلاص مش هينفع وحلفت انو خلاص مش هينفع وقالتلي اني كسرتها واني لو بحبها مكنتش شكيت انها ولد ،واني كنت بضحك عليها لانو في اول العلاقة وقفنا كلام بسبب اني شكيت انها ولد ومكنتش متأكد ،واني كنت بضحك عليها وان لما رجعنا انا كنت شاكك لسه فقلت لأ احنا لما رجعنا نتكلم اول مره كنت بتأكد 100%انت بنت ،بس جيت في اخر فترة فأنتي خلتيني اشك بسبب الحركات اللي بتعمليها دي ،انتي السبب ،ليه زعلانه علي رد فعل انا عملتو وانتي اصلاا السبب في رد الفعل دا؟؟! فطلعا قالتلي انا مش غلطانه في حاجه وانك انت الغلطان وانك كسرتني ،واني مكنتش متوقعاها منك ،واني كنت عاي طبيعتي معاك زيادة عن اللزوم ف انا عاوز افهم يا جماعة بالله عليكم لأني حرفيا بقيت 90%مصدق كلامها ،واني كسرتها واني انا الغلطان ،بقيت شاكك في نفسي ،بس برجع وبفكر في الموضوع بلاقي انها السبب اصلاا، هي لو كانت تفكر في كل حاجه بتعملها واني ممكن افكر ف اي مكنش دا حصل وقلت لها فعلاا كدا ،انو انتي مفكرتيش فاللي بتعملية دا ممكني يخليني افتكر اي؟ قالتلي لأ لاني كنت واخدة راحتي معاك ومتوقعتهاش منك فنهينا العلاقة وبعد 3ايام الاقيها عملت بلوكات وخلاص الحوار خلص الفكرة مش فكرة ان انا عاوز ارجع ،اافكرة فكرت عاوز اغهم انا غلطان او لا ف بالله عليكم عشان انا ضميري مأنبني جامد ودماغي هتنفجر ومعتش فاهم حاجه ،هل انا غلطان ولو انا غلطان عرفوني بجد يعني اي شخص طبيعي يشك زيي او الا خصوصا اني اعرفها من 8 شهور ،وشكرا لكل شخص قرأ للأخر.

شباب انا عملت حركة زباله اوي الترم الي فات كان في واد قاعد جمبي وقت الامتحانات المهم هو اخر يوم امتحانات نسي قلمه و هو اكبر مني بسنه فانا اخدت القلم و قولت هديهوله الترم الجاي الي هو ده و مش عارف ايه و كان عجبني الصراحه وقتها دلوقتي انا بقول ايه القرف الي انا عملته ده ما كنت سبت القلم و خلاص 😭😭😭 دلوقتي انا مينفعش ارميه لانه يعتبر امانه عندي و انا بخاف من ربنا فالحتة دي اوي الصراحة و انا مش عايزاه يفهمني صح اصلها كانت مشاعر هطله فالترم الاول و خلاص راحت😭😭😭 اعمل ايه مش عايزة اديله القلم و اقعد جمبه تاني 😭😭😭😭😭😭😭 يخربيت تفكيري الحمضان

حبيت اقول جزء من مشكلتي اتحل بالدعاء الدعاء مهما كنت بتعمل غلط صلي وادعي انا اتعرضت لظلم وخطيبي عملي ترومات كتيره وسابني وبعدها دخلت حاجات غلط وانا مش راضيه عليها كل ما بتعب نفسيا غصب عني كنت شايفه اني مذنبه بس مهما كنت بعمل غلط كنت بحاول اصلي وادعي وانا بعيط ان ربنا يساعدني ف اليوم اللي بعده ربنا يبعد الناس اللي بتخليني اعمل الغلط ده عني وارجع محترمه وكويسه ولما اتعب ارجع للغلط تاني ومستسلمش احاول واصلي وادعي وهكذا لحد ما الحمدلله دلوقتي بمساعده ربنا ومحاولتي وفهمي ان مفيش انسان مش بيغلط وان ربنا عالم باللي جوايا اكتر من نفسي الحمدلله ربنا بعد الناس اللي بتخليني اغلط الي حد كبير عني ف حبيت انزل ده عشان اقولكم مهما بتعمل غلط صلي وادعي وحاول وقاوم نفسك وادعي كتير ربنا يساعدك بس يكون جواك فعلا عايز تتساعد ❤️❤️ ربنا يهدينا ويفرح قلوبنا اجمعين

انا نمت الصباح هذا كله حتى ما صليت الجمعة صحتني هي قبل ساعة من الان بعد ما خلصت هي كل اشغالها صحتني من وحدتها هي حتى ما فعلت سيء مجرد خلت رأسي في حجرها وصحيت بالغلط حتى قالت ما كانت تقصد ، ليش هيجي اخيب الكل انا

حاسة اني اتغيرت اوي عن زمان للاوحش في كل حاجة يعني سواء دراسيا او اخلاقيا او دينيا حتى و كل حاجة و علاقاتي و كل حاجة حقيقي و عايزة ارجع للبرايم يعني انا كان معروف عني دايما اني محترمة جدا و شاطرة وكويسة و مليش في الحوارات و ف نفس الوقت علاقاتي مع الكل حلوة و اي حد بيتعامل معايا بتعامل معاه كويس وومحدش في علاقاتي بيقدر يمسك عليا غلطة و بيتي و اهلي كانوا خط احمر لو بيني و بينهم مصانع الحداد محدش يعرف و مشاكلي نفس الوضع محدش يعرفها غيري ولا يحلها غيري انا دلوقتي بجد كل شوية اتغير لباسوء بقى و نفسي ارجع تاني و مش عارفة اعمل ايه ابطل اشتم و ارجع اقرب ل ربنا و ارجع اذاكر و ابعد عن اي حوارات و اهتم ب صحتي و كل ده و اكتر حاجة ان اخباقي و مبادئي ترجع زي الاول و مش عارفة اعمل ايه

جماعه انا اللي سبت الاكس وعايزه ارجعلوا بس هو كان موبايلو مسروق وماشي بموبايل اي كلام وعرفت بطريقتي انه غير موبايلو من شهر ٢ وكل الاكونتات اللي معايا قديمه ومبقتش معه ف حاولت اكلم حد من صحابو بس مش عاوزه اقول انه انا ف قولت انه بابا كان بيتعامل معه بس بردو محدش منهم راضي يديني اكونته اعمل ايه

رجعت تاني للتدخين بعد فتره يعني كنت جربت بس رجعت شربت تاني ، المره دي جبت علبه معايا بس حاسه بندم. رغم اني لما بتدايق وبشرب مبحسش بالندم ده زي الاول. وكمان فكره اني ادمن واشرب يومياً دي بعيده عموما لان الاوقات الي هعرف اشرب فيها قليله جداً عشان انا مش بشرب برا البيت وبستني لما البيت يفضى عشان اعرف اشرب براحتي. ياريت لو حد عنده اي كلام او نصيحه او حاجه يفيدني.. اخلص العلبه دي وخلاص كده؟ ولا ارميها ..مع اني مستخسره ارميها اوي وهي كانت غاليه وبعدين ممكن احتاجها. معرفش

خارج من علاقه مكنتش متوقع اني اخرج منها واخر فتره قبل منبعد كنت متعلق بزياده والي كنت معاها لسه عندي ومعملناش بلوكات علي امل ان ممكن الدنيا تتظبط قدام في المستقبل بما اننا لسه صغيرين دلوقتي ومش عايزين نعلق بعض بزياده ومش عارفين المستقبل شايلنا ايه بدون دخول في تفاصيل بس من ساعتها وانا مش كويس وعلي طول بفكر وكنت كل شويه اخش اشوف فاتحه ولا لا حتي عارف ان لو فاتحه مش هنتكلم بحاول انسي ممكن اقعد يومين كويس وناسي او عامل نفسي ناسي بعدين اقوم مفتكر واقعد اجلد في ذاتي ودورت اني انزل اتعرف علي ناس جديده واغير جو بدل القعده دي وبالمره انسي بس مش عارف و واصل لمرحله اني مفيش اي حاجه ليها طعم ومفيش حاجه بتديني دوبامين المفروض امتحاني كمان شهر وده اخر ترم ليا واتخرج مش قادر اعمل حاجه ولا ليا شغف حتي اقوم اشوف الي ورايا يمكن مش ده الي مضايقني وتراكمات عليها ومشاكل نفسيه كتير بس اخر حاجه دي علشان مكنتش متوقعه فهي بهدلت معايا الدنيا المشكله اني متضايق من اني زعلان كده وليه ازعل علشان حد وفي الحاله دي حاسس انه مينفعش ازعل كده بس برضو مش عارف مزعلش

عندي حغجة حاسس بالندم عليها من وانا صغير ضربت حيوانات للاسف و لذتهم و كسرت لخروف رجله و عملت حاجات غبيه اوي كدا الحمدلله الحاجات دي مكنتش كتير بس اني اذني كام حيوان بالطريقه دي بجد ندمان جدا و حاولت اسأل شيخ علي النت ازاي اتوب و ربنا يغفرلي ذنب ده و ازاي اكفر عنه بس محدش رد عليا الكلام ده من امتى من ١٠ او ١٥ سنه بعد اعمل ايه

يا جماعه انا مش عارفة ابطل اغاني بجد انا تعبت المفروض الواحد عشان يبطل ذنب اول شيء يرفضه بس انا مس عارفة حتى ارفض انا ديما عايزة اسمع اغاني بالذات لو زعلانه وهما نفس الاغاني الي بسمعها ومش عارفة اعمل ايه احنا في الاشهر الحرم يعني الذنوب بتتضاعف انا كده في منحدر صعب ولازم اتصرف لازم يكون عندي ارادة اكتر من كده

تعرفي انك لسه في بالي ؟ لما بفتكر منك كلام معين كنتي بتقوليه باللهجة معينه أو بسمع اغنيه معينه انتي سمعتهاني انا بزعل و بحزن وبفضل سرحان انا كل ما افتكر محافظة المنصورة اتوجع لما بشوف اي بنت منتقبة ماشية في الشارع بتوجع انا كل حاجه بتفكرني انا نفسي اتكلم معاكي و اشرحلك حاجات كتير نفسي اسمع صوتك من تاني انا نفسي تسامحيني يا انضف حد دخل وخرج من حياتي انا عارف اني وجعتك بس اقسم بربي ما كان قصدي ولا كنت اتجرأ اني اوجعك عشان انا ما شوفتش منك إلا كل خير و احترام و تدين انتي وحشاني وانا لسه بفكر فيكي مع اني عارف اني مش صح ومبقاش ينفع بس انتي وحشاني ربنا يكرمك في النادي وتجيبي مجموع كبير اوي يعوضك عن كل ذرة زعل و وجع انتي عشتيها

بعد كل التفكير دة توصلت ان فعلا حدث صغير اوي بيوصل لحاجات كتير اوي ونتايج كتير اوي وبعد كل التفكير دة توصلت اني بكره نفسي عشان مقدرتش أمنع الحدث البسيط دة من حدوثه في الأول ودلعني يا اوفرثينكينج بس انا وصلت اني بقيت بكرهني فعلا

".. النهاردة أنا المهندس عبدالله، 25 سنة، وشغال في شركة أحلامي.. نجحت رغماً عن كل لحظة قهر عشتها وسط أهلي. بس السؤال اللي واجعني دلوقت: هل النجاح كفاية إنه يخليني أسامح؟ ولا الوجع اللي شفته منهم كان أكبر من إن أي نجاح يداويه؟ أتعامل معاهم إزاي وأنا شايف نظرة الندم (أو الاستغلال) في عينيهم دلوقت؟" لان في ناس هتقول سامح بس حابب اقول حاجه او نبذه صغيره انا اترميت ف الشارع ولما عارفو ان ناجح بدا ده كلو يحصل فا اتمنه تساعدوني علشان متحطتش ف المواقف دي ❤️

مش عارفة اعمل ايه والله بس كل اما ابدا ف حاجة اكسل علطول مش موضوعنا الفترة دي بقيت بتصعب كتير اوي و على حاجات تافهه وانا نوعا ما حد هادي او يعني مكنتش بتعصب على الي بتعصب عليه دلوقتي ده خالص انا الوقتي بتعصب على اي عبط و انا لما بتعصب ببقى صعبه و بخاف اتعصب على حد بحبه و اقوله كلام انا مش واخده بالي منه و ارجع اندم و فنفس الوقت انا محدش هيقدر اني مثلا ساكته عشان متعصبه و خايفة اغلط يعني لا حد هيقدر لو اتعصبت ولا لو سكتت انا مش عايزة ابطل اتعصب بس عايزه اعرف اطلع طاقه الغضب دي ازاي لاني حاسه اني جوايا كميه طاقه غضب و عصبية مش طبيعيه و مش هتخلص الا لو انهارت ف مرة و قعدت اعيط لحد ما ارتاح خالص يا اما اتعصب و اطلع عصبيتي دي ف حاجه و ازعق براحتي وقتها هرتاح بس انا كل ما اتعصب اكتم نفسي اكتر و اتعصب المره الي بعدها اكتر و كل ده اليومين دول بس يعني مكنتش كده قبل كده كمان صعب عليا اوي اني الفتره الي مضايقه و متعصبه فيها محدش من الي حواليا قدر مع اني كنت دايما بحاول اقف معاهم و احتوي غضبهم او زعلهم يعني دي كسرتني بجد

عايزة اقول نصيحة لوجه الله كلنا بشر وكلنا بنغلط ونعصي ربنا ونرجع نتوب بس في غلطة كبيرة اكبر من دي وهي المجاهرة بالمعصية ياجماعه دي كبيرة من الكبائر محدش يستهان بيها ( كل امتي معافي إلا المجاهرين) ناس كتير بتعملها انها بتجاهر بمعصية كانت بتعملها وتابت منها. مش لازم تقولها لان تعرف بمجاهرتك بالمعصية دي ممكن تفكر بيها حد ويروح يعملها بسببك وربنا يتوب علينا جميعا مجرد نصيحة مش اكتر. ذكر فإن الذكرى تنفع المؤمنين.

كنت من فتره حكيت مشاكل حصلتلي ف حياتي ومن ضمنها إني كنت مرتبطه بشخص وللأسف خلاني اخسر أغلى حاجه عندي وكل إللي بيقوله عيشي حياتك لحد م نشوف حل وعمال يرتبط وعايش حياتهولا كأن فيه حد تاني حياته باظت دلوقتي أنا بيتقدملي عرسان وبرفض ف لو فكرت أوافق ف يوم اعمل ايه أنا مبحبش اخبي ف المفروض احكي وهو وقتها يكون ليه الحريه يوافق أو يرفض صح؟ معظم إللي بيتقدمولي معجبين بيا وشايفين إني شخص كويس ومحترم وحقيقي دي أكتر حاجه بتزعلني على نفسي إن الناس كلها تحلف ب أدبي أنا اروح اعمل كده مش قادره أسامح نفسي بجد

الي قدامك ده حب وحب حب جامدس اوي واتضحك عليه ضحك جامدس اوي الواحد طاقته راحت ومشاعره راحت لانو ارتبط واتعلق بحد ميستحقش الحب ده نصيحه مني عقلك ملكك وطاقتك ملكك ومشاعرك ملكك ومجهودك ملكك حرام عليك تضيعهم كدا وانت عمال تفكر في شخص انت اصلا مش ف دماغو

اشتاق لماما ، انا قلقان من ردة فعل شريكتي حول اذا عرفت الي ما ابغى اقوله حول افكاري الي امر فيه الي اشعر فيه ، حول اللي كنت اجبن من ان افعله وهذا التخلف الي وصلنا الى كل هذا ، خيبت نفسي وخيبتها ، وقلق حول الورطه الجديدة اللي خليت نفسي فيها

السلام عليكم. لو حد ما يعرفنيش فانا منقى. ولو انت ما تعرفش منقى هنا على ابليكيشن. يبقى انت مش راجل active. انت مش راجل ناشط. اه ماشي دي اول حاجة. تاني حاجة انا حابب باسألكم سؤال كل واحد يقول اه ايه طريقتك في التوبة? يعني كل كده يقول لنا ايه طريقته في وبيعمل لما بيعيز يتوب وبس كده.

انا خيبت الكل اذيت الكل كذبت على الكل خاصة على شريكتي الي احتوتني من الشوارع هذه ، تعاتبني تقول ليش ما تثق فيني ليه ما تقولي الي تمر فيه ، بيوم من الايام الكل ح يعرف الحقيقة وبكل بساطة الكل ح يتركني لكي افعل الي كان لازم افعله لكن ح افعله بدون كرامه مش مثل قبل لو ما كنت جبان كان فعلتها من زمان وكان جبرت خاطر الكل

مش بستفاد حاجه لما بحكي بالعكس بندم دايما مشاعري بيتقلل منها ممكن انا بقولها بشكل غلط بس مش المفروض حد يقلل منها و بعديها بحس اني متعريه حرفيا مكشوفه و مش مسترحه حد فاهمني (نكمل الحروف بأي حاجه)

يوم 2026/3/23 كان ثاني اسوء ايام حياتي حقيقي انا خيبت نفسي وكل الي حوالي بابا ما رباني هيج اشلون صار بية هيجي قهر الخوف تملكني والندم اسوء من الخوف ما اتمنى لاي رجل المرور بهذا وفوكاها مستحيل اكلم احد عن اي اشي

كنت بفكر مؤخرا ان أحيانًا ما بندركش قيمة المشاعر الجميلة ولا جمال اللحظات وإحنا عايشين جواها، لكن لما نبص من بعيد، كأننا بنشوف المشهد من خارج الزمن، بنكتشف قد إيه كنا في لحظة دافئة، جميلة، ومليانة معنى. ساعتها بس بنفهم إن بعض الأشياء ما بتبانش قيمتها إلا بعد ما تتحول ذكرى.

انا ما اعرفش احنا بنعمل في نفسنا كده ليه بجد وبنوجع نفسنا وقلوبنا بندمشلها ليه كده كلنا بقينا عاملين زي المطلقين حتى من غير ما نتجوز ليه علشان بنروح نحب بره النطاق الطبيعي فلا مش هينفع نكمل فا تفركش كذا مره وشد وجذب وفي الاخر تقول Ex اسمها مطلق بس ما كنتش متجوز دوق المرار بقى أبغض الحلال اهو في علاقات ماتحفظش القلب فا اتحرمت فا بقت أبغض أبغض الحرام ربنا يرحمنا من نفسنا والشقى اللي بنجلبه على روحنا

السلام عليكم. انا بمر بفترة صعبة مش عارف اسميها اكتئاب ولا لا بس بحس انى فى فراغ كبير. عندى مشاكل مع عيلتى رغم انى انى مش مقصر معاهم. احلامى معرفتش احققها و انغمست فى الشغل عشان اعرف اعيش. الحاجات ممكن استحملها مش مشكلة. المشكلة الاكبر انى دايما بذنب كتير بحس ان عقلى الباطن مقرر ان الذنب ده هو اللى بيهون عليا و لكن دايما عندى ندم و حسرة لما بغضب ربنا. انا بحاول كل يوم انى امشى صح. فى فترة طويلة كنت كويس اوى بس مكنتش عارف اعيش حياتى و لا اوصل لراحة البال عشان كده انتكست و اذنبت تانى. انا بس نفسى احس ان ربنا راضى عنى وانى انا راضى عن نفسى. ان مش مقصر مع ربنا فى الصلاة و الصدقة بس مازلت بغلط. ممكن حد يقولى ازاى اوصل لراحة البال؟

بتعملو ايه لما تعكو الدنيا و متكونش شخص عندك ثقافه الاعتذار ولا التعبير عن المشاعر اصلا وتخسر حد كان عزيز عليك اوي لدرجه انه شايفك مصدر اذي نفسي ملحوظه دا خطيبي وسبنا بعض بس هو لسه بيتعامل معايا و معتبرني اصحاب احنا اصلا اتعرفنا في شغل و قبل الفرح بحجات بسيطه فشكلنا عشان اختلافات الشخصيه ونا بصراحه غلطت في ومكانتش اول مره بس انا بجد ندمت وهو مش عاوز يكرر نفس الالم تاني 😐

انا مش بعرف اكون صداقات نهائي ف الكلية هطلع منها من غير صاحب حتى وف ناس كنت اعرفهم بعدت عنهم علشان بوشين وبيتكلموا ف الضهر وبتاع دلوقتى انا ندمان انى محسنتش علاقاتى شوية لان انا حرفيا حياتى قاضية مفيهاش حد ولا صحاب ولا معرفة اللى هو الوحدة باوسخ أشكالها

امتى قررتوا تنسحبوا من صداقه واتأكدتوا أن لا خلاص كفايه كدا وهل لازم حاجه واضحه أو موقف معين يحصل يخليكي تبعدي ولا مجرد احساسك أو التفاصيل الصغيره اللي بتلاحظيها كانت كفايه انك تتأكدي أنها صاحبه وحشه وتبعدي عنها وبعدتي وخدتي الخطوه ازاي وهل ندمتي بعدها ولا شكرتي نفسك

ياجماعة وحدة اعجبت بي لكنها انتحلت شخصية صديقتها عند وصفي لها ظننتها التي كنت معجب بيها فظهرت ليست هي ولكن التي كنت معجب بها كانت صديقتها ثم اخترت ان اكمل معها واجعلها تتخد قرار الابتعاد بدون ان تحس ان هدا اللي اريده ففعلت دلك وبعد عام حصل دلك عندما جاءت صديقتها تتوسط للصلح قلت لها بانها لا تريد الرجوع واخبرتها بانني كنت احبها هي وبعثت لقطات شاشة للتي كنت معها وهي تكدب علي فتفاجئة وقالت انا اتفهمك كلاكما مخطئ وانا وانت لن يحصل شيء بيننا ثم اخبرتني بأنها تظنان صديقة اخرى لها هي من تدفعها لفراقك والصديقة الاخرى قات لي بانها تكرهها ايضا بمجرد ان دكرت اسمها فبادلتهم بلقطات شاشة لبعضهما وانفجت القنبلة بينهم وادركت التي احبها بانها كانت محاطة بمخادعات ثم انقطع الاتصال عنها واصبحت دائما اراها مع امها فقط الان بعد عام من الحادثة هل استطيع فعل شيء حيال هاته الفتاة لانها انسانة طيبة جدا لكنني اخاف ان ترفض اعطوني نصائح

سمعت صوته لآخر مره وانا بقوله اني معرفتش احبه لاني مش عارفه ازاي احب ، كان عاوز يحاول عشاني بجد و وعدني إنه هيعرف يغيرني ويشيل الخوف اللي جوايا بس انا بعدت ، وانا بقوله طيب احنا هنمسح بعض منين قال من كل مكان لانه مش هيقدر يشوفني قدامه ك صحاب حتى ودا هيوجعه اكتر .. صوته وهو بيقولها والغصه والضيق خلتني ابكي غصبًا ، انا حاسه اني مؤذيه اوي بجد ، ازاي اتاسفله ازاي اخليه ميزعلش هو حرفيا ملوش حد ف الدنيا خالص لا أهل ولا صحاب ، احنا الاتنين كنا شايفين اني هبقى عيله ليه و وان انا عوضه وكدا ، بس انا فعلا مش بعرف احب .

هتجيلك واحدة ف زمن ما ف سن ما و هتقولك انها حباك م زمان و كانت مكسوفة و خايفة تقولك ساعتها متأرنبش لأن بعد حين هتخونك و هتفضل طول عمرك بتدور ع واحدة زيها زمان ايام م كانت بتحبك و مش هتلاقي ف هتبقي عايز تعيش حياة تغيظها بيها و تسعي ف ده ف تخسر نفسك تتغير ذاتك لشخص متعرفهوش مش انتا و ف الاخر لما توصل هتلاقيها بعتالك بتقول السلام عليكم اخبارك ايه ف تفهم انك كنت بتعمل كلللللللل ده ع قوة ضهرك م هتشيل و ان النجاح الي عملته طلع ف الاخر لشخص انتا كنت بتحبه مش هي ... انتا

يا بنات بجد محتاجة اطلع اللى جوايا واسمع رايكم فى موقف حطنى فى صراع بين عقلى وقلبى من حوالى 5 سنين دخل حياتى شخص كان هو كل دنيتى كبرنا مع بعض وعشنا تفاصيل مكنتش اتخيل انها تخلص فى يوم بس للاسف الشخص ده فى وقت ما عمل مشكلة كبيرة اوى مشكلة دمرتنى نفسيا وكسرت فيا حتة كان صعب اوى ارممها وبعدها كل واحد فينا راح فى طريق دلوقتى وبعد كل السنين دى لقيته راجع بيحاول يوصل لى بكل الطرق الممكنة بيحاول يفتح كلام وبيظهر فى كل حتة وعامل مجهود رهيب عشان بس ارد عليه وانا واقفة بعيد تماما مراقبة كل ده من بعيد فى صمت شايفة محاولاته ولهفته وشايفة ندمه بس المشكلة يا بنات ان رغم الوجع الكبير اللى سببهولى لقيت جوايا لسه فيه شوية حنية ناحيته والذكريات الحلوة اللى كانت بينا لسه بتطاردنى ولقيت لسه فيه احساس غريب مش قادرة انكره كانه خيط رفيع اوى لسه مربطنى بيه رغم كل اللى حصل انا بجد محتارة هل المحاولات والندم اللى شيفاه منه ده يشفع له ولا اللى بيكسر نفس بنت مبيتصلحش مهما عمل هل ادى فرصة تانية واصدق انه اتغير عشان الذكريات اللى بينا ولا كرامتى وسلامى النفسى اهم وافضل مراقبة من بعيد لحد ما يمل ويمشى قولولى لو انتم مكانى هتعملوا ايه بجد محتاجة رايكم ونصيحتكم

اقسى الجهش هو جهش قلبي عندما يغمر وحيداً وكأنني اصارع نفسي ، وبالأخص عندما اصارع مشاعري وانا اتذكر جميع من كنت له عوناً يوماً ما ، وحدي تأسفت لنفسي ، اختلق الرعب بالرغم من منطقيتي ان لا سكون اجمل من سكوني بالنوم هادئاً ، الارق يثير جسدي بالأشمئزاز وعقلي متفتح الحزن والبكاء ..

نصيحه لكل اخواتى من سن الاعدادى وطالع (ركز ع مستقبلك) وحط تحتها ألف خط السن اللى انت بتمر بيه دى اسمها فترة مراهقه وفالفترة دى الانسان بيكتشف كل اللى حواليه بدون تفكير اذا صح ول غلط حلال ول حرام المهم تجرب ودى حجات صدقنى هتندم عليها اما تكبر وحوارات الحب والبنات جايه جايه وهتحب وتتحب اقسم بالله اذا وانت ١٢ سنه ول و انت ٢٢ والخب مش حرام بس الحرام ان مشاعرنا تحركنا زى الحيوانات عشان نحس بنفسنا وبالنسبه للولاد زى مهتعمل دلوقتى بنت بكرا هتلف الدنيا وهتشوفها ف اختك ف خاف الله وخلى الحب لما يجى تستقبله بالحلال بالنسبه للبنات اولا ثم الولاد اياكى ثم اياكى وصحبه السوء وده بقولهولك وكنت اتمنى حد يقولى . احنا ربنا خلقنا بإحساس داخلى بيبقا حاسس ان الحاجه اللى بنعنلها اذا صح ول لا وانا بقولك اسمعى كلام الاحساس ده واوعى تتجاهليه ولو احساسك قالك ان البنت دى مش كويسه ابعدى عنها فورا وبلاش جدعنه ع صحه نفسيتك لان الصدمات من الناس اللى بنعاند اهلنا عشانهم بنقعد نتعالج بسببها سنين واهلنا بيكون معاهم حق حتى لو مش مقتنعين بس محدش هيخاف عليكم اكتر من امك وابوك فهما يستاهلو ان يتشكر ف اخلاقكم وفاللى رباكم بلاش العكس بالنسبه للمستقبل فهو الأهم والفترة دى هى الفترة الذهبيه وكل دقيقه بتمر مبتتعادش للأسف واى قرار بتاخدوه فالفترة دى بينعكس ع مستقبلكم قدام يعنى اللى ذاكر وبقا دكتور بيحمد ربنا وبيطلع راضي اما اللى بيضيع وقته عالحوارات واللعب وعالموبايل مبيلحقش حاجه بيرجع يندم طول عمره وبيفضل تعبان ولكل مجتهد نصيب وان ما عليكم الا السعى والنتيجه عند ربنا واخر نصيحه ومهمه جدا جدا جدا بلاش التريقه على اى حاجه مش عاجباكم لان اللى بيتريق ربنا بيبتليه بنفس الحاجه اللى بيتريقو عليها اللى بيتريق ع كليه مبيدخلش الا هى واللى بيتريق ع ذنب الايام بتلف وبيقع فيه واللى بيتريق ع حد مسيرة يتجوز نفس الشخص او حتى شخص شبيه لافعال الشخص الاول وربنا يحفظكم يارب اجمعين

بحس بحزن شديد يجيني فاجاءه يحسسني أني عاوزه اعمل اي حاجه غلط او اي حاجه جديده تخرجني من الشعور بس مش بعمل حاجه بس بيكون شعور قاسي مع ندم عل اي علاقات فاتت سواء كانت ممكن تنفع او لا اعمل ايه عشان اتخطي الشعور ده وقتها

فيه غلطه ف حياتي دايما بكررها بحاول اتفاداها ، او مش بحاول انا بس بقلل الطرق المؤديه ليها بس دايما بخلي باب مفتوح مأثره عليا اوي و نفسي تنتهي بس مش عارفه انهيها ازاي مرجعلهاش متقولوش قربي من ربنا لاني فعلا بحاول على قد ما اقدر بس الفكره اني مش قادره دايما بحس اني مستحقش اي نعمه هو منعم عليا بيها عاوزه اتوب توبه عامه من كل الذنوب بس مش قادره حاجه جوايا بتمنعني ، سمعت كذا بودكاست ، قرأت كذا كتاب بقرأ قران بس فعلا انا مش عارفه حتى اني اخد الخطوه واشغل نفسي وحياتي

انا قصتي بدات من خمس سنين لما كنت لسه عيل صغير مش فاهم يعني ايه مسؤولية ولا يعني ايه احافظ علي النعمة اللي في ايدي عرفت بنت كانت هي اول حب في حياتي واول قلب يحس بيا بجد من غير شروط ولا قيود شافتني بقلبها مش بمنظري بس انا بجهلي وطيشي وقتها ضيعتها من ايدي وعملت مشاكل كتير مكنش ليها لازمة وم استفدتش منها بحاجة غير اني خسرتها وبعدت عني دلوقتي انا عندي ٢٤ سنة وشخصيتي اتغيرت تماما وبقيت راجل فاهم يعني ايه اصول ويعني ايه حق الناس انا مش طالب من الدنيا غير ان ربنا يسامحني وهي كمان تسامحني لاني مش عايز اقابل ربنا وبذمتي ذنب وجع قلبها انا ثابت في مكاني ومتحركتش وبحاول ابدا من جديد ونفسي القدر يجمعنا تاني لو فيه خير لاني بجد عرفت قيمتها لما الدنيا دارت بيا وملقيتش حد في حنيتها ولا اصلها يارب اجبر بخاطري ونقي نيتي وارزقني المسامحة لان الوجع اللي جوايا ميعلمش بيه غيرك انت

متخطتش ولا عمري هتخطى، ربنا يرحمهم ويلحقنا بيهم على خير. حاولوا تشبعوا من حبايبكم وتعملوا معاهم ذكريات كتير عشان هو ده الللي هيفضل وهتتمنوا تقعدوا معاهم اكتر بس وقتها هيكون فات الأوان..

حقيقةً انا مش جايه اشكي من نفس الشخص انهاردة الاقدار والنصيب دول اغرب شيء ادركت ان ساعات بتضيع مننا حاجات كانت روحنا فيها جدا بس عشان خايفين ع نفسنا بنبعد وبرضو البعد مش بيفيد بحاجة ساعات بتبقا اغبي قرارات احنا اخدناها ف حياتنا اتمني من اي حد يشوف البوست ده يدعي لفقيدي احمد بالرحمه والمغفره

بحس إن الحياة دي صوره مبكسله مع كل سنه بتوضح توضح توضح لحد ما تبان وتبص تلاقي مفيش حاجه ورقه بيضه بتفهم وقتها انك بتحارب وتخسر وتعادي وتيجي على نفسك على مفيش ولكن وقتها لاسف الوقت بيكون فات للندم فاعيش وأبسط نفسك على قد ما تقدر عشان هيا مش مستهله

محتاج رأيكم في موقف عاطفي شاغلني بجد. من فترة كبيرة قابلت بنت، ومن أول مرة حسّيت بانجذاب وحب حقيقي ناحيتها. بعد شهور اعترفتلها، وكان ردها وقتها ناضج جدًا: إننا لسه صغيرين ولسه قدامنا مراحل كتير، والأفضل نفضل صحاب لحد ما الوقت يثبت حقيقة المشاعر. أنا احترمت ده جدًا، واشتغلت على نفسي في دراستي وحياتي، وفضلت ثابت على إحساسي. لكن بعد فترة فجأة لقيتها عملالي بلوك، وبعد كده عرفت إن في ناس نقلولها عني صورة سيئة جدًا، وقالوا إني شخص بلعب بمشاعر البنات. حاولت أوضح الحقيقة أكتر من مرة، حتى بعد سنين، لكن كل مرة كان الرد بلوك برضو، ومن غير فرصة حتى لشرح أو وداع. المشكلة إن إحساسي ناحيتها لسه موجود، ومش أكتر حاجة وجعاني البعد، قد ما وجعاني إن صورتي عند أكتر شخص حبيته في حياتي بقت مشوهة بسبب كلام ناس. دلوقتي أنا محتار: هل الأفضل أفضل ساكت وأسيب كل حاجة للزمن؟ ولا أحاول أخد رأي حد قريب منها يفهم الصورة بهدوء قبل ما أفضل شايل الإحساس ده جوايا؟ حابب أسمع آراء محايدة ومنطقية، خصوصًا من الناس اللي مرت بحاجة شبه كده

في لحظه معينة بيبقي نفسك تفضفض وتقول كلام كتير بس خايف تتكلم.. خايف تتكلم فتندم.. خايف تتفهم غلط فتفضل ساكت بتفضل ساكت وتحجز الكلام جواك تقوله لنفسك بس تفضفض لنفسك لانك الوحيد اللي هسمعك من غير ما يحكم والكلام اللي جواك بيتراكم.. بيتراكم في صوتك في قلبك في كل حاجه حواليك وتحاول تسيطر عشان تمشي طبيعي بس كل كلمه محبوسة بتخليك مش عارف تتنفس وبتفكر بمكن لو اتكلمت الدنيا هتتغير يمكن هيفهموك او يمكن هيجرحوك وتفضل واقف في النص بين الفضفضه والصمت مش عارف تختار في اللحظه دي بتحس بتقل غرييب كانه جزء كنك عايز يصرخ وجزء تاني خايف يعيش عواقب الصراخ وفي النهايه بتسكت برضو 😂💔.. بس مش لانك راضي بس لانك اتعلمت من الحيان ان الصمت اهدي و اقل وجع

كنت مرتبطه بحد كنت بحبه فشخ بس قررت ابعد عنه عشان بحس شعور غير متبادل او بيحب اني بحبه مكنتش قادره احس انه عنده شغف يعمل حاجة بس بيقول انه بيحبني وانا مكنتش عارفة اتأكد بيحبني بجد ولا كلام يعني ف كنت بدينا فرص بس كل الدنيا قفلت ف وشي و سيبته عشان بيسكب مشاعري هو اعتذر بس انا مش عارفه هو كدا انا ظلماه ولا افضل بعيد

انا ظلمت بنت حقيقي انا بتاسف ليها يعني انا اول مره فحياتي احس اني اتسرعت او ظلمت بنت علي طول انا الي بخاف اوجع عد وجعت بنت انا حرفيا كل حاجة كنت بحبهاش تحصلي عملتها في البنت ديوحرفيا فهمتها غلط وظلمتها انا اسف بجد

عرضت عليها الزواج تفاجئت و لم تجب بلا او نعم في كل الاحوال هو رفض بعد مدة من الصمت ، الان كل الريلز التي تعمل لها لايك توحي بانها تريد هده العلاقة و انها تشتاق لي الشخص الدي عرض عليها الزواج و انها تريدني ان ابادر في الكلام انا خلاص بادرت و انرفضت ، في هده الحالة قاعدة "الرجال هي من تقوم بالخطوة الاولى " تسقط ، من باب المبادئء الخطوة هدي خطوتها ترسل رسالة حتى رسالة فارغة و انا اكمل الباقي معليش ادا انا غلطان قولولي ؟

مش قادر اتقبل اللي وصلت له في كل حياتي انا كإنسان استحق افضل من اللي انا فيه و اختياراتي مع جهلي بحاجات كتير وصلتني لده كنت محتاج اخد قرارات و ابذل مجهود و اقف في وش ناس كتير عشان ابقي انسان مختلف و خسارة أنه كل ده وقته فات و اصلا أنه انا فعلا كان عندي إمكانية الوصول لأحلامي دي او لا مش قادر احدد بصراحه و لا عارف اصلا لو حاولت في كل فرصي دي كنت اختلف مش عارف ابقي راضي باللي انا فيه أو انجح في اختيارات مبنيه علي رغبات ناس تانيه و لا نافع اعيد اختياراتي و اختار اللي نفسي فيه مع عدم ثقتي أنه انجح كلامي و حياتي و مشاعري متلخبطه مش عارف احدد و ممكن يكون فشلي بقي أمر حتمي الموت شيء بيرادوني و حاسس أنه حل و انا راضي بقضاء ربنا و مش بكفر بنعمة عليا لكن الحيرة و الحزن اللي بعدي فيه مش بأيدي

لما اتخليت عن مبدأ من مبادئ عشان مجرد ابقي زيهم ومبقاش غريبه عليهم ، حسيت قد ايه انا شخصيه ضعيفه ووحشه بتتأثر بالناس بسرعه ولازم يبقي حواليها ناس زيها عشان متتأثرش بغيرها شعور وحش وحلو وحش عشان هندم علي حاجة طول عُمري حلو عشان غيرني.

أنا عمري ما اتكلمت مع بنت ومن فترة تواصلت مع ليدر الدفعة بسبب مشكلة حصلت على جروب الدفعة وحسيت اني اخيرا لقيت حد فاهمني وفضلت تتكلم معاها كتير اوي وتقريبا حكيتلها قصة حياتي كلها وعايش الشهرين دول في عذاب كل شوية أقول مش هتكلم معاها تاني عشان ده ضد مبادئي وارجع تاني اكلمها واحكيلها اي حاجة بتحصل معايا وهي عاجبها كده مش عارف ليه مع انها محترمة أنا زعلان من نفسي اني بكلمها وعلى نفسي اني بعد ما اخيرا حد بيفهمني مش عارف اتكلم معاه

نزلت ستوري لصورتي بحاجه الحمدلله انجزتها فيها نجاح وسعاده فالمهم دلوقتي الصورة مكملتش ١٠ ساعات وتعبت جدا جدا حاسس بتعب هيموتني انا غلطان اني نزلت ما كنت كويس وعايش تمام لازم انول يعني ستوري

كان عندي صديق من 4 سنوات ، عملتلو حساب مزيف على اساس بنت ، وظليت معاه شهر كامل ، وكنت محظر كل شيء ، يعني صور و رسائل صوتية و كل شيء perfect ، كان يتكلم على ظهري معي انا المشكلة و يقول اني انا صديقه المفضل ، في الاخير خليتو يحب هذا الحساب المزيف وعندما اعترف حظرتو ، وبعدها اخبرتو انه انا من كان هذا الحساب ، دمرتو نفسيا و ماخليتو يزيد يحب وانا اصبحت وحيد و كلهم سحبو علي لانهم يعتقدون انا المخطئ والظالم رغم اني ما تعمدت اخليه يحب هذا الوهم 🤦🏻

انا وشخص صحاب بقالنا سنه مع الوقت حبينا بعض وهو اعترفلي من يومين وطلب مني رد وانا قولتله أن ده شعور متبادل بس اول ما عرفنا بعض حصل موقف خلاني اقوله أن انا اكبر من سني بسنه مكنش قصدي اخدعه ولا كان في نيتي اي حاجه بس انا مكنتش متخيله الموضوع بينا يتطور لكدا خالص قالي أن هو هيكلم اهلي ويجي يتقدملي بعد شهر وأهله عارفيني وبيحبوني واهلي عارفينه والدنيا كويسه جدا وانا حاسه بالذنب ومش عايزه ابان بالطريقه دي قدامه أن انا ضحكت عليه طول الفتره دي او كذبت خصوصاً عشان هو بيكرهه الكذب بس حقيقي انا ندمت أن انا عملت كدا ودي الحاجه الوحيده اللي كذبت عليه فيها بس هو من الأشخاص اللي لو صارحته هيفتكر أن طول الفتره دي كنت بحور وبكذب عليه وفعلا انا حبيته ومعنديش استعداد يشوفني بطريقه تانيه أو اخسره ازاي ممكن اصارحه هو مش هيبقا عنده مشكله في السن احنا بينا4سنين وهو قالي بالصدفه انه مش حاسس بمشكله في فرق السن بينا بس فكره الكذب نفسها هتعمل مشاكل كبيره بينا أنا عارفه

ازاي اتوب اعمل ء ازاي اعرف هل انا منافق ولا لا مش عارف بعمل زنوب وهنا انا مش بجمع انا عندي كذا زنب بجد مش عارف اعمل ء كل ما بقوم بقع كتير كتير جدا مش علرف اعمل ء ازاي اقوي عزمتي او ازاي اقدر اتوب بجد

لية الفترة دي بحس بحنين لناس قديمة خرجوا من حياتي حتى لو أذوني وناس تانية الدنيا خدتنا من بعض وبقالنا سنين منعرفش حاجة عن بعض. من سنتين كنت شغال في محل ما ولكني قعدت 3 اسابيع بس المهم قولتلهم لو نجحت صافي وعد كله معزوم على شاورما وسيبت المحل والنتيجة اتأخرت وظهرت وكانت برضو علاقتي بيهم حلوة روحت نزلت جبت للفرع كله شاورما سوري وروحت مفاجأة لاقيت 2 مديرين قالولي منت لازم تسيب المكان اللي زيك مش محتاج فلوس وواحد تاني كنت مسلفه 150 وقولتله مش عايزهم ومتقولش لحد قالي قدامهم ده انت صارف عليا 150 ولا كأنك ابويا روحت عملت نفسي عادي مزعلش بس روحت عملت ليهم بلوك كلهم ولحد دلوقتي لما بروح الشارع ده بلف من ناحية تانية عشان محدش يشوفني لأنهم كانوا بيتصلو كتير وغالبا اصلا اتغيرو وناس مشيت معرفش بس بعمل الإحتياطات ولكن دلوقتي بحنلهم وبفكر اكلمهم أو اروح اشتري منهم. مرة بنت حبيتها قولتلها نرتبط ونخطب قالت لا انت اخويا خوفت اتعلق بعدت فضلت تكلمني كل يوم لمدة سنتين اتعلقت بعدت عني وقالتلي خلاص زهقت عملت ليها بلوك بفكر اخش اشوف هي مين دلوقتي. زمان كان ليا صاحب قريب اوي اوي ورغي 24 ساعة وانا اتخانقت مع طرف تالت هو دخل دافع عنه وخسرني بسببه واللي حواليه قالولي ده ماسك على بنات حاجات مش كويسة وبيشرب خم،،، ور دلوقتي انا كنت عامله بلوك وهو قالي فكه فكيته بس جيت ادور على الاكونت لاقيتو غيرو ورقمه ضاع وكل اللي حواليه قالولي منعرفش عنه اي حاجة. ليا بنت اعجبت بيها وكنت يساعدها كتير في شغل وهي ترد على القد وردود مقتضبة جدآ وكنت بنكش فيها ونيتي خطوبة بس حابب أنها تعرفني اكتر وتديني فرصة بعتلها رسالة عاملة اية مرديتش قولت اشوف لو مش هسال هي هتعمل اية من شهر 8 لحد دلوقتي مردتش ومسحت رقمي. ليا واحدة بنت بنت عمتي عرفتها قريب ودخلتني جروب مع قرايب تانيين ومكناش نعرف بعض حصل مشكلة بين الناس وكله خرج من الجروب ومتكلمناش بقالنا شهور بفكر اخش اكلمهم. اية السبب من اللي أنا فيه؟

"المشكلة إننا بقينا نصدّق الناس من أول كلمة حلوة… ونفتح أبواب إحنا أصلاً مش مستعدين نتحمّل ثمنها. وبعدين نزعل ونقول: اصل الناس اتغيرت… مع إن اللي اتغير فعلاً هو مستوى غبائنا العاطفي مش اكتر بجد

هيحصل ايه لو كنت رفضت بقالي فترة مش صغيرة بفكر في كل حاجه انا فيها دلوقتي وبدايتها فاكر بدايه كل حاجه وصلتني لحياتي دلوقتي فاكر كل موقف اكنه قدامي لو كنت رفضت كان مسار حياتي هيبقي مختلف ممكن علاقاتي كانت هتختلف اسلوبي شخصيتي حياتي حياتي كانت هتبقي عامله ازي لو كنت عملت عكس اللي اختارتة ف مبقاش بيطلع من دماغي سؤال ماذا لو ؟

انا و واحد كنا مرتبطين وهو قدي ومعايا ف معظم الدروس وهو شغال ف كافيه وبيخلص شغل الساعه سته الصبح المهم كان فالشغل وبيكلمني و قالي معايا اوردر ثواني وهكلمك فضلت مستنياه لحد سته ونص الصبح ومكلمنيش نمت تاني يوم الساعه تمانيه بليل قالي مبتساليش ليه قولتلو هو مش انت الراجل ولا ايه يعني مش فاهمه انت المفروض الي تسال عليا قالي شكرا وسكت بعدها بيوم عملي بلوك المهم رنيت عليه بعد الدرس عشان يجي ياخد الحجات الي هو جايبهالي ف كان واقف وسط صحابو بس كان قدامي ومكنتش شيفاه ف اول م رد قالي هو في بينا حاجه عشان اجي اقابلك قولتلو تعالى مش هخطفك وانا كل ده فكراه لوحدو مش وسط صحابو وصحابو عمالين يبصو عليا انا وهو يضحكو وبعدين فضل يقولي انا مش هاخد الحجات الي جبتهالك وانتي قولتيلي انا مش راجل وكده حاولت افهمو أني مش بنفي انو مش راجل انا كنت بسالو عشان متعصبه من الي هو عملو بس مرضاش يسمع مني وبعدين لقيت صحبتي بتقولي صحابو عمالين يبصو عليكو ويضحكو وانا مكنتش شيفاهم اصلا لو كنت شيفاهم كنت هزقتهم كلهم ومشيت عشان كده هو خد لقطه علي حسابي انا لأن محدش من الدفعه قدر يكلمني أو قدر ياخد نظره مني وفمره كنت معديه من جمب شله ولاد لقيت واحد بيشاور عليا والتاني وشوشو ف ودنو راح قالو ايههه دي كانت بتكلم فلان ابن فلان زي الي هو بيتريق عليه وكده بس انا مبصتلهمش حتى ومشيت قولولي دلوقتي تنصحوني ب ايه اروح اهزقو ولا خلاص اسيبو كده معلومه بس هو قالي انو مش عايز يعرف حد عشان سمعتي وكده وهو اصلا متدين شويه وكان كويس معايا اوي ف اني اعرف بالصدفه أن في ناس تعرف اني كنت بكلمو دي حاجه غريبه شويه

خايفه من لحظه المواجهه بيني وبين بابا خايفه من اللحظه اليهيرجع فيها ندمان ويقولنل نرجع حاجه زي ما كانت بس مش فاهمه ازاي ممكن يرجع بعد. كل الي عمله دا ويطلب نصلح حاجه انكسرت لما افكر في الموضوع اقول مستحيل اسامحه وأوقات تاني بحس اني مجرد ما اشوفه بس هنسي كل حاجه ..... وفي النهايه كل دي مجرد تخيلات لأن هو اكيد نساني

جماعة فى بنت كانت معايا فى الجامعة كنا بنحب بعض بس حصل مشاكل بنا وصلت انها تتبلى عليا للدكتور انى اتحرشت بيها بس كان معايا اسكرينات واثباتات تثبت ان دا محصلش من اسبوعين رجعت تانى لما شافتنى اشتغلت فى وظيفة وبعد الضهر مسئول على ستور موبايلات وبفهم فى الاجهزة والايفونات وكدا فا الحمد لله مسكت قرش حلو والعز بان الحمد لله اتكلمنا كتير وهى تلمح على الخطوبة وكدا امبارح اتخانقنا وانا الى اتحججت الصراحة وسبنا بعض قولتلها خليها لما يجى وقتها احسن بس انا الى غلطان علشان قولتلها ابعتى صورة بشعرك وهى مرضيتش انا حقىقى غلطان النهردا صاحى مضايق انى زعلتها ورايح الشغل بتعصب على العملا والناس الى معايا فى الشغل ومحتار اكلم ابوها وادخل البيت من بابه ولا خلاص كدا لان فعلا موضوع ان هى اتهمتنى بالتحرش دا مش قادر اتخطاه خالص واسف على الاطالة...

يخربيت الذكريات و ليه اقصد اشوف مين الناس اللي عملالهم بلوك و ليه كل شوية ادخل ابص كده كتير والله و الفكرة ان مستحيل انا مش عايزة اعمل كده بحاول افتكر الوحش حتي ببني سيناريوهات انهم وحشين و خلاص مش عايزة ارجعلهم بس بفكر فيهم انا مش ضحية بس مش عارفة انا ايه انا وصلت لدرحة اني عايزة اكلمه اقوله نتقابل احضنه و اعيط او اني اجيب فيب مش عارفة بجد ايه التفكير ده بجد يارب يهدي و ربنا يهديني كده علشان معملش حاجة غلط و اندم عليها

مع كونى يمكن اشد الكارهين للحظات الفراق بجد ولكن مكنتش متخيل انى فى يوم انا ال افارق كنت لازم امشي قبل ما مشاعرى تسيطر عليا اكتر من كده واعترف بيها وانا لسه مش جاهز اتقدم وساعتها هبقى بعمل حاجه حرام وهتضيعى منى يمكن بردوا ضيعتى منى ولكن على الاقل مشيلتكيش ولا شيلتنى ذنب لو ليا كلمه اخيرة ممكن توصلك هى انك الوحيده ال عقلى وقلبى اختارها الوحيده ال وثقت فيا وخلتنى اصدق انى ممكن اكون انسان غير الكل ما كان شايفنى خلتينى اثق فى نفسي واغير وجهة نظرى عنى لو ليا كلمه واحده بس ينفع اقولها هى انى لو ليا امنيه واحده هى انى اعيش بقية حياتى كلها معاكى استودعتك الله الذى لا تضيع ودائعه ولو لكى خيرا فيى جعلنى الله من نصيبك ولو ليس لكى خيرا فيي ابعدنى الله عنك واسأل الله ان يرزقنى اياكِ🖤

يمكن مكانتش من نصيبك بس كفايه ان انت حاولت اي يعني لو قدمت علي شغل واترفضت اي يعني حبيت حد ومحبكش واي يعني رميت قلبك في حضن حد ومحضنكش واي يعني اتكلمت من قلبك وماحدش فاهمك هي اكيد بتوجع بس الندم بيوجع اكتر الفرصه اللي راحت عليك من غير ما تحاول بتفضل توجعك سنين انت ما جربتش تفشل انت جربت تحاول انت ما خسرتش اي حاجه بالعكس انت كنت شجاع كفايه تقف وتقول انا هنا مش كل محاوله بنجربها بتكون ناجحه بس كل محاولة بتقربك من اللي ليك وكل باب بيتقفل هو في الحقيقه باب بيبعدك عن اللي مش ليك مافيش حاجه راحت منك وكانت هتكون ليك ولو راحت بسيطه ماكنتش ليك من الاول فارفع راسك وافتكر ان انت حاولت وديما افتكر ان انت كنت اجرى من ناس كتير قررت ان هي تستخبي ورا الصمت واهو حتي لو النتيجه ماكنتش في صالحك تبقي جربت وكفايه قوي ان انت حاولت

اخاف أأذي حد مع ان اللي بيتكلم دا (انا) ممكن يكون اكتر حد مؤذي تشوفه في حياتك بس عشان انا مبحبش اوجع حد بس غصب عني بعمل دا اما بتعصب او كدا فاخاف في المستقبل دا بزيد اكتر...!! وقت ما بعمل كدا سعات بيبقى في بالي مش فارقة و مش مشكلتي و ممكن اهدا في وقتها و اصالح اللي قدامي و ممكن اهدا بعدها بحبة من صغري و انا بأذي اللي حواليا و بتنمر و عندي احساس ندم بس مقدرش اصلح دا غالبا محدش في حياتي سمعني بتكلم عن الموضوع دا بالطريقة دي و عندي احساس اني مش هتفهم صح

انا حقيقي ارتحت اوي انا حرفيا كنت فاكر هتهاجم لما انزل واقول الي جواية حرفيا 10اشخاص 8فكم الاحترام والدعم النفسي وبيدعولي و2بس الي غلطو بس مش مهم انا حقيقي مبسوط بكل حد ساعدني شكرا ليكو ي اجمل اخوات انا بس ذنب واحد وجعني واني اذيت بنت بكلامي ودي اكتر واحدة سعدتني حابب اقول لما تلاقي الي يسعدك اشكرو

كنت ف فترة كدا في فحياتي بنتين واحدة كويسة جدا وبتحاول ترجعني لربنا و واحدة زاي مانتو فهمين كنت للاسف ميال للي بتبسطني مش الي بتقولي كلام ربنا وتحاول ترجعني ولما خسرت الي بتحاول تساعدني انهارده اكتشفت ان الي بتبسطني مانت متاحه للجميع ومش ليا لوحدي وكل الي كانت بتقولو ليا بتقولو لكتير غيري انا فهمة غلكي متاخر ويعلم ربنا بكتب وانا مخنوق وشايل هم الدنيا انا بجد وحش وكل محوله لتغيري كانت مجرد محوله بس منجحتش

تعمل اى لو ضيعت من ايدك حاجة مهمه عندك و مبقاش خلاص فى سبيل ترجعلك او شبه مستحيل و انت فعلا ندمان بس مش لاقى حل مش لاقى طريقه و مهما حاولت تانى فشلت و حاسس انك still ندمان بس انت خلاص متاكد انها ضاعت

السلام عليكم انا طالبة اولى بكالوريا محافظه كفر الشيخ تم اجبارنا على البكالوريا ومكانش عندنا حرية الاختيار عشان نختار ثانوي زي مالمفروض يحصل المهم اهي سنه اولى قربت تخلص وخلاص جيه الوقت اننا نختار مسار من الاربع مسارات (طب وعلوم الحياه_هندسه وعلوم الحاسب_اداب وفنون_اعمال) انا بميل للمواد الادبيه يجماعه فكان المسار الاحسن بالنسبالي اداب وفنون او اعمال وخلاص كنت هختار واحد منهم لحد ماشوفت الورقه والصدمه كانت ان كل الفصل مختار مسار علمي سواء طب وعلوم الحياه او هندسه....وقفت وفكرت فيها احنا ف زمن الواسطه والفلوس واللجان اللي بتتشرى والايام اللي احنا فيها..هكون انا لوحدي ادبي..مش هكون زيهم عشان حد يشتري لجنتي..قررت اني مش هقرر الوقتي عشان مندمش واجلت الموضوع فا ارجوكوا ساعدوني لان الفصل كله اختار من الاسبوع اللي فات وانا بقالي اسبوع بأجل لحد مالمدير بنفسه طلع ونادى على اسمي وقال خلاص اخر فرصه عندي هي يوم الخميس عشان اختار......ساعدوني

انا مليش عين ارجع ل ربنا بعد ما عزمت علي توبه للمره الالف وبردوا وقت تاني واسوأ م الأول 💔 اعمل اي كل مره كده وكل مره الغلط بيكبر وبيتمادي انا مكسوف ارجع اطلب منه وابكيله بعد ما بكيتله كتير وبردوا وقعت بقيت حاسس اني كداب ومنافق

ربنا يحفظكوا ويحقق الي تتمنوه ويشفي كل مريض وياعفي كل مدمن ويصلح حال كل واحد منا للافضل يارب دايماً مقتنع ان الذنوب بتتغفر وتتمحي بس الافعال لا الافعال مش بتختفي حتي مع الزمن دي بتبقي نقطه سوده في تاريخ حياتك خايف حد يعرفها ودا الي كان مخليني مخدش خطوة جت ف الطريق الصحيح بس فكرت مع نفسي للحظات واكتشفت ان المستقبل بي ايدي انا يخليه مستمر في نقاط سودا يمحيه فقررت ان حتي لو مقدرش اغير الماضي بس اقدر اكتب المستقبل بافعالي واختيارتي وفي مقولة من كونغ فو باندا 1 انت تهتم كثيراً بما كان وبما سيكون يقول المثل البارحه تاريخ والمستقبل غموض ام اليوم فموجود ولهذا يسمي الحاضر فانا قررت اعيش في الحاضر واجاهد نفسي عن المعاصي فدعواتكو👈🏻👉🏻♥

مخنوقه اوي من كل حاجة ، عندي ناس كتير يعرفوني بس بردو حاسه بالوحدة وان مفيش حد شبهي ف كل دول ومش لاقية حد صح احكيله ويفهمني ، محدش بيهتم ومحدش هيحس اني فعلا موجوعه ومخنوقه مدايقة من كل حاجة عايزة اكون لوحدي وفنفس الوقت الوحدة بتموتني وصوت أفكاري عالي وبفكر كتير وبعيد حاجات وذكريات وبندم ع حاجات وقتها فات وعدا والندم مش هينفع حاجة بس بردو بحس بالذنب واني مقصره ومهمله ومخنوقه ومحدش مقدرني ومحدش محترم حياتي ولا مديني مساحتي ولا كياني

كدا الندم علي الماضي انت مش هتقدر تغير حاجه هي حصلت خلاص يس انت تقدر تتعلم من اللي حصل ده الدروس اللي تقدر تخليك تتحرك لقدام حرر نفسك من الخوف من المستقبل انا عارفه ان احنا بنبقي خايفين من المستقبل علشان المستقبل بنسبالنا هو حاجه مجهوله بس خليك واثق في نفسك و صدق نفسك وفخور بنفسك خليك فخور بكل محاولاتك مش كل الاجازات بتكون ملموسه او احنا شايفينها بعينينا ممكن بكون اكبر الانجازات اللي انت اتعلمتها في اليوم لنك اتعلمت الصبور ممكن يكون اكبر انجاز حققته ان انت بقيت شخص رحيم باللي حواليك خليك فخور بكل حاجه انت بتحققها وخليك عارف ان انت هتقدر تتعامل مع اي حاجه في المستقبل بطريقتك انت

اتعرفت علي واحد وحبيتو وهو كمان بيلمحلي بس انا عامله نفسي غبيه ف في خناقه قبل كده حصلت وقولتلو انا كنت حاطه فكره أننا ممكن نتخطب ف يوم من الايام بس اتشالت من دماغي خلاص وهو فضل يقولي بس عبط وكده وبعدين قولتها تاني قالي متاكده قولتلو اه فضل يقولي يعني مش هتغيري كلامك قولتلو اه قالي ماشي خلاص وبعدين سكت انا فعلا بحبو بس هو عمل حاجه تضايقني بجد اوي ف من كتر م انا زعلانه قولتلو كده وبعدين قولتلو متزعلش ممكن يكون في نصيب بينا ف المستقبل قالي انتي جننتيني مره نبقا حلوين ومره نبقا اخوات ومره يبقا ممكن يكون في نصيب بينا بس هو مش بيكلم بنات خالص وانا متاكده من ده حتى بعد م قولتلو كده مكلمش بنات برضو تنصحوني ب ايه ضروري عشان حاسه اني اتسرعت لما قولتلو احنا اخوات هل اغير طريقه المعامله وهو هيفهم لوحدو اني بحبو ولا اعمل ايه

احس نفسي اكثر شخص سلبي في هذه الحياة . أؤذي الناس بدون ما أشعر . حتى أقرب واحب شخص بالنسبة لي اصبح يكرهني بسبب أذيتي له . في العلاقات الاجتماعية احس اني شخص ناقص بينهم أو غير موجود احيانا . دائما اتمنى لو يرجع بي الزمن لأصلح الخطأ الذي ارتكبته مع الجميع وخاصة (الشخص القريب)

خايفه اكون اذيت حد اعجب بيا او حبني من طرف واحد...انا مش عارفه حقيقه مشاعري عشان اثبت على قرار واحد معرفش ان كنت اعجبت بيه ولا لا معرفش ان كنت حبيته ولا لا بس بعد ماقررت اقطع سبل التواصل نهائي شوفتوا واضح عليه الزعل وانا حسيت بالذنب....بس انا موعدتوش بحاجه ولا قولت اي حاجه تدل اني اختارته خلاص بس برغم كل ده هو كان عنده امل اني بحبه انا بجد وحشه اوي قدام نفسي لانه شخص كويس وكان بيحاول معايا منغير مايدايقني ومحترمني جداااا لأبعد مرحله عمر ماحد اتعامل معايا كده بس برغم دههه انا مش عارفه انا مالي او ليه عملت كده رغم ان كان ممكن لو حاولت احبه انا بجد بكره شعوري المقرف دههه

معرفش هتفهموني ولا لا بس الجو ريحته خذلان. الغربية انا اللي خذلت مش اتخذلت بس دا الصح وكان لازم يتعمل من بدري بس محدش قالي أن حتى القرارات الصح بيبقي احساسها وحش اووي كده، هتجاهل الموضوع ويارب ما اندم

انا بحب واحد كان بنا خلافات كتير مني ومنه بس اخر حاجه كانت مني وغلط غلط كبير جدا وحاولت كتير عشان نرجع كلمته و سافرت لى واتحيلت عليه كتير جدا وهو مصمم ان لا وان انا لو اخر واحده في دنيا بس لما بيكلم معايا بيقعد يكلم بتاع ساعات بخصوص مشكله الاي حصلت ويهزقني ويشتم واخر حاجه قالها انو هيعمل بلوك بس لما قولتلو لاومتعملش قالي ان مكلمش معاه تاني انا مش عارفه اعمل اي عشان نكون سوا لان فعلا بحبه اوي وندمت عن غلطي

عاوزه رأيكم أنا دلوقتي حبيت واحد بس مش حب الحب يعني الشخصيه وطريقه التفكير وانو مريح كده ف كنت بحب اتكلم معاه حسيته ناضج كده وفاهمني بس كنت لسه هعترفله اكتشفت انو كلم بنت غيري وبعدين قالي انها كانت زميلتو وبتاع وانو ندم وسامحته بعد فتره دلوقتي عمل نفس الحوار وكلم بنت وكدب واكتشفت ف انا سبته رجع قالي خدي الاكونتات وانا مش عايز غيرك انا عارفه انو مينفعش اسامح بس هل كده ممكن يكون ندم ولا لا