انا ملاحظ ان الناس هنا علي الابلكيشن بتحكي عن قصص حب مش بتحكي عن حال البلد حال الشباب حال الوظايف حال ارتفاع الاسعار حال الناس الي بتموت بسبب عدم وجود مستشفيات كفايا لمعالجة الناس الفقيرة حال عدم وجود فرص عمل هيا ليه الناس بقيت فاضية قوي كدا يعني كان في حد كاتب انو هوا بيحب مش عارف مين و خايف يعترفلو اي دا يجدعان هوا احنا بقينا فين و لا بنعمل ايي يعني ندور علي حاجه اهم من كدا في تعليم باظ في مستقبل بيضيع في قيامه قربت تقوم في غلاء اسعار في دهب وصل ٨٠٠٠ جنيه في اطفال بتتيتم في اطفال بتتشرد في مخدرات دمرت الشباب انا عايز اعرف حاجه واحده بس هوا فين الناس المسؤلة في الحاجات دي مش هوا برعي مصالح البلد و الشعب بعني المفروض يوفر كل دا يوفر فرص عمل يوفر تعليم يوفر علاج يوفر منازل مجانا للناس المتشردة يوفر اكل و لبس للمحتاجين فين الكلام دا كلو ندخل في الحته االي معاه و الي مش معاه اي نعم ربنا خلقنا طبقات بس علشان نكمل بعض مش ندوس علي بعض يعني فرضا و ان يكن واحد محتاج المفروض الناس الي محتاجه تساعده في تكوين بيت و اسرة و مشروع صغير يعيش منو ليه كل داااا ؟؟ #ليه اناا؟؟
أنت متأكد انك غضبان من الناس عشان بتحكي مشاكل مش مهمه و لا انت غضبان من الناس عشان مشاكلهم اللي انت شايفها تافهه بنسبه ليك في كل الأحوال أنا فاهمك عندك حق و لكن دي مشاكلهم و حتي في بعضهم عنده مشاكل زي اللي بتقولها دي بس ممكن يحكيها بره عادي لكن المشاكل العاطفيه أو اللي من النوع ده ميقدرش يحكيها بره عشان كدا احتمال كبير بيحكيها هنا + أبشر ياخي أن شاء الله ربنا هيكرمك و هتبقا في أحسن حال و لو انت في احسن حال هتكون احسن كمان انت بس أسعي و سيبها علي الله في جبر خاطرك و رزقك 🤍
فاهمة بس فعلا النسبة الاكبر من اللى هنا لسة صغيرين وانا منهم صعب تلاقى امور الدولة او السياسة والاقتصاد دول فى اهتمامتهم اصلا
هرد على ردك بص انا فهماك و على فكره معاك حق مش غلط هو فعلا في مشاكل فالبلد بس ده ميمنعش الناس تزعل على مشاكل اجتماعيه لو كل واحد ركز زي ما انت بتقول البلد كلها هتنتحر اصل انت ايه في ايدك؟مفيش بلد ديمقراطية دي حتى امريكا بلد الحريه و الحقوق مش ديمقراطية ماشيين في حرب الامريكان ضده تماما انت مش هتقدر انك تغير الواقع مفيش في ايدك غير أن متركزش بشكل متعصب انك تكون واعي ده شي انا احترمه بس عشانك انت متعجزش بدري من الغضب و عشان متزعلش ناس انت بتهاجمهم ببساطه لأنهم حابو يفضفضو
ولا فيه حب ولا زفت احنا عايشين ف عك
دي دايره كلها ،كل شئ مترابط دي حاجات اتوقع كلنا درسناها ان البيئه بتاثر على الشعوب زي ما تلاقي واحد اترفد من شغله و مريض و متحمل و تيجي كوبايه تتكسر يروح معيط عليها السبب مش الكوبايه هو كل حاجه خنقاه و ممكن انسان حساس فعلا ليه نقلل من مشاعر حد التفهم و الإنسانيه صفه حلوه اوي
حضرتك نسبة كبيرة جداا من الناس اللى هناا اصلا تحت 20 سنة والتطبيق اصلا مشاكل شخصية لان دى الحاجة اللى سعب يحكيها برا غير ان اكيد متتوقعش من تطبيق زى دة انه يغير حاجة فى واقع البلد وهو مكملش 10000 بنى ادم
اول حاجه عشان احنا لسه في جامعات تاني حاجه الابلكيشن دا مش هيصلح حال بلذ بس ممكن يصلح علاقه بين شخصين دمت أسهل من تصليح بلد كامله