انا كانت عندي المشكلة دي من فترة و خاصة مع اصحابي اللي المفروض هما أصدقاء الطفولة بس في الواقع مفيش اي كيمياء ما بينا و انا معرفش حاجة عنهم بيحبوا ايه و حتي هزارهم مش بفهموا و اي خروجة بكون ساكت و انا اساسا رغي شوية و لما روحت الجامعة نفس الكلام . بس في الحقيقة المشكلة كانت في اني مش بتعرف علي ناس جديد بمعني لو في ١٠ اشخاص قدامي انا مش بتعامل غير مع ٢ بس و احاول بكل جهدي ابقي صحابهم قوي و كل الحاجات الجميلة دي و دا اكبر غلط ليها مش شرط الشخصيات بتاعتنا تكون مش متوافقة . و مش كل الوقت هتلقيهم فاتحين يكلموكي هيبقي في مشاكل كتير قوي الحل انك تتعرفي علي ٨ من ١٠ مثالا و لو بشكل سطحي تعرفي شخصياتهم و تاخدي ارقامهم و كدا و ساعتهم طريقتي في التعامل هتتحسن و هتلاقي نفسك بقيتي تتصحبي علي ناس اكتر + اهم من دا كلو متربطيش ذاتك أو تحقيق ذاتك بحب الناس ليكي بمعني مش كل الناس تحبك اكتر كدا انتي احسن دا غلط ابعدي عنوا + سيبي مساحة بينك و بين الناس و مش اي حد تثقي فيها بسهولة تحكيلها علي مواقف البيت + اوعي اني الصديق هيكون معاكي طول الوقت مش شرط ممكن علاقتكم تنقطع متتكلموش كتير بس انتوا بتحبو بعض

مش لازم كل الناس اللي احنا ممكن نكون عرفناهم او اتعاملنا معاهم او في بيننا وبينهم ان هم يكونوا اصحابنا قريبين مننا اشتركي في حاجات فيها تجمعات او عمل جماعي ده هيزود فرصه معارفك فبالتالي ممكن تلاقي شخص اهتماماته نفس اهتماماتك وتكون اصحاب مش لازم تدي اقسام عندك اصلا علشان صاحبي ناس حافظي على طاقتك وتعاملي عادي

هوا كلنا بتيجي علينا الفترة دي بس اقولك ع حاجه ارمي الموضوع دة ورا ظهرك خالص كدة كدة الصحاب بييجو

انا بواجه نفس مشكلتك بصراحة الدنيا مبدأتش تتحسن بالنسبالي غير لما قللت السوشيال ميديا على قد ما اقدر لأنها بتقدم توقعات خيالية لكل علاقاتنا كبشر مش الصحاب بس و بطلت انصح اللي مبيتقبلش النصيحة و بيسميها تنظير و فضلت قريب من الناس اللي بحبهم و العكس من غير ما أهلك طاقتي في اي علاقة بتأذيني

زيك للاسف صاحب الكل دايما لواحد

متجمعش حاجه اشتغل علي نفسك وهتلاقي الصحاب بيجو لحد عندك لما يلاقوك مهتم بنفسك وبحياتك لكن موضوع انك تدخل تكلم ناس وتصاحبهم ممكن تتفهم انك مدلوق او ملزق ، مع انه غير كدا خالص ربنا يكرمك بالناس اللي فيها الخير

حاولي تعملي صحاب من الدراسه او الشغل او جران .. الخ