منذ 8 ساعاتيشعر بـ منهك
بصو انا دلوقتي بنت عندي 15 سنه وانا بحاول احسن من شخصيتي انا الحمد لله شخصيه اجتماعيه بس بواجه مشكله اني معنديش حد قريب مني يعني لما بنتجمع مع العيله كل اتنين بيبقو المفضلين لبعض وانا بحاول اقرب من اي حد لاكن لاحظت أن محدش بيحب يقعد معايا وحتي اخويا الكبير في فرق بيني وبينه سنتين يعني المفروض يبقي اقرب حد ليا لاكن هو واخد حد من عيلتنا وبيقول عليه أخوه وكده وانا بتضايق لان مفيش موقف عن الاخوات غير وهو قالي اسم الشخص ده وبجد انا بزعل وبقعد اعيط ف انا عايزه اكون جذابه للناس أنهم يتكلمو معايا ويقعدو معايا وكده بس مش عارفه فممكن نصائح منكم
خليكي علي طبيعتك اللي عايز يبحبك ويكلمك هيعمل كده زي ما انتي م هيبقي عايز يغير فيكي حاجه بس اعرفي انها حتي لو فرديه هتبقي سالكه ممكن متفهميش دلوقتي بس هتفهمي قدام
افضل حد اولى بصحبتك وتكون قريبه منك هيا مامتك دى افضل وحده تصحبيها هتنفعك وهوحبلك الخير وهتبيع العالم دله عشانك وهتقلك على كل حاجه صح تعمليها وكحدش هيحبك قدها تحياتى🌹🌹
بصراحه انتى ف سن توب انك تتعلم علم شرعي وتبقي احلى بنوته متدينه متعلمه تتجوزى حد جامد كده متدين غنى مرح قوى اتعلم بس علم شرعي ونتكلم ع الجواز بعدين 🥲
تتعلم علم شرعي
بصي نصيحه لأختي ركزي في حياتك وعلاقتك بربنا دي أهم شيء ودراستك متسلميش نفسك الأفكار الاحتياج العاطفي عشان متقعيش في فخ
انتى بنت صغيره متخليش حد يطمع فيكى ويستغلك
بصي مفيش حاجة اسمها ازاي ابقي جذابة وازاي الفت انتباه الناس . انتي اقعدي مع نفسك وفكري ايه مثلا التصرفات الغلط اللي ممكن تكوني بتعمليها تخلي الناس تبعد عنك وبعد كدة فكري ازاي تصلحي تصرفاتك بس لو انتي فكرتي ولقيتي انك مش بتعملي اي حاجة فخلاص اتعاملي علي طبيعتك واللي يستاهلك هيحبك ويكون عايز يصاحبك علشان شخصيتك فمش محتاجة تتغيري