منذ 2 أياميشعر بـ ضائع
هي دي مش مشكله اوى بس انا عايزه رأي الناس انا بنت في مدرسه لسه بدرس المهم ان المدرسه ال انا فيها المفروض مدرسه كويسه جدا بس دا مش صح هي مدرسه وحشه وفيها ناس وحشه بصراحه انا قادره اغيرها بس المشكله ان انا شايفه ان مستوايا اتحسن جدا فيها انا مش هنكر ان انا الفصل بتاعي مفيهوش حاجه وحشه من ال بعرفها في الفصول التانيه بس وجودي في بيئه اصلا فيها مشاكل زي دي مخلياني مضايقه بردو بصراحه يعني انا عندي فيها ناس بحبهم و مفيش مشكله خاصه حصلت معايا ف انا عايزه نصيحه امشي ولا افضل في المدرسه و مليش دعوه بالمشاكل التانيه مع معلومه ان مديره المدرسه ملهاش لازمه ومش بتاخد اي موقف في اي مشكله هي مش مشكله كبيره بس انا لازم احد القرار بسرعه
أنا لحد الأن مقتنعه ب فكرة إن البيئة الي حواليكي بتسحب، منكرش إني زمان روحت في سكة غلط علشان لقيت الي حواليا بيعملو الغلط ده بس من كتر ما كانوا بيعملوه قدامي، غصب عني لقيتني بشوف الحوار ده عادي، زي زمان مثلًا كلمة كلبة كانت بالنسبة لينا شتيمة صعبة جدددا بس دلوقتي عادي، ليه؟ من كتر ما بنقولها والي حوالينا بيقولوها، نصيحتي ليكِ أمشي
انتي في سنة كام
خليكي في المدرسه عشان كل مكان فيه الحلو والوحش مفيش مدرسه هتلاقيها خاليه من اللي بيدايقك بس انتي اللي ممكن تعملي لنفسك كده يعني خليكي مع نفسك خالص مش لازم تعملي صحاب ومتحتكيش بحد لا مدرس ولا طالب وبالفرض انك في ثانوي فا اكتر وقت لسه قدامك في المدرسه هو سنه اللي هي تانيه ده لو فرضنا انك في أولى عشان كده كده تالته مش بيحضرو فا خليكي في مدرستك احسن واهي مرحله ولازم تتعلمي تتأقلمي مع اللي حواليكي مش بأنك تبقي زيهم لا بانك تعرفي ازاي تتفاديهم عشان انتي بعد كده داخله جامعه واللي بتشوفيه عندك في المدرسه مهما كان هو ايه مش هييجي واحد في الميه من الجامعه او الكليه فا الصح انك تتأقلمي 🤍